الجزء الاخير باقي عليه خطوه وحده بس ..
عن 11 سطر تعليق وتلخص بالروايه كلها ماراح ارحم حد ههههه
يعني قربنا على الاخير ابي الهمه بالتعليق ..

1 من حيث تعليقك على الشخصيات ..
2 تعليقك على نمط الروايه
3 تعليقك على حياتهم وتدهورها ..
4 رايك بالروايه بكل امانه ..
5 رايك بالاسلوب
6 وهل تحس انه الروايه مبلغ فيها ..؟

نتواصل انجال
5 رايك بالاحداث << كلها ابيها ب11 سطر مو سين وجيم اقتله < بجد تتكلم ..

يسلمو نجولة على البارت مع اني تمنيت تكمليها للنهاية علشان نرد على الاسئلة الي حطيتيها بعد مانشوف كيف بتنختم الرواية .............. البارت قلب الموازين وخليتينا نتخوف من النهاية بصراحة



احلى مافي البارت انو اخيرا نجوى انكشفت قبل ماتخرب بيت نوفا وخالد حط حد لهالمهزلة ووداها الطب النفسي لانو هو الحل معاها ,,,,,,,,,,,,,, مع انهم تأخرو كثير ولولا انو هيا توعت شوي كان تفرقت العوايل اكثر




لولوة وفهد

بصراحة هي اكثر وحدة من خواتها مو قادرة اتعاطف معاها ومع تصرفاتها اتمنى تفكر بعقلها لو مرة بحياتها كافي اعباء على خواتها خليهم يعيشون حياتهم اما اذا تطلقت وعندها ولد بكذا خواتها بيلتزمون فيها هذا غير انو بتصير مشاكل تفرقهم عن عمامهم ........... اتمنى تاخذ فترة حتى لو اخذت فترة حملها كلها بعيد عن فهد وتفكر بحياة الولد الي جاي وتترك تصرفاتها الغبية انها ترمي ولدها بدار ايتام حرااااااااااام عليها مو كافي الي سوته من قبل من غباء على سالفة الشقة الي ابد اعذارها تافهة جدا ومالها معنى الحين حتى تفكيرها لازم يكون ايجابي وخصوصا انو فهد اعترف بكل شي واهم شي حبه لها



حمد ومضاوي

الحمد لله انو الاثنين بدوى بداية صحيحة قبل مايرجعون وبعد ماتخلصو من نجوى حياتهم بتعرف الاستقرار اذا خوات مضاوي عقلو وماكبرو المشاكل لانو مضاوي فيها تهور وعدم عقلانية بعصبيتها ............... اتمنى تستقر حياتها خلاص هي وحمد وتعيش مثل باقي الخلايق



ليلى وثامر

بصراحة ليلى ماتستاهل ثامر جالسة تبدي حالها على الرجال الي علقته واملته فيها حراااااااااااام عليها بس بعد ثامر حرام يتزوج منيرة ويظلمها وقلبه معلق بغيرها اتمنى ليلى هالمرة هي الي تتخذ الخطوة لحياتها وتتنازل شوي وتنقد حبها هي وثامر ويتزوجون خلاص باقي هي بس من خواتها



نجولة البارت النهائي نبغيه مفرح تعبنا من حرقة الدم والاعصاب والهموم خلاص نبغي احداث تبرد القلب

الســـــــابع والعشـــــــرون 27 والاخيــــــــــــــر
----------------------------------------------

" لولوه انا اسف الاني كذبت عليك وقلت انك منتي بنت وانتي بالحقيقه بنت
اسف الاني اخفيت هالشي عنك والله اني صادق فما اقول وكانت ابغى امسك عليك اي شغله علشان بس تتادبين وتخضعين لي انا اسف جد
ومافي اي عذر يشفع لي لكن حبيت اقولك هالكلمتين الاني فشلت انا الثاني بتجربتي معك والطفل ماله اي ذنب بحياتنا واتمنى ما تنزلينه الانه يمكن هالطفل بيجمعنا وبيسعد حياتنا
اخذي راحتك ببيت اهلك لكن تاكدي اني بتغير لكن خلنا نهدي شوي يمكن الشوق تجمعنا ويهدي نفوسنا ويعلمنا الحب صح ..
بس بقولك شغله حبيت انا فعلا حبيتك واتمنى تسامحيني يمكن ما اعيش بكره او الساعات الجايه وابيك تسامحيني تكفين يا لولوه ..
سامحيني وانا بجد احبك لكن رجولتي قست علي وخلاتني ابرز رجولتي اكثر من حبي .. انا اسف من زوجك الذي يعشقك .."


تقرا الرساله اكثر من مره ودموعها تمطر وكانها امطار الشتاء الغزيره لا يوجد هناك من يلملم جروجها ويمسح دموعها حياتها معه كابوس مخيف ..
لا تستطيع ان تبقى مع خياله او ظله .. كلماته مازالت تخاف منها ..نظراته قوت صوته كاثير الاسد المخيف الذي تسمعه تشعر وكانك ستموت بعد لحظات حتى لو كنت تمتلك اكبر شجاعه
وقوى ستخاف لمجرد النظر الى عينيه وصمود قوته ..
لا اعرف كم بغيت من الوقت وانا ابكي واتذكر ليلتنا الهوجاء العصيبه علي .. وكلماته التي يرددها : انتي مو بنت " تكرر كلمته امسكت اذناها وهي تصرخ " بس بس " ما ابيك ما ابيك
تكذب علي بشرفي تطعني وانا شريفه وتقول للعالم اني مو بنت وانا بنت يكفي تعبت من اكاذيبه تعبت ياعالم تعبت ..
انا تغيرت وهو ما تغير يااااااربي صبرك صبرك يارب والله المستعاااااااان ..

وتمسك جوالها ووترسل له مسج ..
" لا تعتذر مالك بقلبي عذر او شفااعه .. وانسى اسمي وحقوق طفلك الانك ما تستحق كلمة اب "

فهد كان جالس هو الثاني بالاستراحه بروحه بعد ما راح ناصر منه اللي كان يهديه ويحاول يجمعهم بس الكل رافض وارسل هالمسج بس علشان يكفر عن خطاء بالكذب وطعنها بالشرف ..

وهو من داخل ما يبقى يرجعها لحياته بعد المشاكل اللي صارت ولا يبغى بعد يخسر اللي ببطنها منه ..مهما كان هذا طفله بيكبر وبيعرف اللي سواه ابوه بامه من مشاكل ..

حاول يهدي شوي ويستوعب من اللي يحصل حولينه يعني هذي ماهي حاله بيجلس كذا من غير عرس ويفكر هل بتقبل فيه بنت بعد اللي صار او وش وجهة نظر ابو واهله وخصووصا امه ..
من موقف بعد ما عرف انها طاحت عليهم ما حب يرجع البيت ويفتح ابوه له محظر تطمن عليها وعرف انها ارجعت للبيت وانها بخير
من خلال اتصاله باماني اخته ومع انها عاتبته الا انها تطمنت عليه وطمنته على امه ,..

بالطرف الثاني كانت جالسه بغرفتها لولوه
تستعد للوقوف وحذف عتبت الماضي بعيدا عنها معلنه عن غدا جديد من غير فهد ولا ظله ولا حتى صوته المخيف وتهديداته المرعبه لها..
قامت من السرير بعد ما استعدادت بعض من قوااها للنهوض لمسح الماضي والذكرى ..
حتى تثبت للعالم سقوطها ناتج وقوفها من الحياة التي بهذلتها من كل جهه ..يساوي مولد جديد لها وتغير للعالم ليس جدريا بل كليا حتى تثبت للعالم غير الصوره التي هرت فيها قبلا
ستكون انسانه انوثه غير ذالك ستغير مفهوم الكثير لها ..وستطهر قلبها من الحقد والكره وستعتني بطفلها هي وحدها ..
تمسك بطنها الصغير وتمسح عليه وهي تقول " ساجعل التاريخ يكتب ولادتك على صفحاته بانك ستكون فخر من يعرفك ومن يتعرف عليك ومن يكتسب قلبك "

ستجدد الماضي وترميه حتى يطهر قلبها من هوامش الحياة .. وتظهر صورتي الاساسيه ..وينصدم الكل ويندم من تركني بطعناته للزمن يُصدمه من انا ..!!

-------0------------
بعد رجووع ناصر وخالد من المستشفى ..
جالسين بالمجلس .. ناصر وخالد وهيا ..

وكان الجو متكهرب للغايه بعد ماعرفوا بانه ام متعب طاحت خافوا يصير بامهم شي بعد ما تعرف انه خالد هو من رماها بالطب النفسي ..
ناصر : انت مجنون تبغى تذبحها كذا .؟
هيا : وش الحل علشان تخبرون امي والله لتنهار يوم تسمع كلامكم ما توقعتك ياخالد بترميها بالطب النفس .
خالد : هذي اللي بيشفيها وبيعالج نفسيتها المريضه اجل تبغاني اخليها تخرب بيتك وبيت حمد وبيت كل اللي بلاب معها ؟ مجنون لو خليتها كم مره نكشفها وكم مره نظربها ما يفيد معها شي غير
كذا انا بتصرف مع امي لكن انتو خلوا الموضوع علي ,,

هيا : كيف بتتصرف بتصرخ عليها وبتقول بنتك بالمستشفى المجانين ؟
ناصر : هو اسمه الطب النفسي ومو بس للمجانين يا هيا الكل يعالج عنده مو بس المجنون ..
هيا : بس امي بتعتقد انها مجنونه وبتقول لكم هذي اختكم ورميتوها بالطب النفسي وبتنقهر وبتكبر السالفه عند الكل وبننفضح انه رمينا اختنا بالطب النفسي انت ما راجعت نفسك قبل
لا ترميها وننفضح ..
خالد : خلي الناس بجهه ومرضها بجهه الناس ماراح تقدر ظروفها ومرضها وامي انا اتفاهم معها والناس عمرهم ما عطونا شي من مالهم او حلالهم خليهم يتكلمون اخرتها بتطلع اختك
باذن الله مافيها الا العافيه ..

