الجزء التاسع
**********
ام نايف قلبها ناغزها لها كم يوم من يوم مارجع اخوها
من الرياض وهو يتهرب منها

جالسه بحوش بيتهم وتستنى اخوها اليوم لازم يقولها ليش
مايحط عينه بعينها ليش يتهرب اكيد صالح فيه شي

بنفس الوقت نوف جالسه في غرفتها وفاتحه شباك الغرفه
اللي يطل على الحوش


دخل ابو عبد الله وسلم على ام نايف
سلام سريع وجى بيدخل داخل
ام نايف: استنى يا خوي ابي اتكلم معك
ابو عبد الله : سمي
ام نايف : اقعد سالفتي طويله
ابو عبد الله : آمريني ياساره

ام نايف : ابي اعرف صالح فيه شي ؟؟
ابوعبد الله وهرب بعيونه عنها : لا صالح مافيه الا العافيه
ليه انتي سامعه شي؟؟

ام نايف : انا الله يرحم حالي بس

من عشر سنين ما اسمع اخباره الا منك
وها المره ذي يوم رحت شحيت علي باي خبر
ويوم سألتك قلت لي طيب ويسلم عليتس
تدري ماعمرك قلت لي صالح طيب
دايم تقولي صالح يسلم عليتس
ويبيتس تدعين له ان الله يفك سجنه.

ابو عبد الله بقلبه وش اقولتس يا ساره
اقولتس تحد د يوم القصاص
اقولتس انهم مصرين ومايبون الديه
اقولتس ان هذا الاحد هو اليوم اللي بترملين فيه وش اقولتس
ام نايف يوم طال سكوته مسكت جيب اخوها
وتصيح : تكفى ياخوي لا تسكت
قولي صالح وش فيه تكفى
نزل راسه ابو عبد الله وهو حاس بقلة الحيله
:ولد ابو عبد العزيز الصغير اللي كنا
متأملين انه بيتنازل طلع اشد واحد فيهم يقول
اللي حرمني من ابوي لازم يقص
ام نايف : ياويلي يااااااويليييييي اااااااه ياصالح
رااااااااح الامل راح وانهارت تبكي بمررااره و قهر
نوف سمعت الكلام كله وشدها الموضوع
سمعت اسم ابوها !!!! معقوله اللي يتكلمون عنه !!!
ابوي موجود ابوي حي وعايش ما مات
يباااااااه وطاحت من طولها
**************************************
بعد ما هدت طفله من نوبة الكحه سئلت بخوف: يبه عمتي لها بنات؟؟


بادي مايدري وش يقولها :اي لها بنت وحده

وقف بادي وده يهرب من هالسيره : يمه انا بروح بعد شوي لابو محمد تبين تروحين للبنات

طفله بفرحه : اي والله ودي اروح عندهم


***************************************
بعد صلاة العصر
طفله جالسه مع وضحى فوق السطح

طفله ودها تشرك احد بأفكارها : وضحى تدرين اليوم تذكرت كلام امي كانت تردده وهي مريضه قبل الغيبوبه
وضحى : وش هالكلام اللي تذكرتيه
طفله : امي كانت تردد هالكلام دايما ((وديها يابادي وديها لا تيتمها مايجوز خاف الله ))
هذا الكلام كانت تكرره بس اخر شي زادت عليه
(( راضي طفله يابادي ))
(( ودي البنت ابوها احق مننا ))
زاد استغرابي من كلامها بس مع زود المرض عليها ما لقيته بال
وضحى : وش اللي خلاتس تتذكرين كلام امتس الله يرحمها
طفله: اليوم سألت ابوي عن اسم عمتي تدرين وش اسمها ؟؟
وضحى :لا . وش اسمها ؟؟
طفله:اسمها نفس اسمي طفله ويوم سألته اذا عندها بنات
رد علي بجمود وقالي عندها بنت وحده وبعدها ياوضحى
قام بسرعه زي اللي بيهرب
وضحى :طيب ليش شاغله نفستس بها الكلام
طفله: مدري !! بس منهي البنت اللي امي تقول لأبوي رجعها لأبوها ؟؟
**********************************************************
ام نايف سمعت بنتها وهي تصرخ

حطت يدها على فمها وركظت لبنتها

نوف كانت منهاره من الصياح يوم شافت امها دخلت عليها
صرخت عليها :ابوي وينه يمه ابووووي وينه
ام نايف : انعقد لسانها ماقدرت تقولها الحقيقه
نوف : يمه تكفين قولي ان ابوي عايش ابوي موجود
ام نايف تهز راسها بالموافقه ودموعها تسيل : اي موجووود اي صالح موجود

وقربت وحضنت بنتها : اي موجود ياعمري وهي منهاره من الصياح

نوف وهي تشد على حضن امها وتتعلق فيها اكثر : وينه ليه محرومين منه ليه قلتم لنا انه ميت ليه
ام نايف : غصبا عليه يمه غصبا عليه والا هو وده يكون معنا

نوف : خلاص حنا نكون معه ونروح له
ام نايف وزاد بكاها : صعب يانوف صعب
نوف وهي ترفع نفسها من حضن امها : ليه صعب
انا اقولتس ليه صعب
كان هذا نايف اللي دخل وشاف امه واخته بهالحاله

ناظر ته امه وكانها بنظرتها تترجاه لا لا تقول شي
بس نايف قال لنوف السبب
ابوي محكوم عليه هو الحين بالسجن ينتظر تنفيذ الحكم

نوف والكلام اللي سمعته صعقها
: يمه وش يقول نايف
ام نايف مغطيه وجهها بمنديلها وتصيح بصمت
نوف وقفت قبال اخوها
:طيب ليش قلتم لنا انه مات
نايف لأنه محكوم عليه بقضية قتل

وخلاااص تحدد يوم القصاص
ام نايف ونوف انهارن وعلى صوتهن بالبكى
نايف: بدال هالمناحه ذي قومن توضن وصلن واخلصن الدعا
ان الله يحنن قلب اهل الدم ويعفون عن ابوي

وراح جلس وحضن امه وحب راسها : يمه ابوي يبي يشوفتس
*****************************************************
ام محمد جت على هواش منيره لنورة
ام محمد : خير خير وش فيكن
منيره : يمه نوره راحت لدكان ابو بندر
ام محمد : طيب وش فيها انا ارسلتها
منيره وبعصبيه : يمه محمد محذرنا مانروح لدكان المعفن ابو بندر
ام محمد: شوفي انا ارسلتها تجيب غرض وتجي بس
ما كان عندي خبر عن منع محمد لكن وناظرت بنوره
خلاص مادام محمد قال لا تروحين لهذا للدكان خلاص ممنوع تطبينه
نوره :طيب يمه وراحت تركض

ام محمد :منيره حبيبتي ترى نوره صغيره بشويش عليها
منيره : يمه قهرتني يوم راحت لدكان الحيوا ن ابوبندر
ام محمد : عيب يا منيره عيب عليتس ابو بندر هذا اكبر من ابوتس شيبه
وحفيداته زميلاتس بالمدرسه
منيره وبكل قرف : الله ياخذه الحيوان
ام محمد : ليش كل هذا وش هو مسوي عشان يستاهل كل هالدعاوي منتس
منيره تغير وجهها : ها لا ولا شي

ام محمد بفطنه لحال بنتها : منيره حطي عينتس بعيني
منيره قامت تصيح

يمه الله يخليتس تكفين لا تعلمين ابوي وقامت تصيح
وتسترجع الموقف اللي كرهها بكل الشيبان اللي مثل ابو بندر
قبل 4 سنوات راحت للدكان مثل اي طفله بعمرها رايحه تجيب اغراض للبيت
وجت عند ابو بندر و علمته وش تبي

الشايب ابو بندر : تعالي يا المزيونه هنا
ومنيره بكل براءه جت وهي تمد الفلوس بيدها

ابتسم وكل قبح العالم كان بملامحه سنونه مخلعه ولحيته بيضا محنيه
وشفايفه سودا من الدخان وريحته كريهه بغيييييييض

كان جالس وسحب منيره وحصرها بين رجوله
واخذ يتحسسها كانت لمساته حيوانيه غير بريئه
منيره بفطرتها السليمه نزعت نفسها منه وهجت
راحت تركظ بكل سرعه وهي حاسه بخوف
وحاسه ان اللي سوااه شي كبير
ما يسويه الا انسان مايخاف الله

كانت ذكرى هالموقف دايما تتكرر
وكل مره يزيد خوفها وكرهها لها الرجال
بكل خوف و خجل شديدواحساس بالذنب
علمت امها باللي صار

:والله يمه اني اكرهه اكرهه وقعدت تصيح
ام محمد وقلبها يعورها على بنتها اللي تحرش فيها
رجال المفروض انه امين عليها
: تعالي يمه عندي وحضنتها بقوه
منور حبيبتي الحمد لله ماصار شي كبير
ومسحت على شعرها : بس انا عتبانه عليتس يمه
موقف مثل ذا لازم تجين وتعلميني فيه
منيره وهي تشاهم :يمه خفت
ام محمد: لييش حبيبتي انت ماسويتي شي غلط
منيره هزت كتوفها بمعنى مدري
ام محمد : خلاص انتهى الموضوع انسيه
ولا تجيبين سيرته لأحد ابد
منيره : يمه بتقولين لأبوي
ام محمد : بصراحه مدري للاسف ابو بندر جارنا
ورجال كبير وله سمعته بين الجيران اخاف اقول لأبوتس يذبحه
وما احد يصدق انه يسوي مثل هالسواة

يمه بالله انتبهي لخواتي نوره وهيفا لا عاد يروحن له ابد

ام محمد : لا خلاص مالهن طلعه الا واخوكن محمد معهن ارتاحي انتي
يله روحي ذاكري بعد شوي بحط العشى

