كاتب الموضوع :
نسايم نجد
المنتدى :
الارشيف
واشاااااااااماه بسبب اوضاع سوريا من مذابح ومجازر للمسلمين والاطفال
النفس حزينه واليد ماطاعت تكتب
لكن لعيونكم اجبرتها وكتبت بارت اليوم
لا تنسوهم من دعواتكم وهذا اقل القليل من اجل نصرتهم
الرجاء عدم طمر السطورر
البارت الثامن والسبعون
عند صقر
قبل لا يطلع التفت لصديقه النايم بعدها لحق صديقه كل واحد بسيارته مرو كذا مطعم وكلها مغلقه واخيرا شافو مطعم صغيررر قريب من شركة تركي
وقف صقر سيارته ووقف جنبه تركي
فتح صقر الدريشه وبجديه / مالنا الا هالمطعم
تركي بجديه / اجل خلنا ننزل قبل لا يقفلونهم
نزلو ودخلو المطعم وكان فاضي الا من العمال
اختارو لهم طاوله وجلسو عليهااا
جلس تركي وعيونه تتفحص المطعم / المطعم فاضي وشكله من جنبهااا
صقر بجديه / اكيد فاضي احد بيتعشى هالوقت
تركي يناظر المكان بقرف / الخوف نتسمم ونبتلش
صقر بابتسامه / تطمن ماني بجايبك علشان اسممك هذا المطعم قد جيته مع ركان لا يغرك شكله ترى عماله نظيفين
تركي بجديه / ولله لولا الجوع ماكلت فيه
صقر بابتسامه / وش تبي تاكل
تركي بجديه / أي شي يسكت جوعي
نادى القرسون وطلب لهم عشاء وبعدها التفتت لصديقه
صقر بجديه / متى جيت
تركي بجديه / اليوم العصر
صقر بارتباك / شكلك ما شفت احد من اهلك
تركي بجديه / جيت ونمت ولما قمت ماشفت احد
صقر بارتباك / شكلك ما تدري عن المستجدات الي صارت بغيابك
تركي وعيونه على صديقه وبتركيز / وش صاير
صقروعيونه على صديقه / الي ما تدري عنه ان اختك في بيتي
تركي بصدمه / ساره في بيتك وش تسوي عندكم
صقر بجديه / لا تنسى انها زوجتي سوا اليوم ولا بعدين مصيرها تجي لبيتها
تركي وعيونه على صديقه وبعصبيه / زوجتك ماختلفنا لكن كيف جت بيتك وبشور من اخذتهاا
صقر بهدوء / .........
وقف تركي مثل المقروص وبعصبيه وصراخ / مالها اهل واخوان يومك تاخذها لبيتك وجاي بكل برود تقولي
صقر بهدوء / اجلس وستهدي بالرحمن وافهم السالفه قبل لا تتكلم بكلام ماله لزوم
اخذ تركي نفس وتعوذ من ابليس / هذاني تعوذت من ابليس قول سالفتك ومهما كان منت بمعذور بسواتك
صقر بجديه / الي صار مالي يد فيه
قاطعه و بعصبيه / شلون مالك يد فيه
صقر بعصبيه / اذا بتحاسب حاسب امك الي جابتها بهدمها ورمتها على امي وقلت زوجة ولدك وجت بيتها
تركي تكهرب وعصب من سوات امه / وبعدين مع هالام الي دمرت حياة عيالها وكملتها في بنتها لكن مستحيل اسكت عن هالمعزله
صقر بعصبيه / لا تنسى هذي امك وحرام الي تقوله فيها
تركي بحرقه وبعصبيه / من متى الحريم يتصرفن بهالموضوع واحنا نطيع
صقر بجديه / وش تبيني مني افتح الباب واطرد اختك واكسرها فوق كسر امك لهااا
شاف صديقه منزل عيونه
وبهدوء / السالفه ما تحتمل كل هالعصبيه وصدقني الي سوته امك باختك بيزيد قدرها عندي
تركي بصوت حزين مقهور / استغلت غيابي لكن سالم وينه من هالمهزله
صقر بهدوء / اخوك مثلك ما درى الا بعد ماصار كل شي وجاني لبيتي بياخذها لكن اختك رفضت ترجع معه
تركي بحرقه / دخلت عليها
صقر باحراج / مادخلت عليها ولا شفتهااا
