بارت اليوم بارت مكمل للبارت الي قبله
بتقولون البارت قصير بقول لكم ( لازم اتوقف لاني البارت الجاي بدايه لمرحله جديده وحماسيه مليئة بالاحداث
الرجاء عدم طمر السطورررررر
البارت الحادي والستون
عند سالم
بعد صلاة الفجر رجع البيت لبس ترنق رياضي وطلع يمشي
بيخفف من الحزن والضيقه الي بداخله ويمكن التعب الجسدي يخليه ينسى التعب النفسي
عند ساره
بعد ما طلعت امها تمددت على سريره وهي معصبه
ساره بقهر / زين ما تذابحو عندي وبعدين كل شي تسويه شوق يطيح براسي ولا امي ما تقدر الا علي شلون لو رحت معها وش سوت فيني
الحمد لله ان شوق منعتني عن الانتحار الي كنت بسويه
والله بخاطري اشوف امها بس شلون وامي مو راضيه
عند تركي
طلع من البيت شاف سالم داخل بترنق رياضي
تركي بمزح / ابو الشباب اليوم شاد الهمه
سالم بضيقه وتعب / من زمان ما مشيت واحسن وقت للمشي الصبح
تركي بجديه / عسالك على القوة
سالم بعصبيه / انت الي وينك من امس فشلتني عند الرياجيل
تركي بجديه / وش فيكم علي كل ما قابلت احد قالي وينك امس
سالم بعصبيه / تشوف غيابك طبيعي ولا ماعاد يهمك
تركي بهدوء / حسيت نفسي تعبان دخلت الملحق ومحسيت بنفسي الا وانا نايم
سالم بجديه / وش مطلعك بهالوقت العاده كل خميس مكبر مخدتك وراقد
تركي بجديه / ابو ركان مات البارح والحين طالع لولده
سالم بضيقه / انا لله وانا اليه راجعون شلونه خويك
تركي بجديه / الله يكون بعونه
سالم بحزن / الله يصبره متى بيصلون عليه
تركي بجديه / العصر
سالم بجديه / قلت لامي توقف مع زوجة ابوه
تركي بحقد / لا تخاف عليها تلقها فرحانه بموت الشاب واليوم عندها عيد
سالم بعصبيه / وش هالكلام
تركي بحقد / زوجته ام سالم
سالم بعدم استيعاب / منهي ام سالم
تركي بحقد / ام سالم الي ذبحت اخوك وكملتها بالشايب
سالم حس الدنيا ادور من تحته
انتبه لحاله تركي قرب منه وسنده
سالم بصوت محروق / انت متاكد من الي تقوله
تركي بقهر / يا ليتني ماني بمتاكد لعبتها صح ذبحت الشايب وزوجت بنتها لركان علشان تكوش على كل حلاله
سالم بعصبيه / اسكت لقص لك لسانك واياني واياك اسمعك تقول فيها حرف
تركي بعصبيه / وش مسويه لكم عجوز بليس صايرين ماترضون عليها تذابحت مع وركان بسبتها لولا الي صار لابوه كان صارت قطيعه بينا
سالم بحرقه ودمعه نزلت على خده استغرب منها تركي
سالم بحرقه / لانك ظالمها وقاعد تقول فيها كلام مو فيها وتبيني اسكت لك
تركي وعيونه على اخوه / وصلت ان دموعك تنزل بسبتها وش يعرفك فيها علشان ادافع عنها نسيت كلام اخوك وعذابه بسبتها
سالم زادت دموعه
تركي قرب من اخوه / بسم الله عليك ابو سعود وش فيك وش له كل هالدموع
وبحقد / اذا دموعك علشانها تاكد ان دموعك خساره فيها هي فرحانه بموت الشايب وانت تبكي حالها
سالم مسح دموعه وبرجاء / تكفى يا تركي خف عليها يكفيها الي فيها
تركي بحقد / وش الي فيها
سالم بتصريفه / الي فيها انها بسنه وحده ترملت مرتين
تركي بحقد / وانت الصادق بزوجتين صارت تاجره تسمي زواجها من ضاحي زواج صدقني ما اتخلص حدادها الا وهي مجهزه لها معرس تاجر
