تسلم ايدك نجولة على البارت الحزين مافيه شي يفرح بصراحة وشكل حالة البنات بتدهور اكثر


حمد ومضاوي

حمد مااتوقع بيحب مضاوي بسهولة وهذي معاملته وتجريحه فيها ليه مايطلع مراجله على النجسة نجووه والقهر اذا فعلا سوى الي براسه وتزوج الخايسة حتى لو تربية لها بس مابيقدر عليها لانها ماتنكسر ولا تخاف من احدج الي راح تنكسر هي مضاوي واتوقع انو عمامها الباقي بيوقفون معاها وهي بتصر على الطلاق اذا حمد قرر يخطب الصايعة واتوقع ابوه مابيرضى انو حمد يطلق مضاوي واتوقع ام ناصر مابترضى على خراب بيت بنت اخوها وحتى نوفا بتزعل وبكذا ناصر بعد مابيرضى وحمد المفروض يخبرهم سوايا الخايسة علشان الكل يوقف ضدها




لولوة وفهد



بصراحة الاثنين غلطانين ولولوة هذي مو معاملة بنت متربية لزوجها وفهد هو الي بيتربى مو لولوة لانها بتتركه ومابترجع له يمكن الين تولد وتحس فهيدان تغير وياليت تعرف الحقيقة من الحين علشان لايتمشكلون بعدين ويطوون الصفحة مرة وحدة




نجووه وهيا

هالمجنونة موتيها وفكي الخلق من شرها حسبي الله عليها وهيا لازم تخبر امها وكل اهلهم على نوايا اختها قبل مايصير مشاكل لبنات خالها وينظلمون لازم اهلهم يودونها اقرب مصح نفسي لانها مو طبيعيه وعدوانيتها تدل على اختلال بعقلها



ليلى وثامر

الله يستر من الي صار مايأثر على خطبة ثامر لليلى وتحط حرتها فيه وتكسر بخاطره بعد ماعشمته



في انتظارك يالغلا على نار

تسلم يدك تجوله على البارت رغم انه يعور القلب
ثامر وليلى
يارب انك تبارك لهم وتجمع بينهم على خير

فهد ولولوه
جعل يدك يافهيد الكسر الي ما ينجبر يعني هذا جزاها الي مسوية لك فطور وانت ما تستاهله بس ان شاء ان لولوه راح تترك وتخليك بحسرتك وندمك على الي سويته فيها
ومقف امه في المستشفى ما عجبني يعني لو هي بنتك كان رضيتي وقلتي خلاف بسيط

موضاوي وحمد
المفروض ان مضاوي ماتفكر الا في صحتها وتترك عنها حمد والي خلفوه
وحمد مان لازم تكون لها عون موفرعون وتراعي حالتها الصحيه والنفسيه مو لانها زوجتك لا لانها بنت عمك وبحسبة يتيمه بس انت ما يصلحلك الانجوه

نجوى الخايسه

جعلك الساحق الماحق والرصاص المتلاحق جعل سحرك يا ساحره ينقلب عليك ولا تلقين الي يصدقك ويدافع عنك

هيا
الله يجزاك خير ويثبتك على طريق الحق

وتسلم يدك لنجال على البارت ويا ليت البارت الجاي يكون مفرح شوي

تسلم يدك مع ان البارت يضيق الصدر
وشكل البارت الجاي بيجي الدور على نوفا
اما نجوى خاطر امسح فيها سابع ارض تقهر و شكلها راح تخرب على البنات وتسوئ حالتهم اكثر
فهد ماله داعي يطقها كل هالطق الله ياخذ اعمره انسان عديم احساس وموقف امه وابوه يفقعون المراره وش ذا البرود الي فيهم خيبة تخيبهم عيلة غبية

هلا فيكم جميعا ..
باقي بس بارتين .. وتنتهي رواياتنا وسوف اجمعهم بالنهايه..
لكن ودي اعرف ياحلوين منو ينقل الروايه بهذا الشكل ..!!؟
الاني لقيت اكثر اللي ناقلين الروايه بهذا الشكل ..! ودي اعرف منو يزخرفها ..!! وله الامان
اقتباس:

المتبقي جزء واحد فقط...

هذا الجزء 26 قبل الاخير ..

وشكرا لصبركم ..



الجــــــــــزء الســــادس والعشــــرون 26..
----------------------------------------
وبعدها تركض ام متعب لبرا الملاحظه وتشوف ناصر وفهد وابو متعب
ابو متعب : وش فيكم ؟
فهد : لولوه فيها شي ..؟
ام متعب : لولوه حامل ..
فهد بصدمه : وشهووو ؟؟
ابو متعب : انتي من قال لك هالكلام ؟
ام متعب : توه يبشرنا الدكتور ويقول تقدر تطلع لكن ليلى وخواتها يقولون لازم ليلى ترتااح عندهم كم يوم ..
فهد والصدمه لسه ماراحت عنه ..ما تكلم او علقه اكتفا انه يطلع من المستشفى وابوه وامه ينادونه من غير حول لاستجابته لهم ..
ليلى تمسح شعر اختها وتحاول تهديها بعد ما صحت وستوعبت خبر حملها كان بالنسبه لها صدمه .. وهي تصاارخ ما ابيه خلوا ينزل ما ابيه ما ابيه ..
ام متعب : هدي يالولوه ..
نوفا تبكي كثير : خلاص يا لولوه ماراح ترجعين له اهم شي راحتك ياقلبي انتي ..
لولوه : اكررهه ما ابيه اكرهه خلوا يطلقني ..
ام متعب :هدي يا لولوه ..
لولوه : خلوا ينزلونه ما ابغاااه ما ابغااااه ...
ليلى : لولوه ارتاحي وكل شي بيمشي مثل ما تبغينه ..
هنادي : بروح اشتري لها عصير علشان تهدي اعصابك شوي
ليلى : اشتري معك صمونه الانه ما اكلت شي ..
وتحاول تهديها اختها ليلى وتقراء عليها وتسمي ..
لولوه : تكفين يا ليلى لا تخليكم ياخذوني له تكفين .تكفين خليهم ينزلون اللي ببطني ما ابيه
ام متعب : يابنتي حرام اللي تقولينه مايصير ..
لولوه: كله من اولدك كله منه خليه يطلقني خليه يطلقني انا ما ابيه اكرهه .
ام متعب بلا حول ولا قوه : الله يهديه فهد..
لولوه بصراخ : يقول لي مو بنت وبعايرني فيها خليه ماعاد اهتم ماعاد اهتم ..
ليلى انصدمة مع نوفا من الكلام اللي قالته لولوه والحمدالله انه هنادي مو هنا علشان تسمعهم ..
ليلى وهي تقرب منها اكثر : انتي وش تقولين ؟
لولوه : انا بنت والله بنت بس هو يقول اني مو بنت ليه يعذبني ويذلني ليه يخليني احمل دامه ما يبغاني من الاول
ام متعب : .............
نوفا : انتي متاكده من الكلام اللي تقولينه يا لولوه
لولوه : اسالوها قولولهااانا بنت او لا اسالوها خليها تتاكد من ولدها انا بنت .دامه ماخذني وانا مو بنت ليه يبي شي يربطني معه
ليه يربطني معه دامه ما يحبني .. ليه تعذبوني ليه ليه ..
ليلى : هو قال بعظمة لسانه انك مو بنت ..؟
لولوه : ايه يهددني انه بيعلم الكل ويخرب بيتنا ويفضح خواتي ..وانا والله متاكده محدن لمسني صدقيني يا ليلى
ليلى : مستحيل الكلام اللي تقولينه لولوه هذا رجال ويعرف اللي انتي ما تعرفينه ..
لولوه بصراخ وبكي : لو مضاوي هنا صدقتني محدن مصدقني وتجلس تبكي ..


