كاتب الموضوع :
ملاذالرووح*
المنتدى :
الارشيف
وراح انزل البارت اليوم السادس والسابع ايضآ
البارت السادس
^
^
^
^
ابو فيصل
طلعت اليوم بدري على غير عادتي من الشركه وانا حاس بالسعاده اخيرآ
راكان بيجي جنبي اخيرآ ... ابعدتنا السنين وظروف الحياه والحين
نرجع لبعض .. دخلت البيت وانا ادور الكلمات اللي تخفف من وقع
الخبر على ام فيصل وعيالها ..لقيتها ماسكه التليفون كالعاده ..
سلمت واتجهت للكرسي بجلس فيه ومريت على الطاوله اللي قدامها اخذت الرموت
اما هي فعتذر من اللي تكلمها بوجودي
سئلتني مستغربه : وشفيك ؟
رديت عليها ببرود وانا اغير القنوات : مافيني الا العافيه
قالت : غريبه مهيب من عوايدك تترك الشركه هالوقت؟
قلت لها : بس اليوم غير
قالت وهي رافعه حاجب : وليه غير
قلت بعد ما حذفت بخفه الرميوت جنبي : امي وراكان واهله جايين اليوم ..شهقت
وكملت : واليوم عشاهم عندنا
قالت : ليه توك تقول لي !!
قلت : مادريت انك بتهتمين لها الدرجه لوجودهم !!..وكملت قبل ما تفتح فمها
واسمعي ابيتس تدقين على امي وام سعد وام محمد تعزمين كل وحده
قالت لي بعد ماتكتفت : وش قلت انااا ادق عليهن ليه
انت عزمت تكفي !!
قلت وانا ارص على اسناني : اللي قلته يتنفذ زين والا تراه بيجيتس علمن ثاني
وتركتها وانا مندبله تسبدي منها
^
^
^
^
نوير
زفرت بضيق من طلبات امي هويا اللي ماتخلص !! مره جيبي لي من حليب البل
ومره جيبي المكره وانظمي نظرتي ( معناها عدلي الخيط اللي في البرقع ((الخيط الاوسط )
ومره شيلي رادوي لايضيع والا انساه<<راديو
افففففف زهقت والله لو اني شغالها عندها تسان ارحمتني والحين امي تبيني انادي
متعب هو ومساعد وهم في الشوارع ماغير يمترووونها
لبست جلالي وبرقي ووقت (طليت) مع الباب اتشوفهم لقيتهم رابطين الزوليه
في قفى الددسن ومبارك ولد سحمان يسوق والله الحاله !!
رفعت حسي انادي عليهم حتى يوحوني ويرجعون بس ماش مدبكين مع الكركه مستانسين
انهم يسحبون !!
من شفت مبارك وقف وانا اطلع لهم بسرعه واقضب متعب من غالوقته (ياقته)من ورا اخلص
وقلت له على امي تبيك وناديت مساعد تعال
ماخذيت الا وهو ينتفض علي اهيييييييب روعني تسن شافطه كهرب !!!
^
^
^
^
متعب
جعلها المرض نويروه ماتستحي طالعه علينا في الشارع !!
ولا تتلني مع رقبتي تسني اصغر ورعانها دخلت معها البيت
وانا صاااافق الطبلون عندي من القهر فشلتني مع العيال
من دخلت البيت وانا ادنق على حذوتي وانا التها في ظهرها<<
(جزمتي واضربها في ظهرها)=تكرمون
ماخذيت الاوهي تصوي اححححح تسنها حيه قلت لها وانا
انتفض من العصبيه مزدي فيتس اجل طالعتن في الشارع وتتليني
تسني مانيب رجال .. شفت عيونها منافيص وقامت تخم من الحصى وتروشني فيه
وتلعن وتهاوش باكبر الدعاوي اهبي ...ماوقفت الا يوم دخل علينا محمد
وقال بزمره : وجعععع يوجعكم متى بتكبرون ؟؟ هااااااااه
قالت نوير وهي تنشق من البتساء : شفه محطني بالنعله في ظهري
قلت بدافع عن نفسي : اجل طالعه في الشارع ماتستحيتي من العيال
قال محمد : بسسسسس لعنبو بليسكم انتم ماتفتهمون يالله انقلعو لغرفكم
اجدلو باقي قشكم ...
