كاتب الموضوع :
عبير قائد
المنتدى :
سلاسل روائع عبق الرومانسية
صباحك ورد و ياسمين بيرو
فعلا اسم الفصل على مسمى .. سهرات العذاب لها و له ايضا عذاب فى عذاب الفصل كله عذاب
بيرو انت مجرمة .. و لكن بالمعنى الايجابى للاجرام هههههههههه تستاهلى بوسه على الاحداث المولعه فى كل مكان
السهره كانت تغيظ و كنت عايزه ادخل اضرب طونيو البارد لدرجة ان سيبيل صعبت عليا و هى ناقص تشحت منه النظرات .. يا لهوووووووووووووى قاسى و بارد بشكل .. و اريانا دى فكرتنى بالفك المفترس هههههههه
البيه بايت فين يا بيرو ؟؟ و لا اقولك احنا مالنا دع الخلق للخالق
و انت يا سيد راؤول مفيش اى رد فعل .. سايه كده طايح فى الكل و لا لك اى دور .. انشف شويه و اعمل لك منظر .. مش اول ما دخل الماتادور الاحداث دخلت انت فى الظل
حلوه انها تغرز الشوكه فى عنقه يمكن يحس يا ريتها عملتها و ريحتنى .. يا سلام على الهديه الى اختارتها له لايقه عليه جدا
ايه يا بيرو البت جاردى الى كلها انوثه و رقه دى .. انا خلاص اتعقدت و حاسه انى "غفير" و مفيش اى انوثه .. يا سلام على جو الغرفه حتى ملاءات السرير .. اه يانى اوعدنا يا رب
ما هذه المكالمة الغامضه هل لها علاقة بمهمة جاردى السريه ؟؟
اذهب للتزلج يا بارد يمكن تفك شويه .. هههههه الجو فعلا بارد مالك و مال الشاب الغلبان هو انت لا ترجم و لا تسيب رحمة ربنا تنزل
يا سيدى يا سيدى على الشياكة و لا الشال الرمادى يا اخواتى لا انا مقدرش على كده يا بيرو شكلى هنط جوه الروايه خخخخخ مش عشان حاجه متغهمنيش غلط .. عشان اتزلج معاهم بس هههههه
ايها الوقح جيفرس .. كيف يجرؤ و يأتى خلفها .. انما اكيد هيرجع تانى شكله مش هيستسلم ما دام مصر كده .. معندوش دم ابدا .. له عين يكلمها بعد ما عمل مشكله كبيرة و فرق بينها و بين اختها .. و الله دا هو الى عايز ياخد بالشوكه فى عينه
الحمدلله ان طونيو لديه شخص يثق فيه و يعتبره مقرب له .. اهه يطرى الاحداث شويه
اها عطر خاص باسمها .. ملعوبه يا واد يا طونيو يا بارد و الله شكلك بدأت تسخن و تفك الثلج
بيرو تعالى هنا و هاتى اذنك .. لماذا وضعت السنيورا يدها على قلبها حين عانق نيكى طونيو ؟؟
جميل جدا الفستان و الصور عملت شغل جامد .. ايه الحلاوه دى يا بيرو يا لعييبه .. طبعا اذا كان هناك من يراعى التقاليد فهو طونيو و لا شك و مش معقول البنت تقف تحت نبتة الهدال و ميعملش الواجب .. ميصحش طبعا .. قدام الكل و لا همه .. يمكن هنا الثلج فك شويه و لا ايه يا بيرو
سيبيل اعلنت الحرب و اصبحت عدوة لجاردى و الان هى مجروحه جدا بعد ما نبذها طونيو و سئم منها .. بس عندها حق لما تشوف كل دا قدامها هتعمل ايه يعنى .. غلطانه و ستين غلطانه لانها تعرف من الاول انه صياد .. اتحملى بقه لانك وافقتى تكونى فريسه
كانت مواجهة رهيبه تلك التى حدثت فى المكتبة .. تعرفى يا بيرو انا عندى شعور ان جاردى لم تعرف رجلا من قبل و لو انساقت له كان سيكتشف انها ليست والدة نيكى .. بخلاف انها كانت هتكون خطأ كبير لانه لا يستحقها الان
انا فى شوق لصفقة الخلاص .. الاحداث تتصاعد بشكل جميل جدا و انت ما شاء الله متمكنه
فى الفصل الرابع حاسه اننا بدأنا توا ندخل فى احداث القصة و ان الثلاث فصول الى فاتوا كانوا مجرد تمهيد .. فصل سخن جدا و ملهلب لدرجة انى اتلسعت
ما شاء الله عليكى وصفتى العائله الكريمه بشكل حلو لم تنسى اى فرد و بكلمتين لكل واحد قدرتى تعرفينى شكله من جوه و بره فى نفس الوقت .. انما وصفك لهم يخوف و يثير الفضول .. فكرونى بالشخصيات الشريره فلى الافلام القديمه .. ابيض و اسود يعنى .. حياتهم مافيهاش الوان .. القصر كله ابيض و اسود
