كاتب الموضوع :
منصور السديري
المنتدى :
القصص المكتمله
روايه مقتبسه من الواقع أحداثها لم اشاهدها بعيني ولم اسمعها ولكني حاولت اقتباسها منه
ليست خياليه بل قد تكون قصتي اوقصتك اوقصه سمعتيها فهي ليست بعيده عن الواقع
جرئيه متنوعه بين الحزن والفرح
حاولت ان اخفف من الحزن فواقعنا فيه مايكفينا حتى لانتخيل
وها انا اضعها بين ايديكم لتوجهوا لها ارائكم ونصائحكم وانتقادتكم
اربع فتيات اختلفت حياتهم هن بطلات الرئيسيات في روايتي وهناك ابطال يشاركونهم
وايضا ابطال وبطلات فرعيين
في مجتمع سعودي محافظ حكمته عادات وتقاليد تجوز لبعض ويكرهها آخرين
ندخل بيوتهم لنكشف استارها نعيش معهم لحظه بلحظه
احداهن اجبرت على الزواج
والإخرى فقدت عذريتها في سن ثلاث وعشرين من دون ذنب ولا يستطع احد لومها حتى والدها ليست بفعل فاعل وانما قدره من رب العالمين
والإخرى تزوجت لتنحب وتحب فلم تجد ماارادت
والأخرى تعيش صراعها بالزواج من اخوين
@@
سكه نمشي فيها نقف عند كل محطه نأخذ لوازمنا منها وننساها لنمر بغيرها
هكذا هي الحياه تمشي بنا فنتوقف عند محطات نأخذ منها مواعظ وعبر اما نبتسم لها او نحزن منها
ولكن سرعان ماننساها لنواجه محطه أخرى
@@
@
شوق:ياالله اشفيها ذي ماترد الله يسامحك يابنت الناس
طوط...طوط...طوط..
ردي ردي الله يخليك
...الوووو هلا والله وغلا حي الله من طل
شوق:اشفيك ماتردين عسى ماشر
ريوف: ابغى اناحسك عارفه اش تبين هههههه
شوق :ياالمنحوسه انا شابه ضو وانتي ولا على بالك عرق النذاله نبض علي
ريوف:هههههه كبري مخدتك ياحلوه نزلوا لك في الجدول كل موادك
شوق:اسألك بالله
ريوف :والله ياشيخه اشبك على بالك بكذب هههههه
شوق:لا حشاآآآك ومن اللي قالت اني راسبه بثلاث مواد
ريوف :هههههههه امزح بس مااكذب انا الظلم ظليمه
شوق:هههههه وليش ماهو ظليمه يوم طاح قلبي في بطني
ريوف:طيب قولي لي استخرتي
شوق:البارح استخرت اربع مرات بس احس عادي تصدقين ماتوقعت اطلع عن عيال قبيلتي لا وبعد مانعرف اهله
ريوف:طيب كيف خطبوك؟
شوق:شافوني لما جيت ازاور خالتي بالمستشفى وصراحه متردده كثير
ريوف:ياشيخه خليك زاحفه العريس منتظرك على الباب وانتي تفكرين ياحسرتي على ناس لاواحدولااثنين ماشاءالله عليك عشان ماتقولين حسدتك
شوق:لاتخافين القطار ماراح يروح عنك بزوجك واحدمن حمواني تراهم كثيرين هههههههه
ريوف:بعدي والله كذا الصداقه والابلاش ههههههه حمواني مادام فيها حمواني لا شكلك موافقه بصير صاحبه العروس يابختي من قدي
شوق:ياخال ابوي حك ظهري لوانك أختي
ريوف:ياليت
شوق:ياشيخه بكره تنسيني مع القموره اللي امك بتجيبها
ريوف:ياشيخه بيني وبينها ثلاث وعشرين سنه صارت بنتي مو اختي
شوق:يالله الله يقوم امك بالسلامه وهاه تأمري على شي
ريوف:لامشكوره ياالغلا
شوق:ياالله مع السلامه
ريوف:مع السلامه ياهلا
نزلت لأهلي بعدما تطمنت من ريوفه بانهم نزلوا مواد هذا الترم كامله لي لقيت امي جالسه بالصاله ومعها اخوي خلود وطبعآ ماقلت لكم ان اختي هند متزوجه ولد خالتي عندها بنت وولدين"شدن البنت الكبيره طبعآ عمرها سته سنوات وبعدها فادي عمره اربع سنوات وجوادعمره خمس شهور واخوي عبادي متزوج صاحبه أختي هنداسمها لمياء عندهم ولدين تؤام عمرهم اربع سنوات وحامل مشاءالله بتؤام وانا احسهم اولاد بس أخوي امنيته يكونوا بنوتات عاد هو غرامه البنوتات عاشق لبنت هند "شدن"يزعل من زعلها ومايرفض لها طلب
دخلت على خلود وامي
شوق:غريبه خويلد الطفس متواجد حاليآ
خالد:.....
طبعآ اعطاني نظره سمت بدني وبعدين لف ولاكأني قلت شي
شوق:امي غريبه ابوي ماجاء من العشاء؟
امي: الا ياقلبي جاء بس شوفيه في الغرفه يكلم
شوق:غريبه من داق عليه؟
خالد:طبعآ اللي غضبانه عليه امه وداعيتن عليه بليله القدر
شوق "طبعآانافهمت قصده صدق من قال سكت دهرآ ونطق كفرآ بس بقلب الطاوله عليه":والله ما المغضوب عليهم الا انت واللي بتأخذهازوجتك المنحوسه
خالد:ارخي صوتك لايهج العريس الملقوط او اللقطه
امي:خلاص الله يهديكم هاشوق فكرتي وعندك جواب والا لا
شوق:ماادري بشوف وش يبي الحين بأبوي واقرر
خالد بعياره:يارب تتزوج هالمنحيسه واحظى بحنان الوالده
شوق:والله ماخلص حنان الوالده الا انت يا"قعدت امه"(يعني آخر العنقود)
خالد:قعدوا عليك سبعه بعارين"الجمل"
@@@@@@
عند الوالد ابو عبدالله:
فيصل:ياعمي طق الشهر وانتو مارديتوا ياعم اذا البنت ماهي بموافقه الله يستر عليها وانا الله يرزقني بغيرها عادي ياعم ماهي بمكتوبه لي واللي مايكتب عسير
ابوعبدالله:والله يافيصل البنت ماسألتها ولا اعرف جوابها بس لما قلت لها قالت عندها اختبارات اسبوعين وبعدها النتائج وهذا الاسبوع حوسه جدولها بس اوعدك مايجي الاربعاء الا العلم عندك
فيصل:لاياعم ولا عليك امر معها يومين يعني الأثنين اوقبله الخبر عندي
ابو عبدالله:ابشر ياولدي
فيصل:تأمر على شي عمي
ابو عبدالله:تسلم مع السلامه
@@@@@
ريم
ارسلت رساله لريوف بنت عمي كتبت
بكره بتداومون الجامعه ردي لي واذا مافيك نوم تعالي لي بس انتبهي عمي لايشوفك نأكل الليله انا وانتي علقه محترمه
تم الارسال
انتظرت
دقيقه.....
