المنتدى :
الارشيف
كان تبي قلبي امسح جروحه
السلام عليكم ورحمة الله وبركاته
اخباركم جميع وشلونكم حبيت انزل رواية مو من كتابتي بس من تاليف اعز صديقاتي و اسمها مريم هي توفت الله يرحمها و قالتلي انزل الرواية واكملها عنها انا من سلطنة عمان والرواية فيها مزج ما بين اللهجة السعودية و العمانية يمكن اسلوبنا مو ذاك الزود بس يالله يمشي ان شاء الله تحبونها الرواية وما ابيح لاي احد ينقل الرواية ...
تفضلوا الرواية
كان تبي قلبي امسح جروحه
السلام عليكم ورحمة الله وبركاته
اليوم اضع بين يديكم روايتي الاولى وان شاء الله تعجبكم هي بتكون باللهجة العمانية الرسمية ومكس مع اللهجة السعودية واظن الكل بيفهمها .......
-هي انسانة عانت الكثير في حياتها هي بلسم الروح والنجمة والقمر وضياء الشمس
بطلتي هي انسانة علمتها ضغوط الحياة الثبات والقوة
(مريم) اسم على مسمى
-الشخصيات:
-مريم:بطلتنا تبلغ من العمر 23 سنة جميلة كلمة ما توفي حقها شعرها اسود سواد الليل و قصير يوصل للعنق
بيضة بياض الثلج و يوم تستحي يبان الخجل في تورد خدودها عليها غمازات وخشمها مثل السيف الحاد ورموشها كثيفة وعينها وسيعة
طيبة ومحبوبة حيييل بس كل ملامحها تعكس الحزن لمن يشوفها .....
بو عاصم:يبلغ من العمر 48 شخصية رزة ورزين ووسيم الملامح يشغل مرتبة كبيرة في العسكرية صارم وهيبة بس حنون في نفس الوقت
ام عاصم:انسانة طيبة وحبوووووووبة كثير الكل يحبها جميلللة جداا تحب الاعتناء بنفسها وبشرتها وربة بيت ممتازة تشتغل دكتورة بكلية الطب
عاصم:اخو مريم البكر وسيم وهيبة وحبوووب وعمره(28) متزوج من رهف وعنده ثلاث اولاد مثل القمر بس عليهم شطانة
ياسر :عمره(25) طبيب اطفال يمووت عالاطفال وسييييم وحليووه كثيير يخقون عليه البنات طويل وابيضاني وشعره طويل يوصل لاذنه وزيادة عليه عضلات شوي حبووب كثير والكل يحبه خصوصا الاطفال.... رافض فكرة الزواج لسالفة قديمة صارتله
امل:عمرها 26 متزوجة من جراح اسمه فهد يكون صاحب ياسر طيببة حييل لكن مشكلتها الوحيدة غيوورة تغار على زوجها كثيير
جمييييلة وحلوووة ما شاء الله عليها تقريبا تشبه لمريم بس هي شعرها بني
هيثم:العسل وخفيف دم فيهم مشطب على بنات مسقط كلهم ما بقى الا السلطنة بعد حبووب و حليييييييوه يشبه مريم كثيير عمره 22 سنة ثانية جامعة السلطان قابوس
مي وضي : التوام الملقوفين اعمارهم 12 سنة طيبين رباشين عليهم خبال غير طبيعي حلويين
سلمان:السلمي عمره 3 حبوووب يدنن اخر العنقود دب وهذا اللي محليه بزيادة
بااقي لشخصيات بتعرفونهم بالقصة و الان تابعوا معي الاحداث
*
*
*
*
*
*
*
*
السهر والنوح وحروف القصيد
هم زهابي لنتشى فيك الخيال
إن ضحكت الدمع بعيوني يزيد
وإن سليت الهم لوحلي ..تعال
وإن غفيت أغفى على جرح جديد
وإن وعيت أشوووف قربك لي محال
تاهت الخطوه على الدرب البعيد
والمشاعر همها ذاك السؤال
هو صحيح اللي مضى يرجع يعيد
وترجع أيام المحبه والوصال
ولو صحيح الحب به عبد وسيد
أنت سيدي وانتي عمي والخوال
