كاتب الموضوع :
منصور السديري
المنتدى :
القصص المكتمله
البارت السادس
فيصل : السلام عليكم
ترواحت الردود
هلا بعريسنا
اش اش هالشياكه
شكل عريسنا بيغطي على العروس
غطيت علينا
كم علبه عطر كتيت على نفسك
ارحمني فديت اللي انفاسه دخون
مبروك مبروك
منك المال ومنها العيال
ضحكت ههههههههاي
الله يبارك فيكم عقبال العزابيه
لاتخلوني اغتر بحالي عليكم
وتفرقت التبريكات وانا ارد بإليه الله يبارك فيك الله يبارك فيك والإبتسامه شاقه الحلق وكان موجود بالمجلس ابوي وعبدالعزيز وفهد وبندر وعمي عثمان وسامي وفواز وفايز وخوالي وعيالهم واولهم فارس خطيب خلود وازواج عماتي وعيالهم ماشاء الله تبارك الله فوق الخمس والثلاثين رجال صراحه ينشد فيهم الظهر
سمعت فهد يقول : بتغطي عالعروس ياشيخ
ناظرته بإبتسامه : محتر عشاني احلى منك فهد يتكلم جداوي : هههههاي الرجال بإفعالها ياواد
سامي : لا شكله غيران سحبت عنه البساط صار فهد عريس سابق
فهد : ابد مايغطي علي الا اذا شفت ولده يلعب والا مدام هم باقي في ظهره ماينعدون
فيصل : يقالك بتغير السالفه بس لا تخاف لاازال اذكر اعمالك سابقآ وخاصه لما انحرق البشت عليك
فهد : نشوفك وش تسوي لو ما هالدقله
بندر : عقبالي يارب اسحب منكم البساط واريحكم
فيصل : خل بعد سنتين عشان ابي اتونس باللقب شوف انا ماتزوجت بعد فهد الا بإربع سنين وانت انتظر حالك من حالي
بندر : ابد ابد بس سنه ونص وبس لا تحاول يا...... قاطعهم ابو عبد العزيز : بندر كلمت الملاك
بندر : اي كلمته بيقابلنا في بيت والد العروس فيصل : لو سمحت لاتجيب سيره محارمنا على لسانك
ومن هالكلمه ابتدأ الحش والتقطيع فيني كلن يعطي كلمه من صوبه
قاطعتهم : انا عريس ارحموني مو لذ الدرجه الله يرحم اللي بيعرس عندكم
ابو عبد العزيز : هيا هيا قوموا تأخرنا على العرب بندر وفهد اخذوا العوائل وانا والعريس بنروح بسياره وحده
بندر و فهد : ابشر
تفرقت الجموع لتجتمع في بيت العروس
@@@@@
في بيت اهل العروس
عبدالله : خلاص يا خالد قوم البس اتصلوا يقولون في الطريق
ام عبدالله : انت الى الآن مالبست وش قاعد تسوي
خالد : احس مالي حيل
ام عبدالله : قوم خلصني عشان تستقبل الناس شوف عبدالله لابس وجاهز
خالد : عبدالله مجهزته الحرمه بس انا من لي ام عبد الله : تبغاني اجهزك
خالد : لا لا اخاف اذا تدلعت والا تأخرت تصفقيني بالكف
عبد الله : شكل مامربيك الا كفوفها
خالد : ربتني وربتك هههههه
صعد خالد فوق ولبس ملابسه واتجهز ونزل
عبدالله : اووف اووف اش هالكشخه من جد تذبح
خالد :اذكر الله لا تخلع جنبي
عبد الله : ههههه حلوه هذه
خالد : البنات وينهم ما اشوفهم لا يكون انقرضوا ترى مانعيش دونهم
عبدالله : هذا وانت مو متزوج وتحاتيهم لو تزوجت وش بصير
خالد : ابد ما استغني دقيقه
عبدالله : بروح اشوف كشختهم كيف يطلعون
خالد : قول ابي اشوف كشخه زوجتي اما انا ابي اشوف كشخه خواتي فلوسمحت خل زوجتك تتوكل
عبدالله : خلني لين املأ عيني واناديك
خالد : متى تمتلي عينك ترى خواتك موجودين مايصير حلاتها وانت لوحدك
عبدالله فطس ضحك : هههههههه يمه ولدك هذا خربان زوجيه فكينا من اذاه انا ما مناحرني في زوجتي الا هو
صعد عبدالله وشاف خواته وهو نازل
عبدالله : يالله ياخالد اطلع لك بس ثلاث دقايق
خالد بخبث : ليه مليت عينك خلاص
عبدالله : مليتها ونص بس مايمديني المس وانت وراي
صعد خالد ودخل الغرفه وقابلته اول شي تهاني اللي كانت لابسه
ليموني قصير وفارده شعرها لنص اكتافها
وبعدها
هند اللي كانت لابسه بنفسجي الصدر كله اكسسوار ومن تحت قصه مثلث عالجنب ومصلحه بوف ورابطه شريطه عالرقبه فيها اكسسوار
وبعدها
العروس "شوق"
كانت لابسه وردي شفاف على الصدر و مثلث نازل على البطن بس مغطى بالفصوص والشوارفسكي ومن تحت ساتان طويل بذيل ومصلحه تسريحه خفيفه مخليتها ابداع
