كاتب الموضوع :
نسايم نجد
المنتدى :
الارشيف
مشتاقه لكم كثيررررر متاكده اني طولت عليكم لكن لي ظروفي
الاخوات الي موقفهم ضد صقر ورفضه لساره وراضي انه يطلقها
الاجابه / من المعروف بالمجتمع الشرقي ان الرجل تمنعه رجولته وكبريائة انه يستمر مع وحده رافضته وهذا فيه اهانه وخدش لرجولته وصقر واحد منهم
حابه اوضح لكم ان مصيبة ديما قريبه جداااااا ولا اخفيكم اني مرعوبه من تفاصيل المصيبه بمجرد تفكيري فيه تنزل دموعي وبكون صادقه معكم بانهار لكتبت ذاك البارت الموجع والسبب سبق وقلته الكم ديمااااا قطعه من روحي وعاصرت ماساتها وكنت شاهد عليها
بتقولون اذا توجعك طنشيها ولا تكتبين فيها وتفتحين جروحك
وردي عليكم / علشانه يوجعني كتبت عنه مابي يكون فيه ديما ثانيه وهناك من يحترق عليهااا
كما سبق ووعدتكم بتكون فيه بارتات خفيفه لكن قبل نزولها بحط عنكم خبر بالوقت
الرجاء عدم طمر السطوووووور
البارت السبعون
شافو ام سالم داخله بكل ثقه وكانها ماسوت شي
فزت شوق وقربت من جدتها وبعصبيه / وينها ساره
ام سالم بعصبيه / ساره في بيت زوجها والي عنده كلام يبلعه
شوق بعصبيه / هو على كيفك ترمين بنتك عند ناس اغراب وتقولين زوجتكم اخذوها
ام سالم بعصبيه / ساره بنتي لو احرقها محد بيفتح حلقه ويويلك ياشوق لو سويتي شي يزعلني
شوق بعصبيه / واذا سويت الي يزعلك بترميني مثل بنتك
ام سالم بعصبيه / لا تحديني اسويها يابنت ناصر
شوق بعصبيه / اذا خرفتي ورميتي بنتك فمستحيل ترميني
سكتها كف قوي من جدتهااا
شوق بصدمه / تضربيني
ام سالم بصوت عالي وبعصبيه / واكسر راسك واذا مربتك امك انا اربيك
شوق بعصبيه / هذي ثاني مره تمدين يدك علي الاولى تركت لك الديره والحين بترك لك بيتك
ام سالم بعصبيه / ان عتبتي عتبة الباب حشيت رجولك
شوق بعصبيه / مو على كيفك انا واخواني طالعين لامي
وبصوت مخنوق / لاني صرت ما قدر امنك لا علي ولا على اخواني
ام سالم بعصبيه / شوووووووووق
دخل سالم منفجع من الصراخ
هيا كانت تناظر شوق ومنصدمه من انفعالها بوجه جدتها
لما شافت سالم وقفت بتترك المكان ماتبي تشوف زوجها ينقهر من امه قدامها واكيد خالتها مراح ترحمه من لسانها طلعت فوق
سالم وعيونه على امه وشوق وبجديه / وش فيكم
طنشتهم ام سالم ومشت قدامه وجلست على الكنب وسالم لحق امه وجلس مقابله وشوق وقفت مقابل جدتها
سالم عاد سؤاله وبجديه / ممكن تفهموني وش سبب كل هالصراخ
شوق بصوت باكي وبعصبيه / امك حذفت بنتها عن واحد ينقال انه زوجها بدون لا عرس ولا مهر وكانها حمل ثقيل وتخلصت منه ولما رفضت تصرفها ضربتني كف
سالم بصدمه / انخبلتي وش هالكلام الي تقولينه
شوق بقهر / اذا منت بمصدقني اسئل امك
انتقلت عيون سالم لامه ينتظرها تنفي كلام شوق
ام سالم بعصبيه بقوه / بنتي وفي بيت زوجها ولي مو عاجبها ينفلق
وقف سالم و بعصبيه / طول نهارنا محتاسين ندور عليها والحين جايه تقولين في بيت زوجها
لازم اروح ارجعها
وقفت ام سالم بعصبيه / منت برايح مكان والبنت في بيت زوجها وصكو على هالموضوع
التفت لامه وبحرقه وقهر / واحنا وين من تدابيرك
ام سالم بعصبيه / تدابيري ومالكم شغل فيها
سالم بقهر وبصوت محروق / يمه بتجلطيني تبينا نوافقك على اذلال بنتك وقبله اذلالنا وش بيقولون الناس وانتي ساحبه بنتك لهم لو انها مخاويته كان ماسويت فيها هالسواه
ام سالم بعصبيه / اختك وفي بيت زوجها ومالها طلعه منه
