كاتب الموضوع :
جينان
المنتدى :
القصص المكتمله من وحي قلم الاعضاء
البارت العاشر اتمنى انه يعجبكم وأسفه على التأخير
صحت الصباح على غير العاده وراحت مع السواق ووقف قدام المكان اللي راح تتوظف فيه وهذا أول يوم دوام لها
سحر:يالله ما ادري ليه متحمسه و متوتره وتذكرت كلام عبير(لاتخافين ولا تحاتين وسمي بالله وتوكلي عليه وان شاء الله كل شي تمام) مع انها ما بينت لأحد انها خايفه لأنها تعتبر هالوظيفه كبداية جديده لها بس عبير حست فيها وعرفت كيف ما تدري بس هي مبسوطه لان علاقتها مع أختها تحسنت كثير
سوت اللي قالت عليه عبير وسمت بالله ودخلت سالت عن مكتب المدير ووصلت .دقت الباب ودخلت شافت رجال كبير مبين عليه انه محترم ومكتبه فخم أكيد مؤسسه ضخمه مثل هذي أكيد صاحبها غني أصلا أبوي ما يعرف إلا هالطبقه من الناس
سحر:السلام عليكم
المدير:وعليكم السلام
سحر:معاك سحر عبدالمحسن ذياب أتوقع الوالد كلمك عني
المدير:ايه تفضلي اجلسي
سحر:شكرا...انا جيت علشان اعرف مكان عملي لاني ابغى ابدأ على طول الشغل
المدير:أكيد وآنا معجب بحماسك راح اطلب من احد الموظفين يوصلك لمكان شغلك
سحر:شكرا...وفعلا دقايق إلا وهي واصله مكان شغلها كان في مكتب كبير في معاها بنتين وكان هالمكتب في ممر يشمل مكاتب ثانيه
دخلت وسلمت وكان أشكال البنات مريح بالنسبه لها هي صحيح معاها سكرتاريه بس بعد ما عرفت كثير من الرجال في الحفلات ما كانت تبغى تكون سكرتيره ويكون لها مدير يزعجها فطلبت من أبوها انها تشتغل في مكان ثاني وحمدت ربها ان معاها شهادات من دورات كمبيوتر ولغه انجليزيه وغيره
جلست على مكتبها و جاتها وحده من البنتين
البنت :مرحبا فيس انا ساره
سحر:آهلين
ساره:حبيبتي اخذي راحتس هنا وآنا....وهي تضرب صدرها :بالخدمه أي وقت
البنت الثانيه:يا شيخه ارحمي البنت أمداها تجلس تصكينها بهذرتس
ساره:نوير اتركي عنس اللقافه ..وتلتفت لسحر:ما قلتي لي وش اسمس
سحر: سحر
ساره وهي شاقه الحلق:احنا هنا صديقات وأنتي...وهي تغمز لها:بتدقينها صحبه ويانا وتصيرين وحده من الربع
نوره:يمكن البنت ما تبغى تصادقس غصب هو
ساره:لا عاد تكفين يا ست الحسن والدلال تموت وتصادقس يا ملكة جمال السودان
نوره: سودان في عينس يا أم السعف والليف
سحر:ههههه انتو دائما كذا
ساره:كيف كذا
سحر:تتهاوشون
نوره:ايه كل يوم لو ما اتهاوش معاها استمرض
ساره:بسم الله عليس يا بعد عمري لا كله ولا صحتس ولا يهمس انا بصبح عليس بكفوف وامسيس برفسات
نوره شهقت:يهههههه رفس يرفسس يالخبله
سحر ما قدرت تستحمل:ههههههههههه
ساره بهبل:يا حليلها يا نوير هماني اقولس اننا بنعجبها وتدقها صحبه معانا ما صدقتيني
نوره:ههههه على العموم معاس اختس نوير من أهل الباديه
