يا اخوي يا عزوتي يا ضحكتي وبكاي

البارت الاول

قصتي تتحدث عن فتاه في مقتبل العمر تبلغ من العمر 23 عام
تعيش في مجتمع ممتاز إلى حد كبير يشاركها هذه المعيشه أخ لها تربطما علاقه قويه لانهما توئم وقد فقدا ولديهما في سن مبكره جدا .. نبدأ تفاصيل الروايه ...
ساره فتاه جميله أنيقه جدا يهمها مظهرها الانيق وتأسر الكل بتعاملها الطيب وقلبها الكبير (بطلة الروايه)
خالد اخو ساره رجل اخذ من ساره جمالها لإنه توئما متواضع جدا حبوب سريع الغضب ولكنه يملك قلب كبير وحنون
وباقي الشخصيات سيتم التعرف عليها من خلال ظهورها في الروايه

ساره: خالد يا خالد يله قووووم واقفه على راسه وهو مطنش ويلف للجه الثانيه ويرجع الملحف عليه
ساره بإصرار :خالد قووووووم تأخرت
خالد: زين خمس دقايق بس خمس دقايق
ساره وهي تضحك: خلوود يعني وش بتفيدك هالخمس الي بتنامهم يله قووم وترفع الملحف عنه وتتجه للشباك عشان ترفع الستاره ( غرفة خالد كبيره وحلوه فيها انسجام بالالوان الاسود والذهبي >>لون الفخامه )
خالدوهو يحط يده على عينه من قو النور: يااااه هذاني قايم
ساره:طيب انا بروح اكمل لبسي على ماتخلص وطلعت من الغرفه
بغرفة ساره الهادية الالوان والمتمثله بالونين التفاحي والأصفر الباهت ساره تضع اللمسات الاخيره على حقيبتها وتزين شكلها وبكل ثقه ترسل لنفسها بوسه من المرايه رن جوالها وطااارت ترد عليه لأنها عارفه مافيه غيرها بيدق هالوقت
ساره :هلا والله يا مرحبا وسهلا حي الله هالصوت
يمنى: يؤ يؤ يؤ هذا وانا ما قلت الو (يمنى صديقة ساره الروح بالروح وتوئم روحها ما تعرف تخبي عنها شي ابد ابدا صديقتها من ايام الابتدائي وهم مع بعض بنت محترمه ومؤدبه وما تعرف للخربطه واللف والدوران طريق حلوه وانيقه تمتلك عيون جميله سواء ويزيدها جمالا اللمعه التي لا تختفي ابدا منها جسم جميل لا يمكن لأحد ان يصد عنها يوم يشوفها الي اقدر اقوله لكم انهم اكثر من خوات)
ساره: يا بعد عمري انتي ما يحتاج تتكلمين عارفه كلامك الي زي العسل
يمنى:شخبارك وشلونك هاه جهزتوا ولا باقي
ساره: لا باقي تو خالد قايم وانا خلصت باقي بس البس عباتي الا قولي لي وش مقعدك من صباح الله خير
يمنى : يا قلبي قعدت عطيت امي دواها وقلت اطمن على حبيبة قلبي اذا طلعت ولا لا
ساره: ياه يا يمنى الله لا يحرمني اخوتك ياااااااارب هذا انا انتظر الاستاذ خالد
يمنى: اوكي حبي كلميني اذا وصلتوا لا تنسين
ساره: ان شالله من عيوني يله يالغاليه مع السلامه
سكرت الخط وقعدت تضبط حلقها الناعم
خالد وهو مسوي روحه معصب: وبعدين يعني قوم قوم وحضرتك تكلمين وتعدلين حلقك
ساره هذا انا خالصه والله خالصه لا تصارخ يا أخوي الحبيب وتبوسه على خده
خالد وهو يضحك : ههههه يالعياره وين الشنط عطيني اياهم بحطهم بالسياره
ساره وبكل فخر: الشنط من امس بالسياره
خالد: خبله انتي وشلون راحوا يمشون مثلا؟!
ساره:لا ماراحوا يمشون لكن مو صعبه اني اخذ المفاتيح واسحبهم واحطهم بالسياره
خالد وعيونه المركزه على اخته : يعني ماخذه المفاتيح وانا مدري ويحط يده على الباب عشان يمنعها من انها تطلع من الغرفه
ساره الي حست ان اخوها بيعصب: انا ماكان قصدي شي بس بس كنت ابي اساعدك شوي
خالد الي ما يقدر يمكل دور المعصب لآنه يعرف ان اخته حساسه مره : لا تعودينها مره ثانيه
ساره : ان شالله ماي بق براذر
خالد: بسم الله عليك الحين يقول اكبر منك بعشر سنين ترا كلها 4 دقايق
ساره: ان شالله لو نص دقيقه بتصير اخوي الكبير الحبيب على قلبي تبي فطور؟
خالد: لالا خلينا نفطر من اقرب بوفيه عشان يمدينا نوصل....

