كاتب الموضوع :
نسايم نجد
المنتدى :
الارشيف
رد: يادنيتي يكفيني عذاب
نزلت البارت قبل الموعد الي قلته
الاخوات الي يسالون عن مواعيد البارت ( كل اربعاء مع اختلاف الاوقات )
مره بيكون فجر الاربعاء مثل اليوم وبعض الاحيان الظهر او العصر او بالليل لكن اليوم بيكون ثابت )
الرجاء عدم طمر السطوررر
البارت الثامن والثمانون
عند تركي
لحقهم وكانت الفاجعه وهو يشوفها تجلس قدام مع صديقه
اخذ جواله واتصل على صديقه بيموت اذا شكوكه حقيقه
صديقه له علاقة قوية بحبيبته يعرف صديقة مستحيل يدخل بعلاقات محرمه
عند ركان
طلع بخطوات سريعه ممسك بيد نوف المتفاجئة من حركته كان خايف من صديقه ركب السياره وجلست جنبه
نوف بصراخ / وش فيك سحبني وارك مثل الخبلة
ركان كاتم عصبيته / تدرين منهو الرجال الي جالس معه
نوف بجديه / منهوو ما نتبهت
ركان بعصبيه / زوجك تركي
نوف بحقد وقرف / لا تقول زوجك وبعدين واذا كان موجود وش علي منه
ركان بعصبية / اذا معليك منه انا علي منه وتهمني مشاعره
وطالعها بقهر / وينها عباتك ونقابك ليش طالعة لسوق بهالشكل تراك بالسسسسسسسعودية منتي بفرنسااا
نوف بقرف / من قال عندي عباة و نقاب
ركان بعصبيه / وليش ماعندك
نوف بقرف / لو تقطعني ياركان ماحطيت النقاب على وجهي ولا لبست العباة
ركان بسخريه / وليه ان شاء الله
نوف بحقد / لاني فرنسسسسسسسيه ومستحيل بيوم اختار غير فرنسا بلد
ركان بعصبية / انتي سعودي وعيالك سعودين غصب عنك وياليت تفسخين الجلد الي لابسته
صدت عنه لانها ما تعودت من ركان الا الحنان واول مره يصرخ عليهااا
انتبه ركان لزعلهاااااا وحس بتانيب ضمير لانه عصب عليه فهي ماتنلام ماشافت هنا الا القهر وطول عمرها عايشه بفرنسا ومعترتها بلدهااا
وبهدوء / وش مطلعك الصبح لسوق
التفتت عليه وهي زعلانه / اجهز لشوق
رفع حاجبة وبسخريه / ليش الهانم ماجت معك لسوق
نوف بابتسامه / رافضة تتجهز لو بطيعها جتك بالبجامه
ركان بقهر/ مستخسره فيني انها تكون عروس لي
نوف بجديه / انت عارف هالشي وراضي فيه ونصحتك وماسمعت وعليك تتقبل الوضع وانت ساكت
ركان بجديه / ليش بنتك مااخذت من طبايعك
نوف بحزن / تكون قوية احسن الضعيف بزمنا مداس
سمع صوت جواله شاف رقم تركي
ركان بطفش / وش بيفكني من تركي الي حرق جوالي والاكيد بيحرقني بسبتك
نوف ببرود / عساااااااه يحترق وش يخصني فيه
ركان طالعه وبجديه / بتفهميني انك ما تدرين انه عاشق ومتييم فيك
نوف بحقد / الي مثل تركي وناصر مالهم قلوب تحب
ركان بجديه / ناصر لكرهتيه ما تنلامين لكن تركي ليش كل هالحقد عليه
نوف بحزن وحقد / اذا واحد حاول ياخذ منك اعز ماتملكة وحاربك بااغلى من تحبهم لو الموت ينشرب اكيد شربته له
صديقك اشوفه احقر رجال بالعالم
ركان رحم صديقه وبجديه / تركي ضحية اخوه زرع كرهك بقلبه وبقلب اهله
نوف بخنقه / انا ضحية زمن وناااااااااس قلت اذا مات ناصر برتاح ورجع لي ناصر جديد وصدقني اذا درى اني زوجة اخوه بشوف منه العذاب الوان واشكال
ركان بجديه / الي يعشق مثل تركي مستحيل يعذب الي يحبهااا تركي ماذاق الحب الا معك
نوف طفشت من هالسيره / يرحم ابوك بقبره صك على هالموضوع
قلبه محروق على صديقه الي يحب ويعشق وبالمقابل كره وحقد
مو من صالحه يعرف ان ان الي يعشقهااا نفسها من يكره
تنهد وبجديه / الله يعينك ياتركي على مابلاك
نوف بحقد / صديقك شيطان بشكل انسان فما يحتاج تدعي له
ركان بضيقه وقهر / انتي وبنتك ماتقدرون الي يحبكم ومستحيل بتلقون من يحبكم كثرناااا
وقف عند بيتهاااا / يله انزلي ولا عاد اشوفك بسوق لحالك وخافي ربك ولبسي عباتك
وبابتسامه / مانبي ضحايا غير تركي
فتحت الباب ونزلت واخذت الاكياس
لما شافها دخلت حرك سيارته راجع لشغلة
عند نايف
كان يسوق وتفكيره فيهااااا كاره ينتهي دوره بحياتهاااا
جته فكرة مجنونه خايف من عواقبهاااا لكن شي بداخله يشجعه على هالفكرة
غير طريقه لمستشفى اهلي بعد ربع ساعه طلع وبيده ورقه دفع فيهاا مبلغ وقدره علشان تطلع بهالسرعه
متاكد من رفض صديقه وخايف يفهم تصرفه غلط
دخل المدرسه ووقع على حظوره ودخل لحصته وبعدها استاذن من المدير
عند عبدالله
كان بغرفتها ينتظرهم يخلصون فحوصات بعد اكثر من ساعه دخلت مثل ماطلعت بسرير
وقف بلهفة سئل الممرضه / طلعت النتيجه
الممرضه وهي تساعد ديما لنقلها لسرير التنويم / اذا طلعت النتيجه الدكتور بيمركم
و طلعت
التفت على ديما الهادية / شلونك الحين
ديما بهدوء تجهل سببه / الحمدلله جدتي وينهااا
تذكر انه ماقال لامه عن ديماا / شلون نسيت ابشرهااا فيك
