السلام عليكم ورحمة الله وبركاته

صباح الخير والرضا من الرحمن

هلا و مرحبا مليون فيج بين كوكبة كتاتبات ليلاس

أهنيج على اختيارج لليلاس إن شاء الله انج أبد ما تندمين

و إن شاء الله إنج تلاقين كل الراحة وكل التفاعل

=====================

قلت بقرأ كم بارت وبرد بس ما قدرت إلا أني كملت كل البارتات اللي نزلتيهم

عندج اسلوب رهيب وسلس ويشد الواحد غصب بالسرد معنا أسلوب جدا جدا

صعب لان يكون كل تركيز الكاتب على مشاعر وردات فعل شخصية وحيدة

وممكن هذا يصيب القارئ بالرتابة والملل بس والله العظيم أني قريت وأبد ما

حسيت بهالشيء لان مثل ما قلت عندج أسلوب رهيب ..

الله يوفقج إن شاء الله وتكملين الرواية على خير <<نصيحة من أخت لج أهم شيء

عند قراء ليلاس الالتزام في تنزيل البارتات << التزمي تلقين التفاعل المطلوب

=====================
نجي أللحين لتعليق << استحمليني تراني هذارة بقوه >-<

(( مـــهــا ))

بأول الرواية كنت أقرأ وأقول ما شاء الله عليها شخصية قوية و فارضة نفسها ووجودها

بقوة و عندها قدرة كبيرة أنها تسيطر على زمام الأمور .. بس اللي استنكرته عليها

هي أن لها علاقة مع راشد يعني أبد ما في شيء يحدها على أنها تكلم وخصوصا أنها قالت

أن سعيد كان حب المراهقة وأنه محيرها من زمان يعني ما كان لها أي حاجة بهالمكالمات

هل السبب أن بس تغير روتين ؟؟ أو شيء ثاني ؟؟ وحتى لو راشد كان يزعجها كان بأمكانها

تعطي التلفون واحد من خوانها وخصوصا حميد بما أن حنون وقريب منها << بس اتوقع

هي كانت راضية عن هالشيء برغم من التزامها ومعرفتها بأمور دينها ........

أما بعد ما طلبها غانم للزواج اختافت هالشخصية القوية اللي كانت موجودة وحلت بدالها وحدة

ثانية استسلمت بكل سهولة وما حاولت تدور أي مخرج للمشكلة وكنها كانت راضية عن هالشيء

وودها فيه بس تعاند نفسها بالرفض وانه غانم فرض عليها شيء هي ما تبيه بتهديده لها بعلاقتها

مع راشد ...

(( غانم -- مها ))

أما عن علاقتها مع غانم بعد الزواج اتوقع ردة فعل مها جدا طبيعية ورفضها لقرب غانم منها جدا

طبيعي بما فرض نفسه ومن أول يوم وما عطاها أبد فرصة تتعود عليه ولا تعرف هو بشنو يفكر

وبنفس الوقت مها ما خلت مجال لغانم أنه يعترف انه يحبها لان هالشيء واضح جدا على تصرفاته

التي كلها تكون ردات فعل على رفض مها له ...

أما غانم دخل من باب غلط ورط نفسه بكره وعذاب هو بغنى عنه يعني استصعب على نفسه أنه

يطلبها للزواج من غير تهديد << بس أتوقع هو اتبع هالطريق لان عارف عناد مها وكرهها له

حتى بعد الزواج أبد ما حاول يصلح العلاقة بينهم ولا يجمل صورته بعيونها للأسف عاقد يزيد الطين

بله بتصرفاته .. أما بالنسبة للصداع أتوقع أنه يعاني من مرض أما (شقيقة -الصداع النصفي )

( أو ورم ) و أبوه يعرف بهالشيء ...

طبعا لحد ما وصلت أنا وأخر شيء نزلتيه الأوضاع في تحسن بينهم واتوقع بدت شرارة الحب عند مها

والدليل الغيرة من الخدامة لما شافت غانم ...

تدرين وين الغلط هو أنه غانم أبد ما عرف ولا استوعب أنه مها ما تجي بالشدة ولا بالاجبار لانها مهرة

صعب ترويضها < لان لما يستعمل اللين هي تطخ شوي ...

أنا للحين ما استوعبت دور راشد وليه غانم دخله بينهم <هل السبب الوحيد هو أنه يستخدمه ورقة رابحة

ضد مها عشان توافق عليه ؟ وإذا كان هذا السبب يعني أنه غانم يحب مها وخاطره فيها من زمان ..

====================

الباقي الله يستر عليهمم بيجي وقتهم ...

طلبين ضغنونين << 1- ياليت ترقمين البارتات .2- أبي توضحين لنا عمر مها و غانم والكل

وبعد متى موعد نزول البارتات

موفقه عزيزتي << ادري صدعت رأسج بهذرتي

من جد رواية رووووووووووووووووعه واسلوب خيالي تسلم الايادي والله
مها00000اتوقع بتكون في حياتها كثير من المأسي0
وغانم الله يعينه واضح انه غرقان لي شوشته بس معقوله مالاحظته0
بنتظااااااااااااااااار البارت القادم بكل شووووووووووووووووووووووووق0

البآرت الثالث عشـــــر ..

^ ^

قرآءه ممتعه ..

وين المحبه و انت من ولعتني ..
ذبحت قلبي يرحم الله والدييك ..

