البارت السابع
في يوم زواج فرح ....
في الصالون ..
حنان _ بنات ماني مصدقة اليوم فروحة حتصير مدام
دنيا _ ايوا وحابطل هبال معاها
غرام _ ايوا خلاص صار زوجها
هيام _ اقول اسولة زبطتي الهدية
اسيل _ خلاص جاهزة وانتو ماجهزتو
غرام _ كالعادة بيومي ماخلص
دنيا _ اقول احترمي نفسك خلصت يلا
&&&&&&&&&&&&&&&&&&&&&&&&&&&&&&&&&
في القاعة عند الرجال ....
عمار _ مبروووك ياعريس عقبالي
محمد _ منك المال ومنها العيال
فيصل _ الله يبارك فيكم
فهد _ والله يافصول كبرت وصرت عريس
فيصل _ لاتكون ابوي وانا ماادري
والعيال يضحكو
&&&&&&&&&&&&&&&&&&&&&&&&&&&&&&
في القاعة عند الحريم
ام هيام _ مبروووك الله يوفقهم
ام فرح _ الله يبارك فيكي عقبال بناتك
ام دنيا _ وش فيهم البنات تاخرو في الصالون
ام حنان _ ماتعرفيهم دوم يتاخرو ماعليكي تلاقيهم الحين على وصول
ام هيام _ عقبال بناتنا واولادنا يارب
ام عمار _ امين يارب
&&&&&&&&&&&&&&&&&&&&&&&&&&&&&&&&
وصلو البنات الساعة 10
هيام _ هنودة تعالي
هنادي _ هلا
هيام _ فروحة ماوصلت عادها
هنادي _ ايوا والله يمكن قدامها ساعة وتجي
غرام _ هنودة وين نروح بالعملاق هذا
هنادي _ يالله يابنات كلفتو على نفسكم كفاية وقفتكم
دنيا _ اقول هنادي مو وقت مجاملات خلصينا دلينا على مكان نحطو فيه
هنادي _ خلاص بيومي روق تعالو وراي
&&&&&&&&&&&&&&&&&&&&&&&&&&&&&&
بعد ماحطو البنات هديتهم في الغرفة وزبطو نفسهم ونزلو هدو القاعة رقص ووناسة
وكانو ملفتين للنظر بجمالهم وفساتينهم وفلتهم
ريم _ بنات فروحة وصلت
دنيا _ بدري ماكان جات احسن
حنان _ لا ياشيخة ومين ينزف
اسيل _ عادي نطلع دندون وعمور يكملون الزواج
دنيا اعطت اسيل بكوعها وبصوت واطي _ بت ريم واقفة اسكتي
غرام _ بنات هيا نطلعلها
هيام _ ريومة فصول عندها
ريم _ لا بس الحقو بسرعة قبل لايجيها ولايفكها بعدين
&&&&&&&&&&&&&&&&&&&&&&&&&&&&&&
حنان _ فروحتي وش هالجماااااااال تجنني
اسيل _ يازينك يافروحة الله يوفقك ولا يحرمكم من بعض
فرح وعيونها امتلت من الدموع _ ياعمري ياسولة تسلمي
دنيا _ ارتحتي يالمراهقة افتكيتي مني اخيرا
فرح تبتسم ودمعة تنزل من عينها
غرام _ فروحة والله مايصير عروسة وتبكي
هيام _ فروحتي الله يسعدك يارب
دنيا _ اووه فتحتو مسلسل درامي ياهوو مايصير لاتخلوني اروح انادي فصول
حنان _ اووه مااصدق انتي تناديه
دنيا _ ايوا مو جرى الزمن وصار زوجها مااقدر اكلمه
البنات يضحكو على شكل دنيا لانها تقولها بحسرة
غرام _ بنات خلينا نعطيها الهدية الحين بعد الزفة والله فصول مابيسيبها لنا
هيام _ تعالو اسولة نجيبها
وجابت اسيل وهيام العملاق اللي كانو يهرجو عنه
وشالو التغليف عنه وكانت صورة لفرح وفيصل في ملكتهم مبروزة بس بحجم طول الانسان مرررة كبيرة
فرح _ الله تهبل يابنات مو معقولة والله كثير كفاية هداياكم والله كثير
كانت الصورة مرررة روعة ومن ورا البرواز ممكن ينكتب عليه فكل وحدة من البنات كتبتلها شي عليه
حنان كاتبة
ياعمري يافروحة الف مبرووووك تستاهلي كل خير
حتوحشيني فصول حياخدك مننا شوية يارب يخليكم
لبعض وتجيبو احلا كتاكيت بدنيا يااعز الناس على
قلبي والله اليوم فرحانة كثيررر لفرحتك يارب يسعدك
دووووم تذكرينا مو فصول ينسيكي لنا الله يوفقك
حنان

دنيا كاتبة
مبروووك يالمراهقة الله يسعدك مع مراهقك بس
برضو خليكي محترمة مو عشان صار زوجك
تتدلعي يلا حبيبتي الله يوفقك حاسيبك بس بشرط
اول بنوتة تسميها على اسمي بيومي وابشرك
حتتطلع هادية وعسولة بالرفاه والبنين يالمراهقة

دندونة المزيونة اسم الشهرة
بيووومي

غرام كاتبة
الله يسعدك فروووحة و يوفقك واقول لا تخلي فصول
يلهيكي عننا ترا والله نوريكي ونجي نعيش عندك ها
اقول يابنت ترا ابغى اصير خالة جيبلنا بنوتة او ولد
عسول زيك الله يخليكم لبعض ويدوووووووم الحب
بينكم وتجيبو عصافير حب لك مني احلا بوسة

الحبوبة غرووومة شفتي الثقة

اسيل كاتبة
مبرووووك يااحلا فروحة بالدنيا تستاهلي كل
خير وعقبالي يارب شوفي فروحة من دحين
بنوتتك لولدي او العكس انا عندي الحجز قبل
الوصول ها اشوف يابنت فصيل ياخدك مننا
ترا اسلط بيومي عليكي الله يوفقك فروووحة

اسيل

هيام كاتبة
لوووووليييي كلوووووش مبرووووك فروحة
تستاهلي كل خير الله يخليلك مراهقك ويخليكي له
اشوفك فروحة تتغيري بعد ماتصيري مدام
نهارك اسود حنطلقك منه ترا الله يوفقكم اخاف
فصول يغار مننا احبك فرووووحة الله يسعدك

هيومة العسولة
تذكريني كل ماتشوفي فستان زواجك

فرح وهي تضحك وتبكي بنفس الوقت على الكلام اللي كتبوه صحباتها _ الله يخليكم لي ولا يحرمني منك تسلمولي يارب
هيام _ الله يسلمك اهم شي عجبتك
حنان _ ياعمري تستاهلي اكثر من كذا
غرام _ ايه والله هذا مو من مقامك
واخدو بعض بالاحضان ونزلو البنات بعدها للقاعة
&&&&&&&&&&&&&&&&&&&&&&&&&&&&&
فرح وفيصل
مطرت القاعة عليهم ورود كان الحب لهم عنوان
دخلت فرح من باب وفيصل من باب دخلت فرح قبل فيصل وصار الكل يصارخ ويهتف باسمها وهي ترمي عليهم ورود من فوق ودخل فيصل من باب التاني ونفس الشي كلهم يغطرفو ويهتفو باسم فرح وفيصل وفيصل يرمي على المعازيم ورود وكان على موسيقى هادية وحلوة وبعدين تلاقو فرح وفيصل في الوسط وباس خدها والبنات زادو صراخهم ونزلو من سلم يتوسط القاعة ومزين طبعا بالورود والحركات بالقماش الابيض على اغنية زفة روعة


ورقصو وهيصو
وخلص الفرح حق فرح وكانت فرح يومتها اسم على مسمى طايرة من الفرح
&&&&&&&&&&&&&&&&&&&&&&&&&&&&&
جو صحباتها يودعوها بعد ماودعوها اهلها
حنان _ياعمري يافروحة لاتبكين
هيام _ بنت مين حيزبطلك مكياجك
غرام _ شكلها تبغى فيصل يغير رايه من اول يوم
وطبعا كان اسيل وحنان وفرح يبكون لكن الباقين يخففو عنهم
دنيا _ فرفر خلاص لاتخليني اجي معاك عشان اهديكي
هيام _ انتي تبغي تحشري نفسك معاها على طول
اسيل _ الله يخليكم لبعض طلعتي اليوم قمر
حنان _ احلا عروسة بالدنيا
غرام _ تجننو وباين عليكم تحبون بعضكم
هيام _ يسعدكم يارب دووووم
دنيا _ فروحة في احد ماكل لسانك اشبك ساكتة
فرح تضحك وسط دمعة الفرح _ لا يابيومي بس والله حتوحشوني
دنيا _ اقول تراها كم يوم وبتبدي الدراسة وبنشوفك
اسيل _ على بالك بيومي هاذي حتسيبك تلاقيها كل يوم ناطة تزورك
واخدوها بالاحضان وسلمو عليها وراحت فروحة لبيتها الجديد ويا فيصل بيت احلامهم اللي يحلمو فيه من زمان انهم يكونو مع بعض
&&&&&&&&&&&&&&&&&&&&&&&&&&&&&&
ام هيام _ ماجدة خلاص المفروض تفرحين اليوم بنتك زواجها وشوفيها يازينها كيف فرحانة
ام فرح _ ايه والله الله يسعدهم بس ياسعاد هاذي اخر العنقود والله البيت فضي من غيرها
ام فيصل _ وانا اختك لايهمك فيصل بيجيبها لكم دووم
ام دنيا _ البنت قمر ماشاء الله عليها طلعت لها طلعة
ام عمار _ الله يخليهم لبعض
والامهات كانت عينهم تدمع بس دموع فرح في زواج فرح
&&&&&&&&&&&&&&&&&&&&&&&&&&&&&&&
بعد ماوصلو فرح وفيصل لبيتهم
فيصل _ ياهلا فيكي في بيتك ياست البيت نورتي البيت ونورتي شمعة حياتي يافرحتي انتي يافرح
فرح بخجل _منور فيك بعد
فيصل بصوت عالي _ احبك احبك احبك فروحة
وشالها وهي بفستان الفرح وصار يلف بها
فرح مبسوطة تضحك _ ونا بعد اموووت فيك
فيصل _ فرح انا ماني مصدق خلاص تحقق حلمنا وصرنا لبعض اخيرا
فرح _ انا اليوم حلم حياتي تحقق لو مت حاموت مرتاحة
فيصل _ بعيد الشر عنك عسى يومي قبل يومك
فرح _ بسم الله عليك حبيبي وش جاب طاري الموت خلينا في فرحتنا
فيصل _ انتي فرحتي ودنيتي يابعد عمري
نخلي العرسان ونشوف البنات
&&&&&&&&&&&&&&&&&&&&&&&&&&&&&&&&
تفرقو البنات وكل وحدة راحت على بيتها
اسيل راحت تكلم بسام وتحكيه عن كل شي
وغرام تكلم بندر لانها تعودت مايمر يوم الا وتكلمه
وحنان راحت تنام بس ماجاها نوم من فرحتها على حبيبة قلبها فروحة
وهيام قعدت مع امها واختها شوي ونامو
اما دنيا
ام دنيا _يازينها فرح اليوم كانت تهبل ماشاء الله عليها
دنيا _ ايوا ماشاء الله
ام دنيا _ عقبالك يارب واشوفك بفستان الفرح يارب
دنيا _ ماما وش هالسيرة فال الله ولافالك
ام دنيا _ مدري عنك تكرهي طاري الزواج على العموم اسمعي بغيتك في موضوع
دنيا _ هلا يمى آمري
ام دنيا _ شوفي انا ابغى اخطب لاخوكي احمد وش رايك
دنيا _ ماشاء الله وش هالخبر الحلو وفي بالك عروس معينة
ام دنيا _ ايه والله وش رايك بصحبتك غرام
دنيا متفاجأة _ ميين غرام ماغيرها
ام دنيا _ ايوا غرام ماشاء الله جمال ودلال ومال وبنت حلال وش زينها
دنيا _ ايه يمى مااختلفنا غرام صحبتي واعرفها ماتتعيب بس يمى اممم يمى غرام محجوزة من زمان لواحد من اهل امها
ام دنيا _ هما اهل امها مو الشرقية ولامرة شفتهم
دنيا _ ايه يمى بس هي يعني مرة قالتلنا انها محجوزة لواحد لهم
ام دنيا _ ياخسارة بس وش نسوي نصيب الله يكتب لاحمد بنت الحلال
دنيا _ امين يارب
وبعد هذا القعدة دخلو نامو
&&&&&&&&&&&&&&&&&&&&&&&&&&&&&&
في اليوم اللي بعده ....
فيصل _ صباح الجمال والعسل والدلال على احلا فروحة بالدنيا
فرح _ قول مساء الخير
فيصل _ معك صرت ماافرق صباح من مسا مااشوف غيرك
فرح _ اوووه على كذا حياتك بتوقف
فيصل _ لو عشانك عادي
وباسها
فيصل _ فروحة ماني مصدق اصحى من النوم والاقيكي جنبي لايكون بس حلم
فرح _ لا صدق هذا مو حلم لان اللي كنا نحلم فيه تحقق
فيصل _ احس حياتي صارت احلا هاذي هي الحياة اللي من زمان تمنيتها
فرح _وانا بعد يابعد عمري انت حياتي الجديدة
فيصل _ اقول ترا دلعتك كثير قومي سويلي فطور
فرح _فيصل بسم الله عليك في ثانية تقلب
فيصل يضحك _ يازينك صدقتي قومي يلا نفطر برة
فيصل _ يلا تعالي اختارلك ملابسك
فرح _ ها
فيصل _ تعالي بس تعالي
&&&&&&&&&&&&&&&&&&&&&&&&&&&&&&
هيام _ الو
دنيا _ ياربي ابشرك اليوم حيكون نحس
هيام _ بسم الله ليش
دنيا _ من وجهك اول مااصحى اسمع صوتك اكيد حيكون يومي نحس
هيام _ دندونة خلاص بلا هبل
دنيا _ خير وش تبي
هيام _ بغيت اقولك ايش رايك ننزل السوق اليوم باقي يومين على بداية الدراسة وحنا مااشترينا شي
دنيا _ والله معك حق خلاص اوكي اليوم بعد المغرب ننزل السوق
تعالي ماعرفتي اخر الاخبار
هيام _ ايش
دنيا _ مو امي تبغى تخطب لاحمد
هيام _ ماشاء الله الله يوفقه ومين العروس
دنيا _ ماتتوقعي مين حزري
هيام _ مين وحدة من بنات عمي
دنيا _ لا غرام
هيام_ غرام غرام
دنيا _ ايوا غرام صحبتنا
هيام _ ماشاء الله يافلة ثالث وحدة من الشلة بتنخطب
دنيا _ اقول روقي قلت لامي انها محجوزة لواحد من اهل امها اللي بالشرقية
هيام _ بالله بس ماقد قالتلي انها محجوزة لهم اصلا هي ماتحبهم
دنيا _ والله انك دلخة ياغبية مهي محجوزة لهم بس انا قلت لامي كذا
هيام _ ليش طيب قلتي كذا
دنيا _ انا الصراحة احب غرام ومن اعز صديقاتي بس الصراحة مابغاها تكون زوجة اخوي
هيام _ ليش يابت حرام عليكي
دنيا _ هيومة كانك ماتدري ان غرام مغازلجية وتكلم اولاد وتستهبل معاهم وتقابلهم وكمان الحين تكلم الولد هذاك ابو عيون زرقا ماظنتي اصلا بتوافق
هيام _ اها تصدقي معك حق في هاذي الله يهديها يارب
دنيا _ ايه والله الله يهديها والله لو انها مو كذا كنت اتمنى تكون زوجة اخوي
هيام _ الله يهديها
دنيا _ خلاص انقلعي الحين ابغى اروح اكل والبس وننزل السوق
هيام _ اوكي يلا سلام
دنيا _ مع السلامة
&&&&&&&&&&&&&&&&&&&&&&&&&&&&&&&
غرام بصوت كله نوم _ الووو
بندر _ ياصباح الخير على خبري انه عندكم المغرب قرب
غرام صحصحت على طول _ ياهلا صباح النور
بندر _ هلا فيك ايش منيمك الى الحين
غرام _ لا ياشيخ مو انت كنت تكلمني امس بعد الزواج
بندر_ يالله يعني بندر السبب
غرام _ شفت كيف هيا عاقبه
بندر _ ولايهمك دحين اروح انحره
غرام _ بسم الله ماصدقت وجععع
بندر_ تخافي علي
غرام _ طبعا
بندربخباثة _ ليش
غرام _ مالك شغل شي خاص بيني وبين بندر
بندر_ يالله انتي لسة ماعرفتي انه انا بندر
غرام _ بالله بس برضو ماراح اقولك
بندر وهو يضحك _ خلاص طيب روحي الحين صحصحي وبعدين اكلمك
غرام _ اوكي ياعسل باي
بندر _ باي حبيبتي
غرام _ ياقلبي وش هاليوم اللي يهبل تصبحت بصوت حبيبي
وبعد فترة بسيطة دق جوال غرام ماشافت الاسم ردت على طول
غرام _ ياهلا وغلا مسرع دقيت
محمد _ هلافيك بس وش السالفة
غرام وهى متفاجاة _ محمد
محمد _ ايوا حبيبتي اجل مين
غرام _ لا بس احسبك ابوي تدري ابوي سافر
محمد _ اها يرجع بالسلامة كيفك يابعد عمري
غرام في نفسهها _ وجع في شكله هذا متى افتك من خلقته
غرام من غير نفس _ بخير
محمد _ وش فيكي حبيبتي عسى بس تعبانة
غرام وهي معصبة _ وجعع انت تبغى تمرضني يعني
محمد _ لا عمري عسى فيني ولافيك
غرام _--------------
محمد _ حبيبتي اليوم شكلك معصبة
غرام _ ايوا عندك مانع
محمد _ طيب ليش معصبة
غرام _ يوووه محمد ماحب اللقافة صرت مرة ممل
وقفلت في وجهه الخط
غرام _ وجع الله يعكر مزاجه عكر مزاجي هذا مايبغى يفهم لصقة
&&&&&&&&&&&&&&&&&&&&&&&&&&&&&&&&
حنان _ ياعمري يافروحة اليوم اول يوم لها بحياتها الجديدة
وسن _ تراكي من امس اقلقتينا فروحة وفروحة خلاص
حنان _ وسونة انتي ليش ماعندك احساس
وعد _ واحنا مهما كان عندنا احساس ماراح يكون قد احساسك انتي
حنان _ اوووه خجلتوني
وعد _ مسرع تصدق
وسن _ ههههههههههه حرام على نياتها
&&&&&&&&&&&&&&&&&&&&&&&&&&&&&&&&
نرجع تاني لغرام دق جوالها على طول بعد ماسكرت من محمد
غرام _ هذا اكيد الزفت محمد والله لاوريه واسحب عليه
غرام _ نعم يازفت وش تبي مو قلتلك صرت ممل
بسام _ بسم الله حبيبتي غرام وش فيكي انا بسام
غرام _ بسام يالله سوري حبيبي بس واحد معفن طفشني وهو يعاكس
بسام _ غرام قفلي جوالك او اعطي اي رجال نعرفه يرد عيه يأدبه او اقلك هاتي الرقم بس
غرام _ لا بسوم خلاص لاتكبر السالفة عادي صايع معليك منه اصلا بيطفش وماعاد يدق
المهم انت كيفك وحشتنيييييييي موووت
بسام _ بخير بسماع صوتك وانتي بعد يادلوعتي وحشتيني
غرام _ والله باقي كثير على رجعتك تدري قاعدة اعد الايام
بسام _ ياعمري ماعليكي الايام تعدي بسرعة
غرام _ كيف هناك الحياة معاك
بسام _ تمام بس للحين مااعرف احد
غرام _ ياقلبي ليش مافي عرب هناك
بسام _ والله فيه بس لسة يعني ماقابلت احد فيهم وتعرفت عليه
&&&&&&&&&&&&&&&&&&&&&&&&&&&&&&&&
هيام ودنيا لفو السوق كله واشترو نص السوق تقريبا وقعدو بعدين في كافيه في المجمع
دنيا _ وااااي هيومة مااحس برجولي
هيام _ الله اكبر علينا ماسبنا محل بالمجمع الا ودخلناه
دنيا _ قولي ماشاء الله لاتنحرق الملابس
هيام _ هههه ماشاء الله
الا وجات عليهم وحدة
منال _ ياهلا بالحلوين وانا اقول اليوم المجمع منور
دنيا _ ياهلا فيك بس ماتعرفنا
منال _ افااا دندون مسرع نستيني انا منال اخت مها صحبت بنت عمك روان
دنيا _ اها ياهلا فيك كيفك
منال _ تمام ياقلبي بشوفتك كيفك هيام
هيام _ ماشاء الله متذكرتنا تمام
منال _ ومعقولة انسى هالجمال هذا كله
دنيا _ عاااد منال لاتخلينا نتغر
منال _ يحق لكم تستاهلو
هيام _ شكلك تجين هالمجمع كثير
منال _ ايه والله دايم انا هنا في الاسبوع حوالي 5 اول 6 مرات اجيله
دنيا _ ماشاء الله يعني مستوطنة
منال وهي تضحك _ كمان دمك خفيف يازينك تهبلي
هيام _ اقعدي معنا
منال _ ودي بس سواقي يستناني تحت وراي مشوار
دنيا _ يلا نعوضها بالجامعة
منال _ ايوا ابغى اشوفكم هناك خصوصا انتي دندون بنفس قسمي
دنيا _ ان شاء الله ياعسل
منال _ يلا حبيباتي سي يو
&&&&&&&&&&&&&&&&&&&&&&&&&&&&&&&&
خالد _ ياقلبي انا شوف هالمزة اللي هناك
جاسر _ ايه والله تهبل يلا نرقمها
خالد _ اقول انقلع انا شفتها اول انا ارقمها اجل
جاسر _ خلاص خلود من نصيبك بس يمكن ماتاخده
خالد _ نعم وش تقول كيف ماتاخده اناخالد
جاسر _ طيب يالواثق ورينا شطارتك
وراح خالد واعطى الرقم البنت بس البنت رمت الورقة بالارض
جاسر _ ههههـــهـــههــاي وين الثقة اللي كانت قبل شوي
خالد _ بالله روق انت بس شوف شكلها من قريب اصلا يفجع
جاسر _ الحين صارت تفجع قبل شوي كانت مزة
وراح خالد واخذ جاسر الرقم من الارض وحطاه بجيبه وراح يكمل تريقة في خالد
&&&&&&&&&&&&&&&&&&&&&&&&&&&&&&&
اسيل وغرام كانو راحو السوق كمان عشان الجامعة بس غير اللي فيه دنيا وهيام
اسيل _ والله تعبت ترا انا خلصت اشتريت كل اللي ابيه
غرام _ والله حتى انا تعبت خلاص ماعد ابغى شي من السوق ايش رايك نروح نقعد شوي بالكورنيش
اسيل _ طيب يام التهور يلا
غرام _ تهور بعينك رايحين الكورنيش فيها شي
&&&&&&&&&&&&&&&&&&&&&&&&&&&&&&&
هيام _ منال هاذي كلامها تحسيه مجاملات مبالغ فيها صح
دنيا _ اممم ماادري بس انا حبيتها شخصيتها حبوبة مرة
هيام _ ايوا هي حبوبة بس مدري عنها
دق جوال دنيا
دنيا _ مين ياربي رقم غريب
هيام _ ردي يمكن وحدة نعرفها غيرت رقمها
دنيا _ على قولك
دنيا _ الووو
---- _ ياهلا بصاحبة الالووو
دنيا بصوت كله حزم _ مييييين
---- _ اعصابك انا عمار
دنيا _ وجع وش تبغى مني ومن وين جايب رقمي
عمار _ وش فيكي دندون انا ولد عمك
دنيا _ انقلع وش يعني ولد عمي لو سمحت لاعاد تدق علي الا والله اقول لخالد انا مااكلم عيال يا كلب
وقفلت في وجهه
هيام _ لاتقوليها لايكون عمار
دنيا _ شفتي اللي مايستحي يدق علي وشكله يبغى يفتحلي قصة حب وجعع
هيام _ والله عمار هذا مررررة جريء
دنيا _ هذا مو جريء هذا وقح
&&&&&&&&&&&&&&&&&&&&&&&&&&&&&&&
خالد _ جاسر انا بروح الحين ابوي يبغاني
جاسر _ طيب احسن خليني ارقم براحتي
خالد _ ها ها والله انا اللي بجذبلك البنات يالغبي يلا بس انقلع
وراح خالد
وجاسر وهو في الكورنيش شاف بنتين
جاسر _ هاذولا هما المزز اللي من جد
وراح جاسر من جنبهم ورمالهم كلمتين حلوين واعطاهم الرقم
اسيل _ غرام انتي ماتستحي أي رقم ينرمى لك تاخدينه
غرام _ يابنتي شوفي صاحب الرقم وسيم وبعدين الحين مااحتاجه حااخلي وقت عوزة
اسيل _ مالت تخططي لمدى بعيد
&&&&&&&&&&&&&&&&&&&&&&&&&&&&&&&&
روان _ ماشاء الله ياسيد عمار وين جوالي هاااا
عمار _ ها مدري انا حطيته هنا بعد مااخذته منك ورحت اكلم صاحبي
روان _ عمور وش فيك مختبص كذا
عمار _ لامافيني شي شوفيني وش حلاتي ( في نفسه اه اشوي انك ماسمعتيني وانا اكلم دندونتي )
روان _ طيب يلا تعال دور معايا الجوال والله لو ضاع لاتشتري لي اجدد موديل
عمار _ تبشري انا كم رونا عندي
روان من قلب _ اذا على كذا يارب مانلاقيه ياااااااااااااارب
عمار _ هههههههههه وضربها على راسها وراحوا يدورا الجوال
&&&&&&&&&&&&&&&&&&&&&&&&&&&&&&&&&&&&&&&
فيصل _ ياحبي انا وش رايك حلو المكان
فرح _ أي مكان انت فيه اكيد حيكون حلو
فيصل _ اوووه فروحة لاتخليني ادوخ وسط الناس هنا
فرح وهي تضحك _ فصول لاتفضحنا
فرح _ حبيبي وش رايك بكرة نزور امي
فيصل _ اووه بسرعة طفشتي مني
فرح _ لا حبيبي معقولة انا اطفش منك هذا من عاشر المستحيلات
فيصل _ خلاص عمري ان شاء الله بكرة نزور خالتي
&&&&&&&&&&&&&&&&&&&&&&&&&&&&&&&&&
وعد _ ياواد انت ياجامعة كبرتي يابنت
وسن _ ايوا ايوا خلاص لازم نزوجها
حنان _ بنت انتي وهيا احترمي نفسك
محمد _ يلا حنونة راح اوصلك بطريقي
وسن _ ها ها وجعع وش معنى حنان توصلها وتاخدها معك ليش حنا مو خواتك
وعد _ لايكون بنات البطة السود وحنا ماندري
محمد _ حنونة بسرعة قبل لاياكلوكي هاذولي
&&&&&&&&&&&&&&&&&&&&&&&&&&&&&&&&
فيصل _ ياعمري مو لازم تروحين اليوم
فرح _ حبيبي الا اليوم اليوم اول يوم بالجامعة
فيصل _ طيب حبيبتي عشانك والله ترا مااسيبيك
فيصل _ غريبة بيومي ماجات طبت علينا
فرح _ هههههه لا خلاص هي قبل الزواج فقط
فيصل _ اها تخصص ملكة على كذا الله يعين بسام
فرح _ ههههههههه
فرح _ حبيبي ترا تأخرت
فيصل _ يلا حبيبتي البسي عباتك
&&&&&&&&&&&&&&&&&&&&&&&&&&&&&&&&
دنيا _ رهـــــــــــــــــــــــــــــــــــــــف ويــــن الشنطة السودا
رهف _ لاتصارخي انا مو بامريكا في الدرج هنا انقلعي خذيها
دنيا وهي تلبس جزمتها وتمشي في نفس الوقت ومن فوق _ مـــــــــــــــامــــــــــــا كلمي السواق انا خلصت
ام دنيا _ وجععع دنيا انا موصنجة
خالد _ هههههههههه كيف خلصتي وانتي شعرك فيه دبابيس
دنيا _ واااااي يالله نسيت اشيل المكر
وراحت وتنعقل في حاجة وتجري من مكان لمكان
دنيا _ هيام انا جاية الحين البسي عباتك
خالد _ يادلخة وين الفردة التانية بتخرجي برجل حافية
دنيا _ انقلع ادري
&&&&&&&&&&&&&&&&&&&&&&&&&&&&&&&&&
اسيل _ شكلنا اول الواصلين
غرام _ لا شوفي حنان هناك
وتجمعو الثلاثة وقعدو وبعد فترة
حنان _ وين باقي البنات والله تأخرو
هيام _ تتكلمين عننا
غرام _ هلا
هيام _ هلافيك
دنيا _ اووه باقي المدام ماشرفت
الا وفرح جات
دنيا ومن بعيد تصرخ _ ياهلاااااا بالمدااااااااااام
فرح _ الله يفضحك وجعع
حنان _ فروووحة وحشتيني
غرام _ وحشتينا ياهبلة
وصارو يسلمو عليها ويحضنوها
وقعدو مع بعض شوي
هيام _ بنات يلا كل وحدة على المبنى حقها ومحاضرتها خلاص
اسيل _ ايه والله الوقت عدا
دنيا _ ياحظكم كل ثنتين مع بعض الا انا وهالمسكينة نحزن
فرح _ يلا يابنات الجامعة
وكل وحدة راحت على محاضرتها والمبنى حقها
&&&&&&&&&&&&&&&&&&&&&&&&&&&&&&&
في لندن
بسام كان واقف في مكان في الجامعة تقديم اوراق رسمية وكان واقف في طابور
ولمن جا دوره جا واحد وراح بداله
الكلام بالانجليزي اللي جاي بس طبعا عندي الترجمة
بسام _ اذا سمحت انت اخذت دوري
البريطاني _ وماذا كان انت عربي
بسام _ وماذا يعني انني عربي ان هذا نظام وطابور
وشدو مع بعض في الكلام
رجل اللي مفروض يتسلم منهم الاوراق قدم البريطاني على بسام وخلاه هو اول
وبعد ماخلصو وخرجو من هذا المكان وبساحة بالجامعة
البريطاني _ كيف يقبلوك هنا وانت عربي ارهابي
بسام _ انا عربي ولكن لست ارهابي ارجو منك ان تنتبه لالفاظك معي
البريطاني _ لكن العرب ارهابيون ومتخلفون
بسام عصب وقام يبغى يضربه وصار الناس ماسكين بسام
بندر _ اووه اليوم فيه مضاربة مين هذا ياربي هذا مو بسام
بندر _ بسام ياهوو هدي أيش فيك
بسام _ هذا الكلب يسبني لمجرد اني عربي
وصار بسام وبندر مع بعض ويدافعو عن نفسهم وعروبتهم
&&&&&&&&&&&&&&&&&&&&&&&&&&&&
دنيا _ اووه هاذولا الدلخات شكلهم ماخلصو ولا وحدة فيهم ماترد
منال _ هلا بدندون اشبك قاعدة معصبة
دنيا _ هلا فيك بس صحباتي شكلهم ماخلصو ادق عليهم ولا وحدة ماترد
منال _ اها بس ليش ماتتعرفي على صحبات جدد خلاص كل وحدة صارت بقسم
دنيا _ مافي مانع بس انا ماراح اتغير عن صحباتي ابد حنا مع بعض من الابتدائي
منال _ ممكن تعتبريني اول صديقة تتتعرفي عليها بالجامعة
دنيا _ اكيد
دنيا _ معليش اذا مافي احراج بس ودي اسالك سؤال
منال _ لا اسألي معليكي
دنيا _ منال انتي ليش ماتهتمي بنفسك يعني ماتحطي مكياج وشعرك قصير مرة ولبسك يعني غريب شوي
منال _ ياشيخة اولا انا احب الشعر القصير واحب هالاستايل بالبس ومااحب احط مكياج بعتبره حق البنات
دنيا _ هههههه يعني انتي مو من البنات
منال _ ها هههه الا اجل ايش بس الطبيعة احلا
دنيا _ ايه والله وماتشيلين هم مسح المكياج
منال _ ههههههههههه
&&&&&&&&&&&&&&&&&&&&&&&&&&&&&&&
بندر _ وينك يارجال من زمان ماشفتك
بسام _ وانا بعد بغيت اشوفك
بندر _ فرصة سعيدة نتقابل في مضاربة
بسام _ ههههههههههه المهم انت كيفك
بندر _ والله بخير وانت اخبار الغربة معك
بسام _ والله انك شفت قبل شوي
بندر _ اها على كذا باين عليها حلوة
بسام _ بالمرة اقول وش رايك تجي معاي السكن حقي اعزمك على قهوة سعودي
بندر _ اوووه تعرف تسويها
بسام _ اجل
&&&&&&&&&&&&&&&&&&&&&&&&&&&&&&&&
وبكذا هذا البارت خلص البارت اللي بعده فيه مواقف كثير وش سالفة منال هاذي وايش حيصير بسام وبندر تقابلو
حنعرف في البارت الجاي