صاحبي يااقرب من عروق الوريد
خذ حياتي كلها بيدك حلااال
والسهر والنوح وحروف القصيد
خلهم للي عشق حلم وخياااال
فيصل العدواني
قاعدة لحالها بالغرفة وتفكر باللي راح خلاص طقت ما عادت تستحمل الحياة تذكر رسايل
الحب والعشق والهيام حب (عذري) اللي اثر بقلبها و خلتها تحبه حب ما حبته احد من قبل و هو محدن ملك قلبه
غيرها ..... خبر موته صاعقة نزلت على قلبها صارلها اسبوعين من توفى احمد خطيبها و هي حابسة نفسها بالغرفة
لا اكل ولا شرب ولا حتى نبست شفتها بكلمة ما غير الصياح والنحيب والانين هو اللي صادر من غرفتها
كل صبح تقوم وصورته ما تفارق بالها تشوفه حتى بالمنام معها انطلقت كلمات عتاب منها لقلبها(احبه والله احبه ليش راح عني)
وصدح صوتها بالبكى الشديد اللي اخفى تقاسيم وجهها الجميل
دخل البيت توه طالع من الشاطئ وهو هموم الدنيا راكبة براسه صديق عمره واخوه بالدنيا توفى
وشلون ما يحزن وينتحب عليه لكن قدر الله ما شاء فعل وهو مار يبي يمشي لجناحه فكر يشوف اخته يسالها عن احوالها
راح لعند بابها و طق الباب عورت قلبه بصياحها العالي ماهو قادر يجيب لها حبيبها وخطيبها دمعت عينه
وهو يسمع انينها
دخل الغرفة وقرب للسرير شف ظل انسانة متكئ عالارض تطالع بصورة شاب طويل وسيم لكنه توفى احمد خطيبها (على فكرة ياسر له ملامح من احمد) سمعت صوت خطوات بغرفتها قربت من ياسر وهي تبتسم من بين دموعها :احمد انت جيت صح
مسكت اخوها ياسر وهي كل اللي ببالها انه احمد
مريم:تعرف كلهم يكذبون علي يقولون لي انك مت و انا ما بصدقهم تعرف ليش لاني احبك حيييل
ياسر وهو يكلمها ودموعه تنزل من حسرته على اخته و وفاة صديق عمره: مريم قوليلي من تبيني اواسي اواسيك انتي ولا اواسي نفسي
خلاص ماات مااااااااااااااااااااات افهميييييييي انه ماات وهو يصرخ باعلى صوته عشان تستوعب :مااات احمد ماات
بعدت عنه وهي مستنكرة الكلام اللي قاعد يقولها وحاطة اصابعها النحيلة على اذنها ما تبي تسمع كلامه اللي يطعن القلب
دخلت ام عاصم بعد ما سمعت صراخ ياسر و شافت بنتها بهالمنظر وتقطع قلبها ما استحملت ودمعت عينها
وفتحت يدينها لبنتها عشان تيجي لحضنها مريم ركضت لحضنها واتكئت على السرير و هي تصيح وتقول ما مات ما مات
ام عاصم قعدت تهديها و تمسح على راسها و تستغفر ربها وتدعي لها ببعد الهم والحزن والغم
بدري حبيبي تعال اجلس هنا اقبالي
ودي أملّي عيوني وخاطري بشوفك
أجلس يا دوبك وصار الوقت يهنالي
مدام سمحت لك الأيام وظروفك
ياما وياما سهرت الليل يالغالي
ارسم خيالك وعانق بالهوى طيوفك
جالسة تنوم ولدها سلطان و هي متكدرة الخاطر صارلها يومين وهي ما شافته
طفشت ما غير تقابل اولادها وبس جات ببالها فكرة هي تعرف انه يرد الساعة 12 من الدوام
والحين لسه الساعة 9 وفي وقت تتجهز راحت للمطبخ وسوت لازنيا و سلطة و حاجات بسيطة كذا
وصار وقت انها تتجهز لزوجها وحبيب قلبها عاصم راحت الغرفة وهي في بالها "شو راح البس الحين امممم ايه فستان السهرة الاحمر اللي ما لبسته الا مرة بعرس ازهار(صديقتها)