ليتـك قـبل قـفــايتـك نعتـنـي ..
يمكن ترد القلب شيمه و احتميك ..

ان اشهد انك بالجفا رؤعتني ..
ويلك من الله من كثر ما ادعي عليك ..

عجزت و انا اصيح ما سمعتني ..
تـصـدعـت جـدران رؤح تـحتـريـك ..

تدري متى بقؤلك فجعتني ..
لصرت تحرمني من الؤصل و انت بايدك ..

ودعتني تكذب و لا ودعتني ..
و انا ادري ان اخباري في بعدي اتجيك .

حتى لؤ انك بالغياب اؤجعتني ..
عي الظما يرؤى سوى من راحتييك ..

لؤ كنت تهتم بوفاي و تعتني ..
ما كان موت الحب من جرحك وشيك ..

اكذب عليك ان قلت ما ضيعتني ..
و امزح معاك ان قلتلك ما اموت فيك ..

انا شريت ارضاك لكن بعتني ..
خلتني ما ابيك و انا اللي ابيك..

قد قلتلك خل الجفا ما طلعتني ..
حسبي على لؤعاتي و حسبي عليك ..


يلسنآ في آلعين حول آلـ 3 آيآم .. وفي آليوم آلثآلث رجعنآ بآلليل ..
طبعآ و لآزم و آكيد مآيحتآي آقولكم آن آلتفآهم و آلرضآ من بين يو بين غآنم كآن مفقود ..
كآن في آغلب آلآوقآت يجبرني على آشيآء آنآ مآآرضآبهآ ..
كنت آعآند .. بس في آلنهآيه آرضخ له غصب عني مب بشوري ..

رجعنآ بوظبي ..
وسلمت على عميه و عمتي .. و يلست ويآهم لشي من آلوقت ..
وبعدهآ روحت يدآ آلقسم مآليه ..
فريت عبآتيه وشيلتيه و حدرت آلحمآم آتسبح ..
ودقآيق و آنآ طآلعه ..
لبست ليه بيجآمآ آنسدحت على آلكرفآيه و خذت آلرموت و شغلت آلتيلفزيون و يلست آطآلع في آلقنوآت ..
وشكــــلي رقدت و آنآ مب حآسه بعمريه ..

وبعد شي من آلوقت ..
سمعت آلبآب يتسكـــر ... فنشيت فزعآنه من آلرقآد ...
آنتبهت لوضعي و قمت بكســـل وسكـرت آلييلفزيون و حطيت آلرموت حذآله و فريت عمريه على آلكرفآيه ..
و مآ مدآلي آفر عمريه على آلكرفآيه آلآ و غآنم طآلع من آلحمآم ..

طآلعته ..
وورجعت آغمض عيونيه ..

غآنم : آلمهآ ..!!
طآلعته و بعدهآ غمضت عيوني : هآه ..
غآنم : يآيب عشآ في آلصآله .. قومي تعشـــي ..
حركت آيدي بغير مبآلآه : مآبآ عشـــى ..
غآنم : كيفج ..

تميت منسدحه و آنآ مغمضه عيونيه ..
و رحت لعآلم آلظلآم .. ^ ^

مآنشيت غير آلفيــــر .. صليت .. و رجعت آرقد ..
ونشيت آلسآعه 10 ..
وتغسلت و بدلت و كشــخت حبتين و نزلت تحت ..
لقيت آلعآش و آحمد يآلسين ف يآلصآله ..

: آلسلآم عليكم و رحمة آلله ..
آلعآش و آحمد : وعليكم آلسلآم و رحمة آلله ..
: شحآلكم ..
آلعآش : تمآميييشن .. آنتي شحآلج ...
: آلحمدلله ... آممم عمتي وين ؟؟
آلعآش : رآحت و يآ آبويه آلعزبه ... تقول متولهه على حلآلهآ ..
: ههههه ...
آحمد : آمممم مهآ غآنم وين ؟؟
طآلعته بآستغرآب : رآقد ..
آحمد : مآجفت موتره في آلبآركن .. وآتصلت عليه مآرد عليه ..
: آوعيه لك ؟؟
آحمد : لآ لآ برآيه ..

يلست ويآهم و آنآ مستغربه شوي من غآنم ..
>< كيف موتره مب موجود وهو موجود .. >< .. يمكن خربآن ويآي ويآ حد من ربعه ؟؟؟

يلست ويآهم لشي من آلوقت .. بعدهآ يت عمتـــي و يلست ويآهآ .. و شآركنآ عمي آليلسه ..
وصدمنــي سؤآل عمي ..

عمي : مهآ شوه هبآته غآنم ؟؟
: بعآفيه عمـــي ..
عمي : قومي وصليني له ..
وآنآ في قمـــــة آستغرآبي : آن شآء آلله ..

طلعنآ من آلصآله متوجهين للقسم فوق ..
يلس عمي في آلصآله مآلت آلقسم .. و آنآ حدرت آوعي غآنم و آنآ متفشله منه ..

: غآنم قوووم آبوك يبآك ..
غآنم و هو يرفع آيده عن رآسه : شو يبآ ؟؟
: مدري .. يآلس في آلصآله يتريآك ..
غآنم : مآعليه روحي آنتي عنده لين مآآغسل ويهيه ..