نوفا : خلاص يالولوه هدي ماراح ترجعين له ..
ليلى : خليها تهدي شوي ..

ام متعب تجلس وهي تحس بوجع قلبها
شافتها نوفا شكلها ما يطمن حبت تسال عنها ..

نوفا: خاله فيك شي ..!!
ام متعب بتعب شديد : احس قلبي يوجعني ..
نوفا : يوجعك كثير ..
ام متعب : امممممم
وتشوف حاله ام متعب يتعب اكثر ويحمل الاثواني الا ام متعب تشبذ بيد نوفا ..
نوفا من غير وعي : خاااااله وش فيك خاله ..
هنادي تتدخل عليهم تركض لهم : خاله ردي علي ..
طاحت ام متعب من غير لا شعور بين الكل ...
والسسترات ياخذونها .. ويقسون الضغط ويطلبون بانه الدكتور يحظر عندهم .. ويقسون ضغطها الا مرتفع كثير ..
وهنادي تخاف اكثر وتتصل بعمها وتقوله كل شي ..ويخااف اكثر وحده لو يقدر يدخل لكن للاسف ملاحظة الناس ممنوع دخول الرجال ..
لولوه بجد خافت على خالتها لا يصير شي لها ..

وبعد مرات ساعه ونص ام متعب تحسنت حالتها كانت ارتفاع بالضغط وازمه عصبيه شوي .. والحمدالله مرت على خير ..
وطبعا الدكتور قال لولوه انها تقدر تطلع وام متعب قالها الدكتور لازم ترتاح بس هي ارفضت تجلس عندهم وانها بتروح لبيتها ..

وبعد مرور الساعات .. فهد مغلق جواله ما يبغى اي احد يكلمه مهما ابوه ..
ما توقع هالشي بيحصل بهذي بسرعه من خلال بس ثلاث اسابيع معها ..كان ناوي يخبرها عن حقيقتها ما توقع انه بتكون حامل بهذي السرعه ..
وغير هذا ما تبغى ترجع له ليه ياربي ليه كل مره ناوي تفرج ضيق ادري اني انسان حار وعنيد وخبل لكن ما اقدر امسك نفسي جدام عنادها وسلط لسانها ..
كل مره اندفع واخربها بعد ما كانت تسمع لي وتسوي اللي اقوله لها ..

وين تروح يافهد وين تروووح .. الدنيا ضاقت عليك ابوك بيحاسبك وبيلعنك على الظرب اللي ظربته البنت .. وامك بالصاعده والنازله بتكلمك عنها وعن رضااها ..
انا لازم اغيب كم يوم علشان ارتاح نفسيا واريح اللي حولي .. وبعدها برضيها وبقول لها عن كل شي وهي وكيفها بترجع او لا براحتها انا تعبت ومليت من دلعها وعنادها ولسانها للي تقولون جرس
ما يسكت ..

وهو جحالس يمشي بالسياره سرحان وكل سرحانه على الطفل الجديد اللي بيدخل حياته بينظلم معه يعني معقوله بيتربا بعيد عنه وعن اسمه ..؟
ولا بتصير خلافات بينا وبين بيت عمي ؟
لالا ولدي بيتربا معي مهما كان عنادها ..
لكن يافهد هذي مو وقته تسوالف عنه لازم تلاقي حل لنفسك ..؟ ولعايلتك ..!! وهو يردد عايلتك يعني بيكون عندي اسره لازم احافظ عليها .؟
يمسك شعره ويشده وهو يصرخ ويقول : ببببسسسسسسسسسس خلاص ما ابي افكر ..
ويوقف لاقرب استراحه وجواله بسيارته مغلق ..ما يبغى وجع راس ...


وعند بيت ابو مضاوي ...
كان الجو هادي .. الانه لولوه من التعب نامت بفراشها وليلى جالسه عندها .. ونوفا قالت ليلى انها بتروح تغير ملابسها وترجع لعندهم ..
ليلى قالت طيب .. وتروح ليلى هي الثاني تاخذ شور وتخلي لولوه ترتاح بعد التعب والصياح والارهاق النفسي ..والكل كان متوتر محتاج شور يهدي اعصابهم ...
لولوه اللي ممثله على خواتها انها نايمه كانت تبكي بشده بعد ما تاكدتت انهم خروج من الغرفه كانت تعتب نفسها انها المفروض من اول يوم تهرب منه وانها ما توافق عليه من الاساس

وما تضيع نفسها بسبب عنادها والتحدي معه .؟ وهي تصيح بصوت خفيف وتشد باسنانها خسرت اعترف اني خسرت عنادي معه وخسرت حياتي معه اعترف انا ما المفروض امووت
خلاص من يصدقني خلاص الحين بتكمل حامل وهو السبب يتهمني بشرفي ويقول للكل انسي مو بنت ياربي وش اسوي ساعتها خواتي كلهم بيضعون والسبب انا ..
وينك يامضاوي من رحتي والحال متغير وحالنا متعفس والمشاكل من كل جهه تحاصرنا انا وفهد ونوفا ومشاكلها مع نجوى اخت ناصر وليلى وكليتها ومشاكلها معنا ومع متعب
صحيح ما نقدر نستغني عن مضاوي الانها ماسكتنا من كل جهه القاها مع الكل .. يارب يشفي مضاوي ويرجعها لنا بسلامه ..
وانت يافهد حسابك معي طفلك ماراح اخليك تشوفه لو تحلم وانا بنت عبداللطيف صحيح جنب بعض لكن عندي خطه اخليك ما تشوفه للابد بوديه لدار الايتام وخليه يتربا لا عندي ولا عندك
وبنشوف من بيبكي على ولده يافهد ..



