كاتب الموضوع :
دهــن الــعــود
المنتدى :
الارشيف
داخله اليوم ابي اقراء بارت الاحد وارد على الاثنين مع بعض بس خساره مالقيته مهوب يعمري قلتي بتنزلينه لاحد عسا المانع خير
بما ان البارت قصير ولاحداث قليله تمنيت ردي يكون على البارتين الا اذا شدونه بطولين البارتات ترا مهيب شينه
ام شاهه بغضب:اسمعني يالطام بنتي ماآمن لها معك شبيت فيها وهي تحت ضلال ابيها وشلون لاجات عندك .........بنتي ماتعداني
ولله شدونه لحستيني اذا البنت في بيت ابوها وهي نظر عينه وشلون طالها شر لطام
هل ابو ضيدان موليه بناته وهو صغار وكفر فيهم
طيب وضحى وش دراها بسوايا لطام في بناتها وي في بيت اهلها ولاتصال مقطوع بينهم
الموضوع فيه انه الخلاف بين لطام وضحى وشكله هو اللي مكبر السالفه ومعبي راس عمه كره وضحى الطام وكره لطام الوضحى اكثر بكثير من الكره والحقد اللي بين وضحى وابوضيدان
تدرين وش فكرت فيه سبب اللي بين وضحى وابو ضيدان لطام له النصيب الاكبر في شعللته وهو اللي خلا عمه يطلقها ويشك فيها
بس ياترا يلطام قاصدها وكاره وضحى من زمان ودبرت المؤمره ولا غيركم سواها فيها وانتو طحتو عليها
ولا مافيه اسباب بس ان بعض الظن اثم
............................................................ .....................
لطام بمسايسه:ماعندب الا اللي يرضيكم يايبه انا رجلها واخيها ولد ابيها بحطها في قلبي قبل عيني
اصمتهم جوابها:بس انا مابي الا لطام
كان ينظر لها بعشق خافي حتى عن عينيها
ليقول بفرح في نفسه:تبيني انا لحالي ولاتبين تفتكين من المشاكل
مهوب مهم المهم انش تبيني انا
لطام:والله ماعرفت لش تبيني اسافر معش وذاالحين تبين فرقاي
شاهه:اربك صدقت اني ابيك لسواد عيونك انا ابيك تروح معي عشان امي ماهيب صابره على ابي وابي بالمثل
لطام وقد اصمتته الصدمه فلأي درجه وصل الكره في قلبها لي
فقد كنت اهرب من تلك الاجابه
هاهو الله يعاقبني بما فعلت بها وبأخواتها وامها
كان ينظر لعينيها:ماتقولينه ليس سوى القليل من الالم اما عينيك قد سبت قلبي وعقلي وهذا هو اعظم العقاب
ولله العظيم بجد لحسه للمخ الحين تحبها وتموت فيها طيب هذاك تعترف بعضمة السانك ان الله معاقبك على فعلك بامها وخواتها وفيها ياخي وشلون يعني انت غلطان وظالم وتدري ان الظلم ظلامات قسم بالله معاد فهمت شي
اول ماقريت الروايه وانا حاطه في باللي ان وضحى مظلومه وان اللي ظالمها ابوضيدان ولطام وهو ماظلموها بقصد لا شافو شي اكد انها مهيب شريفه يعني نقدر نقول انهم ماينلامون الثلاثه في شيلتهم على بعض
ام شاهه لانهم ظلموها وهي بريئه
ابوضيدان لانه شاف الشين بعينه
لطام كذالك مثل عمه
طيب بما انك يالطام شفته بعينك وتشوف وضحى مهيب مظلومه ليه تقول عقاب من ربي في اللي سويته
يعني معي حق يوم ضيعت
فذا الحاله لطام شاف نفسه ظلم البنات ومهم قبلهم هل يقصد بظلمه انه حرمهم من بعض ولا وضحى الى الان يشوفها جانيه على العموم الايام بتكشف كل شي وليت شدونه يكون لتس مداخلات توضحين الغموض شوي عسان يكون فيه حوار ونقاش وتوقع اكثر في الاحداث الجايه لان الغوض وحنا على عمانا شوي صعب في المتابعه للاحداث
وانتي يالعوب امرمر فيتس ولاعن خيرتس وماتحبينه وتحقدين عليه وتبينه هو اللي يروح معتس معقوله تحبينه شاهه وتخفين حبه وتدعين كرهه
مدري عندي احساس انتس تحبينه ومعجبه بشخصيته بس ماهان عليتس اللي سواه فيكم تسامحينه
............................................................ .................
ابوضيدان الذي تحدث بعد صمت:ذاالمره اسمح لي يابيك انا اللي بروح معها
ام شاهه بعصبيه:انت تبي تحرق كبدي وبس
جلست ام شاهه بغضب فجرتوني واحرقتو كبدي هاوالله ماامسي في ذا المكان الليله
تدري عاد يبوضيدان ان قلبك من صوب وضحى خضر وماتبي الا اشاره منها بس وتركض لو هي مسويه فيك الويل من شفتها وهي ماده السانها ولا عبرك ابد وانت ماقدرت ترد عليها ولا بكلمه ومافي قلبك كثر الحقد والكره اللي شايله لطام بقلبه عليها
حتى وضحى مابدر منها اي تصرف يثبت انها كارهتك وحاقده عليك كل كرها وحقدها موجه الطام
يعني الثنين عاشقين بعض ويموتون في بعض وان العذول لطام هو ساس البلا
تدري عاد وش استنتجت اخيرن من مناقشتي هذا وانا احاتس عمري الظاهر( شكل محد رادلي الصوت ومئيد كلامي ولا رافضه ياللى الله كريم بكمل استنتاجي) ان لطام هو راس السالفه وانه هو اللي متهم مرة عمه بشرفها وشوش عمه عليها وابوضيدان صدقه ومشى كلامها مع ان وضحى بريئه
وحتى لطام يمكن ماظلمها بس فيه لبس بالموضوع وهو فسره على كيفه
............................................................ .....................
