كيفك انجال ان شاء الله تمام ....... اممممم بصراحة الرواية جدا مشوقة وتحمس الواحد يكمل الرواية وينتظر التكملة بفارغ الصبر ...........


عجبوني اغلب شخصيات الرواية .......... بس في اشياء ماحبيتها فيهم


مضاوي هالبنت على قد ماحبيتها وعجبني حبها لاهلها واهتمامها فيهم الا انو طوالة لسانها وعنادها الشديد ماعجبني ابد المفروض نها تكون الواجهة لتربية ابوها وعنادها وكذبها على عمامها واستفزازهم مو فخر وبعدين اصرارها انها تقدر تقوم بأخواتها وابوها المريض كله مستحيل تقدر تسويه مهما كان هي بنت والزمن مو مضمون واولاد الحرام كثار

وبعدين كيف ماخافت تروح بيوت الغرب تدرس كيف ضمنت انو مافي وحدة ماكذبت عليها وجرتها لبيتها علشان تحرمها من اعز شي تملكه البنت وهذا هو الواقع ترى هالاشياء صارت كثير وكل يوم نسمع مصيبة

غير انها مافكرت بأخوانها وهي تكذب كذبتها حرام كانت بتحرمهم من الاستقرار والعز بعد هالحرمان وخصوصا متعب الي يكسر الخاط مافكرت فيهم ابد اتمنى تعقل وتعرف انو لولا عمامها كان اختها ليلة ممكن ماتظهر برائتها غير انو هم بنات محتاجين لسند الرجال


لولو ة هذي بصراحة قهرتني بغبائها وتحمد ربها انو في احد بيتقبل يتزوجها بعد سمعتهم الي جد صارت على كل لسان وفهد انسب واحد لها علشان يربيها صح ويعلمها الحب لانو اكيد حبها بس يكابر والله كان ماربط مصيره ومصير عياله بوحدة سمعتها سودة واحتمال ماتكون بنت


نوفا هذي عاد تضحك جبانة بشكل حبيتها واتوقع ناصر يتزوجها خخخخخ عاد مو عيون عليه اتوقع بعد مايرتبط فيها بيطلع كل الفوارق مع عيون الصقر الي عنده


ليلى ياقلبي عليها الله ينتقم من جوزاء الكلبة حرام البنت ماسوت لها شي علشان تدبسها بقضية خطيرة كذا لاكن رب الغباد يمهل ولا يهمل واذا هي نسته ربها مابينسى عقوبتها


اما ثامر يجنن وربي ماتوقعت بيحبها ويعترف لها بهاالسرعة .......... اتوقع انو بيعلق قلبها فيه دامها قريبة منه في هالفترة وزين انو ماخجل منها انها بنت عمه قدام زملائه غير انو متقبلها كزوجة على الرغم مايدري كم بتظل في هالسجن غير سمعتها ومستقبلها الي خسرتها


حمد اتوقع في سبب ورى شخصيته هذي لسه ماظهرت لنا ونجوى يمكن تكون اخته من الرضاع وغريبة متقبلها ويضحك معاها على شخصيته البغيضة واتوقع انو مضاوي بتكون من نصيبه


هيفاء واهلها للاسف تخلو عن مضاوي وقت حاجتها ويمكن يصير شي يرجع العلاقة بين هيفاء ومضاوي لانها مجبورة من اهلها على هالشي


سماح حبيتها وكسرت خاطري هالبنت ان شاء الله تظهر حقيقتها وربي يبلي اخوها الحقير بأعز شي على قلبه


الاعمام وزوجاتهم وعيالهم بصراحة ماتوقعت طيبتهم وتقبلهم للبنات كذا عن جد ينحبون الله يخليهم لبعض



اما الخال جد جد ماعنده قلب بدل مايرحم بنات اخته فضح اخته بعد هالعمر وذبحها خسارة في البداية عجبني مع متعب لكن بعدين صدمني بحقده



اتمنى تعطيني اسامي رواياتك السابقة اذا كانت كاملة وانتظر البارت الجاي على نار

الـــجـــــزء الرابـــــــــع عشــــــــ{
---------------------------------
الا تتكلم ام مشعل : عندي لكم مفاجاءه ..
الكل : وشهي ؟
ام مشعل : بكره الصبح بتجينا ضيفه وبتفرحون فيها ..
الكل: منوو ؟
ام مشعل : بكره بتعرفون منوو بس هي حلفتني ما اخبر احد لين تشوفونها ..