اكتشاف جديد .. طونيو له شقيقه يا بيرو .. طلعت منين دى ؟؟ و لماذا هذه النظرات القاتلة و الكراهيه فى كلامها عنه؟ لا و الادهى ان المتادور يهرب من نظراتها.. قويه بصراحه النقطه دى .. عمرى ما حسيت انه ممكن يهرب من نظرات اى حد
يا خرابى على جدهم .. شخصيه رهيبه و تمنيت يكون موجود فى الاحداث اصله عاجبنى جدا ببصيرته و مكره .. شكله وراه سر كبير و بسببه اتغيرت حياة انطونيو و بدل قلبه بلوح ثلج
هناك سر يخشى طونيو كشفه و اخذه الجد معه الى القبر .. و لكن ما زال فابيانو موجود و قد يكون معه طرف الخيط
عجوز ماكر و داهيه و لكن عاجبنى جدا .. وصيه داخل وصيه و هناك وصيه مخفيه يا له من رجل و لفت انتباهى حين قلتى انه صورة مكبرة من طونيو .. يا ترى فى الشكل بس و لا فى التصرفات كمان
جيزيل .. ضحية اخرى لحب المتادور البارد و يكن لها الجد معزة خاصه و يلعب لصالحها .. انما يا ترى بتحبه و لا عايشه فى وهم حبه لانها كبرت على انه من حقها .. يعنى اتزرعت الفكره فى راسها و هى اخذتها كشىء مسلم به
ماذا حدث و جعل فكرة الموت عنده اهون من الزواج ؟؟!! هتموتينى يا بيرو خلاص هتجنن من الغموض
السنيورا مدينه لجاردى ؟؟!!! اه يا عقلى
بيروووووووووو دخلتى جيف الحقير القصر .. كان هيكون ايه الحل لو طونيو مش موجود و هذا السافل هجم عليها ... كنت هموتك .. جاردى ياعينى عليها ماتت من الرعب و كان اصعب وقت مر عليها
انما المشهد كان عالى جدا و مثير و انا بقرا كان قلبى بيدق .. احسنتى
بصراحه طلع ماتادور مؤدب و اشاح ببصره و غطاها بالملائة و لم ينتهز الفرصه .. كان عندى حق اعجب بيه .. اعطاها الامان و هدأ من روعها ... تعرفى ان دى شخصيه جديده على من المتادور .. لم اعهدها منه من قبل .. يمكن عشان بيمثل دوما دور اللامبالاة و البرود
اخ يا جاردى لما كذبتى ؟؟!! كذبتها لن تمر هكذا حين يكتشفها صح يا بيرو ؟ فيها ايه لو قالت له على الحقيقه و انه زوج اختها و تحرش بيها قبل كده .. هى ذنبها ايه عشان تنكسف و تغير الحقايق
امممممممم كسر فى عظم الفك فقط ؟ يا ريته كسر لنا رقبته كمان .. المفروض اختها تنبذه و جاردى لا تساعدها على ان تعود له لانه لا يستحق .. المفروض تخلى اختها تشوفه على حقيقته
هههههههه حلوة يا بيرو .. سرق القلادة و لم يعدها .. طونيو يا حرامى رجع قلادة البنت .. ها
هذا الحديث بالالغاز بين نيكى و جاردى يقتلنى ............
كل عشاء تجتمع فيه معه يتحول لكارثة و لا تعرف ماذا تأكل .. تأثيره عليها مدمر و يتلاعب بها زى القط ما بيلاعب الفار قبل التهامه
وسط ذهول الجميع دعاها الى المكتب بعجرفه لا تصدر سوى منه .. دوما يتلاعب باعصابها و يكون هو المسيطر ..البنت هتلاحق على ايه و لا ايه بس
رمى قنبلته و تركها تجاهد لالتقاط انفاسها مسكينة جاردى الرقيقة .. اول خطوة للدخول الى حجيمه
تتساءلين يا بيرو عن مصير تلك الزهرة الهشة داخل اتون هذا القصر الغريب .. انا ارى ان هناك ايضا زهرة تنبت و تحيا من قلب الصخر و تكون بهجة للنظر رغم صعوبة ما حولها
جاردى قد تكون هى الخلاص لطونيو .. و سيلة تخلصه من اشباحه و تعيد الالوان للقصر الابيض و اسود و ان كان ليس بسهولة فانا اشعر انها متجهه الى الجحيم فعلا
مرحبا بك جاردى فى جحيمه
مبدعة يا بيرو لاقصى حد و متألقه .. شفتى انا مؤدبه ازاى .. و لا كلمه خارجه عن النص .. محصلتش و لا هحصل ههههههههه
الى اللقاء فى الليلة الكامله .. دمتى بكل الود و الحب
|
07-04-11, 07:53 AM
جديد مواضيع قسم سلاسل روائع عبق الرومانسية
العرض العادي
