رونق
من سمعت بخبر براءة مطلق و دمعتي ما وقفت ,, شي بداخلي فرحان لمطلق و شي ثاني فرحان اني كنت السبب بهالبراءه !!
لكن مع ذلك حسيت بالغيره كثيييير لما قال لي خالد انه كم واحد من رجال صبره أهدى عليه بنته !!
سمعت الباب ينفتح ,, التفت و شفت مطلق بوجه ثاااااني غير اللي أعرفه !!
راحت ذيك النظره الحزينه و ما أشوف قدامي الا ابتسامه و فرحه ..
أقبلت و وقفت قدامه ,, رفعت نفسي على أطراف أصابعي و حبيت جبهته و أنا أردد : الحمدلله على برائتك !
رد مطلق و هو يمسح على راسي : الحمد لله الحمد لله ..
ابتسمت و رديت بطريقه طفوليه مضحكه : مطلق أنا قووووه فرحه !!
ضحك مطلق على تعبيري و لثم راسي : الله يديمها علينااا يا رب .
مع زيادة صوت ضحكته رديت : بسسسسسس ..
عقد حواجبه مستغرب لكني تابعت : ابو مطلق نيم ..
التفت للباب و معه التفاتته انفجرت أضحك و رديت : موب ابوك ..
رجع ناظرن و رد : أجل من هو غيره ابو مطلق !
رديت بضحكه و أنا أأشر على فراشي : وليدي ساااري ..
مد مطلق ايده و حطه على كتفي ثم رد و هو ماشي لساري : تدرين وش ودي !!
ابتسمت و رديت بعد ما حطيت عيني بعينه : وشو ؟
رد مطلق : ودي أنااااام شهر !
ــــــــــــــــــــــــــــــــــــــــــــــــــــ
بعد شهر ..
.
.
.
رونق..
الظهر ..
من مشى خالد أمس للقصيم و أنا منغثه ,, أدري اني مستحيل ابقدر أروح للقصيم غير ان عرس ندى ما يبطي ..
.
طلعت من المطبخ بعد ما قضيت مسبعة مواعين الغداء و شفت مطلق بوجهي ,, رسمت ابتسامه على وجهي مع انه فيه شي من الضيق بصدري و كملت مشيي متجهه للمجلس .
حسيت بإيده تخترق ايدي و رديت : آآآي ..
سحبن مطلق لين وقفن قباله ثم رد : وراه خاطرتس متكدر !
ابتسمت و رديت : مابي شي .
رد و قال : وين تبين ؟
رفعت كتوفي و نزلتهن ثم رديت و عيوني على المجلس : ابروح اظف المجلس .
ابتسم و رد و ايده تأشر على المجلس : بتلقين اللي يسرتس هناك ..
عقدت حواجبي مستغربه ثم رديت باستفسار : وشو ؟
رفع كتوفه و نزلهن علامة مدري و بطريقته هذي كان يتطنز بي ..
جريت خطواتي المرتبكه و مشيت رايحه للمجلس ..
بمجرد دخولي انقبض قلبي !!
ثلاثتهم قدامي ,, محمد و عبدالرحمن و خالد !!
درت عيوني عليهم أدوّر الخبر ,, أسماء لا لا يمكن هدى أو حتى يمكن ......
شفت محمد قام واقف ثم اقبل علي ,, رجعت بخطواتي على ورى لما فتح ايده لي و رددت بصوت خافت : وش بكم أحد به شي ,, أسماء به شــ....
قاطعن محمد : كلنا بخير و الله و أسماء ما عنده خلاف .
من سمعت كلامه تطمنت ,, شفت ايده الممدوده ,, صار لي فوق السنتين ما خميت ابوي ,, ولهت عليه و على ريحته و على همسه و على سواليفه ..
مشيت لمه و ضميته متناسيه أي جروح سببه لقلبي ,, من لامس راسي صدره أجهشت بصيااااااح ,, مر وقت و أنا اصيح و محمد يمسح على ظهري ,, كان الصمت مطبق على المجلس و ما ينسمع غير صياحي !!