بالطرف الثاني من البيت نوفا توها دخله بيت عمتها الا بوجها نجوى : اشرفت الاخت وينك كل هذا ببيت اهلك .؟

نوفا .................
نجوى : حتى الصبح زيارات للبيت الاهل اقول ترا لو عندك وابو كان ربووك وعلموك كيف تجلسين ببيت زوجك وتطبخين له الغدا مو عمتك هي اللي تطبخ ..
نوفا : موشغلك تسمعين ..

نجوى بضحكه : ههههه لا ما اسمع ..
نوفا بستهبال: هههه ضحكتيني
وتعطيها ظهرها وتطلع لغرفتها تاخذ شور ...وما تشوف ناصر بغرفته الا تفتح جوالها بتشوف وينه الا تشوف مسج من ناصر
" انا بتغدى برا مع فهد ويمكن بطول "

نوفا نرتاحه : الحمدالله اهم شي انه بخير وتاخذ شور وتمشط شعرها وتلبس تنوره طويله مغلمه تايغر بازرق .. والجاكيت ازرق وحطت شدو خفيف وتبخرت وانزلت ..
والا تشوف عمتها بوجها ..
ام ناصر : وين رايحه ؟
نجوى : ما عندها لا رجال ولا اهل يربونا ويمسكونها ..
ام ناصر : بس يانجوى متى تبطلين عن حركاتك اللي مالها داعي دام زوجها راضي لا انا ولا انتي لنا شغل فيها ..
نوفا : هدي ياعمه لا تخافين ماراح تضايق منها انا جيت ادورك وابلغك اني بروح بعد الاذان العصر لبيت عمي عبدالله ام متعب طاحت علينا منسااع وهي تعبانه شكل الضغط ارتفع معها
ام ناصر بخوف : وعسااها بخير ..
نوفا وهي ت تشوف نجوى : لا الحمدالله بخير والحمدالله بس الدكتور قال خلها ترتاح بالمستشفى بس هي رافضه ..
ام ناصر : خلاص انا بعد اشوي بزورها كويس خبرتيني ..
نوفا : ونسيت اخبرك لولوه اختي حامل وانا بروح لها اتطمن عليها الانها تعبانه ..استاذنك
ام ناصر : الف مبروك ياقلبي العايده لك يارب .. اذنك معك ياقلبي ..
نوفا : تسلمين ياعمه

وتطلع نوفا لبيت اهلها

نجوى : بتخلينها تروح كذا ببساطه,,!!
ام ناصر : ليه هي سسوت شي مو زين لا سمح الله ..
نجوى : كيف تطلع حتى ما شارتك يمه ذي لازم تادبونها كذا مره اشوفها تكلم الجوال من غير احد يراقبها ..
ام ناصر بانتبه : وش تقولين انتي ..
نجوى : صدقيني لها شخص غير ناصر وقولي ما قالت نجوى . ادري الكل مكذبني بس شوفوا الحين جولها ببيت اهلها ماراح يسكت وكله من الرنين الجوال يتصل وهي ماراح ترد
طيب انتوا دايم ما تصدقوني بس بطلب منك طلب ابيك تروحين وتراقبينها وتصدقيني ...

ام ناصر : كلامك كله ما دخل راسي لو اني ما عرف نوفا وحبها لناصر كان صدقتك لكن اعقلي يانجوى عن الخرابيط هذي ..واستحي على وجهك ذي زوجة اخوك وبنت خالك ..

نجوى : طيب بتشوفين انتي بعينك
وتطلع وتخلي امها بحالها ..

وام ناصر تفكر بكلام نجوى وهي مصدقه عقلها لكن قلبها يوسوس لها بانها تراقبها ...


تدخل نوفا على اختها ليلى بالمجلس الا تشوف متعب عيونه غورت وهو يتكلم ..
نوفا بخوف : وش فيكم ..؟ وشفي متعب بيكي ..؟

ليلى : لا تخافين متعب يكلم مضاوي ..
نوفا : وش فيها وليه يبكي كذا ..
ليلى : لا تلومينه مشتاق لها وكل ما كلمها يبكي ..

متعب وهو يتصدد من خواته علشان ما يشكون انه يبكي لكن للاسف الكل عرف السالفه ..
متعب : مضاوي متى ترجعين ..؟
مضاوي : كلها يومين يامتعب وارجع البيت لكن مثل ما قلت لك تروح للمدرسه ..
متعب : والله بترجعين قريب طيب بشتري لك طوق ورد على سلامتك واشتري لك حلاو جواهر اعرفك تحبينه ..
مضاوي وعيونها تغرق ودها تصيح : بجد يا متعب فقدني ..
متعب وصوته اختلف كليا : مو بس فقدك فقد كل شي بالبيت من غيرك ولا شي مو بس البيت حتى ظلي فقدك من يسال عني اذا تغديت او تفطرت او لبست محدن يا مضاوي غيرك يهتم
فيني مثل امي ..

مضاوي حد الخنقه بس ماسكه نفسها : يافديتك يامتعب تحمل يومين برجع اضربك علشان تدرس وتكمل دروسك وعلشان ما توسخ ثيابك ..
متعب وتنزل دموعه : اضربيني الاني ما قلت اشكثر جد وحشتي البيت ووحشتي الكل بجد يامضاوي الله يشفيك ..
مضاوي : ياعمري يامتعب بس خلاص شوي واصيح المهم اهتم باخواتك ولا تخليهم بعيدين عنك ..
متعب بخنقه : البيت من غيرك ضاايع يا مضاوي ..
مضاوي ونغزه بقلبها : وش فيك يا متعب ؟
متعب : ليلى ارفضوها بالجامعه وهي كله تعصب الانه ارفضوها ولولوه حامل وزوجها اليوم ظربها ولا تبغااه .. ونوفا دايما تبكي عندنا والسبب نجوى اخت زوجها بجد الكل ضايع
يامضاوي لا يغرك صوتهم ترا كل وحده من غيرك ولا شي كلنا بالعربي ضايعين ومحتاجين لك امانه يامضاوي لا تتعبين نفسك ترانا بجد نحبك وننتظرك.
وهويركض ويرمي الجوال لليلى
اللي كانت تكلم نوفا بشويش عن حالة لولوه ..


