السلام عليكم ورحمة الله وبركاته
صباح الخير
.
.
.


الجزء التاسع عشر

*************

: خذ
كانت هند تحذف الجاكيت على مساعد
مساعدمتفاجئ: منين جبتيه
هند: كان مع.... وترددت ااا مع طفله
مساعد : ليش ترددتي
هند: ما ترددت هو كان مع طفله
بس انا اخذته من وضحى بنت ابو محمد
مساعد : وضحى وش جابه لها
هند ترفع كتافها : مدري بس هي تقول
ان طفله نسته عندها
مساعد : طيب
(كانت بتعطيه لطفله اكيد انها قالت لها عنه
والا ليش رجعته يبيلي اسأل طفله )
هند : مسااااااعد
مساعد: وجع يوجع العدو
تراني اسمع قصري حستس
هند: اشتقت لخالي فهد متى اخر مره كلمته
مساعد : والله من مشينا ما كلمته
دخلت طفله عليهم : السلام عليكم
مساعد قام لها وحضنها مع كتوفها
وعليكم السلام يا هلا والله بطفله
طفله مدنقه راسها مستحيه من مساعد : هلا بك
هند بعياره : يوووه للحين تستحين من مساعد
هههههه خلاص تراه اخوتس
مساعد يضربها على راسها بخفه : تعلمي منها شوي
وناظر طفله : بالله سلفيها شويه من حياتس
تراها ما تستحي
هندشهقت : هييييييئ ليه ما استحي
شايفني اغازل والا طالعه من دون عباه
مساعد وطفله : ههههههه
مساعد :ههه انا ما اتكلم عن ذا الحيا
انا اتكلم على الادب والخجل العادي اللي بالبنات
هند تخصرت : يا سلاام وهالحيا ذا ما تشوفه فيني
مساعد بضحكه : بصراحه ولا تزعلين لاا
هند : مولازم تشوفه اهم شي اني عارفه نفسي
طنشها مساعد
وجلس طفله جنبه : شلونتس الحين
طفله وهي تطقطق اصابعها : الحمد لله زينه
هند بعبط: زينه والا نحول
مساعد: ههه بايخه اركدي شوي
وخليتس رزه مثل طفله ماشاء الله عليها
هند : ما ودي وان كانك تبي تعلق علي كل شوي
ما انا بقاعده معكم بروح عند البنات
وقامت وطلعت وخلتهم لحالهم
مساعد : احسن خليننا لحالنا احسن


خلينا نسولف شوي
طفله طبعا الحيا ذابحها وساكته بس مبسوطه
شعورها لا يوصف
اخوها جالس معها وضع تمنته طول عمرها
يكون لها اخ وعزوة
مساعد يتأملها :طفله انتي درستي
طفله : اي
مساعد: لين اي سنه
طفله لثالث متو سط
مساعد : ليه ماكملتي
طفله : مرض امي الله يرحمها وعجزها
عن الحركه ما خلاني اكمل
مساعد طيب ليه ما تكملين السنه الجايه
طفله : ان شاء الله
والله وضحى دايم تقولي كملي كملي
مساعد فز قلبه من طاريها
: منهي وضحى
طفله: بلؤم وحده صديقتي
مساعد بتساؤل : ماهي بنت ابو محمد
طفله : تبسمت غصبن عنها تخيلت
لو وضحى درت عن هالحوار
يمكن يغمى عليها من الوناسه
: الا هي
وشوي مادرو الا باعصار داخل عليهم
وضحى شايله صينيه كبيره
فيها كاسات المويه وجيك المويه
و حاضنه السفره بذراعها بطريقه غريبه
وعشان ما تطيح منها عاظه باسنانها عليها
باختصار شكلها كان تحفه
****
قبلها بدقايق
هند بعد ما طلعت من عند مساعد وطفله
قابلت امها وسألتها اذا احد بالمقلط
مع مساعد وطفله مايكون محرم لها
جاوبت هند لا مافيه احد الي سمعتهم شيهانه
وعلى بالها ان المقلط فاضي ما فيه احد
وراحت لامها وعلمتها ان المقلط فاضي
عشان يجهزون السفره ويقلطون العشا
لان ابوهن جننهن وهو يسأل متى العشا
وحطو السفر ووضحى من العجله
لقطت السفره وصينية المويه وسيده على المقلط
وطبعا تفاجأت من وجود مساعد وطفله
طفله ومساعد تنحو في اللي دخلت عليهم
وضحى فتحت فمها وطاحت السفره منه
ونزلت الصينيه شبه حذفتها وهجت من المقلط
مساعد عجز يمسك نفسه :ههههههه
وطفله انحرجت من حرج صديقتها

مساعد قام بيطلع
وهو طالع قال لطفله :هذي وضحى صح
طفله صنمت ما عرفت كيف تتصرف وترد
مساعد وهو يضحك : سلمي لي عليها وطلع
طفله تفاجأت بجرأة مساعد
طلعت من المقلط لقت
وضحى واقفه عند الباب وحاطه ايدينها على خدودها
: طفله
طفله : نعم
وضحى : هو وش قال اخر شي
طفله : يسلم عليس
وانفجرت ضحك
وضحى : اوووه طفله احس قلبي بيوقف
وهي تحط يدها على قلبها
طفله : ههه بلا خبال وامسكي نفستس
وتعالي خلينا نرتب السفره اللي حذفتيها
***********

مساعد طول فترة العشا وما بعده
وهو متحضن الجاكيت
ويسترجع موقفها اليوم
دخولها كان عاصفه شقلبت تفكيري


وضحى كانت اليوم بالذات غيير
كانت اول مرره تحط روج وردي في حياتها
( السحري اللي مهما مسحتيه مايرووح عرفتوه :) ))
واول مره تكحل عيونها فكانت
ايه من الحسن الرباني اللي ما يحتاج
الا للمسات قليله تزيد من حسنه
وهو علقت في باله لها كم صوره
يوم تشطف
وهي طايحه
وهي بالبر
وهي بالمستشفى تصرخ عليه
واليوم بدخلتها عليه
قطع عليه افكاره ابوه
ابو مساعد : جلست مع اختك
مساعد : ايه يبه جلسنا بس ما قدرنا ننطول
لان العشى جهز ويبون يحطونه

ابو مساعد يهز راسه : طيب طيب
اسمعني وانا ابوك انا بمشي بكره الصباح ان شاء الله

وانت بتقعد هنا وتجيب خالك واختك

مساعد : يبه بغيتك بسالفه
ابو مساعد: قول
مساعد تردد مايدري وش
يقول لابوه : ااايبه الله يسلمك
انا ابي اتزوج
ابو مساعد بابتسامه كبيره : هذي والله
الساعه المباركه
خلاص كلم ام ماجد تدور لك عروس
مساعد :يبه انا ابي من بنات ابو محمد
ابي بنته الكبيره
ابو مساعد:ونعم ما اخترت ابو محمد
رجالن ينشرى نسبه
بس يا بوك وش معنى بنت ابو محمد
مساعد: يبه البنت انا شفتها
ابو مساعد بفزع : افى شفتها شلون
مساعد وهو يهد ي ابوه : يبه اهدى
الله يرحم والديك انا شفتها بالبر صدفه
ويوم ساعدت اخوها اعجبني ادبها وسترها
ابو مساعد بضحكه : هههه اثرك شايفها
وراحت علومك
مساعد يشارك ابوه الضحكه
وبقلبه أي والله راحت علومي من يوم
ما شفتها الوضيحي
ابو مساعد : خلا ص يا ولدي خير البر عاجله
بكره الصبح قبل لا امشي اكلم لك ابو محمد
مساعد حب راس ابوه : الله يخليك لي يا ابو مساعد

******
بعد صلاة الفجر

كانت القهوة والحليب والفطور
جاهزه
وجلس ابو محمد ومديده بيصب
الا ومساعد اخذ منه الدله وصب
لأبوه وابو محمد
ابو مساعد: اقول يا بو محمد
وش رايك بولدي مساعد
ابو محمد ناظر بمساعد نظرةاعجاب
مساعد ماشاء الله عليه رجل وشهم
وسنافي ينحط على يمناك
مساعد فرح براي ابو محمد فيه
ابو مساعد : اجل تزوجه تراه جاك طلاب
ابو محمد بابتسامه : ازوجه وازوج ا بوه بعد
ابو مساعد بضحكه : ههههه لا ابوه
خلاص عنده اللي تسده وتكفيه
بس لا تسمعك هههه
ومساعد يبي بنتك الكبيره الله يحفظها
ابو محمد كان مره فرحان ان مساعد خطب
من بناته كان يتمناه لوحده من البنات
والله حقق له مناه
ابو محمد: يبشر بس اشاور البنت
وربي يكتب اللي فيه الخير
ابومساعد : اميين شاور البنت وامها
وترانا والله اخوان وان الله كتب بيينا
نسب صرنا اهل وان ما كتب فحنا اخوان اول وتالي
ابو محمد : أي والله صدقت انا اخوان
ابو مساعد : اجل انا اترخص ابي امشي
انا وعيالي وبيقعد عندكم مساعد اليوم
وبكره بيمشي مع بادي
ابو محمد : الله يستر عليكم وييسر لكم امركم
***********
في نفس الليله
ابو محمد جالس ويتأمل ام محمد
ام محمد لاحظت نظراته
وتبسمت : علامك تناظرني كذا
ابو محمد: والله ومرت السنين
وصارت بنتنا عروس و تنخطب
ام محمد متفاجأه : وش من اللي انخطبت
ابو محمد: وضحى
ام محمد: من اللي خطبها
ابو محمد : رجال(ن) ونعم وانا كنت
اتمناه لوحده من البنات
ام محمد وهي مبسوطه لبنتها
: هههه من هو ذا لايكون من اخوياك
ابو محمد حب يلعب باعصابها شوي
: ايه من اخوياي انتي تعرفين ابو بدر
ام محمد طارت عيونها :ابو بدر ابوبدر
ا بو محمد: هههه ليه وش فيه ابو بدرلا يكون
ما هو عاجبتس

ام محمد : ايه ماهو عاجبني رجال ابو عيال
وعنده بدال الوحده ثلاث
ابو محمد بجديه : وش فيها اهم شي
رجال ونعم وعنده فلوس
وهو يحرك ااصابعه
ام محمد عصبت : والله ما تاخذه
وراسي يشم الهوا
ابومحمد ما قدر يمسك نفسه اكثر : ههههههه
معقوله يا بعدي تصدقين اني
ارمي بنتي هالرميه
وهو يلم كتوفها
ام محمد وهي تدفه عنها : وخر عني
والله من صدقت من وجهك
ابو محمد : ههههه وتدفين بعد
اجل ما انا بمعلمتس منهو اللي خطب بنيتتس
ام محمد : لااا تقول والله ان قلبي عورني على بنيتي
وانت تمزح !!
وقامت من عنده