سكته كف قوي من يد اخوه
تركي انصدم
سالم بعصبية / حذرتك وقلت لك تسكت هالمره كف والمره ثانيه بقص لك لسانك
تركي بعصبيه / تضربني يا بو سعود اول مره بسبتها والحين بستها لكن والله لخليها تتمنى الموت يخلصها مني
سالم بعصبيه / اذلف عن وجهي لابارك الله فيك
تركي مشى من قدام اخوه وحقده على نوف زاد
ركب سيارته ومن القهر يضرب الدركسون بيده بقوه وبعصبيه وحقد / هيييييييييييييييييييين يا صايعه ماكون تركي ان مخليتك تلحقين ابو ضاحي من فعايلي فيك
عند سالم
دخل البيت وطلع فوق بدون ما يناظر بالصاله الي كانت ام سالم جالسه فيها وسرحانه ولا حست بدخول ولدها
دخل غرفته وفتح دولاب الملابس بهدوء مايبي يصحي هيا النايمه
اخذ فوطه دخل الحمام بعد ربع ساعه طلع لبس بجامته وتمدد جنب هيا طالع بساعته كانت تسع الا ربع
تذكر كلام اخوه وللحين منصدم ان الشايب الي كانت مغصوبه عليه يكون ابو ركان
سالم في نفسه / معقوله ياركان تتامر مع اخوها علشان تصير زوجة ابوك وينه ضميرك وانت تظلم هالمسكينه
عند ركان
جالس على كرسي مقابل الغرفه الي دخل فيها ابوه ودموعه تنزل بحراره
حس بيد على كتفه / عظم الله اجرك ركان
رفع راسه وكان اخر واحد يتوقع وجوده وبصوت باكي / اجرنا واجرك
سالم بجديه / يوم دريت بالي صار قلت دور عليك بالمستشفيات القريبه وبعدها البعيده والحمد لله من اول مره لقيتك
ركان بصوت باكي / الله يعطيك العافيه ماقصرت
سالم بجديه / واجبنا
جلس سالم جنب ركان
عند صقر
من التعب والارهاق يحس بيطيح من طوله له يومين واقف
طالع بامه الي جالسه على الكرسي وعيونها على بنتها وديما بالكرسي الثاني وخالته جالسه بكرسي بعيد
قرب من خالته وبحنان / ارحمي نفسك واطلعي مع البنات لبيتي
ام مرام بصوت حزين / وامك نخليها لحالها
صقر بضيقه / امي شوفت عينك اخاف اجبرها يصير فيها شي
ام مرامبحزن / لا تجبرها ياولدي يكفيها الي فيها
صقر تنهد بحزن / لها يومين ماكلت شي ولا ارتاحت اخاف يصير لها شي وهي رافضه اطيعني
ام مرام بحزن / انت اخذ البنات وروحو وانا بجلس معها
صقر بتعب / الظاهر هذا الي بيصير انا ماني قادر اوقف على حيلي
ام مرام بحنان / روح ارتاح وانا بحاول فيها تاكل لها شي
صقر بضيقه / ياليتها تسمع منك بعمري ماشفت امي عنيده مثل الحين
ام مرام بحزن / جعلك ماتذوق حرقتها
قرب صقر من ديما الي نايمه وهي ماسكه يد امها
صقر بحنان / ديما
فتحت عيونها والتفتت على صقر / هلا
صقر بحنان / قومي نطلع للبيت والعصر اجيبكم
ديما بحرقه / ابي اجلس عندها ابيها لفتحت عيونها تشوفني قدامها
صقر بحنان / امك تحس بوجودك ومتاكد انها تسمعك ماله داعي تعذبين نفسك وغيرك علشان شي يمكن مايصير اليوم او بكره
سمع صوت جواله شاف رقم تركي
صقر بجديه / هلا تركي
تركي بضيقه / انت وينك فيه يقولون انك بالرياض
صقر بضيقه / بالمستشفى ماقالك ركان الي صار
تركي بستغراب / وش الي صار
صقر / زوج اختي وعيالها ماتو وامهم بالمستشفى وانا والاهل عندها
تركي بجديه / عظم اجرك والله يشفي اختك وش هالمصايب
صقر بحرقه / مؤمنين بكتبت ربك
تركي بجديه / ترى ركان بحاجة لوقفتنا جنبه
