كاتب الموضوع :
مايا مختار
المنتدى :
روايات عبير الاحلام المكتمله
مرررررحبا
شوفوا بقه انا قاعده على الصامت بقالى فتره و عماله اتابع لما اشوف اخرتها ايه
و مش عايزه اتدخل عشان متخافوش من وجهى الثانى الى هو بيخوف جدااا و قد اعذر من انذر
انما خلاص سكت كثير و لازم اتدخل .. مايا .................
انت عارفه ان الكتابه زى الماء و الهواء بالنسبه لك .. و احنا مش هيسمح لك تنتحرى اكيد صح ؟ يبقى على راى اخونا اللمبى .. تطلعى فوق تنزلى تحت تتشقلبى فى الجو هتكتبى و تكتبى و مفيش فترات توقف و لا غيره احسن اجيلك و انت مش بعيد على اوك << فيس التهديد القاسى
الى انت بتشتكى منه بيحصل فى كل زمان و مكان و لا يخفى على احد انما يا حلوه القراء مش هبل و لا سذج بالعكس ناس واعيين و فاهمين لكل كلمه و مشهد و عارفين مين بيطلع ايه و ازاى بيعبر
و فيه علامات كثير بتحفظ الحقوق مع صعوبتها هنا فى هذا المجال المفتوح زى مثلا اسبقة العرض و ده واضح زى الشمس .. و فيه يا ستى العلامه الشخصيه التى هى زى بصمة الاصابع و لا يمكن تقليدها مهما حاول لانها من سمات صاحبها و مش ممكن تليق على اى انسان اخر
زمان كنت انا و اصحابى بنلعب لعبه .. كنا بنختار مشاهد من قصص لمؤلفين كبار و نخفى اسم المؤلف و نعمل مسابقه مين يعرف اسم صاحب المشهد من اسلوبه حتى مع تشابه المشاهد انما روح صاحبها بتنطبع عليها
انت متحسيش بده لانك انت الى بتخلقيه انما المتلقى بتنطبع جواه الجمله بطريقة و احساس صاحبها و لما بيلقيها فى مكان ثانى بيحس ان فيه شىء غلط و جرس الانذار بيرن ان هنا شىء مش فى مكانه
يا ريت اقدر اوصل لك وجة نظرى
فيه كلمه ثانيه واقفه فى زورى و لازم تطلع .. بالنسبه للى بيقول انك بتكتبى كلام ثقيل و مجهد و الكلام ده انا بقول ان الروايات الخفيفه ماليه النت و لكن المكانه الى وصلتى لها بتحملك عبء خطير و هو انك تقدمى فن راقى يحسب لك بعد مائه سنه و تفخرى بنسبته لك .. دا غير ان عليكى عبء اخر و هو الرقى و السمو بالذوق العام و محدش يفهم كلامى غلط رجاءا انا مقصدى ان الفنان الحق هو من يجعل قارئه مستنير و مثقف و واعى مش مجرد حدوته و اخرها البطل فاز بالبطله و توته توته فرغت الحدوته لا لازم نفكر و نحلل و نتذوق جمال العبارات و هنا المتعه
انا ارفض مقولة ان الجمهور عايز كده الى كانوا بيعلقوا عليها فشلهم فى خلق فن راقى فى اى مجال
بس خلاص قلت الى انا عوزاه لكن لو مطلعتيش الموضوع ده من دماغك و مشيتى فى طريقك هيكون لى تصرف ثانى .... و زى ما قلت لك انت مش بعيد .. هجيلك و ادور فى البلد شارع شارع .. بيت بيت .. زنقه زنقه .. فرد فرد .. و هلاقيكى 
يلا ابعتى الفصل انا منتظراه على نار و هخلص غيظى منك من كاى و انت الى جنيتى عليه النهارده هه بس
باااااااااااااااى
|
19-04-11, 04:07 AM
جديد مواضيع قسم روايات عبير الاحلام المكتمله
العرض العادي