ابو محمد : يا بنت الحلال تعالي تعالي وش رايتس
بمساعد ؟؟

ام محمد بفرحه : مساعد ال.... اخو طفله
ابو محمد: أي هو

اليوم الصبح قبل لا يمشي ابوة كلمني
انا وافقت بس قلت لهم لازم اخذ رأي البنت
ام محمد جت تجلس جنبه
:هههه والله و نعم خلااص كلم
بنتك وشف وش بتقول
انسدح ابو محمد وسحبها معه
الحين بنام وبكره يصير خيير
*****************
بعدها بثلاث ايام

ام ماجد بصوت مبحوح
: طفله ولا عليتس امر تسوين قهوة
ابوتس عنده رجال وهند نايمه تعبانه
طفله بموده : ابشري ياخالتي من عيوني
ام ماجد ببسمه متعبه : تسلم عيونس
ولا خلصتيها نادي ماجد ياخذها
طفله وهي رايحه للمطبخ : طيب
راحت طفله وسوت القهوة وجهزت الصينيه
وحطت القدوع
وراحت عند المقلط ودقت الباب
وجى فهد مستعجل
: هاتي القهوة الرياجيل بيمشوووون
طفله ما قدرت تسوي ولا شي تناول
فهد الصينيه منها وبغى يغمى عليه
يوم رفع عيونه وشافها
كل تفكيره انها اخته مزنه لانه
هو اللي طلب منها القهوه
واخذ القهوة ودخل بسرعه للمجلس
وطفله واقفه مكانها
ماتوقعت ابدا انها تشوفه
مره ثانيه وبها القرب
شافت عيونه يوم رفعها فيها
صحيح هو صد بسرعه بس كانت نظرته غريبه
عجزت تفسرها نظرة استغراب
متفاجئ اكيد لااا شكله منفجع هيييئ
وراحت ركظ للمرايه تشوف شكلها
شعرها على تمشيطتها الصبح جديله
ورافعه غرتها ببنسه
وبقايا روج وكحل
حطت يدها على خدها متفشله
من زين هالوجه يشوفني كذا
اكيد بقلبه يقول وش هالشينه
اللي ما غسلت وجهها
وهي واقفه عند المرايه تكلم نفسها
اندق باب المقلط سمعت فهد ينادي ام ماجد :

راحت وحطت شرشفها على وجهها
وقالت بصوت خجول
: خالتي ام ماجد تعبانه بغرفتها
بغيت شي
فهد وده يطيير يوم سمع صوتها
: اااا بغيت مويه للرجال الله يعافيتس
طفله : ابشر دقايق بس
وراحت ركض للمطبخ وجهزت كاسات المويه
وجيك صغير و ملته مويه وركض لباب المقلط
وحطت الصينيه بالأرض ودفتها لداخل ودقت الباب
وجى فهد بسرعه
: شكرا يابنت الاجواد


طفله ابتسمت من شكره لها
حست انها مبسوطه بشوفته اليوم
راحت تشوف اختها هند ولقتها نايمه
وطلعت منها على ام ماجد وبعد لقتها نايمه
ماحبت تزعجهم
هي حاسه بملل من دون هنودة
راحت للتليفون واتصلت
بصديقة عمرها بتشوف وش صار معها
************

فهد
طلعو الرجال اللي كانو جايين لابو مساعد

وما لقوه واستقبلهم فهد
لان لاابو مساعد ولا مساعد كانو موجودين

فهد ياربي لك الحمد تمنيت
شوفتها وشفتها ياربي انت اعلم بحالي
ما خلت في عقل انا لازم اخطبها لاااازم
والليله اكلم ام ماجد تجس لي النبض


وضحى : تكفين طفله وش قالتس
طفله : يااربي مامليتي تراني طفشت
وضحى بدلع : طفلــــه أخر مره
و بعدها ان سألتتس اخبطيني باللي تبين
طفله : هههه خلاااص بقولتس
بس عيديها بخبطتس باقرب عجرا
وضحى : هههه طيب قووولي
طفله وهي تسترجع الموقف
وتعيد حكايته لوضحى
((مساعد جالس جنب طفله
: طفله بسألتس عن وضحى بنت ابو محمد
طفله بغت تغوص بملابسها من الحيا
مساعدشاف ردة فعلها
وقال بتوضيح : انا خطبتها من ابوها
ابغاتس توصفينها لي
طفله بفرحه
:والله خطبتها
مساعد أي قبل لا يمشي ابوي ذاك اليوم خطبها لي
طفله :و انت تبيني اوصفها لك
مساعد : ايه
طفله تجرأت شوي
:ليش اوصفها وانت شايفها
يوم تدخل علينا بالمقلط
مساعد : وهذيك شوفه يا كافي
طياره دخلت ركظ وطلعت ركظ
طفله : هههههه أي صح
بصراحه ما اعرف اوصف
انت اأسألني وانا اجاوب
مساعد يحك راسه :اااا مدري قولي اللي
تبين ابي رأيتس انتي فيها
مو انتن صديقات
طفله : من حنا صغار مع بعض
وضحى مرررره طيبه وحبوبه
خفيفة دم وهي صديقتي الوحيده
ياما خففت عني
وهونت علي امور كثيره
مساعد وبانتباه كلي
لكلام طفله : أي بعد كملي
طفله : على فكره بقولك على سر
ما علمت فيه احد الا ابوي بادي
مساعد باستغراب : سر وش هالسر !!
يخص وضحى
طفله : لا بس وضحى لها دور اساسي فيه
مساعد بحماس: قولي
طفله : انا ادري انكم اهلي
من بعد وفاة امي بفتره بسيطه
مساعد متفاجئ: لااا والله وليش كنت ساكته
وشلون دريتي
طفله : اول شي كنت ساكته لانها صدمة عمري
ان اهلى اللي طول عمري معهم ما يطلعون
اهلي الحقيقين
وبعدين وش تبيني اسوي ارووح لابوي
واقوله تراني دريت اني مو بنتك

مساعد : لااابصراحه معتس
حق تسكتين ولا تعلمين احد اصلا
كنت مستغرب من ردة فعلتس احس انتس
ومعليش على ذي الكلمه بارده
كنت اتوقع منتس تثورين
وتعصبيين وتلمين علينا خلق الله
طفله طارت عيونها من كلامه
طفله : تتذكر يوم كنت موجود
عند بيت ابو محمد وجاك ابوي بادي
وخلااك توديني للمستشفى
يومها كنت توني دريت
كتمت بنفسي والنتيجه سخونه شديده
وعلى فكره وضحى هي اللي علمتني
وهي اللي قالت لي انك اخوي
مساعد بابتسامه : لاااا هي اللي علمتتس
يا حبي لها والله
طفله في بالها انا وين وهو وين ))

وضحى : اه يا قلبي
طفله :وجع استحي شوي
تراتس للحين ما وافقتي
وضحى : والله انا موافقه ولو
علي قلت لابوي اول ما علمني اني موافقه
بس تعرفين لزوم الحيا قدامه

طفله بضحكه : طيب يا لحياويه
متى تردين على ابوتس عشان يعلم اخوي
العاشق الولهان
دخل مساعد الصاله وسمعها تتكلم ولقط اخر كلامها
مساعد بضحكه : من هو العاشق الولهان
وضحى سمعت صوته
صكت التلفون على طووول
طفله : هههههههه انت اكيد
مساعد مستانس مره
: كنتي تكلمين وضحى
هزت راسها طفله
مساعد : طيب ما قالت لتس شي موافقه والا لااا
طفله بنذاله : بصراحه
هي مررره متردده ويمكن انها ترفض
مساعد بزعل : ليييش
قولي لها ياويله ترفض
طفله : ليش وش ممكن تسوي لا رفضت
مساعد بصدق : مدري بس ياويلها

ظل لفتره ساكت وبعدها سأل:
امي مزنه وين ؟
طفله : تعبانه وبغرفتها
مساعد: وهند وينها عنتس
طفله : حتى هي تعبانه من البارح
وما تبي احد يصحيها
دقايق دخل ابوها ابو مساعد
الصاله : مسيكم بالخير
طفله ومساعد : مسيك بالنور
مساعد حب راس ابوه وطفله مثله
ابو مساعد : اليوم ما احد قد فرحتي
عيالي كلهم عندي
وناظر طفله : شلونتس يمه عساتس
مرتاحه معنا
طفله بصوت هادي : أي الحمد لله
ابوي بادي رجع معك
ابو مساعد : ايه وتراه ينتظرتس
بالمقلط يقول اشتاق لتس
طفله : تعشيتم
ابو مساعد : أي بس مدري عن الشباب
مساعد : انا والله تعشيت وماجد مدري
عنه هو فهد
طفله :خلااص بجهز عشاهم
عشان خالتي مزنه تعبانه
ابو مساعد : افى ياذا العلم
ام ماجد تعبانه
وراح عشان يشوفها
طفله قامت تسوي العشا
ولما خلصت عطته مساعد حتى يوديه
لفهد وماجد
وراحت عن ابوها بادي
*****************

ابو محمد : وضحى ما ردت عليتس
ام محمد : لااا للحين انا كلمتها وقلت لها تستخير
ابو محمد بروح اشوفها واخذا العلم من راسها
وراح لها لقاها بالصاله تتفرج على التلفزيون
وضحى شافت ابوها حى عرفت انه جاي
ياخذ ردها النهائي
ابو محمد : شلونتس يمه
وضحى حبت راسه : بخير جعلك بخير يبه
ابو محمد : اظن انتي عارفه وش ابي منتس
وضحى استحت ونزلت راسها
ابو محمد : ها وش ردتس
وضحى : اللي تشوفه يبه وقامت تركظ
ابو محمد : ههههه الله يوفقتس يا بنتي
وراح عند زوجته وبلغها بموافقة وضحى على مساعد



ودي لكم

السلام عليكم ورحمة الله وبركاته




الجزء العشروون
***********

تمضي الايام فينا
من دون ما نحس
وتغيرنا الدنيا من دون اعتراض
مرت علينا ايامها بحلوها وبمرها

..