سالم بقهر وعصبيه / اخت سالم ما تنذل ومثل ما اخذيتها لهم برجعها وقبل لا تدخل بيت زوجها يكون مسوي لها عرس وماخذها من بيت اهلها
ام سالم بعصبيه / لعتبت بيتهم والله لاغضب عليك
سالم بحرقه / خوفنا من غضبك قلل من قدرنا بين الرياجيل قولي وش نقول للناس لدرو بسواتك والله ليحطون في بنتك الشينه
ام سالم بعصبيه / من متى اهتم بكلام الناس الي فيه مصلحة بنتي وسويته
شوق بعصبيه / انتي حتى بكرامة بنتك ماهتميتي خليتها ما تقدر ترفع راسها والسبب انتي ياجده
ام سالم بعصبيه / انقلعي فوق مابي اشوفك
شوق بعصبيه / باخذه اخواني وطالعه برا بيتك
مشت وتاركه عمها مع جدتها
ام سالم بعصبيه / شفت بنت اخوك معاد تحترم احد
سالم بحرقه / يمه تصرفك يخلي الحجر يتكلم
ام سالم بعصبيه وباصرار / كلامها بمحله شلون مارحمتي بنتك وانتي تحذفينها لبيتهم شلون بتقدر ترفع راسها واهلها مسترخصينها
ام سالم خافت سالم يتناشب مع صقر وتصير الي خايفه منه
ام سالم بكذب / اختك مارحت لهم الا برضاها
سالم بحرقه / اكيد بترضى مدامك تبينها ترضى
شافو شوق نازله لابسه عباتها شايله ماهر وماسكه فارس وخواتها وراها
سالم وعيونه على الدرج وبسخريه / على وين ان شاء الله
شوق وعيونها بجدتها / لبيت امي
ام سالم بعصبيه / انسي ان لامك وطلعي لغرفتك لطلعك بطريقتي
شوق بقوه / ماتقدرين لا انتي ولا غيريك يمنعني عنهااا مايمنعني عنها الا الموت
ام سالم بعصبيه / تعصيني يابنت ناصر
طنشت كلام جدتها ومشت من قدامها تاركه جدتها وراه تغلي من القهر والعصبيه
ام سالم بعصبيه / بامنعك يابنت امك لو بنت ناصر ماتطاولتي على جدتك
وقفت بتلحقهم مسكها سالم وبجديه / خليها تروح لامها ولا نسيتي انها صارت زوجة ولدك وهذا كان سبب زواجه منها
رجعت وجلست وبهدوء / الا اخوك وين غاط
سالم بحرقه / مدري عنه لكن الظاهر رايح لاهل العروس الجديده
ام سالم بعصبيه / وماله اهل يقول لهم انه رايح
سالم بحرقه / تركي رجال شوره بايده
ام سالم وقفت / بطلع لغرفتي انام
سالم بحرقه / وبنتك بتنام بعيد عنك
ام سالم بعصبيه / بنتي في بيتها ولا تبيها تطلق
سالم وقف وبقهر / الله يهداك يمه
ام سالم مشت من قدامه وبعصبيه / ربي هديني من قبل لا اعرفكم
طلعت ام سالم
وسالم طلع برا البيت وصل لبيت صقر طق الباب ردت عليه الشغاله
سالم / صقر موجود
الشغاله / لا مافي موجود
رجع لبيته ركب سيارته ورفع جواله اتصل على صقر لكن جواله مغلق
عند ركان
دخل بيته والابتسامه شاقه حلقه
وقف صقر وبجديه / من وجهك واضح ان الدنيا تسهلت
ركان جلس وبابتسامه / والله ان مصيبتك خيره لي
صقر بعصبيه / قول وش صار
ركان بابتسامه / ماصار شي
صقر بعصبيه / والابتسامه وش حقه
ركان بعشق / تدري ماشفتها من ملكنا واليوم شفتها مرتين شفت شلون مصيبتك خيره لي
صقر بعصبيه / الحين مرسلك تحل هالمشكله ولا مرسلك تشوفها
ركان بابتسامه / اليوم ربك منزل عليها السكينه والهدوء وتزهلت الموضوع
صقر جلس براحه / الظاهر انها ماتسكن وتهداء الا بالمصايب
ركان بابتسامه / وانت رجعت تجلس اقول روح كحل عيونك بعروستك
صقر بضيقه / العروس محرمه علي باوامر ام صقر وفوقه البنت مقفله عليها البيبان رافضتني
ركان بجديه / صقر لا تعايرها بسوات امها فيها واذا سوت هالشي صدقني بتذبحها
صقر بعصبيه / لو احد غيرك قال هالكلام كوفنته بمحلك من متى صقر بدون اخلاق ويجرح الناس وشلون بزوجته