ندى : هههههههه اكيد عرفتها ..
الكل : منووووو ندى بسرعه قولي منهي ..
ندى : يو يمكن بنات عمي عبدالطيف ما يعرفونها لو حبو كوعهم ..
مزنه بنت عبدالوهاب : خلصيني منهي عاد ؟
ترد عليها اختها نوره : اكيد ليلى اخت مضاوي ..
مضاوي بصدمه : جد اختي ليلى ..
ندى : طلعي الخبله اقولها لو يحبون كوعهم بنات عمي ماراح يعرفونها تقول اختهم ..
عواشه : يؤؤؤؤؤؤؤؤ ماغيرها ثريه اختي صح ندوش ؟
ندى : اكيد مافي غيرها بتزورنا بكره مع بناتها التوام ياقلبي عليهم وحشووني مره ..
مضاوي بتعجب : منو ثريه ؟
اماني : ثريه اخت مشعل وندى وعواشه ..
مضاوي : اها ..متزوجه ؟
هنادي : اي متزوجه وعندها بنات توام عمرها 6 اشهر ياحلوهم اساميهم ..
تقاطعها نوره : صفاء ومروه ..
نوفا : الله جد اساميهم تجنن ..
لولوه وهي تقرب من عهود وتسالها : عهود ..
عهود : هلا ..
لولوه : بسالك نجوى بنت عمتي هي مخطوبه لحمد ؟
عهود بضحكه : هههههه لا اصلا ما اظن بيلقون على بعض ؟
لولوه بلقاافه : غريبه ..
عهود : وش الغريبه ؟
لولوه : ولا شي ..
عهود : ماقلتي هالسوالف الا فيه شي ؟
لولوه : بصراحه مرتين شفتهم يجلسون ويسالفون مع بعض ؟
عهود وهي تسكت وش ترد عليها واكتفت برد هالكلمتين : هي تحسبه اخوها ..
لولوه : اهاااا السالفه كذا ..
ويردون لحوار البنات وعن التوائم ..
اماني : هههههههههههههه انا حلفت الحمله الجايه احمل بتوائم ..
هنادي : يوووو توائم مره وحده وكم العدد ان شاءالله عشان ما اقرب بيت اهلك يوم تزورينهم ..
اماني : وشهو تبغين تنحشين من اعيالي ...
هنادي : يو ما احب الازعاج ياختي احملي وربيهم بعيد عني ..
الكل : ههههههههههههه
مضاوي : وش تبغين يااماني بتوائم ؟
اماني وهي تشوف لولوه ونوفا : ابغيهم نسخه مثل خواتك محدن يميزهم ..
لولوه : بالعكس لبناتك او ااولادك بيكرهونك والسبب التشابك
مضاوي : اصلا نوفا ولولوه يتهاشون والسبب التشابه مرات ابوي ما يميزهم ..ويغلط فيهم ويزعلون ..وحتى الاستاذات يسبون نوفا يحسبونها لولوه وياما اغلطلوا بدرجاتهم والسبب التشابه ..

لولوه : تتذكرين نوفا لما نتبادل الحصص بالمدرسه ؟
نوفا : ايوه اتذكر وكنت خايفه وانتي عادي ولا يهمك واتذكر مره قربت مني استاذة العربي وقال لي غريبه وحي جايك اليوم ما نطقتي ولا كلممه الا اقوم واصيح عندها وافضحك ..
لولوه : هههههههههههههه واخذت تعهد ما نسيته ..
اماني : يويويويو اجل اثارها قويه ..
هنادي : تحملي اجل ..
مزنه : ههههههه والله رحمة حلكم وانا اقول ونااسه اثريها تعب بكل الحكايه ..
نوره : مزنه وش رايك تسوين لنا الحلا ذاك اللي تسوينه عند خوالي ؟.
اندى : عاد مزنه عندها حلويات مصريه انما ايه تجنن ..
مزنه : اكيد بكسبها من الغاليه ..
نوفا لاول مره تصير ملقوفه : تعرفين تسوين كوشري ؟
مزنه : ايوه اعرف ..تبغينه ..
مضاوي : ههههههه وش فيك نوفا اول مره اسمعك تحبين الاكل ..
نوفا : لا والله ما ابيه بس اسمع عنه ولا عمري اكلته ..
نوره : ابشري انا بسويه لك تراني تربية امي واعرف اطبخ ..
هنادي : عزالله ماشاءالله عليكم شوفي لا تقولين احسد اختك يامزنه ترا ذكرت الله ..
مزنه : ههههههه عادي ياختي حفظة الاصطوانه .. عن خواتك ..
هنادي : وربي ليت امي ما جابت هيا ونجوى وربي الاختين عيت اتاقلم معهن ياختي منطويات لدرجه غريبه شوفيهم كلهن جالسات على النت وووين بالمجلس الثاني ..

مزنه : وش رايك مضاوي تدخلين معي المطبخ انتي ونوفا اعلمكم الكوشري ..مع حلا مصري اسمه جوز الهند ..
مضاوي ..: يالله ماعندي مانع احب اتعلم بس لو تبغينها تحب الطبخ جد نوفا ..
نوفا : ومن قال بخليك تروحين معها بروحكم الا وانا ناشبه باتعلم معكم ..
مضاوي : هههه وانا اقول معقوله ما تكلمت نوفا ..
لولوه : وشهو طبخ مدري ما احبه ..
عهود : يو اجل اخوي فهد بيموت ما اكل ..
لولوه : وش خص اخوك فهد فيني ,.
مضاوي وهي تقرص عهود
عهود وهي تميل لمضاوي: اي اوجعتيني ليه هي ما تعرف بامر الخطبه شي ؟
مضاوي وهي تشد باسنها وبصوت منخفض : لا يالغبيه اسكتي لا تخربين جلستنا بعدين اقولك ,.
لولوه بشكل شوي منفعل ..: انتوا وش تتهمسون عليه وش فيكم ..؟
مضاوي : ولا شي يالولوه بس تقول بضحك مع لولوه وبشوف ردة فعلها ..
لولوه تتنهد بطمانينه : خير ان شاءالله وش جاءك معي ياخت عهود ..
عهود : ولا شي بس حبيت ارعبك ..
لولوه بنفعاليه : يعني تخوفيني باخوك ..
مضاوي بشده : لولوه البنت تضحك خلاص فضيها سيره ..
لولوه : ما سمعتي وش قالت ..؟
مضاوي : سمعت وخلاص البنت تضحك ..
لولوه بصوت خفيف : اي خير ان شاءالله تضحك ..

مزنه وهي تغير الجو مع ندى : ..