وفي السياره وبعد ما فطروا وبدوا يمشون بالطريق
ساره: خالد
خالد: نعم شو فيك
ساره: شرايك نمر على السوبر ماركت وناخذ كم شغله لخالتي
خالد:ليش احنا زي عيالها وانتي عارفه بتفكير خالتي ان ودينا شي بتحط بخاطرها اننا مسوين ضيوف عليها
ساره: مو كذا قصدي بس كنوع من المساعده وانت عارف خالتي اذا رحنا عندها ما تخلي شي ما تسويه وش فيها اذا رحنا وبيدنا شي والكل يحب الهديه
خالد الي اقتنع بكلا اخته:كلامك صحيح بس انا بعد خايف ان خالتي تعصب وتضايق وبعدين شناخذ لها
ساره: ان قالت شي انا بكلمها ما عليك يعني خلنا نشكل عصير وفواكه وكذا يعني
وصلوا للهايبر الخاص بالفواكه ووقف خالد
ساره ترفع شنطتها عشان تفتح الباب
خالد: وين نازله ؟؟
ساره :بنزل معاك يعني وين
خالد : لا ماله داعي تنزلين راح اخذ الاغراض بسرعه وارجع ماله داعي العيون تتربص فينا وحنا نمشي بالماركت
ونزل وقفل الباب عليها
رجع خالد وهو يأشر للعامل على السياره bmw (عشقي) يفتح الابواب ويفتح الشنطه حقت السياره عشان يحط العامل الاغراض
خالد : هاي ويحط الكيس الي بيده ورا
ساره وهي صاده للجه الثانيه: هايات من غير نفس طبعا
ويحرك كان الصمت سيد الموقف ساره زعلانه على خالد وخالد يفكر انه ما يبي يسرع وبنفس الوقت يبي يوصل لخالته (أم فارس) بسرعه ام فارس هي الخاله والام لهم ربتهم بعد وفاة امهم وبحكم انو ما عندهم اعمام مالقت اي معارضه من احد انها تتكفل فيهم وتكبرهم الين ما اشتد عود خالد ورجع يباشر عمل ابوه الي كان متوقف مده
بسبب وفاة ابوه وتبعد عنهم خالتهم قرابة الساعه والنصف الى الساعتين.
خالد يقطع على ساره التفكير: جبتلك العصير الي تحببينه ويمد يده لها بالعصير ويكمل اشربيه لا يحتر
ساره بزعل: مابي شكرا
خالد: ليش
ساره: بس مابي شي
خالد: وشوله البوز شبرين ههههههههه
ساره: كيفي
خالد بجديه: ساره شفيك عاد
ساره الي لفت عليه وعيونها تتراقص بعينها الدمعه: انا توني ادري انك متضايق من الشبه الكبير الي بيني وبينك
خالد بستغراب مصحوب بنظرة حنيه : والله ما قصدت هذا الشي يا ساره
ساره وهي تكمل وتأشر بيدها من الانفعال:قصدك ولا مو قصدك الرساله وصلت وصدت وهي تمسح دمعتها الي عاندتها ونزلت
خالد الي لف وجهها بيده وهو يشوف دموعها : والله يا عمري انتي اني ماحبيت شي كثر ما حبيت اني اشبهك وتشوفين كيف اتمنى ان ربي يرزقني بزوجه زي جمالك وحلاوتك ساره لا تصيرين كذا والله اني ماقصدت الي فكرتي فيه
وانا اسف وحقك علي
ساره توخر يده وترجع تطالع الشارع : .............
خالد: خلاص عاد انا اسف وان شالله اموت لو كان هذا قصدي
ساره بشهقه عاليه: لالالالا الله يخليك لا تقول كذا وصوت بكاها يعلى الله يخليك يا خالد لا تقول كذا مو كفايه اني
فقدت امي وابوي وأنا بأعز الحاجه لهم ما ابي افقدك يا خالد الله يخليك لا تعيدها أهئ اهئ وتصيح بصوت مسموع الشي الي عور قلب اخوها ما يحب يشوف دمعتها لانها وغاليه عنده كثير وشوف انها نور عيونه