**********************************************
ام ماجد جابت الشاي وحطته قدام ابو مساعد اللي كان مندمج مع المصارعه الحره

جلست جنبه ومدت له كاسة الشاهي
ام ماجد : سم ياابو مساعد
ابو مساعد : سم الله عدوتس
جت بتقوم سحبها ابو مساعد بطرف ثوبها : وين رايحه يامزنه
مزنه : بروح عندي شغل
ابو مساعد : لا حقه على الشغل اقعدي

جلست مزنه وهي ساكته

ابو مساعد وبدون مقدمات حقتس علي يا مزنه
انا متأكد انتس شرهانه علي ويمكن زعلانه عشان موضوع بنتي

مزنه هي مبتسمه : لا حصل خير بس زي ما قلت انا كنت شرهانه عليك
بس ما دمت تعذرت خلاص طاب خاطري
ابو مساعد : الله لايحرمني منتس يا مزنه
مزنه حمر وجهها من الحيا من زمان ما مدحها او حتى تغزل فيها
هند جتهم تركظ وقطعت عليهم جلستهم الحلوة
:يمه تكفين دسيني وراتس
وراحت واندست ورا امها
ابو مساعد : وش فيتس يالمطيوره
هند: ان جى خالي فهد وسأل عني انا ما ني فيه
شوي دخل فهد وهو يرشح ماء
ثوبه غرقان وشعره يتناقط ما ء
:وينها بنتكم الخبله والله لا اروشها مثل ما روشتني
قا مت مزنه بسرعه : ياخبله هذي سواة غرقتيه بالماء والجو بارد
هند: يماااااه وركظت عند ابوها
فهد شافها وطلع صوت عاااااااااااا: والله لا وريتس
ابو مساعد ميت من الضحك : هنيد علامتس على خالتس
هند : ههههههههه والله امزح
فهد : الحين يوم ترجفين الباب علي وانا بالحما م مزح !! ازعجتيني
ويوم اسالتس مين ماتردين مزح!!
ولا من خبالتس كبيتي علي الماء يوم فتحت الباب
امحق مزح .
هند وهي تضحك ومندسه ورى ابوها : والله امزح وش فيك فهووووودي
فهد: اطلعي من ورى ابوتس خليني ادبغتس
مزنه : خذ يافهد نشف شعرك لا تبرد خل هالخبله علي
هند بدلع :يبه شفهم يتوعدوني
ابو مساعد :تستاهلين مايجيتس
وناظر بفهد : خلاص يا فهد هند بوجهي وان عادتها لك الحق تدبغها
فهد وهو ينشف شعره : خلاص ماانا بدابغها بس اعرفي يالنمله انها مردودة لا تنسيين
هند وهي ترفع حواجبها : ايه هين نشوف

ابو مساعد وهو يقرص اذنها بحنيه : هند هذا بدال ما تسامحين من خالتس
قومي يله ماعاد انا بشافعن لتس ابد .
********************************************************

بعدها بساعه دخل عليهم مساعد

:السلام عليكم
ابو مساعد ومزنه وفهد : وعليكم السلام ورحمة الله وبركاته

مساعد: يبه بكره ان شاء الله بروح لخالي بادي
بشوف احواله هو واختي

ابو مساعد : اصبر يا ولدي خالك لا علمها بيدق علينا يعلمنا

مساعد : ماعاد بي صبر يبه ابي اشوفها خلاص
مزنه : يا ولدي اصبر والله ماهي بسهله
اخاف البنت يجيها شي لادرت
مساعد : لا ماهو صاير شي بروح وانا اللي بقولها
رضى خالي والا زعل لازم ننهي هالموضوع

**************************



لا تحرموني من ردودكم انتظرها بشغف

صباااح الخييير


الجزء العاشر

*********************

ابو مساعد : لا تهور وانا ابوك

مساعد : انت لا تشيل هم انا بكره ماشي وان شاءالله ما انا براجع الا وهي معي

ابو مساعد : ياولدي لا تهور اختك بيجبها خالك بس استنى عليه
فهد كان جالس وماهو عاجبه عجلة مساعد بس ما حب يتدخل

مساعد انا لا رحت عند خالي بتصرف معه لا تخافون
بعد انا مايهون علي خالي وعارف صعوبة موقفه الله يعينه

بس ابيكم تقدرون موقفي انا
اختي ريحة امي وابي اشوفها
***********************


ام نايف تعلقت عيونها بنايف وهي تمسح دموعها

:يبي يشوفنيي صالح يبي يشوفني

نايف : اي يمه مافي وقت خل نمشي هالحين

نوف: انا بروح معكم
نايف: لا ابوي طلبني انا وامي بس
نوف وهي تمسح دموعها : والله ماعلي منك
كافي اني محرومه منه من عشر سنين
بعد تبون تحرموني منه للمره الاخيره
ام نايف : يله تعالي بسرعه الوقت يسرقنا

نايف معصب على الاخر :لا معليش يمه نوف ماهي برايحه
نوف وبصرااخ : والله لا اروح ومافي اي احد بيردني سمعت يانايف
ام نايف : بس بااااس وبعدين معكم
وناظرت بنايف انا قلت نوف معنا وخلاص

وراحت واخذت عباتها ووقفت قدام باب البيت انا جاهزه

نوف وقفت جنبها وانا بعد
نايف : يله مشينا خالي ابو عبد الله هو اللي بيودينا

وطلعو قاصدين الرياض
وقلوبهم مليانه شوق وحزن و هم وامل
شوق للزوج والحبيب والاب
وحزن ان لقاهم بيكون اخر لقى
وهم من قصاص لازم يتنفذ
وامل بالعفو عن غاليهم

**************************************

وضحى جالسه في نفس الجلسه اللي في السطح
مع طفله وتسمع تسائل صديقتها وحيرتها
ومحتاره تعلمها باللي تعرفه والا تسكت

طفله وهي تحرك يدها قدام عيون وضحى
: وضحى وش فيتس وين سرحتي

وضحى : هاه ... لا سرحت ولا شي معتس

طفله : يختي هالسالفه ذي مخولتني

وضحى وهي تعدل جلستها وتبلع ريقها : طفله
طفله : نعم
وضحى تمسك طرف قميصها وتبرم فيه : بقولتس شي سمعته
طفله وتنبهت وقربت راسها لوضحى : قولي وش عندس
وضحى مستمره بلف وبرم طرف القميص: امممممممم اااا مدري وش اقولتس
طفله يمكن اللي بقوله ما هو اكيد انا سمعت بس ماصدقت اللي سمعته
طفله : وش اللي سمعتيه قولي
وضحى وبدت تطقطق اصابعها
: انتي الحين ماتقولين ان امتس الله يرحمها كانت اخر ايامها
تخربط وتقول كلام مافهمتيه عن بنت يرجعونها لاهلها
طفله :وهي مركزه بكلام وضحى : ايييه
وضحى : اعرف منهي البنت
طفله طارت عيونها ووقفت على حيلها : قولي والله ... طب منهي
وضحى ودها انها مابدت بالكلام بس خلاص فات الفوت
وبكل تردد : اممممم انتي !!!

*********************

بادي جالس مع ابو محمد


:تكفى دبرني ياخوي والله انه ضاقت علي الوسيعه
اليوم سألتني عن امها تقولي ليه ماقلت لي عن عمتي و هي عندها بنات والا لا
ابو محمد : الله يهداك كان علمتها
بادي يمسح دموعه ما قدرت والله اني اهون علي اموت ولا تدري
اخاف تكرهني والا تلومني
ابو محمدبيخفف عليه : وليه تكرهك وتلومك
بادي : اخاف تقولي ليه ماخليتني عند ابوي ليه حرمتني منه هو واخوي
ابو محمد: لا طفله عاقله وما اظن انها تلومك بنتك تحبك يابادي
وان علمتها باسبابك بتفهمك
بادي انهار بالبكى كنه طفل صغير
تقطع قلب بادي من البكا
ابو محمد حزن عليه
: عين خير الله يفرجها عليك
*********************************************

يوم جديد ومشاعر جديده

طفله ماغمضت عينها من يوم ماقالت
وضحى اللي قالته
مصدوووومه
ماهي قادره تستوعب
بعد ما سمعت الخبر اللي زلزل كيانها
صارت منفصله عن العالم الخارجي
بأحاسيسها

اخذت عباتها ونزلت رايحه لبيتهم


معقوله !!! ابوي ماهو ابوي
معقوله امي اللي ربتني وعشت معها
اجمل سنين عمري ماهي امي

طيب انا بنت مين ؟؟

انا بنت مين ؟؟
انا بنت مييييين ؟؟

ظل هالسؤال يتردد في عقلها

دخل عليها ابوها ولا ناظر فيها

بس هي مارفعت عينها عنه

معقوله هالرجال ماهو ابوي !!!!