خالد : ماشاء الله ماشاء الله خواتي فنانات صج
تهاني : من احلى
خالد : العروس طبعآ حتى لو ماهي حلوه بنقول حلوه الليله ليلتها
اشرت هند لخالد بمعنى اسكت فهمها وخرج من الغرفه وطلعت وراه هند
خالد : اشفيه
هند : الأخت مو عاجبتها التسريحه تقول ما ابي افكها وكل شوي تقرب تبكي وخفت تزيدها معاها ثم تبكي ماصدقنا نسكتها
خالد : الله ياشوق من متى هالحساسيه وجه فيصل عليها مو خير ابد مادام هذا حالها هند اضربت خالد على كتفه : يمه بسم الله تفاءلوا بالخير تجدوه
خالد : الله يوفقها وييسر امرها ويتمم عليها بجاهك ياكريم
ونزل خالد واستقبلوا الرجال وامتلئت اجواء البيت بالزغاريد وصوت الدقاقه يصدح في ارجائها
اتصلت ام عبدالله على هند وقالت لها تنزل هي وتهاني ولمياء يستقبلون معها الناس
بعد الإستقبال اللي حصل دخلوا البنات للمطبخ يحظروا العصائر لمعازيمهم ويبخروهم بالعود
ام عبدالعزيز:والله هذه الساعه المباركه اللي صرنا فيها انسباء ياام عبدالله
ام عبدالله:ساعتك ابرك الله يحيكم نورتوا
ام عبدالعزيز:هذه بنتي خلود وبدور واميره وسميه وهذه زوجه ولدي عبدالعزيز مها و خلود
ام عبدالله:حياهم الله كيفكم يابنات وش اخباركم
تفرقت الأصوات
بخير الحمدلله
انتي شخبارك كيف البنات عساهم بخير
ام عبدالله :بخير يامال الخير هذه بنتي هند وهذه زوجه ولدي لمياء
وشوق بنتي ذلحين تنزل
في مجلس الرجال
دخل الملاك : السلام عليكم
الجميع : وعليكم السلام
بعد ماشرب القهوه
الملاك : وين العريس
فيصل : هنا
الملاك : هات بطاقتك والتحليل
فيصل اعطاه اوراقه وجلس يكتب في دفتره بعد دقايق سأل : وين ابو العروس
ابو عبدالله: انا ابوها
الملاك : والشهود
ابو عبدالله : اخوانها
الملاك : روحوا اسألوها الموافقه الأخيره
قام خالد وعبدالله واتصل على شوق وسألها وبعده سألها خالد وتممت لهم بالموافقه
رجعوا للمجلس وأكدوا موافقتها
الملاك :والد العروس لكم شروط
ابو عبدالله : لا ابد
وكمل كتابه وارسلوا الدفتر لشوق ووقعت
عند الحريم
ارسلت ام عبدالله لمياء لشوق عشان تناديها تنزل وكانوا محضرين لها شعر تنزف عليه وتجلس مع الناس وبعدين يدخل عريسها
شوق
قطعت يديني من كثر ما افرك فيها من التوتر احس نفسي احيانا يضيق واقرب اختنق وما اتلاحق على نفسي
دخلت علي لمياء وقالت :ياالله انزلي عمتي تقول خلوها تنزل
شوق: مابي مابي لا خلاص هونت مابي انزل
لمياء :يابنت سمي بالرحمن واتوكلي على الله النزله فيك فيك اذا خايفه الحين وانتي بس بتقابلين اهله عاد كيف بتقابلينه هو
شوق : لاتذكرني والله ارتعب
لمياء : مو وقتك اخلصي
سحبت نفسي سحب وانا احس رجولي تتراجف واحسها بعد تتلوى وطبعآ نزلت بدون مسكه فتحسون ايديني طايره بالهواء ما ادري وين اوديها مره احطها على خشمي ومره اسوي بها شعري ومره احطها برقبتي ومره احطها على بطني لحد ما اعطتني لمياء نظره واشرت بيدها وفتحت عيونها كشافات يمه تخوف مو وقتك يالمياء بغيت ازهق واطيح مع اني لابسه فلات بس ماش الطيحه فيني فيني لو البس شراب طحت
يارب يارب تستر وما اطيح احس نفسي مسافره نفسي اوصل الكنبه بسرعه بجلس احسه بعييد
انا اوصف لكم حالتي عشان اذا انخطبت اي وحده منكم تجرب وتتذكرني
وآخيييرا yes
وصلت الكنبه وصلت باركولي
يوم جيت بإجلس همست لي امي اللي كانت تزغرط جنبي
ام عبدالله بهمس:لاتجلسين اول شي يسلمون عليك
ياويلي ويلاه ماخلصنا عاد تعالوا شوفوا وش سويت تدودهت
اسلم بسرعه بعضهم ابوس وانا ماوصلت خدها وبعضهم كني مشفوحه ابوس اذنها
والطآآآآمه الكبرى
لما قلت لأخته بصوت واطي : كيفك ياخاله طيب........ من الفجعه والخوف لاتسمعني البنت بلعت نص كلمه طيبه
وردت البنت بشفافيه وطيبه وابتسامه :بخير ياعسل انتي كيفك