متعب يركض لغرفته وهو يبكي ..
ليلى : متعب وش فيك
نوفا: بروح اشوفه .. شوفي السماعه يمكن مضاوي صار لها شي ..
وهي تحمل السماعه وتقول الوو ..
مضاوي وهي تمسح دموعها من الصيااح ..: هلا ليلى ..
ليلى : وشفيه متعب .,.؟

مضاوي : ليه ارفضوك الجامعه .؟
ليلى : من خبرك ؟
مضاوي تحاول تعدل نبرتها وما تضعف : مو مهم من قالي قوليلي يا ليلى صحيح اللي اسمعه ؟
ليلى : ايوه صح وماراح اكمل طب بكمل بجامعه ثانيه ..
مضاوي : وليه ما خبرتيني يوم سالتك ؟
ليلى : ما ابغى اصدمك بالخبر
مضاوي : من متى ؟

ليلى :باول اسبوع اقبلوني وبعدها استقبلتني المديره وقالت مو ناقين طالبلات العدد مكتفي وانتي لك سنه طالعه واصلا ملفك مكتوب حرمان يعني دوري لك جامعه ثانيه تستقبلك ..
مضاوي : ولولوه وش فيها ..
ليلى : انتي وش فيك ؟ وش مهبب هالخبل متعب ..
مضاوي بصرامه : تكلمي ليه انا اخر وحده اعرف بالاخبار وتكذبين علي انتي وخواتك انكم بخير ؟
ليلى : اهدي يا مضاوي التعب مو زين لك ..
مضاوي : حياتي ماهي اهم من حياتكم وانا بكره برجع بدور اقرب طياره وراجعه على مسؤليتي ..
ليلى : لا تسوينها يامضاوي اصبري هاليومين ..؟
مضاوي : ماراح اصبر وشوفي من الحين من يوقف بوجه نجوى ويعلمها شغل ربي معها ..
ليلى تتنهد : مضاوي ياقلبي هدي الزعل والعصبيه مو زينه لك تكفين هدي وطيبي وانا عندهم ..
مضاوي : قولي لعماني انه بنرجع لبيتنا القديم الاجار ارحم من الذل اللي بنشوفه ..
ليلى : مضاوي انتي وش تقولين ..؟
مضاوي : خبري عماني كلهم ولا حرف ينقص وولا يزيد اني برجع بكره على اقرب طياره واني لا انا ولا احد من خواتي بيجلس هنا وحتى ابوي المريض ياخذه معي ..
ليلى : مضاوي انتي الحين معصبه هدي يامضاوي هدي وين بنعيش فكري فيها انتي لا تشتغلين ولا انا ادرس ولا حتى خواتك خلصوا الثانويه ما تقولين وين بنعيش هذا بيت ابوي
يامضاوي تفهمين وماراح نطلع من هنا وخلي عماني يولون ..

مضاوي بعصبيه : تعانديني ياليلى .
ليلى : انا ما اعاندك لكن اخبرك الصح صحيح تمسكين كل شي لكن هالمره انتي من غير وعي خليهم يولون اهم شي بيت ابونا ما نعطيه احد مهما سووا فينا ..
وهذا نصيبه من ابوه اصحي يا مضاوي اصحي لا يوشوش راسك بعد العمليه ..

مضاوي بعصبيه : وش قلتي انا اللي راسي خرف بعد العمليه لا يا ليلى بتعرفين كل شي اسويه صح وانتِ اولهم بتباركين لخططي وبنشوف من لعب براسه .. وتغفل الخط ..

نوفا تنزل لليلى بعد ما شافت متعب وتطمنت عليه انه بكيه اشتياق لمضاوي لا اكثر ..

نوفا : وش فيك انتي الثانيه تبكين مضاوي فيها شي ..
ليلى تمسح دموعها : لا بس غلط على مضاوي
نوفا : ليه وش قلتي لها ؟
ليلى : قالت كلام يقهر تبغانا نتخلى عن البيت وحلال ابوي فيه ونرجع للاجار قلت لها شكل مخك تشوش بعد العمليه ماعاد يشتغل .. وزعلت واغفلت الجوال ..
نوفا بهدو وتجلس : كل شي انقلب صدااااااااااااااع احس حياتنا خلاص بتضل كذا انقالب X انقالب وما بنشوف الحياة الهنا من جديد ..
ليلى بهدوء مماثل : بجد اشتقت لايامنا قبل ..
نوفا : حتى ناصر ماعاد يهتم فيني زيل اول ايامي الحين شوفي راح مع فهد بالاستراحه وخلاني بحالي واخته كل ثانيه تراقبني وتسم بدني بالكلام .,.

ليلى : الا صحيح جوالك له نص ساعه يرن ما سمعتيه ..
نوفا : الا بس كلها ارقام غريبه وما اقدر ارد وانا مو عارفتها ..
ليلى : طيب غريبه اليوم لاول مره الاحظ كذا ..
نوفا : وانا بعد غريبه بالعاده مافي احد يتصل غير اللي اعرفهم ومسجله ارقامهم ..
ليلى : خليه يولي اجل ..
نوفا بضحك : وانا مو مهتمه فيهم ..

-----------------

ببيت ام ناصر ..
كان الجو هدوء نجوى بغرفتها تلعب بالنت والبيت تقريبا فاضي الانه ام ناصر راحت تتطمن على زوجة اخوها ام متعب ..
هيا وفي قلبها الف خطه وخطه ودها تسويها وخايفه من نجوى كثير ومن انتقامها الانها تعرفها اذا تبي الشي يصير يصير ..
وهي حيرانه واقفه عند الحوش تفكر دخل عليها اخوها خاله البالغ من العمر 29 اصغر من ناصر بسنه ..

هيا بخوف وفرحه : خالد ..
خالد مستغرب من وقفتها بالحوش : وش عندك واقفه هنا ؟
هيا : الله جابك ..
خالد بخوف : وش فيك صار فيكم شي ؟
هيا تلتفت: لا مافينا شي ..
خالد يمسكها مع يدها ويهزها : وش فيك تلتفين قوليلي فيك شي ؟
هيا بصوت واطي : لا بس ما ابغى نجوى تسمعنا او تشوفني معك ..
خالد : ليه وش فيكم ؟
هيا : خالد بقولك شي وابيك تسمعني للاخر احسن مكان اقوله لك هنا علشان اظمن انه نجوى لا تشوفني معك ولا تسمعنا ..
خالد : وش فيك تكلمي يا هيا ..
هيا : مستقبل اخوك وزوجته بيتدمر اذا ما قلت لك ..
خالد .: وش دخلني انا فيهم ؟
هيا : اختك نجوى معطيه الشباب بالنت اراقام نوفا وقايله لهم اسمها بالكامل ولها الحين ساعه تدور صوره لها علشان تنشرها ..
خالد : انتي وش تقولين ياهيا
هيا : خلني اكمل والحمدالله انه نوفا اغفلت غرفتها الانه صوتها موجوده هناك واظن ما لقت ولا صوره لها بس الحق الحين جالسه بالنت وتنشر رقمها على انها نوفا بسرعه قبل
لا تقول لناصر وتصير مصيبه كبيره ..

