المنتدى :
خواطر بقلم الاعضاء
مرايتي
يا مرايتي عايزه ابوسك إوعي يا مرايتي تروحي لٌه بسَرِّي يوم تبوحي ما إنتي عارفه إني قدامك شَقِيَّه والشقاوه والحلاوه بس قدامك تبان عارفه كل المستخبي شايفه كل حته فِيَّه عارفه حتى كمان جناني لما يطلع وفثواني يتقلب ويبان حناني زي موجة شوق قويه وأَمَّا أقابله... يا مرايتي بلقا حيرتي م الكسوف تدَبِّل جفوني والخجل بيبان عَلَيَّه وألقا خُوفي والكلام يتحاش في جوفي وأبقا مِنُّه مِسْتِحِيَّه يا مرايتي إسمعيني إن وقف في يوم قصادك إبقي عَنُّه طمنيني وطَمِّنِيِه عن حبيبته وعن جمالها والحاجات الْمِتْدَارِيَّه يا مرايتي لأَّه بوحي طَيِّبِي ببوحك جراحي وأحكي عَنِّي وفَصَّلِيلُو حتى لَوّ ما سأل قوليلو وأوصفيلو وَجَنِّنِيه خللي شوقو يبان عَلِيِه وإن لقيتي عقلو طار جُوَّه مِنُّه شَبْ نار إبقي حاسبي عليه شِوَيَّه قولي إِنُّه ف قلبي ساكن وف عِنَيَّه ايوه قولي كل حاجه كل حاجه ما تسأليش دَه حبيبي نِنْ عيني دا ال بتمناه يجيني ده نصيبي اللي وَيَّاه بِدِّي أعيش يا مرايتي عايزه أبوسك بوسه أَدْ الكون بحالو تِدِّيِهَالُو فوق خدودو فوق شفايفو فوق جبينو وتقوليلو إني عمري ف يوم ما اخونو وإني هفضل له وَفِيَّه
|
08-02-11, 01:05 PM
المشاركة رقم: 1
جديد مواضيع قسم خواطر بقلم الاعضاء
العرض العادي