ديما بهدوء / كلمهااا ابي اشوفهاا
مستغرب هدوئهااا بستغراب / اعطوك ابره مهدئة
ديما بابتسامه حزينه / لا ربي نزل راحة على قلبي
عبدالله بجديه / والنعم بالله
ديماا ودموعهاا تنزل عكس هدوئهاا / اعترف اني انتهيت و تدمرت لكن ربي عالم انه بدون رضاي ومتاكده ان ربي بياخذ حقي منهم
قرب منها وهو خايف تصرخ عليه مثل عادتهاا لكنه ماهتم وحضنهاااا وهي استسلمت له بهدوء خايف من هدوئهااا اوجعه قلبه على شهقاتها الموجه الي من اعماق روحهااا
عبدالله بحنان / خلاص ياروح خالك الي خلقك مراح ينساك وكلنا معك
رفعت نفسها من حضنه وبشهقات موجعه / حرقتي من خالي كبيررررره والله كبيره
عبدالله بحرقه / بكلم امي بتنجن على موتك
رفع جواله واتصل على امه لكن مافي رد اضطر يتصل على جوال خالته
عند ام صقر
بغرفتها تنتحب على ديما وعلى ولدهااا دق جوال ام مرام شافت المتصل عبدالله ردت
ام مرام بصوت باكي / اهلين عبدالله
عبدالله بعجلة / خاله عطيني امي
ام مرام بصوت باكي / امك من تركتها للحين وهي ذابحه نفسها بكي
عبدالله بهدوء / خليها تلبس عباتهاا بجي اخذهاا
ام مرام بصدمه / و بتاخذها وهذي حالها
عبدالله بهدوء / باخذهاا للمستشفى يعطونهاا علاج يخفف عنهااا
ام مرام مشى عليها كلام عبدالله / اخاف ماطيع تعرف امك ماتحب المستشفيات
عبدالله / جايكم بالطريق
انهت الاتصال وطالعت باختها / عبدالله بياخذك المستشفى
ام صقر بنحيب / مالي بالمستشفيات حاجه
ام مرام بصوت باكي / عبدالله جاي وتفاهمي معه
عند عبدالله
التفت لديما / بروح اجيب امي خليك قدامهاا قويه ترى صقر كسرهااا
هزت راسه بالموافقه
قبل لا يطلع سئل عن غرفة الدكتور طق الباب ودخل شاف الدكتور منشغل باوراق قدامه / السلام
الدكتور / وعليكم السلام كنت بمرك
جلس عبدالله قدامه / وش صار على الفحوصات
الدكتور / كل شي طلع سليم والظلعين مع الوقت بتنجبر كنت شاك ان يدها مكسوره لكن بالاشاعه طلع مافي كسر
عبدالله براحة / الحمد لله
الدكتور بعتاب / وياليت الي صار ماينعاااد
عبدالله / وعدتك انه ماينعاد ابيك بخدمه
الدكتور / عساه خير
عبدالله بابتسامه / خير ان شاء الله بنسوي تحليل زواج
الدكتور / شلون بتسوي وانت مالك ليكون بتاخذ ثانيه
عبدالله / لا التحليل لبنت اختي
الدكتور / عبدالله ليكون الي فيها بتغصبونه على الزواج
عبدالله / الضرب موضوع ثاني والبنت موافقه برضاه
الدكتور / اتمنى هالشي والحين بخلي الممرضة تسحب منها عينة دم وبعد سبوع النتيجه
عبدالله / اسبوع كثير ابيه باسرع وقت
الدكتور / لعيونك بعد بعد اربع ساعات
وقف / مشكوررررررر وجعلني اردها لك بالافراح
طلع من المستشفى بعد نص ساعه دخل على امه شافها جالسه وخالته تحاول تواسيهاا كان شكلهااا يذيب الحجر
قرب من امه / يمه تعالي معي المستشفى
ام صقر بنحيب / الي فيني مايعالجه دكاترت العالم
عبدالله وعيونه على خالته / خاله هاتي لها شي تشربه
ام مرام فهمت انه يصرفهااا ويبي يقول لامه كلام مايبيها تسمعه وقفت وطلعت
بعد دقائق لماتاكد ان خالته طلعت قرب وبحنان / يمه قوي قلبك ترى لك عندي بشاره
ام صقر زاد نحيبهااا
عبدالله بابتسامه / ديما تنتظرك لا طولين عليهاااا
ام صقر بنحيب وشهقات / عبدالله ليكون صايب عقلك شي والله موتها وذبحتهااا فجعتنااا
عبدالله بحنان / صقر ماذبح ديما والحين بالمستشفى قلت لها بجيبك عندهااا
وقفت بصدمه / بنتي حية لا تلعب على امك علشان تاخذها للمستشفى
عبدالله وقفهااا / بتشوفينها لطعتيني ولبستي عباتك
استسلمت له صار يلبسها عباتها ونقابها طلعت وهي مكذبه انها تشوف ديماا بعد مابكتها ميته
ركبت السياره جنب ولدها وطول الطريق الجو هادي يتخلله صوت شهقات ام صقر
وصلو للمستشفى وقبل لا ينزل / يمة تكفيين لا تشوفك بهالشكل ما صدقت اشوفها هادية بعد سوات صقر فيها ضنيتها تستخف
ام صقر بنحيب وروعه / وش سوى فيها صقر
عبدالله بحرقه / ضربهااا ورماها بمكان يخافة الرجال شلون بديمااا ربي رحمهااا انه ارسل لها نايف
ام صقر بنحيب وحرقه موجعه / صقر معاد هو ولدي واذا تبيي زعلي جيب سيرته قدامي
سكت عبدالله رافض غضب امه على صقر لكن اذا زانت الامور اكيد صقر بيراضيها يعرف قلب اخوه مايرتاح وهو يشك ان امه زعلانه عليه شلون وهو متاكد من غضبهااا عليه
فتحت ام صقر الباب ونزلت وهو نزل من بابه
قبل لا يدخلون على ديماااا اخذ كاس ماء
غصب امه تشربه شربته وهي مستعجله تبي تشوف ديماا
عبدالله برجاء / يمه لا حد يدري ان ديما حية اخاف صقر يكرر سواته فيها