سحر:شلون يعني من الباديه
نوره:محسوبتس انا وياها من الجنوب بدويات أصيلات بنات خاله
ساره:عاشوا أهل الجنوب ..وهي تهز كتوفها وشوي وترقص
سحر:والنعم ههههه والله شكلكم فلاويات
نوره:سوير كأني أحس هالكلمه مسبه
ساره وجاتها حالات الغباء:لا لا وآنا اختس يمكنها هجاء ولا رثاء مثل المتنبي
سحر:ههه لا هذي مدح معناتها كوميديات
ساره:اها فهمت يعني زي اللمبي
سحر:هههه ايه
نوره:مالت عليس انت وش دخل ذا المصري المصلع
سحر في نفسها:شكلي بحبهم
وظلت تسمع سوالف سوير ونوير اللي بسرعه اندمجت وياهم وهي نادرا ما تكلم احد بس يمكن لان هذولا حستهم غير عن كل اللي عرفتهم
(ساره ونوره بنات من الجنوب جمالهم بدوي كوميديات وراعيات نشامه وفزعه ورجه هم بنات خاله توظفوا في هالمكان مثل سحر بالواسطه وهم 24 ساعه خناق وهواش بس كل وحده سند للثانيه وقلوبهم على بعض)
يا حبي للجنوب وبنات الجنوب فديتهم كلهم والله
&&&&&&&&&&&&&&&&
قاعد وراء مكتبه والموضوع اللي قبل أسبوع لحد الحين شاغل باله ويفكر في الكلام اللي دار بينهم
&&&&&&&&&
قبل أسبوع
&&&&&&&&&
طلال:حمد بغيتك في موضوع
حمد:خير
طلال:خلنا نروح مكان علشان نقدر نتكلم
راحوا محل كوفي وبعد ما طلبوا قهوه تركيه
حمد:خير يا طلال وش السالفه
طلال:ابغى اخطب
حمد بفرحه:أخيرا ما بغيت هذي الساعه المباركه لا تقول لي دور لي ولا أوصي احد ترى انا ما اعرف في هالامور
طلال:لا ابغى اخطب بنت عمك الجوهره
حمد تفاجأ واختفت ابتسامته:ايش
طلال:اللي سمعته
حمد سكت ومارد
طلال:ليش ساكت تكلم إذا لك خاطر.....
قاطعه حمد :لا تكمل مو كذا الموضوع بس انا قلت لك من قبل البنت بترفض
طلال:انت ليش واثق
حمد:انا اقولك لاني اعرفها زين ولانها ما تبغى شي غير انها تربي إخوانها اللي تعتبرهم عيالها وهي رفضت ناس كثير حتى على حياة جدتي اللي هي أغلى شي عندها ما قدرت تقنعها تتوقع انها بتوافق عليك انا ما اعتقد
طلال وهو يطالع مكان كأنه بعيد:لا تخاف بتوافق
حمد مستغرب ان طلال واثق:وش اللي يخليك متأكد انها بتوافق
طلال بابتسامه:إحساس
حمد:كيفك انا قلت لك وأنت حر
طلال:أهم شي انت معي
حمد:أكيد معاك انت اخوي ولا نسيت
طلال:تسلم يالغالي
رجع لعالم الواقع على دخلت طلال عليه
حمد:انت ما تعرف تطق الباب ابد
طلال:لا عاد ذي المره ظلمتني لاني طقيت الباب بس انت ما رديت قلت ادخل
حمد:ايه صدقتك
طالا:ها وش رايك بفطور برا الحين
حمد:إذا عليك ما شي
طلال:هههه ول عليك صدق بخيل
حمد رافع حاجبه:انا بخيل وآنا من شهر وآنا كله أفطرك وأرباح الشركه نصها رايح في بطنك
طلال: ههههههه اوكي على حسابي هالمره
وطلعوا يفطرون ويكملون سوالفهم
&&&&&&&&&&&&&
في الجامعه
