كاتب الموضوع :
دهــن الــعــود
المنتدى :
الارشيف
السلام عليكم
رجعت اليوم الفجر من السفر بسبب ظروف صارت لي بس قلت لازم انزل البارت اليوم وافاجأهم
بالنسبه للخوات اللي يسألون عن حمل شاهه اقولهم ارجعوا للبارت الواحد والثلاثين صفحه 85
واحب ارحب بكل القراء الجدد
اتمنى لكم قراءة ممتعه
البارت الرابع والثلاثون
.....................................
وسعد وهو يضغط الاتصال السريع:ماهوب معلمه الا انا
الجده بزعل:لطام خلني اعلمه
شاهه بضحكه:خلاص صوتو له وعلموه مع بعض
ابوسعد بفرح:يالله حي ابوسعد
لطام بصوته الجامد:هلا يبه الله يحيك
ابوسعد:وينك فيه
لطام:في المجلس توني جاي
ابوسعد:اجل تعال للبيت
لطام باستغراب:ليه يبه
ابوسعد:تعال واعلمك
لطام:ابشر يالله جايك
ابوسعد:مع السلامه
وقفت هي لتختبئ عن انظاره
لكن اوقفها جدها الذي قال بحزم:وينش رايحه
شاهه بارتباك:شوي وباتي
ابوسعد بهي:لا اقعدي
شاهه بضيق:بجيب رقعي وبجي
ثم تركتهم قبل ان تسمع اكثر
ماان خرجت حتى طرق الباب ثم تلته نحنحه:ياولد
ابوسعد بفرح:حياك حياك
دخل ليقبل رأسيهما ثم يجلس بجانب جدته:شلونش ياروحي
ام سعد بعتب:لو اني روحك كان ماهملتني
لطام وهو يقبل يدها اهمل روحي ولااهملش فديتش
ابوسعد بابتسامه اشرق بها وجهه:قبل مهملها وانت ماعندك شي لاعلمتك باللي عندي بتهملنا كلنا
لطام وقد ابتسم بوهن لازمه منذ فتره:ايه حرشها علي انا مااهمل ام سعد
ام سعد وهي تمسك بيده بقوه من فرط سعادتها التي ماعادت قادره على احتمالها:الا هملني ولاعليك مني ولامن احد
لم ينتبه لكلامها ولم يسمع منه شيئاً وهو يرى من اتت تتهادى بخطواتها المتردده
شاهه بهدوء:سلام عليكم
الجميع:وعليكم السلام
ابوسعد وهو يشير بجانبه:تعالي تعالي وانا ابيش
جلست بجانبه وهي ترى غير عينيه التي نظرت لها حين دخلت
ابوسعد وهو ينظر للطام بفرحه:وش بشارتي ياابوسعد
لطام بهدوء:روحي فدا مهيب بشاره
ابوسعد وهو ينظر لها بخجلها الذي اخفض ناظريها:بيجي سعد يابو سعد
التفت لها بعنف ليقف غاضباً:وش هو
ابوسعد باستغراب:اللي سمعته ليه وش فيك ضايق؟
لطام وهو يتجه لها غاضب احمر العينين مكفهر الوجه:ليه ليه سويتي كذا
همست له وهي تقف امامه بخجل فظيع من سؤاله الغريب:لطام جدي وجدتي قاعدين
زفر حيث تمالك اعصابه قليلاً:يبه انا ابي اكلم شاهه لحالنا
الجد بحيره غاضبه:لا وعلمونا وش فيكم
لطام بضيق:يبه ابي اتفاهم معها
ابوسعد بخبث:الظاهر انك سجيت انك طلقتها
انتفخ وجهه اكثر غضباً
ام سعد باستغراب:يامك العلم ويش هو
لطام وهو يزفر بقوه:العلم ان اللي في بطنها يمكن يذبحها ومهوب اكيد يعيش
ابوسعد بلقلق:وشلون يذبحها
لطام وهو ينظر لها بعصبيه:الدكتور قايل انها لازم ماتحمل ذالحين مهوب زين عليها ولا على البزر
شاهه التي لتوها يتبين غضبها الذي لاحدود له بسبب كشف اسرارهم اولاً ثم نفوره من تلك النطفه التي لطالما تمنت ان تتكون في احشائها مزيجاً منها ومنه:وش تبيني اسوي هذا اللي الله كتبه
لطام وهو ينظر لها وهو يرفع احد حاجبيه كعادته عند غضبه:تسوين انش تنزلينه
شهقت بقوه وقد رفرفت الدموع في عينيها لتهمس وهي تنظر له بانكسار:انزل ولدي
لطام وهو يشيح بوجهه عن عينيها التي لازالت تكسره وتثنيه عن مايريد ليقول بحزم:ايه تنزلينه