تركي بسخريه / وش الي حادك ما تدخل عليها وهي جايتك بالساهل
صقر بعصبيه / وانت تضن اني بفرح بالساهل اختك بنسوي لها زواج وبعده بتصير الدخله مثل العالم
تركي بقهر / وش عاد تنفع الحفله وكل شي انكسر لازم ترجع لبيبتها وتجي لبيتك مثل كل عروس
صقر بجديه / اختك تاقلمت بوضعها واذا اخذتها قلبت عليها وعليك مشاكل مانتم بحاجتهاا
تركي بحرقه / اكبر همي اختي والباقي بطقاق
صقر برجاء / صدقني تركي امي شايلتها من الارض شيل وفرحانه فيها وتحبها كانها بنتها واكثر
تركي بحرقه / الي يشوف تصرف امي فيها يقول عندها بدال هالبنت عشر مكانها بنتها الوحيده والي مكانها لها الدلع والدلال
صقر بهدوء / الي ما شافته من امك بتلقاه عند امي
تركي يقهر / اعرف امك ما يحتاج تقولي عنهاا لكن الي مستغربه شلون مصاحبه امي و متاثرت منهااا
صقر بجديه / مثلك مستغرب صداقتهن وهن مختلفات بكل شي
وقف تركي وكله ضيقه وهم
صقر بجديه / وين ان شاء الله تعشى وبعدها توكل على الله
تركي بضيقه / من بعد كلامك من له نفس يتعشى
صقر باصرار / بتتعشى وانت ماتشوف الدرب
استجاب لصديقه جلس دخل عندهم القرسون صار يوزع الاطباق بعدها تركهم صارو ياكلو بهدوء
وصقر حب يغير الموضوع / متى زواجك
تركي بدون نفس / الاربعاء وسكاتي
صقر بابتسامه / شفتهاااااااا
تركي بضيقه / وش اشوف مجنونه
صقر بابتسامه / بتلبس بشت وتكشخ
تركي يشرب العصير وبدون اهتمام / احس ماله داعي واذا لبسته علشان عمانهااا
صقر بجديه / الله يعينك على مابليت نفسك فيه
سمعو صوت الاذان / بصلي وبطلع لشركه
صقر بجديه / روح لبيتكم ريح وبعدها داوم
تركي بجديه / اذا رحت البيت يا ذابح يا مذبوح
طلعو من المطعم مرو مسجد قريب صلوو بعدها كلن راح بطريقه تركي لشركه وصقر رجع عند ركان
عند ساره
بعد ما قابلت خالتها وهي بغرفتها تبكي كم مره سمعت صوت ام صقر وديما لكن خلاص ما تقدر تقابل احد وتجاملهم وهي بحزنها نامت
راحت عليها نومه طالعت بساعتها كانت 6 حمدت ربها عليها الدوره ولا كان فاتتها الصلوات
دخلت الحمام اخذت شور لبست وطلعت وجلست على السرير وتفكيرها بشوق
ليش ماجتها او اتصلت عليها لكنها متاكده ان شوق مثلها نايمه فتحت شنطتهاا واخذت جوالها
واتصلت على شوق لكن مافي رد
ساره بطفش / هذي وينها عن جوالها ليش ماترد
رجعت تتصل لكن مافي رد
عند شوق
كانت جالسه مع امها وخالتها وتفكيرها بمصيبتها وشلون بتحلها من غير لا تتزوج ركان لكن كل حلوها فاشله
سمعت صوت امها / شوق جوالك
التفتت على امها وبضيقه / خليه يدق لين يسكت مالي خلق اكلم احد
نوف بستنكار / كل هالعزى الي مسويته عشان كابوس
وقفت بعصبيه وقهر / ادخل بغرفتي احسسسسسسسن
نوف بهدوء / بتروحين لشغلك
شوق بقهر / ماني منقلعه مكان
مشت من قدامهم وهي تحترق سمعت امها تناديها
نوف وبيدها جوال شوق وبجديه / خذي جوالك معك
شوق بضيقه / خليه مكانه
طلعت فوق وعيون امها تلحقهااا
نوف بقلق / البنت فيها بلى
مهاا بهدوء / ما فيها الا العافيه يمكن الي فيها حوبتك
نوف بخوف / بسم الله عليها
مها بجديه / ولدك سالم وينه ثامر يسالني عنه
