كاتب الموضوع :
دروب المحبه 2010
المنتدى :
القصص المكتمله من وحي قلم الاعضاء
البارت الخامس عشر
في بيت فرح
فيصل_ فروحه حبيبيتي حرام عليك اللي تسويه في نفسك وفي فهودي
فرح _ فيصل الله يخليك قلت لك وديه عند امي ماابغى اشوفه
فيصل _ فرح يافرح هذا ولدك مايصير كذا والله انتي كذا تعذبي نفسك وتعذبيني وتعذبيه
فرح _ صارت تبكي فيصل الله يخليك وديه انا ماابغى اتعلق فيه وهو يتعلق فيا وكلها كم يوم واسيبه وصارت تشهق من البكى
فيصل _ نزلت دموعه فرح لاتقولي كذا انتي راح تعيشي انا وفهودي مانستغنى عنك
فرح _ فيصل انا ماابغى اعذبكم معايا وديه الله يخليك انا مو ناقصة يافيصل
فيصل _ يافرح هذا ولدك
فرح _ ادري انه ولدي والله ادري انت تحسب انه هاين علي بس انا ماابغاه يتعلق فيني وبعدين وبعدين قامت تبكي بصوت عالي جدا ووووبعدين يتربى عند مرت ابو
فيصل حط يدوا على فم فرح _ اشششششششششششش لاتقولي هالكلام محد بيربي فهودي غيرك يافرح فاهمه انتي راح تعيشي راااااااااااح تعيشي
&&&&&&&&&&&&&&&&&&&&&&&
في بيت اسيل
ام اسيل_ يابنتي اهجدي
اسيل _ وااااااااااااي ياماما بسام بكرة جاي مو مصدقة وجالسة تنط على الكنبة
ام اسيل _ ههههههههههه خلاص والله ماصارت اكثر من عشرين مره قايله هالكلام
اسيل _ ماما فرحانه اذا مااعبر عن فرحي عندك اقول لمين هاااااااااا
في دخلت ابو اسيل البيت
ابو اسيل _ قولي لابوكي ياروح ابوكي انتي
اسيل _ مرحبا بابا نور البيت تعال تعال افرح معانا
ابو اسيل _ خير خير
اسيل _ بابا بسام بكره جاااااااااااااي
ابو اسيل _ ماشاء الله صدق
اسيل _ ايه صدق صدق وطلعت الدرج وهيا تغني ومبسوطة مره
ام اسيل_ يازينها اسيل اول مرة اشوفها فرحانه هالكثر
ابو اسيل _ ايه والله الله يديمها عليها
&&&&&&&&&&&&&&&&&&
في بيت اهل دنيا
كانت حاله خالد ماتسر لاعدو ولاصديق كان كل يوم يسهر للفجر مع اصحابه ويسكر ويشرب مخدرات على باله انه راح ينسى شهد يعني بالصريح ضاع مع شلة فاسده جدااااا
رهف بدت تتخطى مرحلة الحزن شوية لكن هذا لايخلوا من انها كل شوية تتذكر شهد رفيقت عمرها
هيام _ كانت حزينة على فراق اعز الناس على قلبها لكن رضت بالامر الواقع وسلمت امرها لربها ويمكن مخفف عليها وجود دنيا بجنبها ومعاملة خالها ومرت خالها والعيال كلهم لها
&&&&&&&&&&&&&&&&&
في بيت دنيا
في الصالة الساعة 2 الظهر
دنيا كانت جالسة وتكلم غرام بالتلفون
دنيا _ هههههههههههههه ايوا وايش سوى كمان
غرام _ جلست تحكيها عنها هيا وبندر ومواقفهم
دنيا _ والله انتم غلبتوا روميو وجوليت
غرام _ احم احم بسسسسسس
دنيا _ اقول غرومة ترى اليوم يوم عيد تعارفنا
غرام _ اممممممم ادري كل عام ونحن مع بعضنا يابيومي
دنيا _ احترمي نفسك انا دحين حرم عمار
غرام _ عشتوا ياحرم البش مهندس
دنيا _ طيب ايش سويتوا حجزتوا
غرام _ افاا عليك انا شيكت على بسيوني امس وحجزت
دنيا _ تمام طيب خلاص اليوم نتقابل ان شاء الله
غرام _ اكييييييييد ان شاء الله
دنيا _ اقول غرغر يلا روحي طسي عني قدري لاينحرق بس
غرام _ حركات احنا اللي صرنا نطبخ
دنيا _ ايوا ياختي انا دحين ست بيت ليه زيك انتي وروميو مقضينها جوالات
غرام _ هههههههه محد يحكيك شي على طول تمسكي عليه يلا قومي جهزي الغدا لس سيد
قامت دنيا وشافت القدر كان باقي شويه وتستوي اللحمه وجات جلست في الصالة وفتحت الاب توب تشيك على البريد
فتحت دنيا البريد ولقت رسالة من منال بعنوان قرب الاجل ياحرم عمار فتحت الرسالة وجات بتقرا
عمار _ دندونتي ليه ماصحيتيني
دنيا ارتبكت اول ماشافت عمار وسكت الاب توب _ قلت اخليك تنام شكلك تعبان
عمار _ امممم والله كنت مرة تعبان ايش الريحة هذي
دنيا _ حزر فزر
عمار _ هههههه ذكرتيني برمضان ايام زمان
دنيا _ ههههههه
عمار _ لامن جد ايش الريحة
دنيا _ والله شفت زوجي المصون غارق في النوم قلت اقوم اطبخ شي ناكله
عمار_ اوووووووه لااليوم مين قدي دندونتي طابخة لي
دنيا _ هههههه بس ترى أي حالة تسمم انا مو مسوؤلة
عمار _ ياشيخة لعيونك لو حالة وفاه عادي
دنيا في نفسها بسم الله عليك عساني انا مو انت _ يلا طيب انا بروح اجهز الغدا
دخلت المطبخ وعمار وراها وراح فتح القدر ويطالع _ يممممممممممم الاكل شكله يشهي مره
دنيا _ جلست تجهز الصحون
عمار _ خدمة شي يامدام
دنيا _ لامشكور ماباقي غير السلطو اسويها
عمار _ عاد السلطة انا تخصص سلطات هاتي انا اسويها
دنيا _ هههههههههههههه بس لاتكون زي المرة اللي فاتت كبار
عمار _ يطالع بنظرة تكبر انتي ماتدري ان سلطة عمار هذا مطلوبة عالميااااا
دنيا _ اووووووه
عمار _ ايوا بس دحين اذوقك احلى سلطة في العالم الناس كلها يستمنوها
دنيا _ ههههههههههه اهم شي انهم يستمونها مو يتمنوها
&&&&&&&&&&&&&&&&&&
في بيت حنان
حنان _ فروحة مايصير لازم تجي
فرح _ ماابغى ياحنونه احس اني بموت مو هاين عليا اشوف البنات واضحك معاهم وانا كم يوم وبفقدكم كلكم
حنان _ فرحه اعوذ بالله من شرك ليش تقولي كذا
فرح _ هذا الصدق ياحنو ليش اهرب من الواقع
حنان _ لاهذا مو واقع وبعدين كل شي وله علاج
فرح _ الله يعين
حنان _ يلا بس تعالي معانا احنا كل سنة واحنا نحتفل مع بعض مو حلو هالسنة ماتجي