البارت الثامن
في بيت فهد وهنادي
فهد _ والله اليوم الشغل مرة تعب
هنادي _ الله يعينك حبيبي
هنادي _ فهودي وش رايك اليوم نروح عند ماما
فهد _ اممممممم والله اليوم اتصل عليا فيصل عازمنا عنده في البيت
هنادي _ غريبة والله ماقالت لي فروحة
&&&&&&&&&&&&&&&&
في مكان غير هالمكان وبلد ثانية بالتحديد في لندن
بندر _ لا والله يجي منك يارجال تعرف تسوي قهوة
بسام _ افااا عليك تراني بدوي ماصل
جلسوا يشربوا قهوة وكل واحد يعرف الثاني عن نفسوا اكثر ويحكي معانته مع الغربة
بسام _ الا اقول بندر وش رايك تسكن معايا هنا نتونس
بندر _ لا يارجال مايصير
بسام _ الا يصير ونص بعد الشقة غرفتين وصاله واحنا عزاب يعني تكفينا
بندر _ خلاص ادفع معاك الايجار
بسام _ خلاص صار من اليوم روح جيب اغراضك وخلنا نتونس مع بعض بدل هالغربة
بندر _ ان شاء الله
&&&&&&&&&&&&&&&&&&&&&&&&&&
في جامعة املك عبد العزيز
منال _ وهذي هي قصتي شايفة معاناتي كيف مع الرجال
دنيا _ اهاااا بس حتى لو منول لازم تصبري هذا ابوكي
منال _ وجععععععوا قال ابوي هو اللي كرهني في كل رجال العالم
دنيا _ طيب انتي تكرهين الرجال ليه تقلدينهم حتى في تصرفاتك
منال _ لان انا اشوف ان الرجال اقوى هو اللي يدوس على الحرمة براحته ماحبيت اكون ضعيفة وتقولها وهي خانقتها العبرة
دنيا _ يلا ماعلينا يلا بس قومي منول لاتروح عليك المحاضرة
منال _ بابتسامة تخوف ههههه طيب بس بليز لاعاد تقولي لي منول مااحب هالاسم
دنيا _ اجل وش اناديك منووو
منال _ لالالا حمد ههههههه هذا اسم الشهرة حقي وراحت تمشي
دنيا في نفسها _ والله هالبنت غريبة وتخوف في نفس الوقت انتي وش لك بها يادنيا لا كمان مسمية نفسها حمد الله يستر منها بس وش عليا انا يلا خليني اعيش المغامرة اشوف وش يخبي هالعالم
راحت دنيا لصاحباتها وجلسوا مع بعض وانتهى دوامهم وكل وحده راحت بيتها
&&&&&&&&&&&&&&&&&&
في بيت حنان العصر
ام حنان _ هذي الساعة المباركة وانا امك
محمد _ الله يبارك فيك يمه
وسن _ ماشاء الله اشوفكم مبسوطين فرحوني معاكم
ام حنان _ تعالي وانا امك اخوك محمد نوى يتزوج
وسن _ صرخت باعلى صوتها واااااااااااااي وناسة الله اخوي بيتزوج ومن هي سعيدة الحظ
ام حنان _ هاا اقول ولا تقول انت
محمد _ ههههههههههههه ريهام ياوسن ريهام
وسن _ مين ريهام لاتقولوا ريهام اخت فيصل
ام حنان _ ايه هي
وسن _ الله وش حليلها زين مااخترتوا خلوني اروح ابشر البنات
وطلعت من الدرج وهي تصرخ وعووووده حنونة تعالو بسرعة
طلعت حنان من غرفتها وطلعت وعد كلهم خير ايش فيه
حنان _ ابويا صار عليه شي امي فيها شي
وس _ ههههههههه لا بقلكم خبر بنص مليون يورو
وعد _ ايه قولي بسرعة تراني على اعصابي
وسن _ محمد نوى يعرس
حنان ووعد _ من جدددددددددد
وسن _ ايه وحزروا من هي العروس
حنان ووعد _ مييييييييين
وسن _ حزروا انتم
وعد _ يلا عاد قولي لاتصيري سخيفة
وسن _ ريهاموه اخت فيصل
حنان _ الله والله وناسه
وعد _ جالسة تصفر وترقص والله اختاروا بنت انما ايه
وسن _ والله طلع حمود ماهو بسهل ههههههه
وعد وحنان _ هههههههههههههه
&&&&&&&&&&&&&&&&&&&&&&&&&&
في بيت فرح
فرح _ قولي والله
حنان _ والله العظيم
فرح بصوت واطي عشان مايسمعها فيصل _ طيب متى بيروح يتقدم
حنان _ يقولوا اليوم محمد بيكلم فصيل
فرح _ احترمي نفسك حنون اشوف بيومي عدتك
حنان _ ههههههههه ياحلييها والله بيومي ذكرتيني بها خليني اتصل اعطيها الخبر
فرح _ لا اذا على كذا الخبر انتشر في ارجاء جده قولي لحمود لايتعب نفسه يدق على فيصل الخبر راح يوصل له هههههههههههه
حنان _ هههههههههههه يلا طيب روحي تقلعي فيصل لايحقد علي اخذتك منه
فرح _ هههههههه يلا باي
&&&&&&&&&&&&&&&&&&&&&
المكان في بيت دنيا
الزمان _ الساعة 8 ليلا
رهف _ دندون جوالك يرن
دنيا _ مييييييييين
رهف _ مدري رقم غريب
دنيا _ طيب جايه
احمد _ طالعي يمه بنتك المجنونة دي احد يصارخ من تحت لفوق كذا
دنيا طلعت جري وماانتبهت لكلام احمد ولاكان مارحمته
ام دنيا _ ههههه والله ياحليلها بنتي هذي نوارة بيتنا
خالد _ اجل انا وش ههو
احمد يوشوش خالد _ انت مغازلجي البيت
خالد _ انت انطم لااقوم اهبدك هنا
خالد اخذ مفاتيح سيارته وطالع
ام دنيا _ على وين يمه
خالد _ رايح مع الربع بغيتي شي يمه
ام دنيا _ لا يمه سلامتك
احمد يغمز لخالد _ وبصوت واطي رايح مع الربع ولا الربعات
خالد _ الاثنين انت وش حاشرك يلا مع السلامة
احمد وام دنيا _ مع السلامة
رهف _ والله جوالك من اول ماسكت ردي يابت
دنيا _ ماابغى ارد
رهف _ ليش مييين
دنيا _ عمار
رهف فتحت عيونها الثنتين _ ع ع عماااااار ولد عمي
دنيا رمتها بالمخده وطي صوتك فضحتينا روحي قولي لامي وابوي احسن
رهف _ من وين جاب رقمك وانتي تكلميه ولا ايش وليه يتصل والله دندون ابوي لو يعرف يقطع لاعاد تكلميه
دنيا _ اششششششششش اسكتي هذي كلها اسالة من قال لك اني اكلمه
رهف _ اجل شلون عرف رقمك
دنيا _ ماادري
رهف _ تستخفي دمك انتي
دنيا اسمعي وجلست تحكيها السالفة يوم اتصل عليها عمار وهي بالمجمع
رهف _ حطت يدها على خدها واااااااااه والله هالعمار مرة جرئ كيف ماخاف
دنيا _ تصدقي انا بديت اخاف من حركاته
رهف _ والهي دندون شكله يحبك ويبغى يخطبك
دنيا _ خطبك صرصور خايس مثلك وش يخطبني وش هالخرابيط
رهف _ دندون ترى عمور ماعنده سوالف وبنات وهالكلام فطبيعي انه كلمك يعني يحبك او على الاقل معجب بك ويمكن قريب يخطبك
دنيا _ ...............
رهف _ وين رحتي
دنيا _ معاك معاك بس تخيلي خطبني من جد
رهف من قلب _ يارب يخطبك
دنيا _ وجعووووووا
رهف _ والله انك هبلة انا نفسي اعرف انتي ليش كذا ماتبغيه سوا لك شي والله ان عمور حبوب وطيوب وباختصار واحد مافي مثله
دنيا _ ماقلت شي بسسس اقلك غيري السالفة وخلينا ننزل عند امي تحت ابرك لنا
رهف _ اوووك
&&&&&&&&&&&&&&&&&&&&&&&&&&&&&&&&
عمار ياربي هذي ايش فيها ماترد تكون تعبانة ولا فيها شي لا ان شاء مافيها الا الخير طيب انا لازم اتكد بس كيف كيف اروح ازور عمي بس برضوا كيف اعرف انها فيها شي ولا كيف ياعمار كيف
&&&&&&&&&&&&&&&&&&&&&&&&&&&&&&&&&
في بيت هنادي
هنادي _ الف مبروك فروحة والله تستاهلين كل خير اجل انتي ياصغيرة بتصيري ام
فرح _ ههههههه تخيلي
هنادي _ قلتي لامي
فرح _ لا حتى فيصل ماقلت له
هنادي _ ليش
فرح _ مو بكرة عازمتكم بسوي لهم مفاجاءة
هنادي _ سوي المفاجاءة لامي بس فيصل لازم تبلغيه اليوم
فرح _ اممممممم طيب وش رايك كيف اقله الخبر
هنادي _ انا قلك وش تسوي
&&&&&&&&&&&&&&&&&
اسيل _ والله وحشتني مووووت ياقلبي
بسام _ والله وانتي اكثر كيف الاهل كلهم طيبين
اسيل _ الحمد لله بخير
بسام _ تصدقي ياقلبي نفسي اقطع الدراسة واجي عشان نتزوج
اسيل حمر وجهههها _ .......... يلا هانت
بسام _ أي هانت لسه بدري والله
اسيل _ الا كيف صاحبك اللي معك
بسام _ والله طيب ماعليه شر تصدقي والله ونسني صرنا نخرج سوا ونجي سوا ونسهر سوا ونذاكر سوا والله خفف علي كثير
اسيل _ الله يوفقكم يارب
بسام _ يارب
في دنيا بالتحديد في الصالة
دنيا واحمد كالعادة مهاوش وضرب ومضروب ورهف والام يتفرجوا ويضحكوا دخل عليهم عبد العزيز ونور
عبد العزيز ونور _ السلام عليكم
الكل _ وعليكم السلام
سلم عبد العزيز على امه واخوته ونور سلمت عليهم وعلى احمد
احمد _ يلا انا استاذن
عبد العزيز _ خذني معك
احمد وعبد العزيز _ يلا مع السلامة
دنيا _ فكة منكم مابغيتوا تطلعوا احمد طنشها ومشي وعبد العزيز طالع فيها
دنيا مسوية نفسها خايفة _ طبعا الكلام مو موجه لك ابدااااااااااا يابو يزن
عبد العزيز _ ضحك وخرج مع احمد يجلسوا بمجلس الرجال
رهف _ تعالي حبيبت عمتووووو تعالي ياقلبووو
دنيا _ تبوس في خدود ريماس لمن خلتها تبكي
ام دنيا _ بس يادنيا كسرتي خدود البنت
دنيا _ يمه شغل جدات مانبغى بنت اخوي وانا حره فيها
رهف يلا عاد قومي خلص دورك دنيا خذيها من حلاتها هي وخدودها هذي وشدت لها خدودها واااااه اموت في ام خدود انا
نور _ ههههههههههه والله انكم هبلتوا في بنتي
رهف _ وش نسوي نحبها نحبها وجلست تلعب ريماس وتغني لها
دنيا _ وش فيه روح عمتووو زعلان وماد البوز
يزن _ انتم بس تدلعوا رموسة وماتحبوني
دنيا _ عسى اللي مايحبك بالقرادة قول امين
يزن _ اميييييييييين ويرفع يدوا للسما
الكل _ ههههههههههه
دنيا _ طيب يلا وش رايك يزوني حبيب عمتك انت نروح نلعب بالحوش
يزن _ واللله
دنيا _ والله يلا مشينا
اخذت يزون وجلست تلعبوا في الالعاب اللي في الحديقة وتجري وراه
&&&&&&&&&&&&&&&&&&&&&&
في مكان غير المكان وزمان غير الزمان في بلد الغربة عند بسام ويندر
بندر _ تصدق والله انك مليت علي وحدتي هنا كنت بتجنن
بسام _ والله نفس الشي
دق جوال بندر وابتسم ابتسامه عريضة ودخل الغرفة يكلم
بندر _ هلا بالغرام والشوق والاشواق كلها
غرام _ هلا فيك يالغلا
بندر _ كذا غرامي اتصل عليك يومين ماتردي
غرام بدلع _ والله بيبي اسفة بس والله انشغلت مرة بالجامعة
بندر _ اهاااا غرامي بقلك سر بس انتبهي لحد يدري عنه
غرام _ قول سرك في بير
بندر _ انا بموووووووت
غرام _ وه بندوري بسم الله عليك عساه بعدوينك يارب لاتقول هالكلام والله ازعل منك
بندر بصوت يخقق _ انا بمووووت من الشوق لك
غرام حمرة خدودها وحست بففرحة ماقد حست بها قبل كذا _ .........
جلسوا يتكلموا بندر وغرام وطولوا مرة اول ماخرج بندر من الغرفة كانت الابتسامة شاقة حلقه
بشام _ ماشاء الله وش هالابتسامة
بندر _ يتنهد ااااااه
بسام _ لا فيها ااااااااه بعد السالفة كبيرو وش عندك
بندر _ اسكت يابسام والله اني واقع في قصة حب ماعمري حسيت بها
بسام _ اوووه السالفة فيها حب لاهذي يبغالها جلسة وفصفص
بندر _ وش معنى فصفص هههههههههههه
جلس بندر يحكي بسام عن كل شي من اول مااتعرف على غرام بالسوق لااخر مكالمة وطبعا ماقله ان اسمها غرام
بسام _ لا والله شكلك وقعت يابندر ومحدن سمى عليك
بندر _ انا عمري ماحسيت بطعم الحب ولا الراحة والسعادة غير مع هالبنت
بسام _ طيب اذا تبغاها ليش ماتخطبها
بندر _ ناوي وانا اخوك بس ارجع للسعودية يصير خير
جلس بندر يفضفض عن اللي بقله لبسام وبسام جلس يحكي بندر عن خطيبتوا اللي هي اسيل كيف اتعرف عليها وصاروا مع بعض اكثر من اخوان اسرارهم كلها عند بعض ويحبوا بعض حب مو طبيعي
&&&&&&&&&&&&&&&&&&&&&
عمار راح عند روان وتميلح عندها وقالها بيوديها بيت عمها وهي ماصدقت خر وراحت على طول
&&&&&&&&&&&&&&&&&&&&
في بيت فرح وفيصل
فيصل _ هيا فروحة قومي خلينا نخرج
فرح _ اممم لا مافيا
فيصل _ فروحتي انتي تعبانة فيك شي اوديك المستشفى
فرح _ لا مايحوج الموضوع يابو فهد بس فهودي متعبني شوي
فيصل _ اها طييب وجالس يطالع في التلفزيون
فرح تطالع في فيصل تبغى تشوف رده فعله شكله مااستوعب الهرجة
فيصل دار وجه وفي الف سؤال وسؤال بعينه وبصوت مبحوح_ فروحتي انتي ايش قلتي عيدي اللي قلتيه توك
فرح ماسكة نفسها بالقوة لاتضحك على شكل فيصل اللي كان مرة تضحك رده فعله _ اقلك مايحوج الموضوع يابو فهد بس فهودي متعبني شوية وابتسمت
فيصل _ يعني اللي سمعته صح فروحة انتي انتي حااااااااااااامل يعني انا بصير ابو
فرح _ ههههههههههههه ايوا انت بتصير ابو وانا بصير ام تخيل
فيصل من الفرحة _ قام وشال فرح وصار يلف فيها الغرفة كلها
فرح _ هههههاااااااااي ههههههههههه فصولي والله دخت خلاص نزلني
فيصل شالها وحطها على السرير ويكلمها بحزم _ اسمعي من اليوم ورايح مااشوفك تقومين السرير كل شي تبغيه بيوصل لك لحدك فاهمة ياام فهد
فرح _ فيصل عاد لاتزودها ترى دوبي اول شهر
فيصل _ لو انك اول يوم مو اول شهر ماابغاكي تحتركي انتي بس اشري باصبعك على اللي تبغيه وانا بجيبه لك
&&&&&&&&&&&&&&&&&&&&&&&&&&
دنيا _ يلا يزون ارمي الكورة
يزن _ يلا
دنيا _ ههههههههههه ياشيخ هذي الرمية ولا هنري مايسويها انت ماشاء الله مو بس رميت الكورة رميت نفسك معاها
يزن _ ههههههههههه
دنيا _ يازينووووو اللي يدحك يانااااسو
بدخله سيارة عمار دنيا مانتبهت للسيارة وجالسة تلعب مع يزن نزل عمار ونزلت روان
يزن _ عموووووووو عمووور وراح يجري لعمار
دنيا _ لفت وجها وشافت عمار قدامها عمار طالع فيها شوية ودار وجه عشان روان معاه
روان_ واه دندون انتي هنا خلاص عمور روح لمن اخلص اناديك
عمار مسوي محترم _ طيب كيفك يادندون
دنيا لسانها مجمد _ ..........
دنيا _ الحمممممد لله
راح عمار هوشايل يزن عند مجلس الرجال ودخلت روان ودنيا البيت
نور _ ياهلا والله نور البيت والله
روان _ منور بام يزوني
ام دنيا _ حياك الله يابنيتي الا وين امك ليش ماجت معك
روان _ الله يحيك ياعمه بس والله خرجنا انا وعمور وهيا كانت نايمه
نور _ وليش ماقلتي لسارونه تجي
روان _ وايش معنى سارونه انا مو ممليه عينك
نور _ ههههههه محشومه
رهف نازلة من الدرج وهذا انا غيرت لها أي اوامر ثانية مدام نور
رهف _ بسم الله رونا عندنا يامرحبا يامرحبا
روان _ مرحبتين ببنت العم
دنيا _ عن اذنكم دقيقة
&&&&&&&&&&&&&&&&&&&
احمد _ اجلس يارجال وش عندك
عمار _ والله بروح مشوار خلوها مره ثانية
يزن _ عمو عمووور خدني معااااااك
عمار _ عزيز خلي ولدك يحشمني وش عمو ويقلي عموور
عبد العزيز _ ههههههه تستاهل انت دلعته
احمد _ عاد مااسمحلك ترى ولي العهد ههههههه
عمار _ ههههههه يلا في امان الله
يزن _ بروح معاااااااااك
عمار _ ياذي النشبة خلاص انا بروح مشوار واجي اخذك اوديك الملاهي بعدين
يزن _ وعد
عمار _ وعد
عبد العزيز _ تراك وعدت ولي العهد يعني لو اخلفت بقوم اقطعك
عمار _ وانا اقدر على ولي العهد وابوه يلا باي
&&&&&&&&&&&&&&&&&&&&
هيام _ لاتقوليها ياشيخة
دنيا _ والله ياهيام هذا عمار مره قاهرني
هيام _ حرام عليك هو صح يقهر بس والله حركاتوا حلوة ههههه
دنيا _ ايوا عشانها مو فيك
هيام _ دحين يعني روا عندكم
دنيا _ ايون
هيام _ طيب اعزميني لو بالكذب على الاقل
دنيا _ حياك البيت بيتك تعالي
هيام _ بشوف سوسو واكلمك
دنيا _ اقول احترمي عمتي مو اسمها سوسو اسمها سعوده
هيام _ ههههه الا صح دندون مادريتا
دنيا _ وش هو
هيام _ محمد بيخطب ريهام
دنيا _ من محمد ومن ريهام
هيام _ ياهبلة ركزي ولا عمور اخذ عقلك
دنيا _ وجعوااا قال عمور يلا مين هما
هيام _ محمد اخو حنونة وريهام اخت فيصل
دنيا _ لا قولي غير كذا
هيام _ والله هو كذا
دنيا _ ياحليلها رمرم والله تستاهل بس هين انا اوري حنونة ليش تقولك وماتقلي
هيام _ تقول اتصلت عليك جوالك مقفل نسيتي انك قفلتيه عشان عموووور حبيب القلب
دنيا _ يلا انقلعي يلي ماتستحين وسكرت السماعة في وجها
هيام _ ههههههههههه يازينك يادندون يارب يكتب عمار من نصيبك ولا شاب مافي زيوا
ابو هيام _ انا مو قلت لك الراتب ماتصرفي منه شي في 100 ريال ناقصة وين وديتيها هاااا
كان ابو هيام سكران وجالس يضرب في ام هيام نزلت هيام وشهد من فوق وشافوا امهم تنضرب قدامهم ماقدرت تستحمل هيام ونزلت تدافع عن امها اما شهد ماكانت تقدر توقف بوجه ابوها وكانت الدموع كفيلة فيها وجلست تبكي
هيام _ بعد عن امي
ابو هيام _ انتي انقلعي مالك دخل
هيام _ انا مااسمحلك كله الا امي وخر من هنا لاادق على الشرطة يجوا يسحبونك وانت بهذي الحالة
ابو هيام _ وحده زيك تهددني ومسكها وجلس يضرب فيها
هيام والدموع حجبت رويتها وصوت بكاها عالي _ اضرب براحتك ماعاد يهمني اهم شي ماتمسك امي
ابو هيام _ انتي وحده ماتربيتي الغلط مو منك من ام ربتك
هيام _ انا متربية قبل لااشوفك انت اللي روح واتربى لو انك متربي ماكان كل يوم تجينا سكران وتضربنا
ابو هيام _ طاح فيها ضرب لانها زودتها معاه انا الله مو رازقني غير بيكم يالعار لو عندي ولد كان ربيته عدل مو مثلكم
هيام وهي تبكي وتشهق _ اذا انت ماتبينا مرة حنا مانبيك مليون
شهد من كثر ماتبكي طاحت على الارض مغمي عليها
سعاد _ يمه بنتي
ابوهيام _ خرج من البيت وسك الباب بسرعة ولا كان اللي طاحت على الارض بنته
هيام وهي تبكي _ حسبي الله ونعم الوكيل الله ياخذ حقنا منه عساه يموت ويفكنا
سعاد تصرخ _ هيام اتصلي على بيت خالك وخليهم يجوا بسرعة
هيام _ اتصلت على دنيا وقالت ان شهد اغمى عليها ويبغوا يودوها المستشفى بسرعة
&&&&&&&&&&&&&&&&&&&&&&
في بيت دنيا
ام دنيا _ يلا عبد العزيز بسرعة خلنا نروح
نور + رهف + روان _ طمنونا طيب
خرج عبد العزيز وامه ودنيا وراحوا على بيت عمتهم سعاد واخذوا شهد وودوها المستشفى وكانت نفسية هيام وامها مرة متدمرة
في المستشفى
سعاد _ ها بشر يادكتور
الدكتور _ لا الحمممد للله صحة المريضة كويسة بس هي محتاجة شويت راحة وبسبب ضغوط نفسية جاها انهيار عصبي
عبد العزيز _ يعني هيا بخير مافيها شي
الدكتور _ الحممد لله
ام دنيا _ هدي ياسعاد الحمد لله بنتك مافيها الا الخير بس شويت تعب
سعاد كان جوابها دموع فقط
رهف _ ها دندون ايش صار على شهد
دنيا _ الحمد لله طيبة اتطمنوا بس انهيار عصبي
رهف _ انهيااااااااااااار
دنيا _ ايوا
رهف _ طيب خلاص انا ونور وروان دحين بنجي المستشفى
دنيا _ طيب
&&&&&&&&&&&&&&&&&&&&&&&&
في مكان ثاني كانت الفرحة مالية بيت فرح وامها شوية وتطير من فرحتها ببنتها
ام فرح _ يمه فرح انتي دحين حامل انتبهي على اكلك زين ولا تتعبي نفسك كثير لمن حملك يثبت
فرح _ ان شاء الله
هنادي _ الله يعينك فروحة عاد وش يفكك من نصايح ام تركي
فرح _ ههههههههه لو ادري ماقلت لا لها ولا لفيصل والله جننوني
ام فرح _ هذا انتم يابنات هالجيل مدري كيف بتصيروا امهات وانتم ماهمك شي اسمعي انتبهي على نفسك في الجامعة لاتمشي كثير وترهقي نفسك وافضل لو انك توقفي هالترم
فرح _ لايمه حرام عليك هذي اول سنة لازم اثبت نفسي في الجامعة بعدين الحمل ربك يحلها
وجدان _ قلتي لصاحباتك فروحة
فرح _ لا بسويها لهم مفاجاءة في الجامعة يوم السبت ان شاء الله
ام _ فرح اذا انا امها سوتها لي مفاجاءة
وجدان _ بس كانت احلى مفاجاءة يلا حبيبتي الله يتمم لك حملك على خير وتولدي وتجيبي لنا فهودي الصغير
هنادي _ واااااااي فروحة تصدقي اني بديت احب ولدك
فرح _ علو طول خليتوه ولد يمكن تطلع بنت وبعدين اكيد هنودة راح تحبيه او تحبيها مو عيال اختك
هنادي _ ههههههه لا ترى ماعلي انهم عيال اختي بس عشان بتسمي فهودي فديته
فرح _ شوف النذالة يعني مو عشان ولدي
هنادي _ ههههههههههه لا طبعا