ناصر : لاول مره اخاف
هيا : شوفوا اذا صار لامي شي والله ماراح اسامحكم الانها هي اللي بقت عندي ..
ناصر : لا تخافين بنكلمها بهدوء وهي بتتفهم بالوضع .. بس انتي يوم تسالك عنها قولي لها بغرفتها لين نتكلم معها ونقول لها السالفه ..
هيا : الله يستر والله اني خايفه ..
خالد : لا تخافون هي بخير دامها بتتعالج من مرض العظمه والغرور بتكون احسن بنت ..
ناصر : والله انصدمت منها كانت بتفرق بيني وبين نوفا ليه ؟ وش سوت لها نوفا ؟
هيا : الكره الانها تزوجة وهي بعدها الانها اخت مضاوي اللي اخذت حمد منها ..
خالد : طيب ليه صور حمد معها ؟ وارقامه ومسجاته حتى ..
ناصر : وشهو ؟
خالد : لا تخاف حمد ولد الحلال مسجاته كلها يحاول يمنعها من ان تفضحه ..
ناصر : ااااه اثريها هي تعرف بانه متزوج ..
خالد : اي وتهدده وتقول تزوجني وانا اسكت ما قول لاهلك وهو يقول قريب وسكت واثريها هي من خبرت عمي عن زواجه الاني شفت مسجات منه يتوعد لها ..
ناصر : والله اختك ذي ايقنت انها مجنونه ..
هيا : هي ماهي مجنونه هي محتاجه عطفكم لكن ما لقت احد يعطيها وجه دايما محتاجه تطلع انتوا تمنعونها من تطلع امي اشوفها تاخذ عبايتها وتغفل حجرتها على انها دخل الغرفه انتوا ما تدرون
عنا يعني جالسين بالبيت او لا وامي اكثر وقتها عند خوالي وين بتفضى لنا . وانتوا رجاجيل البيت ما تدرون عن حريمكم وعاركم .؟

ناصربعصبيه : وش قصرنا يا هيا وش قصرنا اذا كل شي تبونه عندكم كل شي تتمنونه يجيكم واسال عنكم واذا دخلنا غرفتكم قمتوا عليتم صوتكم خصوصيات بنات ما ندخلها
هذا سبب انه عطيناكم الثقه الزايده وقلنا انهم بنات كبروا على الخرابيط انتي عمرك 23 سنه تعرفين الصح والغلط يعني ما نمسكك ونظرب يدك علشان غلط انتي تعرفين انه غلط ؟

ونجوى حرمه عمرها 25 سنه داخله 26 وين الجهاله براسها ؟ مافي براسها غير الكره والحقد والانتقام ؟

خالد : قصر صوتك يا ناصر لا تجي امي وتسمعك ؟
هيا : خلها تسمع هي بتنصدم ما توقعت بترمونها هالرميه وتقولون عنها مجنونه . لو ابوي عايشه والله ما سوا اللي انتوا تسووونه ..

ام ناصر تدخل على غفله والكل يسكت ..
ام ناصر : وشفي صوتكم واصل للحوش وش فيكم سكتوا اول ما شفتوني ..
ناصر قام باس راس امه وبعدها طلب منها تجلس على الكنبه ..
ام ناصر : وش فيكم مجتمعين وصوتكم واصل لبيت عمانكم

خالد : بصراحه يايمه في موضوع لازم نخبرك عنه ..
هيا : انت بتذبحها لا تقول بطريقه هذي .
ناصر : لا انت ولا انتي كلكم اسكتوا ..
ام ناصر برعب : وش فيكم ؟ صاير شي ؟ فيكم شي ؟
ناصر : مافي شي يالغاليه بس حبينا نعلمك بشي ..
ام ناصر بخوف : خوفتني تكلموا وش فيكم

ناصر يمسك يدها ويهديها : ماصار الا الخير يالغاليه بس اتعبت نجوى واخذنها للطبيب ..
ام ناصر بصدمه : وش فيها نجوى .؟.ردوا علي وش فيها اختكم ..
هيا تشوف خالد وخالد يشوف ناصر وكل شخص ينتظر احد يتكلم ..
خالد : يما نجوى مريضه من زمان والمفروض من زمان معالجينها ..

ام ناصر بتعجب : كيف مريضه من زمان ما فهمت

ناصر : يمه نجوى .....
سكت ما قدر يتكلم ..
ام ناصر : تكلم وش فيها ؟
خالد بندفااع :يما بقولك بس انتي امسكي اعصابك ... نجوى لقيت صور واشياء مو زينه بجهازها وغير هذا معطيه للشباب رقم نوفا زوجة ناصر وغير صورتها مصورتها تبغى تنشرها
وصور ثانيه لصديقاتها تفضحن وغير هذا تبغى تدمر مستقبل بنت اخوك .. هذي كل قلبها حقد بحقد... وصور ثانيه ما اقدر اقولها لك ..
انا اخذتها لطب النفسي علشان يداويها ..

ام ناصرر : مستشفى المجانين ..
ناصر : هو ماهو طب للمجانين هو طب يدامي العصاب يايمه ويريح الحاله النفسيه وبنتك ماهي مجنونه بس حبينا نداويها ..
ام ناصر : هذي اختكم وصيت ابوكم على خواتكم ترمونها كذا حرام عليكم وهذا وانا حيه ترمونها كيف لو بكره وش بتسون بخواتكم ؟

خالد : يمه اسم الله عليك بعد طولت عمر يارب ..
تقاطعه هيا وهي تقرب من امها وتمسك كتفها : يما بعد عمر لا تقولين هالكلام ..
ناصر : هي مريضه وكم مره ضربناها ومافاد فيها شي ياليت يا يمه تفهمينا الحين بناخذك لها وتكلمين الدكتور وترتاحين بنفسك وتعرفين انها هي مريضه وماراح نخليها على طول هنا
هي بس تتشافى صدقيني بنرجعها وبتصير احسن من قبل واحسن .. هالطبيب بيخليها تصير انسانه طبيعيه .. ياليت يا يمه تفهمينا كلنا نحبها ونبغى مصلحتها ..

ام ناصرل ببكي : لا خلاص رووحوا ماعاد ابي اشوفكم ..
خالد يجلس عند ركبتينها ويبوسهم : انا اللي اخذتها لا تعاتبين اخواني انا اللي اخذتها وانا ابي مصلحتها مو يعني اني اكرها يالغاليه والله بنتك بخير بس تبي شوي ناس يفهمونها
واخذيها مني اذا ما ردت عليك بعد اشهر قليل لا تقابليني بالبيت وبتشوفينها انتي انها تغيرت وصارت انسانه ثانيه غير نجوى الحقوود ..
وباس راسها ويطلبها انه تركب معه علشان تتاكد امه انه كلامه هو الحل الوحيد .. ..

ناصر بقى يشوف هيا اللي متمسكه بامها ,,
ويعم السكون وتبقى الشهقات بالقلب منتظره الغد القريب لرؤية النتائج ..

------------------

الساعه 8 ونص .. ببيت ابو مشعل ..

ابو مشعل وام مشعل جالسين بالمجلس يسوالفون عن الاحداث اللي صايره بالعايله ومحدن عندهم ماخذين الجو بالنقااش الحاد ..
ابو مشعل : فهد غلطان ليه يظربها يظر امه ويظر حرمته
ام مشعل : الله يكون بعونهم والله ما ادري عرفته من ام متعب والمسكينه تعبانه وزين نوفا وليلى جو وسلمو وسووا الواجب ..ماقصروا واللي عرفته منهم
انه لولوه رافضه ترجع لفهد ..؟
ابو مشعل : خليها علي انا بهدي بينهم قبل لا ترجع اختهم مضاوي ..
ام مشعل : هي متى ترجع ؟
ابو مشعل : والله يقولون بكره بترجع الساعه 8 بليل ..
ام مشعل : بس علاجها ما انتهاء.؟

ابو مشعل : بعده يبيله وقت طويل .لكن هي عنيده ورافضه تكمل العلاج بلندن وتبغى تكمله هنا تقول دام العمليه انتهت اهم شي والباقي بكمله عندكم ..
ام مشعل : ليه في احد قالها شي ؟
ابو مشعل : والله ما سمعت انها تعرف بس اللي عرفته انها متضايقه ولا تبغى تكمل هناك ..
ام مشعل : ما الومها الدنيا هناك توحش وماعندها احد غير حمد وحمد ما تعرفه ..
ابو مشعل : الله يعينها ويعينه ويهدي بين لولوه وفهد اهم شي ..
ام مشعل : وش بتسوي فيهم ؟
ابو مشعل يفكر : انا بحلها وخليها علي بجمعهم وبكلمه بالاول وبفهم منه السالفه ..
ام مشعل : بيرفض ابو متعب انك تكلم أولده ؟
ابو مشعل : اخوي عبدالله مايرفض اني اكلمه الاني حسبت ابوه وابوها ولا تخلين لامر حساسيه زايده مهما كان انا مثل ابوه وعبدالله لو اظربه ما بيقول شي ..
ام مشعل : ما توصل للظرب يامحمد ؟
ابو مشعل : ماراح امد يدي يا ساره بس اقولك مثال لا تصدقين كل شي اقوله عاد افهمي ..
الا يدخل عليهم ثامر وجهه ما يبشر بالخير ..

ام مشعل بخوف : وش فيك يا ثامر ؟
ابو مشعل : ثامر فيك شي ؟
ثامر يبوس امه وابوه براسهم : ابد سلامتكم بس جيت اسلم عليكم وشفتكم بجحركم الدايم المجلس والله بخليه مجلس للحريم مو للرجاجيل يايمه دامك انتي وابوي تتوعدون فيه بلليل ..
ام مشعل : ههههههههه لا وانا امك ما نرتاح الا هنا ..
ثامر : دوم الراحه ..
ابو مشعل : وش فيك ياثامر احس عندك كلام ؟
ثامر : دايما تفهمني يالغالي ..
ابو مشعل : جيبها من الاخر ..
ثامر : انا ابي اخطب ليلى قصدي منيره بنت خالي عوض وابيك يا يمه تخطبينها لي بعد موافقة ابوي ماعليج امر ..
الكل بانت بوجهه الصدمه .والتعجب من كلام ثامر بالاول نطق ليلى وبالتالي نطق منيره وش الذهول اللي صدم الكل ..
ام مشعل : وش قلت ياثامر ؟
ابو مشعل : انت قلت منيره ولا ليلى ؟
ثامر : انا قلت ما عليك يا يبه ابيك تخطب لي منيره بنت خالي عوض ..
ابو مشعل : وش السالفه قبل يومين جايني وتقول اخطب لي ليلى ؟؟ والحين تقولي منيره ؟وش السالفه ؟

ثامر : خلاص انا ابغى منيره وتكفى يا يبه لا تردني ؟
ابو مشعل بعصبيه : وشهو تكفى منت رجال تقدر تثبت كلمتك

ثامر بنفعال : الا رجال بس انا عفتها ماعاد ابغاها ليلى بنت اخوك انا ابيها وبالاخير تقولي وشهو انا ما ابغاك انا ابغى اكمل دراستي ولا شفت حيات خواتي ما ابي اصير زيهم
بعد ما عشمتني الحين تقول لي ماعاد ابغاك يا يبه انا ماني لعبه بيدين حرمه انا خلاص عفتها يا يبه جد عفتها ماعاد ابغاها وابي منيره بنت خالي ..