دقيقتين......
ثلاث..اربع..خمس..
طفشت ونمت
الساعه ثلاث بالليل
طخ ..طخ..طخطخطخ..
طيب اوووف هذا صوت باب غرفتي ليش هالازعاج
فتحت الباب
انصدمت
تدرون مين ؟
الخبله ريوف
فتحت عيوني وفمي على وسعهم
وش جابها؟
صح ان بيوتنا جنب بعض في حوش واحد بس اش جابها والله لو يدري عنها عمي منصور ليذبحني انا وياها لانه مايحب السهر
قالت:توي شفت رسالتك جيتك جري
ريم:لاياشيخه
ريوف:انتي نايمه
ريم:لا استهبل عليك
ريوف: ابغى انام عندك الليله واذا كشفني ابوي بقول انك اخذتيني غصب
ريم طنشتها ورحت بنام احس النوم طبق عيوني
ريوف:صدق هذه اللي مافيها مروه انا ضيفتها ورايحه تنام وتركتني
هي انتي ريوم لاتطنشيني بلا نحاسه اش بك
ريم:ابلعي العافيه خلينا ننخمد ابغى انام والا طردتك اخليك ترجعين يكشفك عمي
ريوف خلاص مادام السالفه وصلت ابوي خليني منطمه :آمري ياقمر ننام
وترى الجامعه بندوام بعد بكره
@@@@@
صبآآآآآح الخير
على طاوله الفطور في بيت ابوعبدالعزيز
ابوعبدالعزيز: عيالك وينهم؟ماعندهم دوامات!!
ام عبدالعزيز:تراك يابوعبدالعزيز متأخر في الصحوه عيالك داومو كلهم ماعدا بنات الجامعه اليوم طنشوا
ابوعبدالعزيز:ياالله حصل خير ربك يحلها
@@@@@
شوق
ياربي والله اني محتاره وكل ماسألت وحده قالت وافقي وافقي شكلي برد الحين لأمي طالت السالفه ومصخت طبعآ استحي اقول لابوي اني موافقه بس ياربي اذا وافقت كيف بقابلهم على الغداء ياالله وانا نسيت ماسألت امي البارح داق وش يبي؟
شوق :امي امي
ام عبدالله:يابنت انا هنا بالمطبخ تعالي
شوق:يابعد قلبي ياأمي اش هالزين حتى وانتي لابسه مريله الطبخ مزيونه
لاوبعد الطبخ جنان شكله وريحته
ام عبدالله:اخلصي علي وش تبين اذا فلوس ترى ماعندي قولي لأبوك واذا زواج بتحضرينه قولي لأخوانك واذاوافقوا رحت معك وش بعد؟ وش بعد؟
شوق:بس بس هههههه أفآ افآ ياأم عبدالله ماهو العشم فيك والله لافلوس ولا مشوار
بس حبيت اقول اني هههه موافقه وهو البارح داق على ابوي اش يبي
....انا موافقه احسن فكه منك كللوش وبعدين هو ماعنده اسم والله اليوم عندي هو وعنده فيصل واذا تزوجتيه صار فصولي وبعدها حبي وحبيبي آه منك يالحريم
شوق:ياصلاتي على النبي محمد انت وش جابك
خالد:جابني طاري فيصل
شوق:لاوالله
@@@@@
بعد الغداء طبعآ امي قالت لابوي وقال لفيصل اني موافقه وقال ان بكره بنروح نسوي التحاليل طبعآ هو لوحده وانا لوحدي وماراح ادوام مع البنات للجامعه
@@@@@
فيصل
جيت من الدوام هلكان بأخر نفس بس عندي خبر بيفرح اهلي بقوه
لقيتهم على الساعه ثلاث وربع جالسين قلت:السلام عليكم
وردوا طبعآ وقلت لخلود تحط لي الغداء قبل الصلاه
فيصل:ناظرت في امي وابوي وقلت بشير وهاتوا البشاره
امي وابوي:ابشر
فيصل:حمود بن ....ال...... دق علي وقال ان اهله وافقوا وبكره التحاليل
ابوي:الله يبشرك بالخير والله يجعلها الزوجه الصالحه ولايهمك البشاره تكاليف بيتك علي
امي:مبروك الله يسيرلك امورك
فيصل :الله لايحرمني منكم صراحه هذه الدعوات اللي تثلج الصدر
مالفيت الا الاعصار اللي طاح عند رجلي طبعآ دلوعه البيت بدوره
بدور:امانه فيصل وافقت بتتزوج
فيصل:لا بحتريك ازوجك واتزوج
الكل:هههههههههه
بدور:طيب شفتها حلوه انا احلى والا هي
فيصل: لا طبعآ شفتها في الحلم سلمك الله وطلعت حليوه بس مش احلى منك ههههههههه
الكل:هههههه
خلود:بتطلب النظره الشرعيه
فيصل: لا صراحه عاداتهم تمنع هالشي و ترى مااخذوا على النظره عشان اطلبهاويرفضون وانكشم
خلود:غريبه هذه سنه الرسول صلى الله عليه وسلم ماابتدعناها من عندنا