&&&&&&&&&&&&&&&&&&&&&&
في اجواء يعمها الضباب في لندن
بسام _ يلا بندر نخرج والله الجو اليو خرافي
بندر _ يلا مشينا
نزلوا وراحوا الكوفي اللي جنبهم وشربوا لهم كوبين كوفي وكانوا مرة مستمتعين بالاجواء الجميلة هذي
بسام _ بندر وش فيك اليوم مو على بعضك بس ماسك جوالك
بندر _ والله ياخي الوجه حقي ماكلمتني اليوم خايف يكون فيها شي
بسام _ هههههه لاان شاء مافيها الا العافية
بسام_ ان شاء الله الا صح هي وش اسمها
&&&&&&&&&&&&&&&&&&&
في اجواء حزينة في المستشفى
عمار _ خير ياعمة وش فيكم عساها طيبة بس شهد
دنيا الدم نشف بعروقها ماتدري ليه لمن تشوف نظرات عمار لها تحس بكهرباء في جسمها
رهف _ كانت جالسة تبكي لان شهد من اعز واقرب الناس لها
دنيا _ رهيف خلاص اسكتي شوفي حالة هيام كيف خلاص
في دخلة الدكتور
ابو عبد العزيز _ ها بشر يادكتور
الدكتور _ الحمد لله البنت فاقة تقدروا تدخلون لها بس من غير أي صراخ او بكى نفسيتها ماتتحمل
دخلوا كلهم على شهد حتى العيال لان شهد ماكانت تتغطى من احد هيا وهيام يعتبروا عيال خيلانهم مثل اخوانهم واكثر
سعاد راحت تحضن في بنتها والعبرة خانقتها وماسكة الدمعة بقوة
ابو عمار _ ماتشوفين شر وانا ابوك
شهد _ الشر مايجيك خالي
ابو عبد العزيز _ الحمد لله على سلامتك
شهد _ الله يسلمك
خالد _ يلا عاد شهودة لاتدلعين علينا ماشاء الله مافيك الا العافية
شهد _ ابتسمت تسلم يااخوي
خالد حزت الكلمة بنفسوا اخوي _ .............
دنيا _ يلا عاد قومي يانا عندي لك اخبار بتنسيك عمرك بس قومي انتي بالسلامة
شهد _ هههههههههه
روان _ وانا جبت امس افلام انما ايه يلا قومي لنا بالسلامة عشان نلحق نتفرجهم
رهف _ كذا خوفتيني عليك ياللي ماتستحي
شهد _ ههههههههههه
هيام _ يلا عاد قوموا عن اختي خلوني اجلس جنبها
دنيا _ مافي انا مو قايمة وهذي تربيعة بعد وخري شهوده على هناك ولا انزلي من السرير ابرك
عمار _ كانت عيونوا وقلبوا يراقبوا دنيا وحركاتها اللي غيرت مود الكل وصاروا كلهم يضحكوا
ابو عبد العزيز _ انا عندي لكم خبر يجننننن
دنيا _ بسرعة بسرعة يبا تكفى قبل لاادوخ
روان _ الحقها عمي بالخبر قبل لاتنصرع علينا ولاتجيها حكة الاخت مدمنة
الكل _ هههههههههههه
دنيا _ ماعليا منك وش هو الخبر يابو عبد العزيز
ابو العزيز _ من اليوم ورايح عمتكم سعاد راح تسكن عندنا في البيت
سعاد وهيام وشهد _ الصدمة كانت على وجيههم
دنيا قامت تنقز زي البزران فوق السرير الله احلى خبر سمعناه يعيش ابو عزوز يعيش
سعاد _ بس يااخوي
ام دنيا _ مافي لابس ولا غيره احنا قلناها كلمة وان ماشلتك الارض وانا اختك تشيلك عيوني
ابو عبد العزيز _ ماعندي بنات يعترضون ياسعاد هههههههههه
سعاد _ الله يطول بعمرك يااخوي ويخليك ذخر لي ولبناتي
دنيا _ وااااااااي انا من الوناسة خوفي تجيني سكته قلبية
شهد _ بسم الله عليك
دنيا _ لو اعرف ان هالخبر بيجي مع طيحتك كان من زمان ادعي ومتمنية انك تطيحي
شهد _ وجعووووووووا وقامت تخبط دنيا على يدها
عمار في نفسوا _ اه يازينك وزين خفة دمك والله ان كل مالك تكبرين بعيني وتتربعي بقلبي الله يصبرني لمن اجي واخطبك
&&&&&&&&&&&&&&&&&&&&&&
في بيت فرح
فرح _ خلاص فصولي والله انبشمت من الاكل
فيصل _ طيب بس هذي
فرح _ والله شبعت فصولي
فيصل _ عشان خاطري بس لقمة
فرح _ خلاص هذي اخر لقمة عشانك بسسس
فيصل _ انتي المفروض تاكلي اكل عن نفرين
فرح _ لاتسوي زي امي ترى من امس وهي تاكل فيني كان مافي احد حمل غيري
فيصل _ طبعاااااا انتي غير انتي حرم فيصل ال.......
فرح _ هههههههههه
فيصل _ وش رايك فروحة بكرة ماتروحي الجامعة
فرح _ليش
فيصل _ اخاف عليك تتعبي
فرح _ هههههههه طيب بكرة اغيب لمتى يعني اغيب الترم كله
فيصل _ والله لو تبطلي جامعة افضل
فرح _ لا فيصل تكفى كله الا الجامعة هذي اول سنه لازم اثبت نفسي
فيصل _ اممممممم طيب ياقلبي اللي يريحك يلا خلاص ننام
فرح _ طيب انابروح اغسل الصحون واجي انام
فيصل _ تغسلي ايش انا اللي بروح اغسل الصحون وانتي ارتاحي
فرح _ هههههههههههه انت من جدك
فيصل _ وجد جدي بعد هههههه من اليوم ورايح مافي شغل في البيت
فرح _ مايصير زي كذا يافصولي
فيصل _ لا يصير ونص بعد ياعيون فصولك انتي
فرح _ جلسن تضحك على فيصل اللي شايلها على كفوف الراحة
فرح _ الله لايحرمني منك ياعمري يافيصل عسى يومي قبل يومك
&&&&&&&&&&&&&&&&&&
في بيت دنيا
ام دنيا _ ياهلا والله نور بيتنا بوجودك ياسعاد
سعاد _ كثر الله خيرك يامنيرة بس انا خوفي اثقل عليكم
ام دنيا _ افا وانا اختك والله ان ماشالتك الارض تشيلك عيوني
سعاد _ ماتقصرين ياام عبد العزيز
دنيا هيوم انتي بتنامي معايا في غرفتي
هيام _ لا دندون انا بروح انا في الغرفة حقت امي انا وشهد ماابغى اثقل عليكم
دنيا _ اقول من أي مسلسل سامعة هالكلام ترى حنا اخوات ونا وانتي بنام هنا والبزرتين هذول بيناموا في غرفة رهيف
رهف _ والله مابزر غيرك يالمرجوجة
روان _ تصدقون بنات انا ببدا احسدكم كلكم هنا متجمعين وانا ماعندي احد
دنيا _ الله واكبر لاتكون عينك حارة ونتسدح على الفرش كلنا ههههههههه
روان _ ههههههه خفيفة دم والله من جد بنقهر منكم
رهف _ ولاتحطين في خاطرك كل يوم تعالي هنا ضفي وجهك وخلينا نتونس مع بعض
روان _ اكيييد اصلا من غير ماتقولي بجي ارز الفيس هههههههه بس يبغالي اسوي عقد مع عمور انه يوصلني هنا
هيام _ يلا بنات خلونا ننزل تحت
نزلوا البنات وجلسوا مع امهاتهم وعايلة ابو عبد العزيز كلهم مبسوطين بوجود عمتهم اللي راح تسكن عندهم
&&&&&&&&&&&&&&&&&&&&&&&&
في بيت غرام الساعة 10 في الليل
غرام _ بسام يسلم عليك
ام غرام _ الله يسلمه هو دحين في لندن صح
غرام بدون نفس _ ايوا
ام غرام _ ماعنده اجازة وكم سنة دراسته
غرام _ ولا كانه ولدك هذي الاسئلة المفروض تكوني انتي اكثر وحده تعرفيها لكن انتي عمرك مااهتميتي فينا ياماما وطلعت غرفتها وهي تبكي
ام غرام _ يوووه خليخا براحتها هالبنت ماينعرف لها خليني اقوم اروح لام عبد الرحمن ابرك لي
غرام _ الوووو بندر
بندر _ هلا باحلى صاحبة الوووو وين الناس مبطين شغلتيني عليك
غرام وهي تبكي _ ........
بندر _ غرامي وش فيك
غرام وصوتها كله بكى _ انا متضايقة يابندر طفشانة
بندر _ من اللي مزعلك وانا اذبحه لك
غرام _تشهق لانها كانت تبكي من قلب ............
بندر _ خلاص حبيبتي هدي حالك مايصير اللي تسويه في نفسك تراك غالية علي وش هو له هالدموع
غرام _ ............
بندر _ يلا ياقلبي روحي دحين غسلي وجهك وتوضي وصلي ركعتين لله وراح ترتاحي وبعدها نامي وبكرة قبل لاتروحي الجامعة الساعة 9 راح اتصل عليك واتطمن اوكي ياحبي
غرام _ ان شاء الله
بندر _ يلا حبيبتي لاتزعلى نفسك مافي شي يستاهل وبكرة راح افهم منك السالفة ان شاء الله دحين اسيبك لان الوقت عندكم تاخر ولازم تروحي تنامي وراك جامعة بكرة
غرام _ طيب يلا مع السلامة
بندر _ في امان الله
غرام راحت تغسل وجها وقفت قدام المراية وهي تتامل وجها وخصلات شعرها اللي نازلة على وجها وعيونها المنفوخة والحمره من كثر البكى
غرام _ ليش اول ماحسيت اني زعلانة دقيت على بندر يمكن لاني احس معاه براحة وامان عمري ماحسيت بيها يمكن اكون فعلا حبيت بندر مو زي غيره واتردد في بالها الف سؤال وسؤال
&&&&&&&&&&&&&&&&&&&&&&&&&&
المكان جده
الزمان الساعة 8 صباحاااا
في بيت غرام
غرام _ كانت في سابع نومه
وصحت على صوت الجوال روح الروح يتصل بك
غرام _ ابتسمت وردت الو
بندر _ صباح الفل والياسمين صباح اللي بتغني
غرام _ ههههههه صباح النور والسرور وش هالصباح اللي يجنن
بندر _ كيفك دحين
غرام _ تمام كيف انت
بندر _ بخير دامك بخير
بندر _ اقول انتي ماعندك جامعة اليوم ولا ايش
غرام _ الا بس محاضرتي الساعة10
بندر _ اها ومتى تجي
غرام _ على الساعة 2 او 2ونص
بندر _ ليه كم ساعة المحاضرة
غرام _ ثلاث ساعات وبعدها متواعيدن نتجمع في الكافتريا لان صاحباتي لي فترة عنهم تعرف الجامعة فرقتنا ماصرنا نتقابل مثل اول
بندر _ اها طيب يلا قلبو انا استاذن دحين محاضرتي بتبدا
غرام _ اوكي باي
بندر _ باي
&&&&&&&&&&&&&&&&&&
في بيت اسيل
اسيل جالسة قالبة غرفتها فوق تحت تدور ملابس لاني زي ماقلت اسيل من النوع مهتم بنفسه مرة كثير
اسيل _ ياربي مو عارفة ايش البس البس هذا ولا هذا لاهذا احلى
&&&&&&&&&&&&&&&
في الجامعة
حنان _ يوم والله طفش كل الناس محاضرتهم متاخر الا احنا في احد يروح محاضرة من الساعة 8
فرح _ ولا كمان مدتها 4 ساعات يعني ام الغث
دخلوا حنان وفرح على محاضرتهم
وراحت هيام على محاضرتها ودنيا على محاضرتها
والساعة 10 كانوا اسيل وغرام واصلين وراحوا هما كمان محاضرتهم
في الجامعة الساعة 11
خرجت دنيا لان محاضرتها كانت ساعتين وهي ماشية في الاسياب لقت منال
دنيا _ هلا منول اقصد حمد
منال _ هههههه هلا والله بعيون حمد تعالي تعالي اجلسي
دنيا _ ايش اخبارك ايش مسوية
منال _ تمام وعال العال انتي كيفك
دنيا _ بخير الحمد لله ماشاء الله اشوفك مستوطنه هنا ماوراكي كحاضرات
منال بصوت عريض وخشونة زي العيال _ ياشيخة اهجدي مين يحضر محاضرات الساعة 11 حمد هذي قوية انا ادخل المحاضرة وقت ماابغى ولعيون الحلوين اليوم بكنسل ام المحاضرة
دنيا _ ابتسمت ماتدري انها فتحت لها ابواب من ورا هالابتسامة
منال _ تعالي خلينا نجلس هناك نروق
دنيا _ اوكي
&&&&&&&&&&&&&&&&&&
في الجامعة الساعة 12
خرجوا حنان وفرح وهيام وتجمعوا بمكانهم المعتاد
فرح _ وين دندون
حنان _ مو قالت محاضرتها تنتهي 11
هيام _ تلاقيها راحت تجيب لها شي
&&&&&&&&&&&&&
دنيا _ منال بليز لاتكلميني بهذي المواضيع ترى مااحبها
منال _ من عيوني
دنيا بخوف في نفسها _ الله يستر والله بديت اخاف منك يامنال
دنيا _ منال انتي ليه كذا تصرفاتك غريبة مع البنات
منال _ لان العيال كلهم كذا
دنيا _ بس انتي بنت
منال _ لا انا مو بنت انا اكره ضعف البنات واكره العيال كلهم
منال _ خلاص فكينا من هالسيرة اعطيني رقم جوالك ابغى اكلمك
دنيا _ طيب سجلي عندك 055..........
منال _ دندون بسالك بصراحة انتي قد حبيتي قبل كذا
دنيا مستغربة من السؤال _ لا طبعا ماحبيت
منال _ اها احسب
دنيا _ احسب ليه وش فيه
منال _ انا احب لمن اتعرف على وحده وتكون صديقتي مااحب انها تحب اخذ غيري واذا احد اخذها مني اذبحه
دنيا _ اوف يعني عندك حب تملك
منال _ نوعاااا ما
دنيا _ يوه حمد والله الجلسة معاك ماتنمل بس الساعة 1 ولازم اروح مواعده صاحباتي
منال _ خلاص ياعمري بيننا تلفون
دنيا _ اوكي يلا باي
منال _ باي
&&&&&&&&&&&&&&&&&&&&
غرام _ والله بدري كان جلستي مكان ماكنتي احسن احنا خلصنا محاضرة وجينا وانتي لسه
دنيا _ اقول لاتكثري انطمي وسلمت على صاحباتها اللي صاروا مايشوفوا بعض كثير
حنان _ وين كنتي من الساعة 11
دنيا _ مع منال جالسة
اسيل _ دندون انتي ليش تجلسي معاها والله هالبنت تخوف باين عليها انها بويه
دنيا _ بويه ولاسيراميك بجلس معاها
هيام _ انتي هبلة هذي تلاقيها مشبوهة هنا
دنيا _ طيب طيب
فرح_ بنات بقلكم شي
الكل _ ايش
فرح _ فهودي جاي بالطريق
دنيا _ والله ياذا الفهودي النشبة وش جايبه حتى بالجامعة مو مريحنا قولي له يالمراهق نبغى نجلس معاكي
فرح _ ههههههههههههههههههه تضحك على دنيا لانها مو منتبه للسم تحسب انه فصولي فيصل
غرام _ خير ليش تضحكي
اسيل _ لحظة فهودي زوج اختك جاي ياخذك ليش وين فصيل
فرح _ هههههههههههه
هيام _ يلي ماتستحين تركبين مع فهيد قولي له لايتعب نفسه احنا نوصلك معانا
حنان _ فروحة ليش ماقلتيلي كان كلمت محمد من اول دحين مين يجي ياخذني
فرح _ هههههههههههههههههههههههههه
دنيا _ ليش تضحكي دحين خير
فرح _ ههههههه لحظة خلوني اكمل لكم الموضوع انا بقلك فهودي جاي بالطريق يعني بعد 8 شهور بتصيروا خالات
البنات _ انتي حامل
فرح _ هههههههههههه بسم الله الرحمن الرحيم ايوا انا حامل
قاموا يسلموعليها ويباركوا لها
حنان _ يخص عليك ليش ماقلتي لنا من اول
فرح _ الاسبوع اللي فات عرفت
اسيل _ كم شهر
هيام _ يالخبلة انتي هيا لها شهر ونص متزوجة يعني كم لها سنة حامل
اسيل _ طيب لاتصرخي
دنيا _ حركات يامراهقة والله بتصرين ام والمراهق الثاني بيصير ابو
غرام _ ههههه ماشاء الله ماعندك وقت
فرح _ ههههههه
دنيا _ ياني متوعده بزرتك اني بطلع لها قرون
فرح _ وه ليش حرام عليك
هيام _ بدينا حنان الام من دحين ولد اختنا واحنا حرين فيه
دنيا _ اما انا من اول مايتولد بجلس احكيه عن امه وابوه المراهقين طبعا مع شوية بهارات من عندي
الكل _ ههههههههههه
حنان _ الله فروحة مرة مبسوطة مو مصدقة اني راح اصير خالة واجلس ادلع في ولدك ولابنتك