( نسومه تقول لك متاااااااااكد ياصقر من كلامك ولا الزمن بيغيره )
ركان بجديه / واثق من اخلاقك لكن حبيت اذكرك
صقر بسخريه / لا تذكرني ولا اذكرك روح جيب لنا شي ناكله
ركان بجديه / روح لبيتكم وانا بطلع انام
صقر بجديه / شكلي بنام عندك اليوم
ركان بجديه / ماعندك فضول تشوف زوجتك
وقف صقر بعصبيه / انت ماتفهم امي عادتني غريب عنها لين يصير عرس
ركان بابتسامه / عجل بالعرس وتصير قريبه
صقر بعصبيه / شلون اعجل بالعرس والبنت كارهتني
ركان بجديه / البنت ماكرهتك كارهه طريقة زواجها فيك
صقر بضيقه / كله واحد ماتفرق
ركان بجديه / انت يارجال قومت الدنيا وقعدها يومك دريت عن زواجك شلون في هالمسكينه الي درت ومالقت من يخفف عليها الا زادوها قهر
صقر بحرقه / حسبي الله على امها
تمدد ركان على الكنبه / لا تتحسب عليها ماتدري يمكن بالامر خيره
صقر وعيونه على صديقه / ان شاء الله يكون خيره
ركان بابتسامه / انا لو الكيف كيفي حبيت ام سالم على راسها لان الي سوته صار خيره لي
وقف صقر وبعصبيه / كلن يغني على ليلاه خلني اروح اشوف الاوضاع
ركان بابتسامه / الله يستر عليك
طلع صقر
وركان حط يده على وجهه وهو يتذكر مقابلته لشوق وابتسم لحياها
بابتسامه / معقوله جاء الزمن الي اشوفك مستحيه وماتقدرين ترادديني
والله ماني بمصدق ان الي شفتها شوق كل هالجمال والنعمومه والانوثه تطلع بهالدفاشه ولسانها متعوذ منها
ههههههههه والله هالبنت طلعت مواهبي المدفونه وكل مره اشوفها افقد سيطرتي على نفسي لازم اقرب الزواج ولا بتصير علوم
في بيت صقر
الكل جالس بالصاله وام صقر مهمومه على ساره الي من الصباح مقفله على نفسها
ام سالم بضيقه / ديما روحي طقي الباب على خويتك يمكن ترضى تفتح
ديما بحرقه / من اليوم رايحه جايه اطق بابها مو راضيه تفتح او تتكلم
وقفت ام صقر وبحرقه / المفتاح لازم ينشال اذا هذي سواتها
مرام بحزن / خاله اتركيها لرتاحت اكيد بتفتح
ام صقر بحرقه / قلبي قارصني عليها ليكون سوت في نفسها شي
ديما بهدوء / يمه ارتاحي
ام سالم بحرقه / وين ارتاح والبنت هذي حالها بروح لها واكيد بتفتح لي
مشت من عندهم وقربت من غرفة ساره وطقتها بهدوء
ام صقر بحنان / يمه ساره افتحي بشوفك وبتطمن عليك وبطلع
عند ساره
كانت متمدده على سريره وجسمها ينتفض تسمع صوت ام صقر وكانه حلم
حيلها منهد ماتقدر تفتح الباب
زاد الطق على الباب
عند ام صقر
ام صقر بخوف / البنت مالها صوت اخاف صاير فيها شي
سمعت صوت الباب الخارجي القريب من غرفة ساره
طلعت شافت صقر واقف
ام صقر وبضيقه / يامك البنت مو راضيه تفتح
صقر بجديه / خليها على راحتها
ام صقر بخوف / اخاف مسويه بنفسها شي الي صار لها صعب
صقر بحرقه / وش تبيني اسوي
ام صقر بضيقه / ابي هالباب ينفتح بتطمن عليها
قرب صقر من امه وباس راسها / الله يخليك لنا والباب سهل فتحه
ام صقربضيقه / شلون بتفتحه
صقر بثقه / بقشع الباب من محله لكن محتاج شنطه العده
ام صقر براحه / بدخل اجيبيها لك
دخلت ام صقر وبعد دقائق رجعت ومعها الشنطه مدتها لولدها الي فتحها واخذ الي يحتاجه وبعدها نزل الشنطه على الارض
قرب من الباب وصار يفك المسامير التفت على امه
صقر بحنان / يمه ارتاحي اذا فتحته بناديك
ام صقر باصرار / بجلس عندك لين تخلص
بعد عشر دقائق شال الباب وحطه على جنب وصارت الغرفه مفتوحه