الكل:عليه الصلاه والسلام
ابوي:والله عاد براحتهم هو يدخل يلبسها شبكتها ويشوفها بعيد عن الاحراجات
فيصل:الله يكتب اللي فيه الخير
خلود:تراه اذن توه
الأب:يالله يافيصل قوم توض وناد اخوك بنحل سالفته مع بنت عمه فضحني في اخوي وين اودي وجهي منه
اشهد ان لا اله الا الله واشهد ان محمد رسول الله
@@@@@@
اشواق
كلمت خطيبي ناصر طبعآ علاقتي فيه مش ولابد مطفشني ومطفشته وهو اللي بدأ بهاالاسلوب اسلوبه غريب ومستفز قاهرني بقوه صح انه كريم وهداياه ذوق بس صراحه اسلوبه خايس
ناصر:الو
اشواق:سلام عليكم
ناصر:وعليكم السلام
اشواق:اخبارك
ناصر:تمام الحمد لله ليش ماجيتي البارح في السمره كنت بشوفك
اشواق:تعبانه وماقدرت اجي
ناصر:تعبانه والاماتبين تشوفيني
اشواق:لا بالعكس عادي
ناصر:طيب بجي الحين أقابلك في البيت بجلس معك سوي القهوه والشاي
اشواق: لا صعبه والله استحي
ناصر:انا زوجك حلالي لو آخذك الحين مالأحد عندي شي
اشواق:بس انت عارف عاداتنا كيف
ناصر:انا مايهمني بطلب خالي اذا وافق انتي ماعليك الا تتجهزين
طوط..طوط..طوط
مالت ...طبعآ صك بوجهي طوال المكالمه مافيه كلمه حلوه واسلوب جاف يارب ابوي يرفض بس مااتوقع ابوي راح يرفض
نزلت تحت لقيت اخواني مسوين حوسه على السوني وطق وطقيق عليه شوي طلع ابوي من غرفته وهجدهم وقالي طبعآ زي ماتوقعت جهزي نفسك ناصر بيجيك واطلبي حلويات من برا امك نايمه بيجيك على خمسه العصر
اشواق
اووووف ياصبر ايوب الله يعدي هالزياره على خير
ناصر
طبعآ بعد مااخذت تهزئه من الوالده روح لخطيبتك وروح لخطيبتك امحق خطيبه طبعآ ماابغى اتزوج بنت تقربلي بس وش تقولون الوالده اذا عندت عندت
لا وبعد تكتب اسماء الهدايا ومن وين اشتريها وانا اروح اخذها على طول من دون مااتعب نفسي
اشواق
بطق الشياكه اليوم كلها بس طبعآ بحدود ماابيها تكون مقصوده أخذت شور واستشورت شعري و لبست برمودا اصفر باهت وبلوزه بنفسجي وقصه السنتيانه اصفر حرير و حزام بنفسجي وفيه حديده دائريه لونها اصفر ولبست اكسسوار ناعم فيه حرف ناصر بالانقلش طبعآ هذه مقصوده لونه اصفر محدد بالبنفسجي طبعا هذا لبس عيد الحج ولنست شحاطه"الله يكرمكم"لونها بنفسجي وشعري مقصوص الفراوله حطيت ربطه صفراء على شكل فراشه ولبست حلق اصفرعلى شكل موز
لاتضحكون تراي احب الأشكال الغريبه ولبست الدبله واخذت معاي عطري و نزلت تحت عشان اذا جاء اتعطر ودقيت وطلبت تشيز كيك وتشكيله حلى وفطاير وورق عنب تحسبآ لو جلس يشرب الشاي
والساعه الحين خمسه الا ربع
وسألت أخواني عن ماما وبابا قالوا نايمين بس صلحت القهوه والشاي وجهزت كأستين عصير الا ماما داخله علي المطبخ
ماما:ماشاءالله ماشاءالله هذا كله لعيون ناصر
اشواق:اش رأيك؟
ماما:والله روعه
تن تنتن تن
صوت الجرس رحت افتح اتذكرت اني ماتعطرت رجعت جري وتعطرت ورحت افتح الباب وانا اتنفس بقوه من الجري والتوتر فتحت الباب
ناصر:السلام عليكم
اشواق:وعليكم السلام وصافحته بس وسلم على اخواني الصغار واعطاني الكيس بيدي ودخل المجلس دخلت صالتنا حطيت الهدايافيها وسألت امي بتجين قالت بفطر والبس واجي وابوي قالت نايم للحين
رحت للمجلس متوتره ليت امي معي مره مرعوبه
ناصر
جلست في المجلس قاهرتني جايها خطيبها وتصافحه ببرود ولا ترحيب ولاشي بس طيب ان ما بردت كبدي فيها والله عذاب هي والبرمودا الأصفر
دخلت علي على طول وجلست قلت
ناصر:ماشاءالله تبارك الله كذا البنت تسلم على خطيبها
اشواق على بالي بيقول وش هالزين بس طنشته:......