اسيل _ اما انا لو طلع بخدود بجي احول بيتنا عندك
غرام _ يلا عقبالك اسولة الله انتي لو خلفتي اصير خالة وعمة واي وناسة
اسيل استحت وحمرت خدودها _ ................
دنيا _ حركات يالمراهقة نمبر تو وصرنا نستحي والله
اسيل _ دندون اهجدي عني
دنيا _ تصدقون بنات انا اتمنى بساموا يجي اليوم قبل بكرة
اسيل _ عيونها طلعت متر قدامها ليييييييييييش
غرام _ احترمي نفسك دندون ترى اخوي محجوز
دنيا _ مالت عليك وعلى اخوك بس انا مقهورة احس انه فلت من يدي مانغست عليه فترة الخطوبة مثل فصيل
البنات _ هههههههههههههههههه
وجلسوا البنات يسولفوا مع بعض وكل وحده فرحتها ماتنوصف بحمل فرح مبسوطين لانهم اول مره راح يصيروا كلهم خالات بنفس الوقت
خلصوا البنات على الساعة 2 وكل وحده راحت بيتها

وبكذا البارت خلص وراح نشوف التطورات في البارت الجاي
بسام ياترى عرف ان اخته هيا اللي تكلم بندر ؟؟؟؟؟
ايش سالفة منال البويه مع دنيا ؟؟؟؟؟؟
خطبة محمد وريهام راح يوافقوا ولا يعترضوا ؟؟؟؟
عمار راح يخطب دنيا ولا لا ؟؟؟
ايش قصة خالد مع شهد ؟؟؟
كل هذي التطورات راح نتكلم عنها بس في البارت الجاي

البارت التاسع
في بيت حنان
محمد _ يلا يبا كلم ابو فهد وقله
ابو حنان _ اركد ياولددحين بكلمه
ابو حنان _ الوووو السلام عليكم
ابو فهد _ وعليكم السلام والرحمة
ابو حنان _ شلونك يابو فهد
ابو فهد _ بخير الله يسلمك انت اخبارك
ابو حنان _ الحمد لله والله يابو فهد بغيتك في موضوع
ابو فهد _ امر وانا اخوك
ابو حنان _ مايمر عليك عدوا بس الموضوع خاص وبغيت امرك اليوم بعد المغرب لو انت فاضي
ابو فهد _ الله يحيك في أي وقت البيت بيتك
ابو حنان _ تسلم وانا اخوك هذا العشم
قفلوا ابو فهد وابو حنان ومحمد طاير من الفرحة وراح يتكشخ عشان الخطبة
&&&&&&&&&&&&&&&&&&&&&&&
بيت ابو عبد العزيز
ابو هيام _ خلها عندك هيا وبناتها الله لايردهم
ابو عبد العزيز _ طيب يلا اطلع برا البيت يتعذرك ولا عاد اشوف رقعة وجهك هنا فاهم
ابو هيام _ انا تطردني من بيتك يصير خير يابو عبد العزيز ان ماندمت
عبد العزيز _ اطلع من هنا لااقوم اجيب لك الشرطة دحين وانسى ان لك بنات وزوجه هنا
ابو هيام _ خذوهم اشبعوا بهم اصلا انا ماابيهم
خرج بسرعة من المجلس عبد العزيز كان ناوي انه يضربه بس ابوه منعه
&&&&&&&&&&&&&&&&&&&
خلونا ناخذ جولة على اهم الافراد في العوايل بعد مرور ثلاث اشهر
عيلة ابو تركي
هنادي _ حزينة لان فهد عنده انتداب لمدة اسبوعين وماهي متصورة انه بيغيب عنها
فرح _ مبسوطة في حياتها الجديدة ومرتاحة في حملها لان فيصل مايخليها تسوي شي
&&&&&&&&&&&&&&&&&&&&&&
عيلة ابو محمد
محمد _ مبسوط ومستانس لانه عريس واهل ريهام وافقوا عليه وحددوا موعد الملكة بعد اسبوعين
حنان _ فرحانه من فرحة فرح لانها تعتبرها اكثر من اخت وفي نفس الوقت طفشانة من الجامعة ومن محاضراتها اللي موعدها بدري
&&&&&&&&&&&&&&&&&&&
عيلة ابو هيام
هيام _ نفسيتها كانت متدمرة ولكن وجود دنيا جنبها خفف عليها شوي
شهد _ كانت تحاول انها تنسى لان خالد مومقصر معاها بشي كل شي تطلبه يجيبه لها
&&&&&&&&&&&&&&&&&&&&&&&