^
^
^
^
ام فيصل
من قال لي ابو فيصل عن جيت اهله احس نفسي بدا يقل
لا ويبيني اعزم كل وحده على راسها !!!!!!!!
مسكت راسي اللي احسه بينفجر.... الحين كل اللي خططت له هالسنين بيروح !!
ومن زود الغلاااا يبيني اجهز لامه غرفه !!
هذا الناقص اجيب العجيز في بيتي حتى تحكرني وتفشلني مع رفيقاتي !
رحت اقول للخدم يسوون ودخلت على الطباخ بعد ماحطيت الحجاب
على راسي حتى اقوله جهز للعشاء جعلهم مايحدرونه ...
طلعت وانا متوتره من جيتهم ماشفت الجسم اللي صدمت فيه ..
نفخت بقوه يوووه ماتشوفين .. ردت غلا يمه وشفيك معصبه!!
قلت لها : فاارقي عني تراها موصله هنااا وانا ااشر لطرف خشمي
كملت طريقي لغرفتي تسيرني رجليني ماقدرت اثبت في مكان من الغضب
حاسه بدخااااان يطلع من راسي من العصبيه لازم اكلكمهم افففففف
^
^
^
^
نوير
ركبنا سياراتنا انا مع امي وابوي والمرتبه الثانيه جنبي هويا
اما سيارت محمد كان فيها محمد طبعآ ومتعب ومساعد وراكان
اما سيارت سعد فكانت امي هويا قدام والمرتبه الثانيه عمتي ام سعد
ومنور وسويره
طبعآ قبل ما يركب ابوي كنت اويق (اطل ) مع الدريشه على بيتنا
سمعت صوت نشيق (بكاء) التفت عليها هوياا هالبنت ياحبها للبتساء
تبسي على ادناة الدون ... سئلتها وانا عارفه وش يبتسيها فقلت : هويا وراتس
تبسين ؟؟
التفتت علي وعيونها حمر تسن احدن عندها ميت بسم الله علينا ..
قالت بصوت متحشرج: ما ابي اطلع من الديره
عاينت(ناظرتها) فيها اخ ليتني اكفخها عضيت على شفتي من تحت البرقع وقلت وانا
احاول اخلي طريقتي عاديه : ليه ماتبين؟!
قالت لي بصوت في بحه من البتساء : هنا اهلنا وربعنا وهنا عشنا وتربينا بعد ذا السنين
تبيني اتركها بها السهوله !
قالت وانا مفوووووله خلاااصه : وهنا كاااح العج بوجيهنا والكهرب كل يومين ينفصل علينا
وحتى وظايف مافيه وماحسيت الا بلسعه بكرتون المناديل بخشمي اححححح قعدت افركه
تسن امي مسبره عليه ..
قلت لامي وانا احس بوجع وزعل :يمه ليه تطقيني
قالت : اقطعي اقطعي لعنبو بليستس تحسبين الناس قلوبهم ميته مثلتس
انتي ماتحسين !!
قلت لها وانا ادافع عن نفسي : يعني لازم اهشم وابتسي حتى يكون عندي قلب !!
كل شخص حر في طريقة بالتعبير عن مشاعره
قاطعتني بقوووه وقالت : اقول تلايطي تعرفين تسطرين كلام في المشاعر لكن في المدرسه
ماشفت هالكلام !!
سكت وععععع الحين عطله وهي تجيب طاري المدرسه .. ياحبهم لنكد والتغثث
^
^
^
^
شهد
اليوم كان يوم غريب علي مدري يمكن يكون مميز بالنسبه لي
او يوم جديد في حياتي .. امممممممم اليوم احساسي مثل احساس الطفل بفرحة العيد
مدري وش شعوري بالتحديد
عمتي سوت شىء غريب ...نادتني وسئلتني اذا كان عندي لبس
حلووو يصلح لسهره ؟؟.. قلت لا ..لانه ماعندي غير قمصان
البيت و مريول المدرسه .. قالت عمتي لاسماء تعطيني من ملابسها
وتعذرت اسماء ملابسها ماتجي مقاسي ...لانها سمينه وانا نحيفه
طبيعي عمتي عصبت شوي وهذا شىء تعودت عليه وطلعت
بعد فتره رجعت لي وكانت شاريه فستان معه جميع كمالياته
ورمته بوجهي قالت لي يالله : اذلفي قيسيه حتى اشوفه عليك
رحت وانا فرحانه باللبس الجديد اول مره راح البس مثل
خواتي من اول يوم جيت هنا وانا ماتشتريلي الا القمصان انا والشغاله
نفس اللبس ..ركضت للكراج وقعدت ابدل طالعت شكلي بالفستان
حلووو ..ناظرت تحت حسيت بالخجل من نفسي ر جولي طالعه !!
