كاتب الموضوع :
نسايم نجد
المنتدى :
الارشيف
طولت الغيبه عليكم لكن عندي ظروفي فالاسبوع الاول ضيوف والاسبوع الثاني فلونزا
حارق قلبي العتاب والتشكك بمصداقيتي وهذا مما اضطر المشرفه لقفل الروايه وحرماني من ردودكم
لكن ماقدر اوعدكم انها بتكون اخر الغيبات لان الظروف تكون خارجه عن ارادتي ولو بكيفي ما تغيبت عنكم
بابداء بنقاش تعليقاتكم
حابة اوضح شغلتين مهمه
الاولى / نوف حالة استثنائيه لا تمثل بنات السعوديه بالغربه هي طلعت من السعوديه بظروف كرهتها انتمائها لبلدها واصبح انتمائها للدوله التي احتضنتهااااا
فالسعوديه تذكرهااا بفترها موجعه بحياتهاا لو بكيفها مسحتهااا
وثانيا / قرف ناصر وقسوته زرعت عدم الثقه بنوف تشوف نفسهااا عادية او اقل من العاديه ومن مدح جمالهااا تضنه يجاملهااا او يرفع معنوياتهااا وقد ذكرت هذا من بين سطور البارتات
وللمعلومية / نوف اذا طلعت تتحجب وتلبس لبس ساتر بدون تغطية وجهااا ويكون وجهاا خالي من المكياج وهي ماتحتاج المكياج لكي تظهر جمالهاااا
ومن ناحية الثقافة الدينيه فثقافتها الدينيه ضعيفه والاساسيات تعلمتهاا من مها وشوق
الرجاء عدم طمر السطورررر
البارت الرابع و السبعون
عند ماجد
بعد ما نهى اتصاله من اخته التفت لصديقه / طالبتني تبي تكلمني بموضوع
سيف بستغراب / منهي الي طالبتك بهالفجر
ماجد بضيقه / صديقة سمية
سيف بستغراب / لهدرجه موضوعها مهم علشان تطلبك الفجر
ماجد بضيقه / علمي علمك
سيف بجديه / روح شوف وش عندها وانا بنتظرك
ماجد بقلق / الله يستر من الي ينتظرني منها
سيف بابتسامه / اتفقو وخير البر عاجله
ماجد بضيقه / والله اني كاره هالزواجه ومالي رغبة فيهااا
سيف بزعل / حس باحساسي وانت غاصبني على اختك
ماجد طالعه بعصبيه / والله انك منت بكفو لاختي
وقف واخذ مفاتيحه وبجديه / بتجلس ولا بتروح لبيتك
وقف سيف بجديه / بروح معك
ماجد بسخريه / ليكون بتدخل تسمعهاااا
سيف بمزح / اذا ماعندك مانع
ماجد بعصبيه / اقول وراء ما تنقلع لبيتك اذا خلصت منها جيتك
وقف سيف وبجديه / بروح لشركه اذا خلصت تجيني هناك
ماجد بستغراب / بتروح لشركتك بهالوقت
سيف بضيقه / كرهت بيتي كل ما دخلته ترجع لي مواجعي
ماجد بضيقه / الله يعينك
طلعو من البيت وكل واحد ركب سيارته
عند سميه
بعد ما نهت اتصالهااا رجعت عند صديقتهااا
شافتهااا متمدده على السرير سمية بجديه / بتنامين
منى بحرقه / كلمتي اخوك
سمية بجديه / كلمته واكيد جاي بطريق
وقفت منى بتعب لبست عباتها وشيلتهااا ونقابهااا بيدهااا
طلعت من الغرفه ولحقتها سميه جلسو بالصاله
سميه وعيونها على صديقتهااا / تبيني اجيب لك شي تاكلينه او تشربيه
منى بصوت تعبان / لا مشكوره
بعد نص ساعه من الانتظار والتوتر سمعو صوت الجرس
وقفت سميه وبجديه / اكيد هذا ماجد
وقفت منى التفتت لها سميه بضيقه / وش ذا العجله الرجال عند الباب خليه يجلس وبعدها ادخلي عنده
مشت سميه من قدام صديقتهاا وطلعت لقسم الرجال فتحت الباب شافت اخوها واقف
دخل ماجد وسكر الباب وراه وبقلق / وش عندها طالبتني
سميه بضيقه / ادخل وبتسمع منها الي تبيه
ماجد بضيقه / قولي الي عندها مابي انصدم اذا سمعته