ام صقر بصوت باقي محروق / صقر مايقدر يقربها وانا عايشه
عبدالله باصرار / الحذر واجب
ام صقر بلهفة / خلني اشوفها ولكل حادث حديث
دخلت وشافت ديما منسدحه رفعت ديما راسهااا
اول ماشفتها ام صقر وتاكدت انها ديما ركضت لها وغصب صارت تبيكي بشهقااات موجعه رجعت الاموات مستحيله والحين بنتها رجعت لهااا
ديما اوجعها نحيب جدتهاا بحرقه / يمه هذاني قدامك مافيني الا العافية
ام صقر صارت تتحسس بنتها وبشهقات / وش يوجعك يمه صقر وش سو فيك
ديما بشهقات / يمه صقر موجوع بسبتي والله انه مقهور اكثر مني على كثر قهره ماطاعه قلبه يذبحني
ام صقر بحرقه / صقر غضبانه عليه ولي سواء سواته ماهو ولدي
ديما اخذت يد امها تبوسها / يمه ارجاك لا تغضبين على صقر وانتي تعرفين انه يموت لو درى انك زعلانه عليه يمه لا تذبحين صقر بغضبك
ام صقر بصوت باكي / على كل الي سواه فيك وماتبيني اغضب عليه
ديما بصوت باكي / الي صار بيني وبين صقر واحنا نصطفل في بعض انتم مالكم شغل
ام صقر بصوت باكي / شلون مالنا شغل وهو كان بيذبحك
ديما بصوت باكي / كان بيذبحني هذاني بشحمي ولحمي قدامك تكفين يمه ارضي عليه
ام صقر باصرار / قلبي شايل عليه كثير اذا رد ولدي سامحته مادامه مصر وفرحان بفعلته ماهو ولدي ولا حد يكلمني بهالموضوع
عبدالله برجاء / يمه مثل ماوصيتك لاحد يدري بديما حتى خالتي اخاف صقر يدري
ام صقر بعصبية / مدام بنتي رجعت لي معاد يهمني اذا درى صقر ولا مدرى لاني بكون عندها وياويله اذا قرب منهاااا
عبدالله باصرار / انتي بترجعين لبيتك وديما معي بالحفظ والصون
ام صقر بعصبيه / منت بمانعني عن بنتي
عبدالله بحرقه / وبنتك الثانية بحاجتك
ام صقر تذكرت بنتهااا وبصدمه / حسبي على بليسك ياصقر نسيتني بنتي الحين وش بتقول صديقتها رمو بنتهم علي
عبد الله بصدمه / منى عند صديقتها من متى
ام صقر بحرقة / لهاااااا سبوع ويمكن اكثرررر
عبدالله بقهر / شلون تجلس كل هالوقت عند صديقتها الناس بتقول مالها اهل
ام صقر بحرقه / الي صار نساني نفسي والي حولي
عبد الله باحراج / وش بيقول عنا زوج خويتهاا وختنا حاكرتهم
ام صقر بجديه / صديقتها وحدانيه ماعندها احد واخوها ساكن بعيد عنهم
عبدالله بضيقه / حتى ولو منى مريضة ويبي لها اهتمام ومداره وماحد بيتحملها كثرك
ام صقر بضيقه / جوالي مدري وينه اتصل على جوال اختك واخذ منها وصف بيتهم واخذها
عبدالله باصرار / انت بتروحين عندها وبتاخذين منى لبيتك وبتجلسين عندهااا
كانت امه بترد عليه لكن قطع عليهم طق الباب طالعت ام صقر ولدها باستغراب / من
وقف عبد الله / محد يدري بديما غيرك يمكن احد غلطان
فتح الباب شاف صديقة واقف بعيد عن الباب مايبي يكشف داخل الغرفه قرب منه
عبدالله بستغراب / نايف مامداك تروح
نايف بابتسامة احراج/ لي ساعه طالع خلصت فيها اشغالي
عبدالله بجديه / كان رحت للبيت ترتاح شكلك من البارح مانمت وانا برجع مع امي
نايف بارتباك / عبد الله انت قلت لي الله يقدرني وارد لك معروفك وابيك ترد هالمعروف الحين
عبدالله برجوله / ابشر بالي تبيه
نايف مد الورقه لعبدالله / هذي ورقة فحص الزواج توني مطلعه
عبدالله بصدمه / فحص زواج لك
نايف برتباك / ناد امك ابي اكلمهااا
عبدالله بصدمه اكبر من الاولى / وش تبي فيهاااا
نايف ما يملك الجرائة لكن بيحاول علشان يصير الي في باله / نادها وبتفهم
دخل عند امه وبستغراب / يمه نايف صديقي يبي يكلمك
وقفت ام صقر بصوت مبحوح / زين ربي جابه علشان اشكره
طلعت ام صقر مع ولدها شافت نايف منزل راسه / شلونك يمه والله انك ماقصرت جعل عمرك طويل
نايف باحراج وربكه وخوف بلع ريقه / خالتي سبق وخطبت بنتك ورفضتوني
ام صقر بصدمه / والله لو الشور بيدي والله ما تاخذ غيرك
نايف برجاء / الحين الشور بيدك وجاي اخطب بنتك
ام صقر بصدمه / يمك البنت معاد تصلح لزواج واكيد فهمت السالفه
نايف باصرار / كل الي صار لها فاهمه وابيهااا
ام صقر تشوفه المنقذ لبنتهاا لان ديماا بعد الي صار مستحيل احد بيخطبها والي قدامها عارف مصيبتها وراضي فيها ومصر يتزوجهااا
ام صقر بهدوء / مبروك يولدي وهي باذن لله لك بس اصبر عليها كم يوم لين ترد صحتهااا
نايف باصرار / سويت الفحص ومدمهاا بالمستشفى تسوي الفحص وبنملك على طول
عبدالله بضيقة / نايف مثل ماديما بنت اختي وغاليه علي انت صديقى وغالي علي مستحيل ارضى ترمي نفسك بهالزواجه ديما ما تصلح لك
طالع بصديقه وبعصبية / انت ليش بتقفلها امك وافقت واذا هي وافقت بنملك وبتنتقل معي لشقة مفروشة وهذا حل مؤقت