مزنه : ندوووش ترا نواف يبلغني سلام حاار للغالين ..
ندى بستحاء : جد والله وبلغيه تحيات الغالييين تكفين يا مزنه
مزنه : افا ما طلبتي شي بس حني عليه شوي تراه اخوي الغالي ..
هنادي : اي وش عليك يا مدوش تحيات وسلامات من الحكيم باشا ..
اماني : قال وش قال حكيم باشا اقول انقلعي انتي ويااها ..توكم اول سنه خطبه والثانيه جوازه ...ما تعرفون مالسر بعد ذالك لجحيم ..
هنادي : ياختي لا تحطمينا خلينا بالعسل ..
مضاوي : وشهو ما صار لك سنتين متزوجه ..؟
هنادي : دام ما جاني خلفه توني عروس ..
عواشه :شوفي اول خلفه بنت سميها عواشه على اسمي ..
عهود تمسك اذنها : نعم..؟! وش..؟ اسمه عيدي اخت عواشه ؟
عواشه : اي اي اي اي عواشه وش فيك ليه اسمي ماهو عاجبك يا ست عهود ؟
نوره : لالالا هنوده سميها نوره ودلعيها النوري ..
عهود وهي تمسك اذنها الثانيه : كملتيها يعني ياجارتي ..؟ هذي زوجة اخوي وبنت اخوي المنتظره اسمها على اسمي سامعين ولا اكفخكن مع كروشكن اللي ما حلاها ربي ..؟

نوره وعواشه وكل وحده تشوف كرشتها : هههههههههههههه
مضاوي : يويويويويو شكل عهود منتي هينه مخوفتهم ..
عهود وهي تسمي بلوزة عنقها وترفع دقنها للاعلى : علبالك وشهو لولوه خانواا ..
لولوه وشبت النار : نعم انتي وش فيك معي .؟؟
مضاوي : ياحوووووووووول عهود سكري الموضوع يرحم امك اختي ذي ممنوع عندها الضحك ,
لولوه : انا بروح اتمشى ..وتطلع من الغرفه وشكلها جد متضايقه ..

عهود وهي تلتفت لمضاوي : والله مو قصدي اضايقها يامضاوي ..ّ!!
مضاوي : عادي ياعهود متعودين على مزاجها ولا تجيبين سيرة فهد تراها تكرهه وتبغضه ..
عهود : عرفت ليه تبغضه بسبب الكف اللي عطاها ...
نوفا : غيروا السالفه .. وانا بروح اشوفها وين راحت ..
اماني : اسفه يا مضاوي ..
مضاوي : ليه تتاسفون طبع اختي وعارفه اصلا هي رافضه تتقبله وخصوووصا بعد لعبه عمي اللي لعبها باول جيتنا ..؟
هنادي : ما الومها وربي انسان اول ما جيت كرهني فيه كيف احبه او اتقبله بس مضاوي راح توافقين على الخطبه ..
مضاوي : اممم لكل حادث حديث يا هنادي ..
اماني وهي تعجب بكلام مضاوي وحكمتها اكثر واكثر ..


خارج بيت لمزرعه..

لولوه تلتفت وتشوف محدن يتابعها وهي لابسه جلالها وملفعها وبنطرون جنز ازرق غامج وتي شيرت على غتره (شماغ ) ..وتختفي داخل الشجر بالمزرعه ,

نوفا وهي تتجه خلف بيت المزرعه وكانت لابسه نفس اختها بالضبط حيث ما يميزهم شي غير الاختلافات الخفيفه ..

وهي تلتفت حولها تدور لولوه .. وتحس انها ضيعت الانها ما تعرف طريق المزرعه عدل .. وهي تمشي وكان في شخص يتبعها .من غير ما تحس بنفسها ..
وتمشي وهي خايفه ودموعها بوسط محجرها شوي وتصيح ..
نوفا : ياربي وين رحت ...؟
اتذكر اني جيت من هنا لكن وين الباب المزرعه هذا البيت ياربي ...

فهد : ههههه قلت لك مصير الحي يتلاقا ..
نوفا تلتفت بخوف من صوت الرجولي الخشن والا تشوف رجال خلفها ما تعرفه ..: م م م ممم نووووو ان ن نن ننت ..؟
فهد : وش فيك .؟ لا تقولين الفار اكل لسانك ؟

نوفا : تكفى انا ضعت ماعرف وين البيت ..
فهد : اها البيت وينه دوري غير هالعذر ياحلوه ..
نوفا : والله والله ضيعت الطريق
فهد بستغراب : وين لسانك السليط غريبه ما ذقت منه مسبه للحين ..؟

نوفا وعضامها ترجف : ابي ارجع للبيت

فهد بضحكه : ههههههههههههه مافي رجعه قبل لا اذوق منك عربون ..
نوفا خلاص الدم جف عندها : وشهو العربون ؟؟
فهد : تعجبيني وانتي هاااديه وتسمعين الكلام ..
نوفا : وشهو مافهمت ؟
فهد ويقرب منها اكثر واكثر لين لصق جسم نوفا بالشجره : بتشوفينه بعينك ..
وهو يحط يده على جذع الشجره واليد الثانيه حاطها على خصره
نوفا تصيح: يمااااااااااااااااااااااااا

فهد : وشهو امك ياروح امك انا قررت ادبك واقطع لسانك واعلمك منو فهد وشوفي من الحين اخبرك اذا رفضتيني بقطع راسك والله يا لولوه
نوفا : انا انا نوفا ..
فهد : ههههههههه تضحكين علي وتمثلين لا يا قلبي انتي ماني غبي او خبل وهالتمثليه مثليها على غيري بكي وخوف ولسانك السم مخبيته والله لطلعه لك يالولوه ..

نوفا : وربي انا نوفا ماني لولوه ..

الا صوت وراء يقوله اترك نوفا يافهد ...
الكل انصدم بالصوت رجولي القوي فهد ورجع يدينه وابتعد شوي عن نوفا اللي كان يظن انها لولوه ..
نوفا عجزت تتحرك شبر واحد من الخوف وهي تشوف الرجال اللي قبالها راح يحطمها اكثر واكثر ..
ودموع بعينها عيت توقف .. ولكن اكتفت بكلمه ..وحده وهي اسم هالرجال ..

فهد بدهشه : ناصر ...!!!
ناصر : تعالي يانوفا ..وبعدها يلتفت لفهد .::::. وانت ماتعرف تميز بينهم ..
ونوفا تركض لناصر وتوقف خلفه و ماسكه طرف ثوبه وهي تبكي بشده ..