خالد بستعطاف: ساره الله يخليك خلاص لا تصيحين
ساره: انا مستعده اسمع تذمرك كل يوم وكل ساعه وكل دقيقه بس مو مستعده مو مستعده (وكانت دموعها تعبر عن الي كانت بتقوله)
خالد: يا اختي يا حبيبتي الله لا يجيب فرقى بس خلاص انتي لا تصيحين هدي خلاص واساسا وشوله تصيحين
ساره: ليش انت مو مستوعب شقاعد تقول
خالد: يعني يوم قلت بموت يعني خلاص بموت ولا انتي تبين تصيحين وبس
ساره تدف كتفه: اقول استريح بس ولفت
خالد وهو يضحك: بتشربين العصير و قبل لا يحتر ولا لا
ساره: بشربه كل همه العصير
خالد: هههههههههههههههههه الله لا يحرمني منك يا عمري
رن جوال ساره: الوو هلا والله
يمنى:هلا فيك هاه وصلتوا
ساره: لا للحين ما وصلنا اذا وصلنا راح اكلمك
يمنى: لا تدقين رسلي مسج انا ادري ان خالتك تضايق من الجوال وماتحب احد يكلم عندها فيه ولا ابيها تضايق
ساره بحب: فديتك يا شيخه
يمنى : هههههههههه سويره يا عمري انا يمنى موب شيخه
ساره: طسي بس مع ذا الوجه
وسكرت التلفون
خالد : اعوذ بالله يالله من هالي داق من صباح الله
ساره: يمنى
خالد يبي يغيض ساره: ايه انا عارف ان هي محد دمه ثقيل الا هي
ساره: تراني ما اسمح لك لا تتكلم عليها فديت قلبها والله ما الاقي زيها
خالد: اوك اوك هدي اعصابك
ساره: اعصابي هااااااديه الا ما قلت لي وش جبت لخالتي
خالد: خذت لها فواكه وعصيرات
ساره: زين سويت
خالد وهو يكلم اخته بجديه: بس ان زعلت ترا انا مالي شغل بقول انك انتي الي شاريه الاغراض
ساره وهي تمد يدها للمسجل : قول عادي
بهذا الوقت رن جوال خالد
خالد: مرحبا
....:هلا استاذ خالد شخبارك
خالد: بخير الحمدالله انت كيفك وكيف الشغل معاك
....: كل شي اوكي ان شالله
خالد : الله يجزاك خير يا ماجد ما تقصر والله انتبه على الشروط الجزائيه اقراها زين لين اجي
ماجد: ابشر مالك الا الي يرضيك يا استاذ خالد
خالد: يله بحفظ الله وسكر الجوال
ساره بجديه: خالد
خالد بشبه سرحان: همممم
ساره: ليش كذا واثق في بسكرتيرك افرض مو اهل الثقه
خالد بكل ثقه : ماجد مستحيل يسويها هذا مو بس سكرتير يا ساره هذا اخو دنيا واثق فيه اكثر ما اثق بنفسي
انه يهتم بكل الشغل وبالطريقه الصحيحه
ساره : الله يتمم يارب وما يخليك تنخدع بأحد يارب
ويعود السكوت يخيم على المكان الا من صوت الراديو المخفض ما يقارب الربع ساعه
خالد: الوووو شفيك ساكته
ساره:مافيني شي ابد
خالد:الا غريبه ساكته
ساره وهي منهكه بالتفكير: افكر من الي تستحق انها ترتبط بأخوي وحبيبي
خالد بستنكار: نعم نعم نعم وانتي من جدك انتي الي بتختارين
ساره: ليش عندك مانع ؟
خالد: لا طبعا بس انا ما افكر اتزوج الحين
ساره: طيب انا ما قلت الحين بس انا اقلب براسي من الي تستاهلك ووالي تصلح
خالد: هههههههه ليش انتي الي بتتزوجينهم؟
ساره: باااايخ لا طبعا بس انا الي بعيش معاهم
خالد بجديه : ومن قالك اني بخليك تعيشين معاها؟؟؟؟؟؟؟؟؟!!!!!!