عبدالله بينه وبين نفسه يشوف صديقه حل انه يبعدها عن خطر صقر
عبدالله بضيقه / اذا وفقت ماني بقايل شي لكن اذا رفضت بكون معهااا
التفت نايف لام صقر وبرجاااء / تكفين خالتي اقنعيهااا والله ابيهاااا لانها تربيتك ومتاكد انها تخاف ربي والاكيد اني مصدق انها مظلومه
ام صقر بجديه / البنت موافقه روح اخطبها من ابوهااااا
نايف رد ام صقر طمنه / الليلة بخطبهاا وبكره نملك
دخلت ام صقر وتركت وراها ولدها ونايف
عبدالله بصدمه / فاجئتني بهالخطبة
نايف باصرار / ابيها والله ابيهااا والي صار ماغيرها بعيني يمكن زاد تعلقي فيهااا
عبدالله بهدوء / الله يكتب لكم الصالح
نايف بغصة / ابيك تروح معي لابوها منحرج اروح لحالي لا خو ولا ابو
عبدالله حس على صديقه / ان شاء الله
عند ام صقر
دخلت عند بنتهااا وجلست على الكرسي واخذت يد بنتها / طالبتك يابنتي ماتقول لا بالي بطلبة منك
ديما بتعب / عيوني لك
ام صقر وعيونها على ديما / جاك خاطب تكفين لا تردينه
ديما بابتسامه سخرية / اكيد صديق عبدالله
ام صقر بصدمه / شلون عرفتي
ديما بحرقه وقهر ووجع مدمر لروحهااا / مايبي لها تفكير الرجال شاف صقر يضرب فيني وعرف بالسالفه وعلشان عبدالله قال اتزوجهااا واسترها من الفضيحه
ام صقر بجديه / الرجال شفت بعيونه الاصرار بالزواج وهو قال ابيها من زمان والي صار يدري انه بدون رضاك
يابنتي وافقي وريحي قلبي عليك
ديما بحرقة ووجع / بترمون بلاي على الرجال انا خلاص معاد اصلح لزواج لا منه ولا من غيره
ام صقر بكت بانهيار ديما خافت يصير لجدتها شي بسبتهاااا
ام صقر ببكاء ونحيب ورجاء / اترجاااااااك يمه توافقين واذا ماجاز لك الولد كلن يروح بطريقه
ديما بحرقه / كيفكم الي تبونه سووه ولا انا مابيه ولا ابي غيره
وقفت ام صقر وباستها على جبينهااا / الله يفرح قلبك كثر مافرحتي قلب امك الموجوع
خليني اطلع لرجال ابشره مستعجل يبي يملك
ديما بقهر ووجع / الزوج بيوم الملكه بدون لحفله ولا شي وبجيه مثل ما تشوفيني
ماحبت تجادل بنتها ما تبيها ترفض وهي ماصدقت انها توافق
طلعت شافت نايف يسولف مع عبدالله قربت منه
ام صقر براحه / مبروك يمه
نايف فرح / الله يبارك فيك
عبدالله بصدمه / ديماا وافقت
ام صقر دخلت وتركتهم
نايف بابتسامه / شكلك تدعي انها ما توافق يله تعال نخطبها من ابوهااا
عبدالله بصدمه / احد يخطب الساعه 10 الصبح
نايف باصرار ورجاء / كلمه وقوله الموضوع
عند ساره
جالسه بمكتبها وقلبها منفطر على المجرم الي متاكده انه بمكتبه ومقفل عليه ومتاكده اكثر انه له فتره ماكل شي وجهه واضح عليه الشحوب
ساره بقهر من نفسهاا / وبعدين معي وهالقلب الخايس وش لي فيه عساة يموت من الجوع
بدون احساس منها اتصلت على سواقها وطلبت منه يجيب فطوررررر وعصيرات
تنهدت / ياليت لي قلب مثل قلبك ياشوق قلبي سبب عذابي
بعد ساعه سمعت الباب يدق لبست نقابها شافت الموظف المسئول عن القهوة والشاهي يدخل باكياس الفطور
ساره بجديه / لو سمحت هات لي صينية
دقائق رجع لها ومعه صينيه وزعت الفطور بشكل مرتب
شالت الصينيه وطلعت من مكتبها لمكتب صقررر طقت الباب بطريقه مزعجه تخلي النايم يصحى والي ما يبي يفتح اجباري يفتح
حطت الصحن وادخلت بالحمام المقابل لمكتبه
ساره بحنان / يارب يفتح وياكل بيموت من الجوع
عند صقر
صحى متروع من طق الباب وقف وهو متحلف بالي يطق الباب
فتح الباب شاف صينية الاكل تلفت يمين ويسار ما شاف احد
متاكد ان هالاكل من مطعم لان المركز كل الي عندهم سندويشات
متاكد ان صديقه الي حاط الفطور قدام مكتبه
من درى عن ديما مادخل شي جوفه
سحب الصنيه ودخلها وقفل الباب
والفطور فتح له شهيته وبدا ياكل
عند ساره
ارتاحت وهي تشوفه ياخذ الصنية طلعت
قلبهاا الحنون الي يسيرهااا على سواته فيهااا راحمته
تنقهر من نفسهااا ومن طيبتهاااااااا الزايده الي متاكده بهالمجتمع ماتنفع
رجعت لمكتبها وتصلت بخالها الي قال انه ارسل اوراق القضية لهااا فرحت كثيرررر
وصلها الملف وبعده اتصلت على خالها / خالي عادي استدعيهم الحين
خالها بمزح / خالك في البيت الحين مديرك وتناديني ابوعماد
ساره بابتسامه / خالي رضيت ولا بكيفك مستحيل اناديك ابو عماااد
خالهاا / جنية يابنت موضي ما ينقدر عليك
ساره باصرار / ما جاوبتني اقدر ابدا معهم تحقيق
خالها / الاستعجال مو زين في مثل هالقضايا لازم تفتحين الملف وتطلعين على كل صغيره وكبيره علشان لا ستدعيتيهم تعرفين وش تقولين انتي بشرطه مو سوالف حريم وخربطتهم