نوف بحزن / جاء عندي وقسيت عليه ووعدني انه بيجيب طلاقي من عمه
مها بستغراب / الي بعرفه المغرور على كرهه لك ليش تزوجك وما يبي يطلقك وفوقها رافض يشووفك غريب هالادمي
نوف بحقد / مثله مثل اخوه
مها تتثاوب / ماشوف من النوم الله يصلحها بنتك سهرتني
نوف بجديه / روحي لبيتك نامي
مها وقفت وبجديه / وانتي منتي بنايمه
نوف بجديه / بلبس وبطلع لشركة
مهااا بجديه / لا تنسين الي علمته لك مو تخربطين
نوف بقلق / لا تخوفيني
مها بجديه / صاحب الحق ما يخاف وانتي صاحبة حق
نوف بضيقه / ماملك الجراءه علشان انفذ
مها بجديه / لازم تمتلكين الجراءه علشان تحصلين الي تبينه
طلعت مها ونوف طلعت لغرفتهاا مرت غرفة شوق شافتها نايمه
عند شوق
لما سمعت خطوات متاكده ان امها بتطمن عليها تظاهرت بالنوم لما سمعت تسكيرة الباب رمت اللحاف بقرف
شوق بقهرررر / شلون صار كل شي وما حسيت وينه الوجع الي يتكلمون عنه
وبتفكير / معقوله باخ علي شي وما حسيت يسويهااا
عند ابو مروان
بعد ما صلى الفجر جلس بسيارته ينتظر ولده
سمع صوت التفت شاف ولده وبضيقه / زين انك جيت ضنيتك تنساني
مروان ركب بهدوء / بوصلك وبنتظرك بالسياره
ابو مروان بخوف / الله يتمم الامور بخير
مروان بجديه / مكانهم بعيد يبي لنا اكثر من ساعه لين نوصل لهم
ابو مروان بقلق / والله اني شايلن هم هالمقابله خايفن يطردني
مرون بقسوة / مايحتاج تخاف لانه اكيد بيطردونك
ابوم مروان بحرقه / متى تتعلم تحترم ابوك
حرك مروان السياره مطنش كلام ابوه
عند نوف
لبست بنطلون جنز واسع وبلوزه بيضاء مخططه بالوردي لبست حجاب وردي
اخذت شنطتهااا وطلعت من غرفتها
افتحت الباب على بنتها شافتها نايمه قلبها مو مرتاااح من انقلاب شوق
نوف عيونها على ظهر بنتها وفي نفسها / وش الشي الي منكد عليك ومخبيته عني
نزلت تحت دخلت الصاله شافت جوال شوق رفعته واتصلت على ساره
عند ساره
جالسه على السرير تنتظر اتصال من شوق لكن مر الوقت وماتصلت
بعد مافقدت الامل سمعت جواله ركضت له شافت اسم شوق
ساره بعصبيه / صح النوم توك تذكريني
نوف بجديه / شلونك ساره
ساره محتاره ماتدري كيف تناديها خالتي كبيره عليه / اهلين نوف
نوف استغربت تناديها باسمها كل اصدقاء عيالها ينادونها خالتي
نوف بابتسامه / خالتك نوف
ساره باحراج / والله الكلمه كبيره عليك صعبة اقول لك خالتي وانتي اصغر منا
نوف بجديه / ناديني بلي يعجبك
ساره بجديه / شوق وينها اتصل على جوالها ومطنشه
نوف بضيقه / بنت خوك حالها مايسر
ساره بخوف / وش فيهااا
نوف بضيقه / من امس حالها مقلوب وكله تبكي
ساره بخوف / وش فيها
نوف بضيقه / تقول حالمه بكابوس وعافسهااا
ساره بصدمه / مستحيل يكون هذا السبب
نوف بجديه / هذا الي قالته وماني بمصدقته وكلمتك ابيك تجين عندها يمكن تقول لك الي مضايقهاا
ساره وقفت / الحين بجيها وغصب بتقول
نوف برجاء / الحين طالعه واتمنى اذا رجعت افهم الي صاير
ساره بجديه / ان شاء الله
نوف بجديه / يله مع السلامه
بعد ما نهت اتصالها من نوف
ساره بطفش / ياربي لازم استاذن