حسيت اني فرغت جزء كبر الذره من شرهتي على محمد ,, عضيت على شفتي و قشعت نفسي من صدره ثم رديت بصوت مخنوق : وراكم ؟
جلس محمد و هو ماسك ايدي و جلست معه ثم بدأ يتكلم : ....
ــــــــــــــــــــــــــــــــــــــــــ
عبدالرحمن
كنت اشوف انفعاله مع السالفه و أنا متوقع هالشي ..
علا صوته و هي تنطق جملته : بعد سنتين اعترفت مي !! و وش الذمه اللي جته فجأه !
رد محمد و ايده على كتفه : مي حالته حاله !! تركي بعد اللي صار بدا ما يثق بأحد ..
تدخلت و رديت : رونق أدري بتشرهين علينا و من حقتس بس تدرين ان الشرف ميب هين ..
شفته بلعت ريقه ثم ردت بزعل : و الحين وش المطلوب من !
رد خالد : نبي السموحه يا رونق .
تابع محمد و ايده ضغطت على رونق : ترى ما أزعلنا الا غلاتس و الا لو انتي رخيصه كان ما اهتمينا .
شفت دموعه بدت تمشي على خدوده و التفتت لمحمد و قالت : يبه و الله انكم قهرتون ,, ضربتون و كل شي كل شي سويتوه موب ذنبي ان امي شاميه !!
كانت تكلم محمد بكلام ملخبط و بين كل كلمه و الثانيه تشهق ,, غير ان محمد مهوب معه ,, محمد من سمع كلمة يبه و دموعه تهل !!
كان كل ذاك الوقت خاص لمحمد و رونق ,, تشكي عليه ثم يضمه لصدره ,, تفرغ اللي به ثم ترجع تشكي و يرجع يضمه ,, باختصااار كانت حالتهم تصعب على الكافر !!
ــــــــــــــــــــــــــــــــــــــــــــــ
خالد
شفت ساعتي اللي تشير لخمس العصر ,, رجعت التفت لرونق اللي واقفه بالباب تودعنا و عيونه به كلاااام كثييير ,, كانت كل زيارتنا أربع ساعات و ما كانت كافيه لتفريغ كل العتب ,, حسيت بالسؤال من عيونه ,, أنا أعرف رونق و أدري به .
شفت محمد و عبدالرحمن طلعوا بعد ما ودعوه على أمل اللقاء به بعرس ندى ..
قبل لا أطلع سلمت عليه و همست له : ترانا ما علمنا تركي عن برائتس .
شفته عقدت حواجبه و ردت : ليش خايفين على مي ؟
رديت عليه : لا و الله بس تركي سمع الشريط باذنه ومستحيل بيصدق بالعكس لو بنقوله بيتهمتس انتي و مي لذلك كتمنا الأمر بين العائله .
و كملت : و بعدين تركي مطيـّـن عيشة مي بلا ما نقوله غير اننا ما نبيه يطين عيشتس انتي و مطلق ..
شفته تأشر براسه علامة الايه و أنا متأكد انه موب مقتنعه أبدأ بهالكلام !!
طلعت بعد ما أخذت وعد من ابو مطلق انهم يجون لعرس ندى بعد اسبوعين !!
ـــــــــــــــــــــــــــــــــــــ
مــــا بــعــد النهايه ....
بعد مرور أربع سنوااااات ...
خالد ..
شفت نفسي بالمرايه ثم طلعت من الغرفه ,, مشيت متجه للصاله و أول ما دخلت سمعت زغااااريد خواتي ,, ابتسمت و رديت و أنا حاط اصابعي باذاني باستهبال !!
حسيت بهدى تقبص ذراعي ,, ابعدت ايدي و مسحت عليه بسرعه ثم التفت على هدى و تكلمت : لا تشوهينن وراي عرس باتسر ..
ابتسمت هدى و ردت : يا رب ان سهى تعقلك ..