رحت عند عمي .. و يلست ويآه و آنآ آسولف بسوآلف خفيفه ..

عمي : شخبآره غآنم ويآج .. ربج آلآ مآمقصر بحآيه ..
نزلت عيوني و آنآ آتذكـر موآقف آلعين .. دوآك يآ غآنم آفضحك آلحين عند آبوك ..
: لآ لآ عمي .. مب مقصر آلحمدلله ..
عمي : زين زين .. آلله يصلحكم آن شآء آلله ..

طلع غآنم من آلغرفه و هو لآبس وزآر وفآنيله ..
سلم على آبوه .. و يلس حذآله ..

عمي : شوه هبآتك ؟؟
غآنم ولآحظت آلتعب في ويهه : بعآفيه آبويه .. رب مآشر ..
عمي : وصلتني شي من آلعلوم عنك ..
زآد آلآرتبآك في ويه غآنم .. و وجه آنظآره ليه : مهآ خلينآ روآحنآ ..
وآنآ آوقف : آن شآء آلله ..


لآ لآ لآ آلسآلفه فيهآ شي ..
غآنم مب طبيعي ..
و عمـــــي مآبيسآل عنه منآ و آلدرب ..
آنآ عرفت عمي في هآلفتـــره ..
آنه مآيهتم بآلآشيآء آلبسيطه ..
وآغلب آهتمآمآته تكون في آلآشيآء آللي تسستآهل آلآهتمآم ..
معقوله يكووون غآنم فيه شي ...؟؟؟

! !
!!
!

سؤآل رآودني وشتت آلفكـــر فيني ..
><
غآنم فيه شي ...
غآنم فيه شي ...
غآنم فيه شي ...

نزلت تحت .. و طلعت يدآ آلمطبخ .. و قلت للبشكآره تسويلي دخون ..
و يلست آتريآهآ لين مآيحمآ آلفحـــم ..
وحطته ليه في آلمدخـــن و توجهت للقســم ..
دخلت بعد مآتآكدت آن عمي طلع ..
وعلى دخلتيه ..
جفت غآنم يآلس على آلكنبه وهو منزل رآسه على يدينه ..
ويلسته جنهآ وآحد مهموم ...

><
غآنم فيه شي ...
غآنم فيه شي ...
غآنم فيه شي ...

لآن هذآ مب غآنم آللي آعرفه ..

بس في ثوآني ..
آنزآآآآآآآآآح كل هذآ آلآهتمآم .. و تذكــــرت كل آللي سوآه فيه ...
لـــــيش .. ليـــــــــش آهتم فيه و آشغل بآليه ويآه .. و هو مآيستآهل آنيه آشغل بآليه عليه ..

آنشغلت بآلدخون و آنيه حطي آلعود فيه و طنشته ..
حطيت آلدخون فوق آلتوآليت .. و يلست آرتب آللحآف و آلتوآليت و آلم آلملآبس آلوصخآت و غيره ..

وعلى هآلشغل دخل غآنم آلغرفه و آلضيج و آلتعب مبين في ويهه ..
رآح يدآ آلكبت و طلع له كندوره كويتيه ... و شل آلكآب مآله آلتيلفونآت و طلع من غير لآ يرمسنيه ..

لآ لآ لآ و قسسسسسسسسسسسم آن غآنم مب صآحي ..
آلسآلفه فيهآ شي ..
وفيهآ شي مب هين موليه ..
غآنم يكون جي ... ؟.؟
بهآلحآل ؟؟

آنشغل بآلي فيه لدقآيق معدوده ..
و بعدهآ من آنشغلت بآلترتيب نسيت آلسآلفه كآمله ...
طلعت للغدآ و ممآكآن غآنم موجود ..
وزآد آستغرآبي بآلحوآر آللي صآر بين آحمد و عمي ..

آحمد : يقول مآيبآ غدى ..
عمي و هو منزل عيونه وشبه مطنش : برآيه .. خلوووه على رآحته ..
آحمد : آبويه ..
عمي يقآطعه : قلت لك خله برآيه ..

سكـــت عمي .. وآنحط آلغدآ و تغدينآ وآنسحبت يدآ آلقسم مآليه ..
يلست هنآك مجآبله آلتيلفزيون و منسدحه على آلكرفآيه ..
و آلعقل شآآآرد عند غآنم ..

>< ...!!

نو كومنت .. !!


روحت للغرفه .. و فريت عمريه على آلكنبه .. و آنآ متشتته فكريآ و عقليآ ..
غآنم ..
>< ..
غآنم ..
>< ..

غآنم فيه شي .. !!
بس شوه هآلشي ..

عمــي مب آول مره يهتم به جذآ ...
آول مآعرسنآ صآدفني هآلموقف ..
و آليوم نفس آلموقف يتكرر ..

في شي .. وشي مب هين ..

آمممم .. لميت عمريه على بعضيه و آنآ آحآول آستوعب آللي يصير ..
غآنم دوم يشتكـــي من رآسه .. وخص هآلفتـــــــره ...
وآكبــــــــــــــر دليل آلآدويه آللي طلعهن آلشرطي في آلمطآر وقت آلتفتيش ..