لبست عباتها ونقابها وفتحت باب غرفتها طلعت ماشافت احد بالصاله قربت من غرفه تضنها غرفة ام صقر طقت الباب
ام صقر / ادخلي
دخلت ساره شافت ام صقر متمدده على السرير اول ما شافتها جلست قربت منها وباستها على راسهااا
ام صقر بابتسامه / شلونك يمه
ساره باحراج / الحمد لله
ام صقر بعتاب / خوفتيني عليك
ساره باحراج / ماكان قصدي
ام صقر بحنان / لا تضنين بكلامي بسيطر عليك لكن يشهد ربي كله خوف عليك
ساره باحراج / ادري خالتي لكني كنت تعبانه وحبيت اجلس لحالي
ام صقر بحنان / الي يهمني انك بخير قدامي
ساره بارتباك / خالتي عادي اروح لشوق في بيت امها
ام صقر بحنان / روحي يابنتي وانبسطي
ساره باحراج / خالتي عادي اروح بدون ماستاذن ولدك
ام صقر بابتسامه / ادري انه صعب عليك تستاذنين منه وانتم مابعد صار بينكم شي لكن هذا احسن لك وبتكبرين بعينه
ساره بضيقه / خالتي قولي له اني استاذنت منك وانتي سمحتي لي
ام صقر بابتسامة حنان / خلي صقر علي وانتي لا تروحين لحالك بهالصبح خذي الشغاله معك
ساره باحراج / البيت قريب ما يحتاج اخذ احد معي
ام صقر بحنان / يا بنتي خايفه عليك تروحين لحالك والدنيا فاضيه يطلع لك واحد مايخاف الله
ساره بجديه / الي تبينه بيصير
وقفت ام صقر / خلاص الشغاله تروح معك وتجي معك
طلعت ام صقر ولحقتها ساره شافتها تطلب من الشغاله توصلها
بعد دقائق طلعت من بيت صقر ومعها الشغاله وصلت لبيت نوف طقت الجرس وافتحت لها جاكلين
تاملت جاكلين بجديه / انتي جاكلين
ابتسمت لها جاكلين واشرت لها بالدخول
دخلت لصالة وشالت عن وجها النقاب
ماتدري شلون بتفهمها انها عمة شوق
ساره بطفش / شلون بفهمها ولغتها فرنسي وانا داجه بالانجليزي
ساره بابتسامه / وينها شوق
جاكلين فهمتها واشرت على فوق
مشت من قدام جاكلين واشرت لشغاله / انتي خليك بالمطبخ ولا تتحركين لين اجيك
الشغاله هزت راسها وما تدري وش قالت لها
كملت طريقها لدور الثاني شافت 4 غرف وبطفش / الحين وش يعرفني وينها غرفتها
خلني اعد الغرفه الي يطلع عليها العشره بادخلها
مدت اصبعها وصارت تعد الغرف وترجع من جديد واخير وصلت للعشره فتحت الباب كان مقفل
فتحت الغرفه الي جانبها وانفتح الباب من برودة الغرفة تاكده انها غرفة شوق
دخلت بهدوء وقربت اكثرررررر لين جلست على طرف السرير
شوق تضنها امها واستمرت بتمثبل النوم
ساره بجديه / ادري انك صاحيه قومي قولي وش فيك
شوق جلست وبصدمه / ساررره
ساره بسخريه / ايه ساره اجل شبيهتها وش فيك
شوق بصوت مبحوح / مافيني شي
ساره بعصبيه / ماجيت الا علشان اعرف وش صابك ليش من امس تبكين لا تقولين متحلمه بكابوس لان هالكذبه تصدقها امك مو انااا
رمت نفسها على ساره وصارت تبكي
ساره خافت / وش فيك ليش كل هالبكي
شوق بصوت باكي محروق / النذل الحقير اغتصبنيي
ساره دفتها بقوه وبعصبيه / يالمجنونه وش قاعده تقولين
شوق بصوت باكي / الله ياخذه اغتصبني
مدت يدها وعطت شوق كف قوي وبعصبيه / اصحي الكلام الي تقولينه مصيبه
شوق بصوت باكي محروق / بمووووووت يا ساره قولي وش الحل
ساره صارت تنتفض من الرعب / يويييييييييييييلك ياساره مافي حل وش بيصير لدرى ركان