لا لاا لااا هذا ابوي الا بادي ابوي انا
اكيد انا الحين نايمه واتحلم
لا هذا ماهو حلم هذا كابوس كابوس
ياربي طيب اذا ابوي ماهو ابوي من هو ابوي ؟؟
وناظرت بابوها بادي شافته نايم بفراشه
وهي لا زالت بوقفتها وسرحانها
ياربي يمكن الموضوع كله
وهم في وهم وتكون وضحى سمعت غلط
ماقدرت تستحمل وطلعت للحوش الكبير المظلم الموحش
************************************************
بادي من يوم دخل البيت البارح
وهو ماحط عينه بعين طفله خايف ينهار
ويبكي قدامها وهرب بالنوم منها

في الصباح قام ولا لقاها بفراشها
طلع للحوش وشافها جالسه على صندوق خشب كبير

ناداها :يمه طفله وراتس قاعده بهالبرد
طفله : ماجاني نوم وطلعت هنا استنى صلاة الفجر
بادي : انتي للحين مانمتي ليه عسى ماشر لايكون تعبانه
طفله : لا بس كذا عجزت انام
وقامت تنفظ ثوبها عن الغبار وجت بتدخل الغرفه
بادي : لا تسوين شي فطورتس اليوم علي
طفله : يبه انا نفسي منسده بس ابي اسويلك فطورك وانام
بادي : ليه يمه نفستس منسده وقام يناظر بها
وحط يده على جبينها لقاها مصخنه
: تعالي هنا وان....
وقطع عليه كلامه دق الباب

ادخلي خليني اشوف من عند الباب
راح للباب ولقى هيفاء بنت ابو محمد : عم بادي ابوي يقولك
تعال هالحين فيه رجال يبيك عنده بالمجلس
بادي : طيب يابنتي هالحين جاي وراتس
راح لطفله ولقاها نايمه على فراشها وجنبها فطوره مغطى بقماش

طفى اللمبه وطلع رايح لبيت ابو محمد
***********************
وصلوا ابوعبدالله ام نايف نايف ونوف للسجن

وطلبو من الضابط المسؤول انهم يقابلون صالح

الضابط: موجه كلامه لأبو عبد الله : والله الوقت الي جيتو فيه بدري
اصلا اليوم مافي زيارة بس عشان صالح نستثني اليوم

ابو عبد الله ووهو متعود اصلا على هذا المكان كل مره يجي يزور صالح
لازم يمر بها المكتب : الله يجزاك خير صالح طالبن
زوجته وعياله بيشوفهم ممكن تناديه

الضابط مقدر حالتهم وهو يقوم من مكتبه
: ابشر هالحين نستدعيه ارتاحو في الغرفه الثانيه


مر الوقت بطيئ على ام نايف وهم ينتظرون صالح يدخل عليهم
كانت دموعها تهل من غير حسااب كل عضله فيها مشدوده
تحس جدران الغرفه تبي تطبق على نفسها
الترقب والانتظار صعب صعب
عينها معلقه بالباب واقفه تبي بس تشوفه بس نظره
يالله مشتاقه لعيونه مشتاقه لزوله مشتاقه له كله



نوف جالسه على اعصابها وعينها على الباب
والدمع ماوقف من عينها
اخيرا بشوف ابوي
الحلم اللي كان دايما معي من وانا صغيره
اتخيل ابوي مامات واني بشوفه مره ثانيه
يااااه تحقق الحلم
بس ياحسره بعده كابوس اسود
كابوس بيحرمني منه مرة ثانيه


نواف جالس ومكتف ايدينه
زيارته ذي ماهي اول زياره
عرف عن وجود ابوه قبل سنه بالضبط
وبعدها زار ابوه اربع مرات وكل مره يزيد تعلقه بأبوه
بس زيارته ذي غيررر ذي اخر زياره واخر لقى

وفجأه انقطع حبل افكارهم على صوت الباب وهو يفتح ودخوووول صاالح
************************

وضحى حاسه بالذنب وتأنيب الضمير
انها علمت طفله وضاق صدرها
ياربي وش السواة لازم اعلم امي اني قلت لطفله وحست الدنيا

وتوجهت لغرفة امها
وضحى : يمه ابي اقولتس شي بس تكفين لا تزعلين مني

ام محمد: وش انتي مسويه ؟؟ قولي بسرعه عشان ما ازعل

وضحى والتردد مصادقها : امممم قلت لطفله انهههها ماهي بنت بادي
عصبت ام محمد : ايييشششششششش

الجزء الحادي عشر

وضحى : يمه ابي اقولتس شي بس تكفين لا تزعلين مني

ام محمد: وش انتي مسويه ؟؟ قولي بسرعه عشان ما ازعل

وضحى والتردد مصادقها : امممم قلت لطفله انهههها ماهي بنت بادي
عصبت ام محمد : ايييشششششششش
وضحى ودموعها بدت تجمع بعيونها : تكفين يمه لا تزعلين علي تكفين

ام محمد بحزم : انتي وشلون عرفتي انها ماهي بنت بادي
وضحى وهي تمسح دموعها : سمعت ابوي يوم كان يعلمتس

يمه الله يخليتس روحي لها شوفيها
اخاف صار لها شي
ام محمد : حسبي الله ونعم الوكيل كانتس استاثمتي بهاالضعيفه
وش سوت يوم علمتيها
وضحى واحساسها بالذنب يكبر : ما سوت ولا قالت شي نزلت
واخذت عباتها وطلعت
ام محمدتفرك يدها من قهرها من وضحى وخوفها على طفله : يارب وش السواة

سكتت شوي : الحين ابوتس عنده رجال يبي بادي هذا احسن وقت اروح لها
وضحى : اجي معتس يمه
ام محمد : لا انطقي هنا وعلمي ابوتس اني رحت عندها
ولا سألتس ليه قولي له انها تعبانه واني رحت اشوفها
**************************************
بادي دخل المجلس ولقى مساعد قدامه تيبس الدم بعروقه

وقف مساعد لخاله وتبادلو السلام والسؤال عن الاحوال

مساعد جلس بجنب خاله
:ياخال انا بدخل بالموضوع على طول
بادي حط عينه بعين ابو محمد بعدها وجهها لمساعد :تفضل ياولدي
مساعد: ابي اشوف اختي

بادي : شلون تشوفها وهي ماتعرفك ولا تدري عنك
مساعد بتهكم غير مقصود : يعني ياخال للحين ماعلمتها
بادي : لا ماعلمتها ونزل نظره للارض
مساعد:بكل برود : انا بعلمها بس خلني اشوفها

بادي عيونه تعلقت بعيون مساعد ثوواني
وبعدها سمع ابو محمد يقول : ياجماعه الموضوع ماينحل بالطريقه ذي
مساعد : ياعم ترى عادي اقول لها انا وتصيح لها شويتين وتسلى
بادي برجاء حاار:تكفى يا ولدي ارحم شيباتي لا تكسرني قدام بنتي
وجلس يصيح قدام مساعد

مساعد : قام وحب راس خاله افا ياخال ما عاش من يكسرك
بس انا من دريت ان لي اخت من ريحة امي
وانا متولع بشوفتها ابي بس اشوفها
ابو محمد : انا عندي لكم راي
بادي ومساعد ناظروه
مساعد : قل يا عم رايك
ابو محمد : الحين البنيه ما تعرف عنكم شي
وان علمها بادي عنكم ممكن ما تقبلكم
بس ان عرفتكم اول على اساس انكم اهل عمتها
وانك ولد عمتها
ممكن ذاك الوقت ممكن يتجرأ بادي وذاتا لا شافت فرحتكم بها
مساعد : ياعم قصدك انها تتعرف علينا اول من غير ما نعلمها انها بنتنا
ابو محمد : ايه يعني تروح هي وابوها بادي عندكم زياره
مساعد : انا موافق ونمشي اليوم للديره
بادي : وانا ما عندي مانع
************************************************************ ******
*صالح

من ناداه الضابط وعلمه ان عنده زياره وقلبه زادة نبضاته حس بالبرد في عظامه
اخيرا بشوف ساره
سار يمشي مع الضابط ووده يركظ ويسابق الوقت وده انه هالثانيه يشوفها
وقفه الضابط عند الباب وقاله: ابو نايف ترى اللي بالغرفه
ماهي زوجتك بس ولدك نايف وبنتك بعد
انهز صالح من المفاجأه : بنتي جت
الضابط : اي بنتك يله خللك قوي وتجلد عشانهم والله يعينك ويفرج همك
وفتح الباب ورااح
وقف صالح وشاف زولها واقفه قدام الباب
يوم شافته ارتفع صوتها بالشهقاات حس بقلبها بيطلع من مكانه
دخل وصك الباب
نطت نوف وركظت لابوها يبااه وضمته بقوة
وبادلها الضمه باقوى منها وده يدخلها جوة ضلوعه
: نوف ماشاء الله كبرتي يا قلب ابوتس ماشاء الله
نوف مستمرة بالبكاء والعويل وهو مستمر بضمها
مشاء الله صرتي عروسه يا قلب ابوتس
لف يده على كتوفها
وناظر بنايف اللي كان واقف قدامه نوف اخذيد ابوه وحبها
وسلم على راسه وكانت دموعه تسيل على خدوده

ساره تناظر بصالح وهو حاضن عياله
هزها الموقف هز موقف أليم وحلو بنفس الوقت
من ورى غطاها اللي تبلل بدموعها المررره
وحست رجولها ماتشيلها معقوله هذاا صالح
معقوله اشوفه بعد هالسنين
ويوم اشوفه تكون هالشوفه هي اخر شوفه لي
صالح يبادلها النظر زاح عياله ومشى خطوتين متقدم لها مد يده بيصافحها
حس حركته غبيه زوجتي حبيتي اسلم عليها ببرود و رسميه

لمس قلبه الخوف من ردة فعلها
وده يضمها ويسلم على راسها
ويبوس ايدينها ويدخلها جوة ضلوعه
بس خاف من ردة فعلها
اما ساره لقت نفسها تطير لحظنه مشتاقه له ولاحظانه

لمها هو بيدينه انهارت ساره من البكى
تصيح بمراره :ليش تحرمني منك ياصالح الله يسامحك الله يسامحك
صالح : واحساسه بكبر فعلته بحقها وحق نفسه : لا تلوميني ياقلبي
والله انتس اغلى ما خلق ربي ولا حبيت لتس هالدخله وهالشوفه
ومسح على راسها بحنان ومحبه : خلاص تعوذي
من الشيطان وخلينى نجلس مع بعض
سااره تشاهم وتسحب نفسها بالويل من كثر ما كان قلبها
مخنوق ومهموم حزين مجروح تبي منه المواساة بس هو من يواسيه