&&&&&&&&&&&&&&
وهي تمشي زي العاده مع الجوهره وتغني وفالتها على الأخر
دلول:وبحب الكشري المصري بالعدس والرز الأبيض....وتصدم في الدكتوره المصريه
الدكتوره المصريه:أنتي ايه ما بتبصيش أدامك
دلول:كنت سرحانه وما انتبهت
الدكتوره المصريه:آه يا أختي أكيد سرحانه بتراقعي وتتزكري المعلومات اللي اتالت في المحادره يا فالحه
دلول ما عجبها الكلام ولو سكتت بتموت:لا دكتوره كنت سرحانه في محاضراتك اللي من كثر ما هي روعه ما يحتاج أذاكر للامتحانات
الجوهره حاضره وطلعت عيونها على رد دلول وطولت لسانها الي حتى الدكتوره ما سلمت منها
الدكتوره بعصبيه:طيب ايه رايك انك مش حتدخلي ولا محادره من النهارده وأخر السنه حرسبك في الامتحان
دلول:والله النجوح والرسوب بأيد رب العالمين مو بأيدك...ومشت وخلت الدكتوره وهي معصبه و تتحلطم
الجوهره:دلول وش فيك انهبلتي الحين لو تموتين ما راح تنجحك
دلول:مو بكيفها غصب عنها بذاكر وبنجح وبعدين تبغينها تغلط علي واسكت تخسي إلا هي
الجوهره:استغفر الله بس متى تعقلين
وجلسوا والجوهره اسألها ولا لا إلا اسألها وأمري لله
الجوهره:دلول
دلول:نعم
الجوهره:بغيت أسالك وش رأي في ماجد اخوي
دلول استغربت:مجود ليه تسالين
الجوهره:جاوبيني وبعدين اقولك
دلول:عادي لسانه طوي ولزقه ونشبه في لحلق
الجوهره لحول الله
الجوهره:لا اقصد لو تركنا عنا الهبال وش رايك فيه كشخصيه وكرجال مو واحد 24 ساعه هواش معاه
دلول ارتبكت:والله...يعني ما عليه كلام ...اقصد ما ادري ما اعرف أوصف
الجوهره وهي تناظرها وتبتسم :انا قلت رايك ما قلت أوصفي
دلول:احم ما عليه كلام مثل ما قلت بس أنتي ليه تسالين
الجوهره وتمثل الفرحه وهي تقوم:ابد بس بغينا نخطب لماجد وما اعرف أي بنت غيرك اسألها رأيها بس الحمد لله طمنتيني قلبي إذا أنتي اللي 24 ساعه هواش وياه مدحتيه فأكيد البنت اللي بنخطبها بتوافق عليه يله انا بروح الحق على المحاضرة
وراحت وتركت دلول اللي تحاول تستوعب اللي قالته
&&&&&&&&&&&&&&
قاعد معاهم وهم ما بطلوا سوالف ابد وهي حست كأنها تعرفهم من زمان وكل ما صعب عليها شي سألتهم وهم يجاوبونها برحابة صدر
ساره:بنات انا بطني يقرقع
سحر:يعني
نوره:يعني جويعه
سحر:قصدك جيعانه
ساره:ايه وش رأيكن نروح الكافتيريا ونشتري شي نأكله
نوره:والله فكره ما هيب شينه وش رايك سحوره
ساره:اوكي يله
قاموا وهي تمشي بالممر لمحت شخص تعرفه زين ظلت واقفه شهقت والبنات لفوا عليها
نوره:بسم الله عليس وش صاير
وأبو شملان التفت وتخبت سحر وراء نوير
سحر:خبوني بسرعه
ساره بغباء:الله يهديس هذا وقت لعب الغميمه
(الغميمه هي انك تتخبي والكل يدور عليك)
نوره:انشبي غميمه في عينس
سحر:اوووش امشوا و أنتوا مخبيني وراكم