.
.
مر على خطبة مساعد ووضحى ست شهور

طفله كانت اخر زياره لها
لبيت ابوها ابو مساعد
كانت من ست شهور

فهد مشغول ببناء بيته
وما طابت له الحياة من ست شهور


حياتهم بعد ست شهووور

ابو محمد يلا عب ولده الصغير
ويتأمله وبقلبه ياربي تحفظه لي
هالولد اخذ عقلي بغلاه
على انه تعبان بس احسه قطعه من قلبي
ام محمد دخلت الغرفه
وشافته مسرح بوجه النونو
وجت جلست جنبه واخذت الصغير منه
: يادلبي يا عبووودي يدنن
ابو محمد : حبيبتي
ام محمد رفعت عيونها له : هلا ياقلبي
ابو محمد: لاحظتي عليه تغييير
يستجيب لتس يوم
تلا عبينه
ام محمد وهي تضم عبودي لها
وتشمه بقوووة : توووه يا قلبي
هذا النوع من الاطفال الاستجابه عنده بطيئه


ابو محمد بحزن : ادري علمني الدكتور
بس قلت يمكن الدكتور غلطان او متوهم
ام محمد نزلت عبودي في سريره
وجت تجلس جنبه
ومسكت يده وحبتها وخلتها في حضنها
: يا قلبي انت ناظره وشف
تحس انه غير عن كل عيالنا
حتى احيانا احس انه مو ولدي
ما فيه شبه منا
ملامحه غريبه

ابو محمد : أي الدكتور يقول انهم
سبحان الله يمتلكون ملامح قريبه
من بعض واقرب شبه لهم المغوليين
حتى انهم يسمونهم منغوليين
والاسم العلمي لهم متلازمة داون
ام محمد وعيونها غرقانه بالدموع الحاره
: بس الحمد لله بعد الدكتور
طمنا عليه ان نسبة الاعاقه
عنده خفيفه وانه احتمال يكون شبه طبيعي
ابو محمد بثقه برب العالمين
ورضا بعطاه: الحمد لله
والله ان ولدي ذا ما يسواه احد
تكفيني نظرة من عويناته
ام محمد : ياذينه ذيناه حتى خواته
ما ينزلنه الارض ابد يحبنه مرره
بس عارف وش اللي يعور قلبي

نظرة الناس له
والله كنهم يشوفون شي
عجيب
واللي امر منه انهم ما يراعون مشاعري
نظراتهم المشفقه والمتعجبه تجرحني

ابو محمد وهو يغير الموضووع
: الا وضحى خلصت امورها
خلااص العرس بعد يومين
ام محمد بابتسامه هاديه
: ايه خلصت بس بنتك ذي تعبتني معها
ابو محمد :ليه وش فيها
ام محمد : ما تاكل نحفت مرره
ابو محمد بضحكه : يا عزي عن بنتي
علامها كله من هم العرس ؟؟
انتي امسكيها وعلميها ان الموضوع عادي
وما فيه شي يخوفها او يقلقها
ام محمد : ابشر ولا يهمك
الا شخبار بادي
امس طفله كانت عندنا تقول ابوها تعبان
ابو محمد : لا طيب الحمد لله شفته اليوم بالمسجد
الا بسألتس
هي طفله ليه عيت عن نسيب ابوها
ام محمد بجديه : من رداة حظ ها والله
والا مثل ماسمعت منك ومن ام ماجد
ان الرجال ماشاء الله عليه ماينرفض
بس هي خبله وانا والله هاوشتها
ابو محمد : طيب ليه هي رفضته ليه
ما قالت لتس شي
ام محمد : هي الضعيفه تستحي مني
بس علمت وضحى ووضحى علمتني
تقول انه ما تبي تترك بادي لحاله
وانه يوم يبلغها بخطبة الولد لها
قالت له لا تزوجت بتجي معي
قالها بادي لا انا حالفن ما اطلع من بيتي
قامت هي رفضت الولد وحلفت ما تاخذه
الا اذا ابوها بادي راح معها
ابو محمد : اعوذ بالله من رداة النصيب

*******

ام ماجد : فهد يا خوي الله يرضى عليك
تعال اجلس معي
فهد وجى جلس جنب اخته : هذاني جلست
ام ماجد تناظره بعيون حزينه
: خلااص عزمت تطلع من عندنا
فهد : اي خلااص يا ام ماجد
انتم ماقصرتو وانا بيتي تقريبا خلص
ام ماجد : وهي تمسح دموعها تكفى يا فهد لاتزوجت
رح لبيتك بس الحين خلك معنا
فهد : معليش مزنه خليني براحتي
يكفي ان البنت ما زارت ابوها
من خطبتها وعيت عني
مزنه بزعل : الله يسامحها لا هي اللي ريحت
ابوها ولا هي الي ريحتك
فهد : مزنه تكفيين خلاص لا عاد
تجيبين طاريها قدامي
وقام من عندها


مزنه جلست لحالها وذاكرتها رجعتها
لورى يوم دخل عليه فهد وهو مبتسم

ناظرت فيه وقالت لها
: فهيدان وش عندك اعرفك لا بغيت
شي تحوس ما تدري وش تسوي
قلي يا قلبي وش عندك
فهد : هههه يا قلبي يا اختي
ما احد عارفني مثلتس
انا بخطب
مزنه بفرحه : قل والله
فهد : والله
مزنه بفرحه : قلي من تبي والا تبيني انا ادور لك
فهد بضحكة خجل : ابيتس تخطبين لي طفله
مزنه بفرحه اكبر : يازييين ما اخترت
فهد : شرايتس بها
مزنه بصدق : والله ياقلب اخيتك انها جايزتن لي
وكنت ناويه اشاورك بها
فهد : تكلمين ابو مساعد والا اكلمه انا
مزنه لا انت كلمه احسن وانا بكون جنبك

بعدها باسبوع

مزنه تبكي عند ابو مساعد
: ليه رافضته وش يعيبه اخوي
ابو مساعد : يابنت الحلال والله ونعم بفهد
بس طفله ماوافقت ولا قالت اسباب
مزنه طيب انا الحييين شلون ابلغه بالرفض
والله ما اقدر
ابو مساعد : انا خلااص علمته
مزنه : يا عزي عن اخوي بالله وش قال
ابومساعد : مانطق ولا بحرف وقعدت
اهون عليه واني بخطب له من احسن البنات
بس هو قعد ساكت واخر شي قاام
وقبل لا يطلع قالي لا تخطب ولا تعب نفسك
انا هونت عن العررس
وطلع وخلاني .


طبت عليها هند قطعت عليها ذكراياتها
هند : يمه صدق خالي فهد بكره بينقل لبيته
ام ماجد وهي تمسح دموعها
: اي صدق
وقامت بترووح غرفتها
هند: بصوت مخنوق
يمه تكفين كلميه ما اقدر على بعده
ام ماجد قبل لا تصك باب غرفتها
: لو ينفع كان كلمته خلاص هو معزم
الله يسامحها اختتس الله يسامحها
وصكت الباب
هند طلعت ركظ لخالها
ودقت الباب
: خالي
فهد: : اهلييين هند تعالي بغيتي شي
هند بصوت باكي
: تكفى يا خالي لا تطلع من بيتنا
فهد وهو يضف اغراضه بكرتون
: هند خلااص يا قلبي
اصلا لازم اطلع الحين بتجي زوجة مساعد
وماراح تاخذ راحتها وانا موجود

هند زاد بكاها
وجت عنده وحضنته : خالي لا تروووح
فهد بقلبه لا تصعبينها على
واله اني احس روحي بتطلع مدري
شلون بروح واخليكم
وصار يمسح على راسها
: اقول يالنمله ماودتس تساعديني بضف عفشي
هند وخرت عنه ومسحت دموعها
قالت بمزح : ماراح اساعدك
فهد :ايه هذي هنو دتي نملتي

هند : طيب بساعدك بس بشرط
فهد : انتي تدلليين
هند : اذا بكره سافرنا اروح
معك بالسياره وارجع معك
فهد وهو يأشر على خشمه
: على هالخشم كم عندي هند انا

********
اليوم الثاني
في المسا كانت الاستعدادات للزواج كامله
وتجمعو القرايب من خوال واعمام
في بيت ابو محمد
وحتى اهل العريس كانو بنفس البيت
وضحى
طول الوقت محبوسه في غرفتها
وشناطها مفتوحه
واختها اشواق ورفيقة عمرها طفله
يرتبن اغراضها لانها بعد الزواج
على طول بتروح مع مساعد لبيتهم
وضحى منسدحه وتناظرهن وهي ساكته
اشواق رفعت فستان لطفله لونه سماوي
طفله شرايتس بها الفستان
طفله : الله مرره حلو
اشوااق بفخر: انا اللي رسمت للخياط
الموديل وانا اللي اخترت بعد القماش
ناظرت لوضحى وشافتها ساكته
: ليه ساكته والا تسوين نفستس مستحيه
وضحى : خايفه
طفله واشواق ضحكن عليها ههه ههههه
اشواق : وش منه خايفه
طفله ههه انا اقولتس خايفه مساعد
يعايرها بطيحاتها قدامه
اشواق وعلامات الاستغراب فوق راسها
: اي طيحات
طفله شهقت : اوووه وضحى ما قالت لتس
وضحى وهي تكش على طفله
: مالت عليتس يالغبيه هالحيين
وش يفكني منها
اشواق مثل الاطرش بالزفه
: وش سالفتكن انتن
طفله : هههه مالي دخل هذي اختتس
عندتس اسأليها
اشواق بالحاح : وش صار انتي طايحه
قدام مساعد
طفله ارتفع صوت ضحكها : ههههههه
وضحى بزعل من طفله : ويعلتس للمغص
تضحكين هااه طييب والله ما اخليتس
اشواق مصره تعرف : اقول وضحى علميني
لاو الله انتف شوشتتس و ما يبقالتس شعر
وانتي بكره عروس تطلعين
وانت منتفه لعريس الغفله
وضحى تخصرت : مدي يدتس
وانا اوريتس وماني قايله لتس ولا شي
اشواق راحت وجلست عند وضحى
وصارت تهمز رجولها ويدينها
: وضحى تكفين علميني الله يخليتس
اهون عليتس انام وانا ما عرفت السالفه
بتطلع براسي نخله من الفضووول
وضحى تبسمت : ههه
لا ما يهون علي بعلمتس
اخاف نقوم بكره نلقى الغرفه كلها بلح من نخلتس
اشواق : بعد عمري خيتي يله قول لي
عن مواقفتس مع شهريار يا شهرزااد
وضحى تنحنحت وسلكت صوتها : هذا الله يسلمتس ...