سميه بضيقه / تبي الصراحه ما قالت لكن اغلب الضن بخصوص زواجكم
دخل بالمجلس وجلس وبضيقه / ناديها خليني اشوف وش وراها
سميه وهي واقفه عند باب المجلس / وش فيك شايل الدنيا على راسك كل واحد منكم يقول الي يبيه من الثاني اذا اتفقتو زين على زين واذا لا كلن بطريقه
ماجد باصرار / اذا دخلت خويتك خليك معنا
سميه بابتسامه / ومن قال بتركم
تركته سميه ودخلت على صديقتها شافتها تلبس نقابها
منى وقفت وكل جسمها ينتفض وماتدري وش الكلام الي بتقوله لكن من داخلها رافضه هالزواجه
ماحست بنفسها الا بصوت ماجد يصحيها
سمية دخلت المجلس وجلست على الكنب وعيونها على صديقتها
عند ماجد
كان عيونه على الباب شافها داخله بشكلها المحزن المبكي انتظرها تتكلم لكنها طولت واقفه واضح عليها الخوف
ماجد بهدوء / سميه قالت انك طالبه تتكلمين معي
رفعت راسها ودموعها مغرقه النقاب وبصوت باكي / ابي بنتك
ماجد بستغراب / شلون تبين بنتي واي وحده فيهم
منى بصوت باكي موجع / ابي غلا
التفت على اخته و بصدمه / أي غلا
سميه نزلت دموعها متاثره على حال صديقتهااا بصوت مبحوح / قصدها حنين
ماجد بستغراب / وليش تسميها غلا
سميه بضيقه / ماجد الله يهداك مو وقت تحقيق اسمعها للاخر وبعدين افهمك
رجع ماجد يطالع بمنى وبهدوء / قولي شلون تبينها
منى بصوت باكي / ابيها تعيش معي
ماجد رحم حالها وبهدوء / لو طالبه غير هالطلب كان وافقت عليه لكن بنتي مستحيل اخليها تترك خواتها وبيتها وبعدين ماقدر اتركها تروح معك
وبحزن / بناتي مصبراتني عن فقدي للغاليه
تاثرت سميه من حزن اخوها قربت من منى وبضيقه / منى الله يهداك هالكلام قلته لك
ناظرتها منى وبحرقه وبصوت باكي / قلتي تزوجي اخوي لكن ما قدر اصير زوجه ما اقدر
وقف ماجد وبجديه / مثل ما نتي ماتقدرين تصيرن زوجه حتى انا ما قدر اصير لك زوج قلبي ماسكنه غير وحده والله يرحمهاا
وتاكد اذا بتزوجك علشان تصيرين ام لبناتي مو علشان تكونين زوجه وحقي فيك متنازل عنه وانتي لازم تتنازلين عن حقك وبتعشين في بيتي معززه مكرمه والي تبينه مجاب وبكون اخوك مثل صقر
اذا وفقتي على هالكلام بنتمم الزواج
وبتسكنين في بيتي بتنامين بغرفه وانا بغرفه وحطي في بالك مستحيل يتقفل علينا باب علشان ماكون غاشك
فكري بكلامي وقولي ردك لسميه
( نسومه تقول ما دافع ضريبة هالشرط غيرك )
طلع من البيت وركب سيارته راجع لبيته ماله خلق يقابل سيف الكلام الي قاله مجهود وضغط كبيرعليه
كان رافضها وطلعت رافضته وما يدي وش نهاية هالزواج اذا تم
عند سميه
وقفت و بضيقه / خلينا ندخل داخل
دخلت منى لغرفة سمية بدون كلام
جلست على السرير وجلست سميه جنبها
سميه بجديه / فكري بالكلام الي قاله ماجد واضن انه شرطك قبل لا يكون شرطه
منى فسخت نقابهاا وشيلتها وعباتها ورمتهم جنبها وتمددت على السرير وصارت تبكي بحرقه
سميه بعصبيه / ابي افهم متى ترحمين نفسك من هالبكي
منى بصوت باكي / ممكن تطلعين وتقفلين النور بنام
سميه بعصبيه / ليش تخليني اندم على الخير الي اسويه كنت الظن دخولك لبيت ماجد وشوفتك لبناته بيزيل همك والي اشوفه انه زاد