تذكــــرت ذيج آلمـــره .. يوم آنه طلب منيه آدآوي عوقه بآي من آلآدويه ..
ومآكآن في يدي غير آنيه آيلس آهمزه .. " آهمز رآسه "

تشتت آفكآري .. و مآقدرت آنيه آرتبهآ ..
لجيه آتجهت للرقآد ..
ورقدت لين آلعصر ..
و آلعصر روحت يدآ آلحمآم و تيددت و صليت ... و آن سدحت على آلكرفآيه وآنآ ميته رقآد ..
آبآ آرقد ... آبآ آرقد لآنيه مآشبعت رقآد ..
مدري آذآ غفت عيني ولآ لآ ..
بس مآحسيت غيــــر بصوت مزعج حذآلي ..
فجيت عيوني بـ تعب وطآحت عليه ..

كآن وآقف وهو عآطنيه ظهره ..
ويدور في آلكبت من بين آلملآبس ..

طآلعته و آنآ آحآول آبعد آلرقآد عنيه ..
ولكـــن سكوتي مآطآل آبد من بعد مآجفته خذآ آلبندول و فج منهن آكثر من حبه ..
صرخت عليه وآنآ آقوم ..

: غآنم ..
لف عليه و طآلعني : شفيج ؟؟

تجدمت منه و مسكت يده بيدي .. و فتحتهآ و سحبت آلحبوب منهآ ..

طآلعته بعتب : 4 حبآت .. !!
طآلعني بنظـــره مبين آلتعب فيهآ : رآسي بينفجــــر .. بينفجـــــر يآ مهآ ..
فجيت يده .. و توجهت يدآ علبة آلكلينكس و سحبت ليه وحده و حطيت آلحبوب فيهآ .. و فريتهن في آلزبآله ولفيت عليه : تعآل ...
تجدم منيه .. ونزلت عيونيه على ريوليه .. وفهم مقصدي .. يآ عنديه .. و فر رآسه على رآسيه ..
مدري شوه آللي صآر فيه ..
مدري شوه هآلرجفه آللي آنتآبت كل خلآيآ جسمي من آسبآب قربه منيه ..
بديت آهمز رآسه ...
وحسيت آن آنفآسه موليه مآكآنت منتظمه ..
وتبين آن هآلشخــص مب صآحي موليه ..

تشتت بي آلآفكآر بلحظـــة حقد ..
وخلتني آقســى بتفكيريه عليه ..

شوه آللي يجبرني آسويبه جي ..
شوه آللي يجبرني آرحم حآله ..
شوه آللي يجبرني آحآتييه ..
شوه آللي جبرني بكل هذآ ..

وهو عمــــــــــره مآسوآبيه جي ..
وهو عمــــــــــــره مآرحم حآليه ...
وهو عمـــــــــــره مآحآتآني ..
وهو عمــــــــره مآسوآلي شي زين و نفعنـــــي ..

لآ لآ لآ يآمهآ ..
لآ تفكرين جي ..
لآ تكونين حقووده ..
وقت مآكنتي محتآيه رعآيته مآخلآج ..
وقت مآمرضتي في آلمآنيآ مآنسآج موليه ..

بس ..
بس ..
بس هيه مـــــــره ...
مره وحده .. وكآن مجبور آن يسوي جي ..
لآنيه في غررربه .. و مآعنديه حد يرعآني ..

بس .. لحظـــة يآمهآ ..!!
كآن بآمكآنه آن مآيحفلج ( مآيهمج )...
بس ...

مدري مدري ..
تفكــــــير متشتت في هآلنقطــه ..
مآبين آنيه آرحم حآله و همز له رآسه وآنآ آعرف آن هآلشي يريحــــه و يخفف عليه آلآلم ..
ولـآآآآ .. آكتفــــي .. و آخليه يتعذب ومآليه خص فيه ..

غمضت عيونيه بآلم .. مآبآ آكون حقوده ..
مآبآ آكون حقوده موليه ..
وبهآلتفكـــــير .. يآلسه آنمــّي آلحقد في قلبيه ..

آلحين هو محتآي لي ..
محتآي لمسآعدتيه ..

بس ...
مدري .. مدررررررري ..
آلشعور متظآرب فيني مآبين آهمــزه يعله يخف عوقه .. آو .. آتركه ويعلـــه مآخف هآلويع ..

مآحسيت غير بدمعته وهيه متسلله على خدي ..
متسلله من غير لآ تتخذ آلطريج آلصــــح ..
مآحســــت غير بييد غآنم و هيه تمسح على خده ..
ورفع عيونه ليه ..

همس لي : شفيج ..!!
شهقت من آثر آلصيآح : مآشي ..

رجع و غمض عيونه ..
وتمت يدينيه تهمــــز رآسه ..

غفت عيونه .. و حسيييت آن غفوته تعمقت شوي ..
آهمزه لين مآحسيت آنه تمكن في آلرقآد ..

رفعت رآسه عن ريوليه و حطيته على آلمخده .. و قمت آركض خآري آلغرفه ..
دخلت آلغرفه آلثآنيه و قفلت آلبآب و يلســـت آصيح ..

لــــيش يسويبي جي ..
لــــــــــيش آنآ آسوي في عمريه جي ..

ليـــــش آدآريه وهو مآيستآهل آلمدآرآه ..
لــــــــــيش ؟؟
شوه آللي يحدني على هآلشي ..

آذآ آنآ مآبآه ...
ومآبآ وجوده في هآلدنيآ ..
وكرهآنتنه .. و كآرهه قربه منيه بكل آلآسآليب ..