ساره:ما طلبتي شي على ذا الخشم.....ومشوا لحد ما غابوا عن نظر ابو شملان
ساره:وش بلاس وش فيس انخشيتي(معناها تخبيتي)
سحر:ابد شفت احد ما بغيته يعرف إني اشتغل هنا
نوره اللي حست ان سحر ما تبغى تتكلم:اوكي يله نروح نشتري تراني ميته جوع
وراحوا وشروا من الكافتيريا وهم راجعين
سحر طلعت عيونها :لا لا مستحيل هاليوم مو معقول ابد هاللي تشوفه قدامها مو معقول
وقفت متسمره في مكانها و ساره ونوره واقفين جنبها ويطالعون وش هي تناظر.وسحر تردد في عقلها:لا لا مستحيل
&&&&&&&&&&&&&
طلع من مكتبه بسرعه خاف يتأخر عليهم وهو متفق معاهم ان هو اللي عازمهم وصل المطعم شاف الكل ينتظره اعتذر عن التأخير ومر الوقت بعدها كله سوالف وضحك وبعد الغداء ودعهم عن باب المطعم علشان بيروح البيت يرتاح
لفت انتباهه بنت صغيره شافها من قبل قرب لقاها راحت باتجاه بنت كبيره قاعده على الأرض قرب وشاف هالعيون اللي مستحيل ينساها وهي شافته بعد فتره قامت البنت من مكانها ومسكت يد أختها وبتمشي
فيصل:حنين أنتي حنين
حنين:هذا انت خير وش تبي
فيصل:وش تسوون هنا
حنين:مالك شغل مو انت رفضت تساعدنا
حمد وهو يشوف أشكالهم وما رد
حنين لما شافته ما رد مسكت يد أختها وراحت تقطع الشارع وفيصل ركب سيارته يبغى يعرف وين تروح وشافها تمشي وتركب سياره كان سواقها رجال شايب شكله مقزز هذا هو الوصف اللي وصفه فيصل بالرجال وحركت السياره وهو وراها وشوي شاف السياره توقف ونزلت هي وأختها وتروح تجلس عند محل ويشحذون
حرك سيارته وهو يفكر معقوله اللي قالوه صحيح يخليهم يشحذون ويضربهم بدون سبب وآنا رفضت إني أساعدهم يا الله
&&&&&&&&&&&&&&&&&
قاعده تكلم ومبسوطه انها تصبح وتمسي على صوته
شوق:ههههه
اسامه:فديت هالضحكه والله أرفقي علي
شوق:خلاص عاد
اسامه:ااااه متى يجي العرس
شوق:ليه مستعجل
اسامه:اسألي قلبي اللي مو قادر يصبر
شوق حست ان في احد عند الباب
شوق:اسامه حبيبي لحظه شوي
اسامه:طيب يا روحي
مشت بخطوات خفيف وفتح الباب بسرعه وطراااااخ
شهد طايحه
شوق:وش تسوين وراء الباب
شهد:ايييي ها لا ..ولا شي .....وانحاشت بسرعه
شوق:اوريك يا الخايسه تتسمعين خليني اشوفك والله لأعلقك من أذانيك في المروحه
ورجعت لأسامه وهي تتوعد في شهد انها تذبحها
&&&&&&&&&&&&&&&
قاعدين على طاولة العشاء مجتمعين والجوهره غمزت لميري اللي فاهمتها وهي متفقه وياها وهم يسولفون لفت انتباههم اللي قالته الجوهره لخالتها أم عبدالمجيد
الجوهره:ما دريتي يا خالتي
ا عبدالمجيد:بوشو
الجوهره وهي تمثل الفرحه:دلول انخطبت
سمعوا اللي كح
ماجد:كح كح كح كح
أم عبدالمجيد:بسم الله عليك يا وليدي عطوه ماء
الجوهره بابتسامه:ماجد انتبه لا تسرع بالأكل بعدين تغص