تدرين ان الي تسوينه بعمرك قنوط وماضنتي انك جاهله وماتفهمين معنى هالاية ( ومن يقنط من رحمة ربه الا الضالون )
لا تصرين كافره بسبب تصرفاتك ارجعي منى القويه وخلي مصيبتك تقويك اكثر
منى سحبت اللحاف وتغطت فيه متجاهله كلام سميه
سميه وقفت وطلعت من الغرفه
عند صقر
بعد ماطلع سالم دخل شاف امه بالصالة قرب منها
ام صقر بجديه / وش يبي فيك اخوهااا
صقر بجديه / كان يسال عن حالها وكان بياخذها لكني رفضت
ام صقر بحرقه / اوجعت قلبي هالبنت
صقر بهدوء / وينها الحين
ام صقر بحزن / تركتها تلبس بتروح مع بنت اخوهاا لشغلها
صقر بجديه / على اني رافض انها تروح وهذي حالها لكن ما حبيت ارفض اول طلب تطلبه مني
ام صقر بحزن / خلها تروح يمكن تتغير نفسيتها لشافت بنت اخوها وتطلع من حبستهااا
صقر بجديه / انا طالع لشغل واذا احتجتو شي اتصلو فيني
ام صقر بحنان / افطر وبعدها روح
صقر بجديه / بفطر مع ركان
ام صقر بجديه / الله يسهل دربك
عند تركي
بعد مامل من وقوفه برا وبعد ماحس بحرارة الشمس تحرقه دخل بالمجلس شاف ولد اخوه نايم بفراشه جلس بمكانه
تركي بنفسه و بضيقه / متى يجي ونفتك من هالسالفه واذا ما جاء بعطي المهر امها وخليها تقوله عن موعد الزواج
عند مساعد
وصل لبيته وهو ما يشوف من التعب يرهق نفسه علشان اذا جاء بيته ينام بدون تفكير
وقف الوايت ونزل وصل لبيته انقرص قلبه وهو يشوف السياره الواقفه مقابل بيته
مساعد بحرقه / يوم قلت نسانا رجع وش جابك يولد الناس جيتك تذبحني
دخل بيته ودخل المجلس شاف تركي جالس
مساعد بضيقه / حيا الله من جانا
التفتت تركي شاف مساعد والتعب والارهاق مرسومين على وجهه وقف
مشى بتجاهه سلمو على بعض تركي بجديه / الله يحيك ويبقيك
رجع تركي مكانه ومساعد جلس مقابله وبضيقه / متى جيت
تركي بجديه / امس مثل هالوقت
التفتت مساعد وشاف سالم نايم ومغطى بالحاف وبستغراب / معك ضيوف
تركي وعيونه على سالم وبجديه / ايه ولد اخوي
مساعد بجديه / الها يحيه
تركي بجديه / جيتك بموضوعنا
يتمنى مساعد من كل قلبه انه يبشره برفضه هالزواج
مساعد وعيونه على تركي ينتظره يكمل
تركي بجديه / الزواج والملكه باذن الله الاربعاء ليلة الخميس وبفندق ال ...... وبيكون مختصر على الرجال ومافيه حريم
مساعد بخنقه / تمنيتك اسمع منك غير هالكلام والله اني كاره هالموضوع ورافض انك تطيع خبال امها لكني ما بيدي شي
وبحرقه / يكفيني الي سويته مابي اكملها عليهااا
تركي بجديه / مو تركي الي يعطي كلمه ويتراجع فيهااا الزواج بنهاية هالاسبوع والموضوع هذا خلصنا منه ومهرها بالسياره
مساعد بحرقه / ماله داعي المهر لانها ماهي مثل أي عروس وزواجك منها ما يعتبر زواج
تركي بزعل / المهر من حقها ولا تبيني اخذها بدون مهر
مساعد باختناق / مدري وش بقول لكن بنتي على جنونها ترها غاليه عندي واذا نفذت الي تبيه امها رجعها لنا
تركي باصرار / ما تزوجت بنتك علشان ارجعهااا بتعيش معي في بيتي وبتصير زوجتي وما تدري يمكن الزواج يرجع لها عقلهااا
مساعد وقف وباختناق / يا خوفي ان زواجك منها يضرك ويضر غيرك لان بنتي ماعندها عقل تميز فيه وتفرق بين الضار والنافع
تركي باقلبه / وهذا المطلوب علشان اربيها بنت بليس و تعيشها برعب قبل لا تذبحها