ناظرت فيه لقته لوحه من الصبر والتحمل
ظغط هائل على اعصابه عشان يبين راحته ورضاه باللي قسمه الله عليه
ساره تمسح دموعها بغطاها وترفعه عن وجهها : تعال يابونايف
شف بنتك نوف الحين هي بالثانوي وبسمه بثالث
ونواف انت خابرن علومه
نوف تقربت من ابوها وحظنت يده وسندت راسها على ذراع ابوها
وكل شوي تبوسها
حل الصمت دقايق
وتكلم صالح
اسمعيني انا ناديتس ياساره بغيت املي ناظري من شوفة وجهتس
واوصيتس واتسامح منتس
ساره عضت على شفايفها تبي تمنع شهقتها من الانفلات
اوصيتس اولا بالصبر وترى هذا ابتلا من ربي يمتحنا فيه
واوصيتس بالعيال يا ساره وانتبهي على عمرتس وصحتس
صاحت نوف بعويل تكفى يبه لا تخلينا والله اني احسبك
مت ماعلموني عنك يبه ماعلمونييي عنك
قام صالح وحضن بنته : تونا وش نقول يمه انا بامتحان من رب العالمين
نايف يمسح خشمه ويلم نوف اخته من حضن ابوها
ساره : صالح الله يعظم اجرنا والله انه امتحان شديد وربي انه قطعه من العذاب
صالح حب راسها وتم يناظر فيها ثواااني وسحب نفسه من الغرفه
انهارت ساره على الارض تبكي : يارب صبرني يارب صبرني
***************************************

ام محمد راحت لبيت بادي بتشوف حال طفله
تبي تطمن عليها طولت وهي تدق الباب
لكن بالاخير فتحت لها طفله
طفله : هلا والله بخالتي تفضلي
ام محمد : حبيبتي انا عرفت من وضحى اللي صار
طفله رمت نفسها في حضن ام محمد منهاره تصيح

:خالتي طلعت ماني بنتهم ماهم اهلي
ام محمد : لا يا يمه بادي صحيح ماهو ابوتس الحقيقي الا انه ابوتس اللي رباتس
طفله : ياخالتي والله ماني متخيله
اذا بادي ابوي ماهو ابوي ولا ترفه الله يرحمها ماهي امي اجل من امي وابوي
ام محمد محتاره تقول لها والا تسكت
طفله : خالتي انتي تعرفين من اهلي ؟؟
ام محمد هزت راسها بالايجاب
ناظرتها طفله برجاء : تكفين ياخاله منهم اهلي تكفيييييين
ام محمد : انا مالي حق اقولتس شي لاني ما اعرف التفاصيل
اللي خلت بادي ياخذتس منهم
طفله وهي تمسك يد ام محمد : واللي يرحم والدينتس
بس قولي لي منهم بس
ام محمد حبت تريحها : اللي انا اعرفه ان امتس تسير اخت بادي
وهي الحين متوفيه
طفله حطت يدها على فمها : يعني عمتي طفله هي امي !!!!
*******************************************************

اتفق بادي ومساعد انهم يمشون الصباح ومعهم طفله
عشان طفله تتعرف عليهم
رجع لبيته ولقى طفله جالسه ورابطه راسها

وعيونها وارمه من الصيااح : سلامات ياامي وش بتس يانظر عيني
طفله يالله تكلم وجسمها يلطمها من الوجع : تعبانه شوي وراسي بينفجر من الصداع

بادي وهو يحط يده على راسها : قومي خل اوديتس المستوصف
طفله : لا يبه اخذت اسبرين شوي ويروح الوجع
وراحت انسدحت على فراشها
ما امداها تحط راسها على المخده الا وهي نايمه
بعد ساعه بادي جالس عندها ويسمع انينها وحس برجفتها

لمس جبينها لقاه حااار ووجهها احمر
لا ماينسكت على حالها لازم اوديها للطوار ئ

راح ونادى مساعد اللي كان بايت عند ابو محمد

مساعد كان واقف برى عند سيارته والقلق ينهب بعقله
من دخلت خاله عليه
وهو نايم و علمه ان اخته تعبانه وهو ماهو بخيير

بادي طلع من بيته اللي هو مقابل بيت ابو محمد
تفاجأ مساعد من المكان اللي طلع منه خاله

كان شايل طفله
فتح مساعد باب السياره وركب بادي بالمقعد الخلفي
مساعد طارعلى المستشفى واستقبلهم الطوارئ
دخل بادي مع طفله
مساعد كان جالس بالانتظار حاس بحاله غريبه
فرحان والدنيا ماهي سايعته من الفرح ان اخته قريبه منه
وحزين انه اول مررره يكون بها القرب منها بس ماتدري عنه
وقلقان من تعبها واللي حس انه شديد من خوف خاله عليها
شوي وهو بالانتظاار شاف ابو محمد ومعه وحده صد
عنهم قرب منه ابو محمد بشر وشلون اختك
مساعد : والله مدري ياعم اخذها خالي للغرفه اللي هناك
ودخل عليهم الدكتور وللحين ما طلع منهم
الحرمه اللي مع ابو محمد جت قربت وشدت كمه

وضحى بهمس : يبه وش اخبارها
ابو محمد : مدري عنها سألت اخوها يقول للحين ما يعرف وش بها

وضحى مستغربه اخوها يعني هذا اخو طفله
خطفت نظره لوجهه
ياسبحان الله نسخه من طفله
يالله صار عند طفله اخ طول عمرها تتمنى هالشي
نادت ابوها : يبه ادخل داخل اسأل عنها
ابو محمد: طيب يله تعالي
التفت لمساعد : ياولدي بدخل واسأل عنهم

مساعد وهو واقف ومنزل نظره بالارض : طيب ياعم تكفى طمني

بعد ربع ساعه طلع بادي وابو محمد من احد الغرف
واتجهو لمساعذ اللي كان جالس على اعصابه

وقف يوم شافهم : ها بشروني عنها

بادي : تطمن يا مساعد الحمد لله طفله بخير بس السخونه كانت مرتفعه عندها
ويالله نزلوها والحين هي نايمه ومركبين عليه المغذي
مساعد : الحمد لله ومتى تطلع
بادي : قالو لبكره الظهر ان تحسنت حالتها نطلعها
والله يجزاه بالخير ابو محمد جاب بنته معه وهي اللي بتقعد معها
مساعد يناظر بابو محمد بامتنان : مشكور والله يجزاك بالخير ياعم
ابو محمد : على ايش يا ولدي طفله بنتي وجبت لها اختها تتنتبه لها وتراعيها
ويله مشينا
*********************************
صباح يوم الاحد

وضحى جالسه عند سرير طفله : طفله شلونتس الحين
طفله وبصوت كله تعب :الحمد لله احسن
وضحى ودموعها متجمعه بعيونها : سامحيني طفله
طفله : اسامحتس على ايش يا ختي مصير ي ادري ان كانه منتس والا من احد ثاني
والحمد لله اني دريت منهم اهلي
وضحى : عرفتي منهم ؟؟
طفله : اي امتس علمتني ان اخت ابوي هي امي
وضحى : لااا !! وليش طيب بادي قصدي ابوتس هو الي رباتس
طفله : مدري امتس تقول ان اللي له الحق يقولي هو ابوي بادي
وضحى : تدرين البارح وحنا داخلين المستشفى ابوي كلم واحد اسمه مساعد وسأله عنتس
طفله : مساعد ؟؟ منهو ذا ؟؟
وضحى رفعت حواجبها بطريقه مضحكه : اخوتس مسااااعد
طفله : مين؟؟
اللي سمعتيه
هذا البارح هو اللي جابتس مع ابوتس للمستشفى
طفله بابتسامه خفيفه : اخوي مساعد
اخوي مساعد
وضحى : علامتس ترددين الاسم
طفله: مدري يمكن اجرب كلمة اخوي
وعند البا ب سمعن صوت بادي : طفله
وضحى اضفت عباتها عليها وطفله نادت ابوها
وبعدها بدقايق جى ابو محمد اخذ وضحى للبيت وبادي وطفله رجعو مع مساعد

**************************************************

عند صلاة الظهر

بجانب الجامع الكبيير
تجمع كبيير من الناس كانو متجمهرين لحضور تنفيذ القصاص

كان صالح واقف بوسط ساحة القصاص مربوط العينين ومقيد اليدين منكس الرأس
كان الشرطي يقوده حتى وقف : خلاص اجلس على ركبك
صالح ماكان يمللك الا انه ينفذ
ثنى ركبه ولمست الارض الحاره
كان يسمع كل شي الناس
لا حول ولا قوة الا بالله

يا حرررام مسكين والله
ليش بيقصونه
وش التهمه حقته
سمع خطوات السياف وهو يسل السيف

يسمع الشرطي وهو يقرى البيان بصوت عالي بدت تعلى ضربات قلبه وصارت تعلى وتعلى وغطت على اي صوت ثاني

السيااف : تشهد !!
مارد صالح
السياف وبكل غلظه : اقولك تشهد
ماررد صالح

السياف يناظر بالعسكري اللي جنبه
تقدم من صالح وحط يده على كتف صالح

انتفض صالح ولف براسه المعصوب
الشرطي : تشهد يا صالح قل اشهد ان لا اله الا الله وان محمد رسول الله

صالح وهو حاس ان الكلام محشور بحلقه :اشهد ان لا اله الا الله وان محمد رسول الله


السيااااف رفع سيفه

وقفففففففف وقففففف

الا سياره داخله بين الناس وفيها واحد ماسك مكبر صوت انا عبد العزيز.بن....(( ولد القتيل )) عفونا عن صالح ال..... لوجه الله عفوناااا عنه لوجه الله

نط العسكري اللي بجنب السياف ومسك يده لا ينزلها على رقبة صالح

وضجت الساحه الله اكبررر الله اكبررر
وانهارت قوة صالح وجثى على الأ رض: يارب لك الحمد كما ينبغي لجلال وجهك وعظيم سلطانك يارب لك الحمد
************************************************

