المنتدى :
الشعر والشعراء
( كيف أبقطف من غصون الليل نور ) !
برد التعب لاضم جمر التباريح
............. يعتق رماد الأمس من برد ذكره
لاتلتفت للي حضن خنجر الريح
............. يكفيه من طول المسافات عثره !
خافقي مازلت بالذكرى تزور
........................................المكان وطفلته وآخر عمرْ
خافقي مازلت مُورق بالشعور
............................... لو سنين الصبر تحتاج لْـ صبرْ
خافقي والعمر في عمر الزهور
.................................... كان يسئل كم ذبل فيني زهرْ
خافقي لو كنت في بوحك جسور
.................................. ماثملت /أوراق هالغربه دهرْ
تحطب بفاس الوجع دمعٍ طهور
.................................... وتشعل بْجوفي تناهيد وجمرْ
لو لمحت بنظرة الغايب حضور
.................................. ماجرحت أحداق جفنيني سهرْ
كيف أمرّر ضيقتي قبل السطور
................................ تترك لْـــ كلماتها فيني آثـرْ
وكيف أحرّر خطوتي بعد العبور
............................... للزمان اللي عطى حلمي / ظهرْ
( وكيف أبقطف من غصون الليل نور
............................... دام مالي / في شجر صبحي ثمرْ )
الحنين / اللي ملى قلب الصبور
............................... ما لقى من لحظة وْداعك عذرْ !
شلت الأماني في يدي لين طاحت
وش حيلتي لاصرت بالحزن محفوفْ !!
كل الدروب بْـعطر الأوجآع فاحت
وملامحي من هَـ التعبْ كلها خــــوفْ !!
للشاعر.. مانع الحربي
|
21-12-10, 06:37 AM
المشاركة رقم: 1
جديد مواضيع قسم الشعر والشعراء
العرض العادي