الي مايدرون عنها ان سالم سمع كل الكلام الي انقال بينهم وبراسه علامة استفهام كبيره
سالم في نفسه وبصدمه / مستحيل الي اسمعه معقوله عمي المغرور يتزوج مجنونه اكيد اني فاهم غلط واذا صدق بيتزوج مجنونه اكيد فيه سبب قوي ولازم اعرفه
مساعد بضيقه / بدخل اجيب لكم قهوه وفطور
تركي بجديه / الفطور افطرنا
مساعد يمشي من قدام تركي وبضيقه / اجل بجيب القهوه
دخل بدون ماينتظر رد تركي
عند مساعد
دخل شاف زوجته بالمطبخ وبقهر / اكيد انك مبسوطه برجعته
طالعته وبعدها صدت عنه وبقسوة / اكيييييييد مبسوطه لانه بيصلح الي خربته
مساعد بعصبيه / جهزي قهوه لضيف
لطيفه بجديه / قبل القهوه وش صار بينك وبين ضيفك
مساعد بحرقه / الي تبينه بيصير الاربعاء عساك ارتحتي وانتي تظلمين بنتك والرجال
لطيفه بقهر / مارح ارتاح الا اذا ثبتت براءة بنتي وشفت اخوانك منكسرين قدامي من الحين اقولها مستحيل اسامحهم واذا احد فتح فمه ما يلوم الا نفسه ياليت تفهم اخوانك هالكلام
مساعد باختناق / خلصي القهوه ما ني متحمل منك حرف
لطيفه ببرود / القهوه قدامك اخذها ورجع لضيوفك
عند تركي
بعد ما تركهم مساعد اعتدل سالم بجلسته ولتفت لجهت عمه شافه سرحان
سالم بصدمه / تركي الضامي المغرور والي ما يعجبه الحريم اخر عمره يتزوج مجنونه
تركي التفت لولد اخوه وبصدمه / وانت من متى صاحي
سالم بجديه / صحيت على دخول خويك ممكن تفهمني ليش بتتزوج هالمجنونه هذا الي كنت بتقول لي بعد ملكتك
تركي بعصبيه / والحين دريت والموضوع هذا منتهي ومابي فيه نقاش والزواج الاسبوع الجاي
سالم بعصبيه / وهالمجنونه الي تتغزل فيها وفضلتها على امي
تركي بعصبيه / تدري ان هالمجنونه افضل من امك مليون مره رضيت بالكلام ولا بالطقاق
وقف سالم وبعصبيه / لهدرجه ما تشوفتي رجال جالس تسب بامي قدامه
تركي بعصبيه / اقول انثبر مكانك لا تفضحنا عند الرجال
استجاب لعمه وجلس بمكانه معصب ومقهور من عمه
سالم بجديه / اكيد جدتي ماتدري لو انها تدري ما جيت هنا
تركي ببرود / من متى عمك يخاف من جدتك ول بغيت شي سويته لا جدتك ولا غيرها بيمنعوني
سالم بتفكير / البنت مجنونه تفهم وش معناته يبي لها تعامل خاص وناس تفهم بوضعها
تركي ببرود / ابشرك بتسكن عند امك
وقف سالم بعصبيه / ومن الخبل الي بيطيعك تسكنها عند امي مصيبتك تحملها بنفسك
تركي بقرف / امك زوجتي ومن واجبهاا تسعى على رحاتي
سالم بسخريه / الحين صارت زوجتك علشان تبلاها هالبلوه
تركي بعصبيه / صدعت براسي اعتبرها ضيفه عند امك لين ادبر لها احد يهتم فيهاااا
سالم بعصبيه / ليش امي الي تهتم فيهااا
تركي بسخريه / ما يبي لها امك عندها ثقافه بتربية البزارين وقادره تتحملهم والمجنون مثل البزر
قطع عليه دخول مساعد
قرب من عند تركي ونزل صحن القهوه قرب من سالم وسلمو على بعض
بعد ها جلس مقابل تركي وسالم جلس جنب عمه
تركي التفت على ولد اخوه ومد له مفتاح السياره وبجديه / هات الظرف الي بسياره
اخذ سالم المفتاح من عمه وطلع بعد دقائق دخل ومعه الظرف مده على عمه
اخذه منه تركي ومدها على مساعدوبجديه / هذا مهر بنتك وبعد القهوه بنتسهل
مساعدبحزن / تغدو وبعد الله يسهل عليكم