فرح _ يصير خير ان شاء الله
وقفلوا من بعض فرح كانت نفسيتها زي الزفت حتى عن فيصل صارت تتهرب منه وتبعد عنه وفهد ودته عند امها وماعاد تبغى تشوفه رغم ان قلبها بيتقطع على فراقه
&&&&&&&&&&&
في غرفة حنان
وعد _ تاشر بيدها هيييييييييييييييييي انتي حنون وصمخ
حنان _ ها ها ها انتي تنادي
وعد _ حنجرتي انخلعت من مكانها وانتي ماتردي وين سرحانه
حنان _ اه ياوعد فرح مرة حالتها اتغيرت
وعد _ ياقلبي عليها والله ماتستاهل الله يشفيها يارب
حنان _ يارب صح ايش تبغى انتي
وعد _ ايه صح ذكرتيني كنت بقول لك انزلى الغدا من اول انحط
&&&&&&&&&&&&&&&&&&&&&
في مطبخ دنيا
دنيا _ عمور هيا ساعة الاكل استوى والسلطة ماخلصت
عمار _ خلاص بخلص بس احط ملح
راحت دنيا تجهز الصحون على الطاولة وعمار حط الملح وجاب السلطة
عمار _ وهذي السلطة ياستي دحين تشوفي ان ماقلتي لي كل يوم سوي ليه مثلها
دنيا _ لاشكرا ااذا كل يوم بتجلس ساعتين تقطع سلكة مشكلة
عمار _ ههههههههههههه
جلسوا ياكلوا
عمار _ دندون ليش حاطة سكر في الاكل
دنيا _ أي سكر
عمار _ طعم الرز سكر
دنيا _ عمار انا جالسة اكل منه مافي سكر
عمار _ طيب ذوقي ها هذا مو طعم سكر
دنيا _ ايوا والله صح وطالعت في عمار بنص عين
عمار _ ايش فيه تطالعي كذا السكر اثر عليك
دنيا _عماااااااااااار جيب السلطو اذوق
ذاقت دنيا السلطة لقتها غرقانه من السكر
دنيا _ عمار ايش حطيت في السلطة
عمار _ ملح وليمون ليش
دنيا _ من وين جبت الملح
عمار _ العلبة اللي جنب الكمون
دنيا _ ههههههههههههاااااااااااااااااااااااي
عمار _ خير
دنيا _ ذوق بالله السلطة حطيت سكر بدل الملح
عمار _ لاياشيخة وذاق السلكة لقاها فعلا سكر
عمار ودنيا _ ههههههههههههههههههههههههههههه
عمار _ السلطة طبق مكمل صح يعني ماله داعي كملي اكل واستري ماواجهتي
دنيا _ ههههههههههههههههه وين اللي اول طبق عالمي ويستمنوها هاااا هههههههههه
عمار _ ههههههههه لاهذي يسترموها مو يستمنوها
جلسوا ياكلوا وكانوا مبسوطين يضحكوا ويمزحوا وكله على راس سلطتك ياعمار
دنيا _ عمور ممكن اطلب طلب
عمار _ امري ياعمري
دنيا _ اليوم عيد تعارفنا انا وصاحباتي واحنا كل سنه نروح مطعم ....... ونحتفل فيه
عمار _ اممممممم
دنيا _ يعني فضلا وليس امراااااا تخليني اروح معاهم
عمار _ امممممم طيب مافي مشكلة
دنيا _ ياقلبي عليك انت ياناس
عمار فرح مرة _ طيب متى بتروحي
دنيا _ يعني بعد المغرب على طول نروح ناخذ هيوم وبعدين توديني
عمار _ خلاص ابشري ولايهمك ويلا خلينا نقوم نرفع بسرعة
دنيا _ هههههههههههه نرفع
عمار _ ايوا نرفع ترى عندي مواهب كثير مو بس اسوي سلطات ممكن اغسل صحون
دنيا _ هههههههههههه لامشكور والله مو متنازلين عن الاطقم كافي السلطة
عمار بتكبر _ بكيفك انتي الخسرانه
دنيا _ كمان الصحون يستمنوها
عمار + دنيا _ هههههههههههههههههههههه
&&&&&&&&&&&&&&&&&&&&&&&&&7
في غرفة خالد
خالد ماسك صورة شهد وحاضنها ويبكي
خالد _ شهوده ليه رحتي وخليتيني ليه لي يوم قلت لك خذيني معاك قلتي لاانت اجلس ليييييييييييييييييه وجلس يضرب نفسوا ياليتك اخذتيني وريحتيني من عذابي وبصوت كله حنان شهد انا احبك والله احبك حرام عليك تتركيني وتروحي
ام دنيا سمعت صوت بكى في غرفته ودخلت عليه
خالد ماسك الصورة ويبكي زي الاطفال
ام دنيا _ وبعدين وانا امك ترى البكى مايرجع اللي راح ادعي لها بالرحمة
خالد بهستريا _ يمه انا ابي شهد يمه راحت وتركتني لحالي
ام دنيا بدت تدمع على حال ولدها _ الله يرحمها مايجوز اللي تسويه بعمرك
خالد _ ااااااااااااااااااااااااااااااه يمه والله احبها شوفي يمه انا جبت لها هديه كنت بقلها انا احبك لكن راحت قبل لا اقولها انا كنت جااااي لكن الموت سبقني يمه
امدنيا _ صارت تبكي وتحضن في خالد اللي حالته تقطع القلب
&&&&&&&&&&&&&&&&&&&&&&
في غرفة غرام
غرام _ ياحياتي انت والله مو مضدقة انك بكره جاي
بندر _ اه والله ولا انا ابغى اجي بسرعة واخبطك من اهلك
غرام _ يالله بندوري والله مرة اشتقت لك نفسي اشوفك
بندر _ وانا اكثررررررررررررررررر تدري نفسي لو دحين يكون موعد الطيارة
دار حوار بين عشاقنا الحلوين وكل واحد كان يوصف للثاني مدى حبه وشوقه للقى اللي قرب
&&&&&&&&&&&&&&&&&&&&
في بيت ابو هيام
ابو هيام راح وخطب من ناس واعطوه واتزوج بنت صغيرة عمرها 27 سنة ونسي بنته اللي راميها ولاهو مهتم ولافكر يجي يواسيها وماجا طلبها من خالها اللي لانه يبغاها تصير خدامه عند مرته الجديدة دلال
&&&&&&&&&&&&&&&
في بيت دنيا
دنيا _ يلا عمور انا جاهزة ساعة تغير ملابسك
دخل عمار الغرفة وانبهر بجمال دنيا
عمار يصفر _ اووووه اووووه وش هالحلا كله لامقدر على كذا
دنيا استحت مرة من نظرات عمار لها واخذت العباية وجلست تلبسها
عمار _ طيب ياهو خلونا نتمتع شوي مو على طول تلبس العباية
دنيا _ ماعندنا وقت لسه نروح لهيوم
عمار _ اااااااااااااااه ياقلبي انا مدري كيف مقاوم هالجمال والا الان ماتهورت
دنيا على طول لبست الصندل وخرجت من الغرفة خافت من كلام عمار
عمار _ واااااااااااي ياقلبي تجنن ولا كمان لابسه قصير وماتبغاني اخق عندها لكن اليوم انا جايبها جايبها وين بتروح مني على بالها بتجلس بالعباية طول الوقت طبعا هالكلام كان في نفسوا