*****

في مجلس الرجال ببيت ابو محمد
كان المجلس مليان ضيوف من القرايب
والجماعه والجيران
كان فهد جالس ساكت والسوالف
تدور في المجلس بس هوكان مستمع
ماشاركهم ابدا
بادي جالس مقابله في الطرف الثاني من المجلس
ويتأمل شكل فهد لاحظ انه متغير
ناحف عن اول كثير وعيونه حزينه
ماهو فهد الاول ابد

آه يا ولدي انا السبب بحالك ذا
وش فيها اي وش فيها لا نقلت
عندهم عزة نفسي وكرامتي ما بتنهز
لا سكنت هناك
بدور لي بيت على قد حالي
وانتقل هناك منها ازوج طفله لفهد
ومنها اكون قريب منها
خلاص انا ان شاء الله ضروري
اتمم هالموضووع وانهيه


دمتم بصحه وعافيه

السلاام عليكم ورحمة الله وبركاته





الجزء الواحد والعشرين

**********



الف الصــــــلاة والســـــــلام
عليك يا حبيب اللــــــــــه
محمــــــــــــــد



يا مرحبا الف
والفيــــــــــــــن
باللي لفو من عربنا
بالضيف اهلين وسهلين
جى من بعيد وتعنى
مباركين للعروسين
زغرد بها الطير وهنا
الله يديم العزيزين
وهذا النسيب
صار منـــــــــــــــــــا
عريسنا كامل الزين
بالقرب منه افتخرنا
وعروسنا حبة العيــــــــن
كل الحلا في قمرنا
مباركين للعروسين
زغرد بها الطير وهنا
الله يديم العزيزين

وهذا النسيب
صار منـــــــــــــــــــا
قولو ماشاء الله
وآميــــــــــــن
نفرح بها ونتهنى



يوم الخميــــــــــــــــــــــــس


عقووود من النور تلف بيت ابو محمد
معلنه عن فرحتهم بزواج بنتهم
بيت الشعر المبني قدام البيت
السيارات اللي زاحمت الشارع
صوت الخرفان اللي كانت معونه
وهديه من الاصدقاء والجيران والحبايب
وما اكثرهم حبايب ابو محمد
سطح البيت اللي كان مفروش بالزل
والاضاءه تتخلله مثل عقووود اللولو
كل شي يدل على الفرح كل شي
ا لجيران مستعدين لاي مساعده
الجميع عنده الليله عرس بنتهم وضحى
فكانت فرحه واضحه حتى في الهواء اللي يتنفسونه
ابو نايف وابو عبد الله
من اول الناس حضور وجالسين في بيت الشعر
يستقبلون مع ابو محمد ضيوفه
على غدا العرس
مساعد وابوه وفهد وماجد
كانو على يمين ابو محمد
مساعد فرحته بعيونه
يستقبل المهنين ويتلقى النصايح
واحيانا التحذير : هالله الله ببنتنا
حطها بعيونك
مساعد يرد ببسمه : بعيوني لا تشيل هم




ابو محمد ما ثنى ركبته
عيونه مثل الصقر يتأكد من كل شي بنفسه
يبي كل شي في مكانه





بادي كانت عيونه تلاحق
فرحة ابو محمد وويفكر
: ياترى بتكون فرحتي بطفله
مثل فرحة ابو محمد ببنته
لااا انا فرحتي راح تكون اكبر
طفله قطعه من قلبي
وما احد بيفرح فرحتي يوم عرسها
عينه اتجهت لفهد
انا الازم اكلمه واعلمه باسباب طفله
لازم يتزوجها لازم
قطع عليه افكاره
ابو محمد يقلط الرجال على الغدا





في داخل البيت
ام محمد عند بنتها وضحى في غرفتها
وضحى : يمه بموووت والله بطني يعورني
ام محمد بخوف : بسم الله عليتس وش جاتس
وضحى بصوت باكي : ااااه يمه بطني بطني
آآه يتقطع
ام محمد تشوف بنتها تتلوى
من الوجع و العرق مالي جبهتها
:يمه حبيبتي وش انتي ما كله
وضحى : ولا شي من امس مالي نفس
واليوم الصبح كنت جوعانه اكلت حلاو ماكنتوش
ام محمد بتأنيب : احد ياكل حلاو
على بطن فاضي
كم حبه اكلتي ؟
وضحى وهي تصيح : اكلتها كلها
ام محمد طارت عيونه
: وشي كلها ؟ خبله انتي
بعذر بطنتس يعورتس

اندبلت كبدتس من كثر الحلاو
استني هنا بجيب لتس
عنزروت يمكن يخف شوي



_____________________
على صلاة العصر
كلن يستعد لان الحضور بعد صلاة المغرب
نوره : يمه البس فستاني هالحين
ام محمد : لاا يا ويلتس ان شفتتس لابسته استني لاصليتي المغرب البسيه
شيهانه : يماااه شوفي اشواق
طردتني من الغرفه
ام محمد زفرت من الغيض
: ليه وش انتي مسويه
شيهانه : ما سويت شي
بس هي فكت لي شعري
وزينته وقالت لي لا اشوفتس هنا
وانا بجلس عندهن
ام محمد : خلااااص انا ما ن فاضيه لتس
اسمعي كلام اختتس ويله روح انتبهي لعبودي


.
.
,
منيره جالسه وتهز راسها بلا
واشواق تقولها : يا خبله تعالي احط
لتس كحل بس خط جوى عينتس
منيره : لااا قلت لتس لا ما ابي
ما احب احس شكلي ماهو حلو
هند : بالعكس احس الكحل
ماهو حلو الا عليتس
عيونتس حلوة ما شاء الله
اشواق : خليها وتعالي خليني
افكك لتس شعرتس من اللفافات
وجت هند وجلست قدام اشواق
عشان تزين لها شعرها
هند : اشواق وانتي ليش ما لفيتي شعرتس
اشواق : انا احب شعري على طبيعته
والحمد لله ما يحتاج بس اتروش
واخليه ينشف يطلع حلو ومرتب

دخلت عليهم طفله : السلااام عليكم
وييين العروس
اشواق والبنس بفمها
: وعليكم السلام العروووس بغرفة امي
هناك غرفتها الليله هي وعريسها

منيره : امي تقول انها تعبانه

والحين هي نايمه
طفله : ليييه وش فيها
منيره : هزت كتوفها مدري
طفله : تعالي وديني لها




دخلت طفله الغرفه على وضحى لقتها نايمه
وجلست جنبها عل السرير
طفله تهز وضحى : وضحى وضحى
يالعروس قومي
وضحى فتحت عينها وشافت طفله
: طفله جيتي
طفله : مبروك يا عروسه يله قومي
عشان تجهزين
وضحى : جت ام فتحي
طفله : لا للحين انتي قومي
وريني وهي تشد يد وضحى لها
اللــــــه حلو الحنا على يدتس
وضحى تتأمل اصابع يدها وكفها اللي
ملونهاحمار الحنا العودي
بشكل مرتب
: الله يخلي لي امي حنتني البارح

طفله وهي تناظر بوجه
وضحى انتي صدق تعبانه
وضحى : اي والله بس الحيين احسن
شربت عنزروت واحس اني طيبه هالحين
طفله : يلله قومي بلا كسل خلصيني
انا حالفه ما حد يبخرتس الا انا
قومي تروشي بسرعه
وانا بروح لاشواق اخليها تضبط لي شكلي
وبعد كذ راجعه لتس


____________
بعد صلاة العشى الجميع كان بابهى صوره
ابو محمد ببشته البني
يستقبل ضيوفه
مساعد واقف والبشت الابيض
معطيه وسامه ورجوله
كان عن يمين عمه ابو محمد وهو مبتسم
سأل ابوه بصوت واطي
: يبه متى بيدخلونا خلااص
ابو مساعد : ولد اركد خلاص
بعد ما يقلط عمك
على العشى بندخلك
مساعد : والله لو تأخرتم دقيقه بدخل لحالي

ابو محمد سمع كلام مساعد وتبسم
: هههه يا ولدي اصبر ان الله مع الصابرين
لا تسير عجل






:الله ايه الجمال ده بدر مصور
وضحى تناظر نفسها بالمرايه وانفجعت من شكلها
وبدت عيونها تدمع
: يمااااه موحلو وع شكلي مو حلو
كانت عيونها مطموسه بظل ازرق واخضر
وشفايفها ملونه بروج احمر فاقع
وخدودهاا حمرا كأنها مضروبه كفوف
كان مكياج للتنكر
اكثر منه مكياج لأبراز ملامح
ام محمد دخلت الغرفه بناء على استدعاء عاجل
من وضحى شافت بنتها
وبصوت لايم : الله يهداتس يا ام فتحي
وش انتي مسويه للبنت شوهتيها
ام فتحي : ايه هو شغلي ماعجبكمش ؟
ام محمد بصراحه: لا والله
العريس لو شافها كذا بيهج
ام فتحي بمكابره
: والله انا عملت لكزا عروصه
ما حدش قال انه وحش
ام محمد : يا ختي الناس اذواق
وانا وببنتي ما عجبنا
على العموم شكرا ومدت لها حسابها
وضحى وهي دموعها انهار على خدودها
: يماه وش اسوي
ام محمد جت ضمتها
: عادي حبيبتي قومي غسلي هالمسخره
وانا انادي اختس تسوي لتس هالحين
بس كحل و حمره انتي ماتحتاجين مكياج اصلا


وفعلا جت اشواق
وبسرعه رسمت عين وضحى بلون اسود
وحطت وضحى بنفسها روج وردي زاهي
جت طفله وبخرتها وفاءا بنذرها
وامها لبستها فستانها
اللي كان عباره عن فستان ابيض لولي
من التل الفاخر ماسك على جسمها
فتحت صدره واسعه
واكمامه طويله
كان مليان فصوص كريستال
كان مبرز جمال جسمها
وذهبها عباره عن قلاده كبيره
وحزام واساور وكف بخمس خواتم
الذهب مع فستان وضحى الابيض شكلو لوحه بديعه
مع شعرها الطويل الناعم
ام محمد قرت عليها : مبروك يمه
وانا لازم اطلع للناس فوق
لا جت الزفه با نزلتس
هذي طفله معتس اي شي نادوني






طلعت ام محمد
وكان السطح مليان حريم
الجميع حاضر امهات وبنات واطفال
وكان في وسط السطح مفرغين مساحه للرقص
جت ام محمد ووقفت
على طرف الملعبه وتصفق للبنات اللي يرقصن
هند وقفت ترقص
والحريم يصفقن لها قامت معها نوف
ولفحت بشعرها
وتحمست وحده من الحريم
وقامت تناقز معهن
اشواق مالت على امها :
: الله يستر منها اللي تناقز
كل ماترقص تدوخ
وما خلصت كلمتها
الا الحرمه طايحه بالارض
اشواق بنرفزه: ياربي هاذي عارفه نفسها
تدوخ من الرقص وش له ترقص اوووف
ام محمد : اشششش بس لا احد
يسمعتس وروحي ودي لها كاسة ماء
_____________






ابو محمد قلط معازيمه على العشى
و المعازيم حلفو ما يتعشون لمن العريس يجلس
معهم وكان مقلب في مساعد اللي بدى يعصب
وجلس مجبر على العشى
بعدها ناظر فيه ابو محمد واشر له يله
فز من العشى وراح لسيارته
وبخ بخ من عطره واخذ مسباحه معه
ابو محمد ارسل العيال الصغار يبلغون الحريم
بالزفه نزلت امحمد بسرعه
عند بنتها ومعها ام ماجد وهند واشواق
وطفله طبعا عند وضحى
وضحى من دخلت عندها امها
وقالت لها ان مساعد بيدخل وهي تراجف