ماتعودت .. وايديني نفس الشىء
استصعبت الفكره اكون واقفه بها الشكل عند احد !!
انفتح الباب وشهقت من الخرعه ...
^
^
^
^
ام صالح
اليوم فكرت في اني اشتري فستان لشهد مهوب حب فيها
ولكن لغايه في نفسي .. رحت بعد ما تاكدت انه مافيه ملابس
تلبسها وانا ماكنت حريصه على انها تلبس شىء سبق والبسوه خواتها
لان هالامر مهوب في صالحي ويمكن يخرب مخططي ..
رحت لسوق واشتريت لها فستان مع باقي كمالياته وهذا طبعآ
بمساعده اختي سناء اللي طبعآ خبره بالاسواق معي
اشتريت اللبس ورجعت على طول قبل ما يجي ابو صالح
عطيتها اياه تقيسه شفتها تاخرت رحت اشوفها
^
^
^
^اسماء
رحت اركض لغرفة ابتهال اللي معتكفه فيها على النت 24 ساعه مقابلته
دخلت عليها فزت قالت لي وهي خايفه : بسم الله روعتيني
قلت :جايه اعلمك باخر خبر ..ردت علي وهي تطقطق بالنت هاه وش عندك
جلست جنبها على السرير وقلت : اليوم امي سوت شىء غريب عجيب ..شفتها ساكته
كملت وقلت لها امي راحت السوق هي وخالتي سناء واشترو طقم كامل لشهد..التفتت
بسرعه وقالت : اشتروه لمين ؟؟؟ قلت لها وانافيني الضحكه على صدمتها : لشهدوه ماغيرها
قالت لي : منجدك تكلمين والا تضحكين علي !!
قلت لها وانا ابتسم : الا من جدي ونص حتى هي لبسته طلع اللبس يفطس ضحك عليها !!
قالت : ليه يفطس ضحك اجل امي شاريته من المحلات العاديه !؟
قلت : لا بالعكس لبس ماركه ومو حيالله اي ماركه
^
^
^
^
ابتهال
من قالتي اسموه عن اللي صار حبيت اشوف شكل شهد باللبس نطيت بسرعه
بروح اشوفها وقعدت اتخيل شكل شهد خاصه بعد ماقالت لي اسموه انه يبيلها تضبيط
من واكس وبودي كير وغيره حتى يطلع شكلها زين خاصه انه الفستان قصير ومبين
سيقانها ... رحت لها بالكراج شفتها سرحانه قلت لها : شهد وين فستانك؟
شفت لمعة فرح بعونها وابتسامه شفافه ركضت ناحية دالوبها ((طبعآ
الدواليب هي من ضمن الكراج يحط فيها جميع الاغراض كمستودع مصغر من
زوالي ومفارش واجهزه قديمه واغراض قديمه الى اخره ...
وهنا شهد مفضيه قسم صغير لملابسها
هي واخوها ))
طلعت فستان ناااعم حيييييل كيوت ..وهي فرحانه وتقول وش رايك ؟
قلت ببروده حلو ..وراحت افكاري وش السبب اللي يخلي امي تسوي هالشغله!!
^
^
^
بعد ساعات ليست بالقليله مرت استطاعة العائله ان تستقر في سكنها الجديد
كلن عرف غرفت
* البيت اختار ابو محمد شركه لتأثيثه من الالف الى الياء .. وهذا ساعد على انجاز
البيت بسرعه قياسيه ..
البيت مساحته كبيره كان فيه مجالس خارجيه + ملاحيق كبيره خارجيه حولها ابو محمد
الى غرفتين للاولاد كون محمد وسعد مايدخلون البيت الا باستأذان ومتعب وراكان
ايضآ بعد دخولهم 13 سنه اما مساعد في المرحله الابتدائيه
طبعآ حرصآ على راحة البنات والاولاد ايضآ ...
^
^
^
^
غلا
خلصت لبسي وانا متحمسه اشوف اهل عمي ..