ماصدقت جلست كأن لي خمسه ايام واقفه ناظرت في اهله وحده وحده
كونت انطباع عن كل شخص منهم واضحه النعمه عليهم واشكالهم ناس اصحاب نعمه ومال مو زينا نعتبر من الطبقه الميسوره يعني لافقيره ولا غنيه والحمدلله اهم شي الصحه والعافيه اذا لقيناها احنا الأغنياء
جلست عندهم ما قدرت اناظر فيهم احس كأنهم مليون شخص يناظروني
وكنت اتوقع الطبقات الشبعانه مايتكلمون الا بالماركات بس اللي شفته في لبسهم قمه الذوق والاناقه وبعيدين كل البعد عن زيف الماركات وشفت البنت اللي قلت لها ياخاله ماهي غريبه علي قدي شفتها ملامحها مألوفه بالنسبه لي حتى انا ماشفتها في المستشفى ماشفت الا عمتي ام العريس
ياناس نفسي اضحك احس في صدري ضحكه عشان كلمه ياخاله كل ماذكرتها اقرب افطس
شغلوا المسجل دقاقات قاموا اخواتي ولمياء وام العريس ووحده معاهم كمان ورقصوا عليها
حاولوا فيني ارقص بس رفضت المره الأولى وفي المره الثانيه استسلمت لطلبهم اخس مره في حياتي رقصت احس نفسي اتلوى ما ارقص وش ذا
ورجعت جلست بعدها جاتني تهاني وقالت اصعدي فوق بنقلط الناس على العشاء
الحمدلله طاح نص الهم وباقي النص الأكبر من جد حوسه
صعدت غرفتي وجلست عالسرير القط انفاسي وجلست انتظر ينزلوني مره ثانيه
@@@@@@
اشواق
اتصلت على ناصر عشان مايقول نسيتني وماصدقتي تلاقين فرصتك تطنشين
اشواق : السلام عليكم
ناصر : وعليكم السلام ياهلا والله
اشواق : وش اخبارك
ناصر : تمام ماشي قضيتي اغراضك
اشواق : لا باقي ما بديت ابي وحده من صاحباتي اقضي معاها
ناصر : تبيني اوديك انا تقضين وتروح معك وحده من خواتي
اشواق : يو ياناصر مستحيل لا تسلم يعطيك العافيه
ناصر: انا زوجك قولي حبيبي قلبي عمري حياتي والا ماتعرفين تقولين
اشواق:طيب
ناصر:طيب ياايش
اشواق:حبي
ناصر:تسلم لي الشاطره نعلمك خطوه خطوه
اشواق بقهر:ناصر والله اعرف اقول كلام حلو بس استحي
ناصر:ردينا لناصر انازوجك لاتستحين
اشواق:حتى انا زوجتك
ناصر:طيب آمري اجيك الحين واعلمك اصول الحكي الحلو وجه بوجه اش رأيك؟
اشواق:لا والله الساعه احدى عشر بالليل
ناصر:خلاص الوعد بعد شهر ونص
بعطيك دروس عآمه نظري ودروس خصوصيه عملي وهذه احلى شي وبتعجبك بعد
اشواق: .........
ناصر:شواقه امي تسلم عليك شوفيها عندي
اشواق:الله يسلمها
ناصر: طيب ابي شي حلو قبل مااسكر وانام
اشواق ببراءه:تبي قصه
ناصر:هههههههههههه لا لا شي احلى من القصه
اشواق:وش؟
ناصر:اقوى بوسه عشان خاطري
اشواق:طيب واعطته
ناصر:مشكوره بآي
اشواق:.......
طوط .. طوط .. طوط .. طوط
يمه شكله محموم الله يعيني عليه
@@@@
بعد العشاء
قالوا لي بيدخل العريس انزلي تحت
نزلت ودخلت المجلس وكان معايا هند لابسه عبايتها وامي
بعد دقايق
سمعت الزغاريد عرفت انه دخل وقفت وماناظرت فيه ابد
وقف قدامي ومد يده لي وقال : السلام عليكم
وصافحته ورديت عليه بصوت واطي
وقف جنبي ومسك يدي وجابوا اهله صندوق ذهبي مقلم بذهبي وحطوه قدامنا عالطاوله فتح الصندوق مو من فوق لا من الجنب اللي بالطول جهتنا ويلقى مسكات ادراج ثلاث ادارج
الأول فيه الدبل وكرت ووردتين حمراء طبيعيه
الثاني فيه الطقم وساعه ذهبيه وفواحات حمراء
الثالث فيه ثلاث عطور وعلبه مكياج وبودره لامعه المعروفه باللمسه الأخيره للمكياج
أخذ الدبله ولبسني وقال : الف مبروك ورديت بهمس ما اتوقع سمعه ومد لي دبلته ولبسته وبعدها اخذ الطقم ولبسني سلساله وكانوا اهله يصوروننا بكاميره ديجتال
وبعد دقائق استأذن اهله وخرجوا اهلي بعد وجلسنا انا وياه لوحدنا ماكنت اناظر فيه بس معطيته جنبي ومنزله نظري اسفل بس اشوف ايدينه و
فيصل : الف مبروك
شوق : الله يبارك فيك
فيصل : اخبارك
شوق: تمام
فيصل : تدرسين
شوق : ايوه بالجامعه
فيصل : وين جامعتك
شوق : جامعه ............