خلوني اقلكم عمار على ايش داخ عند دنيا
كانت لابسة تنورة جنز قصير مرررره نص الفخذ وفيها فتحة كمان يعني زياده الخير خيرين هههههه ولابسة عليها بلوزة خضرا توب وجاكيت صغير جينز نفس التنورة ولابسة صندل ربط لونه اخضر وحاطة جل في شعراها وروج وعدسات وكحل وطالع شكلها يجننننننننن
ركبت دنيا السيارة مع عمار اللي كان كل شويه يتلفت على جهة دنيا ويطالع فيها لمن وصلوا بيت اهلها
نزلوا سلموا وجلس عمار مع ام دنيا يهرج ودنيا طلعت فوق لهيام
دنيا _ هييييييييييييييااااااااااامو لسه ماخلصتي
هيام _ دندون قلت لك مو رايحة
دنيا _ اقول ترى غصب عنك بتروحي بسيوني يستناكي ياقمر ههههههه
هيام ابتسمت مجامله لدنيا _ والله مالي نفس
دنيا _ مافي مالك نفس ولا ترى اخلي عمار يسوي لك سلطة عشان تعرفي كيف تنسد النفس
هيام _ هههههههههههههه ليه سوى سلطة
دنيا _ ماراح اقول لك لمن تقومي معايا
وفعلا بعد محاولات من دنيا ورفض من هيام اقتنعت هيام وراحت ودخلوا المطعم لقوا بسيوني بالاستقبال
بسيوني _ كل عام وانتم مع بعض ياانسات >> لاتستغربوا البنات من يومهم وهما يجوا كل سنة في هذا اليوم هذا المطعم ويحتفلوا بعيد ميلاد صداقتهم وكانوا كل سنه يحجزوا طاولة رقم 6 الرقم المفضل لهم
دنيا _ تسلم يابيسو
بسيوني _ اتفضلوا اتفضلوا الانسات قوا
دخلت دنيا وهيام ولقوا اسيل وغرام وحنان وفرح اللي كان باين على وجهها التعب والارهاق
وبعد ماسلموا على بعض
اسيل _ يالله بنات هذا احلى يوم بالحياة
حنان _ ايوا والله صح دحين احنا كملنا مع بعض 12 سنه
دنيا _ عقبال العمر كله يارب
غرام _ فروحه وش فيك شكلك كذا
فرح ابتسمت مجامله _ لامافيني شي
اسيل _ مافيك شي تلاقيك تفكري في حبيب القلب
دنيا _ اسولة لاتغلطي المراهق حقها
فرح _ هههههههه وفي نفسها اه يافيصل كلها فترة وراح اسيبك
هيام كانت تحاول تفرح مع صاحباتها لاني زي ماقلت لكم بدت تتقبل الوضع شويه _ الا وين الكلبوز حبيبنا
فرح حست بسكين في قلبها ماكان ودها تذكر ولدها حشاشه جوفها اللي راح تفارقوا قريب
فرح _ عندي امي سيبتوا
دنيا _ والله ان ماعندك سالفة احد يسيب ابو خدود هذاك يازينو
فرح اه والله ماودي اسيبه طول العمر بس لازم اتعود ويتعود هو على غيابي
جلسوا البنات ضحك وسواليف
حنان _ ايوا ماشاء الله شاقين الابتسامة انتي واسولة
اسيل _ طبعااااااا خطيبي وحبيب قلبي جاي
غرام _ ايوا حتى انا ان شاء الله خطيبي مستقبلا جاي
دنيا _ وااااااي فريح طالعي مساكين المراهقات هذول اللي زيك ملهوفين على الخطوبة
الكل _ هههههه كانوا يضحكوا على شكل دنيا يوم قالتها
اسيل _ هييييييي لاتتكبري ياخت ترى حتى انا متزوجه بس على الورق
دنيا _ ههههههههههههه حتى انا مع ايقاف التنفيذ
الكل _ ايشششششششششششششششششش
هيام جلست تضحك على اشكالهم لانها عارفة سالفةة الكنبة
غرام _ دندون من جدك ايقاف تنفيذ
اسيل _ انتي تتكلمي من جد
حنان _ لالا ماصدق لك شهرين متزوجه والتنفيذ موقف
دنيا _ والله مااكذب عليكم هذا الصدق
غرام _ لالا مااصدق عمااااااااااااار لالالا مو داخله مزاجي
اسيل _ وليش ان شاء الله موقف
دنيا _ والله ياختاه كنت انا في البداية اطردوا وانوموا على الكنبة اول مااتزوجنا
الكل _ ايششششششششششششششششششششششش
هيام + دنيا _ هههههههههههههههههههه
حنان لالا هذي يبغى لها جلسة يلا حكينا وجلست دنيا تحكيهم من اول ماتزوجت الا الان
طبعا فرح كانت مو معاهم سرحانه
اسيل _ لالا انتي جبارة مدري كيف متحملك
حنان _ افهم من كلامك دندون انك صرتي تحبي عمار
دنيا _ اه ياقلبي عليه صرت اموت فيه مو بس احبه ياناس عليه طيب ومايرفض لي طلب ويعاملني كويس وشايلني شيل من على الارض
هيام _ شفتي مو قلت لك من اول ماانخطبتي
دنيا _ ايوا والله صدقتي
دنيا _ هيييييييي فريح وين وصلتي
فرح _ هااااااااااااا
اسيل _ بالله روحي لندن جيبي بسوم وتعالي
الكل _ ههههههههههه
حنان _ حست بفرح اللي الحزن كان كاسي وجها وعارفة ليش بس مابيدها شي تسويه لها
حنان _ بنات عندي لكم مفاجاءة تجنننننن
الكل _ ايش
حنان _ شوفوا
البنات بردود مختلفة واااااااااي ياسلام
غرام _ الله انا اليوم بجلس اسهر على الاربعة الاشرطة هذي
اسيل _ الله يابنات ذكرياتنا كلها الحلوة فيها
دنيا _ ايوا والله ايام تجنننننن
حنان _ ايوا من اولى متوسط هالاشرطة كل خبالنا فيها
فرح كانت حزينة وتفكر في صاحباتها وايامهم الحلوة اللي قضتها معاهم اللي راح تتركهم قريب
اسيل _ فروووووحة ايش فيك تبكي
فرح _ ابتسمت لاماابكي بس جلست اتذكر ايامنا الحلوة
غرام _ احلى يامرهفت الاحساس انتي اصلا مواقفنا تضحك مو تبكي
فرح في نفسها _ اه يازينكم وزين ايامكم ياليتني طول عمري اجلس معاكم
جلسوا البنات سواليف وضحك وكل وحده تحكي عنها وايش صار لها على الساعة 11 جابوا الكيكة وقطعوها واكلوا وجلسوا يهيصوا وبعد شوية كل وحده راحت بيتها
غرام واسيل راحوا ناموا لان وراهم بكرة استقبال بسام
حنان كانت تفكر بحال فرح
وفرح كانت تفكر في اسرتها الصغيرة وامها واختها واخوانها واهمهم فهودي ولدها اللي راح تودعهم بدون رجوع