ناصر:وش ذا الريوق الزين
وضحه:ياليتني اعطيك روحي وعمري بدال ذا الريوق البسيط
ناصر وهو لم يحتمل هذا الكلام فعلاً فهرب بنظره للطبق الذي امامه:انتي وش جرا لش اليوم مصبحتنا
وضحه وهي لم تحسب لقلبه حساب:من في قلبه شي يموت ان مااظهره
ناصر وهو ينظر لعينيها بعمق:ويلومني يوم اني اهذي باسمش صبحي وليلي
وضحه وهي تقبل يده:ويلوموني يوم ابكي من فرقاك على شين ماسويت فيني
ناصر وهو ماعاد قادراً:وش رايش تريقيني وتخليني اتوكل
وضحه وهي لم تنتبه حتى لملاحه التي تحولت للولع والهيام:ابشر
وبدأت بتجهيز لقماته التي سيأكلها
وهو ينظر لها بحب ويردد في قلبه:والله اني اموت فيش لعنبا من لامني فيش ياذا البزر اللي صدعتيني
بصراحه بصراحه ولله انتس ضعيفه وينضحك عليتس على اللي سواه فيتس نويصر تقولين له مثل ذا الحتس اجل قبل مايطلقتس وش كنتي تقولين له
ياخبله متزوج عليتس ولا هوب وحده بعد ثنتين وتغزلين فيه الله لا يلومه يوم هو مافتكر فيتس واعرس عليتس ثنتين وانتي توتس بنيه متزوجه ولله لو هو نوم عيوني مارجعله وهو هايني الذا الدرجه
يناصر الي يحب مايجرح حبيبه واكبر جرح للمره ان رجالها يشوف غيرها ويبدلها فيها فيه كم طريقه تادبها فيها حتى الضرب حلال لكن زواج ولله كبيره انا احس اذا بغى الرجال يهين مرته يتزوج عليها هذي اكبر اهانه وعقاب وكره وكل شي
بعدين لاننسى صغر سنها صعب وانا بدا العمر يتزوج علي مدامه له نظر فيها ليش ماحاول يصلح حالها لو بالضرب ولا انه يتزوج
بصراحه اكره مثل شخصيته اللي دللوني وكل شي عطوني واي زله او خطا منكم اقل شي اسويه ارميتس عند اهلتس واخذ عليتس وحده ثانيه همجيولا ينظر للعواقب اول حياته هذا فعله اجل بعد عمر وش بيسوي فيها هذا وهي بنت عمه ويتيمه
وبعدين اللي فهمناه انها صغيره يعني يبيلها تربيه وتوجيه كان وجهت وربيت ما طلقت وظلمت تدري كل شي تسويه وضحى معك واجد عليك وماتستاهل ربعه
وبعدين تعال من لامك بحب البزر ولله لاموك بشين فعولك فيها مير دواك لو هي اصرت على طلاقها وخذت غيرك ولله ان تحر قلبك ومعاد تهنى بحياتك وتعض اصابع الندم
............................................................ ......
ام شاهه وقد انقطعت انفاسها:شفيكم
حصه التي ضمت والدتها:تعبت تعبت يمه
ام شاهه وقد تصلبت عظامها:شاهه وش فيها
الجده:الله يصلحش يامش فجعتي امش
ثم اردفت:مافيها الا العافيه بس غشيت قبل شوي من قل العيشه
ام شاهه وهي تدفع حصه بعيداً لتتجه للغرفه مسرعه
اما الجده التي قد بأت عظامها بالتخاذل لخوفها على صغيرتها:يالله ياللي ماتنام عينه شافي بنيتي يالله
متاكد بعد اللي صار الشاهه ام شاهه ماراح تتركها بتسافر معها سوء رضى ابوها ولا رفض وهذا سبب بيخلي ابو ضيدان يسافر سوء اعناد فمها ولا رغبه بقرب ام شاهه ولو مابين
وانت يالطام ردد يليل ماطولك ماراح تنفرد بالبنت الحالك الا يمكن يزيد كره شاهه لك وحقده عليك اكثر خاصه اذا شافت الصدام احتد بينك وبين امها وشافت وشكثر انت وياها ماتدانون
بس اللي متاكده منه ان ابوضيدان بيحن للايام الخوالي
بس ياترا يوضحى قلبتس عاد فيه حب الناصر ولا حرمانه لتس من بناتس خلى قلبتس حجر عليه
............................................................ ..
شدونه ترا ماقدرت ادلع دهن العود س ابسئل وش سر شادن وموقعه من الاعراب ترا لتس علي شوي بالدلاخه
منتظرينتس لاتتاخرين علينا
|
10-04-11, 10:41 AM
جديد مواضيع قسم الارشيف
العرض العادي