فيصل : قسم ايش
شوق : اداره اعمال
فيصل : أختي خلود تدرس بهذه الجامعه قسم حاسب آلي
شوق : ايت وحده فيهم
فيصل : اللي كانت واقفه هنا لابسه سماوي يقصد " فيروزي "
شوق ( تذكرتها اللي قلت لها ياخاله اتاري اسمها خلود عشان كذا ما انتبهت لكلمتي ) :
ايوه عرفتها بس ما قدي شفتها بالجامعه صح ملامحها مش غريبه علي بس مااتذكر اني شفتها
فيصل ( لما شافها تأخذ وتعطي تشجع ) :
وش رأيك نخلي زواجنا بعد اختباراتك النهائيه يعني بدايه شهر سته
شوق ( ياربي لازم الاحراج ارد والا اطنشه ) : لا بدري
فيصل : لي متى ننتظر انا جاهز والبيت في خلال شهر ونص بالكثير يجهز ومعاك تقريبآ ثلاث شهور ونص عشان تتجهزي يمديك بالراحه
شوق : بكيفك
فيصل : ياالله انا استأذن تامريني بشي
شوق : سلامتك
وباس راسها بهدوء تدفق في وجهها الدم ماتوقعت حركته كان حاط بينهم حواجز وفي لحظه كسرها
تفأجات فيه يضمها ويبوس رقبتها وهمس لها : بشتاق لك
مع السلامه وطلع
من حيا شوق ماقدرت ترد عليه
@@@@@@
بعد اسبوع
في الصباح "بالجامعه"
شوق:صباح الخير ياحلوين
ريم وريوف:هلا صباح النور
ريم:وحشتيني
شوق:يالنصابه مالي اسبوع غايبه عنكم
ريوف :لابس تأخذ بخاطرك اول مره اشوف وحده تغيب بعد خطوبتها اسبوع وش بتسوين اذا تزوجتي
ريم : هذا من فرحتها بس
شوق:لا ياشيخه وين اشواق؟
ريم:من بعد ما انخطبت ماعاد تنشاف أخذها منا ناصر وشكلك بتلحقينها
شوق:أكيد بسحب عليكم ماعاد اعرفكم
ريوف:ياويلك اذبحك واذبح روحي وراك هذه اللي بتزوجني حماها
شوق:سر سر لاتعلمين ريم ترى مافيه غير واحد اذا طلبته مااقدر اردها
ريوف:هههههاي مالك آمان والله
شوق:بس تراه مش حلو
ريوف:عادي عادي الدنيا سعوديه
ريم وشوق:اهم شي تتزوج هههههههه
اشواق:السلام عليكم صبايا
البنات:عليكم السلام
اشواق:كيفكم..اخباركم
البنات:الحمدلله
ريوف:لا كان تأخرتي شوي ترى ناصر ماقام من نومه يبغاك تصحيه للدوام
اشواق:بذمتك يعني ارجع بيتنا هههههه
ريوف:انا ناقمه على كل مخطوبه ومتزوجه لحد ما انخطب
شوق:الله يرزقك بزوج يموت بش
ريوف:هذه الدعاوي تثلج الصدر يافديتها
اشواق:ولايهمك اذا ماجالك نصيب بخطبك لناصر اوشوق تخطبك لفيصل ولايهمك ماراح يروح عنك القطار
البنات :ههههههه
ريم:وانا يعني بعنس
اشواق:لا فديتك بزوجك بابا
ريوف واشواق وشوق:ههههههه
ريم بقهر:لاماشاءالله كنك حليتي مشكلتي
ريوف:خخخخ عاد هذا نصيبك لازم ترضين
اشواق:لحظه لحظه هذا العرض ساري اذا كنت راضيه عنكم
ريم: بعد وتمن
البنات:ههههههه
اشواق: يابنات ماقلت لكم شفت شله متجمعين في الكلاس معهم بنت مسويه اللوك ايمو طالعه شبهه
ريوف:اسألك بالله
ريم:حرام تتشبه بعبده الشياطين
شوق:والله
ريم:ودعوتهم ان الحياه مافيها فرح مافيها الا اليأس والحزن
عشان يلبسوا اسود وكحل مدموج اسود
اشواق: استغفر الله الحمدلله الذي عافانا مما ابتلاهم وفضلنا على كثير من خلقه
ريوف: اشبهم البنات يعرفوا انه حرام ويسونه
شوق:بعض البنات يسوون كذا قصدهم جذب الأنظار ناحيتهم
ريم:بس ترى من تشبه بقوم صار منهم والانسان يحشر مع من احب
اشواق:فكونا من سيرتهم بنروح نسلم على البنات ونشتري من الكوفي
البنات:يالله
@@@@@@
بيت سامي
في الصاله
سميه : شفت كيف لو انك تسأل وش الصح وش الغلط وماسويته ماكان هذا حالك
خليتني انا وسامي مانقدر نطالع لا ابوي ولا اخواني
تركي : ......