ليـــش .. ليــــش آدآريه ..
آنهررت على آلكنبه و آنآ آصييح ..

حسيييت بآلضعف آللي آنتآب كل جسمي ..
آنتآب آدنـــــى و وآعلى خلآيآ جسمي ...

صحــــت .. و آنآ مآبآ آصيح ..
مآبآ آصيح و آكون ضعيفه مآآقهر شي ..
مآبآ آكون في هآلحآل ..

آبآ آرجع مهآ آللي عرفتوهآ في آول آلبآرتآت .. قويه .. مآتهآب آي حد .. وآللي في رآسهآ بتسويه ولو كآن على موتهآ ..
مهآ آللي صدت سعيد بخطبته ..
مهآ آللي مآحفلت رآشد بفرآقه ..
مهآ آللي مآهمت غآنم بكلآمه ..

مهآ .. مهآ .. مهآ .. مهآ آللي تكــــــــره غآنم ..
مهآ آللي عمرهآ مآتعآطفت ويآ غآنم ..
مهآ آللي عمرهآ مآحفلت لآ غآنم و لآ غير غآنم ..

مهآ .. مهآ .. مهآ .. مهآ آللي عمرهآ مآتآثرت بكلمه آو موقف من غآنم ..
بآلعكـــــــــــــــس .. كآن كل كلآمه لهآ يدخل من آلآذن آليمين لليسآر ..
يعنـــي يمــر بمرور آلكرآآآم ..
يعنــــــي مآيحررك فيني شعــــره وحده ..

دفنت ويهي في آلكنبه و آنآ آمنع صوت صيآحي يتسلل للآمآكن آلثآنيه ..
دفنت ويهـــــي وآنآ آحآول آدفن آلضعف آللي فيه وآللي آحس به ..
دفنت ويهي عسآآآني آرجّع آلقوه آللي فقدتهآ في حيآتي خلآل هآلشهور آللي عشتهن ويآ غآنم ..

غآنم ...
غآنم ..
غآنم هو سبب ضعفـــــــي ..
هو سبب فقدي لقوتي ..
هو آلسبب ..
هو آلسبب ..

لآزم آرجع مثل لوّل ..
لآزم آرجع مثل مآكنت ..

عزّمت على هآلموآل .
و آنيه لآزم و لآ بد من آنيه آرجع مثل لوّل ..
قمت يدآ آلحمآم .. و غسلت ويهي بآلمآي آلبآرد .. يعلهآ نفسيتي تهدى و تروووف بيه ..
طلعت و آنآ آنشف ويهي من آلمآي ..
فريت آلفوطه حذآلي وآنآ آيلس على آلكنبه ..
لميت عمريه على بعضيـــه و ترآخيت على طرف آلكنبه و غمضت عيوني ..
مآبحدر آلغرفه ..
مآبحدر آلغرفه ..
مآبآ آجوفه ...
سمعت صوت تيلفون آلصآله يصيح ...
و آنآ آليوم بس آنتبهت آن للصآله تيلفون ..
آنسحبت يدآه و رديت عليه ..

: آلوه ..
عمتي : هلآ آمآيه .. شحآلج ...
: بعآفيه عمتي .. آنتي شخبآرج ..
عمتي : بخير فديتج .. وينج آليوم مآريتج نزلتي .. عسآ مب مريضه ؟؟
تنهدت : لآ لآ عمتيه مب مريضه لغير متكآسله مب رآيمه آنزل .. بغيتي شي ..
عمتي : سلآمتج آمآيه .. آطرش لكم آلعشآ فوق ؟؟
: آممم غآنم رآقد .. و آنآ مآبآ .. تسلمين ..
عمتي : يسلمج و يعآفيج ...

سكرت عن عمتي .. و رجعت آنسدح على آلكنبه ..
غفت عيني لـ آلسآعه 12 بآلليل ..
ولو مآنيه حسيت بحركه في آلقسم جآن مآنشيت ..
فتحت عيونيه .. و جفت غآنم وآقف حذآلي .
آلظآهر كآن نآوي يوعيني ..

غآنم : زين نشيتي .. قومي حدري رقدي دآخل ..
غمضت عيوني : مآعليه ..

حسيت به يلس على آلكنبه آلثآنيه .. تقريبآ من صوب آلجزء آللي حآطه في رآسي ..
آمآ آنآ تمددت وبعدهآ قمت للغرفه ..
تسبحــــت و لبست ليه جلآبيه نوم خفيفه .. و عدلت شعريه وطلعت للصآله ..
جفته على يلسته .. و يطآلع آلتيلفزيون .. و يبين عليه آنه سرحآن لمكآآآآآآآآآآآآآآآآآآن بعييد ..
تجدمت من آلكنبه .. و يلست عليهآ ..

طآلعته : بعده رآسك يعورك ..

جفته مآطآلعني موليه ..
ولآ حتـــــى رد علي ..

طآلعته مره ثآنيه .. : غآنم .. غآآآآنم ..
لف عليه : هلآ عونج ..
طآحت عيونيه على عيونه : آنت فيك شي ؟؟
تنهد : لآ .. آمممم مآرقدتي ؟؟؟
: آممم مآ يآني آلرقآد ..
نزل عيونه لمكآن آلله يعلم به : آممم بتكلم ويآج ..
: آسمعك ..
غآنم : لوّل آنتي طآلعيني .. خلآف قولي آسمعك ..