فهد : هذي لولوه وانت تعرف اني مخطوبه لي ..!!

ناصر بعصبيه وبقوى : هذي نوفا يافهد ...!! يعني بتتزوج وحده وانت مو عارف الفرق بينها وبين اختها .. ؟؟
فهد : هههه ناصر صدقني هذي لولوه وعرف تمثلياتها ..
ناصر يلتفت لنوفا ويمسك يدها ويرفعها وهو يرد عليه: شوف اظافرها بتعرف بينها وبين اختهها وشوف اسلوبها وتعرف بينها وبين اختها .. وشوف عيونها وتعرف الفرق بينمها وبين اختها ..

فهد منصدم : وانت كيف عرفت الفرق بيوومين ؟
ناصر : هههههههه ما يبيلها ذكاء ياولد خالي .وانت تعرف وتسمع انهم توام لازم تعرف الفرق بينهم ..
ويسمع صوت نوفا ميته رعب ..

فهد وهو يقرب منها : انا جد اسف وعلى بالي اختك ام لسان ..
نوفا وهي ودها تصيح اكثر يوم قرب لها وتمسك ثوب ناصر اكثر واكثر ..
وناصر مبسوط من مسكة ثووبه ..
فهد : وربي اسف بس امانه هالسالفه بيني وبينكم على بالي لولوه كنت بادبها ..
نوفا بعصبيه : اذا بتادبها لا تجيها بهذا الاسلوب الانك ميه بالميه بتخسرها اكثر واكثر ..
وهي تبغى تهرب منهم .. الا ناصر قريب منها : وين بتروحين يا نوفا ..

نوفا : بدور على اختي لولوه ..
فهد يقرب لها : اسف يا نوفا ماكنت اعرف الفرق لكن الحين عرفته ووضح لي كثير .. بس امانه هالسالفه بيني وبينكم ..
ناصر : لا تخاف يافهد لكن بالمره الثانيه افتح عينك وشوف الفرق ..
ويلتفت لنوفا : وين بتروحين بتضيعين مره ثانيه تعالي بروح معك ..

فهد بعد ما تاسف قال : خلاص اجل انا بروح ادور عنها واسف للمره الثانيه يانوفا ..
نوفا : حصل خير لكن بالمره الثانيه لا ترعبني وصدقني من اول حلف ..

فهد : يافرقووووا اثريني ببتلش بكره يوم اتزوجها ..
ناصر : شوف انت حط علامه بزوجتك عشان ما تغلط على حقوق الغير ..
فهد وهو يضحك ويقرب من نوفا مره ثانيه ويهمس لها : وشهو الاسلوب اللي بيقربني من اختك ما علمتيني ..؟؟
نوفا تشوفه بخوف : هااااا .. ههههه لا هذي اسرار دوله وممنوع الكشف عنها ..


فهد : هههههههههههه طيب اخليكم مع السلامه ..
ويروح فهد ..

ويلتفت ناصر لنوفا : ها وش رايك فيني ..؟
نوفا وجسمها بدا يرتجف مره ثانيه : انت قلت بترجعني ؟؟
ناصر : وهو يجلس على الشجره : وانتي ليه خايفه يعني باكلك ؟
نوفا :لا بس ابي ارجع اكيد انه لولوه رجعت البيت ..
ناصر يوقف ويقرب منها " وش رايك نتمشى وناخذ ونعطي بالكلام ؟
نوفا : انا مو من البنات اللي تظن ..
ناصر : انتي بنت خالي وعن قريب زوجي ..
نوفا وهي منصدمه : وشهو زوجتك ..
ناصر وهو يمسك يدها ويقرب منها : نوفا وش رايك فيني ..؟
نوفا : انا بعدي صغيره وما افكر اتزوج يا ناصر ..
ناصر وبجديه : انا بكلم امي الليله وابيك تفكرين .. وصدقيني يانوفا انك دخلتي قلبي من كنتي في المستشفى ..
نوفا : ..............
ناصر : نوفا انا قصدي شريف لا تظنين الشينه فيني ..؟
نوفا : انا ابي اكمل دراستي تكفى ياناصر ..
ناصر : يعني افهم اهم شي انك موافقه ..؟
نوفا : قبل لا اكمل دراستي اقولك ..
ناصر : بس خطبه وبعدها ملكه وعرس ..
نوفا : انت ليه مستعجل وبعدين انا ما ادري وش مصيرنا هنا .. اذا لولوه ببتزوج فهد مقصوبه واختي واعرفها مستحيل ترضى بفهد اذا هذا اسلوبه ..
ناصر : مالنا شغل باختك يانوفا انا اكلمك عني وعنك .. عن حياتي معك وحياتك معي ..
نوفا : انا ما قدر اعيش معك اذا خواتي ما استقروا .. وكيف افكر اتزوج واختي الكبيره بعدها ما جاها نصيبها واختي الثانيه بالسجن مستحيل اتزوج وليلى ما طلعت من السجن ..
ناصر : انا قلت لك خليها خطبه ..
نوفا وهي تشوفه بعينه اصراره وتحديه على الزواج ..
نوفا : وليه انا انا بعدي صغيره . وابوي مريض واختي بالسجن وانا ماعرفتكم لحد الحين كلها اسبوع اللي جلسنا فيها عندكم ..كيف بعرف طبعك ..

ناصر : طبعي بتعرفينه يوم تعشين معي بسقف واحد انا احبك يانوفا احبك متى بتفهمين هالحب ..
نوفا : لكن انا ..!!
ناصر : انتي وشهو ..يعني ما يكفيك اني قلت لك اني احبك..؟

نوفا : انا اخاف من هالحب اللي تقوله . ,.
ناصر باحساااس: صدقيني اني صااادق معك يا نوفا ..ولو بكذب عليك ما قلت بتزوجك وكان لعبت معك مثل ما يسوي بعض الشباب ..
وثانيا انتي عاري بنت خالي والي يمسك يمسني يانوفا ..