ودنيا وهيام كانوا جالسين في الصالة مجتمعين وعمار معاهم وضحك وهرج
هيام تكلم دنيا _ اقول الحبيب عينه ماانشالت منك ايش الهرجه
دنيا _ ههههه ملاحظة ومطنشة ولاكاني شايفه
هيام _ انتي كمان والله انا فخوذك اغرتني كيف هو
دنيا _ اسكتي بس كلها شوية وبنروح
ام دنيا _ دنيا اخوك عبد العزيز جاي قومي غيري التنورة
دنيا تقول لهيام الحمد لله جات من الله
وطلعت هيا وهيام الغرفة هيام غيرت ودنيا جالسة تدور لها لبس
دنيا _ وجععععععع هيام كل بناطيلك ضيقة
هيام _ ايش اسوي لك البسي بيجامه
دنيا _ مافي بجايم ايش اسوي كلها بلايز عريان
هيام _ خلاص اجلسي كذا
دنيا _ لاوالله اجلس قدام عزوز كذا بايعة نفسي انا
هيام _ دبري نفسك
دنيا طيب اووووووووووف
بعد مرور خمس دقايق
هيام _ ههههههههههههههههههههههه لاتقولي بتجلسي كذا
دنيا _ ايوا ايش اسوي مافي غير بنطلون بيجامه
هيام _ هههههههههههههه امشي بس
نزلت دنيا الصالة مع هيام
ام دنيا + عمار + عبد العزيز _ههههههههههههههههههههه
جات دنيا تسلم على عبد العزيز
عبد العزيز _ هههههههههههههههههههه لاشكلك مو معقول هههههههههههههه ايش الشياكة هذي
عمار كان ميت على نفسوا ضحك
دنيا _ ايش اسوي للهبله هذي ملابسها ضيقة
امدنيا _ هههههههههههه عاد مالقيتي غير بنطلون بيجامه على بلوزتك
يزن _ ههههههههههههههههه عمه ليش كذا لابسة
دنيا مبوزة _ حتى الصغير يتريق عليا
ونزلت تسلم على يزن اللي كان جالس يضحك من قلب
عبد العزيز _ ههههههههههههه
دنيا _ خلاص عزوز والله ماصارت
عبد العزيز _ مو قادر هههههههههههه بلوزة توب خضرا وجاكيت جنز على بنطلون بيجامه اورنج ههههههههههههههه
عمار كان ماسك بطنوا من كثر الضحك
دنيا _ خلاص ياهو والله ماصارت لبس لبستوا
ام دنيا _ يلا يلا قوموا خلونا نعشى
راحوا على الطاولة
عبد العزيز _ وين رهف
دنيا_ الست نايمة ومقفلة الباب ولاكان حلت لي الازمة هذي اللي يشوفني يقول حرامية غسيل
الكل _ ههههههههههههههههههه
يزن _ عمه عمه اكليني
دنيا _ ياروح عمه انتي تعال وجلستوا في عبها وجلست تاكلوا
ام دنيا _ الله يرزق يادنيا بالذرية الصالحة الا مافي شي بالطريق
دنيا وجها قلب الوان وطالعت في عمار اللي هو كمان وجه تغير ميه لون
دنيا _ هااا هااااا
دنيا _ ها لامافي شي يمه لسه بدري ورخت عينها في اصحن وجلست تاكل يزن
ام دنيا _ يلا الله يرزقكم ان شاء الله
هيام _ يارب ودي اشوف البزر هذي لو خلفت كيف بتربي
دنيا سكتت لانها انحرجت مره خصوصا ان عمار وعبد العزيز جالسين ولاماتفوتها تهزيئة زي كذا
خلصوا عشا وجلسوا شوية على الساعة 3 عمار يلا دندون نروح البيت
دنيا _ يلا
وجات بتقوم تلبس العباية
هيام _ هييييييييي انتي وين رايحة
دنيا _ بروح البيت ليه تبغي شي تبغيني اجلس عندك كانت تتمنى دنيا ان هيام تقول لها ايوا لان نظرات عمار كانت ماتطمن
هيام _ لالالالا ايش ابغى بك روحي مع زوجك بس فصخي البنطلون حقي بسرعة
دنيا في نفسها والله لااوريك ياهيام ادري عشان تبغيني البس التنورة قدام عمار
دنيا _ اهجدي بس خلاص اروح البيت وبكرة اجيبها لك
هيام _ لالالالالا مااتنازل عنه بسرعة روحي غيري
دنيا _ هيااااااااااااااااااام
عمار كان مبسوط انها بنغير _ يلا دندون روحي غيري بسرعة
دنيا _ هيام خلاص قلت لك بعدين يعني باكل البنطلون
هيام _ انا مااعرف بسرعة
دنيا طيب اوف وشالت عبايتها معاها وطلعت غيرت ولبست التنورة حقتها ولبست العباية ونزلت سلمت على امها وعلى عبد العزيز وسلمت على هيام وخرجت
طول الطريق عمار مشغل المسجل وساكت وبس يعدل شعروا يرجعوا على ورا ويطالع في دنيا
دنيا في نفسها _ بسم الله الرحمن الرحيم ايش فيه هذا كذا
عمار في نفسوا _ متى نوصل البيت بسرعة
وصلوا البيت ودنيا نزلت رغم انها كان نفسها ان المشوار يطول لانها حاسة انه راح يصير شي
عمار فتح الباب وبابتسامه تطيح القلب _ تفضلي ياعروسة
دنيا في نفسها _ ياويلي فيها عروسة انا قايلة الليله هذي ماراح تعدي على خير الله ياقطعم ياهيام
دخلت البيت وفصخت العباية ودخلت على الغرفة على طول تطلع لبس من الدولاب
عمار دخل الغرفة وسك الباب وجلس على السرير
دنيا اخذت اللبس وبتدخل الحمام مسكها عمار من يدها على وين
دنيا ضربات قلبها شوية وتخترق القفص الصدري _ ها بروح اغير
عمار _ طيب اجلسي ابغاكي في موضوع
دنيا كانت عارفة ايش هو الموضوع _ طيب طيب اروح اخذ شاور واغير واجي
عمار _ لا استني تعالي وسحبها وجلسها جنبوا على السرير
دنيا صار جسمها كلوو يرجف _ ها خير
عمار كان ملاحظ رجفتها _ دندون مالاحظتي شي
دنيا تطالع في الغرفة _ الاحظ ايش
عمار _ ههههههه انا مااقصد شي بالغرفة
دنيا _ علامات استفهام على وجها اجل
عمار _ كلام عمتي
دنيا _ ...............
عمار _ ماتلاحظي ان الكل يسال انتي حامل ولا
دنيا _ ..............
عمار _ دندونتي لين متى هالصد هاااااا
دنيا _ جات بتقوم سحبها عمار من يدها
عمار _ ماخلصنا كلام لسه
دنيا _ ايش تبغى عمار خليني اقوم اغير انا تعبانه
عمار _ والله حتى انا تعبان بس تعبان من هالصد والبعد لين متى يادنيا واحنا متزوجين على ورق بس يرضيك حالنا هذا
دنيا _ ...............