ناصر لا وبعد سافهتني :تعالي جنبي هنا
اشواق:لاعادي هنا مرتاحه
ناصر:لاتعاندين وتعالي
اشواق:جيت وجلست جنبه
ناصر:أخبارك وش مسويه؟
اشواق:حمدلله تمام
ناصر:طالعت فيها منزله عيونها تفرك بيدها البنت متوتره حدها وطبعآ جاتني فكره جهنميه عشان ثاني مره تستقبلني زين قربت منها بهدوء وزدت في تنفسي وخليته يلفح بخدها الايسر ورفعت الاصبعين السبابه والابهام ليدي اليسار ومسكت ذقنها ولفيت وجهها ناحيتي وفركت ذقنها بين الشده والخفه وبستها به بهدوء في ثغرها مابغيت افكها وحاولت امسك نفسي شوي رجعت على وراء شوي على بالها بفكها رجعت بستها بقوه اكثرو بسرعه وتركتها واخذت منديل ومسحت وماتكلمت ابغى انظم نفسي ثم بعدين اتكلم ماشفت الا غبارها طالعه مع الباب والله خايف ماترجع
اشواق
ياويلي ياويلي حسبي الله على عدوينك يانويصر يافضحي لو احد شافنا واناتصنمت ماقدرت اتحرك الحق موعليك علي اللي يجلس جنبك دخلت الصاله وناظرت في مرايه المدخل في شكلي كأن احد معطيني"بكس على فمي" والروج حوسه طلعت فوق ضبطت روجي ونزلت اجهز العصير
ناصر
اشفيها تأخرت بدق على جوالها يمكن ترد دقيت مره ومرتين ماردت قلت معها خمس دقايق اذا ماجات طلعت ولي معها تصرف ثاني شوي الاداخله علي عمتي
عمتي:هلا والله حيا الله من جاء السلام عليكم
ناصر:وعليكم السلام والرحمه الله يسلمها أخبارك ياعمه كيفك وكيف عمي طيبين؟
عمتي:والله بخير كلهم طيبين
كيف اخوي طيب وامك واخوانك كلهم طيبين؟
ناصر:بخير الحمدلله
عمتي:مبروك ماجابت هدى عقبالك
ناصر:الله يبارك ويسلمك
شوي الادخلت اشواق بالعصير وطلعت عمتي
سألت اشواق عمي فيه؟
اشواق:ايوه فيه بس نايم
أخذت كأسه وسحبت اشواق جنبي كانت بتروح بعيد وجلستها ومديت لها الكأس مامدت يدها قالت:لاعادي انا أخذ من الصحن
ناصر:وتردين يدي ومدت يدها تأخذ الكأس يدها ترجف بغيت افطس ضحك بس مسكت نفسي توك بالأول وهذه رجفتك
ناصر:هني وعافيه
اشواق:الله يعافيك
مرت الجلسه على خير بس اعصابي مشدوده ماكأني اكلمه كل يوم لحد ماجاء يخرج
ناصر:يالله مع السلامه
اشواق:مع السلامه
ناصر:هاتي بوسه وقربت منها
.....السلام عليكم
نطت اشواق على وراء من الفجعه ناصر:وعليكم السلام هلا عمي وش حالك؟طيب؟
عمي:بخير الحمدلله
وطيران اشواق للصاله ماعاد شفتها حتى طلعت بس ماراح اخليها في نفسي بأخذها في التلفون
اشواق
الله يجزاك الجنه يابوي فكيتني منه جرئ وكلامه جاد حتى كلام حلو ممسوح من قاموسه
@@@@@@@
....فهد..فهد..فهد
خلود:فهد طلع
ابوعبدالعزيز:بس سيارته موجوده
خلود:يمكن طالع مع فيصل والا واحد من اصحابه
ابوعبدالعزيز:دقي الحين يجي ضروري لو عنده ميه شغله ودقي على فيصل وعبدالعزيز قولي لهم ابوي يبغاكم تروحون معه بيت عمي عثمان وبنأخذ فهد معانا
@@@@@
خلود:الو فهود ابوي يقول تعال لو عندك ميه شغله بتروحون بيت عمي عثمان
فهد:الله يهديك ياابوي طيب جايكم الحين
@@@@@
فهد:السلام عليكم
ابوعبدالعزيز وفيصل و عبدالعزيز وام عبدالعزيز:وعليكم السلام
قام عبدالعزيز وصافح فهد
فهد:هلا والله بأبو ماجد
عبدالعزيز:ياهلا فيك كيفك طيب؟
فهد:بخير الحمد كيف عيالك ليش ماجبتهم معك
عبدالعزيز:خليهم الخميس اجيبهم هنا تعب الدوام مايساعد على الخرجه
فهد:داوموا اليوم
عبدالعزيز:اكيد طبعآ
ابو عبدالعزيز:ياالله ياعيال عمكم ينتظرنا وترى ياام عبدالعزيز بنتعشى عند بيت أخوي لاتحزونا بالعشاء
وانت "أشر بأصبعه لفهد"تتراضى انت وزوجتك وتأخذها مطعم تتعشى وتأخذلها هديه وتردها بيتها
فهد:ان شاء الله يبه
@@@@@@@
السلام عليكم وش اخبارك اخوي
عثمان"ابوسامي":وعليكم السلام بخير الحمد لله انت كيفك طيب كيف البنات وش اخبارهم؟
ماجد"ابوعبدالعزيز":بخير يامال الخير يارب لك الحمد التفت لعيال أخوه"سامي زوج بنته وفايز وفواز"كيفكم ياعيال عساكم طيبين؟
تفرقت الاصوات بخيرياعمي الحمدلله طيبين طاب فالك
ابوعبدالعزيز:الله يديم الصحه والعافيه علينا وعليكم ياابوسامي انا جايك راضاك انت وهند وهذا ولدي فهد جاي معي يرضيها باللي تأمر فيه
ابوسامي:والله ياأخوي كل ماسألتها وش مزعلك ماتعلم ماادري هي مخطيه والا مخطين عليها
ابوعبدالعزيز:والله حتى فهد ماقال شي يقول شي خاص بيننا واذاكذا احنا ماعلينا الا انه يرضيها الليله يجلس معها لوحدهم ويحلون مشكلتهم
ابو سامي:ابشروا انادي هند في الصاله تقابل عمها وزوجها
روح يافايز ناد اختك في الصاله الداخليه تقابل عمها وزوجها
بعد شوي جاهم فايز وقال تفضلوا
دخل فهد وابوه ولقي مها جالسه قامت سلمت على عمها وصافحت زوجها
بعدها خرج عمها وبقي فهد ومها
فهد:كيفك يامها؟
مها:الحمدلله
فهد:فديت الزعوله اسبوعين مادقت ولا مسج يخليني اعرف انك مشتاقه مها:......