نوفا : اخذني للبيت ..
ناصر : بس انا ما خلصت ..
نوفا بترجي اكثر وبدموع : اخذني للبيت اخذني للبيت تكفى ..
والدنيا ظلمت وبدات تخاف نوفا اكثر ..
ناصر وهو يسكت ويتحرك وبعد ترجي نوفا : يالله بنمشي بس قبل لا امشي ابيك تفكرين بالموضوع ..

وتمشون الين وصلها لباااااب البيت وهو يرجع اللخيمه .. الا يقابل فهد ..
الا يشوف الكل يصلي .. ويصلي صلاة المغرب معهم ..

وبعد ما انتهوا من الصلاة الا ناصر يجلس جنب النار .. ويجلس معه فهد .. :

فهد والضحكه ماليانه الوجه: اشوفك جيت متاخر عسى ماشر..؟
ناصر : ماشر رحت اتمشى وجيت ..
فهد : علينا يالله عاد عيونك بغت تذبحني يوم شفتني معها ..
ناصر يلتفت بسرعه له وكانه فضح نفسه من جديد : وش عليك انت انا ما طلعت عيوني الا يوم شفتك كيف لازق جنبها ..؟
فهد : ولد عمتي وعارفك عدل عيونك تفضحك .. لكن دامها عكس اختها انوي وسم وتوكل وانا اخوك ..
ناصر : ...........
فهد : شف ياناصر بتضحك على غيري ماعليه..
اما علي انا العبها مع غيري مشاعرك وعيونك فاضحتك واللي اثبت لك الدليل انك ميزتها عن اختها بعيونها واظافرها اللي انا مافرقت بينها وبين اختها ..
ناصر يتنهد ويهمس : شفتها قبل لا اعرفها وحبيتها من طبعها ..
فهد : جد والله متى ؟ وهي تعرفك يعني من قبل ..؟

ناصر : لا اتذكر مره جيت اخذلي شاب بحاره الي ساكن فيها عمي .. الا بنت تطلع بوجهي وتتطلبني اخذ اخوها للمستشفى ..
وطبعا ساعدتها من غير مقابل وجلست عندها وشفتها ماتعرف شي بامور المستشفيات ومشيت باوراق اخوها الا انصدم لما قالت للدكتور اسمها جد انصدمت ..
ومع انه الرجال اللي مواعد معه عطيته سبعين طاف وهو مات وهو يتصل رفضت ارجع له وجلست معها وربي اعجبت باسلوبها وحتى بدموعها وكيف كانت خايفه على اخوها
ماصدقت عيني باني اشوف بنت خالي جدامي وما عندها رجال جنبها ..
ما اكذب عليك من هذاك اليوم حبيتها .. وهي تشرح ظروفهم ... حبيتها بيني وبين نفسي .. وزادني هالحب يوم اشوفها من غير ما تدري ..

فهد يضربه من خلف ظهره : اثريك طايح بالحب وانا مدري ..

الا يتكلمون الشياب : ..ويسكتون الكل ..

ابو عبدالوهاب .: ها يا متعب وش رايك بربابة عمك ..
متعب الصغير : عادي استعملها ..
ابو متعب :وشهو في احد بيضربك اخذها ولا تخاف ..
متعب : اخاف مضاوي تعاتبني ..
مشعل : شكل هالمضاوي مخوفتك .. انت رجال ما تخاف من الحريم ..
ابو مشعل : مشعل خله هذي اخته ولازم يحترمها ..وخذ يابوك ولا تخاف من احد ومضاوي انا بكلمها ..
حمد : وشهو هالخوف من حرمه ...
متعب الصغير : هذي مضاوي اختي ماهي حرمه عاديه ..
متعب الكبير : ههههههه الله يخليها لك وغيروا السالفه ..
مشعل : وش رايك يا متعب تلعب معي كوره ..؟
متعب الكبير : وشايفني بزر اقول مافيني شده العب ..
مشعل : وهي احد كلمك انا قصدي مشعل الرجال ولد عمي عبداللطيف ..

الكل : ههههههههههههههه
حمدان : هذا الغلط في العايله يوم يكون اسمين متكررين ..
فارس : شوفوا ياخواني من الحين لازم نقرر وش نسمي اعيالنا ..
ابو حمد : وش بتسميه على ابوك عبدالله ..
يقاطعه ابو متعب : ابد انا من الحين اقول لعيالي محدن يسمي باسمي لا بحياتي ولا بموتي ..
الكل : بعد طولت العمر ان شاءالله ..
حمدان : انا بسميهم : لافي وملفي .وصقر واذياب وارماح ..
فارس : حشى وش هالاسامي ..
حمدان : اقولها لكم من الحين لحدن ياخذ هالاسامي ..
مشعل : ول ذبااح وش هالاسم والله بتسبب له عقده من يولد ..
متعب الكبير : انا بسمي اولدي على عمي عبد اللطيف وش رايك يامتعب الصغير ...
متعب : انا ماني صغير وثانيا انا ابو عبداللطيف لا تاخذ اسمي والحين تاخذ اسم ابوي ..
الكل ضحك ..
ابو حمد : ههههههههههههه لا والله ربحنا متعب الصغير وغير هذا نفس الاعيال ..
متعب الكبير : الاني احبك بسمي نفسك ..
متعب الصغير : لا تحبني ياخي يعني بكره اذا بتزوج ببتزوج زوجتي ..
متعب الكبير : شف عاد من الحين اخبرك مابتتزوج الا بنتي ..
متعب الصغير : وينها بنتك خلها تطلع من بطن امها وانا ازوجها اولدي ..
الكل ضحك : وليه متى بتتزوج يا متعب عبداللطيف ..
متعب الصغير يضحك : انا بس يطيب ابوي بتزوج ..
الكل : ما اشاءالله
ابو متعب : خلاص مهرك علي بس انت حدد المرا ..
حمدان وفارس ومشعل : زفتك علينا ..