رديت باستهبال : خلقه انا عاقل .
ردت أسماء : حنا نزغرد لك و أنت ساد اذانك ..
ابتسمت بشررر و رديت : ايه ما ودي أسمع صوت غير صوت سهى ..
ضحكت رونق و ردت : يا بثرك يا شيييييخ !!
ضحكت و تربعت بين خواتي بوسط الصاله و علي بشتي : المهم زين البشت علي و الا أرجعه ..
ضحكت نهى و ردت : لا يهبل عليك بس افسخه لا يتوصخ ..
صبيت لي فنجال و رديت : مالتس دخل ما دفعتي به ريال ..
ردت رونق بسرعه : اللي يسمعك يقول دافع به ..
سويت نفسي معصب و رديت على رونق : ياخي درينا ان رجلتس اللي شاريه لي بتذليننا يعني !!
ضحكوا كل خواتي على تمثيلي للعصبيه لأني ما أجدت هالدور !! أقبلت أمجاد و بيده كاميرا ثم ردت : صفوا بجنب عمي خالد أبصوركم عشان أتذكر اني بهاليوم تخرجت ..
صفوا كلهم عن يميني و يساري خواتي و بزارينهن ما عدا مي اللي ما طاع تركي يجيبه ..
شفت ندى قامت و هي تقول : لا أنا مابي اصور اخاف يزعل فيصل ..
يا ربي و الله يا انا اكره الحريم لا صارن سامجااات !!
سحبته مع ايده و عصرت بين ايديني و انا أبتسم لموضي بنت رونق اللي جلسته بحجري ,, و أخذنا أحلى صوره تذكاريه !!
و هذا حنااااااااااا عيال موضي !!
هدى على حاله ..
أسماء عايشه مرتاحه هي و بناته و مقتنعين ان الله عطاهم 3 بنات لكن غيرهم ما عنده شي ..
مي عنده بنته رؤى 3 سنين و حامل ,, تركي أهون من أول لكنه ما زال عسر غير انه فيه شوي شك .
رونق عنده ساري 5 سنوات و موضي سنه و نص .
و علاقتهن مع بعض أحسن من اول بكثييير ,, ما اقول انهن رجعن مثل زمان لكن بينهن احترام و شي قليل من الود !!
نهى تزوجت صديق خالد و جابت منه ابراهيم سنتين .
ندى عنده يزن سنتين و حامل .
عزااام ,, رونق ما فضحته لأن اللي فيه كافيه ,, ربي فضحه بشي ثاني ,, عمره يمشي و هو لاهي بسفراته و سهراته غير القضيه الأخيره اللي فضحته " قضية مخدرات "انسجن فتره ثم طلع و رجع يلهي بدنياه .... كل هذا و هو موب مرتاح بحياته ,, فاقد قلبه و عقله و كل شي مع نهى !!
نرجع لديرة صـــــــــــــبـــــــــــره !!
رونق ما زالت عايشه بصبره لكنه تزور أهله بمعدل زياره وحده بالسنه و هذا شي غريب جدا على أهل صبره !!
نوره جابت ساري 4 سنين فاهد سنتين .
نفله جابت اخو لنايف سموه ساري و عمره 3 سنين و نص .
وضحى عنده بنت نوفه عمره 3 سنين .
و ساره بعد تعب و علااااج جابت خالد عمره شهرين .
.
.
و مها تذكرونه بعد اربع سنين و نص من زواجه جت تزور أهله و هي تشيل بين ايدينه بناته المها و الجازي .
النهااااااااااااااايه ..
" شكرا "
أقولها لكل من قرأ روايتي ,,
سواء نقدها أو مرّ عليها من دون أن يعطرها ..
" شكرا "
أهمس بها لكل قراء ليلاس ..
دمتم بود ..
" نبــ القصيم ــض "
07-12-10, 11:42 PM
جديد مواضيع قسم القصص المكتملة (بدون ردود)
العرض العادي