صباح الخير ووربي يسعد ايامكم تفضلوا

الجزء الثاني عشر


*************

بادي وطفله بسيارة مساعد متجهين لبيت بادي

مساعد حاس ان فرحته مالها حد

يكفيه انها جنبه حتى لو ما تعرف انها اخته بس هو عارف

طفله جالسه ورى ابوها وعينها على مساعد

وفي ابتسامه صغيره على شفايفها

الله عندي اخو شعور واحساااس حلوو

بادي جالس والهم كاسيه كلها ايام وبتروح لاهلها
الله يصبرني على فرقاتس يابنتي
هالحين لازم اعلمها اننا بنروح يم اهلها الله يستر من هالروحه

بادي: طفله الليله قبل لا تنامين جهزي اغراضتس بنسافر

طفله:!!
بادي مقدر حياها وانها مستحيل ترد
طول ما في رجاال غريب بحسب ظنها
:ايه ياطفله الله يخزي الشيطاان
ترى هذا وحط يده على كتف مسااعد
ولد عمتس طفله الله يرحمها
مساعد لقاها فرصه عشان يسلم عليها
:شلونتس ياختي بشريني عنتس ؟
طفله تعصر يديها ببعض وبصوت كله حياا وخجل : الحمد لله
يازين كلمة اختي منه ...... يجنن هالشعورر
مساعد : بغى ينجن ياعمري يا ختي صوتها صوت طفله صغيره
حمد الله على سلامتس ولازم تنتبهين لعمرتس ترى الجو باارد
طفله وووجهها احمر وتحس ان الجو احتر من كثر ماهي خجلانه : الله يسلمك
وصلو لبيت بادي نزل بادي وطفله
مساعد ماحب يحرج خاله
عشان مايدخل بيته : اسمحلي ياخال انا برووح اقضي اشغالي
وموعدنا بكرة ان شاء الله تامرني بشي بالغالي

بادي : تسلم يابوك ولا تبعد ابيك قريب
وابو محمد حالفن ماتعدى بيته والاانا ودي انك نايمن عندي

مساعد : ماتقصر ياخال وخلاص اخلص شغلي وارجع على بيت ابو محمد
وركب سياارته ومشى ماهو داري وين يرروح
***********************************************
كانن واقفات على باب البيت ويناظرن من فتحه صغيره
اشواق تدف وضحى : وخري ياشينه ابي اشوف
وضحى وخرت عن اشواق راااح خلاص مشى
اشواق : الله يقطع بليستس وليه ما خلتيني اشوفه
وضحى : وطيب ماشفتيه وش فاتس يعني
اشواق وهي معصبه : الحين ياللي ماتستحين ماهو انتي مناديتني
وتقولين لي تعالي شوفي اللي وصل بادي وطفله
وضحى ايه ناديتس بس نسيت ان هالمكان ما يتسع الا لوحده منا وانا ابي اتفرج
اشواق: يالسخيفه وكشت على وجه وضحى ومشت
قبل لا تطلع الدرج التفتت على وضحى : الا ما تدرين منهو ذا اللي وصلهم
وضحى : الا ادري وتراه كان نايم عندنا البارح
اشواق : ااه هو الضيف اللي البارح جى طب منهو
وضحى :اقولتس بس ترراااه سر لا تعلمين احد
اشواق : ايه خلاص ماني معلمه احد يلللله قولي منهو
وضحى : هذا اسمه مساعد يصير اخو طفله
اشواق : ايش اخو طفله تستهبلين انتي
وضحى : لا والله اخوها صدق وبعدين ايش تستهبلين ذي
احترميني ترى انا الكبيره
شوق وهي تخبط راس وضحى : اقول يالكبيره منين اخوها

الا ان كان بادي ماخذ مره ثانيه غير امها ؟؟
وضحى : لا اخو طفله بس ماهو ولد بادي ولا ولد ترفه الله يرحمها
اشواق: وشلون يافهيمه يصير اخوها اجل
وضحى اصلن طفله بكبرها ماهي بنت بادي
وعلمت اختها عن طفله



***************************************

كان طريق العوده كئيب كله بكى ودموع
وحسرة بقلوبهم حسره على صالح الصديق والاب والزوج والحبيب
كان ابو عبد الله يصبر اولاد اخته ويحاول ان يخفف عليهم مصابهم
ساره مانطقت حرف من بعد انتهاء الزياره
كانت الدمووع هي الوحيده اللي تعبر عن حالها وحالهم

توقفت السياره امام البيت
كان نايف اول من نزل من السياره
ودخل البيت تبعه الاخرين بروح ميته وخطوات ثقيله


**************************************

قبلها بساعه

ام عبد الله ترد على التلفون : اي يا خوي هذا بيت ابو عبد الله
: ابشركم بالعفو عن صالح ال...
ام عبد الله : والله .... ابك انت تقوله صادق وتحشرج صوتها ودموعها تسيل
: اي والله ياختي انا قلت ابشركم خابرن عياله كانو عنده البارح
ولا يمديهم عرفو الخبر
ام عبد الله : الله يفرحك يوم الموقف العظيم
الله يجزاك بالخير ويرحم والديك
: يله سلام عليكم
ام عبد الله : طيب من انت يا خوي

: انا فاعل خير حبيت افرح اهل صالح في امان الله

وقفل الخط

ام عبد الله ماتدري هي تضحك والا تبكي

يااسبحان مغير الاحواال يارب لك الحمد
راحت وبلغت ام زوجها عن الخبر السعيد وبدت تستعد للاحتفال

دخل نايف البيت ولقى مرت خاله واقفه : هنيا لك فك رقبة ابوك يانايف
نايف و لثواني مافهم وش تقول
ام عبد الله وهي لابسه شرشف صلاتها
وحاطه يدها تلم الشرشف تحت حنكها
: هنيا لك فك رقبة ابوك يا ولدي وسمع صوت احد طاح
ناظر وراااه لقى امه طايحه ومغمى عليها
نايف وام عبد الله ركظ و لها ونوف وراهها وتصيح
نايف يشيل منديلها عن راسها ويهف فيه عليها يمه
: ابشري يايمه ابوي عفو عنه اللهم لك الحمد
ساره وعت على احلى خبر سمعته في حياتها
: نايف لا تكذب علي
نايف :والله عفو عنه وانتبه انه اخذ الخبر من مرت خاله
وسألها: من قالكم يا خاله
ام عبد الله وهي تمسح دموعها واحد ابن حلال
اتصل وبشرني وقال ان عيال ابو عبد العزيز عفو عنه
ابو عبد الله اخذ التلفون واتصل على مكتب الضابط في السجن
وسأله وكانت تباشيروجهه واضحه ان الخبر صحيح وقفل الخط
وخر ساجد لله بسلامة نسيبه وصديقه وتبعه نايف ثم ساره ونوف كلهم
سجدوا لله شكر وعرفان ان الله من على غاليهم بالعفو ولا خيب رجاهم

***************************************


ام محمد : وضحى يايمه الله يعافيتس ابيتس
تنظفين المجلس والحمام والمدخل لا يجي الرجال وهي على حالها من البارح

وضحى : طيب يمه ابشري بس انا توني جايه من المستشفى وابي اريح
ام محمد : وضووح تكفين حبيبتي انا عرف انتس
لا مسكتي الشغله تسوينها على اكمل وجه
وابي نظافه تبيض الوجه ولا خلصتي روحي نامي واشبعي نوم
وضحى : خلاص تم هالحين بروح انظفه
وراحت وضحى كنست المجلس ورتبته ونظفت الحمام
باقي المدخل اللي هو عباره عن صاله صغيره بلاط ابيض واسود
فكرت تمسحه بعدين قررت تشطفه بالصابون
وراحت للمطبخ تجيب عدة الشطف
ورجعت بعد مانغصت على هيفا ونوره لعبهن
يعني اخذت وقت
ورجعت وكبت الصابون وبدت تتخيل نفسها تتزلج على الجليد رايحه جايه
وهي ميته من الضحك على نفسها
وفجأه زلقت وطاحت على ظهرها
غمضت لثواني
فتحتها على صوت رجولي : بسم الله عليتس عسى ماتعورتي
شهقت من اقصى قلبها وقامت بسرعه تبي تروح
وتزلق مره ثانيه بس يده ردتها عن لمس الارض : انتبهي
قالت والدموع بعينها : وجع يوجعك غمض عيونك
صد عنها
: اطلعي خلاص وارسلي احد يكمل هالحوسه
وقامت ومشت بحذر واول ما مسكت الباب الفاصل بين قسم الرجال والبيت
صارت تركظ ووصلت للحمام اللي بجنب غرفتهن
وقفت قدام المرايه ماتدري تضحك والا تبكي من الفشيله ههههههه
اهيء والله لو يدري ابوي غير يهزئني هههههه استاهل انا ووجهي
قال تزلج قال هههههههه ومسحت دموعها وحطت يدها على خدها
تحس وجهها حاااار من الفشيله
اكيييد يقول عني مجنونه يارررربي وجع يوجعه وش اللي رجعه بدري كذا

مساعد مات من الضحك على شكلها
ويوم تاخرت ومار سلت احد يكمل شغلها
هالخبله راحت وخلت الدنيا بعدها حايسه هههههه
ربي ستر ماتكسر ظهرها من الطيحه
وتذكر شكلها وهي ممده على الارض المليانه صابون
هههههههههه مسك الممسحه وكمل شطف المدخل
ورجع المجلس عاد ي ولا كأنه صار شي