ام سعد وقد بكت:يويلي يامك تذبح لها روح مالها ولاعليها خاف ربك
ابوسعد بغضب:انت جاري في عقلك شي تبيها تذبح جنينها انت خبل ولاصاحي
لطام وهو يخاطب نفسه:والله اني اشفق منكم عليه بس هي اغلى يروح هو ولاتروح هي
ثم قال بصوت هادئ:يبه حياة البزر يعني موتها
شاهه بعصبيه وانفعال:وحياته ابدي من حياتي ثم همست لكي لايسمعاها الجدان:ولا القلب اللي ابغض امه ابغضه
لطام بنفس درجة الصوت:مابيه ياتي ويشوف بغض امه لابيه
الجد بأمر:اسمعني انت وياها ذا البزر في بطنها الين يكتب لها ربي وتربي ان شاء الله
ام سعد وهي تتجه للطام الواقف لتجره بيده فينحني عليها:ماودك ترد اميته
لطام وهو يقبل رأسها:امه وابيه مثل الضو والحطب
سمعته اقسم اني سمعت كلمته فالنار في صدري انا من فراقه الا يشعر بلهيبها الذي سيخرج ليحرق من حوله
ابتعدت متجهه للداخل
ام سعد بعتي:يامك ذالحين قد بينكم نفس راعوها وخلو منكم العناد
لطام وهو يقول :اسمحي لي يمه قدني بروح تأخرت على العوال
ثم خرج بسرعه
ابوسعد بتعب:ذاالصبي لعب في عمره وبيلعب في ولده الجاي
ام سعد ببكاء وهي تجلس بجانبه:وهي لعبت في عمرها وفيه وفي ذا الضعيف
الجد وهو يطرق بعصاه على الارضيه:مهوب مصلحهم عقب الله الا انا
........................................................
في سيارة تحمل ام شاهه وحصه وعليا وضيدان الصغير
ام شاهه بتوتر:حصوص اربش ماسجيتي من شي
حصه بهدوء:لا ان شاء الله
رن هاتفها لترفعه وتنظر للشاشه بعينيها الواسعتين المختبأه تحت غطاء ليس بشفاف
ارتبكت من اتصاله فمنذ فتره وهو يوترها ضغطت على العلامه الخضراء:الو
الطرف الاخر بنبره هادئه:هلا صباحش الخير
ام شاهه وقد بدت عليها الرعشه:صباح النور
الطرف الاخر:قلت ادق اصبح دامني ماشفتش اليوم الصبح
ام شاهه بتوتر:اممممم ايه
الطرف الاخر المستمتع:هههههههههههههههههههه عندش احد
ام شاهه وقد ابتسمت لاشعورياً:ايه البنات معي متوجهين للفندق تامر شي
الطرف الاخر:سلامتش ياروحي
اشتعلت خجلاً لتقول:يالله مع السلامه
الطرف الاخر باستعجال:ههههههه لحظه لحظه لاتصكين
ام شاهه بصوت هامس:ناصر البنات عندي
ابوضيدان:وش اسوي ماعاد بي صبر
ام شاهه وقد رفرف قلبها بخفه دون ارادتها:المدى قريب
ابوضيدان بنبره خافته:ليه بتاتيني ذالحين
ام شاهه بابتسامه:مابه شي قبل الليل
ابوضيان بصوت عالي:وش عاد يصبر ناصر
ام شاهه وهي تخبئ ضحكتها:ابوضيدان يالله مع السلامه
ابوضيدان:افا بتخليني
ام شاهه بخبث جميل:وان خليتك قلبي مهوب معي
ابوضيدان بفرح ورضا:صكي صكي قبل اجيكم
ام شاهه بفرح:مع السلامه
ابوضيدان:في حفظه انتي واللي معش
اغلقت الهاتف لتنظر لبانتها فتجد ثلاثه اجواز من العيون مركزه عليها
ام شاهه بارتباك:شفيكم ابيكم ينشد من ضيدان
ثم سحبت ضيدان الذي في حضن عليا
عليا بخبث ضاحك:اييييييييه ينشد من ضيدان
حصه وقد تخلصت قليلاً من توترها:ان خليتك قلبي مهوب معي
عليا بضحكه:لا وينشد من ضيدان
ام شاهه وهي تفح بابها بخجل شديد:يالله انزلن وصلنا وخلن منكن من البربسه
نزلن وهن يضحكن
وقفت هي لبضع ثواني لتقول في نفسها وهي تبتسم بصدق:معقوله معقوله حنيت لناصر وليه مااحن له وهو مرويني زين الدنيا بس .......