دخلت ام صقر وكان صقر بيدخل وراها لكن يد امه منعته وباصرار / روح وراك
استجاب لامه وطلع
قربت ام صقر لساره النايمه وقلبها يتمزق على حالها
جلست على طرف السرير ومدت يدها بتمسح على ساره الي شعرها مغطيها
ام صقر وعيونها على شعر ساره وباعجاب / ماشاء الله
رفعت الشعر عن وجه ساره شافت وجها الاحمر مدت يدها لجبهتها انفجعت من الجمره الي تحس بحرارتها بيدها وقفت وطلعت برا ماشافت صقر
مرت الصاله شافتها ديما وقفت مرعوبه / يمه فتحت الباب
ام صقر بحرقه / صقر فتح الباب والبنت مشتبه نار
ديما بخوف / وش فيها ساره
ام صقر بحرقه / وقت اسئلتك روحي لها وغطيها بنشيلها للمستشفى
ديما مشت بسرعه لغرفة ساره دخلت قربت منها حطت يدها على جبين ساره كانت نار مشتبه
نزلت دموع ديما على صديقتها نزلت الشباصه الي بشعرها ومدت يدها لشعر ساره لفته ومسكته بالشباصه
التفتت شافت شيلة ساره وعباتها على الكنب وقفت اخذتها وبدت تلبس ساره
ام صقر
دخلت المجلس شافت ولدها متمدد على الكنب
ام صقر بحرقه / البنت بتروح من بين ايدينا
صقر وقف وبخوف / لقيتيها منتحره
ام صقر بصوت باكي / البنت حرارته مرتفعها سوات امها اقهرتها وامرضتها بسرعه بنوديها للمستشفى
صقر بضيقه / بشغل السياره وانتي طلعيها برا
ام صقر بعصبيه / البنت ماتقوى ترفع نفسها وانا عجوز ياله اشيل نفسي ومافي غيرك يشيلها
صقر بجديه / شلون اشيلها وانتي طاردتني ومانعتني عنها
ام صقربعصبيه / اجل تبيها تموت بمكانها شيلها من غير لا تشوفها
صقر بجديه / بشغل السياره وبفتح بابها وياليت تستتر عني مامك ماتبيني اشوفها
ام صقر مشت وبجديه / لا تتاخر علينا
تركته امه وهو طلع بر شغل السياره وترك الباب الخلفي قاتح
طلع لسياره شغلها وفتح الباب دخل داخل قرب من غرفة ساره وصار يتنحنح
ام صقر / ادخل يمه
دخل وحمد ربه وهو يشوف ساره منسدحه والسواد مغطيها
ام صقر / تعال شيلها
قرب من سريرها ونزل نفسه وحط يدها تحتها ورفعها و انصدم من الحجم الي يشيله
التفت لامه بصدمه / يمه هذي بزر متاكده انها حرمه
ام صقر بعصبيه / قلت شيلها مو تتمقل فيها
عيونه تتفحص الجسم الي شايله وبقهر / يمه قصيرررررره
ام صقر بعصبيه / القصر قصر الذهب
صقر بضيقه / والطول يام صقر عز هذي ماتجي طول ساقي
ام صقر بعصبيه / البنت بتموت بين ايدينك وانت تسولف بهالسوالف
استحى من امه وسكت / وحده منكم تروح معي
ام صقر بعصبيه / انت اخذها المستشفى واذا السالفه محتاجه جيتك
صقر وهو يمشي ويتحلطم / والله ماينعرف لك تقولين لا تشوفها والحين مخليتني معها لحالنا
ام صقر بجديه / روح الله يصلحك
طلع وهو شايل ساره
عند شوق
طلعت من بيت جدتها وهي خايفه من استقبال امها لها
وقفت عند الباب ولمحت صقر طالع من بيته وبيدها حرمه
شوق وعيونها على سيارة صقر وبخوف / ادخلو عند امي دقايق وراجعه لكم
عند نوف
سمعت صوت الجرس استغربت من بيجي بهالوقت المتاخر
وقفت طلعت من الصاله وفتحت باب الشارع تفاجئت بعيالها عند الباب شالت ماهر وصارت تبوسه بكل جسمه وانتبهت لفارس يسحيها غيران من اخوه رفعته بيدها الثانيه / فديته الغيوررررررر
طالعت في بناتها / تو مانور البيت ياحياة امكم من زمان انتظركم تنورن هالبيت المظلم بدونكم
صارت تتلفت وراهم
نوف بجديه / وينهم الباقين
سمر بطفوله / نايمين
نوف بحرقه / وشوق وينها
سمر بجديه / شوق وصلتنا وقالت بتجي
نوف بحرقه / اكيد مالها وجه تقابلني فيه واكيد