تركي بجديه / وراي اشغال وماقدر اغيب عنها اكثر
مساعد بحرقه / اجل نتقابل بزواج
تركي بجديه / لا تنسى تعزم عمانها
مساعد بحرقه وقهر / شلون انساهم والزواج ما صار الا بسبتهم
عند لطيفه
بعد ما تركها زوجها طلعت من المطبخ ودخلت غرفة بنتها شافتها نايمه على الارض قربت منها وجلست على ركبتها مقابلها
صارت تمسح على شعر بنتها ودموعها تنزل
لطيفه بصوت باكي / سامحيني ذبحتك مثل ما ذبحوك لكن كله علشانك
فتحت نوره عيونها على كلامها وداخلها يرتجف
باست عيون بنتها وبصوت باكي / الاربعاء بتصيرين عروس و بتظهر برائتك
شهقت نوره شهقه قويه من خووفها تبولت على نفسها امها خافت عليهااااااا
لطيفه برعب و بصوت باكي / ليش تنتفضين يا روح امك معقوله فاهمه كلامي
وقفتها امها ودخلتها الحمام غيرت لها
ونوره داخليا تبكي بحرقه والم على المصيبه الي بتصير
سدحتهاا امها على السرير تظاهرت بالنوم علشان تتركها امها مع همومه
لما تاكدت لطيفه من نوم بنتها طلعت وقفلت الباب
عند نوره
لما سمعت الباب يتقفل اعتدلت بجلستهااا وحطت راسها على كبتها وصارت تبكي بحرقه ووجع
رفعت راسها وبصوت باكي / وبعدين يا نوره ماضنتي جنونك بيفكك من هالمصيبه وبعدين شلون يرضاها على نفسه يتزوج مجنونه استفرغت على نفسها وهي تتخيل يقرب منهاا و....
بصراخ باكي / مستحيل يتم هالزواج لو موتي الثمن لكن شلون وانا مجنونه والباب مقفل لازم انحش هالمعرس لكن كيييييف يا نوره
وكملت بحقد وقهر / الله ياخذك يا طلال الله ياخذك كل الي فيني بسبايبك
سمعت صوت الباب رجعت لجنونها
دخلت عليها امها وهي مرعوبه من الصراخ قربت من بنتها
لطيفه بحنان / ليش يمه تصارخين
شافت الوسخ بملابس بنتها وبحزن / ليش مستفرغه على نفسك
قومي معي للحمام
مسكت بنتها بحنان دخلتها الحمام سبحتها بعده طلعتها ولبستها ملابسها وسدحتها على السرير وانسدحت جنب بنتها ونومتها بحضنها
نوره تمسكت بمها ماتبيها تبعدها عنها وتسلمها للغريب
صارت تكتم بكاها متاكده اذا شافت امها دموعها بتكشفها
عند سالم
بعد كلامه مع اخته وكلامه مع صقر دخلت الراحه نفسه يعرف صقر وواثق منه
وصل لسيارته فتح الباب ركب وحركها بطريقه لشركه
تطمن على ساره وباقي يتطمن على بنت اخوه الي طلعت وهي محروقه من جدتهااا
رفع جواله واتصل عليها
عند شوق
كانت بالسياره شافت رقم عمها رفعت جواله / اهلين بعمي الغالي
ارتاح من نبرة صوتهااا يعرف انها قويهااا وهذ مطمنه عليها كثيرررر
سالم بحنان / وش اخبار حبيبت عمهااا
شوق بابتسامه / وش هالرضا مره وحده حبيبت عمهااا
سالم بابتسامه / وحياته بعد
شوق بابتسامه / لا تسمعك عمتي هيا وتضنك تتغزل بغيرهاا عاد انا بنكر انك متصل فيني
سالم / ههههههههههههههه ماتخلين سوالف
وقفت السياره عن المركز شوق بجديه / عمي وصلنا الشغل بنزل واذا دخلت اتصلت عليك
سالم بستغراب / وصلتو من معك
شوق بجديه / من غيرها العمه الي بتكون معي
سالم حس براحه وبحنان / يا بوك وشلون نفسيتها
شوق وعيونها على ساره السرحانه وبجديه / معليهااااا
سالم بحنان / يا بوك لا تتركين عمتك واذا مهمومه حاولي تخففين عنها