خالد من غير ما يرد عليها يركض لغرفة نجوى ويفتح الباب الا يلقى مغفل ويطرق الباب بقوى وبصراخ : افتحي الباب ..
نجوى بخوف : منوووو ..
خالد يحاول يهدي اعصابه : افتحي الباب يا نجوى ..
نجوى من غير خوف بس اغفلت شاشة لاب ..
نجوى : نعم يا خالد وش تبغى ..
خالد : وش تسوين ..
نجوى : عمرك ما قلت لي وش تسوين ؟
خالد : الحين اسالك وش تسوين ؟
نجوى : العب بالنت وش اسوي يعني ..
خالد يمشي للاب ..
نجوى : وين بتروح ..؟
خالد : عادي العب بلابك ولا حرام ؟
نجوى : حرام الانه فيه صور صديقاتي واشياء خاصه فيني ..
خالد : لا والله متى صار لك خصوصيات ..
وضرب زر الفتح الانه مخليه حالة لابها سكون ..
خالد : لا والله ومخليته برقم سري قوليلي وشهو الرقم ..
نجوى : مالك خص وش فيك اليوم علي ؟
خالد : اعتبريني مجنون بس افتيحه ..
نجوى وهي تشم ريحة مكيده ..
نجوى : ليه في احد قالك شي .؟
خالد : ليه انتي مسويه شي علشان تشكين بنفسك ؟
نجوى من غير مبالاه : لا وش اشك بنفسي الاني عارفه انا منو ..
خالد بهدوء : افتحيه لي ..
نجوى : قلت لك اشياء خاصه وماراح افتحه ..
خالد من غير ما يستوعب نفسه مسك شعرها ويهزه ويصارخ : اقولك افتحيه ..!!
نجوى : ماني فاتحه وش عندك ..
خالد وهو يمسك الاب : اقول انا اعرف افتحه بطريقتي ..
نجوى : لا تاخذه ..
خالد : طيب قوليلي وش فيه ؟ علشان تخافين كل هالخوف عليه ..
نجوى : قلت لك فيه اغراض بنات ولا ابيك تشوفهم ..
خالد : اعتبريني ما شفت شي بس انتي خليتيني اتشوق لاعرف وش داخله ..وافتحيه وانا ماراح اخذه ..
نجوى : خلاص عطنيااه ..

نجوى وتاخذه وتفتح الرقم السري وبسرعه تسوي دليلت على الشات ..
خالد : وش مسحتي ؟
نجوى : ما سويت شي ..
خالد : شفتك تتعبثين فيه وش مسحتي ..
نجوى : ما مسحت شي وش فيك ؟
خالد : تراني اشوف تكلمي قبل لا اشب الارض فيك حريقه ..
نجوى : كيفك من مصدق الاب جدامك ..

نجوى ماتعرف انه خالد يعرف للنت بس غفت عنها هالمعلومه ..

وياخذ خالد الاب ويفتح المحفوظات ويفتح المستكشف .. الا يشوف مواقع شات صوتي .. ومواقع ثانيه مخله بالادب ..
وغفل الباب وكمل بلاب توبها ..
نجوى : وش فيك غفلت الحجره وجلست مره ثانيه شنو تفتش ..
خالد : ......................
وبعدها فتح المستندات وشاف الصور وانصدم اكثر وشاف السجل وبغى يستخف اكثر وشاف كلامها بالماسن مع اشخاص وغير الاخت مصوره حالها بملابس وغير انها ماسكه على حمد
اشياء واولها صوتته .. وانصدم اكثر ..

نجوى : عطني لابي خلاص تاكدت اني ما اسوي شي واياك تفتح شي مو خصك ..
خالد يقوم وكله بركان ثاااير ..ويرمي لاب وعيونه شراره ما يهديها احد ..
ويجرها مع شعرها ويجبرها تلبس عبايتها ..

نجوى : وش فيك .؟
خالد بعصبيه ثايره: وتنشرين رقم نوفا على انها انتي وغير هذا صورك وصورتها ما تخافين ربك ولا وحمد ولد عمي
ماسكه عليه اشياء وصوره مع وحده متى بتعقلين وش الكلام اللي تقولينه بالشات و
بالماسن تحسبيني مغفل خبل معمي مقفل ... البسي عبايتك لا تردديني ..

نجوى بخوف : وين بتوديني ؟
خالد : موشغلك تسمعين مو شغلك وخلي لاب ولا اقولك خبريني الرقم السري بسرعه ..
نجوى : ليه ..
خالد يعطيها كف قوووووووي : قلت لك لا ترادديني قولي تم وخلاص اكتبيه هنا ..
وتكتبه نجوى ولاول مره تخاف من خالد وتشوفه بهذا الشكل من الخوف ..

خالد : يالله جدامي ..
نجوى : وين بروح ؟
خالد :لمكان بعجيك ..
وتلبس نجوى وكلها خوف : كلن لازم تقول لامي وين بتاخذني ..
كانها شكت انه خالد شاف لابها وعرف وش داخله من مصايب ..
خالد : بالعكس بتستانس امي جدامي ولا تتكلمين ولا كلمه ..

وياخذها خالد بسيارته وهيا ميته خوف من دريشتها تشوف وما تدري خالد وين بياخذ ها ..

بسياره اتصل خالد وقاله انه يشوفه بسرعه ..
ناصر : وش فيك وين تبي تشوفني انا بمشكله فهد ..
خالد : في مشكله اكبر من مشكلته اقولك برسل المكان بمسج الحين ما اقدر اقوله لكن ابيك بسسسسسسرعه لا تناقشني يا ناصر ..
ناصر : خير خير يالله انتظر مسجك ..

واول ما اوصل المسج انصدم ناصرر بالمكان الا يتصل على خالد مره ثانيه : انت متاكد من المكان اللي كاتبه ..