ابو محمد طلع مسدسه واطلق بالهوا كم طلقه
وابو مساعد سوا نفس الشي
تعبير عن فرحتهم بزواج عيالهم
ودخلو البيت وطلعو على غرفة العروسه
دخل اول شي ابو محمد
وبصوت عالي :ماشـــــــاء الله مبروك
يمه مبروووك ووقفها وحبها على راسها
وضحى كان ودها الارض
تنشق وتبلعها من الاحرج
بعده ابو مساعد سلم عليها
: مبرووك يا بنتي الله يجمع بينكم على خير
وبعده دخل مساعد
وهو عيونه معلقه باللي قدامه
وجى وقف جنبها
ابو محمد : هذي وضحى ياولدي تراها
من ذمتي لذمتك يا ولدي
الله الله فيها تراه غاليه عندي
مساعد سلم على راس ابو محمد
: لايهمك ياعمي بعيوني وضحى بعيوني
ابو محمد وهو يجر ام محمد المتغطيه
: وهذي عمتك ام محمد
مساعد باحترام سلم على راسها
شلونتس ياعمه بشريني عنتس
ام محمد بخجل منه
: بخير يا ولدي مبروك يا ولدي والله يسعدكم
مساعد رجع وقف جنب وضحى ومسك يدها
وهي بغت تمووووت من الحيا

ابو مساعد طلع من الغرفه هو وبو محمد



ونزلت هند وام ماجد وطفله العبايات
وقامن وسلمن على مساعد
وام ماجد انا يا ولدي حالفه ارقص
قدامك انت وفهد لا تزوجتم
وهالحين صفقو وانا برقص
عن حلفي وفعلا صارت هند تغني
والباقي يصفقون وام ماجد تناقز من فرحتها
يقالها ترقص
مساعد كل شوي يسرق نظرة على اللي جنبه
وهي مدنقه راسها
وضحى حاسه بنظراته عليها
تحس انها في فرن من الحراره اللي تحس فيها
ام محمد سلمت على بنتها
وسحبت بنتها اشواق وراها
ونفس الشي سوت ام ماجد
بقت طفله
حل الصمت بوجود طفله معهم
وضحى ماسكه يد طفله وتفعص فيها
وطفله مستحمله
مقدره موقف صديقتها
بس زاد الالم على يدها
قالت : مبرررررروك يامساعد عليك وضحى
مساعد: الله يبارك فيتس عقبالتس
طفله تبسمت لوضحى وجرت يدها بقوة
مبروك يا وضحى عليتس اخوي الوسيم مساعد
وضحى:... !!!!
ومسكت طرف فستان طفله
و شدته عليها ما تبغاها تبعد
ناظر مساعد طفله واشر براسه
يعني اطلعي
طفله
هزت راسها بلا
مساعد بضحكه : طفله بتطلعين والا احذفتس برى
طفله : ههههههههه لاا طالعه بس انا مالي دخل خل وضحى تفك ثوبي
وضحى قرصتها بقوه
طفله : اااااي يل ,,,,,
مساعد: تستاهلين ولا عاد تسبين حبيبتي
طفله انحرجت اكثر من وضحى
وخجلت وتلت ثوبها من يد وضحى وطلعت
مساعد قام وراها وقفل لباب







ورجع جلس جنب وضحى
وضحى بدت رجفتها تزيد وحست قلبها زادت دقاته
مساعد بصوت رايق : شلونتس يا قلبي
وضحى :.........
(يا ويلي يالنصاب حبيبتك مره وحده ما امدانا )
مساعد باهتمام : وضحى انتي اليوم كنتي تعبانه
وضحى : هزت راسها بنعم
مساعد : مسك يدها اللي بحظنها : سلامات يا قلبي
وضحى تشد يدها منه
مساعد : بضحكه : ما فيه الله يسلمك
وضحى :..........
( الله يسلمك ويعافيك ويخليك بس ابعد)
مساعد : علامها يدتس بارده ؟

انتي بردانه

وضحى : هزت راسها بلااا
وبقلبها

(لااااوالله احس اني بحترق من الحراره
ياليتك بس توخر شوي )
شد يدها بحنيه وقربها من فمه وباسها
وشمها بعمق
: الله ريحة الحنا بيدتس عطررر
وضحى ذابت خجل
وجرت يدها منه
( يماااااااه هذا وش يسوي )
وهو ميت على حياها وحلاها


قام مساعد ونزل بشته وشماغه
وجلس جنبها بس هالمره كله ملتفت لها
وضحى : حياتي ارفعي راستس شوي
وضحى نزلت راسها اكثر
( لو تموووت مارفعت راسي ))
مساعد مد يده ورفع وجهها لفوق
وضحى غمضت عيونها مرعوبه منه
((لاااااا وخرررررر))
مساعد : ماشاء الله
وش هالزين تهبلين يا عمري
وتمعن بملامحها اكثر
: هبلتي فيني يالوضيحي
وضحى ولع وجهها
(( يمااااه قلبي بيوقف ))

قعد يتأملها وبعدها قال
قومي توضي وخلينا نصلي
عشان ربي يبارك لنا بحياتنا
وضحى ماصدقت على الله وقامت عنه
(( احسن شي سويته ))






__________

طفله طلعت للسطح لقت اغلب الححريم راحو وما بقي الا قليل
راحت وجلست جنب هند وام ماجد

ام ماجد بود حقيقي
: عقبالتس يا بنتي
طفله : بوجودتس يا خاله
هند بطفاقه وعجله مثل دايم : اي عقبالتس
مع خالي فهد
اصلا ياويلتس تفكرين تاخذين غيره
ام ماجد : هند بس
طفله انحرجت من كلام هند وذاتا قدام امها

هند
: يمااااه انا ما قلت شي غلط
والله اني اتمناتس لخالي فهد
ام ماجد قرصتها مع فخذها بقوة
: انا قلت بس يعني باس
قامت هند وهي تفرك فخذها يماااه
لا تقرصييين
, وبزعل :بروووح عند اشواق






بعد لحظات من الصمت المزعج
طفله : خالتي ممكن اتكلم معتس بصراحه
ام ماجد : تفضليي يمه
طفله بحرج : الله يخليتس يا خالتي لا يكون
زعلتي من رفضي لـ فهد
ام ماجد بصدق : تبين الصدق يمه
انا جد زعلت لانتس رفضتيه
وكان ودي انتس على الاقل علمتينا
وش سبب رفضتس
طفله : خالتي
والله انا ما رفضته عشان شي
يعيبه لا والله
فهد ماسمعت عنه الا كل خير
يكفي انه تربيتتس انتي وابوي
ام ماجد : اجل ليش يمه كسحتيه
طفله : خالتي يرضيتس اتزوج واخلي
ابوي بادي لحاله
انا قبل لا افكر سألته ان كانه
يجي يسكن عندي
حلف مايطلع من بيته
وانا حلفت اني ما اخليه

عرفتي ليه يا خاله
ام ماجد هزت راسها باسى
وبقلبها الله يسامحه
مايدري شسوى بقلب اخوي
وجهت كلامها لطفله
: يا بنتي ربتس يكتب لتس الخيره
انتي وفهد
و الحين خلينا نقوم نساعد ام محمد وبناتها





***********
: فهد يابوك تعال ابيك بكلمة راس
*******************


:) لكل من يقرأ حروووفي اتمنى اقرأ حروفكم اسعدوني بأرائكم
وتوقعاتكم ما استحق منكم ولو سطر

السلام عليكم ورحمة الله وبركاته



الجزء الثاني والعشرين *****************

***********
: فهد يابوك تعال ابيك بكلمة راس

فهد: هلا ابو مساعد
ابو مساعد : اصبر لا تمشي الليله خلك
الليله ولا اصبحنا خذ ام ماجد والعيال معك
وانا بلحقكم مع بادي وطفله
فهد رقص قلبه بس من طاريها
: اشوى اللي لحقت علي كنت بتعذر
من هند وبمشي الليله
بس خلاص لايهمك بكره ان شاء الله نمشي
يله تبي شي انا برووح
ادور لي مكان انام فيه الليله


مشى ووقف عند سيارته لقى
بادي واقف عندها

بادي : فهد ياولدي
فهد: سم ياعم
بادي : بكره ماشين ؟
فهد
: ان شاء الله ياعم
بادي : الله يسر لكم امركم
ابي منك خدمه ياولدي
فهد: آمرني ياعم
بادي : بعد كم يوم بكون عندكم
وابيك تدور معي بيت ابي استأجره
فهد فز قلبه فرح :!!!
بادي :انا نويت انتقل عندكم
فهد خاف تبان فرحته بوجهه
: ماشاء الله خلاص تم ياعم
انا من اوصل بدورلك بيت
تبيه حول بيت ابو مساعد
بادي : يكون احسن
فهد : ابشر ياعم
وسلم عليه بادي وراح لبيته

بادي كان تفكيره انه يوصل لفهد
رساله وانه يبي قربه وقربه هو بالذات

فهد بعد ماراح عنه بادي جلس يفكر
صدق بينتقل جنبنا وتصير طفله قريبه مني
اللــــــــه يكفيني انها قريبه واني ممكن
ارجع اشوف زولها
انا لازم ادور له بيت باسرع وقت




عصر اليوم الثاني

مساعد توه داخل الغرفه عند وضحى
من بعد صلاة العصر
وقبلها كان في الغداء اللي سواه
ابو محمد لضيوفه
من الظهر ماشافها
مساعد : السلام عليكم
وضحى بصوت يالله باين
: وعليكم السلااام
مساعد نزل شماغه
وجى جلس جنبها
ناظرها شافها لابسه فستان
حلوووو لونه احمر
اكمامه قصيره ومعاه حزام
عريض بفراشه فضيه
كان روعه عليها
وشعرها ملموم على جنب
وعيونها مدعوجه بالكحل
وروووج وردي خفيف
كانت فتنه بالنسبه له
وضحى حاسه بنظراته عليه
قامت من مكانها تبي تطلع
مساعد بلهفه : وين رايحه
وضحى بحيا : دقيقه هالحين جايه
وطلعت وخلته يناظر وراها
انسدح على السرير ينتظرها
وغمض عيونه
فجأه حس بيد تهز كتفه
فتح عيونه
لقى هيفا واقفه جنب السرير
قام واعتدل جالس
: هلا والله بالحلوة هيفا
هيفا بزعل : انا ما احبك
مساعد تفاجأ بكلامها : افى ليش
وشالها وجلسها على رجله
هيفا تتلوى تبي تقوم عنه : وخر عني
مساعد مسكها زين
: لااا علميني اول ليش ما تحبيني
هيفا: انت تبي تاخذ وضحى عنا وتصير ابوها
مساعد : هههه بأخذ وضحى بس
ماراح اكون ابوها
دخلت عليهم وضحى جايبه الشاهي
تفاجأت بوجود هيفا
: هيفا امي تناديتس روحي لها
طلعت من عندهم وقفلت الباب
وصبت له الشاهي
مساعد :شكرا يا قلبي
وضحى جلست بعيد عنه
جاهزه اغراضتس بنمشي بكره الصبح
وضحى : اي جاهزه بس خلينا نقعد شوي
مساعد: ياعمري انتي لازم نمشي
بروح معتس ناخذ عمره ونمر جده والطايف
وضحى بحماس : الله بنروح عمره حللللو
خلينا ناخذ طفله معنا
مساعد طارت عيونه منها
: وين ناخذها
وضحى : لمكه مسكينه ما اعتمرت ابد
مساعد : ياعمري ان شاء الله بعدين اخذها
معنا هالمره انا وانتي بس