ام مشعل : ........................

ابو مشعل : لا تاخذ بنت خالك علشان بس تقهر ليلى هذا زواج ماهو لعبه يا ثامر مو بيوم ولليله تقهرك بنت تروح تخطب غيرها ...
ثامر : يبا هذا اخر كلام عندي وانا مصمل ومصر على رايي يايبه ..
ابو مشعل : ما بذنك ماي ؟
ثامر : ابد يا يبه ماعاد بقلبي حرمه ما تبغاني وتلعب بي وانا رجال لا عندي لف ولا دوران وهي الخسرانه ..
ابو مشعل : بس ليلى بنت عمك ويمكن مثل ما سمعت من امك انها تبغى تكمل دراستها وبعدها تتزوجها ..
ثامر : انا قلت كلمتي ماعاد ابغاها والنفس ما تبغاها يا يبه ..

ام مشعل : واذا منيره ارفضت وش بتسوي .؟
ثامر يلف بتجاه امه : بتكسريني من الحين وتصدميني يالغاليه ؟
ام مشعل : لا يا نظر عيني لكن هذا زواج واكيد خالك بيشاورها ..
ثامر : انتي تصالي على خالي وفهميه وشوفي رايه بالاول وبعدها تعرفين من رايه كانه يبي القرب او يبعده ..
ام مشعل : ابد خالك لو عرف اني بخطب بنته والله لعطيك ايااها بعبايتها لكن انا خايفه على البنت وبس انه خالك يقصبها عليك ..
ثامر : الله كريم بس ياليت يايمه تكلمينه اليوم بعد اذن ابوي طبعا الاني ابغا الاسبوع الجاي الخطبه والملكه . ..
ابو مشعل : بهذي السرعه ..؟
ثامر : انا رجال ما قصرني شي راتبي وعندي وعندي كذا فلس مجمعه للعرس وان شاءالله بكفون اما المهر موجود والجمدالله ..
ابو مشعل ": ثامر لا تتهور وانا ابوك دامك تبي ليلى تمهل واصبر ولا تخطب بنت خالك وبقلبك ليلى ..
ثامر : يبا انا معزم وليلى صدقني ماعاد بقلبي لها مكان ..
ابو مشعل : وش رايك اخطب لك نوره بنت عمك عبدالوهاب ..؟
ام مشعل : وش فيها منيره بنت اخوي ؟
ابو مشعل : مافيها شي ونعم فيها بس انا ابيه ياخذ من بنات عمه وفيها يعرفون ويعرفنه ..
ثامر : خلاص على راحتك اللي تشوفه يا يبه المهم ابيك تكلم عمي وتقوله الخطبه الاسبوع الجاي الاني مستعجل ..
ام مشعل تمسك يد ثامر : وش فيك ياثامر احس الوضع ماهو عاجبك ..
ثامر : ابد سلامتك يالغاليه المفروض تفرحين اولدك بيتزوج ..
ام مشعل : اسعد اللحظات والله وافراحها عندي لكن انا عارفتك ماهي اللي بخاطرك ..
ثامر : الله يعين يالغاليه وابيك تبشرين الكل بالخطبه وبيك تفرحين يالغاليه ..
ام مشعل : خلاص تبي نوره ؟
+


ابو مشعل : يعني اكلم عمك ؟
ثامر : باذن الله يبا يبه ..وانا عند كلمتي وبحفظها وبصونها باذن الله ...
ام مشعل : الف مبروووك ياولدي ..
ثامر يرسم ابتسامه مزيفه بوجهه : اللله يبارك فيك يالغاليه ..
ابو مشعل : الف مبروك مقدما ..
ثامر : الله يبارك فيك يالله استاذن باخذ دش وبرغد بكره علي دوام ..
ابو مشعل وام مشعل : الله معك ..

--------------------
عالساعه 9 بـ بيت ابو متعب ..

نايمه بغرفتها مرتاحه بعد ما اكلت ادويتها .. وصاها الدكتور انها تريح وتبتعد عن الانفعالات .. وجنبها بناتها اماني وعهود بعد ما فضى البيت من الحريم اللي جاييين يتطمنون على امهم ..
وحريم عمانهم وبناتهم وخالتهم . وراحت زوجة اخوهم متعب هنادي لجناحها ..
نامت اخيرا ام متعب .. وعهود ترتاح جنبها ما تخليها وهي منفعله : كله منها لولوه هي الي خلتهم كذا ...
اماني : قومي خلنا نروح للصاله بشوف بنتي ريما ونسوالف هناك ..
وتاخذ جوالاتها والاغراض المهمه ويمشون للصاله .. ..
عهود : هي السبب
اماني : السبب باخوك اللي كذب عليها وخلاها عبده تستعبده ويضحك عليها ولا البنت امي تمدحها من تزوجة وهي متغيره تخدمه وتسويله كل شي وانتي شاهده تقولين ريحة بيضها
ذاك اليوم اعجبتك يعني البنت فيها خطوه ايجابيه ليه تنكرينه وتصوبين عليها الغلط واخوك كله المغلط .. ظلم البنت وشواه شرفها وبالاخير يطلع مكذب عليها والله والله لو مشعل
مسوي فيني كذا ما اجل عنده انا مو لعبه كل شي الا الشرف ياعهود انتي تسمعينها عادي بس لو تصير الحكايه لك والله ما تسكتين خصووصا انه السالفه منتشره
واخوك هذي وهي لعبه ما سترها ..وهي بنت عمه يعني تشوفينه يسبها ويهينها وفوق هذي هي ساكته .. ولها الحق تطلب الطلاق

عهود : بس فهد معانا غير ؟
اماني : لا يحن الدم وتقوفين مع اخوك مهها كان هو غلطان ..
عهود : والطفل من بيعيش عنده ؟
اماني : وانتي ليه ترسمين النهايه عابسه وتتفولين عليهم ان شاءالله بيرجعون لبعض ويربون ولدهم او بنتهم ..
عهود : وناسه واخيرا بصير عمه ؟
اماني : اووص لا تسمك هنادي ...
عهود : اي مسكينه يارب يرزقها يارب ..
الا يدخل عليهم فهد وثوبه متعفس ومتوسخ . وحاط شماغه على كتفه وطاقيته على راسه وجهه تعبااان ..
اماني يوم شافته صرخت : فــــهد ..
توقف وترك له : وش فيك انت بخير ؟
فهد بتعب : اي بخير وينها امي ؟
اماني : داخل تعبانه ..
فهد : هي تعبانه كثير ؟
اماني : لا الحمدالله الحين نامت بعد ما اخذت الدواء ..
عهود : روح تسامح منها من الصبح مافي بلسانها الا اسمك واسم لولوه ..
فهد يشوف اخته عهود ويقرب منها : كله مني ..
اماني : هذا قضاء وقدر ياخوي لا تلوم نفسك ..
ويلف لاماني : ابيك تطمنيني عن امي واقدر ادخل عليها ..
اماني : روح لها هذي امك ما ذاقت شي كله تهذري فيك ليه مغفل جوالك ياخي في ناس تخاف عليك حرام عليك حتى ما قدرت تنام الا يوم عطيناها الدواء .
فهد : بدخل عليها الحين ..لكن ابوي وينه ؟
عهود : ابوي راح لبيت عمي عبد الوهاب ..
فهد : اها . طيب انا رايح لامي ..

ويطلع يركب الدرجات وفي قلبه صورت امه كيف تبعده عن لولوه الصبح كانت تصرخ ..

دخل الغرفه شافها مظلمه مافيها الا نور الابجوره وصوت القران للقراء السديس ..كان صوته يشرح الصدر بسكونه بصفاءه ..
قرب من السرير شافها نايمه
حب جبينها وقال : سامحيني يايمه سامحيني ..
لفت له ام متعب وعيونها دموع واكتفت انها تمسك خده ..
فهد : صحيتك ؟
ام متعب : وينك خوفت قلبي عليك ؟
فهد : هذاني جدامك عاتبيني اظربيني سوي اللي يعجبك فيني بس ابيك بخير يالغاليه ..
ام متعب تطيح دموعها : ابيك ترد حرمتك وتربي اولدك وما تشتت بيتك يافهد هذي بنت عمك يتيمه مهما كان ما تسوي فيها كذا انت جرحتها ورح راضها تراها صغيره ما تعرف
ابيك تروح الحين وتراضيها وتتاسف لها الانك كذبت عليها ..

فهد : ابشري يايمه بس خليها ترتاح شوي ..
ام متعب : ابيك توعدني انك ترجعها ..
فهد : ابشري بس انتي الحين اهم شي انتي ارتاحي ومايصير خاطرك الا طيب ..
يدخل ابو متعب بعد ما عرف من بناته انه فهد فوق ..
ابو متعب بعصبيه : انت وينك مغفل جوالك ومن الصبح ندور عليك ماعرفنا الا من ناصر انك بالاستراحه يعني لو ما خبرك ناصر كان جلست هناك
وش الشي اللي سويته ..
اماني تدخل على صراخ ابوها : يبا الله يهديك امي تعبانه خلها بعدين ..
فهد يوقف ويقرب من ابوه : انا غلط وجيت اعتذر وادري اللي سويته محدن بيسامحني عليه .. لكن كل انسان يغلط مافي انسان معصوم عن الغلط يا يبه ..
ويبوس ابوه من راسه ..