فهد وراشد : عشاك علينا ..
نواف : ما يصير وانا وش اسوي ..
ثامر وهو يضحك :ههههههههههههههه انت عطه سيارتك ..
نواف : لا والله مرسيدس تبغاني اعطيها احد رح زين ..
ثامر يشوف متعب الصغير : انا بعطيك مني لك سياره لكن بشرط ..
متعب وهو يستغرب : وشهو الشرط ..
ثامر : تاخذ الشهاده واجيب لك السياره اللي تعجبك ..
متعب بساعده : جد والله ..
ابو متعب : الا ياثامر وش صار ببنت عمك ..
ثامر :ابد الامور طيبه والحمدالله ..
ابو حمد : وكيف وضاعها الحين ..؟
ثامر : الحمدالله بدات تتاقلم عالسجن ..
ابو مشعل : لا تقصر فيها يا ثامر ..
ثامر : ابد ياعمي اشهدني اعاملها غير عن الكل والكل ملاحظ ..
ابو متعب : وكيف قضيتها والمحامي ..
ثامر : حاليا ماسك قضيتها مع واحد من ربعي وطمني بانه بتنحل ..
ابو متعب : يالله عسى تطلع برائه ..
ابو حمد : وش صار بالمحامي اللي قلتلك عنه ؟
ثامر : جاني اليوم وكلمته وعطيته كل الاوراق وقال ماله داعي يشوف ليلى دام كل شي عندي ..ورفيقي ماسك قضية المخدرات للمشتبهه فيها
ابو متعب : كويس.. يعني ماقالوا لك متى القضيه ..
ثامر : ما اقدر افتح قضيه قبل لا اجمع الدلايل وبراهين .. ويتحسن وضع ليلى شوي بالسجن ..
ابو متعب : توك تقول انه وضعها زين ,.
ثامر : بالسجن فيه اشياء مايعرفها السجين نفسه .. بين كل 12 سجينه بزنزانه وحده فيهم جاسوسه ماهي سجينه جد ..
ابو متعب : وشهو ما فهمت ..
ابو حمد : قصده انه في وحده حاطينها الشرطه تعرف اخبار السجينات ..وتعطيهم معلومات عن كل سجينه ..
ثامر : عليك نور ..

ناصر : وش تستفدون منها .؟
ثامر : عاد ذي اسرار المهنه واسمحلي ما قدر اكمل ..
حمد : طيب يعني في امل انها تخرج ؟
ثامر : كله يتعلق بالمحامي والدلايل ..
ابو مشعل : باذن الله بتطلع ..
ابو حمد : باذن الله

متعب الصغير : بروح العب كوره ..
حمدان وراشد : يالله بنروح نلعب ونشوف من يهدف الاول ..
نواف : بروح معكم يالله بنفلها رياضه بهالليل ..
فارس : والله ودي اطلق رجليني يالله انا قايم معكم ..
ويطلعون
( متعب الصغير .. وحمدان وراشد ونواف وفارس ..)
ابو متعب وهو يلتفت لحمد : وانت منت ناوي تتزوج وتفرحنا ..؟
حمد : لاحول شكلي بقوم ..
ابو حمد : عبدالله لا تتعب وترفع ضغطك عليه ترا مبلشني وتعب حلقومي منه راسه عص ولا هو مقنع باللي اقوله له ..

حمد : سالفة العرس تعرف اني ما اطيقها وليه تفتحوها ..
ابو متعب وهو يقرب منه : وش رايك ازوجك والله يهديك ..
حمد يتنهد بقوى : سالفة العرس ما ابغيها ..
ابو حمد : يا عبدالله خله وربي بشيب راسك ولاهو سامع منك كلمه ..
ابو متعب : ليه يابوك خل ابوك واسمعني انت تشتكي من شي ..؟!!!
حمد : لا ابد مافيني الا العافيه ياعمي تطمن لكن سالفة العرس ما ابيها ..
ابو متعب : طيب في بالك وحده تبغيها ..؟
حمد : عمي انت تعرف السالفه لكن منت ناوي تفتحها من جديد ..
ابو متعب : لاحووووووول لا يكون السالفه اللي من خمس سنين
ابو حمد : هي هي ما تغيرت ومصمل على راييه ..
حمد : وش ينفع يا يبه البنت راحت بطريقها ..
ابو حمد : وانت لحد الحين تفكر فيها ..
حمد : وانا قلت لك ماني متزوج الا هي ...
مشعل : يا حمد خلاص السالفه راحت والبنت راحت دور لك بنت الحلال اللي تشغلك عنها ..
ابو مشعل : لاحووول يعني انت منت راضي تتزوج الا من هالبنت خلاص انت قلت البنت راحت وش تنتضر تتطلق علشان ترجع لها ؟؟
حمد : البنت ماتت وش اللي يرجعني لها ..
الكل انصدم وحتى في موتها يدري عنها .. لهدرجه يحبها حمد وش هالحب ياحمد وش هالحب ..
ابو مشعل : طيب علشان خاطر ابوك تزوج ..
ابو حمد : بموت وانا ماني راضي عنه ..
حمد : بعد عمر طويل يايبه لكن انت تعرفني..
ابو حمد : لا انت ما تسمعني ولا تراضيني وبكره بس يجون لك اعيال بتعرف انا وش اقصد بمصلحتك وياليتهم ما يطعونك وتعرف وش يقهرني وتجربه ..
حمد : وش اللي تبي يايبه عشان ابرهن لك اني اسمعك واحبك لكن كل شي الا الزواج ..
ابو حمد : وانا ما ابي تبرهن الي الا يوم تتزوج ..
حمد وعلامة الياس بوجهه ..: انت تلوي يدي يايبه ..
ابو حمد : دامك تبي ارضاي تزوج ولا بزعل عليك طول عمري وما برضى ..
حمد يتنهد وهو يالله يخرج الكلمه : على امر يا يبه اهم شي راضك ..
ابو حمد : ابيك تتزوج مضاوي بنت عمك اول ما نرجع من المزرعه ..
الكل انصدم من قرار ابو حمد السريع ..