سكت شوي بعدين قال:
لها الدرجه تعزين طفله
وضحى بحيا وبصوت واطي : اي والله اعزها مرره
مساعد: من زمان انتن صديقات
وضحى :من حنا صغار واحسها اختي مو صديقتي

مساعد : والحين اكيد زادت المحبه
وضحى بطفاقه : اكيـــــــــــــــــــــــد
مساعد حب يحرجها : ليش زادت
وضحى :!!!
مساعد: علميني
وضحى بهمس: عشانها اختك
مساعد : لم يدينها بيدينه خفي علي يرحم والدينتس
ترى اذوب بهمساتس
وضحى صدت عنه خجل
مساعد : تكفين لا تصدين عني ابد
مسك وجها باطراف اصابعه وناظر عيونها وهي بادلته النظره
: ابد لا تصدين عني


بعدها بيومين

مساعد ووضحى في مكه
فهد بدأ فعلا يدور لبادي عن بيت صغير

ابو مسا عد وبادي وطفله في الطريق
متوجهين لبيت ابو مساعد

بيت ابو محمد
احساس بالفقد بين البنات
فاقدات اختهن وضحى وكل شي ممل عندهم

اشواق : يماااه طفش والله وضحى موفيه

ونوف مسافرين لديرتهم والمدارس عطله
وش تبينا نسوي
ام محمد : ادري انتس طفشانه قومي
رتبي دواليب المطبخ يمكن
تنسين الطفش شوي
اشواق بطفش اكبر: يماااه الله يرحم والدينتس
اقولتس طفشانه تقولين لي رتبي
مالي مزاااج ادخل المطبخ سنه قدام
من الكرف اللي كرفناه بزواج وضحى
شيهانه بصوت عالي : يمااااه تعالي كلمي
ام محمد : من
شيهانه بصوت اعلى : وضحى يمااه
بسرعه تعاااالي
قامت اشواق تركض تسبق امها
وخطفت السماعه من يد منيره
اللي كانت تكلم وضحى
وتكلمت بصوت مبسوووط
عكس اللي قبل : وضحــــــــــى يالخايسه
توتس تتصليين
وضحى هلا اشواق شخباركم
شلونكم شلون ا مي وابوي شلون محمد
شلون عبوودي
اشواق الحمد لله كلنا بخير انتي شخبارتس
وينكم
اعتمرتي
عسى دعيتي لنا
وضحى : الحمد لله انا بخير
واي اعتمرنا
ياسلاام كانت العمره مررره حلو
واليوم حنا بالطايف
امي وينها
اشواق تناظر امها
: هذي هي خوذيها يله مع السلامه
ام محمد : هلا والله شلونتس يا قلبي
وضحى بدى صوتها يتغير
وفيها الصيحه : هلا يمااااه اشتقت لتس والله
ام محمد متأثره بصوت بنتها
وهي بعد تحشرج صوتها: وانا بعد
بشريني عنتس عساتس مستانسه
وشلون مساعد معتس
وضحى : الحمد لله يماه أي والله
مستانسه ومساعد بخير
ام محمد: هو جنبتس خليني اسلم عليه
وضحى : لا والله راح للمسجد .
يماه ابوي وينه ابي اكلمه
ام محمد : ابوتس راح للمحل
وضحى : خساره كنت ابي اسمع صوته
طيب سلميني عليه وعلى محمد وخواتي
وحبيلي عبوووودي
ام محمد : الله يسلمتس يوصل ان شاء الله
يله اسلمي وسلمي
وضحى : مع السلامه
قفلت ام محمد التلفون

اشواق تصيح :يمااه تكفين خلينا نسافر
ام محمد بابتسامه : وين تبين تسافرين
اشواق :اي مكان بس نغير جو
منيره : تكفين يمه كلمي ابوي
ام محمد : طيب لا جى المغرب كلمته
البنات حبن راس امهن
: تكفين يمه اصري اننا نسافر تكفين
ام محمد : خلاااااص الله يكتب
اللي فيه خير انا بكلمه وانتن قولن يارب
البنات بصوت واحد : يـــــــــــــــارب
وفعلا لما جى ابو محمد
كلمته ام محمد وقال طيب ما في مانع نرووح
ناخذ عمره وبعدها نتوجه
لابها والباحه بس مو هالاسبوع
الاسبوع اللي يجي
طبعا البنات فرحن بهذا القرار
وبدت الا ستعدادات للتجهيز للسفره
بادي وطفله وصلو مع ابو مساعد
ام ماجد كانت مجهزة غرفه لطفله
من المره السابقه وطبعا هند كانت شبه مقيمه
فيها تعيش على ذكرى طفله اذا ما كانت موجوده
واذا كانت طفله فيه تكون هند مقيمه اقامه كامله عندها

دخلت هند غرفة طفله لقت
طفله نايمه على سريرها
تبسمت من منظرها
قالت خليني العب عليها شوي
اخذت الفازلين وحطت بهدوء شديد
كميه من الفازلين على كف طفله
وبدت تشد شعره من شعر طفله
بطريقه انها تحكها
طفله حست ب هند وهي تحط الفازلين
بيدها فقررت تنتقم من هند
هندمستمره بشد شعر طفله
طفله سوت نفسها متضايقه وبدت
تتحرك بس ما حكت شعرها
هند زودت عيار شد الشعره
طفله تألمت
هند مبتسمه ومنتظره ان طفله تمسح
بيدها اللي فيها الفازلين على شعرها
طفله خبطت راس هند بيدها المليانه فازلين
ومسحت الفازلين كله بشعر هند
وطفله فكت ضحك
هند انصدمت باللي سوته طفله
هند بصرااخ : يا مجرمه وش سويتي
ومسكت شعرها المليان فازليين : والله ما اخليتس
مسكت الفازلين تبي تحط على شعر طفله
طفله : هههههههههههه تستاهلين انتي اللي بديتي
هند : بغيض تعالي والله لا اغرقتس فازلين
طفله " ههه اذا تبين تحطين لي فازلين
امسكيني اول وهجت منها
هند صارت تركظ وراها
لمن وصلت تحت
مزنه : بسم الله وش فيكن
طفله تندس ورى خالتها
: خالتي شوفي هند بتلطخني بالفازلين
هند بقهرررر : يمااه شوفي شعري
كله فازلين منها
طفله : هههه تستاهلين خالتي هي اللي بدت

مزنه : هههههه تعلميني بنتي واعرف حركاتها
ههههه ان كانتس اللي بديتي تستاهلين
قربت هند تبي تحط الفازلين باصرار
على شعر طفله
قامت وهجت من ورى ظهر ام ماجد
وراحت تركظ للحوش وهند ورراها
طلعت تركظ وكان فيه مويه على الارض
زلقت وطاحت بقوه على يدها
جت وراها هند وحطت الفازلين
على شعر طفله ووجهها وهي تضحك
طفله صرخت بألم من يدها
: اااييي يدي ياهند اي
هند : هههه قديمه تبيني ارحمتس هههه ابدا
طفله زاد توجعها وهي ماسكه يدها
: اي والله يدي شكلها انكسرت
هند شافت دموع اختها وقربت منها

: صدق اووووه والله شكلها مكسوررة
وراحت داخل تنادي امها
: يماااه طفله طاحت وانكسرت يدها
ام ماجد : بفجعه قامت بسرعه
وبصوت عالي : كله منتس الله يصلحتس
هند : يمه خلااص الحين شوفيها مسكينه تصيح
جت ام ماجد وشافتها جالسه
وماسكه يدها باليد الثانيه
: سم الله علتس اشوف
ناظرتها لقت كدمه بنفسجيه ويدها وارمه
قومي معي يمه
طفله وهي تصيح : خالتي يدي تعورني
ام ماجد امشي البسي عباتس يله نروح للمستشفى
هند : يمه من بيوديس ما في احد
ام ماجد : ا ي والله ابوتس طالع من بدري
و خالتس مرني اليوم يقول بيطلع مع بادي
الا يسمعون صوت سياره في الحوش
طلعت هند بسرعه وشافت خاها فهد
راحت بسرعه لامها
: يمه خالي فهد جى ومعه عم بادي
ام ماجد تكلم طفله : يله يا امي تعالي
وطلعت مع باب الحوش
وشافت فهد متوجه للمجلس
فهد : تعال ودينا للمستشفى
طفله انكسرت يدها
فهد انفجع من طلعت ام ماجد واللي معها
راح للمجلس نادى بادي
فهد : عم بادي تعال بنتك طايحه ومتعوره يدها
بادي مسكيين انفجع وراح بسرعه
عند طفله : بسم الله عليس
شلون طحتي
طفله بصوت ياله يطلع من الالم
: زلقت يبه وطحت عليها بقوة
بادي : تعالي وفتح لها باب السياره
جلسها ورى بسيارة فهد وركبت ام ماجد جنبها
وركب فهد وساق السياره وهو متلخبط ومرتبك
مبسووووط انها معاه بالسياره
ومتألم من وجعها وحاس فيها
وصلو عند الطوارئ ونزلت
ومسكها ابوها : تعالي
دخخلها عند الدكتور وام ماجد معهم
وفهد جلس بالانتظار
طلع بادي وجلس جنب فهد وهو يمسح دموعه
فهد : بشر ياعم عسى ما هو كسر
بادي : الا والله منكسره يدها اليمين
فهد عوره قلبه عليها : سلامتها ماتشوف شر
بادي الشر ما يجيك يا ولدي
بادي سرح بوجه فهد
وجلس يفكر انه يكلمه عن الخطبه
وانه يتمناه لطفله وانه ما يبي الا هو زوج لها
بس تردد

فهد ما انتبه لسرحان بادي
وكان هو سرحان بنفسه
الحين عم بادي لقى بيت هنا
معقوله لو اخطبها مرره ثانيه توافق علي
بعدها بفتره طلعت ام ماجد هي وطفله ورجعو للبيت
طفله كانت جالسه ورى ابوها وعينها على فهد
تحس قلبها بيفضحها تحس كلهم يسمعون دقاته
وقف فهد عند الصيدليه ونزل
بعد ما اخذ الوصفه من ام ماجد
بادي : ها يمه شلونس الحين
طفله الحمد لله
بادي : عسى ما تعورتس يدتس من الجبس
كانت بترد الا فهد ركب السياره
و عطى بادي الكيس
فهد: الصيدلاني يقول المسكن
كل 6ساعات اول يومين بعد كذا بس عند الالم
بادي : سمعتي ياطفله
طفله بصوت مخنوق حيا : اي يبه
فهد لقاها فرصه يتحمد لها بالسلامه
: سلامات وما تشوفين شر
طفله حست وجهها ولع من الاحراج
وبصوت هامس : الله يسلمك
ام ماجد : كله من هند الله يصلحها
ما تخلي الطفاقه واللقافه
فهد : ههه هند الملقوفه الله يصلحها ماراح تتوب
من لقافتها الا لمن هي اللي تتكسر