صقر بصوت عالي / وش فيه ركان
تركي بجديه / ابوه مات البارح والعصر بنصلي عليه
صقر بضيقه / ان لله وانا اليه راجعون وهو شلونه
تركي بجديه / تركته بالمستشفى يبكي ابوه والحين راجع له
صقر بعتب / الله يهداك وش له تطلع من عنده ويومك بتطلع كان اتصلت علي اكون عنده
تركي بجديه / هذا الي صار وانا الحين واقف
عند المستشفى
صقر بضيقه / بوصل الاهل البيت وبجيكم
تركي وهو ينزل من سيارته / خلاص نستناك
عند صقر
ام صقر جديه / منهو الي مات
صقر بضيقه / ضاحي ابو ركان
ام صقر بجديه / الله يرحمه وش مسوي ولده
ركان بجديه / الله يكون بعونه
التفت على اخته / يله بوصلكم للبيت وبطلع عند ركان
ام مرام بحنان / مافيك حيل ارتاح وبعدها روح له
صقر بجديه / معلي خلاف واجب علي اوقف معه بمصيبته
ام مرام بجديه / الله لا يفرقكم
صقر / امين
مشى صقر ولحقوه البنات الي كل وحده تعبانه اكثر من الثانيه
وقف عنده تكسي ركب جنب السواق والبنات والشغلات ركبو وراء
بعدر نص ساعه وصل لبيته فتح الباب وشافهم دخلو وهو طلع وركب مع التكسي
رفع جواله واتصل على اخوه
عند عبدالله
كان نايم سمع صوت جواله شاف رقم اخوه
عبدالله بصوت نايم / هلا صقر
صقر بجديه / قوم الحين وروح لخواتك في بيتنا
اعتدل بجلسته وبخوف / صقر صاير شي عندكم
صقر بضيقه / لا لكن ابو ركان مات وماقدر اخليه لحاله
عبدالله بجديه / انا لله وانا اليه راجعون روح له وانا بغسل وبطلع عندهم
صقر باصرار / لا اطول عليهم
نفض عنه الحاف / ان شاء الله
بعد ماقفل من اخوه التفت لنايف الي غاط بسابع نومه دخل الحمام غسل ولبس ثوبه وطلع برا الشقه
عند تركي
بعد ماانهى مكالمته من صقر اتصل على امه
تركي بجديه / الو
ام سالم بجديه / هلا تركي
تركي بجديه / كلمتك بقولك ان اهل صقر بالرياض
ام سالم بستغراب / من متى جاين وليش فاطمه ماقالت لي
تركي بجديه / بنتهم الكبيره سوى زوجها حادث والرجال والعيال ماتو والبنت مرقده بالمستشفى
ام سالم بتاثر / الله يرحمهم ويصبر امهم الا ماتدري وش صاير على بنتهم
تركي بجديه / ماسالته
ام سالم بجديه / بتصل عليها وبشوف باي مستشفى وبزورهم
تركي / يله مع السلامه
عند ام سالم
اخذت جوالها واتصلت على ام صقر كان جوالها مغلق
ام سالم بعصبيه / وقته تقفلين جوالك يافاطمه
رجعت اتصلت على تركي كان جواله على الصامت
ام سالم بعصبيه / وهذا وش بلاه مايرد
عند تركي
بعد ما نهى اتصاله بامه حول جواله على الصامت و دخل المستشفى شاف ركان جالس وانصدم من وجود سالم ولد ناصر عنده
قرب منهم وعيونه على سالم بجديه / متى جيت
رفع سالم عيونه لعمه بجديه / لي ساعه
تركي بجديه / من قالك عن موت ضاحي
سالم بجديه / كنت عند امي
قاطعه تركي وبسخريه / قلت عند امك انت واخت ماعندكم كبير تستاذنون منه
سالم ببرود / ما ضنتي بتمنعنا نروح لمنا ونوقف معها وهي محتاجتنا
تركي بسخريه / من قالك يافالح
سالم بعصبيه / تراني كبرت ماني بسالم الورع الي ينتظر منك تسمح ولا ما تسمح وامي بعد مامات زوجها مالها الا احنا وكلها ايام واخذ اخواني وبنعيش عندها