ضيدان وهو يشد عباءتها:ماما يالله نروح
امسكت بيده الصغيره:يالله يبه
ثم دخلت لاتفكر بغيره الى ان بدأت المزينه بعملها مع حصه
..................................
في طرف آخر كان في سيارته ويفكر بما حدث
لطام:معقوله بيجي لي قطعه منها انا ابيه وهي امه
ثم ضحك وهو يتخيل ذلك الصغير وهو يشبهها
ثم تعالت ضحكاته اكثر واكثر حتي بدأ يقهقه بقوه شديده
ضحك مطولاً لفتره ليست بقصيره
ثم عاد لرشده ليتخيل حياته مع ذاك الصغير وكم سيفعل ويفعل من اجله
التقط هاتفه ليتصل بوالدته
اتاه صوتها المحبوب الخافت:الو
لطام بفرح:هلا بام لطام
ابتسمت وهي تسمع صوته المميز الله يخليك لام لطام
لطام:ابشرش يمه
ام لطام بترقب:خير وانا امك
لطام بفرح اكثر:بتصيرين جده
ام لطام ومباشره دون اي مقدمات:كللللللللللللللللللللللووووووووووششششش
لطام:ههههههههههههه تراه مابعد جا
ام لطام وهي تنزف دموع الفرح:ماجا وعاد لنا عيون
لطام:يوم دريت قلت والله ماعلم احد قبلش
ام لطام بفرح شديد:هذا اليوم المبارك ياسعد عيني اليوم سعداه
لطام بحب:جعله دايم قولي لي عروسنا وشلونها
ام لطام وهي تنظر لثمينه المرتبكه:عروسنا الزين كله
لطام:اجل يالله اخليش يمه ببشر ابي
ام لطام:علمه جعله مايجيني علمك ماتشوف شر فديتك
اغلق الهاتف ليتصل بوالده
وبعد ثواني اجاب والده بصوته الضخم:الووو
لطام:هلا يبه وينك فيه
ابولطام:انا في الحلاق وش عندك
لطام بابتسامه:عندي ان ولي العهد بيشرف قريب
ابولطام وهو يدفع الحلاق ويقف بفرح تجلت على محياه:كفو كفو يابوسعد جعله مبارك
لطام:الله يبارك فيك
ابولطام وهو يخاطب الحلاق:اسمع اليوم كلو نفر حلق انا حساب
ضحك لطام لفرحة والده المبالغه:هههههههه قد ذا شيخ
ابولطام بفرح:قده اشيخ منك
لطام:اووووه بعتني وهو مابعد جا
ابولطام بضحكه:هههههههه اي بالله بعتك ولاعاد تشوفك عيني بعد
لطام:وش عاد يضمنا
ابولطام:قل انا في وجه سعيد وادخلك البيت الليله
لطام:انا في وجه سعيد مية مره
ابولطام:ايه ذالحين تدخل ....... ثم ضحك الاثنان
لطام وهو يستاذن:يالله مع السلامه
ابولطام:الله يسلمك
ثم انتهت المكالمه
ليعود لطام لعالمه الجميل
...................................................