عمار _ لو عندك أي سبب قولي لي مافي مشكلة لكن كذا تصدي والله مايصير
دنيا _ عمار الله يخليك خليني اقوم
عمار _ نوووووو مافي
وخلاص حدودنا لين هنا باقي علينا ندعي لهم بالتوفيق وبس
&&&&&&&&&&&&&&&&&
الساعة 3 العصر
في مطار لندن
بسام _ يوه بندر والله مو مصدق اني برجع اشوف اسولة
بندر _ ومن سمعك ياخي
بسام _ اااااااااه اخيرا خلصنا دراسة
بندر _ امشي امشي هذا نداء طيارتنا
&&&&&&&&&&&
في مطار جده
غرام_ ايوا اسولة لاترجيني قلت لك لسه ماوصلت انا جالسة استناه في المطار لو ادري كان اخذتك معايا بدل ماترجيني
اسيل _ اه ياليت بس مااقدر اروح لو اقدر ماقصرت
غرام _ طيب يلا باي يامتيمه طيارتهم وصلت
اسيل _ اول مايجي خليه يكلمني طيب
غرام _ طيب اوامر ثانية
اسيل _ لاشكر ياحرم بندر
غرام _ وه فديتك على هذي الكلمة بروح اسحب بسام من شوشته
اسيل _ ههههههههههههههه
غرام _ اسولة قولي يارب اشوف بندر
اسيل _ يارب لا
غرام _ وجعوا
اسيل _ تبغي تفضحي نفسك قدام بسومي والله لو شفتي بندر لاتسوي انتي وهو فلم مكسيكي في المطار
غرام _ هههههههههههه يلا انقلعي
اسيل _ طيب لاتنسي اللي قلت لك عليه
غرام _ خلاص والله عرفت
&&&&&&&&&&&&&&&&&
في الطيارة كانت السواليف بين بسام وبندر شغالة وكل واحد جالس يقول ايش بيسوي اول مايجي السعودية طبعا بسام يبغى يفاتح اسيل بتعجبل الزواج وبندر بيروح يخطب غرام
وصلت الطيارة ارض الوطن
بسام _ يلا يالحبيب ظف وجهك عني الاهل بيستنوني
بندر _ الله لنا سنه مع بعض ودحين تبيعيني
بسام _ لاوالله تبغاني اخذك معايا
بندر _ مالت عليك وعليها بس يلا اشوفك قريب ان شاء الله
بسام _ ان شاء الله اخذوا بعض بالاحضان وودعوا بعض
بندر _ بسسسسام
بسام _ هلا
بندر _ لاتنسى تسلم لي على اسولة طيب ههههههههههههه
بسام _ امقلع يابو غرام انت
بندر _ صح ذكرتني سلملي على سميت زوجتى
بسام _ اقول احترم نفسك تراني بدوي يعني لاتخليني اقوم اسيح دمك
بندر _ ههههههههههههه ماقلت شي يابدوي
بسام _ لاوالله اجل تبغاني اسلم لك على اختي عشان سميت الحبيبة اصلا اول مااراح بروح الاحوال اغير اسمها >> ياحليلك بلاك ماتدري ان اختك هيا الحبيبة
بندر _ ههههههههههه ياحظك وياشرفكم بس مسمين على حبيبتي
بسام _ يلا روح والله انك ولد عزابي ماعندك هرجة
بندر _ الله واكبر ياخاطب انت
بسام + بندر _ هههههههههههههههههه
&&&&&&&&&&&&&&&&&&&7
في بيت فرح
فيصل _ فروحه خلينا نروح ناخذ فهودي
فرح _ لالالالا فيصل الله يخليك ماعاد ابغ اشوفه
فيصل _ فرح ليه تعذبي نفسك كذا
فرح تبكي _ فيصل انت مو فاهم انا ليش اسوي كذا انا ماابغى فهودي يتعلق فيني انا بموت وانا متطمنه عليه
فيصل _ فرح الله يخليك لاعاد تقولي هالكلمة انا قلت لك انتي راح تعيشي
فرح _ فيصل لازم نتقبل الامر الواقع
فيصل بهستريا وصراخ _ هذا مو واقع مو واقع وصار يمسك فرح من كتوفها ويهزها انتي ماراح تموتي انتي لو متي انا اموت بعدك كيف اقدر اعيش من دونك صار يبكي لين ماجلس على ركبتوا قدام قدام فرح وصار يبكي ويشهق وهي تبكي
&&&&&&&&&&&&&&&&&&&&&&&
في المطار
بسام جا وسلم على غرام واخذوا بعض بالاحضان
بسام _ وين اسولة ليه ماجات
غرام _ اقول روميو لاتكون لندن لحست مخك وين تجي ليه ماعندها اهل
بسام _ ايوا صح نسيت طيب يلا بسرعة خلينا نروح لها
غرام _ الله واكبر يالدنيا اسالني عن حالي واحوالي دلعني شوي ولااسيل خذت الجو
بسام __ ههههههههه
راحوا السيارة
حبيب _ الحممممد لله على السلامة بابا
بسام _ الله يسلمك كيف انت حبيبي كويس
حبيب _ الحمد لله كل شي كويس
بسام _ يلا طيب حبيب وديني بين اسيل
حبيب _ وديم عند انسه اسيل
بسام _ ايوا ايوا
حبيب يهز راسوا تيب بابا
غرام _ دحين من جدك بتروح من المطار عليها
بسام _ ايوا من جدي
غرام _ لهدرجة الشوق ياخوي وتغمز له
بسام _ احترمي نفسك يابت عيب ههههههههه
غرام _ بسوم هذي اسيل تتصل ارد تكلمها ولا كيف
بسام _ لا لاتردي قفلي جوالك
غرام _ ليش ماتبغى تكلمها
بسام _ لابسويها مفاجاءة
غرام _ ياحركات احنا ياللي صرنا رومنسين ونسوي مفاجاءات بعد
حبيب _ ههههههههههههههه
بسام + غرام _ هههههههههههههههه
بسام _ ماشاء الله الاخ معانا
غرام _ افا عليك مايفوته شي
&&&&&&&&&&&&&&&&&&7
في بيت دنيا
عمار جاب ورده وجالس يمشيها على وجه دنيا
دنيا _ فتحت عيونها ابتسمت
عمار _ فديت الابتسامه هذي
دنيا _ تفرك في عيونها
عمار _ صباحية مباركة ياعروسة
دنيا ابتسمت الله يبارك فيك كم الساعة
عمار _ الساعة 4 ونص
دنيا _ يوه اربعة والله تاخرنا
عمار _ ايش ورانا عرسان ماعندنا شي
دنيا استحت من كلام عمار رخت عينها وراحت الحمام
اول ماخرجت من الحمام مالقت عمار في الغرفة خرجت الصالة لقته مجهز اغدا ومرتب كل شي طبعا الغدا من برا بس هو مرتب يعني
دنيا _ وااااااااي عمور كانك حاسس اني جيعانه
عمار _ يخسي الجوع يلا تعالي ناكل
وجلس ياكلها ويمزح معاها وبعدها نزل المسجد يصلي
دنيا خليني اتصل على هيام الزفت قبل لايجي عمور
دنيا _ الو