عيلة غرام
بسام _ الا الان ماعرف ان اللي تكلم بندر هيا اخته وكل ماله يقرب من بندر اكثر وصار يعزه اكثر من روحه ومعتبره اخوه وصديقه وكل شي في حياته الا انه يحتل مركزة المحبة واللي اسيل لحالها متربع فيها
غرام _ كانت مبسوطة وكل يوم يزيد تعلقها في بندر وتحبه اكثر مر على علاقتهم اكثر من خمسة شهور الا الان وصارت كل اسرارها عند بندر
&&&&&&&&&&&&&&&&&&&&
عيلة ابو عبد العزيز
احمد _ يكسر الخاطر يبغى امه تدور له على عروسة
خالد _ صار يحس باحساس ماعمره حس فيه بدا يميل لشهد بنت عمته وصار يقضي تقريبا كليومه معاها واكتشف انه يحب شهد وكان حاسس انها هي تبادله نفس الشعور بس هو ماصارحها بهذا الحب
دنيا _ علاقتها كل مالها تزيد وتطور مع منال ( حمد ) وصارت تتكلم معاها بالساعات وتجلس معاه بالجامعة وهذا كله من باب حب الاستكشاف والمغامرة لااكثر
رهف _ كانت اكثر وحده مستانسة بالدنيا لان رفيقة دربها شهد معاهم بنفس البيت
&&&&&&&&&&&&&&&&&&&&&
عيلة ابو عمار
عمار _ كان كل ماله يتعلق في حب دنيا اكثر كل مايشوف حركاتها وعفويتها يحبها اكثر كذا مرة كان ناوي يفاتح عمه في موضوع الخطبة بس تجي ضروف وتمنعه لكن هو في نفسوا مصرررر ان دنيا ليه وماراح تروح لااحد غيره
ساره _ كانت مبسوطة غير ان في شوية مشاكل مع اهل سليمان لكن قدرت تتخطاها وعايشة حياة زوجية سعيدة
عادل _ كان مشغول في الجامعة والمذاكرة الاخ نوى يصير دافور
روان _ صارت كل يوم تروح بيت عمها وتجلس مع البنات وتتونس وكانت مبسوطة وبدت تكتسب شوية هبال من دنيا
&&&&&&&&&&&&&&&&&&&&&&7
عيلة ابو فهد
فهد _ زعلان على مفارقة هنادي حبيبة قلبه بس حكم القوي على الضعيف هذا شغله ولازم يصبر
فيصل _ كان اسعد واحد بالدنيا كلها من فرحتوا بفرح مو عارف وش يسوي لها لو بيده كان ولع اصابعوا لها شموع
ريم _ اتعلقت في حبال الاوهام وحبت ولد جيرانهم راكان وصارت تكلمه بشكل دايم من ورا اهلها
ريهام _ كانت بتطير من الفرح لانها عروس وملكتها بعد اسبوعين
&&&&&&&&&&&&&&&&&&&&&&
يوم ملكت ريهام
ابو فهد _ قوم فيصل وانا ابوك خلي اختك تنزل
فيصل _ امر يبه
فيصل دق على فرح وقلها خلي ريهام تنزل الرجال بيشوفها
ريهام _ لالالا خلاص بطلت ماعاد اني نازلة
فرح _ هيا رمرم لاتدلعي ترى كلها 5 دقايق وانتي طالعة
ريم _ يلا عاد انزلي بسرعة تراهم من اول ينتظرون
فرح _ شوفي هذا فيصل يدق هيا بسرعة انزلي
ريهام _ طيب طيب خلاص يلا بنات ادعولي
دنيا _ الله يبعد عنك الرجفة والدوخة ههههههههههه
غرام _ والصرع ههههههههه
وسن _ رمرم ترفقي بخوي تراه مو شايف خير
البنات _ ههههههههههههههه
نزلت ريهام مع فيصل ودخلت المجلس وكان محمد موجود
ريهام بصوت اشبه للهمس _ السلام عليكم
محمد _ هلا وعليكم السلام
ريهام كانت منزلة عيونها بالارض ومو قادرة ترفع راسها تحس بيغمى عليها
فيصل _ يلا عن اذنكم وخرج
محمد _ جاوجلس جنب ريهام وريهام بدا جسها يصير فريزر
محمد بصوت يخقق _ مبروك يارهومتي
ريهام بصوت ماينسمع _ الله يبارك فيك
محمد _ طيب ارفعي وجهك خليني اشوف الوجه الحلو هذا ورفع لها وجها
ريهام كانت خلاص راح تدوخ اول مرة تجي عينها بعين محمد واول مرة تشوف ملامحه اللي كانت ذباحة
لبس محمد الدبلة لريهام وهيا نفس الشي وعم السكوت المكان
فيصل _ دخل يلا الشياب مستبطينك
محمد _ ابتسم خلاص جاي جاي وهو قايم سلم على راس ريهام وقلها اشوفك على خير يالغالية
ريهام اكتفت بهز راسها
خرج فيصل ومحمد من هنا وراحوا لمجلس الرجال والبنات هجموا على ريهام بالمجلس وحاصروها بالاسئلة
خلص يوم الملكة وكان الكل سعيد فيه وكل ناس راحوا لبيتهم
&&&&&&&&&&&&&&&&&&
في جامعة الملك عبد العزيز الساعة 10 صباحا
منال _ هلا بحبيبة قلبي واحلاا البنات كلهم
دنيا _ هلا فيك حمود بس قلتلك لاتناديني حبيبة قلبي البنات لايروحوا يفكروا في شي بيننا ترى اللي بيننا اخوه وبس انا قلتلك مااحب هالخرابيط
منال _ هههههههه طيب يلا امشي ياعسل خلينا نروح نبلع شي
&&&&&&&&&&&&&&&&&&&&&&&&&&&&
في مبنى ثاني وقاعة ثانية
اسيل _ والله انا خايفة على دندون
غرام _ من ايش
اسيل _ من هذي اللي تمشي معاها اللي اسمها منال
غرام _ هيا صح تخوف بس دندون اكيد ماهي من هلنوع واكيد عارفة وش طريقهم
اسيل _ غرومة ماتلاحظي ان صداقتنا صارت مو مرة
غرام _ تقصدي مع البنات
اسيل _ امممممم
غرام _ ايوا والله حتى انا ماثر فيا هالشي احس مرة بعدنا عن بعض مانشوف بعض الا فين وفين وتليفون من فترة لفترة نتكلم
اسيل _ الله يعين بس الا ماقلتيلي وش اخبارك مع بندر
غرام _ وااااه ياقلبي عليه تعالي احكيك تعالي
&&&&&&&&&&&&&&&&&&&&
في بيت حنان
حنان _ واااي فروحة اليوم مو مصدقة نفسي ان ماعندي جامعة انا من اليوم ورايح راح اعشق يوم الثلاثاء
فرح _ والله احسن ان ماعندنا جامعة تصدقي اليوم مرة تعبانة
حنان _ ياقلبي عليك طيب خلي فيصل يوديك المستشفى
فرح _ كنت بروح بس امي قالت مايحوج تروحي انتي خايفة عشان الجنين بدا يتحرك في بطنك
حنان _ يازييينو ياناس صح ماراح تسوي سونار
فرح _ الا ان شاء الله بس قالت لي الدكتورة لمن اخلص اول ماادخل الشهر الخامس
حنان _ اها يلا قرب انتي دحين اربع شهور و23 يوم
فرح _ هههههههه ماشاء الله حاسبة معايا يعني
حنان _ انتي مو تؤامي روحي لازم
فرح _ الا شخبار العرسان
حنان _ اسكتي محمد اخوي العصبي صار قيس ليلي والله طلع شي اخوي
فرح _ ليه وش يسوي
حنان _ كل يومين ياخذني معاه السوق اختار لرمرم هدية على ذوقي خصوصا اذا كانت ملابس ومكياج
فرح _ هههههههه
حنان _ ههههه يحزني يقلي انتي ذوقك هادي زيها الله يخليك تعالي معايا ولا كمان صار يرشيني
فرح _ اووووه وش هالتطور
حنان _ ياكلني في مطعم معاه ويشتري لي ايس كريم واذا بغيت شي على طول يعطيني مااقول غير سبحان اللي يغير مايتغير
فرح _ههههههههههههههه طيب حنونة يلا قومي خليني انا قبل لايجي فصولي بروح اخذ لي غفوة
حنان _ اوكي ياقلبي معليش سهرتك معايا يلا روحي نامي وسلميلي على حبيب خالتو الصغنون
فرح _ ههههههه كلكم حاسين انه ولد
حنان _ ان شاء الله يارب ولد انا كذا حاسة انه ولد
فرح _ حتى انا بس يلا ترى بنام على السماعة
&&&&&&&&&&&&&&&&&&&&&&&&&&&&&&&&
بندر _ ياهلا وغلا ومرحبا باحلا غرام في الدنيا
غرام _ هلا فيك ماتدري بندر طلعو علي اشاعة
بندر _ اشاعة زينة ولا شينة
غرام _ يقولون صرتي مغرورة تدري ليش
بندر _ ليش
غرام _ من كثر مااسمع من حبيبي كلام حلو صرت مغرورة
بندر _ هههههههه على بالي من جد غرام
غرام _ عيون غرام
بندر _ تحبيني
غرام استحت وتفاجات في نفس الوقت من السؤال _ امممم
بندر _ اممم ايش
غرام _ مابي اقولك
بندر _ واي غرومة ليش
غرام _ لانك ماقلتلي تحبني ولا
بندر _ ليش انتي ماتعرفي
غرام _ لا قولي وانا مااعرف
بندر _ انا مااحبك الصراحة
غرام _ وجع في شكلك اجل ليش تكلمني
بندر _ صبرك ياهووو خليني اكمل جملتي
غرام _ وش تكمل يعني وش بتقول انت ماتستحي شكلك ...
بندر قاطعها _ انا مااحبك انا اعشقك واموت فيك
غرام استحت من الكلام اللي قالته _ يالله بندر والله سوري مو قصدي بس حسبت شي تاني
بندر وهو يضحك _ لا ماعليكي المهم طيب انتي تحبيني
غرام _ قلتلك مابي اقولك
بندر _ ليش مو خلاص قلتلك
غرام _ انا مصرة ماراح اقولك
بندر وبنبرة زعل _ طيب براحتك يلا مع السلامة
غرام _ يووه بندورة لاتكون زعول
بندر _ قوليلي عشان لا ازعل
غرام _ خلاص امري لالله احبك
بندر _ تتكلمي من جد
غرام _ من جد وجدة وعم خال لو تبغى
بندر _ ياعمري انتي احلا كلمة سمعتها بحياتي انا الحين ميت من الفرح
غرام وهي تضحك _ وانا بعد يامالك روحي وكياني
بسام _ بندر تعال يارجال المباراة بدت
بندر _ طيب اصبر
بندر _ معليش حبيبتي هذا بسام
غرام _ ايوا هذا شريكك بالشقة اشوف عندكم مباراة
بندر _ ايوا حبيبتي بس مايهمني ولا أي مباراة بالدنيا اهم شي اكون معك
غرام _ لا حبيبي خلاص روح الحين وبعد المباراة كلمني
بندر _ طيب حياتي يلا باي
غرام _ باي
&&&&&&&&&&&&&&&&&&&&&&&
بسام _ شوف بالله هاذي هجمة هاذي
بندر ولا هو معاه سرحان وهو مبتسم
بسام _ هييه بندر وين رحت
بندر _ بسام قالتلي احبك
بسام _ لا ياشيخ من جدك مبروووك
بندر _ الله يبارك فيك
بسام _ انت من جدك يعني هي من زمان ماقالتلك وانت ميت فيها
بندر _ ايه يابسام ميت فيها من زمان والحين صرت ميت فيها اكثر
بسام _ ياحبيبي اسمها لايق على الحالة اللي انت فيها
بندر _ يازين اسمها ويازينها حرمتي اسمها غرام والله لو شفتها يابسام لا تتجنن عليها
بسام _ لا حبيبي الله يخليلي اسولتي بعدين مسرع حرمتي
بندر _ انا اول ماارجع السعودية بكلم اهلي واخطبها
بسام _ الله يوفقك بندر بندر الحق قوووووووووووووووول
وقامو الاثنين يصارخو ويشجعو
&&&&&&&&&&&&&&&&&&&&&&&&&
في بيت دنيا
سهرانة العيلة كلها تحت يتسامرو وحنا قلنا ان هيام وشهد مايغطو على اولاد خالهم
دنيا _ خلود يازفت خلي على هالقناة انا احب هالفيلم
خالد _ انقلعي
هيام _ خلود ماتستحي سيبو
احمد _ والله تلاقيه فيلم رومنسي عشان كذا بتموتون عليه
هيام _ مالك شغل خلود تكفى رجعه خالي قله يرجعه
ابو دنيا _ خالد سيبو لهم
خالد يطالع هيام بحقد _ طيب يبى
ابو دنيا وام دنيا وام هيام كانو قاعدين بعيد عن العيال بشوي
ابو دنيا _ يااختي انتي لازم تتطلقي من هذا الرجال
ام هيام _ طيب والبنات ياعبد الله
ام دنيا _ بالله ياسعاد طالعي فيهم كيف مبسوطين من غيره وبعدين شوفي وش سوى ببنتك وجابلها انهيار عصبي وهيام دايما تقول انها ماتحبه
ابو دنيا _ ايه والله يامنيرة معك حق ها ياسعاد وش قلتي
ام هيام _ لو علي انا ودي اليوم قبل بكرة اطلق منه بس خايفة على البنات ومستقبلهم شوف يااخوي انا بسالهم واقولهم واذا وافقو راح اخبرك ان شاء الله
عند العيال
البنات يطالعو الفيلم باهتمام
احمد _ وش فيهم هاذولي مو مسموع لهم حس لهدرجة هالفيلم حلو مو باين عليه
خالد _ والله كانهم تماثيل مايرمشون حتى استنى دحين اوريك فيهم
وراح وجاب موية باردة ورشاها على البنات
هيام _ هييييييييي وجع خلود باردة
دنيا _ يلي ماتستحي والله اوريك
رهف _وجععععع ورشت العصير اللي قدامها على خالد
شهد تطالع فيهم وتضحك لان خالد مارشاها مع البنات
واحمد راح على المطبخ وجاب معاه كاتشب وصار يرمي على البنات
والبنات اللي ترش بالموية واللي تجري للمطبخ وتجيب مايونيز وكاتشب
دنيا _ رهف يالهبلة ارمي عليهم مو عليا
رهف _ بيومي الحق شهد ماتساعدنا ولا هي متوسخة زينا
هيام _ رهوفة ارمي عليها كاتشب
خالد _ لا انتي وهيا شهد لا
احمد _ ليش ياسلام على راسها ريشة ورشاها بمايونيز
خالد _ يلي ماتستحي ياحمود وصار يرمي على احمد كمان
ابو دنيا يزعق عليهم _ ياللي ماتستحو تلعبو بالنعمة
العيال وقفو على طول الا دنيا اللي مستمرة
وجا ابوها وجلس يشد فيها من شعرها وطبعا بالمزح طبعا
دنيا وهي ترقص _ يابابا شعري واوا وديني على الكوافير
ابو دنيا _ والله عندي بنت مهبولة
والكل ميت ضحك على شكل دنيا
&&&&&&&&&&&&&&&&&&&&&&&&&&&&&&
في الجامعة
غرام _ انا بدق على البنات نتجمع اليوم والله من زمان على جمعتنا وش رايك
اسيل _ ياليت والله وحشوني
وصارت غرام تدق على كل وحدة فيهم واتفقو يتقابلو بعد ساعة بس دنيا ماردت
غرام _ دندون ماترد شكلها في محاضرة
اسيل _ شكلها
&&&&&&&&&&&&&&&&&&&&&&&&&&&&&&&
منال _ ياهلا بالغلا وكل الحلا
دنيا _ هلا حمودي كيفك
منال _ بشوفتك ياعمري صرت احسن انتي كيفك
دنيا _ والله طفشانة دووبي مخلصة محاضرة تخيلي اليوم عندي محاضرتين ورا بعض والله طفش
منال _ طيب تعالي اسليكي
دنيا _ يوووه حمد مو قلتلك انا مااحب هالحركات بعدي
منال _ وش فيكي دندونتي معصبة
دنيا _ ليش يعني والله انك هبلة طيب
منال _ اصير متخلفة عشانك لو تبغي
ومنال تضحك _ وش رايك في موضوعنا
دنيا _ لا انتي اليوم مو بعقلك
منال _ ليه حبيبتي ماشفتي قبل كم يوم زواج سلمى اللي هي سالم وعبير
دنيا _ الله يقرفكم ناس تلوعو النفس
وقامت وسابتها
دنيا _ الو غرام هلا
غرام _ هلا يالوحشة وحشتيني
دنيا _ وانتي بعد
غرام _ اقول تعالي للكفتيريا ترانا متجمعين
دنيا _ اوكي
&&&&&&&&&&&&&&&&&&&&&&&&&&&&
شهد رجعت من المدرسة ولقت خالد قاعد في الصالة
شهد _ هلا خلود كيفك
خالد _ بخير دام انتي بخير
شهد _ جاي بدري من الدوام اليوم
خالد _ عشانك ابغى اشوفك
شهد استحت مررة _ هااا صح انت ليش امس كنت تدافع عني
خالد _ عشان انتي بنت عمتي
شهد _ لا بالله وهيام بنت الجيران
خالد _ لا انتي مميزة عندي
شهد استحت وماردت عليه
خالد _ شهد
شهد _ لبيه
خالد _ انتي غير كل الناس عندي
ام هيام دخلت دوبها جات من الدوام
خالد _ هلا عمتي
شهد _ هلا ماما
ام هيام _ هلا حبايبي
&&&&&&&&&&&&&&&&&&&&&&&&&&&&&&&&
دنيا _ سلملم ياقوم
اسيل _ هلا والله بيومي وحشتينا
غرام _ سلملمين
وقامو سلمو عليها وجلسو
دنيا _ يالله فروحة والله شكلك تغير
فرح _ طبعا مو لك اكثر من ثلاث اسابيع ماشفتك
دنيا _ سوري حبيبتي والله انشغلت بهالجامعة
اسيل _ فروحة انتي ماعرفتي ولد ولا بنت
فرح _ لا والله بعد يومين عندنا موعد مع الدكتورة راح اروح واشوف جنس الجنين
غرام وهيام ودنيا _ يارب بنت
حنان واسيل _ يارب ولد
فرح _ بسم الله شكلي حاجيب توام ولد وبنت
هيام _ هههههه احسن
وبعد مرور وقت قصير
غرام _ بنات معاي رقم ابغى استهبل عليه وش رايكم
حنان _ لا طبعا خلاص غرام والله خطر
اسيل _ لا يكون هذاك الرقم حق الكورنيش
غرام _ ايوا هو
هيام_ حركات يااسيل مواكبة الترقيم
اسيل _ عشان كنت معاها
دنيا _ غرام ابغى اكلمه معاكي نتمقلب عليه ايش رايك
غرام _ اوكي
فرح _ شوفي الهبلة التانية بلا تهور
دنيا _ بس نستعبط عليه ماعليكي
دقت غرام ورد عليها
غرام بصوت كله نعومة يطرب الاذن _ الووو
------ _ ياهلا بصاحبة الالوووو
غرام _ ياهلا فيك يالغلا ممكن نتعرف
------_ طيب انا بغى اتعرف عليكي قبل مين معاي
غرام _ انا رنا
------_ يازين هالاسم وهالصوت
ودنيا تاشر لغرام وتقولها اعطيني
غرام _ اسمع ترا مو انا المعجبة انا مجرد وسيط صحبتي راح تموت عليك
------_ ياحياتي بعيد الشر عنها وش اسمها
غرام _ خذها وانت تعرف اسمها
واعطت دنيا
دنيا بنعومة واهات _ الوو
------_ ياهلا بالمعجبة
دنيا حست انها تعرف الصوت
دنيا _ ياهلا فيك يابعد بنكرياسي
والبنات يضحكو عليه بس من غير صوت
-----_ هههه جديدة هاذي بنكرياسي