شوق بعصبيه / هو الي اغتصبنيييييييي
ساره براحه / الله ياخذك كان قلتي من الاول انه زوجك بغيت انجلط بسبتك
شوق بصراخ / مو زوجي ومستحيييييييييل يصير زوجي
ساره بعصبيه / زوجك غصب عنك ياما نصحتك وقلت لك عدلي اسلوبك مع زوجك شوفي تاليتها وش سوى الحين يقدر يهينك اكثر من اهانتك له ويطلقك وتشيلين مصيبتك لحالك
شوق بقهر وبصوت مبحوح / بينفجر راسي دورت حل يخلصني منه ما لقيت
ساره بجديه / مافي حل الا الزواج
شوق بعصبيه وقرف / ماببببببببببببببببببببيه
ساره بعصبيه / انتي حمااااااااااااره ثوررررره ما تفهمين كبر المصيبه الي انتي فيها ولك وجه ماتبينه تزوجيه وفكينا من كلاااام الناس
شوق بقهر / اذا تزوجته بكون مذلوله له طول عمري
ساره بعصبيه / تنذلين عنده ولا تنذلين عند النااااس
شوق بعصبيه / مسسسسسسسستحيل اخليه يافرح بسواته
ساره بعصبيه / لتزوجتيه اذبحيه سوي فيه الي تبينه لكن الحين اتركي عنك كلمة مابيه لازم تفكرين بعقلانيه
شوق بقهر / الله ييااااااااااااااااخذه وافتك منه
ساره بجديه / فهميني السالفه من بدايتهاااا
قالت شوق كل السالفه بدون ما تذكر سواتها بركاان
ساره بصدمه / يالهبله شلون فسخك وسوى الي سواه وما حسيتي فيه
شوق بصراخ / مدرررررررري
ساره بشك / مو داخل مخي انك محسيتي بشي الا بعد ما صحيتي
شوق بعصبيه / وش تقصديييييييييييين اني راضيه بسواته
ساره / لو السالفه صايره لي وقلتها لك اكيد منتي بمصدقه
شوق بعصبيه / بصدقك لانه مافي شي يجبرك تقولين لي السالفه وتكذبين
ساره بجديه / امك متصله تبي اجي عند و تفهم سالفتك مكذبه الكابوس
شوق بصدمه / امي مكلمتك
ساره بجديه / ايه والحين اذا سالتني وش بقول لهااا
شوق بضيقه / قولي لها اني حالمه بكابوس
سار بسخريه / اكذبي كذب ينتصدق
شوق بقهر / تضنين اذا قلت لها سوات ركان بتصدقني هي شايفته ملاك ويمكن تتهمني اني انا الي اغتصبته
ساره بجديه / تبين الصراحه للحين ماني مصدقه سواته
شوق بقهر / علشاني قلت مابيك وبطلقني غصب عنك الحقير سوى سواته علشان انجبر فيه
ساره بعصبيه / تقولين له هالكلام وتبينه يسكت تستااااااااااهلين الي سواه
شوق بعصبيه وصراخ / اووووووووف كلكم تقولون استاااااااهل
ساره بققت عيونها وبعصبيه / من غيري درى بالسالفه
شوق بجديه / خااااااالتي مهااا
ساره بعصبيه / شلون انهبلتي وقلتي لهااا
شوق بضيقه / حشرتني لين قلت لهااااا
ساره بعصبيه / لما قلتي لها وش قالت
شوق بقهررر / نفس كلامك وفوقه ان الي صار حلال لانه زوجي
عند ابو مروان
وقف سيارته مقابل شركة الضامي
التفت عليه / متاكد انها شركتهم
مروان بجديه / ايه انزل وبنتظرك
ابو مروان اخذ الاوراق الي حاطهم بسيارته تعوذ من ابليس ونزل
دخل الشركه سال الحارس عن مكتب المدير
ابو مروان بضيقه / وينه مكتب المدير
الحارس بهدوء / المدير باقي على دوامه ساعه
ابو مروان بضيقه / الله يعيني انتظره ساعه
الحارس برحمه / تقدر تقابل اخوه موجود بمكتبه
ابو مروان بضيقه / المهم اقابل واحد منهم
الحارس بهدوء / اجل تفضل معي اوصل لك لمكتبه