ابو متعب : بكره تروح معي وتعتذر من بنت عمك
فهد :........................
اماني : خلها يبه لين تهدي النفوس شوي حتى لولوه تعبانه ..
ابو متعب بعصبيه : انا قلت بكره ..
ام متعب بتعب : خلهم يا عبدالله شوي لين تهدي الامور وبعدها يصير اللي تبي ..
فهد : وعد مني لرضيها وارضيك واسوي اللي تبغااه بس تكفى خلها شوي وبعدها ارجعها هنا ..
ابو متعب بعزم : ابيك تراضيها بكره وتعتذر منها جدامي ..
فهد : كل الي تبيه بسوي بس مو بكره يايبه تكفى انا تعبان ومحتاج ارتاح تكفى يايبا افهمني ..
اماني تقرب منه : هدي يافهد عارفه اللي تمر فيه روح وانا بسويلك شي تاكله وتريح ..
ابو متعب : خلاص رح ونتفهم اول ما تصحى ..
فهد يلف على امه : انتي بخير ..
ام متعب : انا بخير دامني شفتك ياجعلني افداك ..
فهد : سامحني يا يبه تراه الشيطان لعب بي ..
ابو متعب : رح ارتاح بكره لي كلام معك ..
فهد : فمان الله ..
واستاذن وطلع لغرفته وهو يفكر وش يخبي له بكره او القدر له ..

---------------------------
الساعه 11 م ..

بعد ماراحت نوفا لبيت زوجها .. جلست لولوه مع ليلى بالغرفة لولوه الجالسه على السرير ... وجها تعبان وجسمها متورم من الظرب .. وحتى صوتها مبحوح من الصياح وعيونها
ذبلانه وجها مصفر ..ونفسيتها تعبانه ..
ليلى : بعدك ما كملتي الصحن اكلي ..
لولوه : تكفين ليلى مالي نفس ..
ليلى : ما يصير ما اكلتي شي ولا شربتي حتى الشوربا ..
لولوه : ليلى خلاص قلت ما ابغى ..
ليلى : بتذبحين نفسك علشان شخص تافهه لا راح ولا جاء ولا اهتم فيك ؟ خليه يولي اهتمي بنفسك واللي في بطنك ..
لولوه : اللي في بطني ما ابغااه ابيه يمووت ولا يشوف الدنيا اللي شتت امه ..
ليلى : استغفري ربك هذا قضاء الله وقدره وهذا اللي مكتوب لك من يوم منتي ببطن امك ..
لولوه : انا تعبانه يا ليلى بجد تعبانه ..


ليلى بقلبها : ماني باقل منك يا لولوه ..!!
وهي تتنهد وتكمل كلامها بقلبها .. انا صدمني ثامر بانه بيخطب منيره بنت خاله صدمني بجد ما توقعت اني رخيصه كانت ابغى اخلص الدراسه وبعدها اتزوج ماكنت العب معه ولا اضحك
بس التخصص اللي اخترته صعب هو طب نساء ويبيلي تفرق تام .. لاهو طب اسنان بسهوله ذي ..لازم يفهمني

لولوه : ليلى وش فيك ؟
ليلى : ما فيني شي افكر انه مضاوي بترجع بكره وش بنسوي ؟
لولوه : ياقلبي يامضاوي بترجع مع انه دواءها هناك ما انتهاء ..بتضر نفسها كثير هالبنت ..
ليلى : مصره انها تكمل العلاج هنا تقول خلاص العمليه الصعبه تجاوزتها والعلاج الباقي متوفر عند دكتورها اسامه ..
لولوه : بس هي تعبانها بعدها كيف تطير ..
ليلى : كلمة حمد يقول اختك عنيده ومصره انها ترجع والدكتور قال جزء من العلاج هو النفسيه ولازم تحترمون رغبتها ودام العلاج متوفر بدولتكم الاحسن انها ترجع ..
لولوه : ومتى بتوصل .؟
ليلى : عندنا الساعه 8 المساء ..
لولوه : اكيد الكل بيزورنا ويتحمد لمضاوي سلامتها ؟
ليلى : عمي ابو حمد قال انه بيسوي عشاء على سلامة مضاوي وكل شي بيصير بييته ..
لولوه : يعني لازم احضر هناك ؟
ليلى : اكيد ؟؟
لولوه : مالي خلق اشوف احد ..
ليلى : هذي اختك .؟
لولوه : بس ابي اشوفها هي مالي اشوف اماني ولا هنادي ولا عهود ولا بنات عمي اللي تاعرفوا بسالفتي ..
ليلى : لا يهمونك كلهم عطيهم طاف انتي بنت مافيك عيب هو اللي غلط وهو اللي يعتذر لك انتي ما غلطي ..
لولوه : تتوقعين مضاوي بحضورها بيتغير شي ؟
ليلى : ما ادري ؟
لولوه : تتوقعين يغيرها حمد ؟
ليلى : حمد مجرد مرافق مريضه ما اظن انها تتخيل زوجها ؟
لولوه : ما تدرين الحين لها ثلاث اسابيع وداخلين بالرابع ....
ليلى : مالي شغل اهم شي سلامتها وترجع مثل ما كانت مضاوي ..
لولوه : اي والله لازم نطلب حلا على سلامتها ..
ليلى : انا بكره بروح مع متعب لاقرب محل حلا واخليه يسوي لنا ..
لولوه : وينه متعب منساع جاء وسلم علي وجلس دقيقتين وراح ماعاد شفته .؟
ليلى : الرجال مشغول ماهو يمك ..
لولوه بضحكه : ليه وش عنده ..
ليلى : من عرف انه مضاوي بترجع بكره وهو رايح مع السياره ويحجز الورد وشاري هديه ما علمني وش هي ..
وغير هذا مرتب غرفتها على باله انها بترجع هنا ..
لولوه : الا جد هي بترجع هنا ولا بتروح مع حمد ؟
ليلى : الاكيد بترتاح هنا ؟
لولوه : اظن بتعيش هناك ؟
ليلى : انتي ليه تسبقين الاحداث خليها توصل بالسلامه وبعدها تعالي حلليها على راحتك يالله سلام بكره علي جامعه بروح للتسجيل قبل لا يفوتني وبعدها بمر الحلا والاغراض ..
لولوه : لا تنسين تلاصقين اسمي جنب اسمك ..

ليلى : لا والله انا اللي ادفع واروح واخرتها الاسم لك ..
لولوه بضحكه : انا تعبااانه ومريضه ..
ليلى بضحكه مماثله : خلاص كسرتي خاطري بكتب اسمك مره وحده ..
لولوه : مالت عليك روحي زين بنام انا تعبانه ..
ليلى : بذلف لا تخافين بس انتي انخمدي يعني ناااامي ..
لولوه : يالله مع السلامه ..
ليلى : كانها طرده ؟
لولوه : يالله
ليلى بضحك تحذف عليها المخده : لو مو حامل كان رميت عليك زوجاجة البيبسي ذي ..
لولوه : كويس يمكن هذي النعمه الوحيده محدن يظربني ..
ليلى : اقول تصبحين على خير ..
لولوه : وانتي من اهله ..

---------------------
باليوم الثـــــــــــــــاني

"...الطيــــــــــــــــــاره .."

حمد : وش فيك يامضاوي تحسين بتعب ..
مضاوي : شوي احس نفسي تعبانه ..
حمد : قلت لك مو لازم نسافر بس انتي اصريتي ..
مضاوي : قلت لك وجع خفيف ..باكل ادويتي وبيروح ..
حمد : ليه يدك ترتجف ..
مضاوي : خايفه ياحمد خايفه ..
حمد يقرب منها بالمقعد بالدرجه الاولى ..
حمد : وش خايفه منه ؟
مضاوي : من كل شي ..
حمد : مثل ؟
مضاوي : ما ادري خايفه وبس ..
حمد : يعني خايفه يتغير عليك الكل ؟
مضاوي : خايفه من حيات خواتي خافيه على مستقبلهم خايفه من حياتي معك
وبدموع : خايفه اخسر كل اللي حولي ..
حمد بضحكه : الحين الناس تفكر بنفسها وانتي تفكرين بغيرك ياختي عن نفسي ماراح اتغير انا قلت لك انا قلبي وعقلي كله لك ..
صحيح كنت ثقيل وغامض لكن قلت لك من بدينا الرحله عن حياتي وعن بنتي وكيف كانت حياتي ولا تخافين بالنسبه لنجوى انا بتصرف معها ..
يعني ما كفتك بالطياره 6 ساعات من الكلام معك يعني فيها عرفتيني وعرفت انك تحبين خواتك وتحرصين عليهم كثير وهذا يطمني انك بتخافين على بنتي وبتحرصين عليها مثل اخواتك
مضاوي : امي وصتني عليهن وما احب اشوف دموعهم احس اني ودي اموت ولا اشوف دموعهم يمكن صحيح قبل يبكون عادي لكن الحين بعد ماعرفنا عماني واهلنا
حسيت انه دموعهم مو مثل قبل حسيت بكيهم من قلة حاجاتنا لكن الحين دموعهم من ناس تجرهم من ناس ما عرفناهم الا يوم كبرنا ..صحيح هم عماني بس ياحمد ما بعد تاقلمنا معهم
ما صار لنا سنه معكم تغيرت مجرى حياتنا

تزوجة لولوه ونوفا وكنت ابغى اتكمن عليهم لكن عرفت اني غلط اكبر غلط يوم زوجتهم الاني ذليتهم شوف لولوه وكلام متعب..... وناصر وظربه لنوفا ؟
انا ما استحمل اني اكبر الغلط بالغلط لازم القاء حل وين عماني من خواتي وينهم ياحمد ما تقول لي ؟

حمد : عماني ما يقصرون معهم والله يا مضاوي اسمع من ابوي اخبارهم ويطمني عليهم وليلى اختك كل شي تقوله لي وعن نوفا كانت من نجوى مو من ناصر بس تلقين ناصر عصب
وما لقاء بوجهه الا نوفا ..لا تلومينه هو رجال ويوم يعصب ما يشوف من قباله لو امه ؟
مضاوي : طيب ..
يقاطعها حمد : بنظل نسوالف عن خواتك ومشاكلهم خلينا نسوالف عن نفسنا ..
مضاوي : وش نسوالف من طارات الطياره وانت تسوالف وانا اسوالف ما سكنا ..
حمد : انا قايل لاختي مزنه ونوره يسون شقتنا وان شاءالله اليوم تنورين بيتك ..
مضاوي : بس انا بنام عند خواتي مشتااقه لهم كثير ..
حمد يقرب اكثر : حرام كسر الخواطر ..
مضاوي بضحكه : وش ما خسرت خاطرك بس مشتاقه لهم ..
حمد يتسند: ياخوفي بكره كله لخواتك بعد ..
مضاوي : لا بيكون لك يوم بالاسبوع لا تخاف ..
حمد بضحكه قويه : لا بصراحه ما قصرتي كريمه وبنت كريم ..
مضاوي اضحكت : هههههههههه شفت اني كريمه ..
حمد : لا عاد تكفين خلينا يومين بالاسبوع طيب ..
مضاوي : لا ابغى عرس بالاول وبعدها اجيك ..
حمد : شوفوا هذي تتشرط بعد ماعندي ولا قرش ..
مضاوي : طيب طيب خلاص خلها حفله ..
حمد : ولا حفله سيده لجناحك كفايه المستشفى ما خلاني اسمي عليك ..
مضاوي افهمتها وماتت ضحك وخجل : بس عاد

الا يعلن صوت مساعد الطيران الاستعداد للهبوط بمطار الرياض الدولي على رقم الرحله 816 .. االمقلعه من مطار لندن( اسمه صعب ) الدولي ..