خالد : اي متاكد خلني اشوفك ظروري ترا المساله جد ياناصر ..
نجوى وخوفها يزداد : وش فيك تكلم ليه ساكت وتظربني وغير هذا تبي ناصر يروح معنا ليه وش فيك ..

خالد : كل هذا وتسالين ..
نجوى : كلهم حقيرين .. حمد الانه تزوج وحده غيري بعد ما كان يقولي انه يحبني يوم كنت صغيره ويوم كبر تغير علي وحب وحده ثانيه وتزوجها ومضاوي وخواها والله لفضحهن الانهم
ونوفا الانها بالطالعه والنازله تحتقرني هي وخواتها ليه ليه ياخالد الكل ودي اذبحهن حتى صديقاتي اللي كانوا يعيروني بحبي لحمد ليه ..

خالد : واللافلام والصور ما تخافين من ربك وليه هالفضيحه ..
نجوى : مالك شغل فيني انا اللي بدخل بالنار مو انت اتركني بحالي يا خالد اتركني ..

خالد : ما ينفع معك الا الحقران بس صبرنا وحنا نقول بتعقل بعقل لكن ما تتوبين بالظرب كم مره تكلمين وتخلينها على هيا ماتقولين لنا الواحد يتوب يخاف لكن انتي لا
عديمة احسااس مجنووووونه ما تفهمين الدرس لازم نذبحك علشان نخلص الناس والعالم ونخلص نفسنا منك ومن شرك ..

نجوى ببكا : كل واحد مو مهتم الا بنفسه وينكم عني كل واحد يفكر بنفسه وامي 24 عند حريم خوالي ومخليتني ما حست بمشاعرني انتوا لا تغلطون وتحاسبوني انا ..!!
حاسبو انفسكم قبل لا تحاسبوني وينكم عني وينكم ليه ما تخلوني اشتغل والهي نفسي ..

خالد : اظن عندك عقل وتفكرين فيه ليه منتي صغيره علشان نعلمك انها حاره ولا بارده ..
انت كبيره ياليلى وتعرفين عقلك ومصريك ..عمرك 25 اللي كبرك عندهم 5 اطفال مو واحد يعني ما تعرفين كل شي والله واكبر يعني الحين علمووني ما تقولين لنا دامك تعرفين هالخرابيط
وتهديم هالبيوت تتعلمين كيف تحبين تصلحين حال البشر يعني ما تعرفين تتعلمين الا الدماااار والتخريب خافي ربك ما عمرك حاسبتي نفسك ولا ظميرك مااات ؟؟

منتي نجوى اللي اعرفها ..المكان اللي باخذك له بيعلمك قيمتك اكثر مني وبيعلمك الصح اللي تقولين انا قصرنا عليك .. ما عمرنا تركناك وحدك ..
ظرب وظربناك وكل شي علمناك ما تقولين لي ..؟ كم مره تكلمين بالجوال مع واحد وكل مره تقولين توبه واخر مره ؟
ما تقولين لنا كم مره تتهاوشين مع بنات بالجامعه والثانويه وتقولين اخر مره ..؟

كم مره فضحتي بنت بالمدرسه وبالاخير طلع كلامك كذب واتهمتيها بشرفها واهلها حاسبوك ؟
انتي مريضه يانجوى والحين الطب النفسي بيعالجك لين تشفين ..

نجوى بصدمه : شنو ؟
خالد : ما سمعتي الطب النفسي احسن لك تعيشي فيه الانك مريضه نفسيا ولا اسمح انك تتدمرين عايلة اخوك ولا عايلة بنات عمك علشان وشهو شي اسمه انتقام ..
اصحي يا نجوى اصحي .. جدك طرد خالك ولا فكر مره خالك عبداللطيف انه ينتقم بالعكس كبر بعين الكل حتى جدك اللي طارده انه عدل وضعه واشتغل وكون اسره وحرمه تحمي
بيته .. وبنات خالك هذا بيتهم وهذا اقل شي نعوضهم عن حياتهم اللي دمرها ابوهم وجدي ..

يوقف خالد اخيرا للمستشفى الطب النفسي ..
نجوى : ماراح ادخله خلني يا خالد ..
خالد : اقولك ادخلي ..
ويمسكونها اثنين من الستترات ..
وهي تصارخ .. ويشرح للدكتور حالتها ..
وبعد 10 دقايق الا يوصل ناصر وهو منصدم وعلامات استفاهم بوجهه الا يشوف نجوى معطينها مهدئات ومو بوعيها ..
ناصر : وش فيها نجوى ؟

خالد : هذا الشي اللي المفروض من زمان نسويه ..
ناصر : انت مجنون في احد يدخل اخته الطب النفسي وش تبي الناس تقول لنا ..؟
خالد : الطب النفسي مو عيب المفروض من زمان معلجينها من العقد اللي بعقلها ..
ناصر : وش تخربط انت ؟
خالد : بقولك وانت بتحكم بنفسك ..
ويروي له القصه كلها بالف الى الياء بالهمزه بالفتحه والكسره والسكون والضمه وادوات النحو ..

ناصر منصدم ومذهول : انت متاكد ياخالد
خالد وهو جالس بالانتضار مع اخوه : اي هذي السالفه اكيد وشوف الرقم السري ذا والصور والماسن وغير الفضايح واتصل على نوفا واسالها بنفسك ..

ويمسك الجوال ويتصل عليها وترد على الفور ..
من غير سلام ولا حتى كيف الحال طرح السوال بسرعه : نوفا جوالك تجيه ارقام غريبه ؟
نوفا : وش فيك من غير سلام ولا احم ..
ناصر بعصبيه خفيفه : ردي علي
نوفا : ايه مستغربه غريبه اليوم الجال من الصبح وهو شغال كله ارقام غريبه شكله غلطانين بين رقمي ورغم برنامج ما يطلبه المشاهدين بش ابشرك ما رديت عليهم ..
الا تسمع السماعه تغفل من غير ما يرد عليها وهي تضحك ..
وتنصدم وتتصل عليه وما يرد عليها ...
ناصر حول جوله صامت ودخل الجوال بثوبه وكمل مع خالد وهو منصدم ..
خالد : وش ردت عليك ؟
ناصر : مثل ما قلت من الصبح تقول انه يرن وما ترد عليه
خالد : والحل الحين برايك ؟
ناصر : ما ادري والله يا خالد ؟
خالد : ماهو عيب الشخص لو جلس هنا العيب نسكت عن مرضه وانا كلمت الدكتور ويقول هي فيها مرض ما ادري وش سمااه لكن هذا يعتبر نقص عاطفي تشتكي منه نجوى ..
ناصر : ما قصرنا معها ياخالد لكن وش نخبر امي ..
خالد : امي خلها علي وانا اخبرها ولا تهتم لكن انت الحين روح لزوجتك وهديها اشوف جولك بثوبك شبع رن ..
ناصر : مخليه صامت خله ..
خالد : الشاشه تعبت وهي تنور ..
ناصر : خلها ترن مالي خلق ارد عليها اخاف ازفها ولا يزلق لساني واقولها كل شي ..
خالد : ديربالك تخبرها ..
ناصر : مجنون هذي اسرار عايلتنا والمفروض ما نخبر احد خصووصا هالاسبوع بس لين تتحسن حالتها ..
خالد : طيب بتدخل للدكتور ..
ناصر : اكيد لاوم ااتطمن واعرف حالتها اكثر ..
خالد : اجل مشينا ندخل ونشوف ..
ناصر : يالله والله يشفيها ..