فهد:آفا هذا وانا جاي الليله عشان خاطرك يالمزيونه تبوزين فديتك وفديت بوزك
مها:لك اسبوعين ماسألت وتقول مشتاق
فهد:صبرت اسبوعين بس لما احرقني الشوق ماصبرت جيت اطفيه
وين قمورتي فديت قلبها؟
مها:نايمه
فهد:طيب رضيتي اميره قلبي
مها:وتتراجع عن الفكره اللي في رأسك بصراحه بنتي صغيره كيف عمرهااربع شهور وتبغاني اترك حبوب الحمل واجيب غيرها ودمعت عينها وقالت بصعوبه صعب صغار اربيهم سواء اول وحم وبعدها تسعه شهور حمل واربعين يوم نفاسه وبعدين تربيه اثنين
فهد:ضحك وقال ولايهمك اساعدك فيهم واجيب لك شغاله
مها:لا يعني لا خليها بعد سنتين
فهد:تكفين حبيبي خلاص اتركي الحبوب ابغى بيبي
مها:طيب واذا بنت
فهد:خير وبركه واخليك سنتين وبعدين تحملين
مها بكت أكثر وسكتت
فهد:عشان خاطر فهودك حبيبك صراحه اناماصدقت تحملين بعدسنوات وجبتي رهوف ابغى غيرها ماتدرين لوتتركين الحبوب وماالله يريد لنا الابعد ثلاث سنوات
احد يدري
مها:هزت رأسها بلا وهي تبكي
فهد:تقرب منها ومسح دموعها وضحك على خفيف الله لايحرمني من هالبكايه هههه وانا اقول رهوفه طالعه على مين
مها:دزته على خفيف انت اللي تبكيني
فهد :هههه خلاص جيبي بنتك ولبسي عبايتك والا خلي بنتك عند عمتي انا بكره اجي أخذها بعدالمغرب احنا الليله عرسان هههه
مها:طيب
فهد:انتظرك بالسياره ودخل المجلس
ابوعبدالعزيز:هاه عسى خير
فهد:خلاص انحلت السالفه بأخذ ام عيالي الحين
ابوسامي:لا تعش معانا وروح
ابوعبدالعزيز:لايابوسامي لاترده مشتاقين لبعض وخله يراضيها براحته
فهد:ياالله تصبحون على خير
وطلع ينتظر مها بالسياره
@@@@@@@
ريوف ريفانه رفتانه رفرف رفروفه
ريوف:خير خير ان شاء الله تصارخ صحيت كل بنات حارتنا اللي اساميهم ريوف
سامي:وكلهم جاوبوا الا انتي
ريم: الولد هذا فله
سامي:ابوي يقول تعالي سوي العشاء امي تعبانه
ريوف:انا من البارح منحاشه خلسه عشان مااسوي الفطور والغداء يلحقوني بالعشاء هالبنت اذا جات بقرص اذانيها ببرد حرتي منها صرت شغاله بالبيت بسبتها
ريم:هههههاي والله تحفه تتحلطمين كأنك عجوز مضيعه غنمها
ريوف:بلاك ماصرتي خدامه للمتعوس سامي
وتقلد سامي ابغى حليب ساخن وحطي عليه فلكس
سخني الخبز بارد
ماابي مكرونه ابي اندومي
اووووف منه
ام سعود:الله يعينك يابنتي ازمه وتعدي والله يجزاك الجنه كل شي بأجره
ريوف:الله يسعدك ياعمه وياالله مع السلامه
ريم وام سعود:مع السلامه
@@@@@
ريوف طلعت من بيت عمي ورحت بيتنا عاد البيت هدوء دخلت المطبخ وبديت اقطع بصل بسوي كبسه وحطيت زبده في القدر الا بدخله ابوي قال:ريوف انا طالع بودي امك تعبانه للمستشفى وانتم رحوا بيت عمك بقفل البيت
وطلع من عندي لغرفتهم قمت دخلت البصل في الثلاجه ورجعت الزبده وانا خارجه الا ابوي منزل امي وتبكي وحالتها تعبانه وقالي بسرعه نادي اخوك واطلعوالي
رحت جري ناديت سامي وجبت جوالي واخذت لي غيارين ونزلت جري من دون عبايه لان بيوتنا في حوش واحد وسعود اصغر مني وعشت معهم من زمان عمره سامي عمرهس وطلعنا انا وسامي وجات عمتي اسم سعود راحت مع ماما ورحت انا وسامي لبيت عمي وانا خايفه على ماما الله يسهل عليها ويقومها بالسلامه
@@@@@@
في بيت فهد
فهد:حيآك في بيتك ياحياتي
مها:الله يسلمك
فهد:وحشتيني وحشتيني ياقلبي
مها فصخت عبايتي وأخذت شنطتي معي ودخلت غرفتنا قبل فهد وانا اتمنى مايدخل بعدي على طول لانه طلع للسياره يجيب اغراض نسيناها في الشنطه فتحت شنطتي اخذت حبه وخليتها بفمي ورميت شنطتي بالدولاب الا صوت تسكيره باب الشقه معناته فهد جاء وفتحت ثلاجه الغرفه واخذت سيزر جوافه وشربت منه رشفتين ودخل ناظر فيني وقال:شكلك مشتهيته
مها:بقوه
فهد:لاتكوني حامل يارب
خلاص لاتأخذي حبوب منع الحمل اوكي حبي
مها:ان شاء الله
فهد: انا بدخل آخذ شور تبغين تأخذين شور
مها:لا
فهد:خلاص لاتنامين لحد مااطلع تراي مشتاق
@@@@@@
شوق
ارسلت لريوف وريم واشواق اني بكره ماراح اداوم الجامعه بسوي تحاليل الزواج
وبعدين جاتني رساله من ريوف انها ماراح تداوم عشان امها بتولد وكمان ريم وقالوا لأشواق قالت مادام انكم ماراح تداومون هي كمان مش مداومه
@@@@@@
صباح الخير
فهد:مهوي حبيبي صحصحي ياهو اشبك
مها:طيب طيب
فهد:اذا بنتظر طيب هذه ماراح تقومين
مها:خلاص قمت تبغى فطورقبل الدوام
فهد:اليوم اجازه انا عريس قومي بنفطر برى
مها:اوكي حبيبي بس آخذ شور واصلي ونطلع
@@@@@
شوق
صحيت الساعه سبعه ورحت حللت وجيت واحنا راجعين في الطريق دق خطيبي يسأل تراي حللت والا لا لأنه توه الساعه عشره بيروح يحلل خساره كان نفسي اشوف شكله بس ماللطيب نصيب نحاسه وطبعآ النتيجه بعد عشره ايام
@@@@@
ريوف
البارح مانمت لحد ماتطمنت على ماما ابشركم جابت بنوته قمر اكيد مادامها تشبه لي ولحد الحين احنا ببيت عمي انانايمه مع ريم وسامي نام مع سعود بغرفته صراحه من الفرحه مانمت الا اربع ساعات قمت صليت وجيت جري
طيآآره وهبطت على سرير ريم وصرخت بأعلى صوت
ريم:آآآه يمه بسم الله
ريوف: هههههههاي يالخوافه هههههاي
