كاتب الموضوع :
لعنبو من ترجاكـ
المنتدى :
الشعر والشعراء
استشير القلب دامك تشعر أنك مستشار
ولاتظن عيوني أبد غير عينك تستشير
لاتحسب أني أراوغ إو أمانع أي قرار
دام حبك بي خيالي خل يصير اللي يصير
والقناع اللي لبسته مايغير هالمسار
كل واحد في غرامه يمتلك قلب وضمير
جيت لك موت وتحدي لوتبي جيت انتحار
المهم أبقى عشانك دام حبك بي خطير
كيفها عيونك حبيبي لو تناظر بإحتقار
دام أنا بعينك حقيره أعشقك يا أعظم حقير
خلها تطول المسافه ما أمل الأنتظار
دام أشوفك في خيالي عاشق ماله نظير
ودامها صارت تحدي ما أحب لعب الصغار
وابتدى أقنع عيوني بس تشوفك هي كبير
وأعلن سيوف التحدي وأرفعك فوق الكبار
وكل شامخ في طريقك أجبره يبقى صغير
وساحة الشعر بمداها تصبح لعينك قطار
كلها تهون لقصيدك بس تهنى بالمسير
دوم أنا أبقى قويه بس أحس بإنكسار
تدري وش يعني شموخن داخله تبقى كسير!؟
تدري وش يعني عظيم تشعره بالأنهيار!؟
تدري وش يعني غرامن مابه أنسان يغير!؟
تدري وش يعني حبيبن راح عنك واستدار!؟
تدري وش يعني بروده يشعلك نار السعير!؟
كلها تهون لعيونك وأشعر اني بإنتصار
وأمسك النار بيديني ولا أفكر بالمصير
دامك الموت الحقيقي ياحلاة الأحتضار
تزرع الشوك بطريقي أمشي وأتخيل حرير
التحدي هو غرامي ولا أعرف الإنحدار
ولذة السكر هوايه تخجل الوضع المرير
شفتني كيف أنتهي بك!؟ شفتني يا أحلى مرار!!؟
لجلك أجبر هالمربع ياعذابي يستدير
ولجلك عيون البرايا كلها مني تغار
وكل ماسافر مدينه خافقي لعينك سفير
تمطر الدنيا غيوم ابرقها يضوي شرار
والصحاري كلها لك وردتن وسط الغدير
والمسافه لو بعيده ما أمل الأختصار
ماتهم الجاذبيه دام أنا لعينك أطير
كلهم قالو غريبه وين عقلك كيف طار!؟
قلت أنا للي خذاني وابتعد عني كثير
يستشير الكون لكن مايفيد المستشار
هو عقب نظرة حبيبي به عيونن تستشير!؟
|
03-01-11, 04:58 PM
جديد مواضيع قسم الشعر والشعراء
العرض العادي
