المنتدى :
العناية بالشعر
اسرار صبغات الشعر والعنايه فيه تفضلي
السلام عليكم ورحمه الله وبركاته
ان شاءالله انكم بخير وبصحه وسلااااااامه
اتمنى موضوعي ما يكون مكرر يا رب واقدر اشرح بوضوح وتوصل المعلومات دغري عالمخ من غير برمجه لاني هالموضوع بالذات ما فهمته الا يوم درسته وحفظته وطبقته فالدوره الشعر اللي ماخذتها من خبيره والمنتدى هذا بالذات غييييير عن باقي المنتديات المنتديات اللي تبخل بالمعلومه لنفسها ما تبي احد زيها وانا ما راح ابخل عليكم باذن الله مع اني مو اخصائيه بس هوااااااايه الشعر والمكياج والحنا والنقش الاشياء التجميليه كلها المهم الموضوع شوي طويل بس ياليت تقرونه لانه بيفيدكم وبيغني عن المشاغل بقوه بعد تصيرون انتو تسون الصبغات بالبيت بمساعده اخت او اي احد طبعا من دفتري والمحروس مخي انا جالسه اكتبه لكم
بسم الله نبدا وتوكلنا على الله
الصبغات
راح نتكلم بالتفصيل يعني الشعر اللي فيه شيب والشعر الاسود مرررره والاسود العادي والشعر المصبوغ او اللي فيه لونين اسود من فوق ومصبوغ من الاطراف او من تحت والشعر اللي فيه حنا اسود او حنا احمر
طبعا كلنا عارفين ان احسن انواع الصبغات ويلااااااا
واغلب المشاغل يستخدمون بحكم انه زين وسعره مناسب مره ومعقول يمكن الانبوب الواحد ب 18 ريال وعلى حسب طول شعرك :
الشعر الطويل 4 الى 5 عبوات
الشعر المتوسط الطول 3عبوات
القصير عبوه الى عبوتين
وكل انبوب صبغه يساوي 60 مل من الاوكسيجين
والاكسجين بعد له انواع
20%يستخدم لحواجب ولصبغه الشعر لون دااااااكن ويخلط مع الصبغه الاحمر بدرجاته
30 % لصبغات الشعر باللون البني او الخصل الذهبيه لا الثلجيه
40% هذا قوي شوي على الشعر لانه اسرع في صبغ لون الخصل الي نبيها وبعض المشاغل يحطونه يقولون اسرع اما لو حطو 30% ياخذ وقت لما تصبغ الخصل <<معصبه عليهم المهم يستخدم في الخصل الثلجيه او في سحب اللون
عموما 30% للخصله الذهبيه و 40% للخصله الثلجيه
فيه 60% بس مو موجود بالسعوديه لاضراااااااااااااااااااااره لدرجه انه يسبب سرطان وهو للالون الفاتحه جدارمادي رمادي فاتح اشقر فاتح جدا
ادوات الصبغه الشعر والمهمه هي :
1-فازلين ونحطه على حواف الوجه علشان ما يصبغ اللون في الوجه لو صار وساح الصبغه على الوجه والرقبه
2- غطاء بلاستيك للشعر
3- فرشه لتلوين الشعر
4- وعاء بلاستيك للصبغه وتلقينها بمحلات التجميل او نزيه لانه للمشاغل
5- اوكسيجين
6- قفازات بلاستيكيه
سحب اللون:
ما انصح اي وحده فيه لاضراااااااااااااااااااااااااااااااااااره الكبيره على الشعر اذا انتي ناويه عليه نيه شينه سوي له سحب لون غير كذا مفعوله مؤقت يعني اول شي ما يعطي الون اللي انتي تبينه لما تسوينه وتصبغين بيجي اغمق ثاني شي تشوفيه بالمغسله اللون فليه من الاساس تسوينه <<تهوش معليه الانفعال
تنبيه
تعودي ما تغسلي شعرك قبل الصبغه لحمايته من ضرر الصبغه
وفي صحن الصبغه حطي ملعقه شامبو او بلسم حتى يخفف الضرر ويرطب
انصح باشامبو نونو او بلسم نونو اقل الشامبوهاات مواد كيميائيه
اســـــــــــــــاس موضوعنا وهو الدمج والصبغات:
