المنتدى :
الارشيف
تفاجأتي مقاديرك ناقصه فماالحل؟
--------------------------------------------------------------------------------
:022iz:
المقادير ناقصه فما الحل :
إذا فكرت تطبخ وإذا جتها الهمة .. وحددت الطبخة الي تبيها تتفاجئ إن بعض المقادير ناقصه
هناك بعض البدائل:
سأبدأبحليب النستلة ..
فكرتي بحلا وكل المقادير توفرت إلا حليب النستلة أو الحليب المركز ماكان متوفر
البديل
كأس حليب جاف + كأس سكر بودرة + بيالة ماء قد تحتاجي لإضافتها) )
ضعيهم بالخلاط لتكتشفي أنك صنعتي حليب مركز بكل سرعة وسهولة ومقاديره غالبا تكون متوفرة
*********************************
البسكويت خلص وبتسوين حلى استخدمي الكون فليكس اطحنيه واضيفيه
*****************
خلصت القشطة وعندك حلا
ثلاث اكواب ماء+2كوب حليب بودره+شوي سكر+3ملاعق دقيق+ملعقه ماء زهر +ملعقة ماءورد
الطريقه
نذوب الحليب البودره في ماء ثم نظيف الدقيق+السكر نضع المزيج في قدر على النار متوسطه مع التحريك المستمر عندما يغلي المزيج نضيف ماء الورد والزهر مع التحريك حتى يشتد ثم نستخدمها في حشو القطايف والحلى عموما.
***************************
النشا اذا مافيه استخدمي الدقيق العادي الابيض.
مثلا تبي تسوي حشوة الكنافه ومافيه نشا استخدمي الدقيق
ا*************************************************
اكتشفت طريقة تجعلك تصنعين المخلل بأقل من ربع ساعة
خيار وتقطعيه بالطول 4 قطع .. وتحطيه بقدر وتضيفي له فصوص ثوم وكأس خل ونصف الكأسماء وشوي ملح .. وأشعلي النار عليه ربع ساعة ويتكون عندك مخلل لذيذ
جربوه مع غير الخيار ينفع أيضا ..
****************************
وتبي تسويك كيك وكان عندك حساسيه من البيض
استخدمي بداله زبادي
ملعقة كبيرة زبادي لكل حبة بيض
************************
سويتي مرق وطلع الماء
كثير ..لا تحتارين بس زيدي ملعقة دقيق على الطبخه بتقل لك.
***************************************
اللبن يكون بديل في بعض الأحيان عن الزبادي .. خاصة في التتبيل و بعض أنواع الحلا
*******************************
الحليب المركز المحلى إذا ماعندي ,,, مو مشكله أبدا
أي حليب مركز وأحط سكر واغليه عالنار وياسلام
*******************************
بديل الكاتشاب لنقع لحوم المشاوي او حتى للاكل مع البطاطا: كوب صلصة بندورة و نصف كوب سكر و2ملعقه خل
************
الكريما
زبدة مخفوقة مع حليب كامل الدسم
***********
الزبادي
حليب دافيء مضاف لكل كوب ملعقة خل او عصير ليمون
لا يتم تحريك هذا المزيجلمدة 10 دقائق
*****************************
خلص البقسماط
وتحتاجينه ضروري
أنا أدق الشابوره وأنخلها واستخدمها
*********************
بدل الدريم ويب
علبةقشطة
ملعقتين سكر
ملعقتين زبدة
ويخلط على النار الى ان يذوب السكر
وينتج عندنا دريم ويب
*******************
المايونيز
بيضه واحدة + ثلاث ملاعق كبيره خل + ملح ملعقة صغيرة + ثوم حسب الرغبه ..
بالخلاط إلى أن تتجانس ثم يصب الزيت بالتدريج ملعقة ملعقة إلى أن يثقل قوامها وتصبح كالمايونيزتوضع..
*****************
بديل للبيكنج باودر: كل ملعقة صغيرة منه تستبدل ب ربع ملعقة بيكربونات الصودا مخلوطة مع نصف كوب لبن و طبعا يتم استبعاد نصف كوب من الماء او السائل المذكور لاننا وضعنا اللبن بدلا منه
*****************
إذاخلص البرتقال والحلى أو الكيك في مقاديره برتقاله ممكن تحطين ملعقة عصير تانج وسلامتكم
******************
خلص الطماطم عندك وبتسوين كبسه او مكرونه اوايدامات بس استخدمي معجون الطماطم وعليه شوي سكر
بالنسبه للسكر يستخدم بكمية بسيطة لان الهدف منه تعديل النكهه ويقضي على حموضة الطماطم
********
ممكن تضعين ملعقة صغيرة خل بدل الفانيلا لتقطع رائحة البيض ..
***************
وطبختي جريش وطلعت الماء زياده حطي شوربة كويكر بودره و يتخن
وكذالك الايدامالخضاراذا تبغيها تكثف حطي حسب الحاجه كويكر بودره
خلص البقسماط وكلنا نعرف اهميتة نطحن كورن فلكس يطلع الذا
***************
اذا فيه حلا يحتاج جيلي فراوله ماعندك استخدمي عصير فمتو زايد ملعقتين نشا وكملي حلاك بكل ثفه
******************
التوست او الصامولي بعد ازالة القشره الخارجيه شرط تبليله بحليب محلا عشان يطلع الذاذا ماعندك بسكوت للحلا
ممكن ايضا استخدام الكيك بدل البسكوت
لو بتعملي حلا وماعندك شوكلاتة جالكسي او هيرشي
عالنار واضيفي بودرة شوكلاته نسكويك او اللي موجود لحد ماتغلظ وزيني فيها دوناتك حلوياتكذوبي زبده
اذا بغيتي تصلحين كيك
وكتشفتي انك ماعندك دقيق او حتى بسبوسه ولا عندك سميد حطي شوفان الي انصلح فييها الشوربه
اذا اشتهيتي اندومي ولاعندك اندومي حطي شعيريه وبعد ماتستوي حطي مكعب ماجي وفلفل اسود وكركم وبالعافيه
**********************
السليق بعد عندنا له حل اذا خلص الرز المصري عادي وبكل سهوله حطي رزعادي ويطلع تمام التمام
بس النوع يكون بيشاور اللي يشرب مويه كثيره وزيدي كمية الموية
صلحتي شوربه شوفان ويم جيتي
تحطين الشوفان لقيتيه مخلص او مايكفي حطي دقيق بر في شوي مويه وكملي طريقتك وراح تذوقين احلى شوربه
اليوم صلحتي تبوله بس البقدونس مايكفي عادي جيبي جرجير وقطعيه صغار وحطيه معها تصير طعمها يجنن
صلحتي القهوه ويم جيتي تقهوين لقيتيها خفيفه بكل بساطة
ذري عليها شوي نسكافيه داخل الزمزميه او الدله ولا كن شي صار
ممكن تستبدلين القشطة اللي في البسبوسة بالزبادي
هذا ايميل جاني وحبيت انكم تستفيدا مثلي
تحياتي لكم جميعا ......
|
13-02-11, 01:51 PM
المشاركة رقم: 1
جديد مواضيع قسم الارشيف
العرض العادي