لبست الفستان الاحمر الضيق عند الخصر ويبرز شوي من مفاتنها ومن تحت كله كاروهات و طالعه تجنننن و حطت المكياج و اللون الاحمر الصارخ على فمها ولبست الاكسسوارت (خخخ اللي يقول رايحة عرس بس خلها تتكشخ لزوجها)
وقعدت تنتظر بالغرفة وهي حاطة الورود المجففة بكل مكان
رجع للبيت و هو علباله ان رهف نايمة وزعلان على نفسه ليش ما يجلس معاها
من زمان عنها دخل للبيت وهو كله شوق وحنين بداخله يبي يطفي شوقه بشوفتها
دخل لغرفة اولاده وباس كل واحد منهم وغطاهم كويس
وبعدها راح لغرفته تفاجا وهو يدخل بالورد المجفف المقطوط عند الباب
وابتسم وقال احب حركاتها احبها يا ناس
دخل وشافها نايمة على الكرسي الطويل بغرفتهم وشاف جمالها الملائكي اللي يحرك وجدان الواحد قرب منها
وباس راسها وهي حست وقامت وقالتله:وصلت حبيبي انتظرتك من زمان وما جيت وطفيت الشموع
عاصم وهو مبتسم من شكلها وهي زعلانة:حبيبتي والله كنت مشغول بس الحين يلعن ابو الشغل وطوايفه
رهف:هههههه عيل خلني اروح اسخنلك العشا
مسكها عاصم وعض شفته وقال :سؤال لمين كل هالكشخة
رهف :لك طبعا يا قلبي لمن غيرك يعني
عاصم:لا وبعد شو تبين تروحين تسوين العشاء لا حبيبتي تعالي
ومسكها من خصرها وقربها لعنده وقال لها:اشتقتلك حييل وغرقوا بعالم الحب والعشق
نرجع لبيت ابو عاصم
*
*
*
*
*
ام عاصم وهي جالسة مع زوجها بو عاصم
ام عاصم :ناصر والله حالها مو عاجبني تكسر الخاطر و قلبي ما يتحمل اشوفها كذا
ابو عاصم:يا رحمة يا حبيبتي انتم تظنون اللي تمر فيه سهل هي مرحلة وبتعدي
ام عاصم :اوووه يا برودك انزين شوف اي حل ترا اذا استمرت كذا بموت من الحسرة عليها
ابو عاصم:لالا بسم الله عليكي وعليها شوفي اذا استمرت على هالحال لاسبوع بنسفرها هي وياسر العمرة
ام عاصم :صح لسانك كذا ابيك ونعم الشور مو تقعد تبربر لي بهذاك الكلام
ابو عاصم:هههه فديتك يالله ابي شاي من يدينك الحلويين
ام عاصم و هي مستحية:و لا يهمك يابو عاصم
دخل وهو يصفر:ويوووووووووووووووووو ما نروم اش هالزين اش هالزين العيايز يتغزلون ببعضهم عاشوا
ابوعاصم:اول شيء اللي يدخل يسلم
هيثم: اوه صح نسيت السلام عليكم ورحمة الله وبركاته
ابوعاصم:ثانيا متى بتكون مثل اخوانك واحد دكتور والثاني مهندس وانت حتى
الباء مستخسرها علينا يا اخي حس بدمك انا ما ادفع ببلاش
هيثم وهو يحك راسه: احم احم السموحة منك ابوي بس تعرفني اذاكر واحاول
ياسر وهو طالع من المطبخ وبيده الكوفي يشربه يوم سمع كلام هيثم شرق بالكوفي
ام عاصم :وااي بسم الله عليك يا وليدي
هيثم:ايييه انت اشفيك ليش تطالعني كذا وبعدين من قالك ما اذاكر
ياسر :ايه هين مبين من غرفتك اللي الكتب مالتها من اولها لاخرتها ولا طاولتك اللي معرف بشو خرابيطه مملؤة
ابو عاصم: هذا هو هيثم ما يتغير
هيثم بنفسه(اوووف لازم يوم اجي البيت اكل تهزيئة من هنا وهناك ):انزين يبه بس بروح غرفتي شوي بيروح بس تذكر شيء
كيف مريومتي؟
ام عاصم:نشكيلك الحال وش بنخلي وش بنقول الضحكة ما عاد تضحكها الاكل ما تذوقها ولا تحس بطعمه