وتهبط الطياره بسلامه ويجر حمد الحقائب الا يشوف جدامه اخوه نواف (زوج ندى ) .. ويسلم عليهم ويتحمد لهم بسلامه ...ويركبون السياره .,

اما البيت كان الكل موجود ببيت ابو حمد .. ومسوين عشا كبير .. لسلامة مضاوي .ورجعوهم بسلامه ..

كانت لولوه ونوفا وليلى باتم حلتهم وجمالهم ,,, والكل كان حاظر وام متعب هم وطول العشا ما طاحت عيونها من لولوه مع انه لولوه مسلمه عليها ..
لكن لولوه كانت بجو ثاني غير عن الكل وتحس انه نظرات ام متعب بتاكلها وبتحرقها .. ودها تقوم بس اختها على وصول مهما كان موحلوه وانا عارفه انه ام متعب بتحاول ترجعهم مهما كان الثمن ..
والكل فرحان وام حمد ما قصرت بالمرطبات والعصاير والحلا وشوكولاته المكتوب عليها الحمدالله على السلامه وريحة البخور والورد من القربين يهنون فيها مضاوي على سلامتها ..

واكثر شخص واقف على الباب ينتظرها وعيونه ما راحت عن بيبان القصر كان متعب .. اصبح كالطفل الذي ينتظر امه بلهفه مجنونه ..
واكثر ناس لاحظوه كان عمه ابو مشعل ,, اللي اقترب منه وقال بترجع بس اوجعت عيونك وانت تشوف الباب ...
متعب بضحكه : لا بس مشتاق لها ..
ابو مشعل بضحكه : الله وش هالورد والشوكولاته ..
متعب : كنت ابغاها توشفها بالمطار بس نواف رفض ياخذني معه ..
ابو مشعل : ههههههه هو كذا نواف طبعه ما يحب ياخذ احد ..
متعب : انا اسمع صوت سياره جايه ...

ما كمل كلمته الا سيارتهم وصلت للبيت .. والكل زقرط على قولت المصرين اولهم ام حمد وابو حمد فرحان برجعتهم والكل فرح وبنات ابو متعب دمعوا عيونهم يوم سلموا على مضاوي
وحتى مضاوي نفسها ما قدرت تستحمل فرح الكل بوجودها وسلامتها ..
الكل تحمد لها بسلامه عمانها وحريم عمانها وبناتهم وحتى ناصر زوج نوفا .. والكل

واخيرا اجلست بعد ما سلمت وباركوا لها الحريم

وشافت خواتها وسالت عن حالهم والكل قال انها بخير وضمت اكثر وحده لولوه ونوفا .. الانهم تحس بذنب اتجاهم ..

مضاوي : شخباركم وش لونكم ..
لولوه : كلنا بخير بشرينا عنك ..
نوفا : لا تخافين علينا بخير والحمدالله اهم شي انتي ..
مضاوي : وش اخبار البيبي مبروك ياقلبي ..
لولوه : انا بخير ..
وكانها ما تبغى احد يبارك لها ..
اسكتت مضاوي والكل لها بالسوالف وخلا مضاوي تسوالف مع خواتها وترتاح شوي من الكلام..
ليلى : ها وش رايك بالرطوبه هنا ...
مضاوي : يازين رطوبتها ويازين غبارها يابنت ولا الرغبه هناك تذبح .
نوفا : يقولون هناك جنه خضراء ..
مضاوي : والله من المستشفى لهنا .. حتى كرسي بسياره وانتي تشوفين حمد من جابني هنا ..
ليلى : لا ان شاءالله بكره نشوفك تركضين ورانا وتحاسبينا ..
ما لاحظوا الا الطفله اللي تقرب من مضاوي ..

جود : انتي ماما ؟
نوره تقرب منها اكثر : ايوه هذي ماما ..
جود : بس صورتها مو زي اللي عندي ..
مضاوي بدت غرق دموعها : اي انا ماما يا جود ..
جود : فين لعبتي ؟ انتي قلتي بتجبينها مع بابا ..؟
مضاوي : هي بالسياره بكره اخلي بابا يطلعها من السياره ..
نوره : الله يعينك اذا تبغى الشي يعني تاخذه بتاخذه ...
مضاوي : خبرني حمد انه علمها على هالشي يقول بتتعبين معها شوي ..
ننوره بضحك : امي شوي وتنفجر منها يالله تاقلمت على امي ..
جود : بروح لابوي ..
نوره : لا اجلسي ابوك عنده رجال عيب ..
مضاوي : خليها حمد مشتاق لها كثير ..
نوره : على مسؤوليتك ..
مضاوي : طيب انا اتحمل ..

ام حمد : يالله تفضلوا على العشا ..
وتاخذ صحن كبييير فيه لحم وتحطه بطاوله جنب مضاوي وتحط لها كل شي .. الانها مقعده حاليا يبيلها وقت قصير وتمشي ..
وانتهاء العشا والكل رجع لبيته وراحت مضاوي عند خواتها
وحتى نوفا نامت عندهم ,,ومتعب ما تعب من الكلام وطول والوقت يقول عن بطولاته عن غيابها ومضاوي مستمتعه والكل يحاول يسكته لكن مضاوي تقول : اسكتوا خلوا يكمل ..
وهي تبتسم وتضحك على سوالفه وتاكل من شوكولاته اللي جابها ..
وتسوالف مره نوفا وتضحك مره لولوه وتغشمر عليهم ليلى كانت الليلى كلها فرح وسعاده بتجمع الخوات ..

مضاوي كانت مرتااحه بتجمع الشمل مره ثانيه وكانت فاقده الامل انها ترجع لهم او انها بتموت وما بتشوفهم .. واول خطوه راح تسويها لولوه وفهد ..بتجمعهم مره ثانيه
لكن بتصبر لين تدرس الوضع وتتجمع قوتها التي تسربت بعد العمليه ..

"......بعد مرور اسبوع .."

مضاوي قدرت تمشي شوي شوي وجالسه ببيت اهلها لحين تتشافى بالكامل.. وتعلقت فيها جود اللي ما قدر احد يستحمل دلعها

.. واليوم عرس مزنه وفارس ..
كانت القاعه كبيره روووعه بجمالها .. الحضور كثيف والكل يقول الزين عندي ..

وكان الكل فرحان ومبسوط .. وكل بنت بغاية الجمال والاناقه ..
كانت نوفا لابسه فستان مشمشي عليه فيونكا سوده تجنن فيها ..
وليلى لابسه كركوازي على سماوي يهبل عليها ..

والكل جالس ومندمج بالعرس الا تنصدم ليلى اللي كانت جالسه بطاوله مافيها الا نوره عواشه وعهود هيا .
الي انصدمت من عايشه انها تقول : ها يا نوره مستعده لبكره ؟ ؟
ليلى لي لفت عيونها بسرعه " وش بيصير بكره ها يالله خبروني "
عواشه : هههه سر بيني وبين نوره وهي تعرف وش اقصد ..
نوره : عواشه بس تراني استحي ..
ليلى : ياعيني اللي تستحي اقول قوليلي وش عندكم بكره ؟

عهود : مافي شي الخبر منتشر اصدق ما تدرين ؟
ليلى بضحكه : وشهو عاد حرقتوني لا يكون عشا علشان العروسين ؟
هيـــا " لا يالخبله الكل بكره معزوم ببيت خالي عبدالوهاب الانه خطبة وملكة بنته نوره ..
ليلى بفرح كبير: الف الف مبرووووووووووك يالله من عريس الغفله ..
عواشه ما حبت تتكلم الانها تعرف السالفه فحبت تسكت احسن ..

عهود : اصدق ما تدري اذا مضاوي والكل يدري انتي ما تدرين ؟!!
ليلى : انا صايره مشغوله بالجامعه وتسجيل المواد يعني ما ارجع البيت والا وانا تعبااانه ..
عهود : ان ما تدرين ادري ملكة نوره وهي تصر باسنانها اكثر وثــــامر ولد عمي مشعل ..

ليلى حبت تعيد الانها حست انها اسمعت اسمه ايه اسمعت اسمه ماهي غلطان ..وكررت لها السؤال مره ثانيه .
ليلى : من هو قلتي لي ؟
عواشه رد عليها هالمره : ثامر اخوي ياليلى ..

ليلى جتها حالة صدمه وهي تسمع اسمه للمره الثانيه وتوقعت هالمره من صوت الدي جيه اثر فيها ..
كررت لها عهود : وش فيك ياليلى .
ليلى : ثام ولد عمي مشعل ؟
نوره : وش فيك ايه ليلى هو وبكره ملكتي .
ليلى حاولت قد ما تقدر انها تكون طبيعيه ..واستاذنت لكن قبل لا تستاذن خذت نفس عميق وكانه الامرطبيعي وتضحك عادي ما تبغى تبين لاي شخص ضعفها ...وبعدها استاذنة دخلت الحمام الله
يكرمكم ..وهي تحس ببلون الكتمان سينفجر باي لحظه وانه الدموع ستمطر بغزاره مندفعه وسينفضح الامر اخيرا ..
لم تتوقع ان يحدث هذا .. غدا سيرحل عني .. غدا سيغيب طيفه .. غدا سيتلاشا صوته ويصبح سراب ..

فجرت نفسها من الدموع وهي تحبس شهقاتها من الخروج لا تريد شكلها ان يتدمر وينفضح امام الكل لم تتوقع ليلى ان تكون نوره هي الزوجة ثامر ..
كانت تتوقع منيره بنت خاله الانه هددها بانه بيتزوجها لكن شكله غض النظر ويريد اقهارها واخذ شخص قريب لها . بنت عمها

شافة نفسها بالمنظره بانه مكياجها ساح من الدموع وحست خلاص بتنفضح .. الا ثواني تدخل بنت ومعها علبة ميكاج تعدل ميك ابها .. تطلبت منها بعض الاغراض مثل البودر
والكحل السائل وبعض الاغراض وفعلا صلحة مكياجها وتعطرت من عطر الحرمه وخرجت من جديد وهي تقول انت ملكه على نفسك
انتي يا ليلى بتكونين من اليوم حره واهم شي دراستك هذا حلمك لا يتعدا احد ولا رجل حتى يقدر يحطمه .. وتركي الحب .. وعالم السجن المقرف وكل ذكرى به موجعه ..