ريم :اخذت المخده وخبطتها فيها وعفصت وجهها بالمخده وهي فاطسه ضحك ولاعلى بالها الله يأخذ عدوينها طيحت قلبي
ريوف:هاهاهاهاهاي اويلي اه يابطني خخخ شكلك تحفه الشعر منكوش والعين منفوخه هههههاي
ريم
أخذت ريوف وسحبتها من يدها وهي سكرانه من الضحك وحذفتها مع الباب ودبجت في أخوي سعود انا هنا فطست ضحك
ههههههههاي واخوي سعود فاتح اعيونه كشافات وطبعآ ريوف فحظنه نتفه سعود طول بعرض وهي نتفه
@@@@
سعود
ياويلي ياناس هذه عذابي اموت عليها طول اليوم قدامي اموت فيها احسها ملاك ياناآآآآس احبها احبها موت
كنت طالع من غرفتي مروق اشوي الا الجسم اللي ضرب فيني مع الجنب كان اخر توقعي انها تكون ريوف مسكت ظهرها من وراء عشان ماتطيح
قالت:سعودوه الفارس الهمام المنقذ
انقذني
سعود:يارب ياناس خبله خبللله الله يحفظ اختي من خبالك
ريوف:والله انت واختك الخبول
ريم
لماشفتهم يتهاوشون طبقت بابي وطقيت القفلتين
سعود
ريم قفلت بابها وعذابي يتمخطر قدامي نزلت تحت للمطبخ وانا اتنافض وارجف احس احساس غريب خاصه ان ابوي في الدوام وامي مع حرمه عمي في المستشفى وريم نامت وسامي راح المدرسه وانا ابوي غيبني عشان اجلس عند البنات
نزلت وراها وانا نفسي اضمها اطفي نص من شوقي
وتراها اكبر مني بخمس سنوات وثلاث شهور بس شسوي احبها هي احساسها من ناحيتي اني أخوها واكبر دليل تضربني وتهزئني وتطنشني وتزعل مني بالأيام وتسميني "التيس الاربد" وانا اسميها "الثعلب المكار" عشان مقالبها وحركات نص كم عندها
رحت وراها للمطبخ وانا نيتي سوداء صراحه ابيها مشتاق مشتاق
خفت ورجعت بطلع برا حوشنا بأحميها من نفسي
ريوف
سمعت فتحت باب الشارع سعودوه الخبل بيتركني انا وريم لوحدنا في البيت رحت جري وراه
هي سعودوه وين رايح لاتخلينا
سعود
طنشتها وبسكر الباب مسكت يدي لا هنا انا خلاص رحت ملح طالعت فيها بقوه
ريوف:وين رايح وتاركنا والله لأعلم عمي
سعود بعصبيه: طيب انقعلي الله يأخذك
ريوف: لاتعصب واحترم اللي اكبر منك
سعود فار دمي من برودها وشوقي لها انا في صراع وهي بليده شعور سكرت الباب بقوه وجيت لها بسرعه وهي حطت رجلها على بالها بضربها ماتدري ان بضربها بطريقه ثانيه وجريت وراها دخلت المجلس وسكرت الباب واتكت عليه طبعآ انا رجال غلبتها وفتحته وراحت تضحك ودخلت بأخر الغرفه ووفقت على الكنب وجيتها ونطت من الكنب من جنبي مسكتها من وسطها وضميتها من وراء على صدري ضغطتها بقوه وتنفست في اذنها بهدوء
ريوف بعصبيه: فكني يامجنون الله يأخذك وتهدج صوتها ياقذر فكني اه اه اه
سعود الحين غرامي بين ايديني وتتعفرت بقوه وهي تضرب فيني بايديها ورجولها بس ابيها بالحلال ماابيها بالحرام بس مادامي مسكتها بروي عطشي منها
ريوف:سعود ياكلب فكني اشفيك
سعود:ابيك بالحلال والله بالحلال
سكتها سعود يلثم شفايفها بشكل سريع وفلتها وهي جري عالدرج وتبكي
وجلس عالكنب يلحق انفاسه ويناظرها تجري التفت عليه
ريوف وهي تبكي:بعيد عن شواربك ياحيوان وكملت جري ودخلت غرفه فوق وسكرت على نفسها وكملت بكي
سعود
بعيد عن شواربي ياريوف بنشوف بعدين من اللي بعيد عنها
اوووف انا وش سويت لو يدري ابوي والا عمي والله ليرموني للكلاب السود ولا يفكرون الله يستر
كيف اخلي ريوف ما تعلم لا ابوي ولا ابوها انا بطلع اشم هواء لو جلست هنا ما اضمن نفسي ابد
ريوف
ياويلي ياويلي هذا وانا عادته أخوي مخوه الكلاب ان شاءالله
بس كيف اوقفه عند حده هالسخيف لإني مااقدر لإبوي لو أقول بتخرب علاقتنا ببيت عمي عشان مين عشان سعوده التبن مستحيل اجلس هنا مستحيل بتصل على بابا ان شاء الله يرد بس
ريوف:هلا بابا
ابو سامي:هلا والله
ريوف:كيف ماما
ابو سامي:لا الحمدلله بخير
ريوف:جد الحمدلله يارب
ابو سامي:اشفيه صوتك
ريوف:خايفه على ماما وغصت بالعبره
ابوسامي:لا تخافين ولاشي ريحي بالك واصلآ العصر كاتبين لها خروج
ريوف:طيب ابي اروح بيتنا
ابوسامي:اوف غريبه ريوف تبي البيت كل شوي مفتوح ماشفتك دورتيه
ريوف:ابي اجهز اغراض ماما
ابوسامي:خلاص شوفي عند عمك اسبير خذيه وجهزي الغرفه اللي مقابله المطبخ لأمك
ريوف:ليه
ابوسامي:صعب على امك تنزل وتطلع وعشان اذا جاء لها أحد نضيف فيها مايحتاح انزل واطلع
ريوف:خلاص ان شاءالله
ابو سامي:ياالله سلام عليكم
ريوف:مع السلامه
ياليتني يا ابوي اقدر اقول لك اشفيني آآآآه
قسم بالله الدنيا مالها آمان الإنسان اللي عشت معه كأنه أخوي آخرتها هذا فعله فيني وحطت راسها تفكر و غلبها النوم عالساعه عشر
البارت الثاني
العوائل:
العائله الأولى:
حصه حمود
الأبناء
هند العمر33 زوجها امجد بنتها جواد11 فادي7شدن3
عبدالله29 زوجته لمياء26 ولدين رائد وريان وحامل
خالد25
شوق23
تهاني20
العائله الثانيه:
ناصر فايزه
روعه 30 متزوجه مسافره مع زوجها كندا يدرس
ريم23
سعود18
العائله الثالثه:
هناء ماجد
عبدالعزيز 38 زوجته خلودبنت خاله"ولدين ماجدو16 سعد4 وبنتين ريما 12 وجود4شهور"
فهدزوجته مها عندهم بنت اسمها رهف32
فيصل30
سميه 36 متزوجه ولد عمها عثمان سامي تركي 15مدى 12ربى 8 عهد سنه
اميره25 متزوجه ولد عمتها نوره اسمه عبدالرحمن عندها ولد"جابرعلى اسم عمهاابوزوجها