حمد : وشهو بهذي السرعه يايبه ..
ابو حمد : اي ابي اخوي عبداللطيف يفرح قبل لا يحل يومه .وابي اتطمن عليك مثل ما اتطمن على بنت اخوي ..
ابو متعب : خيرن سويت يا بو حمد ومضاوي تراها ياحمد بنت ماشاءالله عليها واذا ناوي وملازم بخليك تشوفها وبتعرف بانه ابوك يبي لك الخير ..

حمد وبداخله صدمه .. مضاوي بنت عمي عبداللطيف لا لا ما ابي اظلم احد معي ليه كذا بتصعب المساله ,,

ابو مشعل : يالله واخيرا نقول مبروك ..
حمد سراحان : ......
ابو حمد : انا ابي من قلبك ياحمد ما ابي كلام ..؟
حمد بتنهد : باذن الله اهم ما يلزمني انك تكون راضي عني يا يبه ..
ابو حمد : راضي دامني اشوفك سعيد ومستقر في حياتك .. شف مشعل هذا رفيقك ومتعب كلن تزوج الا انا ما فرحت فيك ..
حمد وماهو عاجبه الوضع : بتفرح قريب ...
ابو متعب : يالله اجل لما نطلع من المزرعه بزف لهم الخبر وباخذ راي البنت ..
حمد وفي قلبه جعلها ترفض ..
وهو ماهو ناسي حبيبة قلبه "اوصاف " وبنته جووود ..
وش يقول عن السر اللي دافنه بين حشاياااه خمس اسنين ما خبر احد بزواجهم .. بعد ما رفض ابوه تزوجيه اخذها وتزوجها وحملت وخاف يخبر ابو ويطرده مثل ما سوى عمه عبداللطيف بغلطته ..

وبعد ولادة زوجته ماتت وخبى الامر زواجه وبنته اللي عايشه بشقه مع مربيتها .. وهو يتمنى يشيل الهم اللي شايله من خمس اسنين ..
كانه جبل على قلبه .. وحلف ما يتزوج غيرههاااااا ولا يحب بعدها انسااانه ..

لكن نجوى ياحمد وش بتسوي فيها ...!!!



_______
11 الصبح
من اليوم الثاني ... الكل ما نام الا متاخر البارحه من سهر البنات ولعبهم بالمطبخ وسهرهم بالافلام والورق ..,
حتى الشبااب ما ناموا الا بعد ما خرجوا السكون اللي داخلهم ..وطيران للصبح .. والشياب والعجايز الوحيدين صاحين مبكر ,,,

والحريم جالسات يسوالف ويضحكن بالحوش البيت ..

الا تدخل عليهم حرمه .. ::

......: ياهووووو ياعرب يالعالم وش هالسكون اللي خيم عليكم ..
ام مشعل : ياهلا والله ببنتي ثريه ..
ام حمد : ماشاءالله عليكي يام مشعل بتانيه عرفتيها انها ثريه ..
ام متعب : ثريه معروفه نبرت صوتها وبنتاها صياحهم خلفهم واااااااع ..
وتقدم ثريه وتسلم عليهم وتجلس معهم وتوريهم بناتها التوام صفاء ومروه ..

ام حمد : شكل العايله دي فيها توارث باللتوائم ..
ثريه : صج يما بنات عمي ثنتين توام يتشابهون كثييييييير ..

ام حمد : الله دانتي ما شفتيهم لسه بس انصحك ما بتشوفيهم الانه صحيح بيشبهو بعض لكن فيهم اختلاف بااسلوبهم كتير ..
ام مشعل : اي والله عندك لولوه عوبه .. ونوفا هاديه ..
وضحه ام ناصر : وش اخبارك يا ثريه وش مسويه ..
ثريه : والله بخير يالغاليه بشريني عنك وعن اخبارك ..
ام ناصر : اب بخير ونسال عنك ..
الا تسمع وحده من الخدامات تنادي ام ناصر ..

ام ناصر : خير ياميري منو يبيني ؟؟
ميري : بابا ناصر ..
ام ناصر : خلاص قوليله جايه ..
وجد بعد ثواني قليله قامت ام ناصر وراحت لولدها ..

ام ناصر : خير ياولدي وش فيك ..
ناصر : وش رايك يايمه نتمشى بالمزرعه شوي ..
ام ناصر : وش عنك ياناصر ؟؟ فيك شي ؟؟
ناصر : ابد يالغاليه لكن ابي اتمشى معك ..
ام ناصر : والله اني اعرفك ما جيت تمشي مني والطريق ..
ناصر : الشمكله فاضحتني يام ناصر ..
ام ناصر: اولدي واعرف يالله بجيب جلالي واجيك ..

وتروح تلبس جلالها وتروح مع ولدها تتمشى ..