ساره بغرور / بتشوف وش بتسوي سوالف الحريم بطلع الحقيقه من عيونهم
خالهااا / الي بالقدر بيطلعه الملاس وبنشوف وش وراك
سارة بجديه / بقرا الملف وبعده بناديهم واذا احتجتك بتصل عليك لا اطنش تراها اول قضية امسكهاااا
خالها / الله يقويك وجعل يتحقق فيها مرادك
ساره / امييييييين
قفلت من خالها وقرت محدثات القضية بدون لا تنتبه للاسماء
المشكله الملف مافيه أي شي يثبت انهم كان وراء قضية ديما
الي مكتوب انهم انصادو مع واحد وهو مع وحده بوضع مخل
ساره بحرقة / اكيد المقصود بالوحده ديما واذا على المكتوب بيطلعن مافي أي شي يدينهم حسبببببببي الله عليهم لكن وين بيروحن مني غصب طيب بيعترفون
ياليت عندي عصاتك ياشوق اشوطهم فيهم واكيد بيعترفن
( العصا الكهربائية هي عصاة شوق )
تركت الملف قدامهاا مفتوح وسندت ظهرها على الكرسي ونزلت دمعهاا وجع على صديقتهااااا
وقفت وصارت تمشي بعشوائيية تهدي من توترها وضيقتهاااا بعد ماحست انها ارتاحت
رجعت لمكتبهاا واتصلت على مسئولة القسم النسائي وطلبت منهاا
لكنها ماعرفت الاسم نزلت عيونها بالملف / هاتي سلوى ال ....... وصديقتهااا
عند سلوى
كانت بالسجن ومن دخلته وهي تبكي مهما كابرت تدري انها مذنبة وذنبهاا عظيم
تهاني بطفش / ليش ما تعطينهم رقم عمي يمكن يقدر يطلعنااا
سلوى بصوت باكي / لو اموت واعفن بهالسجن ماعطيتهم رقم ابوي
تهاني بسخرية / وان شاء الله تنتظرين مروان يطلعنا ياليته يقدر يطلع نفسة
سلوى بصوت باكي / ابوي لو يدري اني مسجونه ويعرف جريمتي اكيد بيطب ساكت
تهاني ببرود / مدامك خايفه على عمي وخالتي ليش مافكرتي قبل لا يضيعك مروان
سلوى بعصبية / اسكتيييييييييي مابي اسمع صوتك
دخلت عليهم مسئولة السجن وناظرتهم / تعالو معي
التفتت سلوى لتهاني / وش يبون فينا
تهاني وقفت / اكيد بيحققون معنا من جينا وهذا مكانا
وقفت سلوى وهي مرعوبة من سالفة التحقيق
ماصحت من افكارها الا وهي وسط المكتب وقدامهااا بنت بعمرهم بعباتهاااا لكن نقابهاا منزلته على المكتب
عند ساره
تنتظرهم على نار بتشوف الي غدرت بديما تخاف تفلت اعصابهااا وتعاقبها قبل لا تبدا بتحقيق معهااااا
سمعت صوت الباب شافت بنت دبدوبة والثانية طويلة ونحيفه
طالعتهم بنظرات حقد لو تحرق كان حرقتهم
ساره بهدوء عكس النار الي بداخلهاا / من فيكم سلوى
سمعت البنت المتينه / انا سلوى
نزلت نظرها للملف بتنطق الا سم الثانية لكنهااا انفجعت ونصعقت من الاسم
ساره رجعت تناظر بالملف وتناظر بتهاني وبصوت مرتجف / انتي اسمك تهاني ناصر الضامي
تهاني من رجفتهاا تاكد انها تعرف اهلهاا وهذا برد على قلبها
وبهدوء / ايه
ساره بتتاكد / ابوك ناصر الضامي
تهاني / ايه
لا ارادي اخذت جوالها وهي مازالت مفجوعه واتصلت على شوق
عند شوق
كانت بسريرهاا تستعد لنوم سمعت صوت جوالها رفعته شافت رقم عمتهااا بصوت تعبان / اهلين ساره
ساره وعيونهاا على تهاني / تعالي بسرعه
شوق بعصبية / ما قلتي ماتبين احد يساعدك بالقضيه وقضية صديقتك مسئوليتك بعدين خافي ربك فيني لي يومين مانمت
ساره بصدمه / فيه شي دخل بالنص ماينتصدق وبيفجعك
وقفت شوق بخوف / الله يكفينا شر فجعاتك
سارة بعصبية / اخلصي علي وتعالي لو بلبس النوم الشي مايتاجل
انهت اتصالها من عمتها وبتعب دخلت الحمام اخذت شور سريع ولبست وطلعت ركبت السياره بعد نص ساعة وقفت السياره مقابل شغلهااا
فتحت باب المكتب بدفاشة بدون لا تنتبه للواقفات وبعصبية / وش هالشي الي مطيرتني علشانه
الكل فز من فتحت الباب
ساره بعصبية / يالمجنونه فيه احد يفتح الباب بهالطريقه
شوق جلست على مكتبها ونزلت نقابهااا
وبطفش / وش المصيبة الي عندك
ساره وقفت ومدت الملف متجاهلة الواقفات
حطت ساره اصبعها على اسم تهاني نزلت شوق عيونها على الاسم وانفجعت ورجعت بصدمه اطالع بساره / وش هذا عمه
ساره بقهررر / تدرين انها مشاركه صديقة ديما بالجريمه
بققت شوق عيونها بصدمه وطالعتهم وهي تجهل من فيهم تهاني
ساره حلت حيرتها وهي تاشر على تهاني / هذي هي تهاني ناصر الضامي
تاملتهاااااا شوق وداخلهاا مكذب تكون المجرمه الي قدامهااا اختهااا / انتي كم عمرك
تهاني / 24
شوق بعصبية / تدرين من احناااا
تهاني طالعتهااا ومستغربه من شكلهاا الاجنبي
شوق بصراخ عالي / انا بنت ناصر وهذيك اخته
تهاني زادت صدمتها انهاا بين عمتهاا واختهاا ومستغربه ان الشقرا اختهااا واضح ان ابوها متزوج اجنبيه مدامه بفرنساا
تهاني بقوة / وانا بنتة
قربت منها بكل جنون عطتهاااااا كف لف وجها لف / تخسييييييييين يالمجرمه تكونين بنت ناصر وتكونين اختي