القيت نظره على شكلي النهائي
كنت لابسه تنوره قصيره لتحت الركبه بشوي لونها ليلكي وبلوزه كت سودا ..
وصندل(تكرمون) اسود عالي بشرايط ملفوفه على الساق ... اما الميك اب اقتصر على
ايلينر خفيف فوق العين وماسكراء وقلوس .. اماشعري فسويته شنيون فوضوي
كان عاجبني شكلي النهائي نزلت تحت ولقيت امي جالسه بالصاله كانت حاطه رجل على رجل
وتحركها كانها متوتره اوشىء نطيت وانا اقول ماااامي شرايك بشكلي وجلست ادور قدامها
قالت لي : انه شكلي حلوووووو مررره واخذ العقل فرحت ورحت ابوسها على كلامها الحلووو
بعدين كملت كان ماتكلفتي تراهم قرااااوى مايسوى تتكلفين كانو احد مهم جاي
قلت لها وانا احرك كتوفي بلا مبالاه : هذي اول مره يشوفوني وحابه يكون شكلي حلو
وبعدين من زمااان ماتشيكت
شوي الانزلت علينا نجود واااااو شكلها كان حلووووو مره بس كانها متكلفه حيل
لدرجة انه حسيت الناس مهمين عندها !!!
كانت لابسه فستان تايقر مخصر على قد الجسم بخيوط من الاعلى وقصير الى تحت الركبه
ولابسه جزمه تكرمون (عاليه) سوداء
الشعر كان مفكوك ومستشور يوصل للاكتاف ورافعه شعرها من قدام بكلبسات سوداء
والميك اب شدو خفيف الوان درجات الذهبي ممزوجه اطرافه بشوي من الاسود
وايلينر خفيف مع مسكراء مكثفه وبلشر ترابي قلوس لحمي
سئلتها من بيجينا ؟؟..قالت لي وهي فرحااانه عمي واهله
قلت وانا مستغربه :كل هالتكلف لهم ؟؟!!
قالت لي وهي مستغربه: ليه شكلي غلط !!
قالت امي : اللي يشوفك يقول بتروح عرس !! مايدري ان كل هاللي مهببته لقراوى
^
^
^
^
ام متعب (الجده )
عقب ذا البطى كله بشوف عيال متعب .. صدري اليوم منشرح بزود
بشوف عيالي قدامي وعيالهم حولهم ..من سنين وانا ادعي ربي يلم شملهم
ويجمعهم عقب ماتفرقوو .. جعل ربي يتمم لقاهم ولا يفرقهم .. الحين ارتحت
من الهم اللي طاويته سنين بين الضلوع المحاني ... تمددت بعد ماخذت هويا
شناطي ترتبها هي وساره في حجرتي وانا مددت ظهري في الصاله وانا اتخيل ورعان
متعب اللي ماشفتهم من زمااان ... غفيت وانا افكر ما حسيت الا باللي تهمز راسي
فتحت عيوني قالت لي هويا : بسم الله عليتس يمه قومي صلي العشاء قلت لها
اجل هو اذن !!... ضحكت قالت مدري عنتس بقولتس صلي قبل الصلاه ؟!
ابتسمت على حتسيتها وقلت : عسى ماتعبتي مع قشاني الواجد ..قالت لي وهي
مبتسمه لايمه عاونتني السوري (ساره) وراحت الحين تشوف وش بتلبس بعد شوي
لعشاء عمي .. قلت وانتي وش بتلبسين ؟؟ وقفت وعنزتلي معها عشان اوقف وقالت
ايه مجهزه لي هدوم ...
^
^
^
^
هويا
لبسنا وجهزناوطالعت في شكلي النهائي .. كنت لابسه تنوره سوداء طويله
وبلوزه تركوازيه كان فيها بالكرستال الاسود مرسوم بوسط البلوزه
واما المكياج حطيت مسكرا مكثفه كحل وسط العين وروج فوشي خفيييف حيل
((طبعآ من عادات بعض اهل القرى ان البنت من توصل لسن معين خلاص البرقع
ماتفكه يبقى عليها الا بوسط بيتها مع اهلها .. وبعض الناس المتزوجااات ماتفكه لاعند
زوجها ولا عيالها فعشان كذا ماتكلفت في المكياج ))
نادانا ابوي حتى نركب السيارات ... نزلت وكل شوي احس قلبي تزيد نبضاته
كرهت الرياض بسبب اهل عمي والحين مطلوب مني اقابلهم !!