ابو مروان بامتنان / الله يبارك لك بشبابك ماقصرت
وصله للمكتب وبجديه / داخل السكرتير وطلب منه يدخلك على نائب المدير
هز ابو مروان راسه ودخل وهو مرعوب ومهموم من ردت فعلهم من الي بيقوله
قرب من السكرتير ووقف مقابله وبضيقه / يولدي بقابل مديرك
السكرتير تامله من شكله واضح انه فقير محتاج
وقف السكرتير / من اقوله
ابو مروان بهم / يابوك موضوع خاص
السكرتير بجديه / اجلس ياعم وبدخل اقوله انك بتقابله
جلس وعيونه على السكرتير الي دخل
عند تركي
دخل مكتبه وهو مقهور من سوات امه
سمع صوت طق الباب
تركي بجديه / ادخل احمد
دخل السكرتير / استاذ تركي فيه شايب طالب يقابلك
تركي بجديه / ماقال لك اسمه او موضوعه
السكرتير بجديه / شكله محتااااااج ويمكن يبيك تساعده
تركي بجديه / خله يدخل
طلع السكرتير وبعد ثواني دخل ابو مروان
ناظره تركي ومن لبسه تاكد انه محتاج
تركي وقف باحترام / تفضل ياعم
ابو مروان تامل تركي وبدا خوفه يزيد هيبة تركي تجبر الواقف قدامه يرتجف شلون بابو مروان الي بين ايدينه مصيبه بالنسبة لهم
قرب من تركي ومد يده البارده من الخوف وتصافحوووووو
جلس ابو مروان متمسك بالاورق بقوه يمكن تهدا رجفت ايدينه
جلس تركي وبجديه / تفضل ياعم قول حاجتك
ابو مروان بجديه / انت ناصر
تركي بحزن / ناصر الله يرحمه
مروان بارتباك / سبحان الله تشبهه كثيررر
تركي بستغراب / تعرف اخوي
ابو مروان بخوف / اكيد اعرفه وهذا الي جابني عندك
تركي بصدمه / ناصر الي جايبك عندي
بهدوء مد الاوراق / اقراهم وبتفهم الي جابني
اخذ تركي الاوراق كانت اول ورقه شهادة ميلاد
بقق عيونه من الكلام الي قراه وبصدمه / تهاني ناصر الضامي
رفع عينه لابو مروان
تركي بصدمه / ممكن تفهمني منهي تهاني
ابو مروان زاد خوفه وبارتباك / تهاني بنت اخوك ناصر
تركي حذف الورقه على ابو مروان وبعصبيه / جاي تحتال علي وتبيني اصدقك
ابو مروان بضعف / والله انها بنت اخوك
تركي بسخريه / بنت اخوي وعمرها 25 وينك من زمااااااان مدامك صادق
ابو مروان بحزن وانكسار / امها كانت رافضه انكم تعرفون بوجودها لكن بعد ماماتت كانت وصيتها ان بنتها تسكن عند اهلهاا
تركي بعصبيه وبقسوة / قول كم تبي وتشيل اوراقك وتذلف
وقف ونزلت دمعه قهرر / لا يغرك يولدي الفقر الي عايش فيه ترى نفسي عزيزه ما جيتك طلاب فلوس جيتك ارجع لكم لحمكم مابيه ينحرم وانتم موجودين
اثرت الدمعه بقلب تركي لكنه حاول يكابر / اذا لنا بنت عندكم عليكم بالعافيه وياليت ماشوفك مره ثانيه
ابو مروان مشى من قدام وصار يكرر / حسبي الله ونعم الوكيل
عند نوف
دخلت الشركه وسالت الحارس عن مكتب تركي لكنها انقهرت من نظراته
وبعصبيه / لو سمحت وينه مكتب تركي الضامي
الحارس وعيونه عليها باعجاب / تفضلي معي اوصلك لمكتبه
نوف بجديه / مشكور
مشى الحارس ونوف جنبه لكن بمسافه بعيده وصلها لسيب كله صور اشخاص
الحارس بجديه / داخل مكتب السكرتير ومكتب الاستاذ
نوف وعيونها على الصور / مشكورررر تقدر ترجع مكانك
تركها الحارس
قربت من الصور الي مزينه الجدار شافت صورة ناصرت كشرت بوجها ( الله لا يرحمك ويحرقك بنار جهنم مثل ماحرقتني وجعل اخوك يلحقك )
