مسااااء الخير نسايم .....بااارت موجع بحق يعطيج العافية على ما خطت اناملك

نوف مسكينه ماتدري وش يحاك لها من مصايب ... وقلب الام علمها بحدوث مكروه لابنها
الله يشفيه لها وانه يعدي مرحلة الخطر ويقوم من غيبوبته مع اني اتوقع انه لن يقوم منها الا بعد
رجوع امه وسماعه لصوتها << اتمنى الا يطول الانتظار

تركي وامه ما ينلامون من كرههم لنوف بعد كذب اخيها عليهم وهم مفجوعين بولدهم وما بعد نشف ترابه

سلوى واخوها الله ياخذهم اخذ عزيز مقتدر على سواياهم وافعالهم ... سلوى خانت الصداقة من اجل المال
وباعت صديقتها لاخوها ... ياترى شنو ناوي عليه مروان الله ياخذه ... ما اقول الا الله يستر على ديما ويفكها منهم

اقتباس :-   المشاركة الأصلية كتبت بواسطة نسايم نجد

ياهلا فيك والله يكفينا وياكم المواجع لكن هذي الروايه كلها مواجع بتفى الاحوال وتستقر ان شاء الله اختكم نسايم نحد

نسايم يا قلبي يكفينا ما نحن فيه من اوجاع الواقع ... اتمنى ان لا تطول بارتات الاوجاع ونرى بارتات فرح وسعادةواستقرار احوال ابطالنا

كم نحن في شوق للاحداث التالية من الروايه ... ودي

السلام عليكم و رحمة الله و بركاته

صباح الخير و الرضا من الرحمن

تسلم الأيادي يارب على هالبارتات إبداع يا نسومه

==================
(( نوف ))

مسكينه هالإنسانه من وين تلقاها من زوج تركها بوسط جرائم و ذنوب و تأنيب الضمير و لا أخو

كل همه نفسه و الفلوس و لا الناس اللي ظالمينها و لا الحرمان من عيالها للأسف أن نوف استسلمت

من أول و تالي حق كل الناس اللي ظلموها يمكن كانت صغيرة و ما تفهم و ما لقت من يوجهها بس بعد

هي كنها حبت الوضع و رضت فيه ما حاولت تتمرد على واقعها .أنا للحين مو مستوعبه هل نوف هي

اللي كانت حامل أو البنت هي الأمانه اللي استلمتها و إذا كانت البنت هي اللي الأمانه و نوف من الأصل

مو حامل و فهي تعتبر بعدها بالعدة و الزواج اتوقع انه باطل لان عدتها بعدها ما انفكت قلبي يعورني عليها

الله يهون عليها يا رب بس انا متأكدة أن عيالها مستحيل يصدقون فيها و راح يوقفون وياها بطريقة ما ...

===================
(( سالم ))

اللي يعينه هالولد الغيبوبة اللي دخل فيها ما هي الأ سبيل للهروب من الواقع اللي رافضه بداية من

موت ابوه و كمله خبر زواج امه وما راح يطلعه من هالغيبوبة إلا زوال كل هالمشاكل اللي تحيط

فيه اتوقع شوق بيكون لها دور كبير في استعادته للوعي ...

===================
(( ديما و منى ))

إحساسها بالنقص مصدره منى نفسها لانها و للأسف هي توصل هالفكرة لديما بتصرفاتها يعني هي

عارفه أن ديما ما تقبل منها أي شيء ليش مصره على اعطاءها شيء هي مو بحاجته ديما كل للي

تبيه و تحتاجه ام و بس .منى و تصرفها اتجاه ولدها و سالفة الشيخ الصراحه أنا يكسرون خاطري

هالناس اللي ينضحك عليهم بمشايخة و للأسف هم بعدين كل البعد عن هالشيء الواحد لو بيرقي نفسه

أظن ما في احد ما يعرف يقرأ قرأن لان أغلب المشايخة اللي يسون هالشيء يقرون جماعي و ينفث

عليهم وين القراءة بالله ..وليد و الحلم و احساسه انه بيموت هل هي مجرد تفكير طفل أو في أحد

يحشو برأسه هالأفكار ...

===================
(( مروان و سلوى ))

أرد و أقول مساكين و يا خسارتهم و الجزاء من جنس العمل بيجيهم يوم و يعرفون أن اللي يسووونه

أكبر غلط و خصوصا سلوى بتندم على اتباعها لأخوها ...

===================
بانتظارج بكل شوق يا قلبي ...