مضاوي كاننت جالسه بالطاوله الثانيه ..
معها : ندى وهنادي واماني وثريا نوفا ...

مضاوي : اماني من وين حلوياتكم تجنن ..
اماني : هذا الله يسلمك من باتشي طلبيه طلبته خصوصا لفارس ومزنه ما تعرفين فارس موصيني اجيب منهم ..
هنادي بضحكه : الانه يعرف انه مزنه تحب باتشي جاب لهم بالغرفه سلة كامله شوكولاته باتشي ..
مضاوي : يستاهلون ..
ثريا : مضاوي على هالجمال لازم نزفك لحمد ..
مضاوي : هههههه لا تكفين لا تقولين له يصدق الحين وياخ1ني من بيت اهلي ..
اماني : بسك دلع مافيك الا العافيه الحين يالله روحي لبيتك ..
مضاوي : وشهو جالسه بقلبكم انا يكفي حرام عليكم انا مريضه ..
هنادي : لا والله تتدلعين عليه مو علينا حبيبتي كاسر خاطري ولد خالي ماعنده حرمه وبنته تبي ام تعطيها الحنان
مضاوي : ياويلي منكم ياخي خلوني اتدلع ..
ثريا :لالا ماعندنا حريم يتدلعن وافرحي وشدي حيلك بطفل يسعدك ويبعد عنك الكبر والمرض
مضاوي : ههههههه يكفي متعب كانه الطفل مجنني ويغار من بنت حمد بدخلتها وخروجها
ثريا : يو الله يعينك ..
مضاوي : افكر ازوجه بجود
اماني :لا بجد يعني مخططه بزواج بزنس ..
مضاوي : مشكلتك فاضحتني هههههههههههههه
هنادي : اها السالفه كذا علشان حمد تزوجين بنته لخوك وبالمره تفتكين منهم ..
مضاوي " ومن قال بفتك منهم كلهم اعيالي ..
اماني وهي تقرب من مضاووي وتهمس لها : ليه ما جت لولوه .؟
مضاوي : تعبت معها تقول ما تبغى تحضر وهي تعبانه نفسيا شوي من ذاك اليوم اللي جمعتهم فيه مع عمي عبدالله ..
اماني : الحل من بعضه عند فهد من وجمعهم ابوي وانتي وهم ماهم بطبيعيين ..
مضاوي : الله يهديهم ..
اماني : امين ..
هنادي : وش فيكم توشوشون بين بعض ؟
اماني : ابد نسلم يالله ياهنادي قومي انا بشوف الحلويات وانتي تاكدي على العصاير اشوفهم تاخرووا ..
نوفا : انا بقوم ارقص فيني جنون ..
هنادي : ياهني اخوي فيك يا نوفا اشهدنه اليوم بيطير من الفرح يوم يشوف هالجمال ..
مضاوي : اذكري الله تراني اخاف على اختي ..
نوفا ترمش عيونها بدلع : لا لالا ما اقدر لا تطيريني ..
مضاوي : بس ياهنادي لا تخلينا نخلي العرس ونركض لناصر ..
نوفا بعياره : عادي ارجع البيت الحين ؟
هنادي ميته ضحك مع اماني وثريا << وراحت اماني تشوف الحلويات ..
هنادي: وشهو مستعجله اركدي .لاحقه على البيت ..ولاحقه على ناصر ..
مضاوي : اللي يشوفك يقول حرام من زمان ما شافته ..
نوفا بدلع : هو قالي سلمي وارجعي ترا بس قلت بجلس علشان خاطر عماني ..
ثريا : يا عياره رووحي ارقصي يالله برقص معك وبقرصك ..
نوفا بضحك : لا تكفين بس ارقصي ..
هنادي : رووحي الله يهنيكم ويكفيكم من شر الحاسدين والعيون ..وانا بمشي بشوف عمتي وش تبقى وبشوف العصاير ..
نوفا : ما عليك امر وانتي جايه ابغى عصير كوكتيل بارد ابغاه بعد الرقص تعرفين تعب الرقص ..
مضاوي : نوفا توكلي على الله .وارقصي قبل لا تخلص الغنيه ..
وكانت الاغنيه " موضي الشمري : حبه حبه .."
حبه حبه على قلبي حبه حبه ..
ولا تعصي قلبي قلبي بغرامك ..
ولا تخليني اعشق وهلوس حبه حبه ..
الخ ........


وترقص عليها نوفا وعهود وعواشه وثريا ومجموعه من البنات وكان الرقص يجنن عليها ..
تطلع ليلى وهي متشتته ما تعرف وين تروح.؟ وين تخبي وجهها .. تحس انه امرها مفضوح .. وحبت تجلس مع مضاوي بالطاوله ..
واول ما اجلست لاحظة مضاوي عبوس وجها وتغير الميك اب ..
مضاوي بهمس : وشفي وجهك ؟
ليلى بضحكه مصتنعه : ولا حاجه بس حسيت الميكاج القديم شوي مسبب لي حكه وحبيت اعدله ..
مضاوي : اسم الله عليك
ليلى تبتسم لها وترجع تشوف الرقص ..وتحاول تبتسم .. وعواشه ما طاحت من عينها ليلى .. من تراقبها ..

وجت ساعة زفت العروس وكانت نوره جنب اختها العروس كانت مزنه ايه من الجمال ثوبها ابيض ناصع ..
وكانت دخلتها باسمها وشعر خيالي يمدح عمانها وابوها وامها واخوانها ..
وبالاخير مدح زين الرجال فارس اللي اخذها ..

وخلص الفرح والكل كان مبسوط الا الاثنين
لولوه بالبيت .. وليلى بالفرح ..

بعد ما انتها العرس مضاوي تطمنت على لولوه وسوالفت لها عن العرس وسوالفه ..
راحت ليلى لغرفتها وتغفل الباب وراءها.. وهي تجر اذيال الهزيمه .. والواقع المر ..
والحب الذي تلاشا بين يديها ..
ليلى : احبه ايه احبه لكن قلت له ما ابغى اتزوج الا بعد الدراسه ورفضي له كان بسبب الدراسه كل شي الا حلمي ودراستي لكن حبي وين موقعه من الاعراب ..
بيتلاشا يا ليلى ثامر ..

تجلس على مكتبتها وتحظن يدينها وتتذكر اول يوم لها بالسجن ..!
وكيف كان ثامر متوحش معها وكيف قال لها انه ولد عمها وكيف كلمها وكيف كانت اول عيون رجال تقطع بعيونها ..
وكيف كان يصارحها بحبه وعن جنونه وسوالف معه خفيف وكيف كانت تعانده وتبتعد عنه لكن هو يقرب يوم عن يوم لين اعترف بحبه وعشقه
طيحني بشباكه اعترف صادني وانا طير حر ما يصيدني اي قناص ؟


وتعيد شريط الذكرى الموجعه وهي تبتسم ومره تبكي واخيرا وقفا للدموع حاجز تمنعه اخيرا من النزف الحزين .. معلنه للعالم بداية الحلم وانه لا تريد اي شخص يقطع او يشوه
حلمها الطفولي ان تصبح دكتوره بيوم من الايام لتعالج ابوها ولكن المرض ابوها يحتاج سفر للخارج للدراسه وماعندها احد يسافر معها او يوافق..
فتخصصت بالاسنان .. وبعدها صارت السالفه وامنعوها جامعة طب الاسنان وطلبت التسجيل في طب النساء والولاده لنقص النساء فيه ..

مسكت جولها وهي تكتب مسج لتكتب النهايه بالاخير لثامر ..
" الف مبروك سمعت انه بكره الخطبه والملكه "

وبعها تمسكها وتكتب ": الف مبروك " حست انه هذي تكفي بس وامسحت رقمه واغقلت جولها ونامت ..

ومن اليوم الثاني .. كانت خطبة ثامر ونوره وملكتهم والكل حضر الا ليلى ولولوه الانها تعبانه جد من اوحام الحمل صايره بس تنام ونفسيتها تعبانه ..
والكل سال عن تغيب ليلى وقالت لهم انه فيها حراره وبجد من البكي صار ليلى حراره خفيفه الانها ما غطت نفسها من كثر البكي نست حالها ..

ومر اليوم ممل كالعاده بالنسبه لها ..

اما بالنسبه لثامر .. بالخطبه كان يفكر فيها وبالمسج اللي جاء منها ...
ما يقدر يتراجع الانه بيذل نفسه وبيذل رجولته علشانها ...
ثامر : خلاص يا ثامر البنت عايفتك واجرحتك وما تبغااك ليه تفكر فيها فكر ببنت عمك نوره الحين ..هي الحين بتصير زوجتك ..
وفعلا تمت الخطبه والملكه ودخل ثامر لبس نوره العقد وهو يرسم بوجهه الفرح وامه كانت فرحانه .. الانه تشوفه فرحان ..
وعيونه كانت تلتف كانه يدور شخص فاقده بين الحضور من غير احد يدري طبعا .. لكن ما شافها ..

حب يبدا صفحه جديده بحياته وبحياة زوجته نوره وبينسى ليلى والسجن وكل حاجه فيها ليلى ..

--------------

بعد مرور 5 اشهر من الاحداث السريعه والمتغيره على الجميع اصبح الجو صافي اخيرا.. ورجعت الحياة الطبيعيه ..
مضاوي صارت تشوف حمد كل صبح تقريبا بعد مايطلع متعب وليلى للمدرسه والجامعه ..
ولولوه اصبحت حياتها كلها نوم وكبر بطنها ..
من بعد ما ارجعت مضاوي من العلاج اجتمعت بفهد ولولوه وعمها ابو متعب كان الجو هادي بالتفاهم لكن لولوه كانت حالتها النفسيه تعبانه وما اقدرت تكمل الانه كل كلمه فيها تعذبها
وانها عايشه مع بخداع وكذب وغير هذا طعن شرفها جدام الكل ..
من ذاك اليوم وهي رافضه احد يتكلم عن فهد او عن حالتها .. تنهار
ونوفا عكس لولوه .. كانت نوفا يمكن اسعدهم الانها كل يوم طالعه مع ناصر وكل يوم هدايا بينهم وضحكها جدام خواتها لين قالت لها مضاوي تهدي بالسوالف وما تجرح خواتها بسوالفها
من غيرما تدري ....
وليلى تغيرت حياتها وصارت هالاسبوع بس تفكر بالجامعه وكل يوم تدخل والكتب معها وحتى بجلستها مع خواتها معها الكتب تضحك مره وتدرس مره ..

