اهلييين ملاذ
روايتك رووووووووعه واسلوبك خيال مرررره مشوقه
ننتظر البارت بفارغ الصبر
متى مواعيد البارت ؟
شكرا

ملاذو مهوب احداث البارت شويه ولا لاني اول قريت البارتات كلها وهذا بارت واحد
اليوم فيه حدثين مهمه دخول شهد على فهد وسبب طلاق ام شهد



دخولها علينا صدمني بقوه ما توقعت فيها الجرئه لها الحد ..اي جرئه الا وقاحه
ومسويه نفسها مستحيه ...وقفت وانا رسمه ابتسامه لاهلي بعكس الغليان اللي احسه ينهش قلبي من داخل ...
نزلت يدي على شعرها ووقفتها ولفيت وجهها لي وقلت لها وانا اسكر على اسناني حتى
مايرتفع صوتي ويسمعوني : هين اوريك
يابنت الكلب شغلك معي بعد ما يطلعون الضيوف ..
رازه وجهك قدام فهد تبينه يناظر فيك ؟!!شفتها تفتح عيونها بقوه وكملت كلامي
اخوي اكبر من انه يتنازل لك ولاشكالك يكفي اني ضافتك من الشارع


جعل يدتس الكسر ان شاءالله الحين تزينينه وتلبسينها وتطلبين تدخل على الضيف ثم تطقينها يالحيه الااخوتس وش مدخله عند الحريم داخل ليش راز وجه بس تدرين وش اتمنى ليش اتمنى الا اتوقع ان اخوتس بيعجب فيها وبيحبها ويعشقها والمحه ذبحها ياللى ياكريم انه مايذوق النوم من التفكير فيها جعله يعشقها عشق ماصار الكل البشر عشان تذلتس انتي وخشتس بس شكل امتس اجوديه هي اللي بتاقف بوجهتس
وبعدين وين الشارع اللي ضافتها منه هي في حلال ابوها يالنسره انتي اللي مضفوفه من الشارع مالت عليتس وعلى ابوها معتس
بس صدق صدق اصمتني سالفة طلاق امها ومهيب غريبه ولله اعرف قصص كثيره مثلها
وحده معروفه حبت ضابط كبير ولا عرفت عنه انه مهوب من قبيله الا بعد ماتعلقت فيه وعلى فكره هي مثقفه وعاقله بوقتها كانت تحضر الماجستير قالت ماعليه تقدم واخطبني من ابو طبعن ابوها رفض وبدون نقاش والشاب لو تزوجها هو الكسبان لانه بيكسب اسم اهلها ويقال خذ بنت ال فلان اقترح عليها يتزوجون بدون رضا اهلها تزوجو بجده والشهود اخوانه وماكان يعرف بالموضع الا خالها اللي طبعن يرفض مثل مايقول ذا التفرقه خاصه ان الشاب له سمعه طيبه ومركز وسنع ومهوب راعي خرابيط بعد ماتزوجت جنت على اهلها كلهم لها اختين مثل القمر ماتزوجو ويوم صارو بالثلاثينات وحده خذت متزوج والثانيه مطلق ومن عوائل صحيح من قبيله بي اقل منهم بكثير اخوانها اثنين متزوجين واحد منهم افضت زوجته تجلس معه وتطلقت ومعها والدين واللي ماتزوج خذ كنديه لان مافيه اسره معروفه بترض فيه
ومثلهم ابوصالح بسبب اخت زوجته ضيع عياله انا مائيد اللي صار هي المذنبه وذنبها على جنبها بس تهدم حيات الاخرين ليش طيب ليش ماتركتها على عيالها بدون ماتجيب منها زياده ولا اقل شي عاملت عيالك زين هم وشذنبهم معقوله ابوتك تروح وماتحس فيها مع شهد وسعود والسبب تافه ولا تعيشهم بملحق اي ابو انت لس اللي اتمناه ان شهد تزوج فهد ويعزها ويرزها وابوصالح ياخذ عليها وحده تحر قلبها لان ام سعود ماضرتها


قلت لي بحماس : شهيدوه رازه فيسها عند خالي في المجلس
قلت بلامبالاه : يمكن ماتدري عنه
قالت بخبث : الا تدري ومخططه
عدت وراها كلمتها الاخيره : مخططه !! وش تخطط عليه ياحظي !!
قالت : تبي تعدل وضعها وتسكن ببيت عقب الكراج ... والله وطلعتي منتي هينه
ياشهيدوه ... بس مالقيتي الا خالي !!