ياسر وهو متضايق:روح شوفها يمكن بتوافق تاكل
هيثم :بحاول معها كسرت خاطري عنجد كسرت خاطري
الضيقه اللي تقلبني واقلبها
يالله عساها طواري ليل وتعدي
لي يوم ثالث تجاذبني واجاذبها
الين شدت بيديها على يدي
ما كني الا قريب من قرايبها
وماكنها الا سليله من نمى جدي
دخل غرفتها وهو ماسك السلمي معاه (سلمان اخوهم الصغير )وماسكين رشاشة الماي
شافوها وهي ساكتة ولا نبست بكلمة زعل من خاطر بحالها ولكن مو هو اللي يشوف الناس زعلانين و ما يفرحهم لو عالاقل بسمه بس تكفيه :يالله يالسلمي 1 2 3 اضغط عالمووووووووووويه
السلمي وهو يرش المويه على مريم وهو فرحان صغير ما يدري بهمومها
وهيثم اللي قاعد يتقحم بغرفتها والربشة اللي صايرة
ابتسمت ايه ابتسمت من زمان ما ابتسمت
شاف ابتسامتها وقال لا لا ما بوقف وعطاها رشاش الماي قامت تقفز معهم و تلعب وهي فرحانة
وفجاة قالت:تعرف ناقص احمد معانا بس هو راح
هيثم: ايه راح يا مريم ولازم تتقبلين الواقع مو زين اللي تسويه ما يرضي الله ورسوله
مريم وهي تفكر بكلامه ايه والله ليش انا كذا اعمل بنفسي وباهلي لكن لالالا احمد مات ما يصير افرح كذا
:هيثم انت والسلمي رجاء اطلعوا من الغرفة ابغى افكر ابغى اجلس لحالي
هيثم وبدون اعتراض اخذ السلمي بس السلمي ما طاع يروح الا وهو يبوس خدها
باس خدها وابتسمت وباسته اشتاقتله كثيير اهملته الاونة الاخيرة
وطلعوا من الغرفة وسكرت الغرفة بالقفل
قامت تفكر بحياتها وتقول خلاص كل شيء تغير انا لازم اكمل حياتي لكن ما بقدر اقعد بديرة مثل هذي
كل مكان اشوفه يذكرني به انا الحين بطلع من الغرفة وبفرح امي واخواني وابوي من زمان ما قعدت معاهم اشتقتلهم
بس انا خلاص بسافر ولازم انهم يتقبلون هالامر خلني انام وبكرة يحللها الف حلال
نامت الانسانة اللي ما ذاقت النوم من اسابيع نامت وهي بقلبها دعاء يحفظ الميت و يحنن قلب الاهل ويوافقون
نامت وهي كلها رقة وطيبة واحساس نامت مريم
في حي من احياء القرم المنطقة الرائعة في قلب مدينة مسقط
وبالتحديد في بيت امل اخت مريم
مع العلم ان اخوات مريم التؤام مي وضي موجودين ببيتها وللحين نايمين
امل قاعدة تسوي الفطور الا وفهد يقرب منها ويمسكها ويقربها له :على فكرة اشتقتلك مووت وبعدين اخواتك ما خلوا عقل فيني
متى يروحون عشان ناخذ راحتنا ها وغمز لها
امل وهي تحط يدها على صدره وبدلع:حبيبي تحمل ترا كلها يومين وبيروحون
فهد :لا لا انا كذا ما اقدر قوميهم قوليلهم يتجهزون
وقرب بيبوسها الا واحدة تنط بوجهه واالثانية كمان
مي وضي بنفس الوقت:صباااااااح الخيييير
فهد وهو مقهور:ان لله وان اليه لراجعون صباح النور
امل وهي تضحك:احلى صباح لاحلى بنات
مي :عسى ما قاطعنكم بشيء هع هع هع
ضي:هو اصلا نحن ما قاطعنهم بشيء ولو يبون يسوون شيء الغرفة اقرب لهم
فهد:يا علكم الماحي من وين لكم هالسوالف اقول حبيبتي امول هذول عقلهم خربان اخاف يخربون عقل بنتي
امل فاطسة ضاحكة
مي:لا والله مو كنك انت اللي من ساعة حبيبتي وحبي وحياتي وقلبي