صعب اتحمل زوجته بعد اللي صار لكن ما ابي اكون السبب في قطع الرحم ..
افكاري كلها حول عمي واهله وصلنا بيتهم بسررعه كنت اتمنى تطول شوي
المسافه ..حسيت بيده على يدي ويقبضها لاتفكرين يابوتس ..بعد ماقال هالكلمه
حسيت العبره تخنقني حركة راسي وتحركة ببطأ...
^
^
^
^
شهد
بعد ماخلصت شغلي بدري وتاكدت ان عمتي طلعت والبنات طلعو لغرفهم
رحت اكلم فاتن تجيني بسرعه في البدايه تعذرت انه ليل وانه صعبه اقنعتها
لما قعت اقوله بس خمس دقايق وسعود ومازن اخوك عند الباب (مازن اخ فاتن واصغر من
سعود بسنه وصديق سعود) ..قالت انها بتسئل ابوها لان امها طالعه مع عمتي
سئلتها ووافق وفرحت انها راح تجي رحت عند الباب بسرعه
ما ابغاها تضرب الجرس وتنزل وحده من البنات وتعلم عمتي وتهزئني اني جبت فاتن
انتظرت فاتن لين جات وسحبتها معي من عند الباب الين غرفتي وطلعت لها كيستي
وانا مبسوطه قالت لي ببلاهه من شراه ؟
قلت لها تخيلي من ؟؟
قالت بغباء : ابوك
ضحكت من قلبي : ابوي !! ابوي عساه يذكرني تبيه يشتري لي !
قالت وهي عاقد حواجبه : اجل من ؟
قلت لها وانا مبسوطه : هذا من عمتي تخيلي !!
قالت :عمتك عمتك ماغيرها !!
قلت لها : ايه تخيلي اليوم راحت وشرت لي كل هاللبس والشغلات هذي
قالت : وش المناسبه ؟؟؟
قلت : تقول عندها سهره بعد كم يوم ..شفتها حركة راسها بالايجاب
^
^
^
^
فاتن
كلمتني شهد وجيتها شفت الفرحه في عيونها بالبدايه وهي تعبر
عن فرحتها باللي شرته عمتها لها .. استغربت سبب شراء ام صالح
المفاجىء لها !! اذا مريول شهد من السنه اللي طافت وهي تلبسه
شمعنى الحين اشترت فستان وبذيك الحسبه وماركه مع مستلزماته !!
سئلتها سؤال تمنينت اني ما سئلتها اياه : انتي متى اخر مره حضرتي حفله
قالت : ما اذكر اني حضرت حفله ... وكملت من بعد ما شافوني الحريم !!
قلت بغباء : شافوك الحريم ؟!! واذا شافوك الحريم !!
قالت با ابتسامه ذابله بعد ما تنهد : كنت بنت 13 مالي الا كم شهر من جابني ابوي
دخلتني عمتي المطبخ وخلتني اساعد الخدامه في بعض الشغل .. (رفعت نظرها لسقف
وكانها تتذكر السالفه )وكملت بنبره حزينه
..تخيلي كنت قصيره ونحيفه حيل والمجلى طويل علي
وما اقدر اغسل الصحون (ضحكت بسخريه على حالها )هه راحت وجابت لي
صندوق خشبي حق الخضار وخلتني اوقف فوقه واغسل الصحون !! وفي يوم
كانت عمتي مسويه سهره كبيره كنت انا واقفه على المغسله اجلي صحون
الحريم مسكتني بقرف من طرف كتفي ولفتني جهة الحريم وقالت وهي تضحك
هذا : بنت طليقة ابونااا !!...الحريم اللي شافوني تعاطفو مع وضعي واللي تقول
حرا م عديها من بناتك واللي تقول تكسر الخاطر ... وهذا الامر
ضايق عمتي من بعدها ماعاد خلتني اطلع لاحد اجهز قبل ما يجون واغسل بعد
مايطلعون !!
حسيت برئفه تجاه شهد قلت لها وانا حاول ابلع العبره على وضع شهد المزري
: ياعمري ياشهد كل ذا تحملتيه !
^
^
^
^
******************************
|
23-02-11, 09:08 PM
جديد مواضيع قسم الارشيف
العرض العادي