شافت وسط الجدار صوره اكبر من باقي الصور واحد كبير بالعمر واضح عليه الوقار ( من يكون )
وبتفكير / يمكن ابوهم يشبه سالم
سمعت صوت الباب التفتت شافت شايب وجهه كل دموع انعصر قلبها وقربت منها
نوف بتعاطف / وش فيك ياعم
ابو مروان يمسح دموعه وبحرقه وقهر / ماحترم شيبتي يابوك يضني جايه طمعان بفلوس وطردني
من غير أي حواجز مسكت يده وجلسته على كرسي جانبي وجلست بجنبه
وبحقد / تركي الي طردتك
ابو مروان بضعف / سبحان الله يشبه اخوه ناصر بالشكل والاخلاق
نوف بصدمه / تعرف ناصر
ابو مروان بضيقه / يابنتي انتي منهم ولا تشتغلين عندهم
نوف بقرف وحقد / ارملة ناصر
ابو مروان تاملها وبحنان / يابنتي ترملتي انتي صغيره
نوف بجديه / قول الي جابك يمكن اقدر اساعدك
مد الاوراق طالعته نوف تبي تفهم ليش مد عليها الاوراق
ابو مروان بحرقه / اذا قريتيها عرفتي وياليت يا بنتي ما تظلميني مثل ما ظلمني
فتحت الورقه بهدوء وشهقت شهقه قووووويه تروع منها ابو مروان / بسم الله عليك يابنتي
صارت ترمش بعيونها تتمنى الي قرته غلط او فهمت غلط
نوف بصدمه / بنت ناصر
ابو مروان بحزن / والله انها بنته
نوف بحرقه وقهر / مصدقتك ياعم
وبداخلها / حتى جرايمك وصلت لهنااا لكن غريبه ماجبت بنتك عندي مثل الباقين
وبهدوء / كم عمرها ياعم
ابو مروان / 25
نوف في نفسها وبحقد وقهر / قبل مايشتريني بخمس سنين وهذا السبب الي ماخلاه يجيبها عندي
قاطع عليها ابو مروان / ادري انك بترفضينها مثل مارفضها عمها
نوف بهدوء / اذا هي بنت ناصر ليش ارفضها يكفيها انحرمت منه كل هالسنين
وقف ابو مروان ووقفت معه نوف
ابو مروان / الله يرحم والدينك شلتي عن صدري هم الله عالم بكبره
نوف بحنان / بنت ناصر مثلها مثل اخوانهااا
ابو مروان بحرقه / وعمها
نوف بحقد / معليك من عمها يبعبع بالهواء واذا ثبتت انها بنت ناصر ما يقدر يفتح حلقه
ابو مروان بقهر / اذا الاوراق كذبها شلون بنثبت له انها بنت اخوه
نوف بجديه / ياعم الطب تطور وبتحليل بسيط من البنت بيثبتون نسبها لعايلة الضامي
ابو مروان بجديه / صدرق يا بنتي ولا تبين تريحيني
نوف بابتسامه / صدق واذا تبيني اساعدك انا حاضره
ابو مروان براحه / الله يفرجها عليك مثل ما فرجتيهاا علي
نوف بجديه / ممكن اشوفهااا
ابو مروان برجاء / خليها لبعدين مابي لك المشاكل البنت حاقده على اهلها ويمكن لشافتك ما تسلمين منها لانها ضانتك ماخذه ابوها منها
نوف بضيقه / براحتك ياعم
ابو مروان بحزن / مع السلامه يابنتي ولدي برى تاخرت عليه
طلع ابو مروان ونوف زاد حقدها على تركي / صدق انك حقيررررررر وبدون قلب شلون طاوعك قلبك تكون سبب دموع الشايب
فتحت الباب بهدوء دخلت بخطوات واثقه قربت من مكتب السكرتير وبهدوء / ممكن اقابل الاستاذ
رفع السكرتير راسه من الاوراق الي قدامه شاف ملاك فتح فمه وبارتباك / هاااا
كانت بتضحك على شكله وبنفسها / كلكم مفاجيع
نوف بهدوء / ممكن اقابل الاستاذ
السكرتير نزل عيونه / من اقول له
نوف بثقه / شريكته