سميه : وتستاهل حملت نفسك مسئوليه أكبر منك بكره لازم تراعي ان بتعيش ريما معك وتراعيها لأن لو تزعلها خوالك ماراح يرحمونك ما استبعد يذبحونك
تركي : طيب بسوي زي مايبون بس ماابي اروح جده
سميه : ما احد اخذ رايك اصلآ غصب عنك بتسوي زي مايقولوا وجده بتروح بعد غصب لإن خالك لو طحت بيده مابيخلي فيك عضو سالم عشان بنته
فتح سامي الباب ودخل
سامي : السلام عليكم
تركي وسميه : وعليكم السلام
تركي : ابوي مابي اروح جده
سامي : هذا الموضوع طلع من يدي ويدك جدك وش مايقول بتسوي انت غلطك بحق بنتهم كبير
تركي : والله ماعاد اعيدها بس جده لا هنا اصحابي وتعودت على المدرسين
سامي : بتعيدها مره ومرتين وعشر والف بس عالاقل بيكون حلالك واذا على اصحابك الزفت اللي اعطاك الشريط ان شفتك معه انا اللي بعاقبك ماهو خوالك واذا هذا الترم خلصته بجده بنقلك من هذه المدرسه لمدرسه ثانيه وانتبه على نفسك ماكل من قال لك شي تسوي انت بحركه وحده وطيت راسي وراس امك بدل مانفتخر فيك صرنا نخاف منك وعليك
تركي : والله والله خلاص ما اسوي شي الا برضاكم وبعد ما اخذ شوركم واحكي لكم كل شي وانا ريما مستعد ارضيها بكل شي وعادي اتزوجها خلاص بس اذا تزوجتها ابيهم يرضون علي
سامي : مستحيل خالك يرضى بالساهل حتى وان زوجك الشرف غآلي انت تخيل لو اللي سويته في ريما احد يسويه بمدى
احنا دمنا حار والله والله لو مو ولد اختهم اللي مسوي كذا والله ليذبحونك عشان شرفهم غير كذا لو نجيت من يديهم ماتنجي من الحد المعروف في الأسلام للزنا فالبنت اللي ما بلغت ماعليها حد بس انت بالغ يقام عليك الحد والحد هو
الغير محصن : اللي مو متزوج مثلك يجلد ميه جلده ويغرب عن اهله عام
والمحصن : المتزوج الرجم حتى الموت
فأنت لو عدتها مره ثانيه قبل زواجك بتجلد وتغرب عام ولو عدتها بعد زواجك من ريما عقابك الرجم بالحجر حتى الموت
ارخى تركي راسه للإرض
فأنتبه لنفسك انا حذرتك وعلمتك وخلاص انت الحين مو جاهل حصن نفسك مع بنت عمك هي حلالك ما احد يمنعك عنها بس راعها وانتبه لها تراها صغيره لا تضرها واسرار بيتك وحياتك وعيشتك مع زوجتك ما احد يعرفها حتى لو انا او امك وانا بجيب لك كتب عن الزواج الاسلامي وش الحلال فيه ووش الحرام بعد
تركي هز راسه بمعنى طيب
سميه : والله ان في شبكه فيصل مافرحت احس كأن انا اللي غلطت مو ولدي وحتى خلود ما حظرت ومستحيه اكلمها واسأل عنها سامي : لازم تكلميها واتعذري لها عشان بسكوتك كذا كنك راضيه على فعايله
سميه : طيب تركي اسحب جوالي من الطاوله وهاته لي
اخذ تركي الجوال ومده لأمه اخذت سميه الجوال واتصلت على خلود
الاتصال الاول وماردت
الاتصال الثاني وماردت
سميه : اتصلت مرتين وماردت
سامي : يمكن مشغوله او عندها عذر خلي بعدين واتصلي عليها
سميه : لا بأتصل على عبد العزيز
اتصلت على عبد العزيز اتصالين ومارد عليها
سميه : مارد
تصدق حتى في شبكه فيصل دخل نادا خواتي وسلم عليهم ولما جيت ارسلت له احد من البزران ابيه يجي بسلم عليه
جاني اللي ارسلته وقال : ماني فاضي خلاص وصل سلامها
بس خوفي انه زعلان
سامي : من كلمته واضح انه زعلان حتى انا يسلم علي ولا حتى يقول كيف حالك ولا يناظر فيني بعد بس انا عاذره اللي سواه ولدك ماهو هين
تركي : والله ماقصدت اذيه خالي بالعكس انا احب خالي عبد العزيز ومستعد اعتذر له
سامي : انت شفته وسمعته وش قال في بيت جدك ولو رحت له مو مسئول عن تصرفه معك بعد تحذيره لنا
@@@@@@
البارت السابع
اشواق
طلعت غرفتي لقيت ذوق تتحلطم
اشواق:اشفيك سلامآت
ذوق:جوالك ازعجني اوف منه
اشواق:أخذت لقيت مكالمتين من ناصر ورجعت اتصلت عليه وطنشني ودقيت مره ثانيه وطنش توقعت انه نايم بس قلت أخر مره ادق بجرب ورد وبالعكس مروق الأخ
اشواق:السلام عليكم
ناصر:وعليكم السلام هلاوالله
اشواق: اخبارك اش مسوي؟
ناصر:بخير الحمدلله انت كيفك؟
اشواق:تمام غريبه دقيت مرتين مارديت توقعت نايم
ناصر:بنطرك زي مانطرتيني
اشواق انصدمت:ايش
ناصرقالها بهدوء وتمديد:بنطرك زي ماآآنطرتيني
اشواق:طيب انا ماكنت فاضيه كنت اتغدى
ناصر:ثانيه مره خذي جوالك معك لاتخلينه فوق ماابغى ادق وما الاقي رد او القاه انتظار
اشواق يتأمر مع وجهه ماقلت لكم سخيف حده اوف
اشواق:لاوش رأيك اعلقه برقبتي
ناصر:فكره حلوه والا اقول براحتك اهم شي القى رد
اشواق:........