خلود23 مخطوبه لولد خالها فارس
بندر 28
بدور13
العائله الرابعه:
منصور جميله [منصور أخو ناصر ابو ريم]
سامي12
ريوف23
العائله الخامسه:
سعد نوره
أشواق 23
راكان15
ذوق10
بتال 3
عمهم ثامر26
العائله السادسه:
عثمان سلوى
سامي 38
مها28
فايز26
فواز14
ابرار5
@@@@@@@@@@@@
@@@@@@@@@@@
[طبعآ انا ماشرحت اوصاف الابطال عشان انا احب من خلال القصه اتخيل صوره البطل دون احد يوصفه لي احب ان مواقفه هي اللي توصفه لكم وانتم تتخيلونها واذا تخيلتموها حكوا لي اش الصوره اللي تكونت بمخيلتكم]
<جافيني النوم>
بعد آذان الظهر
جاء ابو سعود للبيت ولقى سعود برآ سعود انفجع لما شافه غريبه ان ابوه يجي هالوقت والعاده يجي ثنتين اتوقع ريوف معلمه عمها بس حاول يقوي قلبه ويصفصف لابوه كلمتين عشان مايأكل علقه محترمه
ابو سعود:السلام عليكم
سعود:وعليكم السلام
ابوسعود:اشفيك جالس هنا مع الظهريه
سعود:لابس طفشت وقلت اجلس دقايق ابوسعود:يالله هيا البيت جبت غدا صحي اختك وبنت عمك يصلون ويحطون الغدا
سعود:ان شاءالله
سعود
دخلت البيت مع ابوي وطلعت انا اصحي البنات رحت غرفه ريم ودقيت الباب مره ومرتين وثلاث الى ان فتحت
سعود:ابوي يقول صلي وتعالي حطي الغداء
ريم:طيب
سعود:ريوف عندك
ريم :لا
نزلت وانا مستغرب وين تكون راحت
سألني ابوي وانا نازل
ابو سعود:ايوه صحيت ريم
جلسنا انا وابوي ننتظر ريم تخلص صلاتها ونتغدى
بعد دقائق نزلت سألتنا ريم:ريوف مانزلت اشرت لها بلا
رجعت صعدت فوق واحنا ننتظر
ريم
غريبه وين راحت دورتها في الغرف مالقيتها فتحت آخر غرفه وانا متأكده انها ماراح تكون فيها فتحت الباب مقفول حاولت مره ومرتين وثلاث مقفول عرفت انها هنا دقيت الباب عليها
بعد دقائق فتحت الباب
ريم:ريوفه حبيبي غداء
ريوف:مابي
ريم:ليه
ريوف:بس مابي وبكت
ريم:اشفيك
ريوف:مافيني شي بس اروح بيتنا
ريم:من متى احنا نزعل من بعض هذا بس عشاني طردتك من غرفتي
ريوف:لا بس جد تعبانه وابي اروح بيتنا
ريم:ريوفه تكفي...
قاطعتها ريوف:انتي اللي تكفين مابي غداء وابي مفتاح بيتنا من عمي بروح اجهز غرفه ماما قبل تجي
ريم:اوكي
نزلت وانا مستغربه من ريوف طول عمرنا هذه حركاتنا وهذه مقالبنا بس ماعمر وحده زعلت انا وريوف اخوات طول عمرنا نتهاوش ونتضارب بس مانزعل وش فرقت اليوم عن قبل
وانا نازله مع الدرج سألني سعود:وين ريوف
ريم:نايمه وماتبي غداء بس تبي الاسبير اللي عند بابا اذا صحيت تجهز غرفه لعمه
حظرت الغداء وتغدينا
@@
مها
دخل فهد غرفتي وانا اكلم امي اسألها عن بنوتي كيفها معهم
أشر لي بيده مين
حركت شفايفي وقلت امي
جاء وجلس جنبي عالسرير
مها:أكيد طبايعها صحوتها الساعه خمس وتنام اذا راح ابوها للدوام انا معودتها كذا عشان تصحى معي وتنام معي حطي السماعه عندها بسمع صوتها انا وفهد
انتشر صوت بكاءها في ارجاء الغرفه
فهد بإبتسامه:بابا ياحبيبي عيون بابا وين رهوفتي عسولتي
مها : هههههه اشبها انتبهت لك
فهد:شوفيها انتبهت لنا سكتت
مها:خلاص امي فهد يجيك بعد المغرب يأخذها
يالله مع السلامه
فهد:والله لها فقده
عقبال جيه أخوها او أختها ومسح على بطني وابتسم تزايدت نبضات قلبي واشتدت خفقاته
ياربي تستر علي وتكفيني شر فهد
@@
ريوف
سمعت طق عالباب وقلت مين
رد عمي: انا عمك
ريوف:هلا عمي
عمي:كيف حالك مبروك ما جالكم وحمدلله على سلامه الوالده
ريوف:الله يبارك فيك والله يسلمك
عمي:وهذا مفتاح بيتكم ليش ماتغديتي
ريوف :أخذت المفتاح وقلت مو مشتهيه
عمي: تغدي شدي نفسك وراك شغل الله يعينك
ريوف:ان شاءالله عمي
ماطلعت من الغرفه الا بعد ماتأكدت من دخله سعود لغرفته وكنت خايفه اقابله قدامي خاصه اني مش متغطيه وصعب اتغطى او مستحيل بعد
ووصلت بيتنا في أمان الله دخلت وارتحت واخذت نفسي ومسكت بيتنا انظفه عشان النتفه اللي جايه بالطريق خخخخخ طبعآ امي ماجابت بعد سامي وتعالجت وتوها جات هالقموره
@@@@@
بعد المغرب
فهد
رحت اجيب رهف من عند عمتي مريت باسكن روبنز عارف ان مها تحبه وغرامها التوفي بالمكسرات
دخلت البيت شايل بنتي وناديت ياهل هالبيت سمعت صوت مها هنا يافهد بالمطبخ
دخلت الكيس وراي عشان ماتشوفه
فهد:جايب لك هديه
مها أخذت بنتها:احلى هديه في الكون فديتها وفديت ابوها
فهد:ههههه لا لا غير بنتك شي ثاني تحبينه
وتتلذذين به
مها:مادام فيها تلذذ أكيد الاسكريم
فهد:عليك لمبه صح
مها:خذ بنتك وهاته ابي أكل
فهد:يا الخاينه عشان الاسكريم تنسين بنتك هذا وهي غايبه عنك يوم كامل
مها: ههههههه لا تحاول تكسر خاطري ابي اسكريمي وبس
أخذت مها الاسكريم وراحت الصاله لحقتها وانا شايل رهف سدحتها في سريرها وجلست جنب مها وشغلت التلفزيون وانا عيني على مها لابوك ياالتلفزيون لابو من التفت لك
فهد:طيب اعطيني معاك
مها:بس وحده
فهد:بخيله الله يرحمك يا حاتم الطائي ويحسن اليك
مها:هههههه طيب خذ
فهد:ابي من يدك
مها:اوكي
ناظرتها وهي تأكل وحده لي وحده لها
فهد:خلاص اكتفيت صدقيني انتي عذاب وانتي تأكلين الاسكريم تراني اتهور
مها:لا تكفى بس اخلص الله يخليك وبعطيك ظهري بعد
بعد فتره.......