في الفندق
ام شاهه بنرفزه:حصه اسكتي كل ماسوت المكياج خربتيه
حصه وهي تمسح دموعها بحذر:ان شاء الله
ثم اردفت وهي تنظر للمزينه:يالله عيدي
جواهر وهي تقف بجانب ام شاهه:يمه
ام شاهه وهي تنظر لحصه:لبيه
جواهر وهي تقترب لعمتها لتهمس لها:يمه بشويش عليها
ام شاهه وهي تهمس:يامش جننتني وجننت المره
جواهر:يمه مرتبكه ومتوتره
ام شاهه:ادري وانا امحق منها بس لاقعدت كذا المره ماهيب مظبطه مكياجها الصالونه
اتت عليا وهي تحمل تلفون والدتها:يمه تلفونش يدق
ام شاهه بضيق:من هو
عليا وهي حرك حواجبها بخبث:ابي
ام شاهه وهي تاخذ الجهاز وتبتعد عنهم
ام شاهه بضيق:الوو
ابوضيدان بروقان:حي ذا الصوت
ام شاهه بخجل غلب الضيق:هلا ناصر
ابوضيدان باستنكار:وضحه شفيش
ام شاهه:آآه بنتك ذبحتني من اليوم وهي تبكي
ابوضيدان بحزم:وش فيها وش مضايقها
ام شاهه:متوتره ومعصبه وكل شي
ابو ضيدان بأمر:عطيني اياها
ام شاهه بفرح لهذا التطور:ان شاء الله
ثم اتجهت لصغيرتها القلقه للغايه
ام شاهه وهي تمد التلفون لحصه:حصوص ابيش يبيش
حصه بفزع:ابي ليه وش فيه
ام شاهه:اسم الله عليش مافيه شي كلميه بس
اخذت الجهاز لتكلمه
حصه بهمس قلق:الو
ابوضيدان بوقاره:يالله حي بنت ناصر
حصه بترقب:الله يحيك
ابوضيدان بحب وكأنه لاول مره يكلمها لكنه آلمه خوفها منه:هاوش فيش تبكين
حصه وقد عادت للبكاء:مافيني شي
ابوضيدان بحزم رقيق:ليه ليه تبكين اسكتي وخليني افهم
وبعد ان هدأت قليلاً:هلا
ابوضيدان بحب بان في صوته:ابيع روحي لش وانا ابيش ان كان في خلطرش شي علميني
عادت لبكاء عنيف حين سمعت كلماته التي صعقتها
ام شاهه وهي تأخذ الجهاز:ناصر وش قلت لها
ابوضيدان بضيق:انتو اي فندق
ام شاهه باستغراب:ليه
ابوضيدان:بجيكم
ام شاهه:حنا فندق(........)
ابوضيدان:ربع ساعه وانا عندكم
ام شاهه:حياك الله
ثم انهت المكالمه لتنظر لتلك الباكيه
جواهر وهي تضم حصه:يمه شفيها
ام شاهه وهي تجلس وتسحب حصه لاحضانها:مافيها الا الدلع
عليا وهي تقترب منهم:وش فيكم
جواهر:مدري كلمت ابيش وقعدت تبكي
عليا بجزع:حصه ابي فيه شي
ام شاهه:يابنت الحلال ابيش مافيه شي بس اختش الله يهديها مدري شفيها اليوم
وبعد مرور ربع ساعه كان تلفون ام شاهه يرن
ام شاهه وهي تضغط الزر الاخضر:الو
ابوضيدان:افتحوا الباب انا عنده
ام شاهه وهي تتجه للباب:ان شاء الله
فتحت الباب وهي تلف غطاءها على رأسها فقط
ابوضيدان وهو يرفع رأسه:سلام علـــــــــ
صمت وهو ينظر لوجهها القمري فكعادته ينخرس حين يراها فجأه:سلام عليكم
ام شاهه:وعليكم السلام
تقدم للداخل ليرى باستقباله عليا التي قبلته:وش عندك يبه مشرفنا
ضحك فهاهي صغيرتي المازحه على الدوم:ههههههه جيت اشوف خشتش .... جاي اشوف اختش
تصنمت في مكانها:ايعقل ان هذا المازح والدي الجامد على الدوم رباه ان كنت احلم لاتوقظني
ام شاهه وهي تلكز عليا:وش فيش
عليا وهي تبتسم بخفه:وش سويتي في ابي
فجعت ام شاهه من كلامها لتضربها على كتفها:انتي مانتيب صاحيه
عليا:هههههههههههههههههههههه
ثم توجهت لداخل الغرفه الخاصه بشقيقتها
دخلت للغرفه لتجد والدها يضم تلك التي ستفارقهم ابوضيدان:افا افا وانا ابيش وش يبكيش