ضي:ومشتاقلك ومدري شو استحي على وجهك ياخي في بنات صغار بالبيت مو زين لهم كذا
فهد:الا يالعله انتي وهي متى بتردون البيت
ضي:يوم مريم تتحسن حالتها بصراحةالبيت قالب كئييييييب لاخر درجة
مي:ايه والله وانتي الصادقة
امل:قسم بالله قلبي معورني عليها عانت كثير والله كل ما امر عندهم اسمع صوت نحيبها
فهد:الحياة كذا ومردها بتقتنع صح وبعدييين انتم شايفين بيتي مو كئييب وجيتم تخربون عليه على فكرة وجودكم فيه يسبب الكائبة بحد ذاتها
اقول حبيبتي رايح الدوام قرب منها وباس خدها وطلع
مي وضي:مسكيييين
امل:حرررام عليكم طفشتوه الرجال بكرة بردكم البيت
ضي:اوووووووووووووووووووووووف
في بيت بوعاصم
الكل جالس بغرفة الطعام ويفطر بس في كرسي ناقصه شخص والكل مفتقدينه (كرسي مريم)
ياسر ترك الشوكة على الصحن:والله ما يسوى طعم الاكل بدونها
هيثم وقلد حركته:ايه والله
بوعاصم:بس انت وياه مردها بتنزل وبتاكل معانا
في غرفة بطلتنا قامت من النوم وهي كلها اصرار انها تتعافى من حالتها هذي و تنزل لاهلها كاول خطوة
راحت تتروش وطلعت من الحمام ولبست جينز وقميص نص كم عليها حركات الجماجم وهالاشياء يوصل للفخذ ولونه اصفر وابيض واسود وراحت للمراية تمشط شعرها قعدت تمشط شعرها وتشوف وجهها كيف ذبلان و كيف صارت نحيلة من بعد الماساة اللي صارت ................
قاعدين ياكلون بهدوء لا حس ولا هم يحزنون الحزن مخيم عليهم على حالة اختهم وبنتهم كمان
الا وفجأة يسمعون خطوات تتجه اليهم ما صدقوا اعينهم يشوفون بنتهم نازلة لهم من زمان عنها
ياسر وهو يقوم من مكانه ويبعد الكرسي لها عشان تقعد وهيثم اللي قاعد يغرفلها الاكل فرحت وزعلت بنفس الوقت عشانها حرمت اهلها من شوفتها لوقت طويل المهم قالتلهم صباح الخير
والكل رد عليها :صباح النور
هيثم:صباح النور والسرور لاحلى نور
مريم:ياه ياه ياه كل هالترحيب لي انا وبس فديتني
ياسر:اذا ما رحبنا فيكي نرحب فمين
مريم:ايه ترا لازم مو انا مريم بنت ناصر
بوعاصم وهو فرحان بشوفتها:اكيييد مو هي بنت ناصر
ام عاصم:ههههههه والله انكم حالة
هيثم وياسر يودعون اهلهم بيروحون دوامتهم :يالله فمان الله
ام عاصم وبوعاصم ومريم:يالله في وداعة الرحمن
في منزل عاصم
رهف في الدوام واليوم عاصم هو اللي يجالس الاطفال هههه مسكين حتى الفطور ما يعرف يسويه
راح للمطبخ وهو كله علباله يسوي مفاجاة حق زوجته ويطبخ لها الغداء هي والعيال سكر باب المطبخ
و طلع الخضروات وقام يقصهم باحتراف ومررة اوكي وبعدين طلع العيش وخلاه بالماي في وعاء على النار (قال ايش الاخ يبي العيش يغلي من متى العيش يغلي يا نااس) وقعد ينطر ساعة وشاف العيش مو قاعد يغلي راح اخذه وكبه في الوعاء اللي بيقدم فيه الاكل وقال خلاص مانيب متعب نفسي بزيادة قام سوى السوس والصالونة وكب فيهم الملح كب (اظن اللي بياكل هالاكل بيجيه قرحة) ولاحتى نظف المطبخ وطلع راح ينتظرها بالميلس ............................................................ ................................................