يتبع

خالد بجديه : ومن قالك اني بخليك تعيشين معاها؟؟؟؟؟؟؟؟؟!!!!!!
ساره وتتجمع بعينها الدمعه(ما اسرع ما تصيح) : افا يا خالد وين بتوديني
خالد: طبعا ماراح اقطك بوديك بيت زوجك <<<<<خرعت البنت يالدب
ساره بحده: من قالك انا اصلا ماراح اتزوج الا لين تتزوج انت واتطمن انها بنت زينه واحن مني عليك
خالد وهو يور كلامها: مستحيل بتلاقين وحده اكثر منك حنه ورنه وازعاج هههههه
ساره :....................... مكشره
خالد: امزح امزح والله كل الحريم الدنيا ما يغنوني عن اختي وكل هلي
ساره بدلع وترمس بعيونها: ليه انا نازله من السماء فيه زيي كثير بس انت ماتدري
خالد: أنا اول شروطي انها تكون نفس طبعك هاديه وحنونه وتخاف علي
ساره: ابشرك انك بتلاقي هذي المواصفات واحسن بعد
خالد بحنان: انا ما ابي احسن من كذا انا ابيها مثلك
ساره من قلب وبكثير من المحب الي ماتقدر تعبر عنه بالكلام: يارب يا كريم يا اخوي انك تلاقي بنت الحلال الي تسعدك وتهنيك وتحفظ غيبتك وتفرح قلبك
خالد: امين يا بعد قلبي انتي
ساره: يعني حاط في بالك الزواج وتقول لا مو حاطه
خالد: لا حطيت ولا شلت انا ماني حاط في بالي الا اني اعقد الاتفاقيه مع الشركه الي عارضه علينا المساهمه وما اكذب عليك يا اختي ان قلت لك اني مو قادر انام او ارتاح
ساره:طيب انت ليش محتار كل هذا اتكل على ربك وان شالله بيكون معاك
خالدبهتمام واضح ونظره على الطريق : انا متكل بس هذا الشي ما ينفع معاه الحسف يعني لو عقدت الصفقه وطلعت هذي الشركه مو قد المسؤليه راح اخسر كل الي بنيته
ساره بخووف وأهتمام واضحين على وجهها : طيب لييش تورط روحك خلاص خلك لحالك لا تعقد صفقات مع احد
خالد: لا يا عمري لازم اسوي هذا الشي لاني بلحالي ما بقدر لازم يكون معاي شريك اعينه ويعاوني....(وبين على وجه خالد الضيق من كثر ما هو خايف من الخساره ان تعاقد ومن الخساره ان ماتعاقد واحتار بين امرين احلاهما مر
طبعا خالد يشتغل في شركة ابوه الي هي شركة مقاولات عامه تشمل كل شي مواد بناء وكهرباء يعني شركه كبيره ولها وزنها بالسوق واي ضربه تجيه ممكن انه يخسر كثير من سمعته الي حاول يبنيها مع صديق ابوه الي ماتركه الا لمن تعلم كل اصول الشغل وتعلم كيف يوقف على رجله بعد الطيحات الي طيحوه فيها هوامير السوق مسك معاه كل شي والي يشوف خالد ما يعطيه عمره ابد طول بعرض بثقافه والمام بأغلب الامور الي تهم الشغل وبمخ تجاري محنك يعني الي يسمع عنه ما يعطيه اقل من 40 سنه وكثير الي يشوفونه يستغربون كيف عشريني وله الباع الطويل
في المعرفه بأمور الشغل ) سرح خالد وتذكر صديق ابوه وتنهد بسره وقال الله يرحمك يا عمي بو احمد والله لو لله ثم انت كان الله ما ادبر شي لف على اخته الي احترمت سكوته وسكتت
خالد: يا عمري لا تخلينا نتكدر ما بقى شي ونوصل للغاليه مانبيها تضايق ولا تشوف ان فينا شي مكدرنا