حصه ببكاء شديد:يبه تدري اني احبك
شدها اكثر لحضنه:وانا احبش بس ان قعدتي كذا فطرت راسش
ضحكت وهي في حضنها
عليا وهي تقترب وتلصق نفسها بوالدها:اجل انا بعد احبك
ضحكو جميعهم
ضمها له مع اختها ليقول بصدق:والله انكن اغلى ماعندي انتن وامكن
هربت للخارج خجله من اعترافه ولاتريد احد يشهد رعشتها من كلامه
وبعد ان هدأت حصه وبعد ان مر الوقت
ابوضيدان وهو ينظر لحصه:ها طاب خاطرش يالعوبه جبتيني مسرع
حصه وهي تقبل لكتفه:جعلني ماابكيك
عليا بجديه:يبه تكفى لاترجع مثل قبل
ابوضيدان بابتسامه:واحد يعيف الجنه
عليا:لو حنا دارين كان جوزناك امي من زمان
تعالت ضحكاتهم
لتدخل هي بفرحه عارمه:دامكم مستانسين بزيد الفرح فرح شاهه حامل
صرخت عليا بقوه فرحاً بذلك القادم
ابوضيدان بفرح كبير:جعله مبارك جعله مبارك
حصه وهي تلتقط الهاتف من يد والدتها بسرعه لتخرج بسرعه اكبر
عليا وهي تلحق بها:حصه امانه ماتكلمينها قبلي
فخلا المكان عليهما
اتجه لها وهو يحمل نظرة الخبث في عينيه:وش اسوي بش ذالحين
ام شاهه بابتسامه جانبيه:اللي ودك
ابوضيدان وهو يضمها له:اجل قلبش عندي
ام شاهه وهي تدفن وجهها في عنقه:امممممم
ابتعد بقوه حين رأى ضيدان الذي لتوه يستيقظ:ان خلصنا من بناتش ماخلصنا من ذا النتفه
ام شاهه وهي تحمله وتقبله:ههههههههههه قلت لك مابه شي قبل الليل
ابوضيدان وهو يحمل هواتفه ويتجه للباب:يالله مع السلامه
تبعته:ماتشوف شر
ودع صغيراته اللاتي لتوه يرى جمال التواصل معهن
.......................................
في منزل ابوسعد
كانت تجلس امام المزينه التي تجهز الادوات
طرق الباب
شاهه بصوتها الناعم:ادخل
دخلت الخادمه:ماما ماما كبير يقول غدا
شاهه:اوكي خلاص
استأذنت من المزينه ونزلت لتجد جديها جالسين ينتظرونها
شاهه ولازالت واقفه:يمه يبه تغدو انا مابيه
ام سعد بحزم:تعالي تغدي اخلصي علي تذبحين ولدي في بطنش
شعرت بفرح لتلك الكلمات
ابوسعد:تعالي جنبي انا اللي بغديش
شاهه وهي تجلس امامهم على الارض:هههههههههه ليه بزر
ام سعد بعتب:البزر اشوا منش المفروض انش تحرصين على عمرش عشان ذاالروح
شاهه وهي تمد يدها معهم:ابشري
ثم بدأوا بالاكل
بعد ام انتهول من الغداء
شاهه وهي تبعد يدها عن الاكل بتعب:الحمدلله
نظررت لجديها اللذان ينظران لها
شاهه بخجل:ادري ماعاد خليت لكم شي
الجده وهي تعطيها الكأس المملوء باللبن:اسعد ماعندنا يوم نشوفش تاكلين كذا
شاهه بحياء:مدري شفيني عييت اشبع
ابوسعد بفرح:ابرك اكلي واملي بطنش وان بغيتي قلنا للخادمه تجيب لش بعد
شاهه وقد احمر وجهها:هههه لايبه الحمدلله خلصت
كانت تكذب فلازال الجوع يحتل معدتها
وقفت بتعب:يالله انا بروح للمره فوق تبون شي
الجد والجده:سلامتش
ثم ذهبت للاعلى لتبدأ بزينتها
الجد باستغراب:هي شعندها ماراحت مع خواتها
الجده:قالته لها امها بس الله يهديها تقول لارحت من يقعد عند جداني
الجد وهو يقف:يابنت الحلال ان كان حنا بخيتين قعدو لنا شاهه ولطام ولا غيرهم كلن في عمره
الجد وهي تقف معه:عز الله انك صادق
.........................................