جيت عندها معزم ارجعها لكنها رفضت وتبي تجلس عندهم
شوق بتاثر / عمي ولا يهمك ساره بعيوني واهل زوجهااا طيبين
سالم بقهر / صقر واهله ماعليهم اخلاف الخلاف بتصرف جدتك
شوق بضيقه / الله يعين
سالم بجديه / يله مع السلامه
شوق بجديه / عمي سالم شايل همك ويوصيني عليك
صحت ساره من سرحانه وبحزن / يا ليت كل الناس مثل ابو سعود
شوق بجديه / احيانا اشك انه ولد جدتي وان ابوي وعمي تركي اخوانه غير عنهم كلهم
ساره بحرقه / سالم يشابه لابوي الله يرحمه والباقين طالعين لجدتك قلوبهم حجر
شوق بجديه / ترانا وصلنا ولا عاجبتك جلسة السياره
فتحت ساره باب اونزلت بدون ماترد على شوق دخلو المركز ودخلو غرفتهم وكل وحده جلست بمكانهاا
عند ركان
طالع بساعته وبعصبيه / هالشوق ماتعرف ترفع التلفون وتتصل وتقول انها ماهي جايه مدري أي تعامل ينفع معها
وبعشق / على قسوتها ولسانها الطويل صاير اشتاق لها والمشكله حارمتني شوفتها وما عندي الا هالشغل اشوفها فيها
مالي الا اقابل عمها اليوم وحدد معه العرس ويكون باقرب وقت معاد قادر اتحمل والله اني على شعره وتهور معها
سمع اصوات بالغرفه المقابله سمع صوت شوق وساره
ركان بصدمه / غريبه العروس جايه لشغل طيب هي كانت تعبانه وش مجيبهااا
رفع تلفون مكتبه واتصل على شوق
عند شوق
كانت جالسه سمعت صوت التلفون / اووووووف اكيد انه الغثيث
ساره كانت منزله راسها على الطاوله / ردي عليه وقولي ماجبنا قهوه
شوق بابتسامه / هذا الي بيصير
رفعت التلفون وبدون ما تنتظره يتكلم
شوق باستعجال / اليوم ما جبنا لا قهوه ولا فطور
ركان بعصبيه / اذا بتكلميني تكلمي بادب واحترام وياليت تجيني بمكتبي
شوق بعصبيه / وش تبي
ركان بعصبيه / دقيقتين اذا ما جيتي ياويلك
قفل الخط بوجهااا
طالعت بساره وبعصبيه / قفل الخط بوجهي
ساره بسخريه / حلال عليك تقفلين بوجهه وحرام عليه يقفل
روحي شوفي وش يبي فيك
وقفت ومشت وهي تغلي من ركان
طقت الباب وسمعت صوته يسمح لها بالدخول
وقفت مقابل مكتبه وبعصبيه / خلصني و قول الي عندك
ركان وعيونه عليها وبهدوء / زواجنا بعد شهر
شوق بعصبيع وصوت عالي / ومن قاله ان شاء الله
ركان بسخريه / انا اقوله ولا نسيتي اني زوجك
شوق وبثقة / وانت مصدق اني بيكون زوجتك
ركان بسخريه / والملكه وش معناتها
شوق ببرود / ما تعني زواج واذا على الملكه تفركش
وقف ركان وبعصبيه / وانتي حاطتني الغبي الي بيوصلك للي تبينه وبعدين تحذفينه
شوق بوقاحه / زين انك فهمت
ركان بعصبيه / اجل ما عرفتي منهو ركان و الله لخليك تجين عندي وتترجيني اعجل بالزواج
شوق / هههههههههههه اذا جيتك لا تقصر فيني
ركان بعصبيه / لا تلوميني يا شوق بالي بسويه فيك انتي الي حديتيني
شوق بعصبيه / ممكن تخليني ارجع بدال سوالفك الماصخه
ركان بعصبيه / انقلعي
طلعت مثل عادتها وهي تمشي بغرور يقهر قفلت الباب وراها بقوة
عند ركان
انقهر منها وبصوت عالي يبيها تسمعه بعصبيه / هيييييييييين ياشوق
تتوقعون الي قاله راكان بيصير ولا كلام في مهب الريح
والاخوات الي يبون ركان يكسر غرور شوق يرفعون يدينهم
لنا لقاء باذن الله
اختكم نسايم نجد
|
06-05-12, 12:08 PM
جديد مواضيع قسم الارشيف
العرض العادي