تهاني طالعتهاا بحقد وقهر وبقوة / تحسبيني اتشرف اني بنت ناصر الي حذف بنته مايدري شبعانه ولا جوعانه والي انا فيه بسبت ابوك وعايلتك الي مافكرو يدورون علي وينقذوني من الفقر الي خلاني مجرمه
شوق بنهيار وبصررررررررراخ / كذاااااااااااااااابه وبتتحاسبين على كذبتك
تهاني فرحانه ان الي خططت تشوفه قدامها زاد حقدها على اختهاا وهي تشوف واضح عليها الغنى
بحقد / اسئلي عمك تركي شاف الاوراق الي تثبت اني بنت ناصر وبدال لا يضمني لعايلتكم الشريفه طرني من حياتكم
شافت الثقة بعيونها معقولة تكون صدق اختهاا وعمها يدري و رافضهاا
اخذت جواله وهي ماتشوف من العصبية والقهرررر
عند تركي
حالته النفسيه دماااااااااااااار بعد ما شاف حبيبته مع صديقة وركان مطنش اتصالة وبدت الشكوك والظنون تلعب براسه وتوجع قلبه
سمع صوت جواله ضنه صديقه وبلهفة رد قبل لا يطالع الاسم / الو
شوق بعصبية / عمي تعاااااال لشرطة
تركي بعصبية / خير وش بلاك معصبة
شوق بعصبية / الي عندي شرررر ومصيبه
تركي بتعب وارهاق / شوق ماني برايق لك قولي الي عندك ولا قفلي
شوق بعصبية / بتجييييي ياعمي لان بسبايبك انت وابوي عايلة الضامي بتنداس وبتصير على كل لسان
تركي كله ولا عائلة الضامي يصيبها شي / ربع ساعه وانا عندك
عند شوق
طالعت بسارة ورجعت اطالع بسلوى / خلي هالعلة اطس لسجن لين نتفاهم مع هذي
كلمت الشرطيه الي اخذت سلوى الي تنتفض مثل الورقه بيدهاااا خافت من البنت الشقرا شكلهااا قوية وماترحم
وخايفه على تهاني الي بيكون عقابهااا مضاعف
عند تركي
نزل من سيارته وبصدفة قابل ركان عند الباب
ركان اخر شي كان يتمنااه وجود صديقه وتركي وجود ركان بيفك حيرته
مسكه من كتفه / ممكن تفهمني وش معنى الي صار قدامي و ليش مطنش اتصالي
التفت له ركان متفاجئ من وجوده / جاي لشغلي علشانهااا
تركي بعشق / وطلع لشمس علشانهااا لا تتهرب وش علاقتك فيهااا
ركان بهدوء / تطمن هي محرمه علي والي في بالك حرام يصير
تركي بصدمه / شلون محرمه عليك
ركان مشى ومعه تركي / اقلبهاا بمخك المقفل وبتكشف من تكون
تركي بيتكلم قاطعه ركان باصرار / اكثر من الي سمعته ماني بقايل
تركي ارتاح مع ان جواب صديقه زرع الحيره بنفسه يعرف ركان ماله خوات وخالاته وعماته عجايزز
تركي بتفكير / يمكن تكون اخته بالرضاعه
اهم شي انهاا محرمه عليه والي تخيلته ماصار ولا راح يصيررر
عند شوق
عيونها على اختهااا / بيجي عمي ويثبت كذبك
تهاني ببرود / و بيثبت اني بنت اخوه واذا انكرتوني اثبت نسبي بالتحليل الوراثي
رجعت لها بكف ثاني وبقسوة / الضامي ما تلوين ذراهم يروحون مثل المجرمين اشكالك يسون هالتحليل الخايس
ساره وقفت بينهم و بعصبية / ما ناديتك علشان تضربين فيهااا وهي صادقة شلون بتثبت نسبها لنا الا بالتحليل
شوق بصراخ مجنون / وانتي مصدقه انهااا
اختي واشرت على تهاااني / مسسسستحيل تكون اختي
دخل تركي بهيبته التفتت تهاني للباب شافت رجال مدمر كله هيبه ورزه وفوقه جمال
لحقته بنظراتهااا لين شافته يوقف قدام اختهااا
تركي بعصبية / وش الي بيضيع عائلة الضامي
شوق بعصبيه / طالع وراك
ناظر تهاني وبعده صد عنها وبعصبيه / جايبتني من اشغالي علشان اناظر في بنات الناس
شوق بعصبيه / تدري وش تهمتهاااا
تركي بعصبية / وش علي منها ومن تهمتهاااا
شوق بقهرر / انا بقولك الي قدامك مجرمه راعيت سوالف بطاليه تخدر بنات الناس وتسلمهم لرجال واكيد بثمن
تقرف من كلام بنت اخوه / واذا مثل ماتقولين السجن مكانهاااا مو تجيبيني وتخوفيني علشان تقولين لي سوالفها البطاليه
شوق بحرقه وعصبيه / لانهاااا تكون اختي وبنت اخوك ناصر وانت تدري بهالموضوع وساكت
التفت لتهاني ورجع يطالع بشوق / وانتي خبله تصدقين كل واحده تقول انها من عايلة الضامي مستحيل يطلع منا هالاشكال
تهاني بعصبيه وحقد / بيناااااااا الطب وغصب عنك وعن اهلك بتعترفون فيني
كلامهاا طلعععععع جنونه قرب منها ونزل عقالة وصار يضرب فيهاا بقسوة
/ تخسيييييييين تسحبينا نسوي هالتحليل والله لخليك تندمين على قدر شعر راسك يالوسخة
ساره ركضت لاخوهااااا وصارت تسحبه / تررررررركي ذبحت البنت كل شي عندكم بالضرب
من حقهاااااااا تنتسب لا هل وعايلة ولا انتم الي مفتخرين بعايلتكم ترانا كلنا عيال تسعه
تركي بعصبية وصراخ / والله لذبحهااا هالصايعه بتتبلانا بنسبهااا الوسخ
تهاني حست بقهر العالم وهي بين يدينه يضربهااا
وبحقد / نسبكم الخايس ودمكم وسخ يالي ترمون لحمكم لغيركم يربونه