رجعت البيت واللهفة حارقتها تبي تشوف شسوى زوجها اليوم ويا العيال فتحت البيت الا وتلاقي زوجها وعيالها قاعدين قدام التلفزيون (الاخ مسوي جلسة ابوية حقهم)ويطالعون التوم اند جيري وهدووووووووووء عالاخر ومرتاحين والبيت نظيف وفررررحت كثير العيال اول ما شافو امهم ركضووا لها وباسوها بخدها و قام عاصم راح لها وباس راسها وسلم عليها ومسكها من يدينها وداها لغرفتهم
عاصم:اقولك لبسي بسررررررعة عشان لا يفوتك الغداء للي طبخته لكم
رهفوهي منصدمة:نعم اي غداء
عاصم:لا تسالي كثير انتي بس جهزي حالك وتعالي
رهف وهي مستغربة:اوكي ولا يهمك ثواني وبجي
راح بسرعة و جهز الغداء في غرفة الاكل بمساعدة اولاده
دخلت لغرفة الطعام وهي كلها شوق تاكل الغداء اللي طبخه عاصم دخلت وشافت اولادها وزوجها ينطروها قاعدين زي الملائكة جلست مكانها وهي تبتسم لهم واخذت تغرف لها الاكل وعاصم يطالعها ولا حتى غرف الاكل مسيكين يبي يشوف ردة فعلها سمت بالله واكلت اول لقمة وكحت
رهف:احم احم عصومي حبيبي شو حطيت بالاكل مكونات
عاصم:اعررف حبي مكوناتي سررية وما تطلع بس لعيونك (ملح وشوية حاجات غيرها)
رهف:اهااا عنجد مكونات سرية بس بنصحك نصيحة
عاصم:تفضلي حبيبتي
رهف: ههههههههههههههههههههههههههههههههههههههههههه لا تطبخ مرة ثانية كثرررت بالملح
وشافت اولادها وهم قاعدين يغصبون نفسهم بالاكل عشان خاطر ابوهم وفطست ضحك مرة ثانية
عاصم وهو مقهور:اخ بس اخ وانا اللي كارف نفسي من الصبح واطبخ واغسل وانظف جني حرمة بيت لعيونك اخ بس اخ
رهف:لا حبيبي لا تقول كذا انا مقدرة كل اللي تسويه وفددديتك وراحت له وباست خده هاا وهذي بوسة لك هديتي
عاصم بخبث :لا حبووبة هديتي حاجة ثانية بعدين بقولك اياها
رهف وهي مستحية:لالالا ابي اشوف واجبات العيال
عاصم وهو يغمز لها :عااادي ارحب فيكي باي وقت
رهف ضحكت و قعدوا يتغدوا بهداوةوبدون ازعاج ممكن يعكر صفو حياتهم الحلو
في بيت ابو عاصم
بالتحديد مريم وابوها قاعدين مع بعض ومريم تفاتحه بموضوعها
ابو عاصم: طيب ليش يا بنتي تبغي تسافري هالمدة كلها
مريم :تبيني اقولك ليش كل مكان كل زاوية تذكرني فيه وتقولي ليش ابغى اسافر
ابوعاصم:انزين وش دخل فرنسا بالتحديد اشمعنى هي
مريم:ابغى اكمل دراستي هناك باخذ تخصص طب جراحة
ابو عاصم وهو مستسلم عارف ان بنته عنيدة:خلاص اللي تبغي تسويه سويه وانتي كبيرة وبالغة وفاهمة ما يحتاي افهمك شيء
مريم وهي تحب راسه وفرحانه على موافقته:شكرا تسلملي يا احلى اب بهالكون
ابو عاصم:روحي قولي لامك هذا الكلام
ضحكت مريم وهي مستعدة لحياة جديدة وصفحة جديدة
راحت لغرفة امها ولاقتها قاعدة تقراء القران بخشوع وبكل احساس و فهم لمعاني هذا الكتاب العظيم
ام عاصم:صدق الله العظيم
مريم:تقبل الله
ام عاصم:منا و منكم صالح الاعمال هاا يا بنتي شو تبغي
مريم:امي جيت ابقولك عن حاجة بس اوعديني انك تكوني مساندتيني
ام عاصم:شو خوفتيني لا تتخذي قرارت مالها معنى
مريم:لا هالقرار له الف معنى و ان شاء الله بتوافقي عليه لان ابويا وافق
ام عاصم وهي مستغربة:شو هالقرار بالله
مريم:انا قررت اسافر لفرنسا جاني عرض كورس لمدة ثلاث سنوات تخصص طب جراحة