ناصر:مو كافي تطنيشك لاتصالاتي ذلحين تطنشين حكيي
اشواق ياصبر ايوب اوووف:قلت لك اتغدى
ناصر:مو عذر
اشواق:لاياشيخ مو عذر
ناصر:احترمي ملافظك
اشواق
ماقدرت امسك نفسي بكيت هذا وهو مروق سوا فيني كذا لو طفشان اش صار
ناصر:اشواق
.....
اشواق
.....
اشفيك ماتردين
اشواق:مافي شي
ناصر:نفسي اعرف ليش تبكين الحين
اشواق:ابد سلاماتك مو كأن البركه فيك
ناصر:خلاص هدي نفسك دقي علي اوكي
اشواق:اوكي
ناصر:مع السلامه
اشواق:باي
اشواق
ياناس صعب مااعرف اتعامل معه بكيت نفسي واحلامي في انسان بعيش معه تمنيته حنون تمنيته يحبني ويدور رضاي
@@@@@@
مها
فهد:وين رايحه
مها:بجيب مكسرات تبي
فهد : سوي معك شاي
رحت المطبخ اسوي الشاي وانا مشغول تفكيري من بعد ما اخذت الحبوب من وراه ما ارتحت يوم من ذيك الفتره للحين
تفأجات بوجود فهد جالس عالطاوله
مها : متى جيت هنا
فهد:من زمان وانتي ذايبه بدباديبي
مها:مااحد يلومني لأنك احبك
فهد:فديتها لما تطلع منك
وتعآلي
مها: انت دايم ماتروق الا وانا بالمطبخ لا مااقدر بيحرق الشاي عزالله
فهد: لاتخافين احلى شاي بسويه لأحلى مها مها:باطفي عنه
فهد:بسرعه انا على نار
مها:هادئه والا عاليه
فهد:تعالي وتعرفين هادئه والا عاليه
مها:اجل ماراح اجي لحد ماتنضج
فهد:المحايل معك ماينفع
شالها
مها :بالهداوه هههههاي فهد تكفى بالهداوه راسي دار وكبدي لاعت ههههه دايخه نزلني ههههههههه
فهد: حامل الليله ان شاءالله
مها : احس الموضوع عندك صار هوس
فهد : الله يرزقنا ادعي لنا بصلاتك
من فيكم ترضى وبنتها قد بنتي رهف انها تحمل مستحيل حتى لو قلتوا عادي اللي تعيش موقفي مستحيل تقول عادي
هذا شاغل تفكيري اخاف انكشف اخاف بقوه
شفته طالع من دوره المياه متحمم شكله يجنن ضميته وانا خايفه افقده
مها:اووووه اح انت بارد
فهد: شكلك تبغينا نتروش مره ثانيه
مها: لا لا اسفه
فهد:ترى عادي
مها: لا ممنوع خخخخ
فهد:آآآخ ياعذابي
مها:احببببببك
@@@@@
الأحداث كما كانت
ناصر واشواق ونضال لا ندري الى اين يصل شوق وفيصل حياه جديده نعيش تفاصيلها معهم
ريوف وخطوره سعود عليها ومن تتزوج
ريم بعيده عن تفصيلي متى تظهر
ريما معاناه مغتصبه تبرى منها والدها
الى هنا نبدأ في احداث جديده وقضيه فاصله في حياه احدى بطلاتنا
بيت ابو عبد العزيز
متجمعين العائله بندر وفيصل وبدور وخلود وام عبد العزيز وابو عبد العزيز على الغداء
بندر : بدوره وين رموشه
بدور: ماتبي غداء
ابو عبدالعزيز : ليه
بدور : ماادري عادي بابا اخذ لها غداء ونتغدى سوا
ام عبد العزيز : لا خلاص انا بروح لها واشوف اشفيها
صعدت ام عبد العزيز لجناح البنات بالتحديد غرفه بدور اللي فيها ريما
فتحت الباب كانت ريما جالسه تلعب بالقيم بوي وتأكل برنقلز وبسكوت
ناظرت بجدتها
ام عبدالعزيز: هذا غداك
ريما : لا شوي بأكل
ام عبد العزيز : وليش ماتنزلين تتغدين معنا ريما : مابي شبعانه
ام عبدالعزيز : شبعانه وانتي تاكلين بطاطس
ياريما ياحبيبتي اللي صار صار وانتي عرفتي خطاك واتعلمتي ليه موراضيه تطلعين عند عمانك
ريما ارخت رأسها وبكت ضمتها جدتها وقالت : لاتخافين والله العظيم مايضربوك وانا موجوده شوفيني حلفت
ريما بكى : مو خايفه يضربوني بس احس صعبه اروح لهم
ام عبدالعزيز : بس انتي لك أكثر من اسبوع ماشفتي عمانك ولا جدك وانتي عندهم في بيتهم أكيد بندر بيشك وعمانك بيجونك بنفسهم خلاص الليله تنزلين للعشاء مو كل مره بنلقى لك عذر
ريما : هزت رأسها بصمت
رجعت ام عبدالعزيز لسفره الغداء
فيصل : بتنزل
ام عبد العزيز: لا
بندر : ليه
ام عبدالعزيز : تقول شبعانه بتنزل شوي وتأكل
واكملت بنغزه لفيصل : بس روح يافيصل وارضيها زعلانه منك
بندر : ليه
فيصل : خاصمتها عشان تتغطى شوف بدور أكبر منها بشهر تتغطى
بندر : كان خليت امها وابوها يتصرفون مو انت
فيصل : مو مشكله انا ارضيها ولا يهمك