وحالة مضاوي تحسنت كثير .. وصارت نفسيتها كويسه وكل يوم وترك تاخذ الدواء وما تخالف مواعيد الدكتور والتدليك الطبيعي ..

يرن الجرس الساعه 9 ونص الصبح .. مضاوي هي تمشي بشويش ..
تفتح الباب بشويش وتقول : منو ؟
فهد : انا فهد ..
مضاوي مستغربه : هلا فهد اشلونك ..
فهد : انا بخير اشلونك انتي ؟
مضاوي : بخير طاب حالك ..
فهد : مضاوي ما عليك امر ودي اشوف لولوه ..
مضاوي تتنهد : فهد انت تعرف
قاطعها فهد : عارف يامضاوي انها بترفضني وانا اخوك بس صدقيني هال5 شهور غيرتني .. اسمع من امي انه بطنها كبر ونفسيتها تعبانه ..
مضاوي : اما عن النفسيه اي والله تعبانه كثير لاهي طايقه الحمل ولا طايقه حياتها ..
فهد : عارف اني السبب بس تكفين يامضاوي سوي اي شي بس محتاج اشوفها لي 5 اشهر ما شفتها وانا جيت ومعي اغراض ممكن ادخل لغرفتها ..
مضاوي : انت زوجها ولك الحق لكن اخاف عليها يصير فيها شي ..
فهد : انا اتحمل بس تكفين ابي اشوفها ..
مضاوي : طيب ثواني افتح لك طريق ..

وتلبس مضاوي جلالها وتقول لفهد يصعد فوق لغرفة لولوه ...
وصفت غرفتها وراح ..على وصفها

فهد بقلبه : الله 5 اشهر ما شفتها بجد مشتاق لعنادها مشتاق للسانها مشتاق لبطنها وكيف شكلها بالحمل بجد ما كنت ادري اني احبها بشكل هذا .؟
بجد اخذتني العنفوانيه والرجوله عن التمتع بحياتي وكان كل همي كيف افرض نفسي كارجل مو كزوج ..

كل خطوه يتقدم فيها لغرفتها كان يشعر بالخوف .. وانها بترفضه .. وبترفض حتى صورته ..
كان حامل معه اكياس كثيييره .. اللي استغربت منها مضاوي ....
طرق الباب طرقه خفيفه .. وما سمع اي نداء منها او استجابه ..
فهد للمره الثانيه يطرق الباب : وبعدها دخل بشويش ..
لقاء الغرفه شبه مضلمه الا نور الدريشه ونور الشمس وشعاعها المحروم
اقترب من سريرها .. ووضع الاكياس قريبه منه ..

حست لولوه بشخص حولينها وبسرعه التفت حولها الا تشوفه .. كانت ممدده فقامت وجلست على السرير برعب ..
لولوه :فهد ليه جاي ومن سمح لك تدخل ..
فهد ببتسامه : هدي يا لولوه انا جاي اوريك اغراض وبطلع ..
لولوه : انا قلت ما ابغى اشوفك ولا اشوف وجهك ولا حتى اسمع اسمعك اطلع برااااااااااااا ..
فهد مسك نفسه واخذ واحد من الاكياس وفتحه وهو يبتسم ..

فهد : شوفي هذا لونه بيجي بصراحه احترت وش جنسه بس قالت لي اماني اختي اختار اللون البيجي الانه للبنت والولد ما حبيت اشتريهم وما اوريك ..

لولوه : .....................

فهد : شوفي هذي كرمج الله النعول .. ياحلوهم صغار صح ..
لولوه ببتسامه : صغار كثير ..
فهد : قالي البايع انه للمواليد والله يا لولوه اول ما شفته فز قلبي وتخيلت كيف بيكون عليهااو عليه بس تبغين الجد اتمنى تجيني بنت الاني احب دلع البنات ..

لولوه : ليه جايي هنا ؟
فهد : خلاص يالولوه انا تغيرت متى تحنين علي وعلى طفلي وطفلك .. حرام تحرميني منه وتعذبين نفسك عطيني فرصه ثانيه وش بتخسرين ..!.
لولوه بعنف : بالاول خسرت شرفي واهانتي وكرامتي .. تبغاني اعطيك فرصه ثانيه علشان تذبحني وتذبح الي في بطمني ؟
فهد : لك مني اعطيك حريتك بس صدقيني هالمره ..
لولوه : انا تعبانه منك وجرحي بعد ما طاب يا فهد ..
فهد : شوفي هذي العاب شريتها قرقاشه ودبابه وحتى الشبصات ما نسيتهم ..
لولوه : وش يظمن لي ..
فهد يشوف وجها تغير وباهت وجد تعبان .. وبطنها كبير .. ابتسم وهو يشوفها ..
حست لولوه انه يدقق فيها ويرسم جسمها .. فردت عليه بسرعه ..: وش تبي مني ؟

فهد : ابي اعيش معك ومع اللي ببطنك ببيت واحد خلاص الدنيا تتغير وانا تغيرت يا لولوه الله يسامح سامحيني يعني ما طاب قلبك يوم شفتي هالاغراض ما طاب انا اشتاااق والله اشتاق
اشيله بين يديني واكبر باذنه لا تحرميني منه يا لولوه وتحرميني منك انا احبك تعبت وانا اقولها متى تصدقيني انا غلط واعترفت وسامحت ؟
وش اسوي فيك دامني ابيك ..صدقيني قلبي شاريك ما رحت اخطب من وراك ,. ولا ابي غيرك لي ..

يمسك يدينها ويقرب منها ويهمس: حني علي حني اذا مو علي على قلبي ارحميه تعب منك ومن حبك .. الى متى بتضلين كذا .؟
ما سالتي نفسك ..؟ وتمنعين حالك من الناس وحالتك كل يوم تتدمر علشان منو علشان ماضي انتها وانتي الي تحيينه خلاص اقتليه والناس بتقتله وبتنسااه و انا تغيرت واوعدك اني
بفتح صفحه جديده وانت تكونين الحكم فيها خلنا نربي طفلنا خلينا نسكت الكل ونقول حنا لبعض ماراح ننفصل ..

لولوه : ....................
تقلب لولوه الملابس وعيونها تدمع وتمسك القرقاشه والهايه ..

فهد : ابي اسمع قرارك الحين .. انتي موافقه ترجعين لي ونربي طفلنا.؟
لولوه تبكي وتشهق : يضمها فهد لصدره ويمسح شعرها .

فهد : ابكي يمكن هالبكي يغسل الماضي واذا تبغين تضربيني خذي العصا واضربيني .والا النار لا تحرقيني تراني اخاف منها ..
لولوه بضحكه بوسط الدموع : ههه ..
فهد : افهم من ضحتك انك بترجعين .
لولوه : بعطيك اخر فرصه يافهد لا تضيعها الانك اذا ضيعتها بتضيعني معك ..
يضمها فهد وتكمل لولوه بكيها بصدره ..
وفهد مو واسعته الارض من الفرح برجووع لولوه له واخيرا ..

وجلس يمسح دموعها ويحاول يهديها ..
فهد : يالله لمي اغراضك اليوم بنرجع ..
لوولوه بصدمه : اليوم ؟
فهد ويسحب اخر كيسين جنبه : نسيت اعطيك ويعطيها صندوك متوسط الحجم طول اليد .. والثاني كيس قالها لا تفتحينه الا يوم تشوفين الهديه الاولى ..

افتحت لولوه الصندوق : شافت طبقتين من الصندوق الاولى عقد الماس يلمع ويذبح العين بشوفته .. والثاني كان عقد ذهب ثقيل من نوعه ..
لولوه : شنو هذا ..
فهد : هذا مو اي الماس هذا الماس غالي شوفي لمعته توجع العين .. وهذا ذهب طبعا ما حبيت اشتريه بس امي اجبرتني تقول الذهب احسن ....
لولوه : ههههههه ذهب موضى قديمه ؟
فهد : تقول خليها عزوه لها .. المهم يالله البسي الالماس .. وياخذه ويقول يالله البسك ايه .
لولوه : على البجامه ..
فهد : من قال على البجامه ..
لولوه : ها اجل ؟.
فهد يمد لها الكيس الثاني : شوفي هذا ذوقي ادري ما راح يعجبك .. بس ان شاءالله يكون قياسك .شفته قلت على كرشك حلو ..
اضحكت لولوه تحس من زمان ما اضحكت : لا جد تضحك على كرشي ..
فهد : ابيك تلبسينهم يوم ترجعين معي الليله ..
لولوه : طيب ..والله حلو ذوقك
فهد : لا تتضحكين علي ..
لولوه : والله جد لونه بيجي على بنفسجي بوردي والله يجنن وقصة حوامل روعه
فهد : حلوو انا بستاذن عالساعه 6 بجي اخذك يعني سوي اغراضك وحاجات الحريم ولا تتاخرين علي طيب ..
فهمته لولوه واسكتت و اكتفت انها تضحك ..


فهد : يالله لا تنسين تلبسينه طيب ..
لولوه : طيب ..

وطلع فهد وبشر اهله برجوع لولوه الليله وام متعب فرحانه وترتب جناحه وتبخره .. ومضاوي اكثر افرحت يوم اسمعت انه لولوه بترجع ..

ومرات الساعات بسرعه ولولوه تجهزت ووتجمعوا خواتها يزفرطون لها ..
لولوه : بس تراني ماني عروس ..
نوفا : وشهو قلتي لو سمحتي انتي عروووس واحلى عروس يالله يارب يتمم عليكم ويفرحكم يارب وما تختلفون ابد ..
ليلى : اما ابد كثري منها ..
نوفا : يارب يارب يارب الى الابد ..
مضاوي تضحك : اقول يالله سلمن عليها خليها تروح لزوجها ..
لولوه : خايفه يامضاوي ..
مضاوي : لا تخافين شوفي الثوب ياحلاته وشكلك يجنن بجد الصالونه ما قصرت فيك نظفتك وزينتك ..
لولوه بضحك : ليه قبل كنت مقرفه ؟
مضاوي : لا بس كان عليك غبار وهي ماقصرت نظفتك ..
ليلى اضحكت : هههههههه اقول ذبحنا هالفهد كسر الباب بطق ..
متعب : وينها لولوه بسرعه فهد برا بالسياره ..
الكل انصدم
نوفا وليلى : ليه بالسياره ..
مضاوي بضحكه : الاني سمعت بيسوي لها مفاجاؤ ..
لولوه : وشهي المفاجاؤ ..
مضاوي : مو حلوه اقولها روحي له وهو يقولك ..