ام عاصم :شو تتوقعي جوابي بيكون
مريم:مدري
ام عاصم:مريم مو انا الام اللي تحرم اولادها من شيء فيه مصلحتهم بس قبل لا تتسرعي وتروحين ابيك تستخيري وتقوليلي رايك
مريم:ان شاء الله يمه تسلميلي والله الحمدالله على ان عندي اهل متفهمين زيكم
راحت لغرفتها
وهي ببالها (ما راح انساه هو دووم بقلبي وعقلي وروحي )
جتني ظروف للكدر مستعده
قامت تحدد لي الاحزان ميعاد
مرة مع حظي ومرات ضده
واليا تكدر خاطر القلب تزداد
في دنية خلقت على الناس نده
مردودها للخير تجرح واجهاد
إتجي على المظلوم وتبيح سده
واتجي على الظالم تساهيل وامداد
والصدق فيها ما لقى من يعده
والكذب يلقى له مع الناس شهاد
واللي فقد حق عجز يسترده
يصبح على تسديدة الدين معتاد
اليوم في بيت الجد ابو ناصر اجتماع العائلة وطبعا الكل لازم يكون هناك وبطلتنا مريم كانت جاهزة ومتوترة وحزينة
عالكلام اللي بينقالها وعلى الكلام اللي هي بتعلنه للعائلة مهما كان في ناس ما يحبون الخير لها الا ان في كثير بالمقابل ناس يحبونها
سمعت نداء امها لها عشان تسرع وتنزل تحت يلحقون عالعزيمة قبل لا تبدا ويساعدون جدتها
نزلت كل خطواتها تدل على انها قوية وثابتة شافتها امها وهي فرحانة ان البنت واخيرا قررت تطلع من عزلتها
راحوا للسيارة ركبت مع ابوها وسلمت عليه واخوانها لاحقوهم بالسيارة
وبعد مضي وقت من الهدوء والسكينة داخل السيارة وصلوا الى منزل الجد بوناصر ونزلوا
بس وقفهم صوت مريم :ابوي امي انتوا روحوا انا بجي بعد شوي بس ابغى اهيئ نفسي قبل لا ادخل
بوعاصم تقبل كلامها برحابة صدر :عادي ماكو مشكلة خذي مفتاح السيارة
اخذت المفتاح وهي ممتنة لابوها اللي دوم يفهم عليها
دخلت المفتاح وشغلت السيارة ودتها لوراء بيت جدها خخخخ قصدها ما تبي حد يشوفها الود ودها لو تهرب
قعدت تقريبا لربع ساعة بالسيارة وهي ما تبي تدخل داخل... الا وتشوف احد يدق عليها من جامة السيارة لاقت عمها الصغير باسم
باسم:ايااااااااااااااااا الحرامية خارجة من القانون هاا
مريم فتحت الجامة وهي مصممة ما تفتح قفل السيارة:ايه عندك مانع
باسم:ول ول ول صايرة شريرة اقول حبيبتي انزلي لا اجي واجرك من اذونك وادخلك داخل
مريم :يااخي بسوم يمكن تخليني بحالي لاني مابي ادخل داخل
باسم:وليش يا حظي خايفة من الحسد
مريم عطته نظرة حزن وهم فهم من خلالها كل شي
باسمربخيبة امل :لا مو مريم هذي اللي تخاف تنزل و تسمع كلام الناس مو مريم هذي اللي تضعف بلحظة بصراحة كلميني يوم ترجعين مريم الاولية انا رايح فمان الله
استوقفه صوت مريم:انزين انززين خذني معاك
وطلعت من السيارة وصكتها وراحت مسكت يده ودخلت معاه وهو راسم شبح ابتسامة على وجهه لانه عارف ان مريم مستحيل تزعله(واثق الاخ)
دخلوا بالبداية مجلس الرجال عشان تسلم على جدها وعمانها لبست طرحتها زين ودخلت(وقفة هني حنا عندنا عادي ببعض المناطق البنات يكشفون وجههم على اولاد عمانهم بس الشعر لا ) متعودة على جدها دووم يسميها جوهرة البنات ويعزها اكثر وحدة من كل حفيداته دخلت وجدها فرح كثيير بشوفتها
بوناصر:هلا والله بجوهرة البنات هلا بحبيبة جدها مريوم