وش تقصد من كلامها مالقت الا خالي هل قصدها ان خالها ماراح يتزوج شهد لانه مثلاً مضرب عن الزواج
او ان خالها فهد واحد اكشر وشري وشين ومايننتعاشر
الله يكفي شهد شركن انتن وامكم بس شكل امكم شايفه اخوها شي يومها تقول تبين فهد ياخذتس وسيحان الله نفس النيه الشينه منكم انتن وامكم


وقالت لي : ولدتس وين مرته العرفاء !!
قلت لها : في البيت
قالت وهي تطنز : الا هي وراها ماحملت صحيح هي ما تجيب ورعان
قلت وانا احاول اتمالك نفسي : هو ما يبي الحين
قالت : مايبي والا ماحملت مرته !! لا يكو فيه بلااا
من قالت هالكلمه خفت قلت بسرعه : بسم الله على ولد فال الله ولا فالك
قالت ام سعد : يمه وراتس على ام فيصل
قلت العجوز عجز حيلها : دابل تسبدي مغير يتبع وش تقول امه من رخامت راسه
هنا قلت وانا اتمالك عمري وهي تسب ولدي عشانه يطيعني : طاعته لي واجبه يام متعب
قالت لي وهي تجر برقعها على تحت : والله والكوبه بها الام

امي هويا راستس عطينياه ابوسه ولله ان ذا العجوز تستاهل ازود عطيها ماراح يسكتها الا قذايفتس الصاروخيه بردي حرة هويا وابيها الضعيف
البنت كاسره ظهره خاصه انه يحش انه هو السبب
وبعدين ايه بققي عيونتس جعلها تحول ايه هويا وخواته قماري ولله يبناتس ومرة ولدتس مايسون ظفرها <<<<<<<<<<<فيس مطير عيون ويقول شافيتهم


قالت امي : جعله يقعد في ملاكها يارب ... هالكلمه حسستني بالذنب ...شفتها دنقت براسها
وجمعت كفوفها ...
قلت : امين
طلعت منهم بعد ماهدا الجو بعد دعوت امي اللي جت في غير وقتها ... حسيتها تذكرني
باللي صار ... رفعت السماعه وكنت متضايق من كلمت امي وحطيت حرتي فيه ..
هو االسبب تبع كلام امه وخسر بنت عمه ...

ضاق صدرك يبو فيصل توجع الكلمه
تخيل اخوك اللي مسويها بوحده من بناتك
لكن ابو محمد نشمي مايسويها اللي ضاف امه واخته وبنت اخوه الله بيعطيه على قدر نيته
ولا انت خربتها وقعدت على تلها واذا تبي ترجع اللي كان وتكفر عن غلطك ملك فيصل على هويا وصدقني راح يعجب فيها ويحبها و المغرور طلالوه على نوير خلها تهبل فيه
مدري عندي احساس ان هويا بتزوج فيصل وهو راح يعشقها يمكن ماراح يتقبلها فالبدايه لكن الاكيد انه اذا عرفها اعجب فيها وبيكون الزواج بمباركة ام فيصل خاصه عقب ماشافتهم وعرفت انهم يواجهون وماراح يفشلونها بين الناس
وحتى طلال ماراح ينفعل له الا نوير وهبالها بس عندي طلب ليت تغيرين اسمائهم اقل شي سميهم نوره وهيا وععععععععع ماحب تصغير الاسامي القديمه



نتتظرتس ملاذو بارتات فيها اكشن وليت تنزلين اثنين يالاسبوع لين تكتمل احداث القصه وندخل بمودها

الله يجزاك خير نوفي

ان شالله يعجبك هالبارت