ام دنيا _ هلا يمه
دنيا _ كيفك يمه كيف ابوي والعيال ورهف
ام دنيا _ الحمد لله بخير كيف انتي وزوجك
دنيا _ تمام بخير اقول يمه هيام عندك
ام دنيا _ لاواللله في غرفتها
دنيا _ طيب يمه تكفين اعطيها التلفون بسرعة
ام دنيا _ خير يمه في شي
دنيا _ لالا موضوع بس بيني وبينها
امدنيا _ طيب دقيقة
هيام _ الو
دنيا _ وجع في شكلك ياكلبة ياللي ماتستحي
هيام _ ههههههههههههههه خير ايش فيه
دنيا _ انتي يجي من وراكي وورى بنطلونك خير الله يقطع ابليسك ياهياااموا
هيام _ هههههههههههههههههههههه يعني صار اللي في بالي
دنيا _ ايوا وجعووووووووا كله بسببك
هيام _ ههههههههههه خليك عشان امس فرحانه متزوجه مع ايقاف التنفيذ وتقلد صوت دنيا
دنيا _ اااااااااااه ياهيام لو اشوفك بقطعك
هيام _ ياسلام انا ايش ليا دخل فخذك هو السبب
دنيا _ انقلعي انقلعي عني والله لااوريك
هيام _ ههههههههههههههههههههههههه ايوا ايوا صرفيني بتروحي لعريس الهنا
دنيا _ وجع وقفلت السماعة بوجها
هيام كانت اول مرة تضحك من قلبها كذا بعد موت امها واختها
&&&&&&&&&&&&&&&&&&&&&&
في بيت اسيل
اسيل تروح وتجي في الصالة
ام اسيل _ يابت اجلسي دوختيني
اسيل _ لالا غرام قفلت الجوال اكيد بسوم فيه شي
ام اسيل _ فاولي خير يمكن مافي شبكة
اسيل _ ماما مليوم مرة اتصلت مقفل ياربي وكانت مرة متوترة
&&&&&&&&&&&&&&
في سيارة غرام
غرام _ يلا يالحبيب
حبيب _ نعم ماما
بسام + غرام _ هههههههههههه
غرام _ لاحبيب انا في كلم بابا بسام > طبعا الكلام مكسر حسب لهجة حبيب
بسام _ واااااااااي قلبي احسه بيخرج من مكانه
غرام _ امشي امشي بس خليني اتفرج على المشهد اللي جاي
دق بسام الباب
فتحت الشغالة الباب
بسام _ اسيل هنا
لسنى _ ايوا مين قول
بسام _ روحي ناديها بس
لسنى _ ماما اسيل هذا واحد رجال كلم يبغى انت
اسيل دارت وجها لقت بسام ورى لسنى ويبتسم
اسيل _ بساااااااااااااااااااااااااااااااااام
بسام شالها وصار يلف فيها في الصالة ويسلم على خدودها
وغرام كانت تصور المشهد على قولها بالجوال
بسام يصرخ _ وحشتيني موووووووووووت يااسيل
اسيل _ وانت اكثر والله وحشتني مرة مو مصدقة عيوني
بسام _ نزل اسيل اللي كان شايلها لانه انتبه لعمته ام اسيل وانحرج منها
بسام _ كيفك ياعمه
ام اسيل _ الحمد لله بخير كيفك انت الحمد لله على سلامتك
بسام _ الله يسلمك
غرام _ تصفق برافوووووو برافوووو ياعشاق
اسيل + بسام _ لفوا عليها
غرام _ ياخاله بالله المشهد مو حقه يكون في مسلسل تركي
ام اسيل _ ههههههههههههههههههههه ايوا والله يغطون على الاتراك
اسيل + بسام _ انحرجوا مرة وصاروا يطالعوا في بعض وفكوها ضحك ههههههههههههههه
غرام _ اسيلوووا ماراح تجلسينا يعني ولامن لقى احبابه نسى اصحابه
اسيل _ سوري نسيت اتفضلوا
غرام _ ايه يحق لك تنسي مو منك من المشهد الساخن اللي قبل شوي
بسام طالع في غرام بمعنى اسكتي
غرام _ اقول خاله وش رايك نروح نجهز القهوة في المطبخ
ام اسيل _ فهمت غرام انها بتصرفها عشان بسام واسيل يجلسوا مع بعض
ام اسيل _ يلا مشينا
غرام _ يلا اسيل تعالي معانا
بسام مسك يد اسييل _ دحين دحين تجي
غرام + ام اسيل _ هههههههههههه
راحوا غرام وام اسيل المطبخ وخلي الجو لبسام واسيل
بسام حضن اسيل على صدروا _ كيفك يالغلا
اسيل _ بشوفتك احسن
بسام _ تدري انا مو مصدق اني جالس معاك احس اني احلم
اسيل _ والله ولا انا مصدقة
رن جوال بسام
بسام _ اوف من هذا الغثيث اللي متصل دحين
اسيل _ ابتسمت
بسام _ ها يبو الشباب
بندر _ كيفك يالخوي
بسام _ لو ماقفلت بموت
بندر _ بسم الله ليش خير
بسام _ اقول ترى مرة مو وقتك اذلف عن وجهي
بندر _ هاجالس مع سميت حبيبتي
بسام _ ياذي السمية شكلي بتبرا منها واريحك
بندر _ ههههههههههه لاماتغنيني عن غرومتي
بسام _ يلا يابو الشباب فكنا
بندر _ كاني شامم ريحة خيانه
بسام _ وبعدين
بندر _ شكلك جالس مع الحبيبة وانا منغص عليك عيشتك
بسام _ عليك نور
بندر _ انا قايل خيانه مافي ماتجلس انت تنبسط وتتمتع وانا غرومتي ماترد عليا
بسام _ ههههههههههههه اللهم لاحسد يلا باي
بندر _ باي يحق لك
بسام يغني _ مادام معايا القمر مالي ومال النجوم
بندر _ طيب طيب يصير خير يابسوم
بسام _ سك السماعة في وجه بندر وضحك
اسيل _ مين هذا
بسام _ هذا اعز صديق على قلبي اللي قلت لك عليه كان معايا في السفر
اسيل _ اها
بسام _ ايوا خلينا نرجع في اللي كنا فيه
اسيل _ استحت ورخت عينها
بسام _ ياقلبي انا على اللي يستحون ومسكها من خذها
في جيت غرام وام اسيل
غرام _ استغفر الله لالا ياخالة المفروض تحطوا ستارة هنا مايصير نشوف مشاهد زي كذا
ام اسيل _ ههههههههههههه
بسام يتكلم بشويش _ ايش جابك ياغرام الله ياخذ شرك مرة مو وقتك
اسيل _ ابتسمت على شكل بسام اللي مسكين ماتهنى
جلسوا سواليف وضحك وعائلية وركزوا على عائلية هههههههه
&&&&&&&&&&&&&&&&7
في بيت حنان
حنان _ والله ياسونا مقطعة قلبي حتى ولدها ماتبغى تشوفه
وسن _ والله الله يلوم اللي يلومها
