واخيرااااا الضيوف سافروا وانا الوقتى اعرف اتكلم عن روايه اتى ليبقى براحتى بس يريت تكونو فاضيين لانى ناوية اتكلم براحتى وانتو عارفينى رغاية اووووووى :D بصوا فى البداية احب اقولكم انى الرواية دى اكتر رواية مكنتش عايزة اقراها معرفش ليه لما قريت الملخص بتاعها محبتهاش بس لما انتو اختارتو مناقشتها قريتها ورجعت ندمت بجد انى مقرتهاش من زمان :( اتى ليبقى رواية جميلة جدااااااا من وجهة نظرى واجمل مافيها المفاجات الى ملياها فى الاول انا برضه كنت مستغربة اوى ازاى البطل يبنسى اليلة دى غريبة بس قلت ممكن يكون انه كان سكران ونسى ممكن . بس انا شايفة انكم كنتم قاسيين شوية على البطلة البطلة كانت بتحبه وده كان واضح فى تصرفاتها معاه بس مش لازم ننسى برضه انه كان جارحها يعنى واحد كان معاها فى الحفلة ولما مشت وهربت منه بعدها بنص ساعة يكون مع اختها لازم كرامتها تثور عليها وانا لو مكانها بصراحة هعامله اسوا من كده دى هى كانت طيبة معاه وعجبنى برضه فيها انها كانت بتحافظ على صورته فى عيون ابنه وده طبعا تصرف سيدة محترمة
وبعدين لاحظت اخلاصها ليه واخلاصها لمعاهدة الصداقة الى كانت بينهم كمان عجبنى جدااااااااا البطل شخصيته جميلة جداااااا ورومنسى وبيحبها واجمل مافيه غيرته عليها ههههههههه اصل انا بصراحة اجمل حاجة بحبها فى الراجل الغيرة بس طبعا مش زيادة يعنى :D ماعلينا المهم انه شخصية جميلة وفعلا كان دايما موضح حبه ليها واهتمامه بس بصراحة الى مش مستوعباه انه يقعد 7 سنين بعديد عن مراته عشان ايه عشان بيحتقره ومش بتحبه طيب وايه الى اتغير يعنى ماهو كان يرجع من الاول ويحاول معاها زى ماعمل لما رجع دى الى استغربتها اوى بصراحة اما موقف الاب اعتقد انه يعنى عادى لانى فى اعتقادى انه كان متوقع ان ابنه كان عارف الموضوع من الاول واعتقد انهم كانو عايزين يحتفظو بالسر ده بينهم ده اعتقادى الشخصى اما عن المفاجاة الى ظهرت فى الاخر . لا هما مفاجاتين الاولى انها مش ام الطفل والتانية انه مش ابو الطفل ههههههههههههه يادى الخيبة الولد طلع ابوه وامه مش ابوه وامه مفاجاة غريبة اوى بصراحة . :) بس بصراحة انا عجبتنى الرواية فعلا جميلة ولا مطلعتش فيلم هيندى ولا حاجة بالعكس اعتقد انمها واقعية ممكن ممكن تحصل ايه المانع
اما عن اقتراح مرجوجة ان الرواية القادمة تكون عذراء الجليد انا موافقة عليها واقترح كمان رواية خطوات متهورة

وفى النهاية اعتذر انى اتاخرت فى التعليق على الرواية بس والله ظروف وانتو عارفين انا متاخرش عليكم ابدا حبايب قلبى موووووووووووووووووووووواه

ندووش حبيبه ألبي والله اسعدنا حشك يا بنت و تحليلك مزبوط والبطله بالعكس ماعليها اي تعليق قاسي من ناحيتي بالمجمل كانت رائعه وخاصه امومتها وانوثتها ومن جد ياليت تحدوو نحش باي قصه لاني قريتهم ثنتينهم