@@@@@@
شوق
جالسه انا وتهاني نتفرج بالتلفزيون ونأكل فشار دخل عبدالله وعياله رائد وريان سبحان الله يتشابهون تؤام شبه بعض بس الفرق رائد اطول من ريان بشوي
عبدالله : السلام عليكم
شوق وتهاني : وعليكم السلام
عبدالله : وش اخباركم
تهاني : تمام
شوق : ريود وريون تعالوا بوسوني
يجننون واحد باسني عالخد اليمين والثاني عاليسار وباسوا تهاني كمان
عبدالله : وين امي
تهاني : في المطبخ
عبدالله : خلاص روحوا سلموا على جده تلاقوها بالمطبخ
راحو جري للمطبخ
عبدالله : شوق كلمني فيصل الظهر يبي رقمك اعطتيه الرقم بس يكلمك كل شهر مره وعند الضروره وسأل اذا بيقابلك سمحت له يشوفك مره وحده بس طبعآ قلت له هذا اذا وافقت ووافق ابوي
@@@@@@
اشواق
ماصدقت اروح غرفتي بإخذ لي غفوه الا اسمع دق الباب ناظرت الا ذوق على راسي
اشواق بإنزعاج : خير هذا البيت مافيه راحه اوف
ذوق :ابي منك شي صغير وتأشر بأصبعها لي
اشواق : وش
ذوق : قولي لبابا نبي نروح ملاهي
اشواق بقهر واستهزاء : والله
ذوق : والله
اشواق: اقول اطلعي برا و اذا قمت اتفاهم انا واياك واقول لأبوي
ذوق : طيب
اشواق : سكري معك الباب وقولي لهم لا احد يقومني ولا احد يزعجني بنام
ذوق سكرت الباب وطلعت
احس نفسي من كثر ما افكر مو قادره انام الا بطلعه الروح
صدق من قال
&ما هم الا هم العرس ولا وجع الا وجع الضرس&
ليت الراحه تنشرى واشتريها بفلوس
@@@@@
ريوف
الحين بيجينا ضيوف عشان ماما نفاس لازم الزيارات وجات ريم وعمتي عندنا
وانا ريم وماما وعمه جاهزين بس ننتظر الناس متى يجونا
ريم : اكره شي بحياتي الانتظار لما البس واتجهز وانتظر
ريوف : مشغلينا خدمه انتظار متى نتحول عام
ريم : هههههه لا لا نبي صامت نبي ننام
ريوف : شكلي بسحب عليهم وانام
ام سامي : اقول انطقي احسن لك هذا اللي ناقص امك نفاس وانتي نايمه
ريم : لا هيا نلعب بلايستيشن
ريوف: والله فكره يا ام الافكار كلها هيا
ام سعود : انثبري انتي واياها تنكشون سامي من عند البلايستيشن يحوس علينا ماصدقنا نرتبه
ريم : الله يخلينا احنا اللي نفظناه
ام سامي : وش فايدتكم بنات طولنا ماتخدمونا
ريوف : افآ يا ام سامي والكرف اللي كرفناه والطبخ والنفخ عشان من بس افآ ماهقيتها منك يامامتي
سمعنا صوت دق الباب
ام سعود : خلاص الناس جوا بروح استقبلهم
راحت عمتي وفتحت الباب لهم
دخلوا وضيفناهم واحنا جالسين
قالت الحرمه : ماشاء الله تبارك الله هذولا بناتكم
ام سامي : هذه بنتي وهذه بنت حماي
الحرمه : ماشاء الله تبارك الله لو نجيبكم خطابه تعطونا
ام سامي : اذا نصيبهم ربي بيسره بقدرته
الحرمه : الله يكتب اللي فيه خير
رحت المطبخ وجات وراي ريم
ريوف: ياالله ماني مصدقه اني احد فكر يخطبني ياآآآآي والله اني فرحانه موت
ريم : يا خبله ماصار شي باقي ويمكن ماعندها الا ولد واحد وتبغاني له عشان لا تنصدمين ياعسل
ريوف : لا عندها ولدين مو بس واحد ياطماعه لا تخليني ازاعلك
ريم : افآ العشره ماتهون الا على ابن الحرام
ريوف : وانا اقدر استغني عنك افآ
@@@@@@
فيصل
صليت العصر في المسجد وصعدت لريما مهما كان هي ضحيه مالها ذنب بس لازم اشد عليها عشان ماتعيد خطاها وتتهاون فيه فتحت غرفه بدور مالقيت فيها احد ورحت غرفه خلود سمعت صوت ضجه بدور وريما ابتسمت اشتقت لصجتهم وصراخهم
سحبت الابتسامه وقطبت الحواجب وفتحت الباب كانت ريما تتصارع هي وبدور ويضحكون لماشافتني سكتت وانخطف لونها وشكلها توترت ووقفت تسحب بلوزتها على تحت بقوه
ناظرتها وقلت : ماشاء الله اصواتكم وصلتني بجناحي
خلود : حيآك حيآك الشيخ فيصل
فيصل : مشكوره بروح عند الشباب في الاستراحه مع فهد
بس ريما تعالي ابيك في جناحي
التفت بسرعه لخلود كأنها تستنجد فيها بعدين قالت : طيب
رحت بإتجاه جناحي واسمع خطواتها تمشي وراي دخلت وفتحت الباب وجلست عالكنبه والتفت لها