رجعت لجدتكم
سحر / لا
سمر / شفتها تكلم رجال وركبت معه
نوف بستغراب / ركان
سمر بجديه / مدري
نوف بحب / ادخلوو وشوق اذا جت فتحنا لها الباب دخلت البيت وهي طايره من الفرح بعيالها من
نزلت فارس وماهر وحضنت البنات بحب
نوف بحب / لا تزعلون علي اني حضنت الصغار وتركم لكن انتم لكم حضن خاااااااص
البنات فرحانات بحضن امهم
سمر بحزن / ماما مانبي نرجع لبيت جده بنسكن عندك
نوف بحب / تطمني ياروح امك بتسكنون عندي ومجهزه لكم غرفه لكن الليله بتنامون بغرفتي
انرسمت البسمه على وجه البنات
نوف بابتسامه / انتم انتظروني بجيب لكم شي تاكلونه
دخلت نوف المطبخ وصارت تطبخ بحماس الطبخات الي يحبونها بناتها
عند شوق
تاملت من بعيد الي شايلها صقر وتاكدت انها عمتها مشت بسرعه عنده
عند صقر
انصدم من الي واقفه قدامه
صقر في نفسه / وانا ناقصك
شوق وعيونها على عمتها وبعصبيه / وش شويت فيهاااااااااااااااااااا
صقر نزل ساره بالسياره وعتدل واقف بسخريه / ذبحتهااااااااااااا وبروح ادفنها
شوق وبعصبيه / ساررررررره وش صاير عليها
صقر بهدوء / حرارتها مرتفعه وباخذها للمستشفى ليكون كفرت
وقرب من شوق وبعصبيه / وش الي سويته فيها يخلي حرارتها ترتفع
صقر بعصبيه / هالسؤال تسالينه لجدتك وياليت تخليني اوديها ولا تبينها تموت
شوق بصوت مخنوق ومقهور / بروح معكم
صقر بجديه / استاذنتي من ركان
طنشت كلامه وركبت جنب عمتها المتمدده وصقر هز راسه وركب ماله خلق يتناشب معها حرك سيارته وبطريقه للمستشفى
وسمحت لدموعها بالنزول وتكلمت بصوت واطي لكن اذن صقر سمعته / عمه ادري ان جدتي قهرتك تهاوشت معها و اخذت اخواني وتركت البيت لها
مستحيل اخلي هالمهزله تتم ومن المستشفى بتروحين معي لبيت امي
صقر يسمع كلامها ومقهور منها
صقر في نفسه / هذي وش شايفه نفسها ماقول الا الله يعينك ياركان على بلواك
وقف عن المستشفى / انزلي وشوفي عمتك اذا تقدر تمشي ولا نزلت وطلبت لها سرير
شوق بعصبيه / انزل اطلب لها سرير
نزل صقر بعصبيه / ياليت تتكلمين باسلوب احسن من هالاسلوب تراني ماني صبي ابوك
ومشى مانتظر ردها دقائق رجع ومعه ممرضات يدفون سرير
فتح الباب الخلفي ووقف بعيد لما شاف ساره متممده على السرير
صقر في نفسه وبحرقه / وش هالحظ متزوج قزمه اخونها طوال وابوها طويل من وين جابت القصر
وامي تقول القصر للذهب ماقول الا يارب منك العوض واليك العوض
نزلت شوق ولحقو ساره دخلو المستشفى وققت شوق مقابل الباب بتدخل التفتت شافت صقر واقف قريب
وقربت من صقر وبعصبيه / ماتوقع ان وجودك مرغوب فيه فياليت ترجع لبيتكم
صقر بعصبيه / انتي شكرا وجزاك الله خير مشيوله من قاموسك وياليت تدخلين عند عمتك مابي اجمع كل الي بالمستشفى عليك
صدت عنه شوق ومشت قدامه بكبرياء وهو بينفجر منها
صقر في نفسه و بعصبيه / والله مدري وشلون متحملها ركان هذي لو لي سلطه عليها كان بالعقال الي يعلم بجنوبها
دخلت شوق شافت الممرضات متجمعات على عمتها قربت منهم
شافتهم شايلين العبايه عنها
شوق بعصبيه / وينه الدكتور
ردت ممرضه سعوديه / عنده حاله بيخلصها وبيجي
شوق بجديه / طيب عطيها شي ينزل عنها الحراره
قبل لا تنهي كلامها شافت الدكتور واقف قدامها
بعد الفحوصات مد ورقه للممرضه
والتفت لشوق / اختك حرارتها مرتفعها وارتفاعها مخيف
طالعته شوق وبخوف / وشلون مخيف
الدكتور بجديه / الحراره لارتفعت تسبب خلل بالدماغ واحيانا تسبب تشجنجات