ليلى تمسك لولوه : شوفي اول ما يقولك ارسلي لي مسج طيب ..
نوفا : شوفي اذا هديه كمان عطيني منها طيب ..
مضاوي : وش فيكم اكلتوا البنت يما لولوه روحي لفهد ..
لولوه تلبس ملفعها وعبايتها ...
وتطلع لفهد كان باتم فرحته وجنبه امه باركت لهم رجوعهم ومدة ام متعب للولوه هديه صغيره للرجوعها ..
وتحبت راسها لولوه واركبت مع فهد السياره ..
لولوه : وين بنروح ..
فهد : مالك شغل خليني اسوق وبعدها تعرفين ..
لولوه : وشهو من اولها مالي شعل ..
فهد : اسف ياحبي الحين بوديك لمكان تحبينه ..
لولوه : وين ..
فهد : بنسافر هولندا مدينة الورود .. بناخذ اسبوعين هناك ..
لولوه : وانا حامل ..
فهد : سالت كذا طبيب يقول دامها ما تشتكي من شي تقدر تسافر عادي ..
لولوه : بجد انت مجنون ..
فهد : مجنون فيك طبعا ..
وتضحك لولوه ويتستمر الضحكات والسعاده بينهم من اللحظه ومن هاليوم .. ويتعاهدون ما يختلفون مره ثانيه ..

--------------------

بعد الكل ماراحوا المعاريس الجدد ..
جاء متعب لهم دخل على خواته وهو يقول ": ادخلو داخل حمد بيدخل ..

ليلى : مسكين هالحمد متزوج وزوجته هنا ..
مضاوي : اقول روحي لغرفتك ماراح اخليك الا يوم تعرسين واذلف انا بيت وزجي ..
ليلى : هههههههههههه ماراح اعرس الا يوم اخذ الشهاده هالمره ..
مضاوي : بنشف يا بنت ناديه من يمشي كلمته ..
ليلى : بنشووف يالله نوفا خلينا نروح فوق ونخلي المعاريس المعزببن لحالهم عسى يدخل ابليس بينهم ويفارقوني ..
نوفا تضحك : الله يسعدهم وش فيك ..
ليلى : قاهرتني والله متزوجه وجالسه عندنا وش تبين ...
مضاوي بدلع : انا مريضه ..
ليلى : خلاص مشي وصرتي تعرفين تمشين وش ناقصك ؟
مضاوي : اقول فارقيني ياليلى ..
ليلى : يالله بفارقك بس يالله عساني اشوفك يا مضاوي ببيت زوجك تامرين على اعيالك وتفكينا من اوامرك ..
نوفا : هههههههههههه يارب ياللله مضاوي نبي بنات اخت واعيال خوات ..
مضاوي : يالله شدي حيلك انتي وناصر ..
نوفا : الله كريم ..
ليلى : امشي قبل لا تذبحنا هامضاوي ..
ويطلعون فوق الخوات ويدخل حمد ..
حمد : وشهو عندكم حريم ؟


مضاوي بضحك : لا بس خواتي يالله فارقوا لغرفهم ..
حمد : وش رايك نطلع اليوم ..
مضاوي : بصراحه كانك فاهمني الاني بجد محتاجه اغير جو ..
حمد : وين ودك نمشي ؟
مضاوي : اممم لحديقه عامه ..
حمد : شي حلو وباخذ جود تلعب هناك ونجلس انا وانتي ..
مضاوي : يالله ثواني بس اغير ملابسي واجيك معك ..

راحت تاخذ ملابسها الا نوفا وليلى عند الدرج ..
ليلى : مالت وين الرمانسيه .؟
مضاوي : وجع تتصنتون علينا ..
نوفا : والله مو انا هي تقول اسمعي الشياب وش يتغزلون ..
مضاوي : وانتي معها تسمعين ..
نوفا : وش اسوي جاني فضول ..
ليلى : وع وش الرمانسيه طلعه وفيها بزر ..
مضاوي : اسكتي وروحي جيبي لي عبايتي ..
نوفا : تعالي تعالي ياحظي حطي لك مكياج تعطري لبسي تنوره وش هالملابس بتروحين بلاجبيه وحده متزوجه تروح كذا مع زوجها .
كانها استوعبت مضاوي وقال ت يالله غيرييني ..

وجلست ربع ساعه بين تغير ملابسها وتمكيجها .. وطلعت بسيطه وروعه بنفس الوقت ..
نوفا : اي كذا يشوفك الرجال مو امه جالسه معه ..
ابتسمت مضاوي ودعت خواتها وراحت معه حمد .. للحديقه العامه ..

وضحك وفرفشه والعبوا مع جود واخيرا تكلم حمد ..

حمد : اليوم راحت لولوه الله يهنيها
مضاوي : اي والله الله يهينها والعايده ليلى ..
حمد : بس عاد متى ترجعين لبيتك انتي الحين بخير والحمدالله متى تحنين علينا ..
مضاوي : قريب ياحمد :
حمد : انا ابيك الاسبوع الجاي ؟
مضاوي : قريب ..
حمد : عارف انه قريب وانا تبعت من البعد يامضاوي الحين ما اقدر ادخل الا بعد اظن من متعب اخوك وخواتك تعبت ابي اخذ راحتي وحقوقي . ولا نسيتي انه لي حقوق ..
مضاوي : ما نسيت ولك الحق ..
حمد : كنت منتظر يخلص الكماوي والحمدالله خلص ب5 شهور والحين احسن وراح المرض بفضل الله ثم بفضل الدكاتره وعلاجاتك . الحين باقي عليك تسعديني وتملين دنيتي من جديد ..
مضاوي : ابشر من عيوني ياحمد ..
حمد : بس عيونك ..
مضاوي : ليه العيون ما تكفي ؟
حمد : تكفي بس انا طمعان فيك كلك ..
مضاوي بعياره وخجل : حمد ..
حمد : خلاص سكرنا الموضوع وجهزي نفسك على الاسبوع الجاي انما ايه بدخلك دنيا عمرك ما عرفتيهش ..
مضاوي : هههههههههههه وتصرق كلام من امك ..
حمد : وش نسوي من كثر هرجها نجذب منها ..
مضاوي : ياحليلها خالتي ..
حمد : ياحليلك انتي ..
مضاوي : وشهوو ؟
حمد يلف لجود : ياحليلك يا جود متى بتفهمين ..
مضاوي افهمت وقامت تضحك : ههههههههههههههههه
ويهمس باذن جود : قولي احبك لامك ..
جود : احبك ..
مضاوي : وانا احبك ..
حمد يهمس باذن بنته : قولي وانا احبك كثيييييييييييييير ..
جود تكرر كلام ابوها ..
مضاوي : يافديتك ياجود وانا احبك كثيييييييييييييييير.
حمد : وانا اكثروالله والله لا يحرمنا ويجمعنا بالخير ..
مضاوي : سبحان الله كنت مجرد خيال وبيت شعر كنت اردده .." وش الله مكلفني بحبن تاليه أفــــــراق " كنت اتوقع انه حبك هو الفراق
حمد : ماعاد فيه افراق يامضاوي حبنا بيستمر للابد ..وبنخلف بنات وصبيان
مضاوي : احبك ياحمد .احبك .
حمد يشوف بنته تركض بالحديقه : وانا احبك يامضاوي اكثر انتي غيرتي حياتي وسنيني تمنيت لو اعرفك من زمان ...
مضاوي تمسك فمه : خلاص غفل الماضي واليوم حنا مع بعض زوجين وعندنا بنت ..
حمد : بجد عمري ما شفت جود فرحانه بامها كذا ما الومها انتي جننتي ابوها كيف ما تجننيها ..
مضاوي : ههههههههههههههههههههههههه
حمد : هم احبك ..
مضاوي : وانا بعد اكثر ..

------النهـــــــــــــــــــــــــــايه .. -----

ليلى : كملت درستها واخذت شهادة الدكتوره واعجب فيها زميل لها وتزوجها ونست فيه حب ثامر ..
نوفا : حياتها مبسوطه وفرحانه مع ناصر وجابت منه توام صبيان بعد 3 سنوات من زواجهم سمتهم على ابوها وعمها حماد ابو ناصر ....
لولوه : افتحت لها اخيرا بيبان الفرح وجابت بنوته حلوه وحاليا حامل ..
اما ابو متعب عبداللطيف : ماتت بعد ما تملك المرض فيه ...
نجوى : خرجت من المستشفى الطب النفسي وصارت انسانه طبعيه واحسن من قبل ..
متعب : صار رجال وتعلق بعمانه ودايما يتهاوش مع جود بنت حمد ولا يقدر احد يفرقهم من عنادهم ..
مضاوي اجتمعت اخيرا بحمد واللتم الشمل فيهم بعد ما كان الفراق حليفهم بأول الروايه ..وحاليا مضاوي حامل ببنوته وسعيده بحياتها مع حمد ..




الختـــــــــام
20-4- 2011 .. يوم الاربعاء ..

بكذا اكون انهيت قصتي السادسه
"وش الله مكلــــفني بحبن تاليـــــه افـــــراق "

ماراح اقول وداعآ ... ولكن للملتقى الى حيـن ..
اعذروني على كل قصور ..كل لا معقول..وكل حلم او مثاليه ..
لان مافيه شي مستحيل ابدآ
وتنتهي الكلمات لكن قلوب ابطالنا نابضه والحب يبقى !
اتمنى تكونون استفدتوا من الشي الي قدمته لكم ويكون له مرجع طيب على نفوسكم وحياتكم ..
ومهما طال الغيآب واخذتني مشآغل والحياة اعرفوا انكم راح تبقون ذكرى عطره وجزء لايتجزأ من ذكريآت اعتز فيهـا ما حييت!!

اختكم بالله ..
نتواصل انجال ..

الروايه كامله هنا ..

اتمنى اشوف ردود عليها يارب ..

نتواصل انجال