ميري:والله واجد هلو يعني هزا في عرس
الجوهره:أتوقع
أم عبدالمجيد:زين زين والله دلول تستأهل كل خير
ماجد:أنتوا ليه مستعجلين البنت ما بعد وافقت
الجوهره:من يقول انا اليوم يوم قالت لي وسألتها وهي عاد استحت وقالت أي الولد زين وما عليه كلام وتمدح فيه يعني خالصين
ميري:والله هرام
عبدالمجيد:وش الحرام
ميري:هزا دلول زواج ما في اقدر أجي هنا كل شويه
عبدالمجيد:كل بنت مصيرها الزواج...ويطالع الجوهره
الجوهره عرفت ان يقصدها كملت أكل وما اهتمت لتلميحه
ماجد تضايق وقام:الحمد لله
أم عبدالمجيد:اقعد يا وليدي كمل أكلك
ماجد:شبعت..وراح غرفته
ميري:والله هرام والله كسر قلب مال انا
الجوهره:وش أسوي يا ميري لازم أسوي كذا علشان اعرف
ميري:ههههه والله أنتي خطير...وتهز راسها وتكمل: واجد خطير
الجوهره:ههههههه افا عليك انا الجوهره والأجر على الله
بعد العشاء قامت وراحت غرفته وطقت الباب
ماجد:تفضل
الجوهره:ممكن أكلمك ولا مشغول
ماجد: حياك
الجوهره وهي تجلس على طرف السرير:وش فيك
ماجد وهو يرجع يناظر اللاب توب:ما فيني شي
الجوهره تنهدت بقصد:اااااااه
ماجد:أنتي اللي وش فيك
الجوهره:ابد بفقد دلول
ماجد: الله يهنيها
الجوهره:وبتخف زيارتها لبيتنا ويمكن ما عاد تقدر تجي ابد
ماجد باستغراب:ليش
الجوهره:لان اللي خاطبها مو من هنا من الشرقيه يعني إذا تزوجته لازم تسافر
ماجد في نفسه:لا مستحيل دلول تبعد ولا عاد اشفها
ماجد:مو لازم تتزوجه
الجوهره وهي تستدرجه:يعني تعنس
ماجد:من قال بتعنس
الجوهره:إذا ما أعرست أكيد بتعنس
ماجد:ومن قال ماراح تعرس
الجوهره:ليش انت بتتزوجها
ماجد طلعت عيونه وسكت ورجع يناظر اللاب توب
الجوهره صكت اللاب توب وماجد صار يطالعها وقالت بصوت هادي:تحبها
ماجد تفاجأ وش السالفه لها لدرجه مفضوح والكل يدري :ها من تقصدين
الجوهره:دلول من اقصد يعني
ماجد: وش تخرفين انا أحب هذي أم لسان
الجوهره وهي تقوم:انا قلت لو تحبها انا ممكن أخرب عليها وما أخليها تعرس وتأخذها انت بس الظاهر كنت أتوهم أشياء مو موجوده
ماجد ساكت ..والجوهره كأنها بتطلع وهي واثقه انه بيناديها وفعلا قبل ما توصل للباب قال لها:تقدرين
الجوهره بغباء:على ايش
ماجد بارتباك:يعني م...ما تخلينها تعرس
الجوهره:ليه
ماجد وصار يطالع أي مكان إلا الجوهره:انا بغى....ابغى..أتزوجها
الجوهره: قل لي يا اخوي انت تحبها
ماجد وهو منزل رأسه:ما اقدر أتخيل ان يومي يمر بدون ما أشوفها ...وبابتسامه باهته:ولا اسمع لسانها الطويل ولا أشوف عيونها
الجوهره:ماجاوبتني تحبها ولا لا
ماجد:لا ما أحبها إلا اعتقد إني اعشقها
الجوهره:تعتقد