مريم راحت له وحبت راسه:هلا والله فيك يا جدي
بوناصر والفرح يشع من عينه:والله اشهد اني فرحت بشوفتك وانا جدك وينك يابوك عني
مريم:يا حبيبي يا جدي والله اني موجودة بس *وهي تحاول تداري الدمعة من عينها*تعرف بالظروف اللي صارت
بوناصر وهو زعلان على حالتها وهو ماسك يدها:قولي لا اله الا الله
مريم بحزن :لا اله الا الله
العم صالح وهو يحاول يبعد جو الحزن
العم صالح:اشوف من لقى احبابه نسى اصحابه اخ بس يا صويلح وين ايام اول الحلاوة والدكاكين اخ بس اخ
ضحكت مريم وراحت لعمها وحبت راسه :هههههههههههه هلا والله فيك عمو قسمن بالله شفت جدي ونسيت انك هني
العم صالح :ايه والله اشوف ترا المهم اخبارك شمسوية وينك يا معودة لا تيجي عندنا البيت ولا عاد نشوف وجهك وه وه احلويتي
مريم وهي مستحية :اصلا انا من اول حلوة ههه لا والله عمي انت ادرى بالظروف
وسلمت على اولاد عمانها كلهم وراحت لمجلس الحريم وهي كلها استعداد تسمع القيل والقال عنها
تبي تدخل الا وتتفاجاء باخوها هيثم من وراها وخرعها
هيثم:بووووووووووووو
مريم صرخت بخفيف وهي مرتاعة:كف على وجهك هالحين انت تبي تخوفني ولا تخوفني
هيثم:لا اخوفك ههههه
مريم:اوووف ثقالة دم
هيثم:الحين بتدخلين
مريم:ايه يعني وش تشوف بالله انا وين موجودة بقسم الحريم
هيثم وهو يتميلح :حبيبتي مريم تعرفي اني اخوك وحبيبك و
قاطعته مريم:هاتها من الاخر
هيثم:ابغى ادخل معاكي
مريم:ايش ايش تدخل وبعدين يمكن بنات عماتي وعماني ما عليهم جلال واصلا اصلا انت ليش تبى تدخل
هيثم:ليش يعني ابغى اسلم على يدوه وعماتي
مريم :اوكي هاا خلاص بتدخل بس قبل خلني اسويلك درب
هيثم:ليش عادي كووول لاه
مريم وهي تضربه على كتفه:عيل خلاص ماكو دخلة
هيثم:ها ها خلاص حرمت يالله بسرعة سوي لي درب
مريم وهي تدخل مجلس الحريم
دخلت وسلمت على عماتها وهم يهلون فيها وناسية ان هيثم برى يحتريها
مريم:عمتي رية وين يدوه
عمة رية:مو موجودة هني راحت للبلد في عزاء بتوصل المغرب
مريم:اهااا اوكي اوووووووووبس نسيت هيثم برى
عمة رية:حرررام عليكي دخليه بسررعة فديته من زمان عنه
مريم:ههه اوكي
مريم راحت لهيثم:هههه تعال نسيتك
هيثم وهو زعلان:ما احسن تخليني اتعفن بعد يالله مشينا
دخل عند الحريم والرجال مسوي فيها مستحي
اول ما وصل عند عماته سلم عليهم كلهم
وطبعا الموال يتردد عليه وينك ما تنشاف ليش وليش وشو
اول ما وصل عند عمته الصغيرة فلهااا
هيثم:اوووووووووه عزوز ة
عزة:ماااااااااااالت يا علك الماحي وش عزوزة مفروض تناديني عمتي
هيثم:حبيبتي يا عزة انتي صغيرة كيف تبغين حد يناديكي عمتي والله حالة اللي يبغون يكبرون نفسهم بالغصب
عزة:تسكت ولا تسكت
هيثم:الخيار الثالث اسكت ههههه
عزة:اقوول هيثم ورى ما تروح ترى مافي احد هنا
هيثم:على فكرة اصلا انا جاي اتكلم معك في موضوع مهم
عزة:انزين تفضل
هيثم:لا ما يصير عموتي لازم نروح لمكان ماكو فيه احد الحديقة افضل
عزة :خوفتني خلا عيل
ان شاء الله عجبكم البارت اتمنى اشوف ردودكم يا جماعة فديتكم
تقبلوا تحياتي
اخت الفارسة
|
26-01-11, 08:24 AM
المشاركة رقم: 1
جديد مواضيع قسم الارشيف
العرض العادي