*****************


ثاني يوم العصر
طفله جالسه بالصاله تتفرج على التلفزيون
دخل ابوها ابو مساعد وجلس جنبها
:مسى الخير
طفله حبت راسه : مسى النور يبه
ابو مساعد: وين ام ماجد وهند
طفله: خالتي تكلم بالتلفون بغرفتها
وهند ما ادري يمكن تنكد على ماجد نومته
ابو مساعد : هههه الله يصلحها ما تتوب هالبنت ابد
وناظر يد طفله المجبسه
وانتي شلون يدتس اليوم عسى ما تعورتس
طفله : لا الحمد لله مع المسكن احسن
عم السكوت صوت التلفزيون هو اللي طاغي
طفله جالسه بس ودها تقوووم
ما تحب تجلس مع ابوها لوحدهم
ابو مساعد بصوت متأثر : طفله
طفله بأدب : سم يبه
ابو مساعد : تدرين انتس تشبهين امتس
ما خليتي منها شي كنها قدامي
ومسح دموعه
طفله : ما تدري وش تقول فضلت انها تسكت
ابو مساعد :امتس كان غلاها غير
محدن وصل غلاها الله يرحمها
يوم ماتت الله يرحمها ما صدقت
استغفر الله حسيت اني جزعت
واني فقدت عقلي يوم فقدتها
طفله تستمع وهي متأثره من تأثره كان
يناشق ودموعه على لحيته
انا يوم انولدتي وماتت امتس
ما كان لتس بقلبي مشاعر امتس
خذت قلبي واحساس معها
بادي حاول فيني اشوفتس
وانا كنت ارفض
واذكر وقتها كان يقولي انتس تعبانه
وممكن وما تعيشين
من حزني على طفله ما اهتميت
بادي كان كل يوم يروح يشوفتس
ويجي يعلمني عنتس
اخر مره جاني قلت له اني ما ابيتس
وزا بكاه وزاد بكى طفله
كانت طفله مصدومه من صراحته
وانه اعترف انه كاان رافضها وما يبيها
ابو مساعد : طفله سامحيني يابنتي تكفين
انا كنت مصدوم من موت امتس
والله يابنتي
اني كنت احسبتس متي ولحقتي امتس
طفله بشرهه وزعل منه
: مالك عذر انت استسلمت لحزنك ومع هالشي
ما تخليت عن مساعد شمعنى انا تخليت عني
ابو مساعد : يا بنتي مساعد هو اللي
ما تخلى عني كان لاصق فيني وين مارحت
اما انتي فما عرفتس ولا سمحت لنفسي
اشوفتس من جهلي
وعدم ايماني كنت اقول انتس ذبحتي امتس
يمكن عشان كذا ما قدرت اشوفتس
وبادي الله يجزاه خيررمن يوم شافتس تعلق فيتس
كان محروم من العيال والله رزقه ببنت
ومو اي بنت بنت اخته اللي ماتت
هو يوم اخذتس ما كان متخيل انتس
ممكن تعيشين لانتس على كلامه كنتي مررره تعبانه
سببحان اللي احياتس
وسبحانه اللي يغفر الزله
ابو مساعد : انا ما ابي منتس الا انتس تسامحيني
وحب راسها وطلع من البيت
طفله حزينه بس في شعور بالراحه
اخيرا عرفت سبب تخليه عنها




بعدها بيوم
بادي جالس مع ابو مساعد وفهد
بادي : تراني لقيت لي بيت جنبكم واستأجرته
وخلاص بنقل عندكم
ابو مساعد: افى تستأجر وبيتي
مفتوح لك يا اخوي
بادي : يا اخوي يرحم والديك
خلني اسوي اللي فيه راحتي
ابو مساعد: ههههه خلاااص
اهم ش انك قربت مننا وبلاه البعد
بادي : انا والله نقلتي هنا
مقصدي منها والله القرب منكم
وهو يناظر بفهد
ابو مساعد : ترى فرش بيتك مني هديه
ووالله ماتردني
بادي : يابن الحلال ما انا برادك
كلها غرفتين وحوش
توصى بفرشها
ابو مساعد : هههه طيب بيتك
وش ناوي تسوي فيه
بادي : خلااص باسلمه للبلديه واتقاعد
وارتاح جنب بنيتي
ابو مساعد: متى بتمشي عشان انا اللي بوديك
بادي : خلنا نمشي بكره الصباح
ابو مساعد خلاص تم بعد صلاة الفجر نحرك
في الليل
بادي نادى طفله وجلس معها
وعلمها بقراره
طفله بفرحه : يبه خلااص استاجرت بيت
وبنستقر هنا
بادي : اي يا بنتي انا ابيتس قريبه
من ابوتس واخوانتس
انا مانا بدايمن لتس
طفله : الله يخليك لي ولا يحرمني منك يارب
بادي : بكره بمشي انا وابو مساعد
بروح اسلم الحوش واجيب اغراضنا
طفله : طيب بروح اجهز اغراضي وبروح معك
بادي : لا انتي يدتس مكسورة خليتس
انا اروح وانهي اموري هناك
ما يحتاج تكونين معي
طفله قربت منه وسندت راسها على كتفه
يبه تكفى انتبه على نفسك ولا تعب نفسك
ترى ما في شي مهم

بادي مسح على شعرها
: لا تشيلين هم يومين والا ثلاثه وراجع لتس
طفله : يبه لا تبطي عني ترى انا من دونك ولا شي
الله لا يحرمني منك




بعدها بيومين
خلص بادي اشغاله وسلم الحوش وتوادع هو وجيرانه
اللي كانو مجتمعين عند ابو محمد حتى يودعونه


******************

ام ماجد تمد فنجال القهوة لفهد : والله مثل ما قلت لك
فهد مبتسم : الحين هي اللي قالت لتس ذا الكلام
ام ماجد: ايه والحين مالك عذر ترجع
تخطبها مره ثانيه وصدقني بتوافق
فهد والفرحه ملت عيونه
: خلااص اول مايرجعون ابهاتها
اخطبها منهم
وبحمااس : شوفي من الحين اعلمتس
لا تقولين ما قالي تراني مستعجل
ابي الملكه والعرس الشهر الجاي
ام ماجد : وخر عنه والله يا خوي
ما اخبرك مطفوق
فهد: هههه ماهي طفاقه بس خلااص
ليش نطولها وههي قصصيره
دخلت هند عليهم : كللللللويش
ومباركين عرس الاثنين
ام ماجد : وجع يوجع العدو وش
عندتس تصاهلين
هند راحت وحبت خالها من خده
مبررروك يا خالي
فهد : متعجب : على ايش
هند تغمز له على العرس
ام ماجد : اششششش انتي وش دراتس
هند: سمعتكم
صوتكم كان عالي
ام ماجد حذفتها بكرتون المناديل
يا ويلتس تنطقين بحرف لمن الموضوع
يصير رسمي
سمعتي وش قلت
هند وهي تحط تمره بفمها : اي فهمت
بس لساني يحكني ودي اعلم
فهد : هههه والله اني داري
هندبمزح والله يحكني حتى شف
ومدت لسانها عليه
فهد قرف منها : يالوصخه يالمقرفه سدي
فمتس قرفتيني
هند : هههههههههههه تستاهل عشان ثاني
مر ه ما تتهمني اني ثرثاره


ماشين بالسياره ووابو مساعد مل من الطريق
وكان باقي خمسين كيلو ويوصلون
زاااد الضغط على البنزين واسرعت السياره
بادي يابن الحلال علامك اسرعت
ابو مساعد : ابلحق صلاة العشى بالمسجد
بادي : هدي هدي يابن الحلال لاحقين على خير
ابو مساعد : خلاص هدينا
خفف السرعه بس كان الوقت فات
وبدى صوت يعلى ويعلى بعدها
انحرفت السياره
وبادي يتشهد وابو مساعد مثله
وانقلبت السياره بفعل السرعه
والكفر اللي انفجر
وتقلبت السياره قلبه ورى الثانيه في ثواني
واستقرت في الاخير مقلوبه
الامر كله في ثواني بس نتيجته مدمره
السياره تالفه تماما مالها معالم
بادي مرمي بعيييد
ابو مساعد جنب السياره
كانت سحابه من الغبار ثارت من تقلب السياره
هي اللي جذبت الناس
وقفت كثير من السيارات
فزعو عيال الحلال
اللي ركظ لبادي لقاه بالنزع الاخير
يتأوه بس رافع اصبع بالشهاده
الرجال يلقنه الشهاده
اشهد ان لا اله الا الله وان محمد رسول الله

مانطقها بلسانه بس كان بقلبه يقولها
ووفاضت روحه
غمض الرجل عيون بادي
لا حول ولا قوة الا بالله
الله يرحمه
وتوجه لعند ابو مساعد اللي كانت حالته صعبه
وكان ينزف من وجهه ووفيه عدة اصابات
كان منظره صعب
تشاقلوه الرجال وحطوه بسيارة
واحد منهم وبسرعه نقلوة للمستشفى


دمتم بالف صحه وعافيه

الجزء الثالث والعشرين



يابوي مهما مر من الوقت
يزيد بي الشوق لك يابوي فقدتك شينه شينه
الله يرحمك ويغفر لك

عجزت أنا يا بوي بالصوت أعزيك
تخنقنـى العبـرة وجفـت دمـوعي
*
لو البكا يرجعـك يا بـوي نبكيـك
لا شك درب الموت مابه رجـوعي
*
ولو الدمع يا بوي لو سـال يبقيـك
نذرف كثير الدمع طـول السّبـوعي
*
الله يبيحك كل مـا حـل طاريـك
ويرحمك ربي فـي نهـار يـروعي
*
عزيز في ربعك حنـون بأهاليـك
كريم بضيوفك ولـو هـم جمـوعي
*
وياما ضعيف الحال شلته بأياديـك
وقمت وحميته من قريـب قطـوعي
*
تاقف مع المحتاج هـذي مماشيـك
ويشهد على قولي كثيـر الربـوعي
*
عساك بالجنـة تقطّـف بأياديـك
أثمارها يا بوي مـن كـل نـوعي
*
عسى العوض من بعد غيبة لياليك
في واحد لاعه مـن الدهـر لـوعي
**