جننننننننننته بكلامهاااا صار مايشوف من عصبيته سحبهاا بشعر بقسوة
/ بعلمك دمنا الخايس وش بيسوي فيك
ساره برجاء / تركي وين ماخذهااااا البنت بشرطة مو في بيت ابوك تسحبها على كيفك
تركي بكل عصبيه / انقلعي عني لحطك فوقهاااا
تبيني اخليهاااا عندكم وتفضحناااا سجنهاااااا وتعذيبهااااا علي والله لخليهاا تتمنى السجن عن عذابي وناري
طلع فيهااااا وحقدها عليه كبيرررر وعلى هالعايلة اكبرررر
وصل لسيارته وبعصبية وقرف رماها بالسياره وقفل الباب بالمفتاح
وساق بسرعه جنونيه بيكمل الي بداه
عند شوق
صرخت ساره بوجهااا / اعجبك شبيتي نار من بيطفيهاااا عمك بيذبح اختك
مايكفيهاا قسوة الزمن عليهاااا الله ياخذ هالغرور الي يخليناااا نجرم بلحمنااا ودمنااااااااا
شوق جلست بهدوء بدون ما ترد على عمتهااااا
قربت سارة وصارت تضرب على مكتب شوق بقوة
وبعصبية / لصار فيها شي ذنبها برقبتك ورقبة ابوك قبلك
شوق ببرود / انتي مصدقه انهااا اختي
سارة بعصبية / مدامكم منتم بمصديقين ليش ما تخلونهااا تسوي التحليل ياتصير اختك او ما تصيررر
وقفت شوق ببرود / راجعه البيت
ساره بحرقه / الحقي عمك وحمي اختك منه
شوق تلبس نقابها وبعصبيه / لا تقووووولين اختك
ناصر ماعنده الا اربع بنات من امي
طلعت تاركه وراها ساره تغلي قهر وحزن على تهاني الي طاحت بيد تركي ومتاكده تركي قلبه حجر
عند شوق
وصلت البيت شافت امها وحوليها الاكياس قربت منها
وبابتسامه / الي يشوفك كل يوم طالعه لسوق يقول انتي العروس
نوف بعصبيه / ترى زواجك مابقى عليه الا 5 ايام واشوفك مو مهتمه
جلست شوق / وش تبيني اسوي البركه فيك وفي خالتي ما خليتو شي بسوق الا شريتوه ومصدقين بالبس له
نوف بحنان / شوق انتي عروس خلي كرهك لركان وافرحي مثل العرايس
شوق بحقد / ان شاء الهت يصيبه بلا ويلغى الزواج
نوف بعصبية / بسم الله عليه ربي يحفظه
شوق بجديه / يمه شفتي صديقة ديما معها وحده مشاركتهااااا بجريمتهااا
شوق بقهر وحقد / حسبي الله عليهم عسا الله ينتقم منهم
شوق وعيونها على امهااا / بالتحقيق اكتشفنا اسمها مطابق لاسم عايلتنا
تقول انها اختي ومصره انهااا اختي
نوف بتاكد / صادقه
شوق بققت عيونها / يمه انتي تدرين بوجودهااا
نوف بحقد / دريت عنها قريب وبمكتب عمك الي ماحترم خالها الشايب وطرده طردت كلب
شوق بجدية / عمي سحبها من الشرطه ناوي يذبحهااا لانها قالت بتسوي التحليل
نوف انقهرت على تهاني وحزنت على مصيره / انتم عايلة بلا قلب اهم ماعليكم انفسكم وغيركم بحريقه
شوق بجديه / اكيد يكذبون على عمي ويبون يبتزونه
نوف بتاكيد / بعيني شفت اوراقها الثبوتيه انولدت قبل زواجي من ابوك بسنة وكانت الولاده بالجنوب
شوق بقهر وضيقه / ليش ماقلتي لي
نوف بحرقه / لانك نسخة عمك وبتسوين سواته بتطردينهااا وتتهمينها بتهم ماهي فيهااا
شوق بجديه / البنت مجرمه
نوف بحرقه / ماسالتي ليش مجرمه الفقر يابنتي يغصب الواحد يسوي شغلات رافضهاااا
شوق بضيقة / عمي بيذبحهاااا
نوف بقهر وحقد / انتم الي مايعجبك ادمرونه خافي ربك وهاتي اختك عندي تتعرف عليكم وتصير منكم وفيكم وتعوضونها عن الحرمان الي عاشته
عند ركان
وصل لمكتب صديقه فتح الباب انفتح ارتاح وهو يشوف صديقة يفطر قرب منه
وبهدوء / ما شاء الله ادور عليك وانت مقفل عليك تفطر
صقر بصوت مبحوح / تجيب الفطور لمكتبي وما تبيني افطر
جلس مقابل صديقة واخذ خبز وبدا يفطر وبستغراب / ومن قال اني الي جايب هالفطور ومن متى اجيب فطور مااكل منه
صقر نزل الخبز وبستغراب / اجل منهو جايبه
ركان بستغراب / علمي علمك
وقف وضغط على زر الموظف دقائق وهو داخل
صقر بجديه / فلاح من جايب الفطور
الموظف بجديه / الشرطيه ساره
طالعه بصدمه / انت متاكد
الموظف بتاكيد / ايه
صقر بضيقه وتانيب ضمير / روح لشغلك
ركان بصدق / هالبنت حنونه وتكاااابر
صقر بعصبية وغيره / وانت وش يعرفك فيهااا
ركان بجديه / نسيت اني اسمع كل الي يصير بغرفتهم
لا تفرط فيهااا حنت عليك وانت متهمهااا بشرفهااا
سبحان الله انها اخت تركي وعمة شوق
صقر رجع لمكتبه وحاس بغصة من كلام صديقه سواتهاا خلته صغيررر قدام نفسه
ركان بابتسامه / تاسفت منهاااا وصدتني البنت تضحك تمثل القوة وهي من جنبهاااا
صقر بعصبيه / حضرتك صاير محلل نفسي
ركان بجدية / قلبهااا قلب طفل تقدر تشكله على كيفك وصدقني الي مثلها ينسى الاساءه والدليل الفطور الي قدامك
صقر سند ظهره على الكرسي و بحرقة وضيق / امي غضبت علي والدنيا بعيني سوداء
ركان ترك الخبز من يده وقف وجلس مقابل صديقه / تسرعت يا صقر بذبحك للبنت