************************

بالليل طفله راحت لبيت ابو محمد محمد
جالسه مع وضحى : وش فيتس تتأوهين
من اليوم كأنتس وحده عجوز
وضحى : والله ياطفله ظهري يعورني
طفله : سلامات من ايش يعورتس
وضحى وهي تتذكر الموقف
وتضحك هههههه: اليوم يافشيلتي صار لي
موقف بايخ قدام اخوتس قليل الادب
طفله شهقت : اوووف وش صااار
وضحى تهز راسها بكل اسى طحت قدامه
طفله:ههههههههههههههههههههه اخخ يا بطني
ههههه والله تخيلت !!
وشلون وش جابتس عنده !!
وضحى :رداة الحظ يا ختي
آآآآآه وهي تمسد ظهرها بيدها كنت اشطف المدخل
وطنت براسي اقلد البطله بذاك الفلم الامريكي اللي تتزلج
وقعدت اتزحلق على الصابون وانا را بطه اطراف قميصي على خصري
وشلحتي مغطيه نص سيقاني واجيتس منطلقه من اول المدخل
على رجل وحده وازلق واطيح على ظهري

ماردني الا باب المجلس غمضت عيوني لثواني
والا اسمعه يقولي : بسم الله عليتس عسى ماتعورتي
واجي بقوم وازلق مره ثانيه
وهو يمسكني لا يصك راسي بالارض ولاااا يقولي انتبهي
وغطت وجهها يدينها : يافشيلتي
وطفله ميته من الضحك هههههههههههه
يوم قالي انتبهي وشفته يناظرني سبيته
طفله اوههههههههي ههههه :بللله وش قلتي له
وضحى : وجع يوجعك غمض عيونك
طفله وهي تحاول تكتم ضحكتها : خخخخممم وش سوى غمض عيونه
وضحى ايه صد عني وقالي اطلعي وارسلي احد يخلص هالحوسه

وهي تتكلم تذكرت انها تركت المدخل غرقان صابون
ولا نبهت احد من خواتها الصغار يكملن شغلها : يا فشيله والله لو تدري امي ياويلي
طفله : اسمعيني انا بكره ماشيه مع ابوي رايحين مع مساعد لبيت اهلي
قالتها بتردد
وضحى وهي تتمدد عندها : آآآخ وبتعلمينهم انتس دريتي انهم اهلتس
طفله : بصراحه محتاره بس ما اظن



****************************

صباح اليوم الثاني
سافرت طفله مع بادي ومساعد
طول الطريق بادي ماوقفت دموعه يمسحهاحتى مايلاحظه مساعد
الحين نوصل لبيت ابوها واخاف يعلمونها وتزعل علي وتتركني
انا مالي في هالدنيا غيرها
لا لا لا انا شارط على مساعد انهم مايقولون لها شي
حتى تعرفهم اول وتعاشرهم
وطيب اذا عرفتهم وحبتهم بتخليني لا عرفت انهم اهلها


طفله جالسه ورى وتفكر هم اكيد عارفين اني انا بنتهم
بس ليش ابوي الحقيقي خلى ابوي بادي هو اللي يربيني
لايكون ابوي بادي هو اللي اصر ياخذني
طيب ابوي الحقيقي ولا مره سمعت انه جا وسأل او حتى مر وسلم
طيب ممكن زوجة ابوي ما كانت تبغاني
لا لالا يوم عزا امي ترفه الله يرحمها
جت كان شكلها طيبه وما اظن
وهذيك البنت الصغيره بعد شكلها حبوب
يوووووه اليوم يبان كل شي اذا هم عارفين او لا
بس ياترى شلون با اقابل ابوي الحقيقي
ومع هذي الافكاار نامت


************************
صالح طلع من السجن ولقى ابو عبد الله ونايف واقفين قدامه
وركظ له نايف وحضن ابوه الحمد لله على السلامه يبه الحمد لله
ويحب يده وراسه وصالح مبتسم أي والله يا ولدي الحمد لله
اللي فكني وعفو عني الله يعفي عنهم
وسلم على نسيبه وركب السياره معهم متجهين لديرتهم
ا:ستعد ام نايف مجهزتن لك عزومتن كبيره ماخلت ولا بقت احد

وحالفه انها هي اللي بتطبخ العشى على سلامتك
اتسعت ابتسامته : فيها الخير ساره والله يقويها
نايف : والله يبه لو تشوف البيت يضوي ضوي من عقود اللمبات المعلقه عليه
وكلن يسأل عندكم عرس
ارد عليهم ايه عندنا عرس
ورفع حواجبه لأبوه :عرس صويلح وسويره
خبطه ابوه على راسه بخفه
: استح ياولد علامك فاصخ الحيا
ابو عبد الله : خله يا خوي نايف ماكد شفته مبسوط مثل هاليوم
الله يديم فرحنا

رد صالح ومن كل قلبه : اللهم آمييين يارب

****************************
ابو محمد : وليه ما علمتيني انها درت
ام محمد : البنت ماتبي تقول لا يدري ابوي اني دريت
ابو محمد : ليش والله ان بادي شايل الهم ومايدري شلون يعلمها
ام محمد : تصدق انه احسن خلها تشوفهم اول
وتعرفهم وبعد كذا اكيد انها هي اللي بتعلم ابوها انها داريه



***************************
ام ماجد: فهد وين شايل اغراضك وطالع
فهد ابي اروح لبيت ابوي خل بنت ابو مساعد تاخذ راحتها لا جت
ام ماجد: يابن الحلال هي جايه يومين وماهي مطوله
فهد:ليش ؟؟
ام ماجد :مساعد اتصل البارح بابوه وقاله انه اتفق مع خاله
انهم يجون ويخلون البنت تتعرف علينا اول
وعقب بيعلمونها انه بنت ابو مساعد
فهد : الله يعينها صراحه صدمة عمرها
ابو مساعد دخل وشاف فهد ماسك شنطه : وين تبي تروح يافهد مسااافر؟؟
فهد: لا والله يابو مساعد
وتدخلت مزنه بالكلام :تصدق انه بيرجع بيت اهلي يسكن فيه
ابو مساعد: افى ليش يا ولدي تبي تتركنا ونروح
فهد: حك رقبته :لاوالله بس امممممم
مزنه : عشان بنتك طفله يقول خل تاخذ راحتها
ابو مساعد : واذا يعني هي جت انت بتطلع
لا والله انت ولدي يافهد مثلك مثل مساعد وماجد
واذا على بنتي وجيتها خلاص انت تنام بالغرفه
حقت الضيوف اللي جنب مجلس الرجال ولا تطلع من عندي ياولد ي
فهدحب راس ابو مساعد : معليش يا ابو مساعد بيت ابوي فيه وباروح له
ابو مساعد والله ما تطلع من عندي
وبعدين بتروح لبيت ابوك الطين اللي لكم تاركينه من 16 سنه
مزنه : خلاص فهد هذا ابو مسا عد حلف ومالك طلعه وسحبت شنطته
: الحين اروح انا ونوف نرتب اغراضك بالغرفه اللي برى
فهد : لا خليها عنتس انا اسويها


بعده على صلاة الظهر
هند : ملل كل ها لوقت ولا وصلو
ابو مساعد : اصبري الله يهديتس
هند: والله يبه زهقت وانا استنى
ابو مساعد : يامزنه ترى فيه عشى الليله ابروح اعزم الجماعه وانتي اعزمي ربايعتس
مزنه : ابشر
وعلى صلاة المغرب وصلو بالسلامه
ابو مساعد : ياهلا ياهلا حياكم الله تفضلو ياهلا والله


**************************

السلام عليكم ورحمة الله وبركاته
الله اكبر الله اكبر الله اكبر ولله الحمد
كل عام وانتم بخير
وتقبل الله صيامكم وحجكم
وبارك الله لكم في اعماركم
هذا الجزء الثالث عشر وبعده سأتوقف
واعدكم ان شاء الله ان اعود
عيدكم مباااارك




الجزء الثالث عشر

**********
ابو مساعد : ياهلا ياهلا حياكم الله تفضلو ياهلا والله


تقدم وهو يفتح باب السياره لبادي

ياهلا ياهلا يالله ان تحيهم تو ما نور البيت

نزل وسلم على ابو مساعد :الله يحيك ويبقيك

وتبادلو السلام والاحضان

ناظرابو مساعد لورى بادي
ويازين ما شاف شاف بنته بالسياره

طفله جالسه بالسياره وعيونها تبي
تطلع من ورى غطاها تبي تلقط
تفاصيل وجه ابوها الللي المفروض
انه ابوها الحقيقي سرحت فيه
شافته يتكلم وحست ان الكلام موجه لها
ركزت شوي
لقطت اخر الكلام عرفت انه يسلم عليها
ابو مساعد : حيا ا لله بنتنا
ماقدر ما يقولها وينطقها
بادي لف عليه بقوة وناظر بمساعد
طفله في خاطرها
بنتك هه ... انا بنت بادي بس
طفله وهي قاصده : الله يحيك يا عم
ابو مساعد : شلونتس يابنتي
طفله : الحمد لله
بادي قرب منها ومسك يدها يبي يطمنها
او يمكن بيطمن حاله بوجودها : طفله ترى هذا ابو مساعد
طفله بدقه ونغزه :اه زوج عمتي الله يرحمها
بادي نزل نظرة للارض : ايه يمه ..الله يرحمها
سكت ابو مساعد من كلمتها زوج عمتي !! لا ااا انا ابوتس بس قالها بقلبه
مسااعدحس بأبوه : يله ياجماعه تفضلو داخل
ورفع راسه لطفله : باب الحريم من هناك


