طبعن البارت بنقول انه تكمله للبارت اللي قبل وهو كر وفر بين لطام وشاهه وبوضيدان ووضحى
ترقب وكلن يتوعد خويه وبنشوف من المنتصر



بعد اعتراف ابومحمد الصدمه قويه حيل على ضيدان ونصر كبيييييييييييير الوضحى
ظلموها سنين وحرموها ظناها
انا ماراح اعطي اعذار او اقوف بصف واحد منهم على الثاني
لكن كلمة حق وبقولها لطام وابوضيدان الخطا راكبهم هم غلطو بحق وضحى والظلم شين والغبن والقهر اللي ذاقته محد بيتحمله واكيد محدن ذاق اللي ذقته وضحى
اي موقف او تصرف تتخذه وضح معها حق فيه حتى لو كان طلاقها وبدون رجعه من ناصر حتى شاهه لو طلبت من لطام طلاقها محد بلايمها عليه
لان ثنينهم اتهموها زور
امنا بالله وقلنا شفتو الرجال عندها هل وضحى موضع شك الناصر حتى يصدق فيها المفروض تبينتو من السالفه قبل ظليمتها
بجد شي يقهر مافرحت شدونه تصدقين على برائتها كثر مانقهرت لها خذوها بذنب ماسوته وحرموها تربية بناتها وبيتها


نهار عفيه عليك رجال ولله
بس مهوب انت تحب ثمينه
اجل هي اكبر البنات اللي موجدين وعطاها جدها الصقر حقك لاتصير ارخمه وتنازل عنه لو صوبت صقر وجده بس يخوفي يحولونه على نوره ولا عليا او حصه
تعال يبو سعد بناتكم لعيالكم من كثرهم بقي العيال من بتزوجهم البخ وخل سمنك بدقيقك وخل ولد العرب ياخذ من بنات عمه ماسلمتو منهم وانتم ماعطيتوهم بنتكم يدون خذو بنتكم بيورونها الويل لو مهوب من الرجال من النسوان ويذكرونها بالهى اللي ذبحو ثنين من عيالهم



شوفي شدون بارت اليوم اثار غيضي على الاخير في لبنان وموقف وضحى وناصر بتقولين ليش بقولتس
طبعن مهوب بسبب البنات المتبرجات واللي اتضح من الهجه اللي كتبتيه اصلهم لان اكيد مافيه بلد تخلو من الصالح ولطالح والكل مايخفى عليه القليل من البنات الخليجيات بدون استثنا دوله عن غيرها كيف يتغبر الوضع الا سافرو برا وشلون يكون التبرج وخاصه لبنان ومصر ولندن وفرنسا
على فكره كثير بنات مقتنعات انها تسافر عشان تتعرف وتتزوج بس حنا نقول الله يهني سعيد بسعيده لان الطيبون للطيبات والخبيثون للخبيثات وهذولي ماعليهم ملام لان لهم اهداف ولهم مارب اخرى
لكن الدور والباقي عليك انت يناصر ووضحى مهوب انتم شلتو على قولك شعار ولد الحمايل وبنت الحمايل
انا الحين ابريك منه لا يخوي حنا سافرنا برا ولان من الحمايل ماسوين اللي سووه البنات اللي شفتوهم ولا سوينا اللي سويته انت وضحى فاسفين انت ماتمثل ولد الحمايل على قولك
تبي تسئلني ليش طيب امش معي حبه حبه واقولك ليش



كن يضمها له وهما يسيران ويتهامسان

هذا فعل رجال تضم مرتك بشوارع اجل وشخليتو الغيركم وخزياااااااااااه حنا من حيانا اذا سافرنا برا تحمر وجيهنا من مسكة اليد وشلون الضمه منقووووووووووود ياخي



لكن حين رأيا مجموعة فتيات يقال لهن عاريات اكثر مماهن مستورات
فقالت احداهن بصوت منخفض:ياويل حالي على ذا الطول
فقالت الاخرى:لا ويمشي مع كيس ذا الزباله
تفجرت براكين الغيره والغضب مما حعل وجهها يحتقن بالدم
لتقول لهن:انا كيس الزباله يالزباله منش لها
اجابتها احداهن باستفزاز:هههههههه ماعاد الا البهايم يتكلمن
وضحه بغضب عارم:الله اعلم من البهيمه على ذا الشكل ويكفي اني عند ربي ابرك منش
فقالت احداهن:جاجا يازينه زيناه

حوار عادي جداً بس انا لو مكانتس حقرتهم والحقران يقطع المصران
وتبين تعرفين شي مهم يوضحى اللي تكلمو عليتس بذا الكلام غيره من سترس لكن انتي عطيتيهم مرادهم وخليتيهم يطلعونتس من طورتس
انتي شكلتس يقول انتس مقتنعتي من سترتس وثرتي عليهم وقمتي تهوشين عشان تثبتين انتس الصح لا يعمري وثق الخطوه يمشي ملك المفروض نصحتيهم واذا مافيه اجابه الحقران يقطع المصران عرفو وشلون يثيرونتس ويطلعونتس انتي وبعلتس من طوركم


نظرت له وهو يتقدم منهن ببطئ
وضحه بصوت هامس مصدوم:ناااصر
لم يجبها لكنه استمر في اتجاهه الى ان وصل لهن
وهن يستقبلنه بابتسامه واسعه
لكنه محا تلك الابتسامه حين قام بسكب علبة الماء على رؤوسهن
ناصر باستحقار:هذا مابغيتنه يابنات الحمايل