دنيا _ والله هو جزء من لجسم يعني مهم
------_ هههه طيب ماعرفتينا باسمك
دنيا _ معاك موزة
-----_ موزة
دنيا _ لايكون مو عاجبك اسمي
----_ موزة ولا فراولة ماتفرق
دنيا شكت بواحد انه هو وعشان تاكد شكوكها _ طيب انت وش اسمك
------_ معك خالد
دنيا سكرت على طول
دنيا وهي معصبة _ ياللي ماتستحي ياغرام ماخذة رقم اخوي ومخليتني اكلمه يامغازلجية تخونيني وتكلمي اخوي والله انك قليلة حيا
غرام مهي فاهمة حاجة _ دنيا صلي على النبي والله ماني فاهمة عليكي
دنيا _ استهبلي وسوي نفسك هبلة انا غلطانة اصاحب وحدة زيك سافلة وقليلة ادب كمان تكلمي اخوي ياوسخة
غرام عصبت _ اقول دنيا ترا محترمتك وساكتة عشان العشرة اللي بيننا
اسيل _ دنيا صدقيني اللي رقمها مو خالد
حنان _ دنيا يمكن مو هو هدي شوي
دنيا _ كمان تدافعو عنها هالوسخة واللي ماعندها حيا يعني انا مااعرف صوت اخوي وكمان قالي انا خالد
غرام _ عساكي لاتصدقي انا ماادري انه اخوكي بعدين بطلي يادنيا والا تشوفي شي مايسرك
دنيا _ لا خوفتيني روحي اصلا امك فاضيتلك عشان تربيكي
هيام _ دنيا استحي خلاص والله لو سوتها ماتسوي كذا
فرح _ دنيا البنت ماسوت شي
دنيا راحت وسابتهم
غرام كانت معصبة مرررة وقعدت تبكي من كلام دنيا
&&&&&&&&&&&&&&&&&&&&&&&&&&&&
منال _ بسم الله على حبيبتي شكلك معصبة
دنيا حكت منال عن كل الهرجة
منال _ هاذي غرام ماتستحي على وجهها تبغيني اروح الحين وادوس ببطنها مغازلجية ماعندها حيا
دنيا _ خلاص ترا حتى لو زعلتني لا تقولي عنها كذا مهما كان صحبتي من الطفولة
منال _ والله انك طيبة وغشيمة عشان كذا سوت فيكي هذا كله يادندونتي هاذي خانتك
دنيا _ طيب يمكن كلام البنات صح وانا اتسرعت
منال _ حبيبتي هما قالو كذا عشان يهدو الوضع
&&&&&&&&&&&&&&&&&&&&&&&&&&&&&&&
فرح _ غرام ياعمري تعرفي دنيا كيف عصبية وتنسى نفسها لمن تعصب
هيام _ ايه والله اشهد اصلا ترا ماتسمع ولا شي ولاتدري ايش تقول
غرام _ بس ماهقيتها منها تعايرني بامي عشان ماتهتم فيني
اسيل _ ياحياتي والله ماتقصد
حنان _ ترا دنيا قلبها ابيض دحين تلاقيها جاية تعتذر منك
وراحت اسيل لدنيا
&&&&&&&&&&&&&&&&&&&&&&&&&&&&&&&&
اسيل _ دنيا حبيبتي ابيك في موضوع
منال _ وش تبغون منها مو كفاية زعلتوها وعصبتوها
دنيا _ طيب اسيل دحين بجي
وشرحت اسيل الموقف لدنيا انه اللي رقمها مو خالد واحد تاني ووصفت شكله لدنيا ودنيا عرفت انه جاسر صاحب خالد
&&&&&&&&&&&&&&&&&&&&&&&&&&&&&&&&
ريم _ حبيبي والله احبك
راكان _ لو تحبيني قابليني اليوم في المجمع
ريم _ حياتي والله زواج اختي مرة قرب مايمديني اصلا مرة مشغولة
راكان _ يعني مشغولة عني
ريم _ لا ياروحي انا انشغل على الدنيا كلها ولا انشغل على اللي مالك قلبي وروحي وعمري
راكان _ حياتي بكلامك هذا تخليني احبك اكثر بس مارح ارضى الا اشوفك بالمجمع
ريم _ مااقدر اقول لامي اني بروح المجمع اليوم ماراح تخليني
راكان _ طيب اهلي اليوم عند خالتي تعالي عندي البيت بس خمس دقايق
ريم _ هــاا لا راكان حبيبي ماينفع
راكان _ كذا ياريم ماتثقين فيني بعدين كلها خمس دقايق
ريم _ لا حبيبي انا مااثق في نفسي واثق فيك بس والله اعرف امي مابتخليني اغيب ولا خمس دقايق عن البيت
راكان _ خلاص حبيبتي بس اوعديني اشوفك
ريم _ خلاص بكرة راح نروح المجمع اشوفك هناك
راكان _ طيب ياعمري بس ترا ازعل اذا ماراح تجيني بيتي
ريم _ حبيبي مو المهم اننا نشوف بعض
راكان _ يلا مع السلامة
ريم _ مع السلامة
&&&&&&&&&&&&&&&&&&&&&&&&&&&&&&&&&
دنيا _ حبيبتي غرام اسفة انا مااستاهل عشان تنزل دمعة من عيونك
غرام _ ياعمري انا مازعلت منك قد مازعلت انك ماسمعتيني حتى
دنيا _ خلاص غرغر مشيها وانا اختك الكبيرة يعني احترميني
غرام _ اقول ترا انا اكبر منك بشهرين
دنيا _ الكبر مو بالعمر والشهور بالعقل وانا اختك
غرام _ ياشيخة على كذا انا اكبر منك بعشرين سنة لو بالعقل
حنان وهي تضحك _ ايوا كذا يازينكم بعد مارجعتو لبعض بعدين كمان زواج اخوي قرب لازم تتجهزو
هيام _ ياحليلها ريهام ومحمد الله يوفقهم
&&&&&&&&&&&&&&&&&&&&&&&&&&&
فرح وفيصل عند الدكتورة
فيصل _ ها يادكتورة بنت ولا ولد
الدكتورة _ الف مبروك حتجبلك ولي العهد
فرح _ يعني ولد
الدكتورة _ ايوا ولد
فيصل _ حبيبتي راح يجي فهودي
فرح صارت تبكي من الفرحة _ والله ماني مصدقة
&&&&&&&&&&&&&&&&&&&&&&&&&&&&
بعد مرور شهرين
في بيت فرح
فرح صارت بالشهر السادس ومبسوطة مررررة بحملها
فيصل طاير من الفرحة عشان قدوم ولي العهد ومبسوط حياتهم هو وفرح كل يوم تحلا عن اللي قبله وصار كل شوية يجيب حاجة لبيبي
هنادي رجعلها زوجها من الانتداب وانبسطت ان اختها حتجيب ولد وتسميه فهد
تركي ملهي بحياته مع حرمته وعياله
&&&&&&&&&&&&&&&&&&&&&&&&&&&&&&
في بيت غرام
ام غرام سافرت من غير ماتقول لبنتها وكالعادة بعيدة جدا عن بنتها
غرام كل يوم تقربها من بندر يزيد وحبها يزيد وصار بندر مخفف عليها بعد بسام
بسام مجتهد في دراسته وده يرجع بسرعة لاخته وحبيبة قلبه عشان يتزوجها
&&&&&&&&&&&&&&&&&&&&&&&&&&&&&&
في بيت دنيا
دنيا اتقربت من منال اكثر بس بدافع حب الاستطلاع بس صارت تقعد طول الوقت مع منال واذا رجعت للبيت تقعد تكلمها يعني ماخدة كل وقتها
هيام نفسيتها تحسنت بعد عيشتهم في بيت خالهم بذات ان خالها يعاملها كاحن ابو عليها
رهف عايشة حياتها وناسة مع شهد
شهد غرقت في بحر الحب حبت خالد بس لسة ماصارحته
خالد كان زمان معجب بشهد الحين صار يحبها ويعشقها وكل مايبغى يقولها انه يحبها احد يجي ويقاطعهم بس هي تدري انه يحبها
احمد لقيو له عروس اخت نور زوجة عبد العزيز اخوه وخطبوها له
ام هيام بناتها وافقو على الطلاق وقالت لاخوها يسعى ورا اجراءات الطلاق
&&&&&&&&&&&&&&&&&&&&&&&&&&&&&&&&
في بيت ريم
ريم كل يوم تتعلق براكان زيادة وتحبه
ريهام مشغولة بتجهيزات الزواج ومبسوطة زواجها بكرة
&&&&&&&&&&&&&&&&&&&&&&&&&&&&&&&&
في بيت حنان
حنان مبسوطة لاخوها وتساعده كثير
وسن ووعد مشغولين بزواج اخوهم وجامعتهم
&&&&&&&&&&&&&&&&&&&&&&&&&&&&&&&&
في بيت عمار
عمار دنيا ماتغيب عن تفكيره ولا لحظة وقرر انه يخطبها رسمي خلاص
روان ملهية بجامعتها وكل يوم رازة وجهها في بيت عمها تتونس مع البنات
عادل همه دراسته ووناسته <<< الله على القافية
&&&&&&&&&&&&&&&&&&&&&&&&&&&&&&&
في بيت اسيل
اسيل تعد الايام والليالي متظرة رجعت بسام ومتحسرة على صحباتها لانها صارت ماتقابلهم الا فين وفين اللي معاها بس غرام دايما اما الباقين ماتقابلهم الا بالصدفة صار
&&&&&&&&&&&&&&&&&&&&&&&&&&&&&&&
في يوم زواج ريهام
عند دنيا
كل البنات قاعدين يلبسو ويتزبطو في غرفة واحد وطبعا الغرفة مقلوبة فوق تحت
هيام _ رهف ماشفتي شنطتي كانت جنبك
رهف _ يالله هي شنطتك رميتها بالدولاب
دنيا _ هيامو يالزفت لاتدعسي على فستاني
شهد _ دنيا ياهبلة وين وديتي جزمتي كانت هنا
دنيا _ وانا ايش يدريني
شهد _ لاتستهبلي مو كنتي تقيسيها
دنيا _ اها ايوا تحت بالصالة
شهد _ وايش وداها تحت
دنيا _ بغيت اقنص وافقش راس حمود بس ماجات فيه
شهد _ الله يصبرني على هبالك
ونزلت شهد تحت للصالة تدور عن الجزمة الله يكرمكم
وهي موطية تدور عنها تحت الكنبة _ وجععع يالهبلة وين وديتيها
خالد _ ههههههههه وش تسوي شهودة
قامت شهد وكانت طبعا لابسة الفستان ومتمكيجة يعني طالعة قمر
خالد _ ياربي وش هالجمال ياعمري ياشهد تجنني
شهد استحت مرة لان فستانها عريان وهي مهي متعودة تقابل عيال خيلانها وهي لابسة عريان
شهد _ تسلم خالد
خالد _ وش كنتي تدورين
شهد _ الله يكرمك جزمتي بيومي رماها من فوق
خالد _ هههههه طيب خليني ادور معاكي
وجلسو يدورو في الصالة
خالد _ هاذي هي الجزمة
شهد _ اخيرا فديتك خلودي تسلم
واخذتها منه وتبغى تروح
خالد _ شهد استني عيدي وش قلتي
شهد _ تسلم
خالد _ لا انتي قلتي خلودي وترا مايقولولي خلودي الا المحبين
شهد _ طيب انت مو ولد خالي لازم تكون من المحبين
خالد _ ممكن تنسي اني ولد خالك
شهد _ لاااا وطلعت فوق على طول وهي في الدرج
خالد _ شهودة
شهد _ هلا
خالد _ ابغى اقلك شي تعالي
رهف _شهـــــــددد تعالي سويلي شعري مدري عنه اتفك
خالد في نفسه _ الله ياخدك رهف وش جابك
&&&&&&&&&&&&&&&&&&&&&&&&&&&&&&&&
في الزواج
غرام _ حنونة حياتي الللف مبرووووك يستاهل كل خير
حنان _ الله يبارك فيكي وحشتوني من زمان عنكم
اسيل _ ايه والله لنا شهرين ماشفنا بعض زين
ودخلت فرح وهي لابسة فستان للحوامل طبعا بس كان مررة حلو عليها
غرام _ ياهلا بالمدام
فرح _ هلا فيك
اسيل _ كبرت بطنك عن اخر مرة شفناكي فيها
فرح _ ايوا والله تعبانة مدري ان الحمل يتعب كذا وين هيومة وبيومي
غرام _ كالعادة دندون لازم تتاخر والا ماتكون دندون
وبعد فترة بسيطة
دنيا _ وحشتوني ياصايعات
غرام _ ياهلا بحضرة العمدة و شيخ الغفر
هيام _ هلا فيكي ياحسنية الشغالة
دنيا وهي تضحك_ فرووحة شكلك يهبل بالكورة اللي في بطنك
فرح _ اذا بتتريقي ترا بروح واسيبكم
وصارو يسلمو على بعض ويمزحو
روان _ بنات امشو نرقص
رهف _ يلا
قامو كل البنات بيرقصو وفرح قامت معاهم
دنيا _ الحقي الهبلة تبغى ترقص
اسيل _ على وين يامدام
فرح _ على الحمام ياهبلة انتي وهيا ماني مضيعة ولدي
وقامو البنات يرقصو وانبسطو كثير بهاليوم اللي جمعهم
وانزفو ريهام ومحمد
وخلص زواجهم على سلام
&&&&&&&&&&&&&&&&&&&&&&&&&&&&&&&&
حنان _ بنات لاتقطعو خلونا نتواصل
غرام _ ان شاء الله
هيام _ حتوشوني
فرح _ وانتي بعد
فرح _ لاتخليني اجي اقعد فوقك بكرشي هاذي
دنيا كانت تسوي حركات تتريق فيها على مشية فرح
فرح _ دندون التخلف اللي فيكي طبيبعي ولا مكتسبته
دنيا _ لا طبيعي
وصار البنات يضحكو عليهم
وسلمو على بعض وكل وحدة على بيتها
&&&&&&&&&&&&&&&&&&&&&&&&&&&&&&&&&
بسام _ حياتي كيف كان الزواج
اسيل _ والله مررة حلو انبسطت فيه عشان تجمعنا حنا وصحباتي
بسام _ يارب دووم بس ترا كمان حيتجمعو في زواجنا
اسيل _ يارب
&&&&&&&&&&&&&&&&&&&&&&&&&&&&&&&&&&
هيام _ والله الزواج كان فلة مرة حلو
دنيا _ احلا شي كرشة فرح
شهد _ حرام والله اتريقتي عليها كثير
رهف_ اصلا فرح المسكينة من يوم ماانخطبت وهي مالقت خير من دندون
دنيا _ ههههههههه احب اتريق عليها
&&&&&&&&&&&&&&&&&&&&&&&&&&&&&&&&&&&
ريم _ حبيبي والله مااقدر
راكان _ ريم حبيبتي الا اشوفك بالفستان يعني اشوفك بالفستان والا ترا والله ازعل
ريم _ خلاص طيب قابلني تحت في الحوش حق بيتنا مافيه الا امي وابوي ودخلو نامو
راكان _ ايوا كذا ياعمري ثانية واكون عندك
&&&&&&&&&&&&&&&&&&&&&&&&&&&&&&&&&&
وسن _ بنات شفتو محمد كيف مستحي في الزفة
وعد _ هههههههه كان نفسي اعنقله
حنان _ حرام عليكم والله طلع ماشاء الله عليه يجنن
وسن _ اموت واعرف ليش تدافعين عنه
وعد _ ماتعرفيها هبلة وحساسة
حنان _ انقلعو ماعندكم مشاعر الاخوة
وسن _ فتحت محاضرة الاخت خلينا ننام احسن
&&&&&&&&&&&&&&&&&&&&&&&&&&&&&&&&&
محمد _ نورتي البيت ياريهام
ريهام وعيونها في الارض _ منور بيك
محمد _ ياعيوني انتي كفاية خجل خلاص حنا صرنا لبعض
ورفع راسها وقالها _ انا احبك
ريهام ماتت حيا _ وانا بعد
محمد _ ريهام انتي احلا وحدة بهالكون انتي احلا شي شافته عيوني
ريهام _ تسلم عيونك الحلوة
&&&&&&&&&&&&&&&&&&&&&&&&&&&&&&&
خالد _ ماشاء الله خطير محمد في كم شهر الا و مملك ومزوج بعد
عمار _ عقبالي يارب وفي الايام هاذي كمان
خالد _ عمور وش سالفتك ترا من ملكة بسام وانت عقبالي عقبالي وش فيك
عمار _ رجال وودي اتزوج فيها شي
خالد _ لا ياشيخ مشت علي كذا
عمار _ عساك بس انا ابغى اتزوج
خالد _ اتزوج ياخوي الله يوفقك ويهنيك ونشوف وش حكايتك
&&&&&&&&&&&&&&&&&&&&&&&&&&&&&&&&&
ريم _ خلاص راكان شفتني بالفستان هيا روح
راكان _ دام اهلك نايمين خلينا قاعدين شوي
ريم _ حبيبي والله اخاف امي ولا ابوي يصحو هيا راكان عشاني
راكان _ طيب بس بوسة
ريم _ هااااا لا راكان عيب
راكان وبنبرة زعل _ طيب ياريم يلا سلام
ريم _ حبيبي لاتزعل بس مايصير
راكان_ انتي لو تحبيني عادي لكنك انتي ماتحبيني اصلا
ريم _ والله احبك الا اعشقك
راكان _ خلاص اثبتيلي كلها بوسة ياريومتي
ريم _ طيب بس على خدي
راكان _ طيب
وباسها
ريم _ خلاص راكان رووح الله يخليك
راكان _ باي ياقمر
ريم _ باي
&&&&&&&&&&&&&&&&&&&&&&&&&&&&&&&&
غرام _ الو
محمد _ ياهلا والله
غرام _ هلا فيك محمد بغيتك بموضوع مهم
محمد _ آمري حبيبتي
غرام _ محمد انت تعرف اني احبك بس ترا نا اكتشفت اني احبك بس احبك زي اخوي
محمد _ رنوش انتي ايش تقولي
غرام _ اللي سمعته والصراحة انا ماابغى امثل عليك
محمد _ لا ياشيخة صدقتك الصراحة وجعع في شكلك الغلط مو عليكي الغلط علي عرفت وحدة مستهترة زيك
وقفل السماعة وجهها
غرام _ في ستين دهية اخيرا افتكيت منك
&&&&&&&&&&&&&&&&&&&&&&&&&&&&&&
فيصل _ حبيبتي ماتعبتي ماانتي حاسة بالم بوجع باي شي
فرح _ لا عمري بالعكس انبسطت
فيصل _ ياقلبي عسى دووم
فيصل يكلم البيبي فهد _ ها فهودي انبسطت بالزواج وشفت المزز
فرح _ فصول تعلم ولدي من دحين الصياعة والمزز
فيصل وهو يضحك _ خلاص فروحتي مااراح اقوله
فرح _ ياسلام يعني انت عندك سوالف مع المزز
فيصل _ كيف يكون عندي معهم سوالف وانا اعرف احلا مزة بالعالم الا زوجتي كمان
فرح _ احسب
وقام فيصل وشال فرح وحطاها على السرير
فيصل _ فرح ثقلتي والله
فرح _ مو مني فهودي قاعد يكبر
فيصل يكلم فهودي _ ترا والله وحشتني من قبل لااشوفك خلص وتعال
فرح _ على اساس انه في مشوار يخلص ويجي يعني
فيصل وفرح يضحكو
&&&&&&&&&&&&&&&&&&&&&&&&&&&&&
ريم _ الو
سمر _ هلا وش عندك قبل شوي كنت معاك في الزواج
ريم _ سمر مادريتي وش صار
وقعدت تحكيها ايش صارلها هي وراكان
سمر _ وااي وبوستيه
ريم _ ايوا خفت يزعل بس والله جنان احلا بوسة تهبل ياسمسمة
سمر _ والله انك طايحة في شباكه
ريم _ مايهمني اهم شي اكون معاه
سمر _ طيب يالمجنونة انقلعي من وجي ابغى انام
ريم _ هذا وانا صاحبتك من زمان تقوليلي انقلعي وانافي خاطري اشياء
سمر _ طيب بس لو نمت وانا اكلمك مالي شغل
ريم _ هههههه خلاص حبيبتي يلا سلام
&&&&&&&&&&&&&&&&&&&&&&&&&&&&&&&&&&
خلص هذا البارت
ايش راح يصير في البارت الجاي
عمار قرر يخطب دنيا هل حتوافق ولا
ومنال ايش راح يكون موقفها من الخطوبة
ريم وراكان حيوصلو لوين حنشوف بس في البارت الجاي