صقر ودموعه نزلت / قهرررررررتني ياركان وكسرتنننننننني ذنبهااااااااا عظيم
ركان بجديه / البنات متاكدات من برائتهاااااااا ولا كان ما فتحن قضية خسرانه
صقر بصوت باكي وبحرقه / ظنيت لذبحتهاااا برتااااااح لكن الوجع زاااااااااااااد ومعاد اتحمله
ركان بجدية / مازاد وجعك الا انك ظالمهااااا
صقر بصوت باكي / حتى انت تتهمني اني ظالمهااا
ركان بجديه / قلبي رافض يصدق انهااا تسوي هالفعلة الشينه
عند عبدالله
واقف مع صديقه عند باب غرفة ديما / انت تعبان ومرهق روح ارتاح
نايف بتعب / ماني بطالع الا معك ونروح لبوهااااااا
عبدالله بجديه / امري لله بتصل على ابوهاااا مع ان الوقت ماهو وقت خطبة
نايف باصرار / الحين كلمه وقولة بنملك اليوم
عبدالله بابتسامه / انت من شوي قلت الملكة بكره والحين خليتهااا اليوم
نايف بجديه / خير البر عاجلة
عبدالله بجديه / البنت مكسره وانت تبي عرس
كلام عبدالله زاد من احراجه
ابتسم على احراج صديقه / ترى كلامي كان كلامي شريف لكن نيتك خبيثه
نايف باحراج / كلم ابوها وانت ساكت
رفع الجوال واتصل على ابو ديما الي رد عليه
عبدالله بجديه / السلام
ابو ديما بجديه / هلا من معي
عبدالله بجديه / معك عبد الله خال بنتك
ابو ديما بجديه / شخبارك واخبار الاهل
عبدالله بجديه / كلنا بخير بشر عنك
ابو ديما بجديه / كلنا بخير
عبدالله بجديه / اقدر اقابل اليوم
ابو ديما بجديه / ماني موجود بالسعوديه لي 3 شهور بابريطانياا
عبدالله بجديه / متى بتجي
ابو ديماا بجديه / بعد سنه ويمكن اكثر
نايف تغيرت ملامحه لما سمع صديقه يسال متى بيجي
عبدالله بجديه / بنتك جايها معرس ومستعجل
ابو ديما بدون اهتمام / البنت بنتكم وزوجها
عبدالله بقهر / وجودك لازم لانك ابوهااا
ابو ديما بدون اهتمام / الحين بطلع اسوي لك وكاله تزوجهاااا
عبدالله انقهررررررررر من تصرف ابو ديماااا لهدرجة ماهتم ببنته ولا سال عن المعرس
عبدالله بقهر / منت بحاضر زواجهااا
ابو ديما ببرود / انتم تكفون وتوفون عطني رقم اقدر ارسل لك علي التوكيل
عبدالله التفت لصديقه / لحظة
التفت لصديقه بجديه / عندك رقم فاكس
نايف بقهر / لااا
عبدالله بضيقه / شلون بيوصل لي التوكيل
نايف بجديه / قول له يرسله على فاكس المدرسه وانت اتصل على المدير وقوله
عبدالله بجديه / واذ بيرسله بالليل
نايف بجديه / عطه هالرقم 2345673456
عبدالله رجع يكلم ابو ديماا عطاه الرقم وقفل منه
عبدالله بستغراب / لمن هالفاكس
نايف بابتسامه / للمكتبه الي نطبع فيها اوراقنااا
عبدالله بجديه / اجل روح للمكتبه وحط عندهم خبر وانا بدخل اشوف ديمااا
طلع نايف وعبدالله دخل لديمااا الي جالسه هادية
قرب منها وبابتسامه / انتي راضيه بنايف
ديما بحرقه وقهر / و انتم عندكم غير نايف يستر فضيحتي
عبدالله بعصبيه / وش هالكلام
ام صقر بقهر / البنت موافقه لاتعيدي وتزيد بهالموضوع
عبدالله بعصبية / انتي سمعتي كلامهاااا
ام صقر بحرقة / الولد شاريها واذا عاشرته بتعرف انها غلطانه
عبدالله بحنان / و الله يا ديما مراح تلقين مثل نايف رجال يخاف الله و حنووووووون وطيبببب
ام صقر بجديه / متى يبي يملك
عبدالله بقهر / ننتظر توكيل من ابوهاااا علشان اقدر ازوجهااا
ام صقر بقهر وعصبية / ليش ما يزوج بنته بنفسه سكتنا كثير على تقصيره حتى بزواج بنته بيسحب نفسه
ديماااااااا كلام خالهااااااا حرق قلبهاااااااااااا صعبه ان امك وابوك شايلينك من حساباتهم
عبدالله بحنان / اذا عندك شروط قبل الزواج اكتبيها والمهر بيجيك وقت الملكة
ديما بحرقه ووجع / الي مثل مالها حق تتشرط ولا لها حق يندفع فيهاا مهر
وقف بعصبيه / بتاخذين مهر مثل كل البنات ودراستك بتكون اول شروطك وكلامك الي قلتيه اياني واياك اسمعه
طلع معصب ام صقر بعتاب باكي / ليش توجعيني وتوجعين نفسك وتوجعين خالك
الله فرج همك بزواجك من نايف اكيد انه دعوه من دعاويك وصابت
عند تركي
وصل نزل وفتح الباب الخلفي وسحب تهاني بشعرهاا ودخل فيها البيت
شافته امه بالصاله وانصدمت من والدها والبنت الي ساحبهااا وقفت وقربت منهه بعصبيه / منهي هذي الي مدخلها بيتي
تركي وهو يمشي وبعصبيه / كلبة بربيهاااااااا
ام سالم توقعتها زوجته الثانية ورجعت مكانها بدون لا تهتم بحال البنت
طلع فوق وفتح غرفه جانبيه وحذفهاا بقوة وهو بركان ثاير صار يضرب فيهاااااااا بقسوة
وبعصبيه / من اليوم ورايح هذا قبرك
توقعاتكم
اختكم نسايم نجد
|
07-11-12, 04:31 PM
رد: يادنيتي يكفيني عذاب
جديد مواضيع قسم الارشيف
العرض العادي