ممتاز شاطر رجال اصفق لك على اللي سويته لاولله منقود هذولي حريم اول شي والمفروض ابد ماتدخلت في امور الحريم من العقل والرزانه والدين والمرجله انك ماتقرب صوبهم بس وش نقول حركة مراهقين ومضيعين المذهب على قولة اخوانا الاماراتيين تروح تكب عليهم مويه وش تحس فيه انت ليه شايفهم مردغين مرك وش تفرق عنهم الحين


في هذا اللحظه ابتسمت هي فرحا وتقدمت لتقوم بضربهن
وقد اشتبكن في العراك
حتى قام هو بدفعهن بعيد عنها ونزعها من بينهن وهو تصرخ وترفس بأقدامها وتتخبط بيديها
وضع يده على فمها لكي يخفي صوتها العالي
وأخذ يركض بها بعيداعنهن وهو يقهقه

الله على ذا الموقف انت واياها وين حشمتس وسترتس خلين نخليها على جنب وين انوثتس الله يخلف
اللى تعالي يوم رفستيهم عسا بس عليتس بنطلون تحت الفستان يستر سيقانتس
تدرين موقف البنات المتبرجات احسن منتس الف مره يستيره تدرين ليش هم نقول ماعليهم شره لكن انتي يالقدوه افااااااااا بس جعلنا مانجي مثلتس
ولا لوحتس بعد مستانس ويضجك عليتس عاجبته دفاشتس وطوالة السانتس ياحيف عليكم



اقترب لها ليقبلها فدفعته:لاتنسى ان حنا في الشارع يعني يجينا احد ويصورنا وينشر صورنا ويكتب تحتها بنت آل لطام قليلة الادب تبوس قليل الادب ولدآل لطام
ضحك بقوه:ههههههههههههههههههههههههههههههههه
وضحه وهي تبتسم له فتقول له بدلع قد اذابه من الاعماق:بس ترا عادي تشيلني
ناصر وهو يقترب منها:يعني كذا
فحملها وأخذ يركض بها الى فندقهم القريب
وهو يصرخ:احححببببببببببببببببش
وهي تضحك بهستيريه

بااااااااااطل اقول شكلي اقرا عن جون وكرستينا مهوب وضحى وناصر
تبوسها يثور فالشارع هذا الستر اللي دوره انت ومرك
ولا يقاله الحين رجال شالها بالشوارع يعني واذ قالتلك بدلع مع ان الدلع بعيد عن لحيتها شلني تطيعها يارخمه اااااااااااااه يحر جوفي بس وين الرجال ليت من يعلم لطام بعلومك عشان يوريك الحق
ولا تهايط مره ثانيه وتبين انك ستير وانت بعيد عنه وتذم غيرك انت ومرك البيب بالاشاره يفهم ماتحذف الناس بالطوب وبيتنا من قزاز تصب وتهزء الغير وانت اردا لانعطيك ولا نعطيهم العذر


الله يوفقنا وياتس ويوفق كل عضوه تمتحن الان ويوفق عيالنا وبناتنا في اختباراتهم
منتظرينتس شوشو بس نبي بارت طويييييييييييييييل على الغيبه

تسلم يدينش على البارت .. والله يوفقش في امتحاناتش هالله الله في العلامات اللي تبيض الوجه..
الحمدلله انهم عرفوا بسالفة وضحى وظلمهم لها وابو محمد بيض الله وجهك .. بس كلش ولا اللي يبيها نهار ترى خط احمر..
ابي اعرف رد فعل لطام اذا عرف بظلمه لوضحى هو وابو ضيدان .. مافيني صبر الله يعين بس..
شاهة ياخوفي ينقلب السحر على الساحر هههههه
اله يعطيش العافية وموفقة ياقلبي

مساء الخير شدونة ..

انا اتفق مع اختي نوفاا في كل كلامها .. بما يخص وضحى وناصر في لبنان ..

لاتربيتنا .. ولااخلاقنا .. تسمح لنا بهالتصرفات ..

وخاصة ان ناصر يروح يرش الحريم بالماي .. صعبة شوي ..

اما تصرف وضحى ام شاهه جدا غريب ؟!؟؟!

هي الحين ماتبغيه .. ولا متقبلته .. كيف تروح تلبس له .. وتغريه !!!

من قوو اللي سواه فيها ورفضها له وصياحها يوم الملكة .. المفروض تكون مواقفها اقوى من كذا بكثير .

اعرف ترتيب الافكار مع الامتحانات صعب .. شدي حيلش وانسينا وانسى ابطال الرواية لين تخلصين ..

وبالتوفيق ياحلى كاتبة ..

بس بتخيل ردة فعل أبو ضيدان ولطام لما يعرفون الحقيقة وكيف بينصدمون طول هالسنين ظالمين الام وبناتها
بس ليه أبو محمد ماتكلم من زمان دام عندهم الخدامة أكبر دليل
طلب أبو محمد أن يتزوج صقر وحدة من بنات آل لطام بعد هالمشكلة صعب بالحيل وخصوصا النفوس باقي ماتصافت بعد المشكلتين اللي صارت بينهم
اتوقع رفض زواج صقر من بنات العائلة بيكون من الشباب كلهم وليس فقط من نهار
الله يعطيك العافية
ودي