البارت العاشر
في بيت دنيا الساعة 7 المغرب
هيام _ هلا بالطش والرش والبيض المفقش هلا بابو عبد العزيز
ابو عبد العزيز _ هلا بروح خالها كيفك يابنيتي
هيام _ من يشوف الوجه الصبوح هذا اكيد بيكون بخير
ام دنيا _ ايش الغزل هذا الله لنا وانا عمتك
دنيا _ ههههههههههههه حركات امي تغار ياهوووو والله ولك سوق يابو عبد العزيز
ابو عبد العزيز _ هههههههههههههه
ام دنيا _ استحي على وجهك يابنت
دنيا _ اقول يبى وش رايك تعطيني 500 ريال وانا اخطب لك وحده بالعشيرنات ولا وبعد تشبه لميس
ام دنيا _ ياللي ماتستحي بتزوجي ابوك من بياخذه وهو شعره كل ابيض
دنيا _ لا والله دحين من بياخذه اجل اول ليش غيرانه هههههه
هيام _ والله خالي تتمناه الف وحده
ام دنيا _ لاشكلكم ناوين اذبحك انتي وهيا
رهف _ يمه ياقلبي وش نسوي اذا ابوي مزيون وحلو
ابو عبد العزيز _ كان ميت على نفسوا من الضحك
ام دنيا _ ايه انت اضحك اضحك وش عليك
دنيا _ اقول يبه بما ان بيننا صلة قرابة راح اسوي لك تخفيض اذا تبي عروسة ب400 واذا تبي عروستين ب700
ابو عبد العزيز _ ههههههه الله يهديك انا مالي غنى عن ام عبد العزيز فديتها
رهف _ تصفر ياحركات انت تعالوا ابخركم لحد يطقكم بعين
هيام _ ياهووو ياهو وش هالحب كله
ام دنيا _ والله بنات اخر زمن هههههههه
دنيا _ يعني ماتبي عروسة ها طيب يمه وش رايك اعطيني 200 وانا اجيب لك واحد يشبه توم كروز
ام دنيا _ انا عندي بو عبد العزيز عن مليون توم حقك هذا
دنيا _ اقول عاد صرفوا نفسكم جيبوا لي فلوس انا حاولت اتاجر معاكم لكن مافي فايده
ام دنيا _ قولي كذا من اول بدل مانتي جالسة تخطبي لنا
الكل _ هههههههههههههههههههههه
ابو عبد العزيز _ خلاص انا بحول لك على حسابك 2000 ريال كل وحده فيكم تاخذ 500 طيب
هيام _ لا واللله خالي ماتقصر بس مو محتاجة دحين
ابو عبد العزيز _ ماعليه حتى لو مو محتاجة خذيها زيك زي البنات
هيام _ الله يخليك لي ياخالي
&&&&&&&&&&&&&&&&&&&
في مكان بعيد واجواء ممطرة
بندر _ يالله الجو يرد الروح ليت غرامي معايا
بسام _ ياعيني قيس وليلي
بندر _ قيس مين وليلى مين انا وهي شي ماينوصف
بسام _ طيب امشي امشي ياروميو
بندر _ وش عليك انت خاطب ومخلص
بسام _ قل اعوذ برب الفلق تصدق بندر والله مرة وحشتني اسولة
بندر _ اه متى نرجع للسعودية بسسسسسسسسس
بسام _ تعال شوف هذا شكله مطعم حلو
بندر _ لا خلينا نروح مطعم رومنسي
بسام _ رومنسي ايش لاتكون مفكرني غرومتك هاااا ههههههههه
بندر _ امش امش يارجال ماعندك سالفة وش جاب القمر عند النيازك ههههههه
بسام _ نيازك افا وهذا وانا صديق الغربة تقول عني كذا ههههههههههه
بندر _ هههههه
&&&&&&&&&&&&&&&&&&
في سيارة عمار
عمار _ هلا والله بولد العم
خالد بلهجة سورية _ كيفك ابن عمي شو عامل
عمار _ ههههههه والله لو سمعوك السورين انتحروا
خالد بلهجة سورية _ شو عم تعمل وينك انت
عمار _ انا رايح سي لافي بدك شي
خالد _ ولك اسمعوا على هالسمعه تضرب على هيك خبر
عمار _ ههههههه يلا خلصني يابو شهاب وش تبي
خالد _ انت وين انا طفشان بجي اسولف معك
عمار _ أيه كذا يازينك وانت بدوي
خالد _ ههههههههه
عمار _ يلا تعال استناك
خالد _ خلاص انا قريب اعطيني 10 دقايق وانا عندك
عمار _ طيب يلا انقلع
خالد _ طيب يصير خير لمن اشوفك
عمار _ هههههههه يلا باي
خالد _ باين
غرام _ والله يابت انا مره دخت خلاص بنام
اسيل _ بتامي ولا بتكلمي روميو
غرام _ هههههههه فهمتيني صح
اسيل _ طيب ياختي روحي لروميو وانا بقوم انام عشان بكرة محاضرتنا بدري
غرام _ خلاص ان شاء الله
اسيل _ شوفي 5 دقايق اتصل الاقي الجوال مشغول اذبحك
غرام _ ليه رقيبة عليا
اسيل _ شي زي كذا عاجبك ولا
غرام _ كيف مايعجبني تبي بسوم يقطعني ههههههه
اسيل _ ههههههههه يلا طيب مع السلامة
غرام _ مع السلامة
&&&&&&&&&&&&&&&&&&&&&
غرام كلمت بندر وبعدها نامت واسيل راحت في سابع نومه هيام ودنيا نايمين ورهف وشهد جالسين يذاكروا في الصاله خالد دخل البيت على الساعة 1 سلام عليكم كيف المزز
رهف _ بخير يابو الشباب
خالد _ ماشاء الله من متى صرتوا دوافير
شهد _ اسكت ياشيخ نسينا ان عندنا اختبار تونا افتكرنا
خالد _ الله يعينكم وفي نفسوا الله ياخذ ابليسك يارهيف وش مصحيك للحين كان كلمت شهوده
خالد _ الا وين العصابة
رهف _ كل البيت نايمين
خالد _ طيب يلا تصبحوا على خير
الكل _ وانت من اهله
&&&&&&&&&&&&&&&&&&&&&
راكان _ ياعمري ياحياتي انتي وش فيها يعني
ريم _ لا والله ركوني مقدر مرة خليها بعد كم يوم اخاف امي تدري
راكان _ طيب براحتك
ريم _ ركوني لاتزعل بس والله مقدر لكن اوعدك راح اقابلك
راكان _ يصير خير يلا اسيبك دحين تنامي
ريم _ اوكي يلا تصبح على خير
راكان _ وانتي من اهله يابعد اهلي كلهم
ريم استحت وقفلت السماعة وجلست تفكر شوي في راكان ونامت من دون لاتحس
&&&&&&&&&&&&&&&&&&&
مرت على هذي الاحداث اسبوع ومافي أي جديد كل وحده بقيت على حالها ومرة هالاسبوع عادي غير ان البنات صاروو متفرقيين مررة
يوم الخميس كان كل العيلة متجمعة في بيت ابو عبد العزيز
البنات جالسين كلهم متونسين والعيال في الحوش برا والحريم طاقينها سواليف مالها داعي كالعاده
عادل _ بالله بعد عني خويلد مالي خلق
خالد _ مالت عليك وهذا انا بتبرع لك برقم من عندي
احمد _ انت تفكيرك بس بالترقيم والمغازل
خالد _ وش فيه احلى منها في الحياة لازم الواحد يعيش حياتوا مافي حد فاهمني غير عمور صح عمور ولا
عمار كان سرحان يفكر كيف يوصل اللي بقلبه لدنيا اتصل عليها كذا مرة وماترد ارسل رسايل جوال وماترد
خالد _ هيييييييي وياشر بيده نحن هنا وين رحت
عمار _ ها لالا معاك
خالد _ لااتجنن الولد خلف الله عليك ابن عمي يبعتلي حمى شو كنت زقرت وابضاي
عمار _ اسكت يارجال مصدق نفسك انك ابو شهاب
خالد _ لا انا ابو حاتم هههههههه
عمار _ لا دمك خفيف ماشاء الله مثل عقلك
خالد _ مشكور مشكور ابن عمي
عمار _ يزوني تعال حبيبي ابغاك
احمد _ وش تبغى بولي العهد حقنا
عمار _ بخطفوا عندك مانع
احمد _ لا والله فداك
الكل _ هههههههههه
يزن _ نعم عمووو عمور
عمار _ تعال تعال
اخذ عمار يزن وودها البقالة واشترى له حلويات وقال له يوصل هالورقة لعمتو دنيا بدون لااحد يشوفها
دخل عمار عند الرجال ويزن راح يوصل الامانة
يزن _ عمه دندون
دنيا _ عيونها وقلبها نعم
يزن _ تعالي هناك وياشر على جهة المطبخ
دنيا _ ابشر على ذا الخشم وشالت يزن وراحت معاه المطبخ
دنيا _ ها وش تبي حوعان حبيبي
يزن _ لا خذي هذي
دنيا _ ايش هذي
يزن _ عمو عمور اعطاني هيا وقلي اعطيك هيا بدون مااحد يشوفني
دنيا _ عمور اهاااااا طيب حبيبي انت روح دحين
راح يزن عن الرجال ودنيا فتحت الورقة ولقت مكتوب فيها
اذوب بشهد كلماتك * اذوب وكاني الشمعة * فديتك لو تبي روحي احبك بكل مافيني
احبك واشتهي قربك * واضحي بالعمر لاجلك *ولو الناس لاموني ازيدك بوسة على خدك
وخلني صفحة بكتابك * وكلمة شوق بشفاتك *ولو كنت استاهل وتقدر خلني
( بروحك وذاتك )
ياحلى حب لو تدري ياغلى شي في عمري
محبك الى الابد
عمور
دنيا _ تقرا الكلام ومو مصدقة نفسها ماهي مستوعبة ان هالرسالة من عمااااااار
&&&&&&&&&&&&&&&&&&
عند الشباب
يزن _ عمو عمور خلاص اعطيت عمه دندون
عمار في نفسوا الله ياخذ ابليس يالفضيحة _ بارتباك واضح على عمار هههههههه أي ورقة واي دندون
يزن _ عمو انت مو قلت اعطيها الورقة لعمه دندون
عمار الله ياخذك ياشيخ فضحتني قدام العيال _ أي دندون واي كلام فاضي حبيبي هههههه انا قلتلك اعطيها عمه رونا
يزن _ لا نت قلت دندون
احمد _ وش السالفة سامع اسم دندون
عبد العزيز _ أي ورقة ياعمور
عمار _ هههه يارجال والله ولي العهد هذا حقك اسلاكه ضاربة
خالد _ ايش الهرجة ياهو
عمار _ ياشيخ هذي رونا تبي مني فاتورة حقت المحل وجبتلها هيا من السيارة واعطيتها يزوني يوديها لها
عبد العزيز _ ههههههههه اجل السالفة كذا يزوني حبيبي هذي اللي اعطيتها الورقة عمه رونا مو دندون
يزن _ اووووووف وراح يلعب
عمار في نفسوا روح الله يهيدك بغيت توديني في داهية
&&&&&&&&&&&&&&&&&&&&
فيصل _ ياقلبي لاتتحركي انا كم مرة قلتلك لاتقومي من السرير
فرح _ والله طفشت حبيبي بقوم شوي وارجع
فيصل _ طيب جيبي يدك رغم اني والله ماابغاكي تقومي بس حكم القوي
فرح _ هههههه
فيصل _ بسم الله عليك فروحة وش فيك ارجعي اجلسي اجلسي
فرح _ لاقلبي مافيا شي بس حسيت بدوخة شوي
فيصل _ شفت انا قايل لك لاتقومي
فرح _ لاتكبر الموضوع ترى كلها دوخة وشي طبيعي
فيصل _ طيب حبيبي انسدحي وخذي لك غفوة وانا بجيب لك فواكه واجي
راح فيصل يجيب الفواكه وفرح تحس بصداع ودوخة مو طبيعية بس ماحسسبت فيصل
&&&&&&&&&&&&&&&&&&&&
دنيا _ هيومه تعالي فوق ابغاكي
هيام _ اوكي ياعمري
وهما طالعين من الدرج وش فيك دندون مو على بعضك اسكتي بس وتعالي اقلك
دنيا _ شفتي الحقير وش كاتب ولا كمان مخلي ولد اخوي مرسال غرام
هيام _ ...............
دنيا _ هيومه اهرجي وش اسوي له هذا الولد اللي مايستحي
هيام _ والله مو عارفة وش اقلك بس طنشي الموضوع وهو اكيد دام هذا كلامه بيخطبك
دنيا _ اصلا حتى لو خطبني والله مااوافق عليه يحلم بشعرة مني
هيام _ لمن يجي وقتها تكلمي ومااكون هيومه اذا ماخطبك عمور
دنيا _ قومي انقلعي عن وجهي دحين
هيام _ طيب يلا روقي وانزلي معايا عند البنات
دنيا _ خليني شويه واجي
هيام _ ماشي
&&&&&&&&&&&&&&&&&&&&
خلونا نروح عند عرساننا الحلوين واللي يقضون احلى شهر عسل بالدنيا
المكان ماليزيا
الزمان الساعة 5 العصر
ريهام _ الله حمودي شوف المنظر هذا
محمد _ امممم مرة حلو بس مو احلى منك
ريهام استحت _ ههههههه ماتبطل حركاتك
محمد _ مااكون حمود لو ابطل هالحركات
محمد _ يلا عمري وش رايك نروح الفندق
ريهام _ لا خلينا شوي والله الجو يرد الروح
محمد _ تامرين امر كم رهومة انا عندي بس ترا ماراح نطول ورانا سهرة
ريهام حمرت خدوها _ .......
محمد _ فديت اللي يستحون انا
&&&&&&&&&&&&&&&&&&&&
في بيت عمار
عمار _ سلملم كيف كيف الحلوة
روان _ هلا باالاخو العزيز
عمار _ شلون اختي الدلوعة
روان _ طيبة
عمار _ اقول رونا وش رايك اعشيك في مطعم
روان _ المناسبة
عمار _ ولا شي بس كذا
روان _ اوكي يلا
عمرا _ يلا جهزي نفسك بسرعة
&&&&&&&&&&&&&&&
في مطعم ................
عمار _ اقول رونا
روان _ قول انا عارفة هالعزيمة مو لله
عمار _ هههههههههه ايش رايك نروح الملاهي
روان _ واااااااي أي من جد
عمار _ جد وجد الجد بعد
روان _ طيب متى بتوديني
عمار _ لا انا قلت اقلك تعزمي معاك البنات
روان _ أي بنات
عمار _ بنات عمي دنيا وبنات عمتي هيام وشهد
روان _ اها قلتلي دنيا ورهف وهيام وشهد
عمار _ ايوا ايش فيها
روان _ اوكي ماشي راح اكلمهم بس يمكن دندون ماراح ترضى عشان يمكن تكون عندها اختبارات
عمار _ لالا ذا مو كلكم تجوا مالها داعي الروحة
روان _ ماادري انا مو فاكرة هيا اللي عندها اختبارات هيام ولا دنيا
عمار _ طيب اتاكدي لو هيام او دندون
روان _ طيب لو خلاص لو دندون عندها اختبارات نروح احنا لحالنا
عمار _ لالا لازم كلنا نروح
روان _ كشفتك ياعمور ايش سالفتك مع دندون
عمار _ أي سالفة
روان _ والله اني شاكة فيك
عمار _ رونا اقلك شي
روان _ قول اليوم يوم الاقوال تكلم
عمار _ انا احب دنيا وناوي اخبطها
روان _ وااااااااااي من جدك عمور
عمار _ اممممممم
روان _ الله وناسة طيب اخبطها بسرعة لاتروح منك
عمار _ ايو اكييييييييييد قريب بخبطها ههههههههههههه
روان_ههههههههههههههه والله من فرحتي لخبطت
روان _ يعني دحين افهم من كلامك انك تبغانا نروح الملاهي عشان تشوف الحبيبة
عمار _ عليك نور
روان _ طيب ايش المطلوب مني
عمار _ المطلوب منك يااختي العزيزة انك تقنعيها تجي ولو رحنا تخليني اجلس معاها
روان _ افكرررررررررررررررر
&&&&&&&&&&&&&&&&
في مجمع الصواري
اسيل _ والله انا تعبت من كثر مانلفلف تعالي نجلس بكوفي ولا شي
غرام _ يلا مشينا
راحوا اسيل وغرام وجلسوا بالكوفي وطلبوا كابتشينوا
اسيل _ ابغى اكلمك غرومة في موضوع مرة مو عاجبني
غرام _ قولي ياقلبي
اسيل _ وش نهاية اللي تسويه
غرام _ ايش هو
اسيل _ هالمغازلات والمكالامات
غرام _ اسولة كم مرة عدتي هالكلام علي وقلتلك انا بس اتسلى
اسيل _ غرومة والله مايفيدك شوفي وش نهاية اللي يكلمون
غرام _ ادري بس انا غير
اسيل _ انتي غير اجل وش نهاية علاقتك مع بندر
غرام _ اسولة انتي تعرفي اللاقة اللي بيني وبين بندوري
اسيل _ تدري ان هذا حرام واصلا علاقتكم ترى كلها خطا
غرام _ لالالا
اسيل _ وش هو اللي لا ترى كل الشباب بس يتسلون على البنات
غرام _ بس بندر غير
اسيل _ ليه غير مو رجال زيهم
غرام _ اسولةانتي وش بتوصلي له
اسيل _ انا ابغى اقول لك ان بندر وغيره كثير من اللي تكلميهم بس ترى يضحكون عليك بالكلام غرام انتي لازم تسيبي بندر
غرام _ اسيل انتي من جدك تبغيني اسيب بندر بندر هذا روحي هذا حياتي انا مقدر اعيش من دونه
اسيل _ لاتقدري تسيبيه انتي فكري بالموضوع انتي على بالك ان بندر بيجي يخطبك
غرام _ ايوا هو قال اول مايجي السعودية بيخطبني
اسيل _ والله غرومه يضحك عليك اصلا اللي كذا مايفكر انه يتزوج وحده تكلم شباب لانه مايثق فيها هو لو يبغاكي من جد كان جا وخطبك
دار حديث طويل بين غرام واسيل وكانت غرام مصرة على رايها واسيل تحاول تقنع صاحبتها لانها ماتبغاها تضيع من ورا هالهبل ووعدت غرام اسيل انها تفكر بالموضوع
&&&&&&&&&&&&&&&&&&&
في غرفة دنيا
دنيا _ اوكي والله وناسة رونا من فترة مارحنا ملاهي
روان _ افا عليك بنت عمك عليها افكار
عمار كان جالس يسمع لكلام دنيا لان روان مشغلة المكرفون
دنيا _ خلاص انا بكلم الدشر اللي عندي وارد عليك وانا عن نفسي موافقة لو مارضيوا يروحوا نروح انا وانتي
روان _ ههههههههههههه بس ترى اللي بيودينا
عمار _ ياشر لروان يقلها لاتوقلي اني انا
دنيا _ اكيد برنوح مع راجوا ولا اذا رضي عزوز يودينا عشان يتونس يزون
روان _ ايو ايوا يلا شوفي البنات باي
دنيا _ باي خليني اروح بسرعة انشر الخبر
روان _ ههههههههههههههه
عمار _ وااااااه فديتها وفديت عفويتها
روان _ عمور استحي على دمك
عمار _ اسفين
روان _ تعال هنا ليش قلت مااقلها
عمار _ عشان لو قلتيلها ياهبلة ماراح ترضي خلينا نحطها بامر واقع
روان _ يالداهية كمان مخطط لكل شي والله انك
عمرا _ احم احوم يلا قومي تجهزي وانا بروح اتكشخ اكيد البنات رح يوافقوا
&&&&&&&&&&&&&&&
في بيت حنان
كانوا الكل مشتاقين لمحمد وفاقدينه وكل يوم محمد وريهام يكلمونهم
حنان كانت ماتفارق فرح دقيقة وكل يومين تروح لها البيت وتسهر معاها وتونسها وكانت تشاركها في كل شي حتى في المها كانت حنان من جد نعم الصديقة يعني باختصار صاحبة صاحبتها
&&&&&&&&&&&&&&&&
عن بوابة بيت دنيا
دنيا _ ايوا رونا يلا تعالي راجوا راح يقضي وشوي يجي
روان _ لاخلاص انا برا دحين انتم اطلعوا
دنيا _ ايش نجلس نسوي في الحوش ادخلي جوا
روان _ لالا ابشرك عمور رضي يودينا احسن من راجوا
دنيا _ هااااااااااا
روان _ يلا يلا كلمي البنات واطلعي
دنيا _ طيب طيب
هيام _ ايش فيك كذا
دنيا _ خلاص روحوا انا مو رايحة
هيام _ ياسلام من اليوم راجتنا وفي النهاية ماتبغى تروحي
دنيا _ ماابغى اروح لان عمار بيروح معانا
هيام _ من جد الله وناسة
دنيا _ تقلد صوتها الله من جد وناسة
هيام _ دندون ايش عليك فيه يلا قومي نتونس
وبعد اصرار كبير من هيام نزلت دنيا معاهم
عمار _ مرحبا ببنت عمي وبنت عمتي
هيام _ مرحبا فيم عمور
عمار _ ها أي ملاهي بتروحوا
شهد _ ودينا الشلال
رهف _ ايوا الشلال حلوة
عمار _ هاااااا دندون ايش رايك
دنيا _ اوكي عادي
روان _ ياسلام عمور ايش معنى تاخذ راي دندون
عمار _ طالع فيها بنظرة يعني اسكتي
جلسوا طول الطريق ضحك ووناسة وعمار عينوا ماانشالت من دنيا
&&&&&&&&&&&&&&&&&&&&&&7
في سيارة خالد
جاسر _ تعال معانا يارجال والله مرة وناسة
خالد _ أي وناسة واي خرابيط جسور ترى انا مااحب سواليفك هذي
جاسر _ والله انك اهبل اقلك في الاستراحة بنات وكل شي يعدل المزاج
خالد _ لا ياحبيبي انا مااحب هالحركات انا صح ارقم اكلم لكن ماتوصل اروح استراحة فيها بنات وشراب وحشيش
جاسر _ طيب انت تعال مرة وحده وشوف الجو والله راح تتونس مرة
خالد _ لالا خلينا الوناسة لك يلا انزل
جاسر _ براحتك
&&&&&&&&&&&&&&&&&&
في الملاهي
عمار بصوت واطي _ يلا رونا شوفي لكم صرفة وخليني مع دندون
روان _ اممممممم كم تدفع
عمار _ اللي تبغيه
روان _ جيب البطاقة حقتك وانا اجهز لك جو
عمار _ خذيها هاااااا الباسورد .............
روان _ وااااااااي عمور شكلك مرة واقع لهدرجه
عمار _ يلا خلصينا
روان _ دام عندي البطاقة ابشر بعزك
روان _ دندون بالله دام انك واقفة روحي جيبي لنا ذرة من هناك
دنيا _ طيب
عمار _ يازينك يااختي
روان _ اعجبك يلا روح شوف شغلك
راحت دنيا وهي واقفة عند راعي الذره جاها عمار
عمار _ كيف الحلوين
دنيا _ اااااااااااااااااااااااااااه
عمار _ بسم الله عليك
دنيا _ عمار وش تسوي هنا
عمار _ جاي اشوف الحلوة وش تسوي
دنيا _ عمار لو سمحت روح من هنا قبل لااحد يشوفنا
عمار _ واذا احد شافنا ايش يعني
دنيا _ اذا انت ماتفرق معك انا يفرق
عمار _ اهااااااا قلتيلي
عمار _ لو سمحت 10 دقايق واجي اخذ الذرة
الهندي _ طيب
عمار مسك يد دنيا وسحبها معاها
دنيا _ عمار سيب يدي فين رايح
عمار _ دحين راح تعرفي
اخذها جهت الجلسات
عمار _ اجلسي
دنيا _ ليش
عمار _ امممممم بسولف معاك
دنيا _ قوم واحنا واقفين
عمار سحبها وجلسها على غصب
دنيا _ اوووووف عمار اهرج بسرعة
عمار _ دنيا تدري انك انتي احلى وحده شفتها بحياتي
دنيا _ ......................