تركي بعصبيه / لا تتحداني يا سالم تراك للحين ما فقست من البيضه ومنت قدي
سالم بهدوء / ما تحديتك ياعمي لكن انا الحين رجال امي ومستحيل اتخلى عنها
تركي بسخريه / امك مو محتاجتك ولا محتاجه غيرك تلقاها مخططه على زواجه جديده
سالم بعصبيه / عمي
تركي بعصبيه / قصر حسك واياني واياك ترفع صوتك علي تراني عمك من بخويك
وبحقد / اوجعك كلامي في امك هذي حقيقتها ولا نسيت انها تزوجت بيوم دفن ابوك
ركان بعصبيه / اذا بتهاوشون ياليت تفارقوني
تركي نسى وجود ركان وجلس بهدوء وسالم منقهر من عمه
بعد العصر
بعد ما دفنو ضاحي رجع تركي مع ركان وصقر لبيت ضاحي يستقبلون المعزين
عند نوف
كانت عندها مها وسميها وشوق كانت تشرف على الشغلات علشان قهوة الرجال
نوف كانت هاديه عكس الصباح
انتهت ايام العزاء
تركي طول وقته ملازم ركان و ينام عنده
وصقر يضطر يطلع يتطمن على امه وخالته ومرات ياخذ معه البنات لزيارة منى ويرجعهم
شوق طول ايام العزاء عند امها وتنام بحضن امها مثل العاده
نوف كل يوم احسن من اليوم الي قبله ومها كانت عندها طول ايام العزا حتى تنام عندها
سميه رجعت لبيت اخوها
هيا قال لها سالم عن الي سمعه من تركي وانصدمت وطلب منها تعزي نوف لكنها ماتبي المشاكل مع ام سالم
اليوم الرابع من وفاة ضاحي
عند شوق
كانت جالسه بالصاله جنب امها الي حاضنه بنتها ومها جالسه مقابل لشوق
مها بجديه / شوق عزيتي زوجك
شوق بجديه / شوفت عينك المجلس مزحوم وماجتني فرصه اقابله
نوف بجديه / الحين موجوده بغرفته اخذي له اكل من مات ابوه ماكل شي
شوق بعصبيه / وش يوديني لغرفته لنزل قابلته
مها بجديه / ترى وقفتك معه بمصيبتك ترفعك بعينه
شوق بجديه / ما همني ارتفع ولا انزل من عينه واجبي اعزيه واكسب الاجر ولا هو ما يهمني
مها بجديه / طيب اسمعي الكلام واخذي غداه وطلعي له
شوق وقفت / الله يصبرني
مها بابتسامه / صيري امه الحنونه ترى الولد صار يتيم
شوق بعصبيه / وانا صرت يتيمه قبله
مها بخبث / بتلقين عنده الحنان الي بينسيك يتمك
شوق بعصبيه / اطلع له ابرك
دخلت المطبخ فتحت القدر وغرفت له بصحن ورتبته وطلعت برى المطبخ
عند ركان
كان منسدح اليوم رجع لاحزانه البيت فضى عليه تركي طلع لشغله وصقر مشغول عند اهله سمع صوت الباب
ركان بحزن / ادخل
عند شوق
في نفسها / الحين وش بيفهم من حركتي اني ميته عليه والله انها مو حركاتي لكن الله
يسامحهم امي وخالتي الي حطوني بهالموقف السخيف
نزلت الصينيه على الارض
ورجعت تطق الباب
عند ركان
لما شاف الطق مستمر والطارق مو راضي يدخل وقف من سريره فتح الباب وكانت صدمة عمره ان شوق قدامه طالعها
شوق بتلعثم مستغرب منه ركان / عظم الله اجررك
ركان بزعل / اجرنا واجرك ما قصرتي جايتني رابع يوم تعزيني والمشكله انك معي بنفس البيت
شوق رفعت عيونها بقوة فيه وبعصبيه / وانت ما تشوف المجلس مزحوم ولا تبيني اقلط مع الرجال
ركان بسخريه / فيه اختراع اسمه جوال اذا ما تصلتي اقلها ارسلي
شوق بتصريفه / هذا غداك
نزل ركان عيونه شاف الصينيه على الارض / كثر الله خيرك ماني مشتهي من بعد ابوي عافت نفسي الاكل