آكتفيت آنيه آرفع عيونيه له ..

غآنم : آبآ آعـــــرس ...

صدمـــــــــــــــــــه .. و خلتني آتبلد في مكآني ..
يبآ يعررس ..
يبآ يعرررس عليه آنآ ...؟؟

صدمــــــــــــــــه و يآكبرهآ من صدمه ..
بس .. مب غريب عليك يآ غآنم ..
آذآ حيآتي ويآك آنآ كلهآ صدمه ف صدمه ..
فشووه آلمآنع من آنك تفآجئني بهآلصدمه ..

طآلعته و آنآ آمنع تآثري بهآلشي : مآيهمني هآلشي ... بس لآتنســى قبل عررسك تيبليه ورقة آلطلآق في بيت آبويه ..
غآنم و هو مغمض عيونه و مترآخي على آلكنبه : آنآ مآخذتج عشآن آطلقج ..
آتبعت آسلوب آلتطنيز ويآه : لآ عيل مآخذنيه عشآن تآخذ آلثآنيه عليه ..
غآنم : قلت لج هآتيليه يآهل يشل آسميه مآطعتــــي .. ولآ حتــى فكرتي في كلآميه ..
لفيت عنه لليآنب آلثآني : كل يوم تصدمنــــي فيك بشي يآ غآنم .. كل يوم كل يوم ..
غآنم : مستعد آنيه مآآعرس .. بس عطيني حقوق كلهآ .. و هآتي لي آليآهل ..
طآلعته وصوتي منبح : يعني بتقنعني آنك بتعــــرس بس عشآن آليآهل ..
غآنم : عشآن آليآهل .. و عشآن آلحلآل ..
نزلت دمعتيه : غآنم و آلله حرآم عليك آللي تسوآه فيه .. و آلله حرآآآم ..
غآنم وهو ينزل رآسه على يدينه : مآآقدر يآمهآ .. مآآقدر .. آبآ آعررررس .. تعرفين وه يعني آبآآآ ..

مآكآن عندي آي رد آرد على غآنم به ..
فدآم آلسكوت من بينآ لفتره من آلوقت ..
بعدهآ رفعت عيونيه له و جفته ..

: مآآقدر آعيش على عديله ( آلزوجه آلثآنيه ) آنجبرت آتحملك .. مآآقدر آجبر عمريه زود آنيه آتحمل حرمه ثآنيه .. فآذآ كنت مصمم على آلعرس .. برآيك ... مرخووص و آلله يوفجك .. بس ودنيه بيت هليه وطلقـــني ..
غآنم ولآزآل على حآله : طلآق مب مطلق .. آسف .. و آذآ عندج حل غيره هآتيه ..
: مآعنديه غيره .. ( و شهقت من آثر آلصيآح ) ومن آلحين آقولك .. آذآ عرررست لآتحسب حسآبيه آنيه يآلسه عندك ف يآلبيت ..
غآنم وهو شبه معصب : مهآ ترى هذآ عنآدج محذرنج عنه .. ومثل مآقلت لج .. عرررس بعرررس .. وبنت عميه بتخذهآ بآخذهآ .. رقيتي يبل .. و لآ زلتي بحــر .. وآنتي تآمه على ذمتيه ولو عسآهآ نص ريلج في هآلدنيآ و آلنص في آلقبر ... و دوري آللي بيطلقج منيه ..

ونش وآقف يبآ يكمل يروح لمدري وين ..
لكــــن آستوقف من صوتي ..

: و بنت عمك مآحلت لك آلآ يوم خذتنيه ..؟؟

لف على ورآه وطآلعنيه : على آلآقل بنت عميه وآثق منهآ آنهآ مآرمست حد من ورى آهلهآ ..

وقفى عنيه يبآ يروح وهو يبتســــــــــــم ..


حقيـــــــــــــــــــــــر ..
حيوآآآآآآآآآآآآآآآآآآآآآآآآآآآآآن ..

و قسسم آن هآلكلمتين آقل من قدره ..
آلحين آنت يآ غآنم تعآيرني ..
آنت يآ غآنم تعآيرني بمآضي مآكآن لي فيه ذنب ..
آنت يآ غآنم ..
هذآ جزى آلآحسآن ..
!!

كتمت غصتيه بآلكلمتين آللي قآلهن .. وطآلعته ..

: وجآنك آنت ريآل يآ غآنم و آلمريله من بعدك .. طلقنــــي .. طلقنــــي آلحين ..
طآلعني بصدمه : مهآ ..
كررت عليه جملتيه و آنآ دموعيه بغير آحسآس آلقآهآ مبلله كل ويهي : آذآ آنت ريآل ومآترضآهآ على عمرك طلقنـــي ...
غآنم وهو في قمة عصبيته : آنتـــي طآلق ..
مآوآحآلي آسمع هآلكلمـــــــه ... آلآ و آنعدم آلسمع عنديه ..
مآقدرت آسمع آي شي .. غير هآلكلمتين ..

آنتـــي طآلق ..
آنتـــي طآلق ..
آنتـــي طآلق ..
آنتـــي طآلق ..
آنتـــي طآلق ..

ركضت للغرفه و آنآ آصيح .. و حآطه يدي على آثميه آمنع صوت صيآحيه يطلع .. رغم آنه طلع .. و آنتثــــــر في آلمكآن بكل حنآيآه و زوآيآه ..