ام ناصر : بتسكت لمتى ؟؟
ناصر : بصراحه ماني عارف كيف افتح الموضوع لك ..؟
ام ناصر : قل واحسبني ماني جنبك وتكلم ياحبيبي ..
ناصر : بصراحه انا جيت اشورك بموضوع ..
وضحه : وشهو ياناصر لا يكون خالك فيه شي ؟
ناصر : ابد مافيه الا العافيه لكن يخص وحده من بناته ..
وضحه : مافهمت ..
ناصر : خابرك ذكيه يام ناصر ..
وضحه وهي فاهمه لكن تبي توضيح اكثر ..؟": مافهمت وعلمني ..
ناصر : انا ابي بنت خالي على سنة الله ورسوله..
وضحه : هذي الساعه المباركه ومضاوي ماراح تلقى احسن منك ..
ناصر : الله يهديك يايمه انتي فهمتي غلط ..
وضحه بخوف: وشهو اجل ؟
ناصر : انا ابي اختها نوفا ..
وضحه : لكن ياحلاتها مضاوي وش فيها وقريبه منك ونوفا صغيره عليك ..
ناصر : مضاوي خطبها امس حمد ولد خالي وانا ابي نوفا ..
وضحه : جد والله وغريبه ام حمد ما تكلمت ..
ناصر : يمه السالفه بين الرجاجيل مااوصلت للحريم لكن ما ابيك توصلينها لهم..
وضحه : والله اني تمنيتها لك لكن انت الله يهديك ..
ناصر : انا ابي نوفا
وضحه : وكيف تبي نوفا واختها تشبهها ..
ناصر : لا اميزها بين سبعين شبيه يايمه ..
وضحه وهي تضحك : من متى ياولد حماد تحب ..
ناصر : قبل لا تشوفينها يايمه ..
وضحه : اشهدنك نفس ابوك لما تحب ما تعرف تخبي ههههههههههه يالله متى ناوي ..
ناصر : ابيها خطبه لما تخلص من الثانويه نملك ونتزوج ..
وضحه : زين سويت ..
ناصر : اهم شي انتي راضيه علي ..
وضحه : دامك بتستانس معها انا مبسوووطه واسعد انساانه اني بشوفك معرس ولابس هالبشت ..
ناصر وهو يحب راسها : ما قدرت انام قبل لا اكلمك الاني ناوي اخطبها قبل لا تروح مني ..
وضحه : ماشاالله مضاوي لحمد وفهد لولوه وانت لنوفا ..ما بقى الا لليلى ...ياربي يرزقها ويسهلها عليهم ..واتطمن عليهم يارب
ناصر : امين يارب ويقر عينك باخوك ..
وضحه : ياربي يالله ويسمعك منك يا نويصر ..
ناصر : خلاص تبين شي يالغاليه قبل لا انام ..
وضحه : اجل انت ما نمت ..؟
ناصر : اقولك من البارحه الموضوع يشغل بالي وخفت تطير عني قلت اقولك قبل لا تطير الطيور من اعشااشها ..
وضحه : الله يهينك ياولدي ويهنيها فيك ..
ويروح ناصر للغرفته وتكمل الجلسه ام ناصر مع العجايز

وتروح ثريه لغرفة البنات وتضرب البااااب بشكل قوي الا الكل صاحي من الازعاج والكل بصوت واحد : ثرييييييااااااا
ومضاوي منصدمه منهي هالثريا ...؟


(( وش تتوقعون بالاجـــــزاء القــادمه ؟؟؟ )))

* توقعاتكم للجزء الخامس عشر ..
ومخلصاتكم لهذا الجزء .. عارفه انه صغير لكن البارت الجاي يوم الاثنين باذن الله وطووووويل ..

وعد مني ..





قصتنـــــــــا في اولــــــــهـــا ..
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا
نتواااصل
انـــــــــجال ..

واو واخيرا نزل البارت من يوم الاثنين وانا كل شوي ناطة اشوف اذا نزل البارت او لا تسلم ايدك البارت يجنن وفيه احداث حلوة


فهد ولولوة

ضحكني فهد بالي سواه مع نوفا وزين انو ناصر فهمه الفوارق للمستقبل ........ اتوقع انو يتم زواجهم بعد رجوعهم من المزرعة بس ماادري كيف مضاوي بتجبرها توافق على الزواج وهي تكره فهد وبتصير بينهم مشاكل ببداية زواجهم بس فهد قدها وقدود وبيروضها



ناصر ونوفا

ياقلبي نويصر يجنن والله الله يهني نوفا فيه ولو يملك عليها مع خواتها ويترك الزواج الين تخلص دراسة احسن اتمنى العمام يخلونها ملكة علشان ناصر يقرب من نوفا اكثر وبدون قيود وعلشان تحس بمشاعره فبل مايتزوجون احسن



حمد ومضاوي

على قد ماتمنيت انو حمد ياخذ مضاوي على قد ماانقهرت انو متزوج وعنده بنت ومضاوي مابتعيش فرحتها كاملة بسبب وجود البنت والمسؤلية حراااااااااااااام خلاص ان شاء الله ماتاخده ليت بس انو زوجته ميتة وهو مايبي يتزوج علشانها علشان يصير ملك مضاوي بدون توابع اما انو يحبها بس لانها بتربي بنته ومعاملتها حلوة لها ظلم بحق مضاوي ان شاء الله تموت البنت قبل مااحد يعرف بوجودها من الحين ماابي مضاوي تعيش وتضحي بعمرها علشان راحة غيرها كافي والله حتى بزواجها بتتعذب مع هالحمد

وبعدين ايش قصة نجوى هذي والله الموضوع فيه ان كيف يعني تفتكره اخوها ليه هي مريضة والله فاقدة الذاكرة والمفروض يفهموها الحقيقة هذا فيها حلال وحرام ..... ولو السالفة كذا كان حمد ماحمل همها متشوقة اعرف سالفتها



ليلى وثامر

فقدنا ليلى في هالبارت باقي هي لما تطلع تتزوج ثامر حتى لو مو برضاها مثل لولوة وبعدين ثامر بيعرف بطريقته يجيب راسها ويخليها تموت فيه وخصوصا بعد ماتشوف خواتها كلهم مرتبطات الا هي


والله بنات عبد اللطيف مو هينات كل من شافهم فتحت نفسه للزواج خخخخخخخخخخ ماكأن الشباب شايفين بنات قبل


في انتظارك ياعسل بكل شوق بس ماخبرتيني اسامي رواياتك يالغلا ابي اقراهم