بعد الحادث بساعات
هند: يمه في رجال عند الباب يسأل عن مساعد
قلت له مو فيه سأل عن خالي فهد
ام ماجد : خيرر يارب
روحي للمجلس الخارجي شوفي
خالتس نايم هناك وصحيه
راحت هند وصحت فهد
:خالي في رجال برى يبيك
طلع فهد للرجال وسلم عليه
طلع واحد من الجماعه
وعلمه عن وفاة بادي واصابة ابو مساعد
فهد انصعق وهبط قلبه من الخبر
يالله بادي توفى
مــــات
الله يرحمك يا عم بادي
حط يده على راسه
ياربي طفله
طفله
وش بتسوي لا درت
دخل البيت لقى ام ماجد واقفه عند المدخل
اشر لها تعالي
جت ام ماجد : هلا فهد
فهد كان وجهه اسود ومن الضيقه موقادر يتنفس
فك ازرة ياقة الثوب
ناظر بام ماجد : العلم لتس خير
ام ماجد تحفزت : خير
وش فيه قلي
فهد انلجم ماهو قادر ينطق هالمصيبه
ام ماجد بفزع : فهد ابو مساعد
صار عليه شي
فهد مسك يدها وجلسها
: عيني خير يامزنه ابو مساعد
ان شاء الله بخير
صار عليهم حادث
مزنه شهقت : وش وش صار عليه
بالله قلي هو مات
فهد بصوت عالي وحازم
: مزنه تعوذي من الشيطان
اقولتس طيب وهو الحين بالمستشفى
بس عم بادي يطلبتس الحل
توفى الله يرحمه
مزنه خبطت صدرها بقوه
: ابك انت وش تقول
وقامت ماتدري وش تسوي
او كيف تتصرف
فهد : مزنه قولي انا لله وانا اليه راجعون
مزنه : انا لله وانا اليه راجعون
ياربي والله لو تدري طفله
غير يشت عقلها
فهد بضيقه : اقعدي خلينا نشوف
وش بنسوي بهالمصيببه
مزنه دموعها على خدها
: فهد بالله ابو مساعد طيب قلي الله يخليك
فهد حب يطمنها مع انه ماهو عارف
بالضبط حالة ابو مساعد
وفز واقف لازم يروح له

: اسمعي الرجال اللي قالي

يقول انه طيب ان شاء الله وانا
بروح للمستشفى اشوفه واسوي
اجراءت عم بادي الله يرحمه
مزنه : اصبر بروح معك
فهد : لاا اقعدي هنا لا يشكن البنات بشي ولا جيت طمنتس
مزنه بفزع : ومساعد لازم نعلمه
فهد بضيقه اكبر : يابنت الحلال خليني
اروح اول وبعد ذا نفكر بالبعيد
مزنه بخوف : انا ما اقدر اعلم طفله
ياربي تربط على قلبها
فهد : لا اصبري لمن اجي
اخاف يصير عليها شي ضعيفه يوم تدري
خليني بس ارجع

وطلع متوجه للمستشفى
ام ماجد خافت يبان بوجهها فدخلت
غرفتها وصكت الباب
واتجهت لرب العالميين
تدعيه ان الله يخلي لهم ابو مساعد
ويرحم بادي
ويربط على قلب طفله
فهد انصدم من حالة ابو مساعد
اصابته في الراس
وداخل غيبوبه
بس حالته مستقره وممنوعه عنه الزياره
بعدها راح وتولى امر بادي وخلص اجرائته

رجع واتصل على ابو محمد وبلغه
وتأثر جدا ابو محمد على فرااق
جاره اللي ودعه قبل كم ساعه
مادرى انه الوداع الاخير
*******

هند وطفله جالسات مع بعض طفله :
تدرين مشتاقه مووووت لابوي بادي
ما تعودت يغيب عني ابد
هند تخصرت : يا سلااام وابوي ما اشتقتي له
طفله با ابتسامه خفيفه : تصدقين حتى ابوي
اشتقت له تعودت اراقبه
كل صبح وهو يدخل المزررعه
وعلى قولتس يسوي طقوسه
يروووح يوقف شوي هناك عند شجرة امي
وبعدها يرووح يشوف شغله
هند : اي عاد انتي شباكتس موقعه استراتيجي
يكشف المزرعه كلها
تبادليني
طفله : مستحيل و اذا رحت مع ابوي بادي
للبيت الجديد بقفلها وماراح اخليها لتس
هند : يا نذله تدرين من زمان اشحدها
خالي فهد وهو كان يقولي احلمي
اعطيتس اياها حتى بعد ما اتزوج
بقفلها ولا تاخذينها
ههههههه تصدقين انتم الاثنين
نجوس والنذاله عندكم متأصله
لايقين لبعض وهي تغمز لطفله
طفله با احراج : بالله هذي كانت
غرفة خالتس فهد
هند : اي والله
سكتت طفله كانت تحس وجهها فضحها
وانه بيحترق من الاحراج اللي حاسه فيه
كملت عليها هند
: طفله ليش وجهتس صار احمر
طفله سحبت المخده وخبطت فيها هند
وجع يا قليلة الحيا
هند : هههههه ادري انتس
تموتييين فيه يا قلبي
طفله قرصتها : انا !! لا والله ههههه
ضحكة حيا واعتراف
طفله تموت بفهد
هند تفرك يدها : هههههه ايه اضحكي
والله انتس غرقانه لشوشتس بعد

طفله حاولت تكون صارمه معها
: قلت لتس لا وخلاص بلاها قلة الادب
هند بخبث وهي ترفع حواجبها
: طيب تدرين انه ناوي يخطب
اول ما يجي ابوي
طفله صعقت بس ردت بكل بروود
: الله يوفقه
تحسب انه بيخطب وحده غيرها
وحبت تغير الموضوع :
خالتي وينها مالها حس
تعالي نشوفها


بعدها بساعه مساعد اتصل بالبيت
مثل كل ليله يتصل يتطمن على
اهله وعلمه فهد بالحادث
و بس ما علمه ان خاله توفى

صباح اليوم الثاني
كان مساعد وصل هو ووضحى
وفي المطار استقبلهم فهد
وعلم مساعد بوفاة بادي
وانهم للان ما بلغو طفله
مساعد حزن على خاله
وشال هم طفله
وضحى صارت تبكي
وقبل لا ينزلون من السياره
مساعد : وضحى تكفين امسكي نفستس
شوي لا تفجعينها
وضحى تمسح دموعها بغطاها
: طيب بحاول ااا وترجع تبكي
:والله ما اقدر اهئ ياقلبي يا طفله
جى قرب منها مساعد
: حبي تكفين انا ابيتس معي لا بلغتها
مسكينه لا شا فتنا منهارين بتنهار
وضحى تمسح عيونها بقوه خلاااص
هه شف
سكتت شوي : مساعد انا ما مر علي موقف
مثل كذا مدر ي وش اسوي
مساعد: انتي بس ادعي ان الله يلهمها الصبر
و حاولي تهدينها وتهونين عليها
وضحى: طيب
دخلو البيت بهدوء
ولقو ام ماجد بالصاله تتنظرهم والبنات للان نايمات
سلم مساعد على خالته وضحى
سلمت عليها ودخلت تغسل
ووجههايمكن يخفف اثار بكاها
وبعدها طلعو عند غرفة طفله
هند قامت من النوم وحست في حركه غريبه
اليوم في البيت
وزاد استغرابها يوم شافت
مساعد ووضحى جت بسرعه
وسلمت عليهم فرحانه بس لاحظت
الكآبه والحزن بوجيهم
: وش فيه وش صاير
وضحى بدت دموعها تنزل
مساعد رص على يدها :بس حياتي وش قلنا
ناظر بهند : خالي بادي توفى الله يرحمه
هند شهقت وحطت يدها على فمها ايش
مساعد : اششش
انا ووضحى بندخل هالحين
على طفله وبنعلمها
انتي روحي تحت عند خالتي
ودق الباب ودخل
لقى طفله جالسه على سجادتها تصلي
جلس و جلست جنبه وضحى
طفله سلمت ولفت شافتهم
: اوووه وضحكت
بس جمدت الضحكه على شفافها من ملامحهم
وقف مساعد وقرب منها
طفله بلهفه وخوف : وش فيه
مساعد تحجر الكلام بحلقه
طفله كررت السؤال بس
بصوت باكي ونظراتها على وضحى
ويدها على كم مساعد : وش فيكم
وبلحظه حست وفهمت
وشدت على كم مساعد
اكثر وسألته بفزع والحاح : ابوي ابوي
من من اللي مااات من
مساعد حضنها قووووه
:قولي انا لله وانا اليه راجعون
طفله بصراخ :من ؟ من؟
مساعد : خالي بادي الله يرحمه
طفله انهارت بين ايدينه
: يباااه وارتفع صوتها بالبكا
يباااااااه رحت وخليتني يباااااه
مساعد دموعه تسيل على خده
مايدري يصبرها والا يصبر نفسه
وضحى قربت منهم وحضنت طفله
طفله : راح ابوي ياوضحى راااح وخلاااني
وضحى بصوت باكي
: قولي انا لله وانا اليه راجعون
طفله ببكاء وصوت منهار
: انا لله وانا اليه راجعون
اللهم اجرني في مصيبتي واخلفني خيرا منها
ناظرت باخوها
:شلون مات ابوي
مساعد : صار عليهم حادث هو وابوي
شهقت طفله بقوه : وابوي وش صار عليه
مساعد : ان شاء الله طيب انا بروح
اشوفه وبعد كذا بنصلي على خالي بادي
تعلقت بيده : تكفى لا تدفنونه من غير
لا اشوفه تكفى
ابي اسلم عليه واشوفه تكفى

صباح اليوم الثاني
ثاني يوم من العزا
كانت طفله منهاره جدا بعد ما ودعت ابوها البارح
كانت متماسكه حتى شافته بكفنه
طاحت على ركبها وانهارت تصيح
بصوت مكتوم قربت منه
وحبته على راسه
يبااااااه يباااااه
الله يرحمك يبه الله يغفر لك
جى مساعد وشالها من الارض
يله طفله بندفنه تأخرنا

بعدما راحو انهارت تماما
كانت جالسه بغرفتها و تصيح
ام ماجد : يابنتي
ادعي له ترى انتي صلته بها الدنيا
عمله انقطع بس انتي ان شاء الله
ما تقطعينه من الدعا ءوالصدقه
لا تجزعين يابنتي
وادعي لابوتس شوفيه بغيبوبه هالحين
طفله تنبهت لكلام ام ماجد : ابوي بغيبوبه
ام ماجد : أي يابنتي
طفله : محد قالي بروح اشوفه
ا م ماجد: بتروحين يمه بس انزلي
قابلي الناس اللي جت تعزيتس
طفله : لفت منديلها على راسها

ومسحت دموعها
:طيب يا خالتي بس
اتوضا وانزل تحت



( يتبع )