حنان _ سونا تخيلي فرح يصير فيها شي والله انا اموت
وسن _ لاتفاولي عليها الله يخليها لولدها لسه صغير مااخذ شي من حنانها
حنان _ صارت تبكي على صديقة عمرها
وسن _ خلاص حنونة لاتبكي ان شاء الله مافيها الا العافية
حنان _ يارب ياوسن يارب
وسن _ يلا قومي امسحي دموعك خلينا نروح لريهام
حنان _ ليه ايش فيها
وسن _ والله محمد امس يوم جا يقول تعالوا عندها نفسيتها مرة تعبانة من يوم سمعت خبر فرح وهو خايف عليها تدري عشان حامل
حنان _ ااااااااااااااااه ياحسرة قلبي عليك يافرح انتي حزينة وكل اللي حولك مثلك
&&&&&&&&&&&&&&&&&&&&&
في بيت اسيل
بسام بكلم اسيل بشويش _ لاوالله كسبنا الجلسة
اسيل _ هههههه
بسام _ اقلك انا بروح لان شكل الجلسة كذا عائلية مو مستفيدين منها
اسيل _ ماشي
غرام _ايش جالسين تقولوا انت وهيا
بسام _ لاسلامتك بس كنت اقلها اني بروح البيت تعبان من السفر
غرام _ ايوا صدقتكم
بسام _ يلا ياعمه انا بستاذن دحين
ام اسيل _ اجلس يابسام دحين عمك يجي
بسام _ والله العذر منك بس خلاص تعبت سلميلي عليه وان شاء الله الجايت اكثر
ام اسيل _ الله يسلمك
&&&&&&&&&&&&&&&&&&&&
في بيت دنيا
ها عمور بنروح عند امي
عمار _ لالالا انا مسوي لك سبرايز
دنيا _ اووووه ايش هيا
عمار _ اقلك سبرايز لو قلتها ماتصير سبرايز
دنيا _ امممممممم
عمار _ يلا يلا قومي اتكشخي عشان بنخرج
دنيا _ قامت بسرعة لانها متحمسة مرة للخرجة
عمار يازينها والله اكلتي عقلي يادندون والله مليتي عليا دنيتي كلها
&&&&&&&&&&&&&&&
في بيت ريهام
وعد _ ها رمرم ليش كذا ماتاكلي تبغى ولي العهد يزعل
ريهام _ والله مالي نفس
حنان _ احنا مانعرف انتي المفروض نغرف لك صحنين
ريهام ابتسمت لهم مجامله وجلست تاكل معاهم
محمد كان يطالع في اخواته مبسوط منهم لانه حاول كثير فيها مو راضية وكانت حالتها بالهم
وسن _ اليوم يارمرم انا جايبة معايا افلام انا ايه
حنان _ وااااااااااو ياسلام بس اهم شي ماتكون مرعبة اخاف ولي العهد يتحول علينا
الكل _ ههههههههههههههه
خلصوا اكل وقاموا البنات يرفعوا السفرة مارضوا ان ريهام تقوم تسوي شي وجلسوا ياكلوا مكسرات وليز ويتفرجوا على الافلام
محمد _ يلا بنات من غير مطرود رهومة لازم تنام ترتاح
ريهام _ محمد عيب ايش هالكلام
وعد _ افا ياخوي ياولد امي وابوي تطردنا من بيتك
ريهام _ ماعليكم حمودي يمزح اجلسوا متونسة معكم
حنان _ اصلا من قال لك اننا نبغى نروح احنا جالسين على قلبو هنا
محمد _ يشد شعر حنان يمزح معاها
وسن _ يااخي العزيز ممكن تروح تذلف غرفتك وتنام لان وراك دوام ولاتتعب نفسك وتنتظر ترى روحة مو رايحين
محمد _ ماابغى انام لمن ريهام تنام وترتاح
وسن ووعد قاموا يشدوا في محمد احنا قلنا تدخل يعني تدخل ولاتخاف رمرم في عيوننا
محمد _ من عند باب الغرفة رهومة انتبهي على نفسك
ريهام _ تضحك عليه هو واخواته
حنان _ راح تنتبه على نفسها بس انت ادخل محد ساد نفس البنت غيرك
خضع محمد للاوامر العليا من وسن ووعد وحنان ودخل ينام وهما جلسوا في الصالة يتفرجوا ويضحكوا وخففوا على ريهام شويه
&&&&&&&&&&&&&&&&&&&&&&&
في سيارة غرام
بسام _ والله لااوريك ليش ماطولتوا في المطبخ
غرام _ مافي حتى كلمة شكر احمد ربك بس
بسام _ طيب يلا انزلي
نزلوا ودخلوا البيت بسام يدور على امه مالاقاه وكانت متهمه انه ولدها جاي تشوفه تستقبله ولاشي دخل نام لانه تعبان مرة وغرام ماصدقت خبر على طول اتصلت على بندر
غرام _ كيف حبيب قلبي
بندر _ بخير ياوجه الخير
غرام _ نورت جده
بندر _ منوره باهلها
غرام _ واخيرا جيت هنا
بندر _ الحمد لله مو مصدق انها كلها كم يوم وبشوفك الا صح ليش مارديتي عليا
غرام _ والله كنت برد بس المشكلة اخوي جنبي خفت ينتبه لشي
بندر _ اها
غرام _ انت وين دحين
بندر _ انا في غرفتي احس عظامي متكسرة من السفر
غرام _ سلامتك ياقلبي فيا ولافيك
وجلسوا يهرجوا لين مانام بندر على الجوال من التعب قفلت غرام وجلست تطالع نفسها في المرايا
غرام _ اه اخيرا يابندر جيت اخيرا اشتقت اشوفك اه بس متى تجي وتخطبني كانت بتطير من الفرحة عكس حال فرح كانت حياتها اسم على مسمى لكن انقلب الحال وصار يكسوها الحزن كانت فرح حاسه بقرب اجلها كانت تجلس كل يوم لين الفجر تبكي على فهودي ولدها اللي ماتهنت فيه لسه عمره شهر ونص وانحرمت منه كانت تبكي دم مو دموع على فيصل حب حياتها كيف راح تقدر تستغنى عنه لكن مابيدها شي هذا الله وهذي حكمتوا
&&&&&&&&&&&&&&&&&&&&7
عند دنيا وعمار العرسان الجدد
دنيا _ وااااي عمور المكان يجنن
عمار _ اهم شي انه عجبك
عمار كان في مطعم .......... على البحر وكان الجو رومنسي وشاعري جدا كانت الطاولات عبارة عن مظلات من الخشب مرتفعة في وسط البحر يعني شي خيالي وكان جايب اكل من جميع الانواع وشموع وموسيقى هادئة ومع امواج البحر اللي ترتطم في رجولهم وكلام عمار اللي يذوب الصخر دنيا كانت تحس نفسها بتتشقق من الفرحة حست بطعم الحياة والفرح اللي من جد مع عمار
&&&&&&&&&&&&&&&&&&&&&&&
في قسم شرطة ال..............