فهد:طيب وش فائده آمممم هذه
مها:عشان اتلذذ آمممم
فهد:شكلي انا اللي بتلذذ فيك آمممم
@@@@@
ريوف
يادلبوش ياحياتي ياناس تدنن هالقمر تشبهني خخخخ مادح نفسه كذاب
صعنونه وحمراء بس ملامحها ماهي واضحه تشبه من
بس تعجب اذا تثاوبت فمها صعنون نفسك تأكلينها بوس
سامي:امي شوفيها خليها تعطيني غدي
ريوف:مابي روح عني
ام سامي بتعب :لا تغثوني والا أخذت بنتي وطردتكم مع الباب وقومي سوي رضعه لاختك
ريوف:طيب
@@@
ريم
دخلت المطبخ وأخذت شربه خضار مجهزه امي لعمتي عشانها نفاس وطلبت مني أوديها لهم
طلعت لبيت عمي دخلت الصاله وسلمت على عمي
ريم:كيف ياعم اخبارك مبروك ماجالك
عمي:بخير الحمدلله الله يبارك فيك
ريم:عمتي فين
عمي:هنا واشر لغرفه عمتي
دخلت عليها اتوقعت القى ريوف عندها بس مالقيتها البنت اليوم ماهي طبيعه
سلمت على عمتي وتحمدت لها بالسلامه وسلمت على غدو ياناس نتفه صغيره مره الله يسعدها
ريم:عمه وين ريوف
عمتي:في المطبخ
ريم:طيب انا بروح لها تبين اجيب لك من الشربه
عمتي:ايوه حطي لي منها شوي
ريم:طيب ان شاءالله
رحت المطبخ لقيت ريوف تسوي العشاء
ريم:السلام عليكم
ريوف:هلا والله وغلا نورتي
ريم:انازعلانه لاتكلميني
ريوف:لا ياشيخه
ريم:ابي اسوي سواتك فيني اليوم
ريوف:والله مازعلت منك بس تضايقت
ريم:وليش كنتي تبكين
ريوف:ماارتحت الين بكيت
ريم:طيب وش مضايقك
ريوف:ماجاني عريس
ضحكت ريم بقوه:ههههههههههههههه الله يقطع سوالفك
تبغينا نعرضك على خطابه
ريوف:عز الطلب يختي اختار من الصور اللي يعجبني بالراحه
ريم:اظنك اذا وصلتي خمس وعشرين وانتي ماتزوجتي تنتحرين
ريوف:ليش قالوا لك مشفوحه عالعرس عند الموت حدك عاد
ريم:لا ابد سلامتك خخخخ
انا بروح اودي عمتي هالشربه وانتي الحقيني نجلس عندها
ريوف:لا انتي تعالي ابي اكمل طبخ عشانا
ريم:اوكي
@@@@@@
اشواق
دق جوالي شفت اللي متصل ناصر اوووف مالي خلقه كل مكامله اندم عليها عشرين مره
اشواق:الووو
ناصر:السلام عليكم كيفك
اشواق:وعليكم السلام اخبارك
ناصر:تمام الحمدلله اعجبتك هديتي
استغربت اول مره ناصر يسال مو من عوايده
اشواق:روعه يعطيك العافيه
ناصر:حلو
طيب كذا استقبالك لي يوم جيتك حلو
اشواق:........
ناصر بحده :ردي علي لاتسفهيني
اشواق بنفسها بدينا اول الغيث قطره:بس انا استحي
ناصر:تستحين ليش تستحين مافي غيري انا وانتي طيب وش بتسوين اذا تزوجنا انا ابيك اذا انا جرئ ابيك فوق الجراءه
اشواق:طيب ان شاءالله ولايهمك
ناصر:اوكي هذا خلصنا منه
اشواق شكلنا ماراح نخلص
ناصريكمل:وانا طلبتك شي بس ماأخذته اتمنى انك مانسيتيه لإني ابيه
اشواق بإستغراب:اش هو؟
ناصر:بوسه... كنت ابيها وجه لوجه بس مالطيب نصيب بس قطع علينا عمي
اشواق:لا صعبه
ناصر:اش قلت انا
اشواق بست الجوال وقفلت في وجهه
ارسلي بعد دقائق
ماشفع لك الا بوستك والا تسكيره الجوال دواها كفين على وجهك
حيوان ماعنده اسلوب جفاف عاطفه صايبه اوف منه
يارب ارحمني يارب برحمتك استغيث اصلح لي شأني ولاتكلني لنفسي طرفه عين
ارسلت له
لو هالرساله اعطيها لأبوي شو بيكون موقفه
ارسل لي
عآآآدي انتي اعطيها لعمي
|
25-12-10, 02:09 AM
المشاركة رقم: 1
جديد مواضيع قسم القصص المكتمله
العرض العادي