******************
على صلاه المغرب كان صالح وصل ومعه نايف وابو عبد الله
نزلو البيت المزين بعقووود الانواار والحوش مفرروش بالزل الاحمر
واول ما دخلو الا وتستقبلهم بسمه لابسه فستان ولا اروع
ابيض اللون مزموم الخصر منفوش
كانت مثل الاميره وشعرهاالناعم على ظهرها مفكوك
رااحت تركض لخالها
: خالي خالي شف ثوبي الجديد شراايك فيه ؟
ابو عبد الله وهو مبتسم : احلى ثوب لابسته احلى بنت
غمز لصالح :صالح وش راايك بثوب بسمه ؟
صالح انهبل على بنته اول مره يشوفها :
مسك بسمه من يدها : انتي بنت من يا حلوة
بسمه : انا بسمه بنت صالح 0000ال00 والنعم فيني وبأبوي
صالح : هههههههه أي والله والنعم فيتس وبأبوتس
نايف : بسوم تدرين من هو ذا يأشر على ابوه
بسمه : امممممممممم تبون الصراحه
صالح وهو ينزل لمستواها : أي ابي الصرراحه
بسمه : شكله ماهو بغريب على بس ما اتذكر وين شفته قبل كذا
نايف: هذا ابوي
بسمه بكل طفوله وبراءه نطت على صالح وتعلقت برقبته
ابوي والله ابوي
اهيئ اهئ تبكي ههههههه وتضحك وتصارخ ابوي رجع ابوي رجع
وصارت تبوسه وهو يبوسها ويحب ايدينها

دخلو داخل البيت ونوف تركظ لأبوها وتلمه وهو حضنها بقوه
: هلا والله ببنتي الغاليه ونوف مانطقت حرف تصيح
وهو يمسح على شعرها شششش بس ياقلبي خلاص ربي جمعنا
ياحبيبتي ليش الدموع
نوف تحب كتف ابوها : الحمد لله على سلامتك يالغالي
والله اني فرحانه فيك
صالح : أي والله الحمد لله وربي يديم علينا نعمته ولا يفرق بيننا
وشوي الا ام عبد الله مقبله عليهم وتعكز ام زوجها معها
العجوز : وهي تمسح دموعها بمسفعها يالله لك الحمد
اللي ربي عفا عنك وطلعت لعيالك
اقبل صالح عليها وحب راسها : هلاو الله بعمتي وشلونتس
بشريني عنتس الحمد لله اني شفتس طيبه
ام عبدالله : ياهلا والله بابو نايف والحمد لله على السلامه
صالح : هلا هلا بام عبد الله الله يسلمتس ياختي
وجالت عيونه يدور ساره ما شافها المفروض انها اول وحده تكون قدامه
نوف حست بنظرات ابوها
: يبه اكيد تدور امي
تعال اوديك لها
صالح ابتسم بحرج
وراح مع نوف لغرفة امها وطبعا بسمه لاصقه فيه

صالح بلهفه وشوووق : السلام عليكم
ساره بحيا وشوق اكبر : وعلييييكم السلام
نوف سحبت اختها بسمه عن ابوها وامها وطلعت وصكت الباب
ساره سلمت عليه وهوحضنها وشدعليها:ياااااني مشتاق لتس ياقلبي
ساره دافنه وجهها بصدره تشمه وتصيح :الحمد لله على سلامتك ياعمري
حب راسها وضمها اكثر: الله يسلمتس يا بعد هلي كلهم
ورفع راسها يناظر عيونها : مشتاااق لعيونتس مشتااااق
سااره :اليوم فرحتي فيك وبسلامة رجوعك مالها حد
صالح حضنها اكثر لصدره : انا اللي فرحتي ماله حد بوجودي بينكم
اشتقت اضمك وآتنفس حنانك
واغفى على صـدرك واناغي خلاياك
وارسم على وجه اشتياقي عشانك
العمر يضحك كـل ما كنت وياك
لي طـار من بين الشفايف جنانك
كن الصدر والقلب شرفه وشباك
مثل الطفل تحرج بضحك زمانك
وتبعــثر العـابك بهـالقلب وأشياك
وليمن تثنى فـ الصـدر خيزرانك
آغص/ وأشرق/ وارتبك /وآتمناك
ما عاد يطرب مسمعي غير دانك
تذكر..عروقي يـوم ترقص لمغناك؟!
اطلقت لخيول الاماني عنانك
واسابق اسراب الســوالف علـى شفاك
وشلون ينبت ف الضلوع أقحوانك
يا ريحــة اشواق المحبـين لباك :
عاشـــق فناجينه تبـي زعفرانك
وما صـب قهـوة لوعته غير يمناك
مشتـاق اضمـك وآتنفس حنانك
واغفى علـى صـدرك وتسهر خلاياك

*********************
عند مدخل الحريم كانت هند تتحرقص من الحماس وامها واقفه معها
دخلت عليهم طفله : السلام عليكم ورفعت غطاها عن وجهها
نوف بحماس شديد وبفرحه سبقت امها : ياهلا والله وعليكم السلام ورحمة الله وبركاته
وهي تسلم على طفله وتحبها : هلا والله مابغيتي تجين
ابتسمت طفله تجنن ذي البنت : هلا بتس وشلونتس يا..؟
هند : انا هند ولفت تأشر على امها وهذي امي
تقدمت طفله وسلمت على ام ماجدوشلونتس يا خاله
: ام ماجد هلا والله وشلونتس يا بنتي الحمد لله على السلامه
طفله : الله يسلمتس يا خاله
ام ماجد : تفضلي يابنتي من هنا
ودخلو المجلس وجلست طفله وعباتها لازالت عليها بس نزلت غطى وجهها
هند جابت القهوة وبدت تقهوي طفله : يالله يا طفله مبسوطه انتس جيتينا
طفله : وانا بعد يا قلبي
ام ماجد تضحك على هند والله يابنتي من درت انتس بتجين وهي ماركدت
طفله مبتسمه وتناظر هند: يا حبي لها
هند: ياختي لا تلوميني من زمان ابي اخت والله جابتس لي
تغير وجه ام ماجد وتداركت هند غلطتها
ترى راحت عليتس انا عادتس اختي من زماااان
وهي تمد لسانها لطفله بشقاوة
طفله : ياقلبي انتي خلاص انا وانتي خوااات

*****************
صباح اليوم الثاني
ابو مساعد :شلونها يامزنه عساها مرتاحه
مزنه :الحمد لله وبنتك هند ماهي مقصره ماعتقت البنت
لين الفجر وهي تقرق على راسها
ابو مساعد: ههههههههه خليها فرحااانه بأختها
مزنه :الا انتم متى بتعلمونها
ابو مساعد واالله مدري ماودي اكسر بخاطر بادي والا ودي هالحين
اعلمها بس بادي هو اللي كاسر ظهري
مزنه : أي والله والبنت شكلها متعلقه فيه
ابو مساعد: ماتنلام فيه ابوها اللي ماتعرف غيره
مزنه طيب هم كم بيقعدون عندنا
ابو مساعد: مدري بس انا اللي برجعهم


**************************
طفله قامت الصبح مشتاقه لابوها بادي ودها تشوفه
ناظرت يمينها لقت هند نايمه عندهاتبسمت
طفله قامت تصلي وصحت هند
تمغطت هند وتكلمت بصووت نعسان : طفله شرايتس نطلع للمزرعه
طفله : الله عندكم مزرعه قريبه
هند : ناظري مع الشباك وشوفيها ورى البيت
قامت طفله وناظرت شافت مزرعة نخل تفتح النفس
وفتحت الشباك وشمت ريحة الزرع مع الصباااح
وصوت العصافير كان منظر لا يوصف
:هند يله قومي صلي خلينا نروح بسرعه
هند فزت : يله اصلي
ونروح للمزرعه على طول



*************************
فهد جالس بالغرفه اللي برى من بعد صلاة الفجر ماجاه النوم

وده يطلع غرفته يبي ياخذ له كتاب
يقراه يمكن يجيه النوم راح للبيت
وكل تفكيره ان الضيفه نايمه مثل ما الكل نايم
دخل الصاله يتسحب الا وهند وطفله بوجهه
تلخبط مايدري وش يسوي صد عنهن
طفله كانت ماسكه عباتها ومنديلها تبي تلبسهم
ولابسه قميص وررردي طويل وشعرها مرتب بجديله طويله
ولابسه طوق شعر وررردي
يوم شافته رجعت للغرفه اللي طلعت منها وهي ميته من الحرج
من ذا !!! وشلون يدخل وما يستأذن !!
هند تفاجأ ت بخالها وراحت عنده : خالي تبي شي
فهد منحرج من الموقف : هنوده تكفين اطلعي غرفتي
وجيبي لي أي كتاب طفشااان ابي شي اقراه
هند: خلاص اطلع انت غرفتك بس لاتطول فوق بنروح للمزرعه وماحنا بمطولين
فهد يحك راسه : المزرعه فيها عمال هالحين
هند : بنوقف شوي عند المدخل بس بخلي طفله تشوفها
فهد : طيب البسن عبيكن لا تنسين
هند تلبس عباتها قدامه : يله اطلع خليني انادي البنت
طلع فهد على غرفته وهند نادت طفله : طفله يله نطلع
طفله : من ذا اللي ما عنده ذوق مدرعم كذا يختي على الاقل يتنحنح
هند تضحك : لااا والله خالي فهد ابو الذوق
بس مسكين اكيد على باله انا حنا نايمييين
طفله : ولو
هند : يله قبل لا تطلع الشمس
*******************************