عبد الهادي ابو هيام _ انا ياحضرة الضابط اطالب ببنتي ابغاه تجي خالها حابسها عندوا وانا اخاف عليها من بعد وفاه امها مايجوز تجلس عندهم البيت مليان رجال بدل الولد ثلاث
الضابط _ يصير خير اخ عبد الهادي احنا دحين بنرسل لهم بلاغ وتحضر بكرة ان شاء الله ونتفاهم وبنتك من حقك تاخذها
عبد الهادي _ مشكور الله يجزاك الخير
خرج العسكري وراح على بيت ابو عبد العزيز
&&&&&&&&&&&&&&&&&&&&
في بيت ابو عبد العزيز
رتنا _ بابا هذا واحد رجال برا كلم يبغى انت
ابو عبد العزيز _ خير من جاي بهذا الوقت
خرج ابو عبد العزيز وكلم الضابط واخذ منه البلاغ
اول مادخل البيت هيام وام عبد العزيز ورهف جالسين
ام عبد العزيز _ خير ياعبد الله وجهك مايبشر بخير
ابو عبد العزيز _ .................
هيام _ خالي وش فيك احد صار له شي
ابو عبد العزيز _ لا بس هذا عسكري
الكل _ عسكري
ابو عبد العزيز _ ايوا عبد الهادي مقدم بلاغ وبكرة لازم احضر القسم
هيام صارت تبكي _ الله ياخذه ويريحني منه ياليته هو اللي مات مو امي وشهد هذا ايش يبي فيني مو كافي اللي سواه فينا
ام عبد العزيز _ تحضن في هيام خلاص يابنتي سمي بالرحمان ان شاء الله مافي اللي الخير
هيام _ خالي الله يخليك انا ادري هو يبغاني اعيش عنده انا ماابغااااااااااااه
ابو عبد العزيز جا يمسح على شعرها _ ماعليك ياهيام ان شاء الله بكرة انا بتفاهم معاه لاتخافي انتي
رهف صارت بس تبكي ماعاد تقدر تتحمل أي موقف من بعد موت شهد
&&&&&&&&&&&&&&&&&&&&&&&&
في سيارة عمار دنيا وعمار عايشين الجو ومبسوطين مره
رن جوال دنيا
دنيا _ الوووووووو
&&&&&&&&&&&&&&&&&&&&
في غرفة بسام
بسام _ ايوا ياقلبي خلاص اجهزي انا شوي واجيك
خرج بسام واتكشخ ونزل لقى غرام جالسة تتفرج
بسام _ سلام يادلوعتي
غرام _ هلا والله
بسام _ كيفك طيبة
غرام _ عال العال كيف انت
بسام _ بخير
غرام _ باولد انت وش هالشياكة والكشخة
بسام _ احم احم رايح اتعشى مع اسولتي
غرام _ اووووخص صارت طلعات من ورايا اجي اونسكم
بسام _ لامشكورة ارتاحي
غرام _ ههههههههه بس ياولد طالع شي جونان انتبهي على صاحبتي لايغمى عليها
بسام _ ههههههههههه يلا سلام تبغى شي
غرام _ بوسلي اسولة معاك
بسام ياشر على عيونوا _ ابشري من ذي قبل ذي
غرام _ ايوا ادري فيك ماتصدق
بسام _ ههههههههههههههههه
خرج بسام وراح اخذ اسيل وراحوا يتعوا في مطعم .........
بسام _ ليش ماتاكلي
اسيل _ جالسة اكل
بسام _ لاشكلك جالسة تتدلعي يلا خذي هاللقمه مني
بسام _ اسولتي
اسيل _ هلا
بسام _ بغيت افاتحك في موضوع
اسيل _ اممممممم
بسام _ موضوع زواجنا
اسيل _ ايش فيه
بسام _ والله ودي اننا نستعجل فيه
اسيل _ .............
بسام _ ايش رايك نخليه بعد ثلاث شهور
اسيل _ فتحت عيونها على مصرعيها >> متعوب عليها هالكلمة ترى
اسيل _ ايش ثلاث شهور لا بسومي ماتكفي
بسام _ ليش يابت الناس ان شاء الله تكفي
اسيل _ لابسام والله بدري مره مايمديني اتجهز
بسام _ طيب وش رايك متى
اسيل _ خليه 6 او 7 شهور يادوب تكفي
بسام _ الله 6 او 7 تبغي قلبي يوقف انتي
اسيل _ بسم الله عليك بسوم لاتقول كذا
بسام _ تخافي عليا
اسيل انحرجت من نظرة بسام _ اكيد مايبغالها
بسام _ ابتسم ورن جواله
بسام _ اف من هالازعاج يتصل في وقت مرة حرج وقفل الجوال
عند بندر
بندر _ افا الاخ يقفل الجوال كمان والله شكله مع حبيبة القلب لكن هييين يابساموا خليني اتصل على غرومتي ابرك لي
بندر _ الووووو
غرام _ هلا وغلا وصحن حلا
بندر _ ههههههههه كيفك يااحلى من الحلا انتي
غرام _ بخير
بندر _ غرومة متى بشوفك
غرام _ اممممممم والله مدري
بندر _ غرومة والله مرة وحشتيني لازم اشوفك قريب
غرام _ وانا كمان ياقلبي خلاص اشوف اقرب وقت
بندر _ متى يعني بكرة
غرام _ الله الاخ مستعجل
بندر _ على احر من الجمر
غرام _ خلاص اشوف انا بكرة
بندر _ طيب فين ومتى
غرام _ لسه لمن اشوف انا ماقلت اكييييد
بندر _ يلا الله يصبرني ايوا ايش جالسة تسوي
&&&&&&&&&&&&&&&&&&&&&
مر اليوم حلو على الكل الا على فرح اللي كانت غرقانة في احزانها
دنيا عرفت ان ابو هيام مقدم بلاغ وقلبتها مناحة وعمار يحاول يهديها وكانت الصدمه عندها صدمة صدمة هيام وصدمة ...................؟؟؟؟؟
بسام واسيل عايشين احلى ايامهم
بندر وغرام اتواعدوا واتفقوا انهم بكرة يتقابلوا
خالد حالته كل مالها تسوء اكثر من شي فاسد لشي اخص
حنان كانت مشغولة مع فرح ومع ريهام
هيام كانت تحس انها بتموت واتمنت لو انها ماتت مع امها وشهد افضل من انها تروح عند ابوها وهذا كله وهيا ماعرفت انه متزوج لو عرفت ايش بتسوي
&&&&&&&&&&&&&&&&&&&
في سيارة غرام
اسيل _ غرام لاتودينا في داهية تخيلي بسام شافنا
غرام _ اقول انطمي لاتصيري خوافة
اسيل _ الله يستر منك
نزلوا اسيل وغرام في عزيز مول وكانت غرام مواعده بندر انها تقابلوا هناك
&&&&&&&&&&&&&&&&&&&&
وبكذا انتهى هذا البارت ياترى اسيل وغرام ايش راح يصير معاهم بسام راح يعرف ولا لا ابو هيام ايش راح يسوي راح تروح معاه ولا لا ايش هيا الصدمه الثانية اللي انصدمت فيها دنيا
|
12-12-10, 09:48 PM
جديد مواضيع قسم القصص المكتمله من وحي قلم الاعضاء
العرض العادي