شوق بعصبيه / وش تنتظر عطها ابره تنزل حرارتها
الدكتور بهدوء / الممرضه بتجيب لها الابرها وباذن الله خلال دقائق بتنزل الحراره
دخلت الممرضه وبيدها صينيه فيها ادويه قربت من ساره وضربتها بالابره ورفعتها وصارت تشربه الخافض وبعده رجعتها لمكانها
الدكتور وعيونه على الممرضه / انتي ابقي عندها واذا مانزلت حرارتها انا بمكتبي
طلع من الغرفه والممرضه جلست على كرسي قدام ساره تراقب وضعها
وشوق تقدمت لعمتها وجلست على الكرسي القريب منها ومسكت يدها
ونزلت دموعها بحراره / ادري ان الي فيك بسبايب جدتي لكن مستحيل اخليك ترجعين لهم وبتسكنين معي عند امي
تسمع همهمات ساره وهذيانها بسبب السخونه
سمعت صوت طق الباب
مشت للباب فتحته شافت صقر واقف
صقر بهدوء / شلونهااااا الحين
شوق بعصبيه / بتفهمني انها تهمك
صقر بسخريه / نسيتي انها زوجتي
شوق بعصبيه / قلت لك ارجع مانحتاجك واذا نزلت حرارتها بترجع معي
صقر بعصبيه / بترجع لبيتها
شوق بعصبيه / اكيد بترجع لبيتها
صقر بجديه / بيتها بيت زوجها
شوق بعصبيه / تخسى ترجع لبيتكم اذا جدتي رمتها كلنا نبيهااا
صقر بهدوء / يابنت الحلال ليش تحبين الشر اهي زوجتي من زمان والحين في بيتها
شوق بعصبيه / جاز لك سوات جدتي جتك بلوشي لكن ماكون بنت ناصر اذا رجعت لك
صقر بجديه / صقر مايرضى يتزوج بلوشي وبيسوي عرس الكل يتكلم عنه
شوق بحرقه / وش عقبه بعد ماصارت زوجتك
صقر بهدوء / تطمني عمتك ماشفتها والفضل لام صقر الي معتبرتها بنتها وحالفه ماقرب منها الا بمهر وعرس ولذاك الوقت بتصير بنت لام صقر
شوق بحرقه / امك حنت عليها وجدتي قست عليها
صقر بهدوء / لا تخربين حياة عمتك وبعدها تحط اللوم عليك
شوق بهدوء / اذا ما تبيك بطلقها مابيها تنقهر يكفيها قهر جدتي لها
صقر بهدوء / انجبرنا على بعض ولازم نتقبل بعض
شوق بعصبيه / مدامك مجبور عليها سهلة طلقها
صقر بجديه / مابي اظلمها
شوق وعيونها على صقر / لكن زواجكم ظلم
صقر بضيقه / وتبيني افك الظلم بظلم اكبر منه
شوق مقتنعه بكلام صقر وبجديه / اجل باخذها معي ولسويت لها الزواج ترجع لكم
صقر بجديه / يرضيك يكون جزات ام صقر كسران حلفانها
شوق بجديه / امك خلها علي
صقر بعصبيه / يويلك يا بنت الناس لو جرحتيها بحرف
شوق بعصبيه / تطمن ماجرح الا الي يستاهل وامك تصرفها تستاهل عليه بوسه على راسها
صقر بجديه / بطلع البيت واذا بغيتو شي اتصلو
شوق بهدوء / تطمن ما نحتاجك وعندنا سواق تحت امرنا
صقر ماعجبه كلامها لكن اضطر يسكت ماصدق الحوار ينتهي بهدوء
طلع وشوق دخلت وجلست على الكرسي وعيونها على عمتها متاثره لحالها مدت يدها تتحسس حرارتها لا زالت مرتفعه لكن اخف من قبل
شوق بحزن / ساره تسمعيني
فتحت ساره عيونها بتعب وبصوت تعبان / شوق
شوق بحنان / ايه شوق
ساره وعيونها تدور بالمكان وبصوت تعبان / انا ويني فيه والي صار حقيقه ولا كنت بحلم
شوق بحزن / انتي بالمستشفى
سار بصوت مبحوح / من جابني هنا
شوق بحزن / صقر
نزلت دموع ساره وبصوت باكي / اااااااااااااه درى عن وجودي في بيتهم
شوق بصوت باكي / لا تقهرين نفسك بتطلعين من هنا لبيت امي
ساره بعصبيه / وانتي وش حقه جايه
شوق بهدوء / جيت معه علشانك
صدت عنها ساره وبصوت باكي موجع / انا حصدت ذنوبكم وبارضى بالي صار لي يمكن تحسون بعظم ذنبكم
شوق بعصبيه / بتروحين معي غصب عنك ولا راضيه تنهانين وحنا نشوف