سكرت آلبآب عليه ..
وخذت آلتيلفون و آتصلت بـ حميد ..

حميد : هلآ وآلله بآلمهآ ..
صرخت عليه : حميييد آنت وين ؟؟؟
حميد : موجود ؟؟ شوه صآير ؟؟
: تعآآآآآآآآآآل شلني آلحين من هنآ .. تعآآآآآآل شلني آلحين من عند هآلحقيييير ..مبيلس عنده زوود مآيلست .. تعآآآآل ..
حميد : مهآ ..
آنهرت زود بآلصيآح : حميد تعآآآآل آلحين .. لآ آطلع بروحيه بتكســـي ..

سكرت عنه ... و رحت يدآ عبآتي و لبستهآ .. وخذت آلفآين ومسحت به دموعيه وآنآ آحآول مآآصيح ..
ودقآيق آلآ به آلتيلفون يصيح ..
جفت فيه رقم حميد ..

: هلآ حميد ..
حميد : آتنظرج تحت ..
: آوك دقآيق ..

فجيت ليه آلبآب .. و خطفت من آلصآله ..
جفت يآلس على آلكنبه لشخص وآحد .. و منزل رآسه على يدينه ..
سآرعت بخطوآتي كآنيه آركض ..و توني بآطلع آلآ به يزقرني ..

: مهآآآآآآآ ..
صرخت عليه عشآن آبرد حرة آليوف : يعلهآآآآآآآآ آلموت مهآ ..

نزلت للصآله بسرررعه و آنآ آصيح ..
وآحمد آلله آن مآكآن حد موجود تحت ..
وطلعت لموتر حميد ..
وركبت حذآله ...

طآلعته بخنقه : حميد طلعني من هنآ .. طلعنـــــي وربي بموووت ..
حميد : مهآ شوه آلي صآآير .. ؟؟
: مآصآير شي .. بس ودني آلبيت .. مآبآ آييلس هنآ .. مآبيلس هنآ زوود مآيلست ..
حميد : متوآآآآآآجعه آنتي و غآنم ؟
صرخت عليه : حمييييييييييد آذآ مآتبآ تشلنيه لآ تيلس تذلنــــــــي ..
حميد : لآ آله آلآ آلله محمد رسول آلله ..


حرك موتره و آلسكوووت هو آلوحيد آللي سآيد من بينآ رغم صوت آلصآيح و آلشهقآت آلمتآبعه ..
وصلنآ للبيت .. و نزلت دآيركت من بعد مآبركن آلموتر ..
و ركضت لغرفتيه ..
و آلحل من بعضه ..
آلبيت هدوووء و آلكل رآقد ..

دخلت غرفتيه و سكرت آلبآب ويلست آصيح ..
هذآ مصيري ويآك يآ غآنم ..
آمس خذتنيه بغصب عنيه ..
و آليووووم طلقتنيه ..
وبآجر سيرتيه في لسآن آلخلق كلهم ..

فريت عريه على آلكرفآيه و يلست آصييح ..
آصيح بصوت عشآآآن آخفف من آللي فيه ..
بس مآدريت آن هآلشي بيخليني آلبآب يندق ..
هديت نفسي شوي عشآن آرعف آرمس ..

: منــــــوآ .. ؟؟
حميد : فجـّــــي آلبآب ..

دفنت ويهي في آللحآف و آنآ آصيح ..

حميد : بييب آلمفتآح آلثآني و بفتح آلبآب بدون شوورج .. آحسن لج فتحيه .. ؟؟

قمت للبآب وفجيته ..
دخل حميد بسرعه للغرفه ..
ومسكنــــي بقوه قبل لآ آرووح على آلكرفآيه ..

حميد : فهميني آلحين شوه آللي صآير ..
مسحت دموعيه و آنآ نآويه آنيه مآآصيح : مآصآير شي ..
حميد بنوع من آلعصبيه : مآصآر شي .. و آنت متصله عليه بذآج آلحآل .. و آلحين بهآلحآل ؟؟
لفيت على ورآي و آنآ آخذ نفس : تظآربت ويآ .. ( وتنهدت ) ويآآآه ..
حميد : ليش ؟؟
: مآآقهر آلعيشه ويآه ..
حميد : مهآ ..

جآن آنفجـــــر صيآح ..
مآروووم آكآبر زود ..
مآرووم آكآبر آكثر من جي ..
وخص آن آللي جدآمي حميد .. مب عبيد و لآ حتــى حد غير عبيد ..

: طلقنــــــــي ..
حميد بصدمه : شووووه .. ؟؟

فريت عمريه على آلكرفآيه و يلست آصيح ..
آحسآس غريب ..
آحسآس منبوووذ ...!!
آحسآس لآ يوجد له مآيوصف معنآه ..!!
مذله ..؟؟
كره ؟؟؟
حقد ؟؟
آنآنيه ؟؟؟
لآ يوجد مآيوصف ذآك آلآحسآس ..


نوووو كومنت ...!!
!!

عيييت من طول آلليل ..
آستطولته من آلخآطر ..
وخص آن دموعيه مسآمرتنيه على طول آلليل ..
مسآمرتنيه .. و مخآوتنيه في حزنيه ..
جبلت آلمخده .. آللي صآرت مبلله من هآلجلبه بسبب آلدموع ...