حست بحزنه نزلت نفسها وشالت الصينه وبحنان منصدم منه ركان / مو بكيفك بتاكل غصب
ركان بعبره / نزليه تحت ماني بمشتهي اكل
دخلت شوق بالصنينه وحطتها على الكمودينه وجلست على كرسي
تفاجئ ركان من حركتها ودخل و شافها جالسه تهز رجولها بتوتر
ركان بضيقه / شوق حتى بهذي تعاندين وبعدين معك
شوق بقوة / لك اربع ايام ماكلت تبيني اترمل وصف جنب امي
ركان ابتسم / متاكد انه يوم المنى عندك علشان كذا بحقق هالشي وماني بماكل
وجلس على السرير
وقفت شوق وبعصبيه / قالت بتاكل يعني بتاكل لو تاكل بالغصب
ركان بسخريه / وشلون بتاكليني بالغصب يامدام
قربت منه وبعصبيه شالت الصينيه / جعلك ماكلت
سحبها ومعها الصنيه وجلسها جنبه وبحب / يمكن اذا اكلتيني بيدك اكل غصب
شوق بققت عيونها وووقفت وبسخريه / انا اكلك وتاشر باصبعها عليها / اكلك انت ماشوفك بزر ماتعرف تاكل ولا يدينك مكسوره
ركان بجديه / انتي شوق ماتتغيرين كل شي عندك عناد الله يصبرني عليك ويقدرني اروضك
شوق بعصبيه / انا الي جبته لنفسي قلت حرام مسكين متاثر بموت ابوه يا بنت قومي باصلك ووقفي جنبه ماقول الا انا المجنونه الي رضيت اتزوجك يالغثيث
ركان حس بنتعاش بروحه كان بحاجه لشوفتها ولطول لسانها الي غير من جو الحزن الي كان فيه
حس شهيته انفتحت قرب الصحن وصار ياكل وعيونه عليها ويتامل العصبيه على وجها
شوق انقهرت منه ياكل بعد ماحرق دمها سحبت من بين ايدينه الصينه ومشت من قدمه
ركان بابتسامه / يالمجنونه هاتيه يوم اشتهيته شلتيه
طلعت ومن قهرها منه تركت باب غرفته مفتوح
ركان بصوت عالي وبابتسامه / فديتك يازعول تعالي وبرضيك
عند شوق
نزلت وهي معصبه حطت الاكل بالمطبخ
ودخلت الصاله وبعصبيه / الحماره الي سمعت كلامكم وطلعت له
نوف بجديه / وش صار بينكم
مها بخبث / وانتي لازم تعرفين الي صار خلي الولد يتهنى بابنتك يمكن ينسى حزنه
شوق بعصبيه / وش يتهنى وما يتنهنى هذا الناقص
وبجديه / اليوم طالعه لبيتنا واذا طلعتي من بيت هالغثيث جيتك
نوف بضيقه / وتتركيني
شوق بحقد / لو بجلس هنا تاكدي اني ذابحته
هالادامي لا يطااااااااااااق ماقول الا يصبر الارض عليه
مها بابتسامه / بينقلب كل هذا لحب وبتشوفين
شوق بجديه / اكون انعميت على عيني يوم بحب هالاشكال
مها بجديه / بنشوف
شوق بعصبيه / طالعه لبيتنا وياليت تكملين حدادك في بيت ابوي علشان اقدر اجيك واجلس عندك
دخلت شوق غرفة امها اخذت عباتها وشيلتها وطلعت من بيت ركان
عند نوف
نوف بحقد / متى ترفعين قضيه على تركي ابي عيالي وقبله نصيبي
مها بجديه / متى ما بغيتي لكن اجليها لين تنقلين لبيتك
نوف بضيقه / ليش اجلها يكفيني كل هالوقت تاركه لهم عيالي وداخلي متفطر عليه
عاجبك غيري يربيهم وانا موجوده لو جلسو اكثر بيقسون قلب عيالي علي
مها بخوف / حاطه يدي على قلبي من سالم لو قال الي عرفه قلب القضيه لصالحهم
نوف بحقد / معاد يهمني شي قبل لا يحاربوني اكون محاربتهم
مها باعجاب / اتمناك دايم كذا تاخذين حقك لو كان بفم الاسد واهم شي ماتخافين الا من الي خلقك
نوف بجديه / كلامك الي قلتيه لي صحاني ناصر ومبارك هم سبب ضعفي والحين ماتو ومستحيل اسمح لغيرهم
