1- كيف وجدت ليلاس اول مرة ..صديق او موضوع او ......؟
أول مرة عرفت ليلاس من جوجل كنت بدور على رواية من روايات أحلام و فجأة لاقيت كنز ظهرى منتدى روايات أحلام المكتوبة
2-ما هو التاريخ الذي سجلت به في ليلاس (الشهر و السنه )؟
فى الشتاء بظن فى شهر 12 عام 2010
3-لماذا سجلت في ليلاس ؟
لأنى لاقيت كنز زى ما قلت من قبل أعشق الروايات الرومانسية و خصوصاً روايات أحلام و عبير و للآسف أنا ساكنة بمدينة فى أقصى جنوب مصر ومش متوافر الروايات كتير دايمن بجيبها لما بنزل العاصمة فكان ليلاس بالنسبة ليا كنز وقعت عليه
4-ما الذي لفت انتباهك اول مرة ؟
الألفة و الترحاب و لأول مرة فى حياتى بسجل فى منتدى و أتفاعل
5-هل تساءلت يوما عن معنى كلمة ليلاس ؟و هل تعرف معناها الان؟
فالأول ما كنت بعرف المعنى لغاية ما نزل موضوع عن معنى الأسمو عرفته
6-ماهو اكثر قسم محبب الى قلبك ؟
أغلب الأقسام اللى مشاركة فيها روايات عبير و أحلام و قسم الروايات المترجمة حصريات العبق رغم أنى ضيفه مقلة هناك لكن يظل قسم روايات أحلاو و عبير المكتوبة المقربين جداً إلى قلبى
7-هل لديك مدونة ؟ اذا كانت الاجابة نعم فلماذا فتحت مدونةو ان كانت الاجابة لا فلما لا ؟
لا مش عندى , أممممممممم مش عارفة ما فكرتش أفتح مدونة علشان أنى مش ماهرة فى التعبير و أظن ده بيكون واضح فى ردوى
8-من اول صديق لك في ليلاس ؟
أول صديقة ليا فى ليلاس و اللى تعتبر معلمتى و أستاذتى و اللى جرتنى بمعنى الكلمة أنى أكون عضوة فعالة فى ليلاس هى العززيزة على قلبى ريحانتى العطرة Rehana
9-هل تحدث الاخرين عن ليلاس ؟
أكيد طبعاً لأنى عايشة فيه فلازم لما بتكلم مع صديقاتى بتكلم عنه
10-هل تجذبك احيانا منتديات اخرى و تتمنى لوكنت فعالا فيها ؟
بأتمنى لو أنى فعالة أكتر فى العبق و فى المقهى بس للآسف أنا كسلانة
11-ماذا ينقص ليلاس في رايك ليكون احسن مما هو عليه؟
أنا متحيزة ليلاس و بتمنى له دوام التألق و التقدم لكن الكمال لله ما بينقصه شئ فى نظرى
يمكن أنا بينقصنى أنى يومى يكون 48 ساعة فى اليوم علشان أقدر أقضى وقت أطول فيه
12-ان كنت مشرف فهل انت راض على قسمك من حيث التفاعل و المشاركات؟؟
أنا عضوة صعنونة مش أكتر أتمنى أنى أكون استحق العضوة دى
13-ما القسم الذي تتمنى الاشراف عليه ؟
اشراف مرة واحد كتير عليا قوى لكن لو السؤال أجبارى يبقى منتدى روايات أحلام أو عبير المكتوبة
14-لو كان لديك الصلاحيات في حذف او اضافة قسم ما فما الذي تريد حذفه او اضافته؟
بالمنتديات اللى متبعها ولا قسم يستحق الحذف بل اتمنى أنهم يظلوا دايمن عامرين و ذاخرين بالقائمن عليهم
15- لديك الميكروفون و عليك بالقاء كلمة فما هي كلماتك لطاقم الادارة
و المشرفين و الاعضاء
أحم أحم على فكرة أن مش ضليعة فى القاء الكلمات و عندى رهاب الوقوف قدام الميكرفون
فى البداية احب أحيى طاقم الأدارة و المشرفين و المشرفات و الاعضاء و كل أسرة ليلاس اللى بفتخر و أنى فرد صغير جداً من هذا الصرح العظيم كل المجهود اللى بتبذلوه و جهودكم هى سبب فى رقى و تقدم ليلاسنا و كل كلمات الشكر و التقدير
ما بتوفيكم حقكم و لا بتبين مدى أمتنانى و لا فخرى أن جزء منكم أنا مش بتصفح ليلاس ولا حتى بقضى وقت فراغى هنا
أنا بكل ما تعنيه الكلمة عايشة بـ ليلاس لدرجة أنى فى بعض الأوقات بضايق أنى بشتغل و بحس أن وظيفتى
بتعطلنى على التفاعل مع المنتدى أو أنى أقدم للمنتدى ما يبين مدى تقديرى و أمتنانى
من أعماق قلبك شكرا للادارة المحترمة شكراً للمشرفين و المشرفات اللى بيكونوا قمة فى الرقى و التواضع و التفهم فى التعامل شكراً لكل العضوات و أتمنى دايمن كل الخير للجميع
16-هل انت راضي على ما حققته في ليلاس ؟؟
الحمد لله أنا ببذل قصارى جهدى و أتمنى أنى أقدم الأكتر دايمن
17- ما سر اختيارك لاسم عضويتك في المنتدى ؟ ^^
أول ما دخلت المنتدى سجلت بأسم nona1979
كنت مقررة أنى اقرأ الرواية اللى كنت بدور عليها و لاص علاقتى بالمنتدى تنتهى
لما أصبحت عضوة فعالة و قررت الاستمرار غيرت الأسم الأول ما كنت بعرف أنى ممكن أغير اسمى لكن لما عضوة صديقة ليا غيرت أسمها غيرت اسمى
سر الأسم كنت زهرة اقتبسته من ريحانة و هى الوحيدة اللى بتعرف ليه
منسية كان حال بطلة فى رواية كنت بقراها وقتها للصديقة الغالية اللى بتمنى أنها تكون بألف غير نيو فراولة
تقديراً لـ ريحانتى أخدت زهرة و حبا فى البطلة أخدت صفتها فاصبحت الزهرة منسية الليلاسية
22-08-14, 09:58 PM
رد: ♥ •:*¨`*:•.☆ حكايتنا مع ليلاس ☆•:*¨`*:•.♥
جديد مواضيع قسم قهوة ليلاس
العرض العادي