في الفندق
دلال التي لتوها تدخل:سلااام عليكم
ام شاهه وهي تضمها:هلا ومرحبا فديتش
دلال بحماس:شلونكم وشخباركم
ام شاهه وهي تنظر خلف دلال:طيبين اختش وينها
دلال وهي تنزع غطاءها:يعني وينها عند سي السيد عيا يخليها تروح معي
ام شاهه وهي تبتسم:جعلني قبله من عمره مايدانيها تروح مع احد
دلال وهي تغمز لعمتها:حب طفوله
ثم اردفت بخبث:وانتي وش مسويه مع حب طفولتش
ام شاهه وهي تتجه للجناح بخجل:جعل عدوش الطرم انتي وعليا
دلال:هههههههههههههههههه
عليا التي توجهت للسلام على دلال:هلااااا ومرحبا بنصفي الثاني
دلال وهي تضمها:هلا فيش يالقاطعه
عليا:ههههههه ياختي انتي اللي قطعتي عقب اخر مره كلمتش فيها
دلال وهي تذكر مافعلنه بثمينه:هههههههههههههههه اما بنت عمش ذي مصخره
عليا:ههههههههههه اسكتي عقبها ماعاد تحاكيني
دلال وهي تغمز لها:اجل اللي سويناه شوي
عليا:وانتي عقب مااعرستي خرب تفكيرش
دلال وقد تأقلمت مع الوضع:ودي بس اشوف وجهها يوم جاها البوكس
عليا:تخيلي يوم رحت لهم عينتها تبكي وخالتي ام لطام تهديها وتقولها من اللي ضايقش وانا ارويش فيه
دلال:بروح اشوفها وينها
عليا وهي تشير لها على باب جانبي:افتحي الباب وتعينينها في وجهش
دلال:ماشاء الله قصراكم
ثم اردفت:بسلم على حصوص اول بعدين بروح اقعد عندها شوي
ثم اتجهتا للداخل
..........................
في الجناح المجاور
نوره وهي تنظر لمسكة الورد الخاصه بثمينه
عادت بذاكرتها لصباح اليوم
كانت تنزل من سلم منزلهم الخارجي مع والدها لتذهب للفندق
وقف والدها الذي يكلم عساف وبداح
بداح وهو يقبل جبين خاله:صبحك بالخير يبه
ابونهار:صبحه بالرضا والسرور
بداح ممازحاص خاله:لا قل صبحه بالوجه اللي يفتح نفسه مهوب ذا اللي جنبي كنه ابو الهول
ابونهار:ههههههههههه شد حيلك
عساف وهو يلكز كتف بداح:اجل انا ابو الهول ياخال السبيت
ضحك الجميع
بداح:افا تعيرني قدام العرب
ابونهار:انا عرب ياالسلوقي
بداح وهو يقبل جبين خاله:الله يمحق على عساف هذا اللي هو بيجيبه لي على ذا الصبح
ابونهار وهو يستأذنهم ويمازحهم:وخرو من دربي قبل تحثلونها
ابتعد الاثنان ليمر ابونهار
لكن ذهب عساف مسرعاً للداخل ليحضر هاتفه
مر ابونهار وبعده نوره التي كانت بعيده عنهم خجلاً من بداح
لكن ماان مرت من امامه حتى قال لها وهو يخفض نظرها:غطي عيونش قبل اغطي نظرش
.....................................
بـــــــــقــــــــــــ شـــــــــــادن لــــــــــم
|
28-06-11, 09:33 PM
جديد مواضيع قسم الارشيف
العرض العادي