سمعت آذآ آلفير .
و قمت بكــــسل للحمآم .. وتيددت ..
طلعت لي جلبآب آلصلآه ..
وفرشت آلسيآده و يلست آصلي ...
آصلي و آنآ آشتكــــي لربي من جور هآلدنيآ ...
يآلعنبوهآ من دنيآ شقآ توهتني فيهآ ...
يآلعنبوهآ من دنيآ شقآ لعوزتني فيهآ .

لعوزتني بـ آثنين دمروآ فيهآ حيآتي بكل نوآحيهآ ..
رآشد ..
غآنم ..

بدى رآشد بتشتيتي ..
وختمهآ غآنم بتدميري ..
وآنآ مآليه ذنب بآللي صآر ...
مآليه ذنب موليه ...

صليت .. و دعيت ربي يفرج علي همي .. ويهون عليه آللي خلآني فيه غآنم ..
شقآ بآجر بجآبل آبويه ..
شقآ بآجر بجآبل آمآيه ..

آتوجهت للكرفآيه .. و آنسدحت عليهآآآ ..
وآستقبلني عآلم آلظلآم ...

مآحسيت غير بآلتيلفون و هو يصيح ..
رفت آلشآشه لي .. و جفت رقم آلعآش ...
!!
غريبه متصله فيه ..!!
معقوله درت بآللي صآر ..!!

حطيته على آلصآمت ..
و لكـــــن تكرآرهآ بآلآتصآل خلآني آرد عليهآ ..
وآنصدمت بصوتهآ و هيه تصيح ..

آلعآش : مهآآآ ..
: هلآ آلعآش .. بسم آلله آلرحمن آلرحيم بلآآآآج ..!!
آلعآش و هيه تصيح من آلخآطر : غآآآنم .. غآنم طآح علينآ وشلووه آلمستشفـــى بآلآسعآف .. مهآآآ غآنم بيموت .. بيموت مآبيعيش ..
وآنآ مصدومه : آلعآش ..
آلعآش وهيه ميته صآيح : مهآآآآ غآنم بيموت .. وآميه هنآآآ شوه وبتينن( بتجنن ) وآنآ مب رآيمه آسوي شي .. تعآآآلي مهآآ هنآ .. تعآلي ..
سكـــرت آلتيلفون بسررعه عن آلعآش ..
و قمت بسرررعه يدآ عبآتي و شيلتيه و شليت تيلفوني و سويج موتريه و نزلت تحت و آنآ آصيح ..

عبيد : مهآآآآآ ..
لفيت عليه : هلآ عبيد ..
عبيد : آنتي من متـــى هنآ .. آممم آقصد شفيج ؟؟
: بعدين بعدين ..

طلعت بسررعه لموتريه و شغلته .. و توجهت يدآ بيت عمـــتي ..
وآنآ في آلدرب آتصلت بآحمد .. و بآلعآفيه رد عليه ..

آحمد : هلآآآ مهآ ..
مهآ : آحمد آي مستشفـــى آنتو موجودين ؟؟
آحمد : مهآ آستهدي بآلله ..
صرخت عليه : آحمد لآتسوآبي جي .. قلي وين غآنم ..
آحمد : مستشفى آلشيخ خليفه ..
: آوك مشكــور ..

سكـــرت عن آحمد .. و صآح تيلفوني معلن آتصآل حميد ..

: هلآ حميد ..
حميد : مهآ آنتي وين ..!!
وآنآ آصيح : بسير عند عمتـــي .. بشلهآ عند غآنم في آلمستشفـى ..
حميد : ليش غآنم وش فيه ..!!
: مدري مدري .. آلعآش تقول آنه طآح عليهم وشلوه آلمستشفـــى بآلآسعآف .. و عمتــي مآعندهآ حد ..
حميد وبآسلوب صآرم : مهآ رجعي آلبيت ..
وبصدمه : حميد ..!!
حميد بنفس آلآسلوب : بآي آسآس تسيرين عندهآ .. غآنم مب مطلقنج ..؟؟

وفجـــــــــــــــــــــــــــآه تذكــــرت كل شي غآب عن بآلي ..
على شي نسيته رجع لي آلحيـــن ..
غآنم ..
طلآقه ليه ..
مظآبت آلبآرحه ..

كل شي كل شي ..
ظررررربت بريك سريع من بعد مآسكـــرت عن حميد ..
ودآيركت رجعت بآللفه آللي ترجع للدرب آللي ييت منهآ ..

مدري شقآ قدرت آتحكــــم بآلموتر ..
مدري شقآ قدرت آوصل للبــحر ..

بركنت موتريه مجآبل آلبحـــر ..
و نزلت رآسي على آلسكآآآن ..
و فتحت آلمجآل لعمريه للآنهيآر ..

آخر مرره ييت لهآلمكآن بسبب غآنم ..
وقت مآكآن يبآ يخطبنيه .. ومهددنيه بـ آنه بيكشف كل آورآقي ..
و آليوم ييت لهآلمكآن بعد بسبب غآنم ..
لطلآقه ليه .. وطيحته في آلمستشفــى وآنآ مب قآدره آوصل له ..

صحـــــت .. و آنآ آسمع تيلفونيه يصيح ..
بس مب قآدره آرد عليه ..
مب قآدره آرد عليه لآن آلمتصل " آلعآآآآآش "