في بيت ام فارس
ام فارس : مره تجاوزت 45 لكنها ماشالله مرتبه وتحب الجمال والزين مو طويله مره على كبرها لكن مزيونه
فارس: ولدها الكبير عمره 28 مو متزوج ماشالله مثقف وموضف وهو الي يصرف على البيت ومو مخليهم محتاجين شي يعني حالتهم الماديه ماشالله زينه
فطومه : الاخت الصغيره والدلوعه تحب فارس لكنها تنقهر منه اذا عصب عليها عمرها 23 بعمر ساره حلوه ورشيقه وتحب دايم تمزح وتونس امها نقطة ضعفها ابوها لانه توفى وهي صغيره وكانت تنقهر لمن تشوف الاباء ياخذون بناتهم وهي ماعندها ابو تحب الموضه بس بحدود يعني ماتتبع كل شي تحب الشي الي يناسبها ذوقها قريب من ذوق ساره بحكم اننهم ربو مع بعض<<<<<<مادري ليه طولت فيها شكلي حبيتها :$
في الصاله وعلى الكنب المريح جدا
ام فارس: الو هلا يمه وينكم ابطيتوا لا يكون مو جاين
خالد: هلا والله حي هالصوت وشلون مانجي يالغاليه اقتحي الباب ترانا عنده
خالد وساره وهم داخلين : السلام عليكم
ام فارس: وعليكم السلام والرحمه والاكرام يا هلا والله تو مانور البيت
خالد وهو يحب يد خالته: منور بهله يا خالتي
ساره وهي تحضن خالتها وتبوس راسها: شلونك يا خالتي عساك بخير ليش انتي فاتحه الباب كان خليتي الشغالات وشوله قايمه
ام فارس: وهي طايره من الفرح ان عيال اختها او بالاحرى عيالها عندها من زمان ماشفتهم يا بنيتي ان ما قدرت اوصل للباب مشي احبي انتو عيالي يا يمه
ساره : فديت قلبك يا خالتي الله لا يحرمنا منك يارب
ام فارس : فاطمه يا فطووووم
فاطمه وهي تطلع للحوش : نعم يمه شفيك وليش طالعه وسكتت
ساره الي مدت يدينها لها: هاي يا قمر
فاطمه الي طارت تركض لها: هلالالالالالالالا والله يا مرحباااااااااا اهلين وسهلين وحشتيني والله مووووت
فاطمه ما انتبهت لخالد وكانت لابسه بجامه برمودا وطالعه سيقانها وبلوزه من غير اكمام
ام فارس: يا بنت استحي على وجهك شوفي الولد واقف
فاطمه الي نفجعت من الحيا راحت تركض داخل
خالد : ههههههههههههههه خالتي فشلتيها والله تراني صاد
ام فارس : معليه ياوليدي هي ماتسمع الكلام خلها تتأدب وتعرف تلبس لبس ساتر تفضلوا يمه
دخلوا لا تضلون على الباب واقفين
دخل الكل وهم يضحكون على فاطمه انها ما انتبهت لخالد وطالعه بعصاقيلها
صحيح انهم يكشفون بس يكون اللبس ساتر عادي وعليهم ايشارب يغطي شعرهم
بعد ما ارتاحوا بالصاله وخذوا علوم بعض وما افتكوا من ازعاج فاطمه الي بدلت لبسها ولبست ايشاربها ونزلت
خالد: خالتي
ام فارس: هلا يمه
خالد: وين فارس
ام فارس: بتلاقيه بالديوانيه الي عند البيت يالغالي انا ماقلت له انكم بتجون حتى بالعصلى ما قلت لها اعرف لسانها مفلوت
فاطمه: يمممممممممممه وش عصلى هذي رشاقه يمه شفيك
ام فارس : والي يرحم والديك شوفوا نفسكم بالمرايه كيف وتقولي رشاقه بالله هذي اجسام بكره وراكم زواج وعيال بالله وشلون بتجيبون عيال وانتو ما تتغذون والكلام موجه لها ولساره
فاطمه : ............... تفشلت واستحت
خالد: احسن يا خالتي انك ما قلتي له عشان ما يكلف على نفسه بشي ووقف يبي يطلع
ام فارس: وين يمه اقعد
خالد: بروح لفارس يا خالتي بسلم عليه وبجيبه
ساره: خالد نزل الاغراض من السياره قبل لا تروح
خالد: خليها لين اجي ما بطول
ساره بستعطاف : طيب انا بغير
خالد: لين اجي طيب
ساره: طيب انتبه لنفسك
طلع خالد وقعدت ساره وفاطمه وامها يسولفون وياخذون الجديد والقديم <<حريم يعني وش نرتجي منهم


طبتم قراءه ممتعه
اختكم....الحيرانه دوما

ان شالله اجد منكم القبول لكي استطيع اكمالها

هلاااا وغلاااا حياك خيتوووو

مبدئيا شكلها حلو بس ما رح تكتمل الصورة إلا بعد كم جزء..

بانتظار القادم وان شاء الله نكون أكبر دعم لك ..
أنثـــــ.:.تختصر النساء.:.ــــى