اول لون
درجات الاحمر :ما تدمج مع اي لون والون الاحمر لو صبغتيه ما يطول في الشعر ابد مؤقت يعني لا تستغربين لو كم شهر وراح الون من شعرك
حالات الشعر:
1-اذا كان الشعر فيه حنا عادي احمر مهب اسود:
انصحها ما تصبغ تخلي اللون ينزل وتقص شعرها بعدين
تصبغ اللون اللي تبيه اما اذا راسها يابس تبي تصبغ يعني تصبغ ممكن تسوي سحب لون اذا هي تبي درجات البني بس يكون اغمق من اللون اللي هي تبيه حتى لو كان غامق ومؤقت بعد
اما اذا تبي تصبغ درجات الاحمر تقدر تسويه من غير سحب لون ممكن تصبغ ومعروف الاحمر ودرجاته مؤقت
2- اذا حاطه حنا اسود مهب عادي تنسى تسوي في شعرها اي شي حتى سحب الون ما ينفع معه ابد ولا تمليس ولا صبغه ولا خصل وميش هذي قاعده اساسيه
3-الشيب:يكون الاكسجين في الصبغه مهب 30% لايكون 20 % ويفضل لو تبي درجات الاحمر تختار الالوان الغامقه مو التدرجات الفاتحه
4- اذا مسويه صبغه سودا او حاطه لود بني غامق او بني متوسط:
تقدر انها تسوي سحب لون لكن ما يطلع اللون المطلوب ابد اغمق طبعا ومؤقت<<ابلشتيا مع هالكلمه
درجات البني والالوان الفاتحه:
الحالات:
1- اذا كان اسود جدا:
ثلجي فاتح جدا+مع اللون المطلوب +30% طبعا مثا ما قلنا كل انبوب صبغه =اوكسجين 60 مل
2-اذا كان اسود عادي يصبغ فيه اللون بسرعه او بوقت معقول
أشقر فاتح+مع اللون المطلوب +30%
3- اذا الشعر فيه كثر من لون مثلا 4 الوان او 3 الوان وفيه كذا بس نادرتحط لون بني فاتح بعدين تسوي الالصبغه اللي تبيها
اذا الشعر اسود عادي وفيه صبغه وخصل نصها ونصها اسود من فوق يعني نزلت الصبغه فيه حلين:
*حل تحط بني فاتح بعدين اللون المطلوب
*حل تحط اللون المطلوب من غير أشقر فاتح
4- اللي فيها شيب وتبي اسود:
*تحط بني فاتح انتبهو مو بني غامق او متوسط لا بني فاتح مع اوكسجين 20%
الميش مثل ما قلنا:
30% اوكسجين
لخصل ذهبيه بدرجاتها الثلاثه
40%
البلاتيني
طريقه الصبغه :
نقسم الشعر 4 اقسام
ونبدا نسمي بالله ونحط الصبغه الا الجذور لانها تصبغ بسرعه بخلال ربع ساعه حتى الشعر المصبوغ طرافه نفس حالة الجذور
وبلاستك على الشعر لحد ما يصبغ الون على حسب الشعر بعدين نصبغ الجذور والاطراف اذا كانت مصبوغه من اول طبعا من تحت لفوق
حبايبي:
يفضل قص الاطراف بعد الصبغه او اذا كنتي ناويه تقصين قصي بعد ما تصبغين
وعالجي شعرك الحمام الزيت اللي يستخدمونه اغلب المشاغل اسمه بورسكاين بالثوم افضل شي هم يسونه 40 ريال وهو اصلا سعره ب 40 ريال ويكفيك والله اكثر من شهرين
مهم جدا:انك تستخدمين لون الشامبو نفس لون شعرك اذا اشقر استخدمي شامبو ابيض واذا اسود نفس الشي او كحلي واذا لون شعرك بني استخدمي لون الشامبو برتقالي واذا احمر بعد استخدمي احمر علشان يحافظ على اللون في شعر وما يصير باهت
انتهى الموضوع اتمنى اني ما خليت شي طبعا اول موضوع لي بالطريقه هذي ما عرفت اسوي خلفيه ومنيب شاطره بالفوتو مره والا كان عدلت موضوعي وارضيتكم اكثر ان شاءالله
فديتكم انتهى
منقووووووول
|
21-01-11, 12:34 AM
جديد مواضيع قسم العناية بالشعر
العرض العادي