ويدخلون ناصر وخالد للدكتور ..

--------------

لنـــــــــــدن كان الجو متكهرب للغايه ..
كان حمد داخل لغرفة مضاوي ومعه باقة ورد علشان يهديها ويتسامح منها لكن انصدم اكثر من كلام الدكاتره وكلامها ..

مضاوي : مو بكيفك انا راجعه بكره وانا وقعت بمسؤوليتي والحين بدور اقرب طياره ..
حمد : لا انتي مجنونه بجد من عملوا فيك وانتي فاقده عقلك انتي ما تدرين وش تسوين ..
مضاوي بصراخ : لا ادري وش اسوي وماني ناقصه عقل هذا المرض والعمليه سويتها وما يهمني وش بعدها يصير المهم اني ارجع لاخواتي ,,
حمد : مانتي رايحه وبتكملين العلاج ...
مضاوي : انا قلت لك وقعت وخلاص ..
حمد : بتذبحين نفسك بيدك ..
مضاوي : كلنا بنموووت شف وين زوجتك ؟ وين ابوي وامي ؟ كلهم بعداد الاموات كلنا بنموت ياحمد ليه اموت هنا انا ابغى اموت بين اللي احبهم ..
حمد :ليه مو عندي ما تحبيني ..
مضاوي : تستخف دمك ليه احبك واخرتها انا وانت الفراق مصرينا لا تحاول تستخف دمك انت عمرك ما حبيتني وانا اللي حاولت لكن فشلت الانه قلبك متعلق فيه انسانه غيري ..
لا تحاول تلعب معي خلاص انا انسانه ما انفع لك خلاني بين خواتي .. هم محتاجين لي ..

وتبكي وتصيح تحس بضعف تحس ودها تطير لبلادها علشان خواتها واخوها متعب اللي صوته يقطع القلب وهو يقول : مضاوي لا تخلينا كلنا ضايعين من غيرك ..
حمد : مضاوي وش فيك ..
مضاوي جالسه على ركبتها وتبكي : خلاص مافيني قوه ماعاد استحمل اهانة عماني لاخواتي ماعاد استحمل ودي ادخلهم بعيوني واغطيهم .. والله احبهم احبهم لا تسغرب
هم امي وابوي اللي فقدهم اخر كلمه قالتها امي بين يديني خواتك يامضاوي خواتك ماتتت وهي توصيني فيهم ..
ما اقدر اشوف حياتي ومرضي وهم محتاجين لي ..
وهي تبكي وبعدها تتكلم بعد ما مسحت عيونها : ليه اسال نفسي ليه دايم ما ابكي الا معك ليه انا اللي بين خواتي
ما تنزل دمعه ولا يختنق صوتي .؟
وما تهتز صورتي ولا يختلف لوني ؟
ولا تهتز شفاتي ولا تدمع عيوني ؟
ليه معك توقف نفسي ومحتاجه اضمك وابكي بين روحك وروحي ..
ليه اشوف الصد بين عيونك ؟
ليه تصد عني وتحسبني مخلوق عديم احساس وحداني ؟
ليه تذلني بكلامك وتجفى علي ليه ؟
ليه رافض حتى كلامي تسمعه ولا تشوفه وتصدقه انه من جوفي .؟
ليه احبك مع انه طبعك قاسي ؟
ومع اني اعرف في حياتك ناااس يبغونك واخفي حبي لايشوفه احد .. من اول يوم شفتك حبيت طبعك حبيت سجارتك بين اصابعك بغدا عمي عبدالله وانت تكلم مشعل ؟
واول ما طاح المفتاح كنت متعمده والكل يظن انه طاح مني من غير ما ادري .. ما تدري انه صوتك فز بقلبي وحتل له مكانه ؟
كنت اشوفك مع نجوى وانا بداخلي غيض وكره لها ولتصرفاتها كنت احاول ابرر لك اني شريفه وعكسها وحتى يوم الزم عليك عمي انك تخطبني كنت رافضه الاني شفت انسان بعيني يالعب
بذيله ومع هذا حبيتك بعيوني ؟
ابيك تجاوبني ليه ؟ وتصييييييييح ..

حمد : الله كل ذا في قلبك يا مضاوي ..؟
ويقرب منها ويظمها ويمسح شعرها ...: خلاص بنرجع لاهلك ولخواتك بس حتى ممكن اتكلم مثل ما تكلمتي انتي ؟
مضاوي ترفع راسها له وهي بين صدره وعيونها حمر من البكي : وش بتقول كلام جارح ؟

حمد بضحكه : لا هالمره كلام بيصدمك ..
مضاوي : ,,,,,,,,,,
حمد ويردها لصدره وويمسح راسها : جيتي هنا واشوفك نايمه حبيت الاميره النايمه وحبيت كلامك واعجاب الكل فيك ما ادري ليه الباب يطرق بابه مره ثانيه بحياتي يا مضاوي ؟
ليه انتي بالذات لكن حب اميره يهزني وكانه اناني ما يبغاني احب وكنت اتصدد علشان ما اعيش الفراق مره ثانيه بالحب .. حسي فيني يامضاوي شخص حب واللي يحبها ماتت ..
وانا ما ابغى اخسر حب ثاني بحياتي ..
وحبيتك اكثر يوم قلت لك كلام جارح لك لكن لقيتك اقوى وهذا اللي عجبتيني فيه كل يوم هنا وكل وجع منك يعجبني لا تظنين اني غافل عنك صحيح ما اجيك كثير الاني احاول قلبي ما يحبك
لكن انا احبك تاكدي وكل هذا اسويه علشان قلبي يهرب من حبك ..

