صباحك الله رضا والسرور
الله يعطيك العافيه ما قصرتي
البارت رائع بكل ما للكلمه من معنى
اختي ضحكه ما شاء الله عليك قلمك بقمه الروعه وطرحك للمواضيع جدا عقلاني وواقعي

والله عورني قلبي كثير من مشهد فطوم واختها ردينه وكيف الخوف اللي صاب فطوم واسنتجادها بامها

ووصايف اللحين انت جابه وقلبك معورك على بنتك جالسه تعقدين مقارنه بينك وبين وداد صدق ابو اطبيع ما يجوز من طبعه
وتجاهلك لعذبي يبن مدى حبه المزروع في قلبك
وانت باعذبي المفروض تراعي حاله البنت موتجي وتهاوش المفروض تتفهم حاجتها لامها وان تصرفها هو لجذب الانتباه
والله الغيره لعبت فيك لعب وصرت تراقب وصايف وبعدين ليه اللفه الطويله العريضه انت تحبها وهي تحبك المفروض تردون لبعض ولو عشان عيالكم

اصيل ياخي حدد انت تحب وصايف والا تبي وداد مويوم شفت وصايف ضاعت علومك ولعبة اكتشفها عذبي

فينوس ياعمري ما تستاهلين اللي يصير لك بس هذا الطيب دايم حظه كذا
وداد وعلي الحوار الي دار بينكم منجد ممتع وشيق وخاصه لمن قال علي انا معاك كلهم الله يشفيك يا علي ويفك السحر عنك

ابو عذبي وام ديمه
انت اثنينكم قمه في الحقاره والدونيه وش استفدتي يا ام ديمه من فعل الشيطان لا انت من زوجك ولا نت رضا ربك عليك

وابو عذبي انت مقصر حيل في حق علي المفروض تحاول بكل الطرق انك تفك السحر منه لان المحترمه زوجتك هي السبب

هند واختها
موقف هند جدا عقلاني وطبيعي لان الوحدة ما لها الابيت زوجها وخاصة اذا كانت حامل لان ماحد دايم لها او بيهتم بطفلها

وخالد عجبني مدى ترابطك بامك وحرصك الشديد عللا رضاها وخدمتها وحرصك على اصلاح الحال بينك وبين زوجتك واحتوائها عشان يتربى الطفل بينكم

الله يجزاك خير وننتظرك

هلا وغلا تسلمين على البارت


عذبى مدرى هو يحبها للحين او بس مجرد قهر منها ومن اصيل على خيانتهم له المبطنه من وراه

اصيل توقعت انه بداء ينجذب لوداد وخاصه بعد ما طلب منها انها تجى من الصبح عند البنات

ملاحظه كل شى مشترك بين علي واصيل حبهم لوصايف

واتوقع بحبهم وارتباطهم بوداد

وصايف اتوقع استعجلت بسالفة الزواج


على يعنى مسحور مو مجنون والمجنون دائما مايدرى عن نفسه بس المسحور احيانا يجيه نوبات مو دايم

طيب ليش ما قرو عليه يوم عرفو انه مسحور


شملان المفروض انه قال لها عن عدم انجابه لانه بتعيش معه وصعب بيمرون بنفس الموضوع من جديد


بنتظارك على خير

علي بين السحر و الأختلال العقلي ...

أبي اتكلم عن شخصية علي مثل ما اشوفها أنا ^_^ بما أني لاحظت أن البعض أبتعد عن هدفي من رسم الشخصيه ..

مر عليكم أهل يعتقدون أن واحد من عيالهم لفرط نشاطه و حركته و سلوكياته الخارجه عن المعتاد مجنون .. فعلا بعض الأهل و للأسف يجننون عيالهم و يتعرضون لهم با العقاب الجسدي لتقويم سلوكيات طبيعية يمر فيها بعض الاطفال في عمر معين .. المشاغبة و المشاكسه مو مرض خاصه إذا ما كان الأطفال يجنحون فيها للأجرام ..
شفتوا أطفال بنفسهم يقولون أنا مجنون او أنا خبل و يتصرف على هذا الاساس لأن الكل يتوقع منه ها الشي ؟!!

علي كا طفل كان مميز ما يشبه شملان أو وضوح أو اي طفل من اقربائه .. كان يسبب الاحراج لأبوه بذات و هذا اللي ذكرته من قبل من خلال سرد شملان لذكرياته .. علي دايما كان يتكلم بطريقه شاعريه تشبه كلام المجانين من الأدباء ! .. على ان كلامه معقول في كثير من الاحيان أو معقول باالنسبه لرؤيته هو با الذات لكن مجنون با المختصر لانه ما يتكلم و لا يشوف الامور من منظور البقية !..

المسحور من اللي فاهمته .. ممكن يؤذي نفسه أو يؤذي اللي حوله .. أو ما يقدر يمارس حياته بشكل طبيعي و لا يفكر بطريقه مفهومة و منطقية و يختل توازنه العقلي أو نفسيا يكون منهار و بضيق دايما من غير سبب و ممكن الاطباء يقولون أكتئاب و ممكن يكون سحر .. با صدق ما عندي فكره متعمقة عن الموضوع و لا أحاول أسلط الضوء على السحر و المسحورين أنا بس أحاول أبين التفاعل الانساني وأكشف خطايا البشر في حق البشر .. شلون تعامل الكل مع علي .. منو حبه و منو كرهه .. منو وصفه با الجنون و منو يعتقد أنه فيلسوف محد فهمه ! .. و الكثير من الاسئله تنطرح في الروايه و جوابها عندكم .

في شخصيات كثيرة ودي أتكلم فيها مثل وصايف و اخوها ساري .. بس الكلام المجرد يقتل الفلسفه !


شكرا لمتابعتكم .