فهد دخل لغرفته وجلس على سريره
صورة طفله انطبعت في عقله
انسدح وحط يدينه تحت راسه فكره معها
يار بي لمحه شفتها لمحه وسرقت عقلي
قاام عند الشباك يناظر المزرعه يبي يشوفهن
شاف هند وطفله جالسات على المراجيح
هند تتمرجح بسرعه مثل الاطفال وهي ماده رجولها تبي ترتفع اكثر
طفله جالسه على المرجيحه ومثبته رجولها بالارض بس تهزها بشويش
البنت ذي شكلها اعقل من اختها الرجه ورجع سريره وانسدح دقاايق وناااام
***********************
طفله مبهورة بالمزرعه تجنن مليانه نخل وتعريشة عنب كبيره
عند المدخل مراجيح جلست هي وهند عليها
هند: ابوي يحب المزرعه كثير ويقول انها سبب الخير اللي هو فيه
طفله : من سوى هذي المراجيح
كانت المراجيح من خشب متين وحبال غليظه
هند: خالي فهد الله يخليه
طفله : اللي تو دخل من غير ما يتنحنح
هندتضحك : هههههه تديرين ابوي عنده زي الطقوس لا دخل المزرعه
طفله باهتمام : ليه وش يسوي
هند: في شجرة هناااك وتأشر عليها شفتيها هذي اول شجره زرعها ابوي هنا
واللي جنبها زرعتها زوجة ابوي الاولى الله يرحمها اللي هي ام مساعد
ابوي لازم يوقف هناك كل يوم ويدعي لها ويترحم عليها
طفله : كل يوم يسوي كذا
هند : كل يوووم مستحيل يدخل المزرعه ما يسويها
طفله قامت من المرجيحه كني اسمع صوت دجاج
هند : ههههه هودجاج بس دجاااج وبط واراانب
طفله بفرحه : الله تعالي ورينيها
هند طيب تعالي مع انه في عمال بس بسرعه
رااااحن لعند الطيور والارانب
ومسكت هند ارنب صغير وعطته لطفله : امسكي
طفله: لالا لا لا وهند تحطه بين يدينها
طفله جمدت : هند تكفييييين خوذيه خايفه منه
هند: هههههه احد يخاف من ارنب ياجبانه
طفله : أي انا وبلا بياخه تعالي خذيه
هند اخذت الارنب وحطته على راس طفله
:لاااااااا يا هند لاااااااا شيلييييه
وطاح الارنب ورااح يركظ
طفله ركظت ورى هند :والله ما اخليتس
وهند تركظ وتضحك وطفله وراااها


***************************
على صلاة العصر صحي فهد
وناظر الساعه
لقاها اربع العصر
ظرب على جبهته : الله راحت علي نومه الحين وشلون انزل
من غير ما احد يشوفني
خليني اروح لهند بغرفتها يمكن تنزلني
من غير ما احد ينتبه
قبلها بوقت بسيط
هند طلعت طفله غرفتها عشان طفله بتتروش
وبتستخدم حمام هند
دخلت طفله الحمام وهند قالت لها خذي راحتس
مافي احد فوق غيري
مساعد طالع وخالي برى بغرفته
وابوي يجي بالليل
انا برووح اشوف امي كانت تبغاني
قبل شوي وراااحت
فهد دق الباب ما احد رد
سمع صوت طالع من الحمام
جت باله فكرة انه يسوي بهند مقلب
رااح وجاب من حمامه طشت صغير وعبااااه مويه
ورااح عند الحمام
وصااار يدق الباااب بقوه
ويحااول يفتحه مع انه مقفل من غيرر ما يتكلم
طفله كانت مخلصه ولابسه تنورة جنز
وبلوزه خضرا كانت تنشف شعرها
مادرت الا والباب يندق بقوه
وياللي برى بيفتح الباب

طفله بابتسامه اكيد هذي الخبله هند
والله انها رجه
ولفت شعرها بالمنشفه وفتحت الباب
مادرت الا باللي يسحب منشفتها بيد
واليد الثانيه يكب على راسها ماااااء
طفله شهقت ماهي مستوعبه وش صااار
فهد يوم شافها ماهي هند تنح
طارت عيونه يوم شافها غرقانه مويه
وشعرها مفكوك واصل لحد خصرها
كانت خياااااال
فهد : اناااا اااسف والله على بالي هند
واخذ المنشفه و مدها لها
طفله بدت تجمع الدموع بعيونها
فهد : والله اسف وحط المنشفه على راسها وطلع بسرعه
طفله بصراااخ : ياااااااازفت
ورجعت دخلت الحمااام تبكي
هذا شلون يتجرأ يسوي كذا
دقايق و هند تدق البااب
: افتحي طفله انا هند
طفله : طلعت ومنشفتها على راسها وملابسها كلها مويه
ولاصقه فيها وعيونها حمرا من البكا
هند بضحكه : طفله خالي يتأسف ويقولتس والله انه يقصدني بالحركه ذي
طفله مقهورة منه ومن هند : ليش تضحكين با لله لو صا ر لتس الموقف بتضحكين
هند : صراااحه موقف بايخ بس خلاااص انسيه
طفله ماسكه ملابسها وتتنافض من البرد : شوفي خالتس السخيف
روشني وماعندي ملابس ملابسي كلها وصخه
هند: لاتشيلين هم هالحين اجيب لتس من قمصاني او قمصااان امي
فهد راح لغرفته بعد ماطلع من عند طفله وهو نازل لقى هند قدااامه
هند شهقت : وين كنت
فهد جرها معه لباب المدخل : اطلعي لاختس وقولي لها اني اسف
هند طلعت عيونها : ليش وش سويت
فهد يدخل يده في شعره : رحت لغرفتتس دقيت الباب مافتحتي سمعت صوت بالحمام على بالي انتي قلت في بالي اردلتس مقلب من مقالبتس
وعبيت طشت مااا وكبيته على رااس اختتس
هند مذهوله على مبسوطه ما قدررت تكتم ضحكتها: هههههههههههههههههههه تستاهل عشااان ما تقرب صوبي ربي انتقم منك ههههههههههههه
فهد رص على يدها : اوووص انقلعي فوق وتعذري لي منها
وفهميها اني قاصدتس انتي بالمقلب
هند:ههههه طيب
فهد : هند لا احد يدري بالموقف
هند: ابشر بروووح اعطيه سليمان العيسى يقراه بنشرةالاخباار
فهد : روووحي قبل لا اخنقتس


*********

جالس بالغرفه وحاس راسه بينفجر من الصداااع والتفكير
انا شلون حطيت المنشفه على راسها كذا
يالله الحين وش تفكر فيني
اكيد بتقول قليل ادب وجريئ وما يستحي
غير ززززفت اللي قالتها لي وانا طااالع
دخل عليه مسااعد : السلام عليكم
فهد: وعليكم السلاااام هلا والله بمسااعد
مسااعد : وينك يارجال ماتغديت معنا ابوي
سأل عنك ودورتك ما لقيتك وسيارتك واقفه
فهد خاف يدري مساعد انه كان فوق : كنت برى مرني واحد من الجماعه وطلعت معه
مساعد: أي ترى بكره ابوي بيسافر بيرجع خالي وطفله
فهد فز قلبه من طاريها
: لاااا بكره بيمشون ....الله يستر عليهم
مساعد : واالله ما ودي يرجعون بس
خالي بيرجع وابوي يقول خلهم براحتهم
فهد : ما علموها للحيين
مساعد : لا وانا احس الموضوووع مصخ
خلاص لازم تدري
فهد:حرام عليك لازم تمهدون لها
تخيل نفسك مكانها بتتقبل الموضوع بسهوله ؟؟
مساعد : طيب لمتى ذا الوضع؟
فهد : ما ادري بس بعد لا تنسى انها ممكن ماتتقبلكم
حط كل الاحتمالات
مساعد : هند مررره مبسوطه معها
وامي مزنه حابتها
ابوي متشفق يدخل عندها ويكلمها
انا ماتتخيل شعوري يا فهد
يوم شفت زولها شلون لو بكلمها واجلس معها

فهدبقلبه ((ولا انا تتخيل شعوري يوم شفتها ))

********************************8


في صباح اليو م الثاني
على الفطور
ابو مساعد : بادي وش رايك تجي اوريك المزرعه
بادي :يله وقام مع ابو مساعد للمزرعه
كانت هند وطفله بالمزرعه يتمشن
على مجرى المويه اللي يمر بين النخيل
وصوت المويه والعصافير
معطي للجو طعم ثاني
و دخل باادي وابو مساعد المزرعه
ابو مساعد: بادي وش راايك تسكن هنا مثل زمان
بادي : لاا ياخوك ما اخلي بيتي
ابو مساعد : وهذا بيتك يا خوي
بادي : أي والله بيتي بس اعفيني يا ا بو مساعد
وصارو يمشون بالمزرعه وشافو البنات
ابو مساعد: تعال البنات هناك
طفله انبسطت يوم شافت ابوها بادي مقبل عليهم مع ابو مساعد
حست انها مشتاقه له تحبه هو اغلى من بالوجووود وزادت ابتسامتها بشوفته
تضاربت عندها الاحاسيس بشوفة ابو مساعد برود وخوف ورحمه
مهما كان هو ابوها الحقيقي بس هو الابو اللي تخلى عني
قطع افكارها سلامهم عليهن
هند سلمت على ابوها وحبت راسه
وطفله حبت راس بادي
بادي : طفله سلمي على ابو مساعد
طفله : شلونك يااعمي عساك بخير
ابو مساعد تبسم لها :هلا والله ببنتي طفله الحمد لله
انتي شلونتس عساتس مرتاحه
طفله : الحمد لله
تلفت حوله هاه يا طفله عسى المزرعه اعجبتس
طفله : أي ماشاء الله مررره حلوة وكبيره
ابو مساعد : ابوتس يقول بتمشون اليوم
وراتس ما تكلمينه تقعدون عندنا بعد
طفله : والله الراي لأبوي مع أني مبسوطه
استانس ابو مساعد: حنا والله ودنا تقعدون معنا اكثر
باادي : الجايات اكثر وبنجيكم دايم
هند: تكفين كملي اليوووم وامشو بكره
طفله : لا يا ختي برووح اشتقت لبيتنا وصديقاتي
ابو مساعد : خلاص بعد الغدا بنمشي خلكم جاهزين
************************************************











لا تنسوني من صالح دعائكم