ساره بصوت باكي / ما ترضين لي الاهانه ورضيتيها لامك
شوق وقفت وبعصبيه / لا تحشرين امي بالنص
ساره بصوت باكي / وضعنا واحد كلنا انجبرنا وانفجعنا بالزواج انا امي رمتني لهم وهي بنتها رمتها انا لقيت بديله لامي وشف بدقائق حنان وحب ماشفته من امي كل سنيني
جلست شوق وعيونها معلقه على ساره موجوعه من كل حرف قالته والموجع انها صادقه فيه
ساره بصوت باكي / اذا رفعتي الاهانه عن امك تعالي ارفعيها عني
شوق بحرقه / الي فهمته من كلامك بترجعين معه
ساره بصوت باكي / بترجعيني انتي لهم
وقفت شوق بعصبيه / اناااااااا اوصلك لبيته
ساره بحرقه / ايه بتوصليني لهم منتي باحسن من ام سالم
رجعت شوق وجلست وبهدوء / وقفت بوجه جدتي علشانك وطلعت من بيتها وتاليتها يكون هذا كلامك
ساره بصوت باكي / انتي وام سالم نفس بعض قلوبكم قاسيه ماتعرف الرحمه وتحبون تظلمون وتتحكمون بحياته غيركم على كيفكم
شوق بصوت باكي وبعصبيه / انا قاسيه وماعرف الرحمه واحب الظلم
ساره بقسوة / والي سويتيه بامك اكبر دليل
شوق بصوت عالي باكي / كل شوي امك وامك اذا ظلمت امي علشانها
ساره بسخريه / وام سالم ظلمتني علشاني
وقفت شوق بعصبيه / الكلام معك ضااااااايع ارجع لبيت امي احسن من كلامي معك
مشت وهي تتمنى ساره تمنعها لكن مافي امل طلعت برا وماطاوعها قلبها تروح وتترك عمتها وراها
صارت تمشي باسياب المستشفى وعقلها عند ساره
عند سالم
جالس بالمجلس وجواله بيده يتصل على صقر الي جواله مغلق وكاره يتصل بركان يسئله عن صقر لانه مستحي من سوات امه
رجع يتصل وارتاح وهو يسمع صوت صقر
عند صقر
طلع من المستشفى وركب سيارته طلع جواله من جيبه وتفاجئ انه مغلق
صقر بجديه / وانا اقول غريبه الجوال هاجد طلع مقفل
اخذه وحطه بشاحن السياره
حرك سيارته بعدها بدقائق شغل جواله وكان اول المتصلين سالم
صقر في نفسه / الله يعيني عليك يابو سعود
حط الجوال على اذنبه وبجديه / اهلين ابو سعود
سالم يحاول يمسك اعصابه مقهور من صقر / شخبار
صقر بجديه / الحمد لله بشر عنك
سالم بحرقه / ابخير مريت بيتك ومالقيتك
صقر بجديه / اذا على موضوع اختك
قطع كلامه سالم / هذا الي جيتك علشانه والي سوته امي رافضه ومثل ماجابتها برجعها
صقر بجديه / تعيب باخلاقي يابو سعود
سالم بجديه / انت رجال تنشرى لكن
قاطعه صقر برجوله / مافيها لكن اختك زوجتي وصارت في بيتي وماترضاها لاختك تنطرد من بيتها وتاكد يابو سعود الي صار مراح يقلل من قدر اختك بعيني لاني عارف معدنها
سالم بحرقه / وهي شلونهاااا
صقر بجديه / معليها خلاف وامي فرحانه فيها وبتسوي لها عرس كل الرياض تشهد له
نزلت دمعه على خد سالم / الله يجزاها خير والعرس مو اكبر همي الي يهمني سعادتهااا
صقر برجوله / ان شاء الله ما تنظام وهي في بيتي
سالم بصوت مخنوق / حطها بعيونك ولا تجرحها ترها حساسه وقلبها طيب سهل انك تملكه
صقر بجديه / ابشرررررر
سالم بجديه / بكره بمر اشوفها اذا شفتها مرتاحه ومبسوطه تركتها والا اخذتها معي
صقر بارتباك / حياك الله بكل وقت
سالم بحرقه / فمان الله
انهى اتصاله من سالم وبضيقه / وش بتسوي اذا دريت انها طايحه بالمستشفى والله مشكله ياليتها ترضى بالي صار وتريح راسي
عند سالم
بعد مانهى اتصاله سند ظهره على الكنب وبحرقه / الله يسامحك يمه على سوتك
الحمد لله انهم متفهمين الوضع الله يجزاه خير ام صقر الي بتفرح في بنتك وانتي راميتها الله يسخر لها صقر واهله