مضاوي : كن قول لقلبي : وش الله مكلفني بحبن تاليه افراق واخرتها يا حمد بنرجع وكل واحد ببيته ويمكن كل واحد فينا يشوف نصيبه . وانت تشوف نصيبك معه نجوى ..
حمد بضحكه : نجوى وحده مجنونه تهددني بصور زوجتي الاولى وبعد ما انكشف مل شي ليه اخاف منها اصلا انا متوعد لها بشي يخرب بيتها ..
مضاوي : ما فهمت ..
حمد خليك بصري ولا تهتمي بوحده مجنونه كانت مغفل يومها الحين خلينا وابكي بصدر ابوك ..
مضاوي :بصدمه ابوي ؟
حمد : انا من اليوم ابوك وزوجك يعني اعرف انه البنات يوم يبكون يرحون لابوهم ولا انا غلطان ؟
مضاوي : لا منت غلطان . ..
حمد : اي عتب من زوجك الخايس حمد قوليلي يا بنتي ..
مضاوي وهي تبكي : بجد محتاجتك يا يبه ووتتخيل حمد ابوها وتواصل البكي ..

--------------
بالحوش ثامر واقف منصدم ؟
ثامر : عيدي وش قلتي ؟
ندى : اللي سمعته ؟
ثامر : وش يعني اللي تقوله ذي استخفت مجنونه يعني شنو ما تبيني ورافضتني ؟
ندى : تقول انها بتدرس بجامعه تخصصها غير ولا تبي احد من اعيال عمي بعد ماعرفته من حياة اختها لولوه ..
ثامر : لا جد هذي مجنونه ومتى قالت لك ؟
ندى : عند بيت عمي ام متعب ..
ثامر : انا لازم اكلمها ..
ندى : لا تكلمها هي الحين ماخذه موقف بس خلها تهدي الامور وبعدها يحلها ربك ..
يمسك ثامر الجوال ويتصل عليها ..
ندى : ثامر لا تكلمها انت كذا بتخرب حياتك معها ..
ثامر : انا بعلمها من هي ومن انا مو لعبه تلعب فيني تعشمني ومره ترفضني ..
ليلى : الووو
ثامر : شوفي يابنت عمي انا صبرت كثير وبالاخير اسمع رفضك تراني لا ميت ولا بنتحر فيك والكل يتمنى بس اصبعي اشر عليه وتجين انتي تلعبين براسي الاني بس قلت احبك
خلي عنادك ينفعك ولعبك وتجربة خواتك انا بكره بخطب بنت خالي عوض منيره وشوفي يا ليلى من اللي بيتحسف على الثاني انا ولا انتي ..
وانا صبرت معك والعبك هذا العبيه مع غيري ...
ويغفل الجوال بوجها ..
ندى : وش سويت يالخبل خربت كل شي ..
ثامر : مو شغلك ويطلع ويغفل الباب بقوى وهو يركب سيارته يبي يبكي ..
وهو يشغل غنيه عبدالله رويشد " شنهو يعني انتهينا "

بالطرف الثاني : قامت ليلى من مكانها بين الحضور وتحس انها بتختنق بجد .. من الكلام اللي قاله ثامر صحيح هي قالت هالكلام لكن بجد توها تحسه بقلبها كيف انها تجرح وتذبح ..

نوفا : وش فيك ياليلى .
ليلى : احس اني تعباانه بريح بالبيت ..
تساذن ليلى وهي كلها حزن وتطلع من الباب الرئيسي وما تشوف سيارة ثامر .. وهي تبكي ..
الا تشوف خلفها ندى
ندى : مو هذا اللي تبينه ؟
ليلى تمسح دموعها : انا ابي اكمل دراستي ..
ندى بهدوء بعد ما شافت دموعها ":ليه اجل رافضتيه ..
ليلى : ما رفضته الا اني ما ابغى اعمل دراستي ..
ندى : ليه تبكين ..؟
ليلى : ما ابكي بس انا تعبانه بريح شوي ..
ندى : لا تكذبين انتي تحبينه وهو يحبك ليه تعاندينه الزواج ماراح يخرب دراستك ؟ حرام عليك تدمرين هالحب طلع الحين وهو بركان كله منك ..
ليلى : بس يا ندى لا توجعيني ..
ندى : بكره بيخطب منيره وهو اذا قال كلمه صدقيني يا ليلى ما يغيرها علشان حرمه .. بعد مارفعتي الحرمه بعينه الحين انتي بنفسك تنزلين مستواها بعينه ..
ليلى : ................
ندوى : ليه دامك تحبينه تجرحينه ؟
ليلى : الله يهينه
وتعطي ندى ظهرها وتمشي وهي مهلوسه بثامر وبكلامه وتدخل غرفتها وهي بغاية الصدمه ..




-------------
الساعه 7 المغرب :
لولوه بغرفتها جالسه بعد ما خرجوا منها ليلى ونوفا يتطمنون على ام متعب جلست بروحها وجولها جنبها تمسكه الا تجيها فكره وتبي تخلصها من فهد اليوم قبل بكره ..
وتمسح مسجاته المرسله والوارده ما تبي تسمع فهد او تشوف كلامه ..
الا يرن جولها معلن عن وصول مسج لها .. وكان المسج بوسائط ..

" لولوه انا اسف الاني كذبت عليك وقلت انك منتي بنت وانتي بالحقيقه بنت
اسف الاني اخفيت هالشي عنك والله اني صادق فما اقول وكانت ابغى امسك عليك اي شغله علشان بس تتادبين وتخضعين لي انا اسف جد
ومافي اي عذر يشفع لي لكن حبيت اقولك هالكلمتين الاني فشلت انا الثاني بتجربتي معك والطفل ماله اي ذنب بحياتنا واتمنى ما تنزلينه الانه يمكن هالطفل بيجمعنا وبيسعد حياتنا
اخذي راحتك ببيت اهلك لكن تاكدي اني بتغير لكن خلنا نهدي شوي يمكن الشوق تجمعنا ويهدي نفوسنا ويعلمنا الحب صح ..
بس بقولك شغله حبيت انا فعلا حبيتك واتمنى تسامحيني يمكن ما اعيش بكره او الساعات الجايه وابيك تسامحيني تكفين يا لولوه ..
سامحيني وانا بجد احبك لكن رجولتي قست علي وخلاتني ابرز رجولتي اكثر من حبي .. انا اسف من زوجك الذي يعشقك ..





(( وش تتوقعون بالاجـــــزاء القــادمه ؟؟؟ )))


خلص الجزء 26

ابي توقعات لكل شخصيه ...


قصتنـــــــــا في "" نهـــــــــــايتها ..,.!!!.
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا