كاتب الموضوع :
دهــن الــعــود
المنتدى :
الارشيف
رد: غضو النظر عني تراني حلاله
السلام عليكم
البارت الثالث والستون
......................................................
بعد مرور شهرين
من جينا من استراليا صار لنا شهرين لطام اعتذر عن اكمال الدوره وهذا الشي اللي مريحني الغربه شيييينه طبعا انا مااشوف لطام الا اخر الليل يجي من برا مهدود حيله يحط راسه وينام مرات يجي البيت عشان يتطمن على امه اللي صارت ملازمه غرفتها دايما ولا تطلع الا للمستشفى كل ماشفت تعبه احس ان قلبي يوجعني ودي اشيل همومه كلها ولا اخلي في قلبه الا الفرح في هالفتره صاير يحتاجني كثيير لدرجة انه اذا جا من برا لازم يقعد بجنبي ويلزق فيني حييل مرات انحرج بس لما اشوف ان قربي منه يريحه شوي انسى الدنيا كلها واذا جا الليل يبتدي حزنه على اخته ونهار آه من نهار اللي حالته مووووجعه تبدل حاله صاير في عالم مهوب عالمنا الذنب ماكله وناخر قلبه....سعد وبداح فديتهم كبرو صارو يميزون شوي سعد اكبر من بدوح اللي الحمدلله راح منه السعال الديكي بس التهاب الدم للاسف خبرنا الدكتور ان بيطول فيه الحمدلله على كل حال ....وضيدان وآآآه من ضيدان يغار من عوالي وااجد واتعبني معه اذا شاف واحد منهم بروحه يضربه او يجره اهم شي يوجعه بس مااقدر اقوله شي لانه ثالثهم وقلبي مايطاوعني فيه وعليا قامت تحاول تبعده عني هالفتره بالذات بس ماهيب قادره لانها اصلا
مقسمه وقتها بين جدتي وبعض اشغال البيت اللي ماتقدر تسويها الشغاله وفوق هذا كله دراستها الله يعينها ......اطلب من ربي انه يحسن اوضاعنا المتوتره
من صار الحادث وانا ماهنا لي النوم وان نمت قمت مفجوعه اخاف اقوم على خبر بنتي اللي الله واعلم متى بتقوم كل يوم يودوني لها اخوانها بس لاشفتها اقعد ابكي وهم يهددوني انهم ماعادهم بجايبيني لها بس وش اسوي غصب عني لاشفتها بكيت اتحسر على حالها وعلى ولدها اللي ياما حكت لي وش بتسوي له لاطلع على ذا الدنيا ادري بها مهيب متحمله خبر موته بس اهم شي اشوف عيونها اسمع صوتها تكلمني واكلمها تعبت من القلق والمحاتاه كفايه موتت بداح اللي كسرت ظهري ماعاد فيني كسر ثاني لو راحت ثمينه بنكسر كسر مايجبر كل ماشفت الوجع بعيون اخوانها اموت اكثر واكثر ادري انه عندهم خبر عن حالتها وان حالتها ميؤووس منها بس مابيدي شي ....لاضمني لطام على صدره احس دقات قلبه مستاجعه ومترقبه اما فهاد لاضمني احس ان دقات قلبه تبببكي وتبكي بحزن موجع اما سعد احسه من الحزن انحنى ظهره وشيفتهم ذي تنحرني نحر وتحزني اكثر من حزني اللي فيني والموت لاشفت الحزن والموت في عيون نهار اللي لاناظرته ابعد عيونه كنه خايف اني احمله الذنب الخبل مادرى انه ولدي مثل ماهي بنتي واني داريه ان اللي صار كتبة ربي وهو ماله ايد باللي صار وادري به وش كثر يحبها وان قلبه منفطر على حالها بس يارب انك تقومها بالسلامه وتخليها لعيني اللي ترجيها وتجبر بخاطره
كل يوم اقوم امر غرفتها اشوف مكانها اقول ياليتني مازوجتها ولا خليتها تبعد عني بس ارجع واستغفر ربي على ذا الحكي بس هذي بنتي اللي يوم شفتها اول مره فرحة فيها اكثر مما فرحت بأخوانها عمر مااحد منهم وصل غلاها لاشفتها تمشي قدامي احس ان الدنيا تضحك لي احس ان الله وهبني نعمه تستاهل الحمد له في كل ثانيه من عمري كبرت وانا يزهر قلبي في كل سنه تكبر فيها يقولون ان الولد دايم اغلى من البنت بس عندي العكس ثمينه تسوى عندي عشره من اخوانها لاشفت وجهها الخالي من الحياه ارتجف قلبي تخيلت ان نبض قلبها موقف او ان الدنيا خلت من نفسها اقرب منها واطالع صدرها اذا يتحرك ولا لا وارتاح لاشفت حركته ..... يوجعني حكي الدكاتره وهم يقولون حالتها صعبه وانه مايندرى متى تقوم من الغيبوبه غير انهم قالو انها بتفقد وحده من حواسها ....احزن على حالها وحال ذا اللي يذبح عمره كل يوم نظرة عينه مايبعدها عن وجهها ومرات يحكي عليها كنها واعيه وتسمعه خايف عليه ينجن ادري انه حاس بالذنب بس مهوب لذا الدرجه مااقدر اقول انه يحبها لانه ماعاش معها الفتره اللي تخليه يحبها لذا الدرجه امره عجيب ذا الولد ...الله يجيب العواقب سليمه
عقب ذيك الليله المشؤومه وعقب ماتطلقت كان معتقد اني بطلع من البيت بس ماتعديت بيتي وعدة المره في بيتها الين تخلص فترة العده وهو ماراجعها ترجع لبيت اهلها هذا اللي اعرفه طبعا الاستاذ فلاح مايكلمني ولاحتى يطالع فيني وسافهني في كل شي حتى النوم ينام في الصاله ومخلي لي الغرفه عقب ماقلت له اني بنام في الغرفه....... فجعني بطلاقه لي فعلا عرفت انه بايع ومرخصني بس حلفت لأعلقه فيني مثل ماعلقني فيه ليه يعلمني احبه وهو مايحبني بس الصدق اني مااتخيل حياتي من دونه حتى وهو معرس علي ومرخصني كل اللي حولي شاكين بالوضع الغريب اللي بيني وبينه لانه يحاول يوضح لهم انه مايبيني بس انا مو مخليه له فرصه دايم اقول انه تعبان او انه متضايق بس ادري انهم يدرون اني كذابه ....خلال هالشهرين راح للبحرين مرتين وفي كل سفره انحاش لاهلي عشان مااشوفه وهو رايح لاني احس قلبي يذوب وانا ادري انه رايح لها ..... في ليه الطلاق طردني وقالها في وجهي قومي روحي لاهلش بس قلت له انه هذا بيتي وانت اللي اطلع اذا ماتبي تجتمع بي الصراحه قلبي ماطاوعني اقوم مااشوفه قلبي ماطاوعني لابكيت مااحس به اقرب لي من نفسي انا احــــبــــــــه وحبي له ماله دوا الله يصبرني عليه وعلى ذا العيشه.......
آآآآآآآه من حالتي انا تعببببت حييل انا وقتي رايح مابين جدتي ودراستي وضيدان اللي جننا انا وشاهه ويكرهني بعمري لاتذكرت حالة ثمينه ولا لاشفت الحزن بعيون الجميع احس ان على بيوتنا سحابه سودا بس اللي مريحني انهم اجلو العرس الى وقت غير محدد احس اني ارتحت وااااااجد كنت خايفه يسوون فيني مثل جواهر يزوجوني بدون حفله وبدون شي كنت احاتي لو جيت فهاد في هالفتره شلون بتصرف معه وهو في حزنه اللي الكل لاحظه بس قلبي احس فيه بوجع لاسمعتهم يقولون انه متغير وتعبان الاكيد انه ذا الشي مهوب حب هذا اسمه رحمه فقط......يارب عسا الله يشافي ثمينه ويفك منا قيود الحزن
قلبي يوجعني على نهار مهوب اخي اللي اعرفه ذاوي وحاله منقضي شكله يروع اربع وعشرين ساعه وهو في عالم ثاني مهوب معنا دايم يهوجس ادري انه حاس بتانيب الضمير بس هو ماله ذنب دعمها من غير قصد والله كاتب لها هالشي وصرت اخاف على امي اللي كسرها الحزن على حال ثمينه ونهار من صار اللي صار وانا ماشفتها الا تمسح دموعها قطعت قلبي وابي اللي دايم لاشاف نهار تاهت نظرته في وجهه احسه يقوله احذف الحزن علي ماعدت اشوف الشموخ في عيون ابي ولا السعاده في عيون امي وغير حالة فلاح اللي الكل يتفكر فيها رغم انه حصه تحاول تغير تظرتنا بس كل شي مكشوف لدرجة انه يخانقها قدامنا احس ان حياتنا متلخبطه الله يزينها من عنده......................
اما انا اعيش حياه شبه كئيبه عساف سافهني بكل الاشكال ولا كأني عايشه معه توجعني نظرته اللي يشوفني فيها مع اني للحين مافهمتها بس احسها تاخذ قلبي من بين ضلوعي بس ماارخصه عندي هذا عساف سندي وظهري يوم جار علي الزمن عقب ماطلعت من المستشفى سكني في شقه بعييييد انا نفسي ماادل طريقها فديت روحه احسه خايف علي بس مهما كابرت لاذكرت امي احس بالكسر في نفسي مشتهيه احذف نفسي في حضنها واشتكي لها من ناصر اللي عمري ماتخيلت انه يسوي بي كذا ولا ابي اللي كان راضي ياليت اللي انا فيه حلم ويروح بس مايبعد عساف عني اشتقت لامي ولخواني وآآآآآآآآه من اخواني سمعت من عساف وهو يكلم في التلفون انه نايف يدورنا دواره ويتحلف يذبحني ماخفت منه مدري ليه لاشفت عساف احس اني ملكت الدنيا كلها ولاعاد اخاف من شي عساني مااذوق حزنه...................
احب الخبل اللي عندي بس هي ماتفهم ولاتعرف وخايف عليها حييييييل اخوانها يبون رقبتها امها الله يهديها الفت قصه على كيفها وضيعتنا مدري وين انحاش بها ولا وين اوديها سكنتها في شقه في منطقه جديده ماجاها عرب واجد بس بعد قلبي يرقع لاطلعت من البيت وهي تبتسم لي عند الباب احس الدنيا مافيها الاكشرتها الحلوه وعيونها اللي تسحرني احس حتى ايديني تبنج لاشفتها تبتسم لي وانا اجفاها عز الله انها خذت روحي بس مانستني اللي تحت التراب اتمنى انها تحمل وتجيب لي ولد نسختها واسمه بداح اتوقع اذا جا ذا البزر بستخف انا ....... اموت عليها لاشفتها لابسه اسود وهي الخبله دايم تلبس ابيض ولا وردي احب الاسود عليها احس انها حزني يمشي على القاع مدري وش ذا الشعور الغريب الله يستر من تالية هالامر................
قد لنا شهرين من طلقتها ولاهيب راضيه تروح لاهلها غبيه مافهمت اني طلقتها عشانها هي ابيها تشوف عوالها من غير عذاب وشفقه بس وش اسوي بمخها المتنح احس اني بموت لاشفتها تبتسم قدام اهلنا وانا ادري انها تواجه شي مااحد واجهه ارويها الجفا بيني وبينها وقدام الناس ومع كذا ماتذمرت ولاراحت لبيت ابيها بتجنني بعنادها هي هاقيه اني بردها بس انا مانيب رادها ولاافكر بذا الشي حصه لازم تشوف حياتها يشهد الله اني ماارخصتها واحس اني احترق لاتخيلتها مع غيري ومرات احس ماعاد لي قدره اتخيل ذا الشي احسه فوق طاقتي الله يسامح اهلنا اللي مارفضو اني اخذها ولاوقفو بوجهي ........مايقطع قلبي الا لاشفتها رايحه مع جدتي للمره اللي تقراها هذا يعني انها مصممه تكمل معي وعندها امل انها تجيب عيال مني ..ياحبي لها وياويلي على فرقاها....................
............................................................
في بيت ابونهار الصبح
كان ينزل من السلم وكأنه ينزل في اعماق الحزن بوجهه المحتقن سواد الذي يحوي تخطيطات الم وحسره وتعب:صباح الخير
ام نهار بلهفه:صباح النور يانظر عيني تعال اصب لك شوي حليب
نهار بتقرف:لالالالا مالي فيه الله يديم النعمه
ابونهار وهو يراها بعينين حزينه وبهدوء:يابيك تعال اكل لك شي قد لك ثلاث ايام ماذقت شي
نهار وهو يرتدي شماغه عند مراية المدخل:شربت لي فنجال قهوه اليوم الفجر
ام نهار وهي تمسح دمعاتها:يامك القهوه مهيب عيشه تكفى ياولدي بس اشرب شوي حليب
عاد ليجلس بجانبها وهو يضمها لحضنه:يمه طالبش لاتسوين كذا ترا اللي فيني كافيني بعدين هاتي الحليب اشربه عشان ترضين
ثم اخذ الكوب ليقربه من فمه لكنه ابعده بسرعه وهو يتوجه للمغاسل متقيئاً مافي معدته الخاليه
ام نهار وهي تبكي بشده حين رأت ماحدث:تكفى ياسلطان ولدي بيروح مني شوف لك صرفه
تنهد ابونهار وهو يخفض رأسه وهو يتمتم:صبرا جميل والله المستعان
اتاهم وهو ينشف فمه بمنديل ليجلس بجانب والده بتعب قاذفا رأسه للخلف ومغلقا عينيه
ام نهار برجاء:ياولدي خاف الله في عمرك
نهار بتعب وهو يجر صوته جراً:يايمه جعلني مابكيش والله مهوب بيدي شوفة عينش ماقدرت اشرب الحليب
ابونهار بحزم:قوم بنروح الطبيب
نهار وهو يقف:بتروح معي للزياره؟
ابو نهار وهو يرتدي شماغه:لا بنروح لدكتور تغذيه يشوف وش اللي فيك
نهاروهو يتجه للباب مسرعا متفاديا حلف احد والديه:لاطال عمرك انا مااقدر اتأخر على ثمينه
ثم خرج تاركا والديه محتاران في حالته
ام نهار:سلطان ماعليك منه الحقه واغصبه
ابونهار بضيق وعصبيه من حالة ابنه:يابنت الحلال هو بزر اغصبه
ام نهار وهي تضرب فخذيها بحسره:وش اسوي بعمري ياربي قد له شهرين وهو على ذا الحال يارب لاتاخذه قبلي والله مااتحمل الدنيا عقبه
ابو نهار شعر بالم يعتصر قلبه من كلام زوجته فهو ايضاً لايتخيل حياه ليس نهار فيها
.......................................................
في نفس المنزل لكن في احد اجنحته العلويه
كانت ترتب اطباق الافطار على الطاوله وتنادي بصوتها الناعم:فلااااااح يالله تعال تريق
خرج وهو يغلق ازرة بدلته العسكريه ليقول لها بضيق وغضب:من زين ريوقش تصوتين لي عليه بعد
حصه وكأنها لم تسمع شيئ ابتسمت له وهي تقول:ابد امرني وش مشتهي اسوي لك اياه واسويه
فلاح وهو يتجه للباب خارجاً:مابي شي منش بتريق مع امي وابي
جرت له لتقف بينه وبين الباب وهي تنظر له بنظره تعرف تاثيرها عليه:طلبتك بس اليوم تريق معي تحملني شوي
نظر لها بتمعن ثم همس وهو يزيحها من امامه بعنف:مااقدر اتحملش
شهقت بعنف لم اتخيل يوما بان يقل لي هذه الكلمه ايعقل انه لم يعد قادر على تحملي هل كرهني ولم يعد يحبني كيف ذلك سأموت ان حدث ذلك لكن انا من سأتصرف مع تلك الحقيره التي ابعدت قلبه عن قلبي سأمزقها تلك الغبيه الكريهه لاأنكر اني احسدها حين اتخيل فلاح يغدق عليها بسيل كلماته الجميله وابتسامته الصافيه الرائعه رباااااه لقد نفذ صبري فما لي من فعلا فأفعله...........
لبست جلالها ونقابها واتجهت للأسفل
توجهت لأبو نهار لتقبل جبينه ثم لعمتها لتقبل جبينها وتجلس بجانبها:صباح الخير
الجميع ماعدا ذلك المتغطرس :صباح النور
ابونهار بحنان:شلونش اليوم يابيش
حصه بخجل فهي تعلم ان الجميع اصبح يشفق عليها بسبب ذلك المعشوق الجافي: طيبه فديتك
ام نهار بصوت بان البكاء فيه:تبينا نمشي ذالحين
حصه بهمس:يالله نمشي ذالحين
ثم نظرت له بعد ان انزلت نقابها لانه لايوجد احد من اخوة فلاح:فلاح انا بروح الموعد اليوم
لم ينظر لها وهو يتناول فطوره:..................
حصه بخجل من فعلته:فلاح
فلاح بتعمد:.................
ابونهار بغضب:فلاااااح رد عليها
فلاح ببرود:كم مره قلت لش لاتروحين ولاسمعتي الكلام يعني وش بيفيد ردي فيه
ام نهار بغضب:انت وش جنسك من العرب الشرهه عليها اللي تستاذنك بعدين هي مهيب تروح عشان عمرها هي تروح عشانك وعشانها ماتبي لك عوال؟قدك شايب
فلاح بعصبيه:انا قد قلت مابي بزران منها البزران اللي هي امهم ماينبغون
ابونهار وهو يصرخ:فلااااااااااح اقطع ولاكلمه شرف لك اللي حصه ام عوالك مااقول الا الله يعينها على مابلاها
فلاح وهو ينظر لها وهي مخفضه رأسها ليقول بغيض:مهوب عاجبها تروح لبيت اهلها
شهقت بعنف وهي لم ترفع رأسها لكنه رأى مانحر روحه وهو تلك الكرستاليه التي سقطت من عينيها
لكن تلاها صفعه اجبرت الجميع على رفع رؤوسهم
ابونهار بغضب عارم:حشمتها من حشمتي وانت لاحشمتني ولاحشمتها وعلم يوصلك ويتعداك من اليوم ورايح مالك مدخال في ذا البيت الا اذا حصه سمحت لك
حصه باستعجال وقد خرت دمعتها:لايبه لايطلع من البيت
ام نهار بكسرة نفس:عز الله انها اطيب منك مارضت عليك تطلع من البيت
فلاح وقد جاءته على طبق من ذهب:ايه طبعا لاني لو طلعت بتخلص عدتها وانا مارديتها
ابونهار بصرخه:يعني ويش؟
ام نهار بصدمه:تكفى يامك لاتقولها
تعالى صوتها بالبكاء فهو دمر نفسها وسحق ماتبقى من روحها التي تحيا بها
فلاح بجمود:انا طلقتها من اول يوم جيت فيه من الدوره
صمت الجميع صدمه وفاجعه
ابونهار بحزم:قومي وانا ابيش روحي لبيت اهلش وانا اخليه يجيب لش ورقتش
حصه بفجعه:لالالايبه مابيه يطلقني انا ابيه بس هو مايبيني
ام نهار بحميه:والله ماتقعدين على ذمته وهو مايبيش
ابونهار بتأييد:ايه نعم مانتيب قاعده عند ذا الرخمه وهو بايع شيخته وتاج راسه
وقفت بحرقه وقهر:حرام عليكم لاتقولون كذا انا ابيه وراضيه
ثم التفتت عليه وهي تضربه على كتفه وتقول بقهر وصراخ:تكللللللم قووووول شي لاتسكت قولهم انك تبيني قووووولهم
ام نهار وهي تبعدها عنه وتضمها لصدرها الحنون:ماعليس منه وانا امش والله ماعاف الا الخير
ابونهار بصرامه:صيته اخذيها لغرفتها
ام نهار اومأت برأسها بالموافقه وانسحبت بحصه للاعلى
............................................................ ......
في منزل ابوسعد
كانت تصرخ وهي في المطبخ:ياضييييييييييييدااااااااااااان اطلع برا جننتني
ضيدان وهو يضحك ببراءه:ههههههههه لا مابي
عليا بغضب وهي ترفع الملعقه الكبيره:اطلع قبل اطبخك بدال ذا البيض
الصغير بخوف:صدق تطبخيني
عليا وهي تقترب بتخويف وتغير نبرة صوتها للخشونه:ايييييه صدق اطبخك ولاحد يدري
صرخ الصغير وهو يفر هاربا للخارج
عليا بضحكه مجنونه:هههههههههههههه ليتني داريه من زمان
ام شاهه وهي تدخل المطبخ بابتسامه:يالله صباح خير وش اللي مضحكش كل ذا الضحك
عليا وهي تقبل جبين والدتها:صبحش الله بالخير ياطويلة العمر
ام شاهه وهي تنظر لها بطرف عينها:صباح النور ياطويلة العمر
ثم اردفت:خير وش عندش راضيه علينا اليوم
عليا بابتسامه:ابد احس اني مرتاحه نفسياً
ام شاهه بنغزه:اكيد جايش علم عن عرسش
عليا وهي تلتف لوالدتها بصدمه:وييييييييييش
ام شاهه وهي تضحك بقوه:هههههههههههههههههههههههههههه عز الله يامش انش فاصله
اتاهم الصوت الرجولي:ياهووووه اخلصو علينا وين الريوق
ام شاهه وهي ترفع اكمامها وتهم بالعمل مع ابنتها:يوووووووه هذا ابيش مستعجل يالله اخلصي
عليا بهدوء:يمه
ام شاهه وهي تعمل:لبيه
عليا بذات الهدوء:حددو موعد العرس
ام شاهه بلامبالاه:لا كنت اضحك عليش بس تبين الصدق ابيهم يحددونه قعدتش كذا توقيف لنصيبش وبس
وبعد دقائق سمعت ام شاهه شهقة ابنتها التي لاترى منها سوى ظهرها لتقول بصدمه وهي تقترب منها:عليا شفيش
ماان ادارتها والدتها حتى تعالى صوت بكاءها وهي تقول:تكفين يمه قولي لهم مابي اعرس
ام شاهه وهي تضمها:يامش روعتيني بغا يوقف قلبي الله يهداش بعدين ليه ماتبين تعرسين والله يامش ان ابيش يمدح فهاد قاعد وقايم وخالش وعواله نفس الشي
عليا ببكاء:يمه انا مانيب قد المسؤوليه
ام شاهه بحنان خالص:ماحد نزل من بطن امه متعلم لاعاشرتيه بتصيرين مسؤوله عنه غصب عنش ومن غير ماتحسين
ثم ابعدتها لتقول لها وهي تمسح دموعها:عاد انا احسب انش اجيد من خواتش اللي كل واحده منهن راك عليها رجلها(راك=مسيطر)
عليا وهي تمسح ودجهها:يمه يعني انتي اللي احسن منهن لو يقول لش ابي السما صفرا قلتي اي بالله صفرا
ام شاهه بحرج:ههههههههههههههههههه اثرش تراقبينا
عليا وهي ترتب الاطباق في الصينيه:نوعا ما
ثم خرجت من المطبخ للصاله
ام شاهه بصوت خافت:جعل ربي يوفقكن ويخليكن لي انتن واخوانكن
في الصاله
وضعت الاطباق امام والدها وجدها وجدتها وهي تقول:صبحكم الله بالخير........... ثم قبلت رؤوسهم
ام سعد وهي غاضبه نوعا ما:مالومش لاابطيتي بالريوق ماعاد خلتش شحومش تحركين بلا تحتوسين
عليا بقليل من الرواقه:انتي وش عليش مني انا عاجبني سمني ولاابي اضعف
ام سعد بغيض:مابي فهاد فديته لاشافش يطق
عليا بخجل:مانيب ضاعفه وش بتسوين بي
ابوضيدان بضحكه:اقطع الله بليسش مايعرف لها الا انتي
عليا بابتسامه:وش اسوي تبيني مثل باقي بناتها الوحده كانها سرو اخيييييييييييه
ام سعد بمعايره:كلهن ازين منش يالبقره
ضحك الجميع
ام شاهه بضحكه:لايمه ترا عليا مهيب متينه حيييل
ام سعد بنرفزه:لامهيب متينه بس تنكر يمشي قدامي
عليا وهي تقبل كتف جدها الذي تجلس بجانبه:ايييه اكيد انش غيرانه مني عشان جدي يمدحني ويمدح متني
ابو سعد بابتسامه:لالالا ترا مانيب ارضا على عجوزي
عليا:افاااا يبه وانا
الجد بعياره:يابيش مابيها تضيق علي لادرت اني معرس
ام سعد وهي تمثل اللامبالاه:ياقوووووووم لو انك بتعرس كان اعرست من سنين
ابوسعد وهو يضحك بشده:ههههههههههه والله انش عارفتني وخابرتني ياشاهه
............................................................ .................
في منزل ابو لطام
كانوا يجتمعون حول فطورهم ويلازمهم الصمت
فهاد بهدوء:يمه يالله عشان اوديش المستشفى قبل اروح دوامي
ام لطام وهي تقف وتتجه لعباءتها المعلقه:يالله يابوي انا خالصه
شاهه التي تكتسي بجلالها ونقابها وابناءها بجانبها على كراسي هزازه:يمه فديتش اقعدي واروح انا وياش مع جدتي الضحى
ام لطام بحزن:لايامش مااقدر لازم ارزح لها مبكر
ثم اقتربت لتجلس تريد تقبيل الصغار وقفت شاهه بجزع وهي تحمل بداح:لاوالله يمه ماتدنقين عليهم اخذت ام لطام بداح لتقبله ثم اخذت سعد وقبلته
ثم خرجت هي وفهاد متجهين للمستشفى حيث تسكن ثمينه
بقي ابو لطام الذي تقهويه شاهه وهي بجانبه ولطام امامها يتناول فطوره
ازاحت غطاءها عن وجهها وكذلك جلالها ولم يفتها رجفة ذلك الصامت
شاهه:يبه
ابو لطام وهو يرشف من فنجاله:لبيه
شاهه:لبيت حاج يبه امي نوره تعبانه حييييل
ابولطام وهو يتنهد فقد تذكر بكاءها في كل ليله وهي بجانبه:وش في ايدي يابيش وش اسوي
شاهه باقتراح خالطه خجل من تدخلها في امورهما:يبه ليه ماتاخذها عمره
ابولطام باعجاب في الفكره:انش صادقه يابيش
ثم اكمل بتردد:بس من يقنعها بالمراح ماهيب رايحه لو ويش
تكلم ذاك الصامت:امي ازهلوها انا اقنعها بالمراح بس البلا من يروح معها
شاهه وهي تنظر له بجديه:انا اروح معــــــ....
سكتت حين رأت ابتسامة لطام الذي اخفض رأسه لكنها اكملت كلامها بخجل:احم احم انا اروح معها
ابو لطام وهو يقف:بصركم اتفقو وبلغوني
ثم خرج لتنظر شاهه للطام:بالله وش يضحكك
لطام وهو يقترب منها:تدرين ليه اضحك
قالت بغضب:ليه يااخ لطام
انحنى عليها وهو ينظر في عينيها وهو يشعر بانفاسها لكن قاطعهم ذلك الصوت:لطااااااام ووجع وش تسوي
وقف برعب وحرج وهو يقول بارتباك:يامرحبااااااا
ام سعد بغضب وخجل:وجع وش ذا السواه مالك حجره تضفك انت وهي
لطام وهو يقبل جبينها:يمه جعلش تحيين التغيير زين
ام سعد وهي ترفع عصاها:انقلع للمجالس يالله
اخرج وهو يضحك بصوته العالي:ههههههههههههههههههه
التفتت لشاهه:وانتي مستانسه ياللي ماتستحين ايه وجهش مغسول بمرق
شاهه وهي تضع كفيها على رأسها بخجل:بس يمه مايسوى علي فضحتيني
............................................................ .........
في منزل ابوفيصل
كان يجلس بزيه الرسمي في الصاله الملحقه بجناحهم:يالله وين القهوه
اتت مسرعه وهي تحمل الصينيه التي تحوي الدلال والفناجيل:يوووه منك ها جبت القهوه
حين رآها ارتفع صوته ليحرجها باسلوبه الذي يتبعه منذ اسبوع:هلاااااا ومرحباااااااا حي ذا العين من شوف الزين يالبيييييييه يالزين
هي بحرج:اقول تقهوا وانت ساكت يانايف
نايف وهو يأخذ الفنجال:يازينش وانتي مستحيه......... ثم انحرف نظره ليرى طرف صدرها من فتحة قميص بجامتها اللحميه
نظرت لمكان عينيه فشهقت بقوه وهي تغطي صدرها وهي تقول بغضب:انت وش صاير لك ترا انا ملاحظه اسلوبك المتغير شوف يانايف لاتحلم بشي مهوب من حقك اخر مره انبهك يانايف
نايف بغضب عكر مزاجه:وش اللي مهوب من حقي يادلال انتي بكبرش لي لكن انا متغاضي لاني اداري خاطرش وحاشمش لكن توصل انش ترفعين صوتش علي وتحرمين علي حقوقي لا يادلال
دلال وهي تقف بغضب:مانيب عاجبتك ردني لاهلي وابركها من ساعه طول ماكنت تعاملني باللي اتفقنا عليه كنت معك على ماتبي بس تخالف اتفاقنا لا يانايف لا
نايف وق بان الغضب المرعب في عينيه:انتي تهديني
دلال وهي تصد عنه:ايه اهددك وش بتسوي
نايف وهو يقترب منها ويفتح ازارير قميصه:انا ارويش وش بسوي
دلال وهي تلتف له ثم صرخت برعب:لا يانايف لالالالالالالالالا
............................................................ .....
في نفس المنزل لكن بالجناح المجاور
كانت تقبل صغيرها وهي تبتسم بفرح لكنها تلاشت ابتسامتها حين رات من دخل عليها
ناصر بغضب ملازمه منذ فتره:يالله طلعي هدومي
وضحه وهي تضع صغيرها في سريره:ان شاء الله
ثم ذهبت بجمود لازم حياتهم منذ شهرين لتخرج ملابسه وهو دخل ليستحم
وبعد دقائق خرج وهو يلف المنشفه ليقول لها وهي تخرج من الغرفه:وضحه تعالي
زفرت بقلة صبر ثم اتجهت له:نعععم
ناصر وهو يلبس بلوزته:اسمعيني الليله اخذي ولدش ونامو في الغرفه الثانيه
وضحه بصدمه:ويش ليه ان شاء الله نطلع من الغرفه
ناصر وهو يدخل غرفة التبديل:لاني ابي اقعد بروحي وابي ارتاح من ازعاجكم
وضحه بصوت عالي:اسفه تبي ترتاح اطلع انت من الغرفه
خرج بغضب:هييييييييه انا مانيب اضحك معش لاقلت كلمه مااثنيها
التفتت وهي تهمس:اللهم صبرش ياروح
ثم التفتت عليه لتقول بقليل من الهداوه:ناصر انت وش تبي طلعه من الغرفه مانيب طالعه
ناصر بصراخ:الا بتطلعين غصب من ورا خشمش
وضحه بصراخ:لا مانيب طالعه
ناصر وهو يقترب منها:ليه ماتطلعين ليه وش الزود في ذا الحجره
وضحه وهي قد بكت:مابي اطلع مابي قلوبنا متباعده من غير شي شلون لو ابتعدنا ناصر لاتبعدني منك اكثر انا وولدك في حاجتك
اقترب منها بهدوء ليضمها لاول مره منذ شهرين وهمس لها:ماقدر ماقدر ياوضحه الوضع ذالحين متأزم ولانيب في حال شي وضحه ببكاء وهي تشده لصدرها:ليه ماتبيني اتقاسم معك همومك
ناصر وهو يتنه بعمق موجوع:آآآآآآه وش اقول
وضحه وهي تبتعد عنه وتضم وجهه بكفيها:ليه يابعد روحي وش فيك
ناصر وهو يجلس على السرير وهو يمسك برأسه بين كفيه:وش تبيني اقول وش تبيني اقول
اقتربت منه لتهمس:وش ذاالشي اللي مسود عيشتنا طول ذا المده تكلم قول
همس لها:ضميني ياوضحه ضميني حييييل
اقتربت منه بجزع لتضمه لصرها بقوه ففجاءها بصرخه ارتعبت منها هي وصغيرها من تلك الصرخه لكنها كانت تضغط بوجهه على صرها لعله ينخفض صوته وهو كان يشدها ويزيد من صراخه عساه ان يبرد نار حرقته
ثم ابعدها وبدأ يسير في الغرفه وهو يصرخ اكثر وهي وضعت كفيها على اذنيها خوفا من صراخه رغم انها تسمه صراخ الصغير بالخارج
............................................................ ..
في جناح نايف وبعد مرور بعضا من الوقت
كان يقف وهو يدندن ويغلق ازرة قميصه بعد استحمامه
مر بها وهي تختبئ في فراشها وصوت شهيقها قد صم اذنيه قال:بس بس ولاكلمه اسمع ولانفس وش صار لاعيب ولاحرام
ابعت الفراش عن وجهها لتقول بغضب:انت بالذات مالك كلام معي
ضحك بمغايضه وهو يرفع حاجبه:ليه يامدام عسا ماضايقتش بشي
لم تجبه سوا بالابجوره التي بجانبها وهي تصرخ:آآآآآآآه براااااااا
اقترب منها بع ان تفادى الابجوره ليمسكها ويقوم بضربها بقوه حتى فقدت الوعي فتركها وخرج متجها لدوامه
وهو يهمس:ليه كذا ليه كذا
.................................................
بـــــــــــــــــقــــــــــ شـــــــــــادن لـــــــــــــم
|
03-11-12, 12:17 AM
جديد مواضيع قسم الارشيف
العرض العادي