مها باعجاب / ابيك تحطين براسك اذا لم تكن ذئبا اكلتك الذئاب والي حولك مو ذباب وحوش يستنونك على غلطه وبينهونك
نوف بجديه / اهم شي اخذ منهم عيالي وبعده بتركهم وراء ظهري وارجع فرنسا
مها بعصبيه / رجعنا لطير يالي بتهربين وش مسويه علشان تخافينهم
نوف بضيقه / تدرين اني اكره هالديره وزين مني متحمله فيها كل هالفتره
مها بعصبيه / بتجلسين هنا وبتكملين دراستك هنا
نوف بستغراب / اكمل دراستي هنا
مها / ليه نسيتي انك تدرسين وباقي سنه تتخرجين
نوف باصرار / برجع اكملها هناك
مها باصرار / بتكملينها هنا مثل ماعيالك بيكملونها هنا
نوف جاوبت مها بنظرات رافضه
مها بجديه / بسحب اوراقك من فرنسا وبنسجلك بالرياض
نوف يضيقه / دراستي بالفرنسيه شلون تبيني اكملها هنا
مها بثقه / كل شي بخلصه لك تعرفين معارفي هنا وهناك واكيد بيساعدوني
نوف بتغير الموضوع / والقضيه متى بترفعينها عليهم
مها بجديه / قبلها لازم تنقلين لبيتك
نوف بجديه / انقل لبيتي
مها بعصبيه / ليكون ناويه تجلسين هنا ترى وجودك معاد له لزمه كنتي هنا علشان خدمت الشايب والشايب راح ليكون بتخدمين ولده
نوف بجديه / اليوم بسكن بيتي وبكره ترفعين القضيه
مها بجديه / احسن خليها بعد ماتخلصين العده يمكن نحتاج وجودك
نوف بحقد / حسبي عليك ياتركي انت وهلك وجعلني اشوف فيكم يوم
عند شوق
طقت الجرس فتح لها تركي الي استقبلها بعصبيه
تركي بعصبيه / الحمد لله على السلامه ليش جيتي كان جلستي عند الصايعه
شوق بهدوء / ممكن ادخل واذا ماتبي رجعت محل ماجيت
سحبها تركي بيدها ودخلها دخل وبعصبيه / هذي ثاني مره يا شوق تروحين بلا شورنا
شوق بعصبيه / روحتي لامي ووقوفي معها مايحتاج اشاوركم فيه
وعرضت عمها ظهرها وكملت وبضيقه / لاني متاكده بترفضون وتمنعوني
دخلت شوق داخل وعمها ورها
دخلت بالصاله سمعت عمها / مره ثانيه يالمتربيه ما تكلميني وانتي معرضتني ظهرك ولا وش بيجيني من وراء امكم الي بلا اخلاق وتربيه
شوق بعصبيه / امي الي بلا اخلاق وتربيه قدرت تجيب راسك
وبسخريه / يا تركي الضامي
تركي ينتفض من العصبيه / تخسين امك تجيب راسي انا الي بقص لها راسها
شوق بعصبيه / صدقني ياعمي راح تندم على كل كلمه قلتها بحق امي لكن نصيحه لا تخلي صفاحتك كلها سوداء عند امي خل لك صفحه بيضا يمكن تشفع لك
ومشت من قدامه وطلعت لغرفتها تاركها تركي وراها مثل البركان
وبصراخ / هيييييييييييين ان ماوريتك في امك ماكون تركي وهالشنب الي بوجهي بيكون على حرمه
التفتت عليه بابتسامه سخريه
شوق بنفسها / والله انك غبي ياعمي كشفت لك حبيبتك وانت جالس تسبها قدامي الظاهر الحل انك تتزوجها وتشوف اش كثر ظالمها لكن شلون بقنع امي فيك ياعمي وهي ماتكره بدنيا كثرك لازم تتزوج عمي ونفتك من هالمشاكل
وراك يمه لين توافقين عليه لو بالغصب
دخلت غرفة جدتها حمدت ربها ان جدتها مو فيه شكلها بالمشغل نزلت عباتها وعلقت شنطتها وانسدحت على السرير
لنا لقاء باذن الله الاسبوع الجاي
اختكم نسايم نجد
06-02-12, 08:50 AM
جديد مواضيع قسم الارشيف
العرض العادي