عمار _ ليش مستغربة
دنيا _ لانك ماتستحي انا بنت عمك عيب هالكلام
عمار _ انتي قلتيها بنت عمي يعني مو غريبة
دنيا _ عمار لو سمحت خلينا نروح انا مو فاضية لك
عمار _ طيب راح نروح بس ابغاكي تردي عليا ضروري في كلام كثير بقلك هو
دنيا _ مابيني وبينك مكالمات ياولد العم
عمار _ لا راح تكون ان شاء الله بيننا
دنيا _ قامت ومشيت وسابته عمار لحقها ومسكها من خصرها
دنيا _ ياقليل الادب شيل يدك عني
عمار _ هههههههههههههه لاتخافي والله ماراح اسوي لك شي بس كنت بقلك اني
دنيا _ وخر عني ودفته ومشيت
راحت دنيا واخذت الذرة وراحت عند البنات وهيا معصبة بعدها بشوي جا عمار وطول وقته وهو يناظر فيها ودنيا كان نفسها تذبحه مرة زودها معاها
خلصوا من رحلة الملاهي ومرة انبسطوا فيها حتى دنيا انبسطت رغم انها كانت مقهورة من عمار بس طنشتوا
&&&&&&&&&&&&&&&&&&&
بعد يومين من الاحداث هذي في بيت ابو عبد العزيز
ابو عبد العزيز _ خلاص كل وحده منكم تجيب جدولها وتعطيه عمار عشان يوصلكم انتي وهيام وروان
دنيا _ وجعععععععععع راجوا ماقدر ياخذ اجازة الا هالفترة
ابو عبد العزيز _ مسكين يبه امه تعبانة ورايح كلها اسبوعين وبيرد
روان _ خلاص دندون وش فيك معصبة اصلا احسن انه راح عشان نتونس سوا
دنيا _ يبه طيب خلي خويلد يوصلنا
ابو عبد العزيز _ خالد مايقدر عنده دوام وبياخذ شهد ورهف معاه دوامه من 7 لين 1 الظهر وانتوا مواعيد محاضراتكم كل وحده غير
دنيا _ يوووووه طيب يبه خلي حميد يودينا
سعاد _ وين يوصلكم احمد وهو دوامه ياحليه من 8 لين 4 العصر
دنيا _ ياسلام يعني عمار اللي ماعنده دوام مو حتى هو عنده دوامات
ابو عبد العزيز _ لا انا اتفقت معاه وماقصر والله
سعاد _ بعدين وانا عمتك عمار المكتب حقه يعني هو المدير يقدر يخرج وقت محاضراتكم يوصلكم ويروح دوامه
دنيا _ بسسسسسس
ابو عبد العزيز _ ولا بس ولاغيره خلاص اكتبوا جداولك عشان اعطيه هيا
دنيا _ يببببببببببه
روان _ وش فيك دندون خلاص انتي مو اهم شي تروحي الجامعة
دنيا _ ايوا ايوا وفي نفسها ( وجععععوا ياعمار راح اركب معاك في سيارة وحده الله يعين بس
&&&&&&&&&&&&&&&&&&
في بيت ريم
ريم _ وانت اكثر ياقلبي
راكان _ ها حبي ماراح اشوفك ترى مشتاق اكحل عيوني بيك
ريم _ ركوني قبل 10 ايام شفتك
راكان _ وه ياقلبي 10 ايام اللي من دونك تمر كانها 10 سنين 10 قرون
ريم _ هههههه
راكان _ اللي كيف اختك المتزوجة
ريم _ والله تمام مرة مبسوطة رجلها ماشاء الله مو مقصر عليها
راكان _ عساهم دوم مبسوطين يلا عقبال مانتزوج واسعدك واخليك اسعد بنت بالدنيا كلها
ريم _ من جد راكان راح تخطبني
راكان _ اكيد حبيبتي انا لو بيدي اجي واخطبك اليوم قبل باكر
ريم استحت _..........
راكان _ اقول ياحبي هذا واحد من الربع يتصل فيني خليني اكلمه وارجع اكلمك اوكي قلبو
ريم _ اوكي حبي
&&&&&&&&&&&&&&
عند راكان
راكان _ هلا والله بتوتو وحشتيني ياحبي
تهاني _ انا زعلانة منك ليش لك فترة ماتكلمني
راكان _ اسف يابعد حيي كلهم بس والله انشغلت في الشغل شوفيني دوبي واصل البيت حتى لسه مابدلت ملابسي
تهاني _ طيب ركوني متى تجي تخطبني ترى متقدم لي عريس وماني عارفة كيف ارفضه
راكان في نفسوا ههههه انسي اني اتزوج وحده مثلك _ خلاص حبيبتي انا راح اجي الاسبوع الجاي واخطبك اصلا انتي لو احد غيري ياخذك والله انتحر واموت نفسي من بعدك
تهاني _ ههههههه
راكان _ فديت هالضحكة والله اقول وش رايك نتقابل اليوم ونسهر سوى
تهاني _ خليني اشوف ظروفي اذا اقدر ولا لا
راكان _ طيب حبي بس حاولي ترى مرة مشتاق لك
تهاني _ خلاص ان شاء الله
&&&&&&&&&&&&&&&&&
في بيت سارة وسليمان
ساره _ سليمان ترى اختك مرة زودتها انا ساكته لها عشان خاطرك
سليمان _ معليش ياسارونة تدري عنود كيف طباعها
سارة جلست تبكي _ سليمان انا والله تعبت ياتوقف اهلك عند حدهم ياترى انا بروح بيت اهلي
سليمان _ افااا ياقلبي تتركيني لحالي انا مقدر اعيش من دونك
ساره _ سايمان خلي نفسك في مكاني والله ماراح ترضاها
جلست تبكي من قلب حضنها سليمان وجلس يهدي عليها
سليمان _خلاص ياقلبي والله ماتسوي دموعك تراها غالية
ساره _ شلون ماتبيني ابكي واختك كل مارحت مكان جلست تقول خسارة اخوي ماجاه ولد يشيل ظهره هيا وش دخلها
سليمان _ ماعليك منها بعدين انا راضي ان شاء الله تكون مليون بنت مو بنت ومنك انا راضي واختي ماعليك منها
جلست سارة تبكي وهي في حضن سليمان وكانت متاثرة مرة من كلام اخت زوجها وسليمان كان عارف انها مجروحة ومستحمله لانها تحبوا من قلب بس وش يسوي هذول اهله ماينقدر عليهم كل مايسكتهم يرجعون يفتحون الموضوع
&&&&&&&&&&&&&&&&&&&&&&&&
الساعة 7 صباحا في بيت ابو عبد العزيز
شهد _ يلا خلود تاخرنا
خالد _ طيب جاي خلاص بلبس الشماغ بس
رهف _ خويلد لاتجلس تتكشخ ترى انت رايح الدوام مو رايح تقز
خالد خرج من غرفتوا وهو متكشخ بالثوب والشماغ وطالع شكله حلو
شهد _ ياولد انت ياكشخة وش هالزين كله ماشاء الله ولد خالي طالع علي هههههه
خالد _ هههههه بجد شهوده حلو
شهد _ تجنن بعد
خالد _ عيونك الحلوة يابعد عيوني انتي
رهف _ يلا بس خلنا نروح اليوم شكلنا من ورا هالتكشخ حقك بننطرد من المدرسة
الكل _ هههههههههههه
خرجوا خالد ورهف وشهد ووصلهم على المدرسة وراح دوامه
&&&&&&&&&&&&&&
الساعة 8 في بيت اسيل
اسيل _ خلاص حبيبي بسوم انا بقوم البس الحين محارتي ع الساعة 9
بسام _ طيب ياحبي لاتنسي حصني نفسك اخاف عليك احد يعطيك عين على جمالك
اسيل _ ههههههههه حسستني اني ميريام فارس على غفلة
بسام _ مييين مريام هذي وش تجي عندك وعند جمالك يابعد عيوني انتي
اسيل _ لا اذا على هذا الكلام ترى راح تروح علي المحاضرة
بسام _ ههههههههههه والله ودي اسولف معاك لين بكرة بس ايش اسوي
اسيل _ يلا حبي خلاص سي يوووو
بسام سيو يووو ياقلبي راح توحشيني
اسيل _ وانت اكثر
&&&&&&&&&&&&&&&&&
اما حنان وفرح مرتاحين لان اليوم ماعندهم جامعة ومكبرين المخده
&&&&&&&&&&&
في بيت ابو عبد العزيز
الساعة 10 صباحا
عمار _ يلا رونا دقي عليهم بسرعة
روان _ ايو دندون يلا انزلوا احنا تحت
هيام _ دندون جيبي لي معاك شنطتي من فوق
دنيا وهي نازلة من الدرج ومبوزة
هيام _ اعوذ بالله وش هالتكشيرة
دنيا _ امشي بس والله مو طايقة نفسي مدري كيف بشوف وجه بعد رسالته هذيك
هيام _ ههههههههه اتحدى اذا مو متبرع بالمشاوير عشان هالعيون العسلية
دنيا _ انقلعي بس قبل لاافقع لك عيونك
دنيا وهيام _ السلام عليكم
روان وعمار _ وعليكم السلام
هيام _ كيفكم
روان وعمار _ تمام
عمار _ كيفك دندون
دنيا يالله الصبر بس _ الحمممد لله
عمار _ دوم يارب
هيام _ عمور ترى انا اللي قلت كيفكم مو دندون
عمار _ طيب كيفك يام لسان انتي
هيام _ بدري بعد ايش
عمار _ ههههههههه
جلسوا كلهم في السيارة يهرجوا الا دنيا كانت ملتزمة الصمت وعيون عمار تلاحقها
وصلوا عند باب الجامعة
عمار _ ها متى اجيكم
روان _ انا اخلص 12
هيام _ انا اخلص 11ونص بس عادي استنى لمن تجي تاخذ رونا
عمار _ طيب وانتي دندون متى
دنيا _ انا عندي محاضرتين اخلص 2
عمار _ اهاااا طيب ماشي خلاص انا راح امركم على الموعد
روان _ طيب ياذكي كيف راح تعرف ان دندون خلصت انا هيومة راح نجي مع بعض ودندون
عمار _ ايوا صح طيب دندون خذي رقم جوالي ولو خلصتي اتصلي عليا
دنيا يستهبل هذا كاني مااعرف رقمه _ هاا اخذ رقمك
روان _ هيا دندو خلصينا ورانا محاضرات وانتي جالسة ساعتين تهرجي ايش فيك اليوم مفوته
عمار جلس يطالع في المراية في عيون دينا ويبتسم
دنيا _ خلاص عمار انا اجي مع خالد هو يخلص الساعة 1 لاتتعب نفسك
عمار _ تبغى خلود يجي من الدوام ويجيكي خلاص انا ماعندي شي امرك يلا سجلي الرقم ..... 055555
نزلوا من السيارة هيام ههههههههههههه ياحرام راح تجي لحالك واااااااااك واااااااااااك
دنيا _ انطمي ترى واصلة حدي هذا انا ان شاء الله كيف اركب معاه لحالي
كل وحده راحت على محاضرتها
وفي سيارة عمار
عمار واااه ياقلبي اليوم راح اوصلها لحالها ياقلبي على الجامعة والمحاضرات هذي ياليت كل يوم تكون مواعيدها غير عن البنات فديتك شعرك المزيت ياراجو والله اني حبيتك فجاءة ورفع صوت المسجل وجلس يرقص مبسوط مررره
&&&&&&&&&&&&&&&&&&&&&
فيصل _ فرح لاعاد تقومي يافروحة انا كم مره قلت لك هالكلام تعالي اوديك المستشفى
فرح _ فيصل ترى عادي كلها دوخة لازم اكيد عشان مع الحمل
فيصل_ فروحة انتي متاكدة مافيك شي يعني انتي طيبة ماتحسي بالم بشي
فرح _هههههه والله حبيبي مافيا شي كلها شوية دوخة وصداع
فرح في نفسهها _ والله ماظنه من الحمل بس مابغى اقلقك
&&&&&&&&&&&&&&&&&&&
في الجامعة
غرام _ اسولة اعطيني فرصة افكر والله الموضوع مو سهل
اسيل _ نشوف وش اخرتها ياغرومة
غرام _ يلا هذا حبيب يدق تلاقيه برا يلا مشينا
راحوا اسيل وغرام مع سواق غرام وكل وحده راحت على بيتها وحطت راسها ونامت
الساعة 12
عمار _ يلا انا برا
روان _ خلاص طالعين
طلعوا هيام وروان وراحوا على البيت وعمار جالس على نار يستنى الساعة 2 عشان يجيب حبيبة القلب
&&&&&&&&&&&&&&&&&&
هنادي _ لا حبيبتي لاتخافي بس مع الحمل تلاقيك ماتكلي زين
فرح _ حرام عليك مااكل ايش وانا في البيت فيصل بس ياكلني ولو رحت الجامعة حنونة ماتقصر كاني بطة بس تاكلني ولو رحت عند امي عاد على شوفة عينك وش تسوي
هنادي _ هههههههههههههه عشان كذا اشوفك صرتي بطة ماشية على الارض
فرح _ ايوا مرة صرت دوبه ان شاء الله بعد الولادة اسوي رجيم ورياضية
هنادي _ ايوا اصلا لازم
هنادي _ اقول ام فهودي حبيبي خليني اروح اطبخ لفهودي الكبير
فرح _ هههههههه طيب روحي وسلمي على سمي ولدي
هنادي _ ترى ولدك هو اللي مسمى على اسم زوجي فديته
فرح _ طيب روحي سوي الاكل قبل لايجي
&&&&&&&&&&&&&&&&&&&
في جامعة الملك عبد العزيز
منال _ والله انه مرة مايستحي لاتكوني دندون تحبيه
دنيا _ بلا حب بلا وجع قلب وش جانا من ورا هالحب
منال _ غير التعب غير الالم وش جانا
دنيا _ هههههههههه دحين ايش تشوري اتصل عليه ولا اطنشه واكلم خالد يجيني
منال _ والله لو تطنشيه احسن
دنيا _ ايو بس اخاف ابويا يزعل منى
منال _ اهاااا خلاص طيب اتصلي الله يعينك
اتصلت دنيا على عمار
عمار _ هلا وغلا وصحن حلا لااحلى دندون بالدنيا
دنيا _ ايوا عمار انا خلصت
عمار _ طيب ياحبي انا جايك دحين طيران
قفلت دنيا السماعة في وجه
منال _ ها وش قال
حكتها دنيا عن اللي قاله عمار
منال _ هذا لو تسيبيني عليه انسيه اسمه خليني اطلع اكفخه لك وشلون يقول لك حبي
دنيا _ ههههههههههههههه حمودي شكلك يجنن وانتي معصبة
منال _ ههههههههه ترى انا لو عصبت وحطيت شي براسي اجيبه يعني اجيبه لو كان على قطع رقبتي ولا تقولوا مقدر اجيبه لاتقولوا هذي صعيبة
دنيا _ اجيبه يعني اجيبه لو تحت الحراسة هههههههه اليوم اللي يشوفنا يقول محششين
منال _ ههههههههه ولا تحطي في خاطرك لو تبي نحشش نجيب سيجارتين من سالم
دنيا _ لا انتي اكيد مجنونة يلا هذا روميو يتصل خليني اطلع
منال _ يلا حبيبتي مع السلامة
دنيا لبست عبايتها وخرجت اول ماخرجت من البوابة شافت سيارة عمار وجلست واقفة قدامها
دنيا ياربي دحين هذا فين اركب ورا ولا قدام
عمار _ وش فيها واقفة كذا وضرب لها بوري
دنيا فتحت الباب ودخلت وجلست ورا
عمار موقف وماحرك
دنيا _ ليش ماتمشي
عمار _ والله استنى بنت عمي تخرج
دنيا _ انا هنا يلا امشي
عمار لفت وجه على دنيا وشوية وينط عندها بالمقعدة _ ماراح امشي لاني مو سواق عندك
دنيا _ طنشت ودارت وجها جهة القزاز
عمار _ يلا ياقلبوا تعالي اركبي قدام
دنيا _ ماني راكبة
عمار _ اوكي يكون احسن هو انا الاقي اجلس مع حبيبة قلبي ولا كمان لوحدنا لو تجلسي للعصر هنا ماراح احرك
دنيا _ اووووف ونزلت وفتحت البا اللي قدام وركبت
عمار التفت عليها وبصوت يخقق _ ايوا كذا ياقمر نورتي السيارة
دنيا _ .................
عمار _ ها وين تبغينا نروح
دنيا _ نعمممممممممم
عمار _ اقلك يادندونتي وين تبغينا نروح
دنيا _ يعني فين على البيت
عمار _ اوكي وحرك السيارة وشغل اغنية اكثر من اول احبك وجالس يدندن مع الاغنية وكل شوية يطالع في دنيا
دنيا الله يعدي هالاسبوعين على خير ويصبرني على عمار
عمار _ اقول دندونتي
دنيا يمون الاخ دندونتي وبدون نفس _ نعممممممممم
عمار _ تدري اني انا حب واعشق
دنيا انفجعت من جراءت عمار _ ..........
عمار _ انا من اليوم واحب واعشق راجوا لان بسبب سفره راح يخلي الملاك ينور سيارتي
دنيا وه ايش هالجراءة _ ............
عمار _ طيب اهرجي مااعرف انك تحبي تسكتي
دنيا _ مااحب اسكت ومااحب اهرج مع أي حد
عمار _ وانا مو أي احد انااااا ولا اقلك خليها مفاجاءة احلى
دنيا _ عمار انتبه السيارة عماااااااااااار انتبه
&&&&&&&&&&&&&&&&&&&
وسن _ والله انا تمام انت كيفك وكيف رمرم
محمد _ بخير تسلم عليكم
وسن _ الله يسلمها بالله بوسها لي
محمد _ ان شاء الله يلا اعطيني وعد
وعد _ هلا بالعريس
محمد _ ههههههه هلا بوعوده كيفك
وعد _ تمام ياعمري انتي كيفك
محمد _ طيب يلا اعطيني حنونة بسرعة مااقدر اطول جوالي بطاريتوا فاضية
وعد طيب خذها
حنان _ هلا حمودي كيفك اخبارك وحشتني
محمد _ وانتي اكثر كيفك وكيف الجامعة معاك
حنان تبكي _ طيبة حمودي متى ترجع والله مفتقدينك
محمد _ خلاص كلها اسبوع واجي ان شاء الله
حنان _ حمودي امانة سلم على رمرم وقلها مرة وحشتني
محمد _ يوصل ان شاء الله يلا حنونة جوالي بيطفي بعدين اكلمك سلميلي على وليد كل مااكلمك مو في
حنان _ طيب طيب استودعتك الله يامحمد
محمد _ مع السلامة
&&&&&&&&&&&&&77
في غرفة غرام
غرام _ يالله يااسيل والله شيلتيني هم بكلامك هذا مدري مين فينا اللي غلطان انا ولا انتي بس هو صح كلامك بس بندر غير وليه يكون غير ياغرام يمكن زي ماكنتي انتي تتسلي مع العيال هو كمان يتسلى عليك لالا مو معقولة بندر يحبني طيب ايش يثبت بس بالكلام حتى انا كنت اوهم الشباب اني احبهم ياربي والله محتارة نفسي اكلموا بس انا وعدت اسيل اني افكر بالموضوع طيب مايضر ان كلمتوا مرة وحده لالا خليني اعطي نفسي فرصة افكر
&&&&&&&&&&&&&&&&&&&&&&
هيام _ اقول رهيف مو كان دنيا اتاخرت الساعة 2ونص ولسه ماجات
رهف _ ايوا متاخرة واتصل على جوالها مافي شبكة مدري وين طاسة
شهد _ ماتعرفون دندون اذا مااتاخرت ماتكون بنت عبد الله
رهف _ طيب خلونا نتصل على عمار نشوف هما فين
شهد _ يافالحة من وين نجيب رقمه
رهف _ ايوا صح
هيام _ ياهبلة منك لها خلونا نتصل على روان ونقلها تشوفهم
شهد _ ايوا صح فاتتنا
هيام في نفسها _ لايكون عمار خطفها ههههه والله تجي عليه
&&&&&&&&&&&&&&&&&&
ريم _ ايوا انا عند البوابة يلا بسرعة
راكان _ خلاص انا عند بوابة .....
ريم _ ايوا ايوا خلاص شفتك
راكان _ هلا والله بريومتي منورة السيارة
ريم _ منورة بصاحبها
راكان _ وين تبغينا نروح
ريم _ عادي أي مكان بس بسرعة انا قلت لامي اجي البيت على الساعة 3 ترسل لي السواق
راكان _ طيب حبيبتي وش رايك نروح كافي
ريم _ اوكي يلا
&&&&&&&&&&&&&&&&&&
فرح _ حنونة الله يخليكي تعالي عندي والله طفشانة ماني قادرة اذاكر احس بملل
حنان _ والله فروحة دفتر محاضراتي ناقص ورايا اكلمه وكمان اذاكر
فرح _ طيب تكفين تعالي ونسوي كل شي مع بعض والله حنونة احس اني بموت
حنان _ بسم الله عليك جعلها عدوينك يارب خلاص بشوف ابوي اذا رضى اجيك
فرح _ خلاص يلا انا استناكي
حنان _ هههههههه انا قلت اشوف ابوي ماقلت موافقة
فرح _ يلا بس قومي كلمي ابوكي وان شاء بيوافق
حنان _ ترى يمكن بو محمد العزيز مايوافق شوفي دحين الساعة كم دوبها 2 ونص الظهر يعني لو بجي راح اجيك قرب المغرب
فرح _ لا تعالي العصر لاتصيري سخيفة
حنان _ انتي من جدك احد يزور احد العصر وبعدين ماينفع يكون فيصل جاي من الشغل
فرح _ لاعادي ماعليك من فيصل تعالي انتي مالك شغل
حنان _ طيب يلا انقلعي وبوسيلي حبيب خالتو
فرح _ الله واكبر يالدنيا دحين انا صرت انقلع وهالصغير يتبوس
حنان _ الناس مقامات وانا اختك
فرح _ هههههه يلا طيب روحي بسرعة واعطيني خبر
حنان _ اوكي باي
&&&&&&&&&&&&&&&&&&&&
في غرفة غرام
رن جوال غرام كل دنيتي يتصل بك
غرام بصوت كله نوم _ الوووو
بسام _ الله واكبر في احد ينام في هذا الوقت
غرام _ ترى عندنا ظهر انتي اللي متصل في وقت ماله داعي
بسام _ هذا جزاتي وانا قلت خليني اتصل على دلوعتي اشوف وش مسوية وحشتيني يادوبه
غرام _ والله وانت كمان وحشتني
بسام _ وينك من يومين ماكلمتيني
غرام _ سوري بسوم بس والله انشغلت بالجامعة
بسام _ الله يعينك وشدي حيلك خليني ارفع الراس فيك
غرام _ ان شاء الله بس ادعيلي
بسام _ الله يوفقك يادلوعتي كيف امي
غرام بدون نفس _ ماادري
بسام _ كيف ماتدري
غرام _ والله مدري عنها ليا اكثر من اسبوع ماشفتها
بسام _ غرومه ماتدرين ان امي في اسبانيا
غرام _ اسبانيا
بسام _ ايوا ماقالت لك
غرام _ لا والله دوبي اعرف منك بس اصلا ماعليا منها راحت ولا جلست وجودها وعدمها واحد
بسام _ غرومة كذا مرة قلتلك انا ازعل لو اسمع هالكلام منك
غرام _ لابسوم لاتزعل انت لو تزعل علي احس الدنيا كلها تقفل في وجهي ترى بسام انا حياتي من دونك ماتسوى
بسام _ ادري طيب يلا روحي كملي نوم عشان اعرف انك برميل نوم
غرام _ ههههههههههه طيب يلا لمن اصحى اكلمك
بسام _ طيب يلا باي
غرام _ باي
غرام _ اه ياقلبي يابسام متى تعدي السنتين وتجي يابسوم والله الدنيا من غيرك ماتنطاق
وبكذا انتهى البارت هذا ياترى راكان وريم ايش صار بينهم وعمار ودنيا ايش صار لهم
&&&&&&&&&&&&&&&&&&&

افاااا مااتوقعتها منكم 123 مشاهده
وولا رد فين تشجيعكم للكاتبات
محتاجه دعمكم فروايتي الاولى
بليز لاتقروا وتخرجوا ردو ابغي تشجيعكم