رجع رفع عيونه بصدمه / شريكته
نوف جلست على الكرسي بهدوء / مثل ما سمعت
السكرتير وقف وفي نفسه / والله وعرفت من تشارك يا تركي ويقولون انك ما تحب الحريم اكيد ما تحبهم مادام معك ملكتهم
عند تركي
من بعد ماطلع ابو مروان وتفكيره بالورقه الي قراها مستحيل يزور ختم المستشفى
تركي بتكذيب / مستحيل ناصر ينزل نفسه ويتزوج من هالمستوى
وبقرف / نسيت انه متزوج وحده من طبقتهم وجاب منها عياله
اذا متزوجها ليش ماقال عنها وماذكر شي عن البنت بوصيته
سمع طق الباب / ادخل
دخل السكرتير بهدوء / استاذ تركي فيه بنت تبي تقابلك
رفع حواجبه بستغراب / بنت بتقابلني ومن تكون هالبنت
السكرتير بجديه / تقول انها شريكتك
تركي بسخريه / اليوم الناصبين متسلطين علي خلها تدخل اشوف وش وراها
عند نوف
تنتظر السكرتير وصارت تراجع بنفسها الكلام الي حفظته
شافت السكرتير / تفضلي
وقفت بهدوء عكس الي داخلهاااا
دخلت شافته والود ودها تخنقه تذبحه بدال لا تتقرب منه
حقدها ماتقدر تخبيه بقناع الحب مهما كان عيونها بتفضح مقدار كرها لشخص الي قدامها
دخلت بهدوء
عند تركي
عيونه على الباب وهو ينتظر النصابه الي بتدخل
شافها ونسى كل الي قاله والي صار له
مكذب عيونه ويحلف انه يتهيئ له قفل عيونه وعد لثلاثه وبعده فتحها شافها تقرب منه اكثر وثبتت له الصوره زادت دقات قلبه ورجفته
كل فصول السنه شافه بهالحضه دقات قلبه بتخنقه واكيد بتذبحه الي يشوفه فوق احتمال قلبه العاشق
يشوفها تجلس قدامه وصارت قريبه وقربها الموجع لقلبه الضعيف
شخصت عيونه عليهااا
نوف تتامل كل حركاته وبهدوء جلست وهو مصنم وبصوت عالي / احمممممممممم
تبيه يصحى
صار اخرس والكلمات عاجزه بوجوده تطلع تصبب جسمه عرق
صار يمسح على جبهته قفل عيونه وصار ياخذ نفس عميق يمكن يهدا
وجودها ذنب وعقاب بعمره ماعتفس ولا عجز الا قدامها بوجودها يصير انسان ثاني حتى هو ما يعرفه
تركي بصعوبه قدر يتكلم / شلوونك
نوف بابتسامه ذبحته / الحمد لله شلونك انت
بيغمى عليه اخذ الكاس الي قدامه وشربه دفعه وحده يمكن يبرد جوفه
ونوف تتامله وهي فرحانه بحالته
غمض عيونه وبوجع داخلي وبنفسه / تسالنيني شلونك ومن شوفتك ماني بخيرررر
نوف حطت يدها على المكتب وعيون تركي على يدها تامل خاتمها وداخله رغبه قويه يمسك يدها ويحطه بين ايدينه يمكن تخف رعشته
نوف متاكده انه مو معهاا وصدقت كلام صديقتهاا / استاذ تركي
طالعها بعيون عاشق ولهان وبهمس / لبيه
ارتبكت / اذا مشغول اقدر اجيك مره ثانيه
تركي بعشق وبدون ماينتبه لكلامه وبهمس عاشق / لا تروحيييين
قلبه من قو دقاته حلف انها تسمعه وعيونه وكل حواسه معهااا
تركي وعيونه عليها وذايب فيها وبصوت مرتجف / قال لي السكرتير انك شريكتي
نوف بجديه / شريت املاك اخوك من زوجته وصرت شريكتك بدالها
انتقلت عيونه ليدها ومازلت الرغبه تزيد بداخله صار يمد يده عل وعسى تشتبك بيدها بيحققها لكن خايف من ردت فعلها
نوف حست بحرارة اصابعه وبسرعه سحبت يدها لحضنهااا
لناء لقاء قريب باذن الله
اختكم نسايم نجد
|
03-06-12, 06:43 PM
جديد مواضيع قسم الارشيف
العرض العادي