عند منى
طول نهارها في بيت ماجد وزاد تعلقها بحنين تشوفها بنتها متمسكه فيها و رافضه انها تقوم من حضنها وتتركها تعوض فيها حرمانها من بنتهااا
وسميه قلبها محترق على صديقتها وكاشفه كل تصرفاتها ومتاكد ان تعلقها ببنت اخوها بيساعدها بزواج منى من ماجد
عيونها على منى الي تحتضن حنين المستحيه من منى لكن مستسلمه لها
وقفت / يله بنرجع للبيت
منى بحرقه / باخذ غلا معي
سميه بقسوة / الي بحضنك حنين ماجد وغلا عند ربهااا
منى تمسكت اكثر بحنين ونزلت دموعها وبحرقه / طيب خلينا انام هنا
سميه بجديه / انا عادي انام في بيت اخوي لكن الناس وش بتقول لانمتي في بيت رجال غريب
منى بصوت باكي / مدامني مرتاحه مالي شغل بالناس
حنيت توجعت من مسكت منى لها صارت تناظر عمتها تترجها تخلصها
سميه بجديه / البنت بتلعب وانتي حبستيها عندك
فكتها وهي متردده حنين طلعت تركض لاخواتها برا
منى بنحيب / ليش انتي كذا اقولك بنام تقولين بروح شفتيني ماسكه غلا قلتي فكيها
ليش تعذبيني
جلست سميه وبهدوء / اولا الي ماسكتها مو بنتك لا تكذبين على نفسك وتشوفينها بنتك
منى وقفت وصرخت بوجه صديقتها / اسكتتتتتتتتتي
وبصوت ضعيف / ليش انتي مع القدر علي
مسكتها سميه وجلستها وبحنان / القدر يالغاليه مامنه مفر لازم تصحين وتعرفين الي صابك وتؤمنين بقضاء ربك لا ادورين العوض بعيال الناس
حطت منى يدها على وجها وصارت تبكي
صارت سميه تمسح على ظهرها بحنان / تعوذي من ابليس
وقفت منى بسرعه / يله مشينا ولا تجيبي هنا مره ثانيه
وقفت سميه وبثقة / ان شاء الله بتجين هالبيت وانتي راعيته
ماهتمت منى بكلام صديقتها لبست نقابها وطلعت صارت تتلفت ادور على حنين لكن حست بحرقه انه بتطلع وبنتها مو معها
سمعت صوت سميه / وش مضيعه
منى حطت النقاب على وجها ونزلت بدون ماترد على صديقتها
لحقتها سميه وطلعو برا البيت ركبت سميه ومنى وقفت مصنمه وهي اطالع بالبيت كارهه تتركه سمعت صوت صديقتها يناديها تحركت وركبت و صارت تبكي بحرقه
سميه بضيقه / انتي ليش تبكين ومضيقه على نفسك
منى بشهاق / مابي اتركها بعد ما رجعت لي
سميه بجديه / تبين تبقين عندهم ماعندك الا حل واحد
منى بلهفه / موافقه
سميه بجديه / لا توفقين عليه لين تسمعينه
منى باصرار / مدامي بابقى معها كل الوقت موافقه عليه
سميه بجديه / تتزوجين ابوها
منى بشهقه / اتزوج ابوها
سميه بهدوء / تتزوجينه مثل مانتي فاقده عيالك البنات فاقدات امهم وبزواجك من ابوهم بتصيرين امهم
منى بنحيب / سلطان مات و ما بكيته تبيني اتزوج معاد لي رغبه بالزواج ومعاد فيني قدره اتحمل الزوج
سميه بهدوء / حتى ماجد ماله رغبة بالزواج من بعد نوره
منى بصوت باكي / مدام ماله رغبة ليش بتزوجينه
سميه بجديه / لانكم مناسببين لبعض هو فقد زوجته وانتي فاقده عيالك وهو مايبي زوجه يبي ام لبناته ومافيه احسن منك ام للبنات
كانت بتتكلم لكن سميه حطت يتها على فم منى فوق النقاب تمنعها تتكلم
منى بجديه / فكري زين وبعده قول رفضك او موافقتك لكن قبل لا تفكرين بفكرة الزواج فكري بفكرة انك تصيرين ام لهالبنات وتعوضينهم عن حرمانهم من امهم
انتي فقدتي ثنين واذا تزوجتي اخوي عوضك ربي بثلاث بنات مثل البلسم على القلب
باذن الله بكره فيه بارت خفيف لكن ماقدر احدد لكم الوقت
اختكم نسايم نجد
|
24-03-12, 09:37 PM
جديد مواضيع قسم الارشيف
العرض العادي