اتفأجات فيها
تبكي
الوجه احمر والعيون متروسه دموع
فيصل بفجعه : اشفيك
وقمت لها بسرعه رفعت يدها تحمي وجهها مسكت يدها ونزلتها وضميت راسها لصدري واجهشت بالبكاء
فيصل : اللي سويتيه غلط واكبر غلط بس انتبهي تعيديه وخلاص الموضوع حليناه انتي بتتزوجين تركي اخر الاجازه وانتهت المشكله بس تركي باقي يبي له تربيه من اول وجديد حتى لو تزوجك
ريما وهي تشاهق : اسفه والله اخر مره والله ما عاد اجلس مع ولد ولا اسوي حاجه غلط
فيصل : طيب خلاص مافي سفره غداء والا عشاء الا انتي معنا عليها
ريما : طيب
فيصل : خلاص روحي غسلي وجهك واذا سألوك البنات قولي لهم خاصمني عشان ماتغطيت وتوه رضاني عشاني لبست حجابي صح طيب
ريما هزت راسها بنعم
@@@@@@
سميه
خليت بعد المغرب واتصلت على خلود وماردت واتصلت على عبدالعزيز مارد
معقوله حتى لو مشغولين مداهم فضيوا
سميه: سامي من اليوم اتصل على خلود وعبدالعزيز ماردوا
سامي : خلاص مالك حل الا تروحين لهم في بيتهم روحي بكره بعد المغرب وشوفيهم وتعذري منهم
سميه : شكل مالي الا كذا
سامي : صراحه اللي سواه تركي شربكنا وخربطنا حتى في الشركه احاول اتجنب عبدالعزيز حتى في الأشياء اللي هو مسئول فيها
سميه : ان شاء الله يرضون اذا ربي كتب لريما سعاده مع تركي بس انا خوفي من تركي مايتحملها حتى هو بزر انت شفت الحرب القائمه بينه وبين مدى
سامي: غصب عنه يتحملها والا خواله بيودونها وراء الشمس ولا بيسألون عنه
@@@@@@
بيت ابو عبد العزيز
على سفره العشاء
كانت بدور وخلود وريما بالمطبخ يجهزون العشاء وريما كانت مستحيه كيف بتودي الصحون للصاله عند عمانها
خلود : يا الله ودوا صحون السلطات والايدامات وانا بوزع الفواكه ولا تنسون الخبز معاكم
راحت بدور واخذت صحون الايدامات والسفره واضطرت ريما تأخذ صحون السلطات والخبز ودخلت الصاله لقيت عمانها بندر وفهد وفيصل وجدها ابو عبدالعزيز قالت: السلام عليكم
ردوا وعليكم السلام
وباست عمها بندر وعمها فيصل وبعده فهد وبعده جدها وجلست توزع الصحون
بندر : رموشه اخيرآ طليتي علينا ماعليك من فيصل هو ماهزأك الا خايف عليك
ريما دمعت عيونها وقالت : انا تغطيت تو ماقال لي
بندر : تعالي اجلسي جنبي هنا
جات وجلست جنب عمها وهي مرخيه عيونها للأرض
بندر : يافديتك ياناس ماتقولين عمو اسأل عنه وش اخباره بعدين فيصل ماعليك منه يزعل وبعدها يرضى
سألت دموع ريما
بندر بإستغراب مسح دموعها : ليه الدموع وضمها
بندر : اشفيك
ريما واشرت برأسها لا
ناظر بندر بفيصل وقال : اشفيك عليها انت
فيصل قام وجلس عندها وقال : انا مراضيها بس يمكن انت اللي زعلتها
بندر : لاشيخ
جلسوا كلهم يضحكونها ويسلونها لأنهم عارفين انها مجروحه والذنب مو ذنبها
@@@@@@
عند سميه وخلود
سميه : عبدالعزيز متى يجي
خلود : ما ادري صراحه طلع العصر بيروح الوكاله
سميه : اذا بيتأخر بروح بيتي
خلود : ابي اتصل عليه واشوف
راحت خلود تتصل عليه رجعت بعد دقايق
خلود : لا بيتأخر راح الاستراحه وبيتعشى مع اصحابه
سميه : ابي اتصل اتعذر منه
اتصلت مرتين مارد
عرفت سميه قصده
سميه : مايرد بس سلميني عليه دوبي اروح لبيتي اسوي عشاهم
خلود : الله يسلمك
@@@@@@
&& ضحيه بلا ذنب &&
في الجامعه
الساعه تسعه الصباح
ريوف: هيا بنات عندنا محاضرات انا واشواق سوا في محاضره وحده في الدور الثالث
ريم : انا محاضرتي شبكه في الدور الثاني شوق : انا معاكم في الدور الثالث
اشواق : اوكي ياالله باقي عالمحاضره ثلاث دقايق والله اذا تأخرنا تطردنا فيفي عبده
شوق: ههههههه حلوه فيفي عبده ذي
ريوف : صراحه تشبه لها ولسانها اطول من لسان فيفي بعد
صعدوا البنات وهم يسولفون لما وصلوا الدور الثاني
ريم : ياالله بروح محاضرتي
ريوف: بالتوفيق
ريم : وياكم
|
25-12-10, 07:40 AM
جديد مواضيع قسم القصص المكتمله
العرض العادي