ماجد:ايه لما تحسين انه دايم في بالك وما تقدر تشيلينه من تفكيرك وتحبين كل شي فيه حضوره وصوته وتذكرين حتى ريحة عطره وش تسمين هذا مو عشق ..بس هي بتتزوج .....وبسرعه ورجاء في عيونه قال:بس أنتي قلتي ممكن تساعديني وتخربين عليها
الجوهره:ههههههههههه
ماجد:خير وش اللي يضحك
الجوهره:لان دلول لا مخطوبه ولا شي
ماجد عيونه طالعه:احلفي بس أنتي قلتي انها انخطبت
الجوهره:والله انا الفت القصه علشان اعرف انت تحبها ولا لا ..وأزيدك من الشعر بيت انا شاكه انها تحبك وبعد ما اتاكد بعلمك
ماجد شل الجوهره وصار يدور فيها وبعد ما نزلها:ههههههههه يالزفته طيحتي قلبي من مكانه وبغيت أغص بالأكل وأموت يعني لو مت بنات منتدى غرام بيذبحونك
الجوهره:ههههههههه فديتهم والله هالبنات
ماجد:جوجو من جدك هي تحبني
الجوهره:والله انا شاكه بس الله اعلم مع ان ما عندها سالفه تحبك انت وع
ماجد خذا المخده وصار يضربها لحد ما طلعت من الغرفه وهي تسمع صوت ضحكاته
&&&&&&&&&&&&&&
كلمه وقال انه يبغاه في موضوع
أم عبدالمجيد:عسى ما شر وش هالموضوع
عبدالمجيد:والله ما ادري يا يمه علمي علمك
أم عبدالمجيد:خير ان شاء الله
الخدامه:بابا في واحد برا ابغى آنتا
عبدالمجيد:أكيد هذا هو بروح أشوف وش السالفه
أم عبدالمجيد:روح يا وليدي
راح واستقبله ورحب فيه وبعد شرب القهوه
طلال:انا عارف انك ودك تعرف سبب جيتي لك ولحالي
عبدالمجيد:وش دعوه تشرف بأي وقت
طلال:تسلم
شوي ودخل ماجد وسلم عليه وجلس
طلال:انا بدخل في الموضوع على طول انا جاي ويشرفني اطلب القرب منكم
ماجد وعبدالمجيد طارت عيونهم ويطالعون بعض
طلال:وأتمنى ما ارجع مردود الخاطر
عبدالمجيد:والله ما ادري وش اقولك ..وسكت
ماجد:والله اختنا ما تفكر بالزواج ابد لأنه سبق وجاها عرسان ورفضتهم ورفضت الفكره من الأساس
طلال:انا ابغى منكم شغله بيسطه وأتمنى ما تردوني
عبدالمجيد:أمر ما يردك إلا لسانك
طلال:ما يأمر عليك عدو ابغاكم تسألونها وتعطونها فرصه تفكر حتى لو قالت لكم رافضه بعد عطوها فرصه تفكر وتراجع قرارها
ماجد:بس
طلال:ما ابغى شي ثاني
عبدالمجيد:ان شاء الله
طلال:يله انتظر ردكم النهائي علي
عبدالمجيد:اللي فيه الخير يقدمه ربي
وسلموا عليه وطلع
ماجد: عبدالمجيد انت وش رايك
عبدالمجيد:والله طلال رجال والنعم فيه و احنا بنسوي اللي وعدناه فيه وبنقولها وبنعطيها فرصه تفكر واللي كاتبه ربي بيصير
ماجد وهو يهز رأسه:والنعم بالله
توقعاتكم انتظرها
سحر من شافت وخلاها تتصلب كذا؟
دلول هل تحب ماجد وهل الجوهره بتعرف الجواب على هالسؤال؟
فيصل وبعد اللي شافه كيف يكون موقفه؟
طلال وخطبته للجوهره هل راح توافق ويكون طلال استثناء عن العرسان اللي قبله؟
دمتم بود
|
08-01-11, 10:01 PM
جديد مواضيع قسم القصص المكتمله من وحي قلم الاعضاء
العرض العادي
