المنتدى :
الارشيف
قلوب أسرها العشق
السلام عليكم ورحمة الله وبركاته...
والصلاة والسلام علي اشرف الانبياء والمرسلين سيدنا محمد عليه الصلاة والسلام.
مرحبا بكم ها انا اليوم وفى اول محاولة لي للكتابة اقدم لكم روايتى الاولي هنا فى هذا المنتدى الرائع.
هنا ستكون البداية وهنا ستكون النهاية .......
كل بداية ولها نهاية وكل نهاية ولها بداية
روايتى حصرية علي منتدى ليلاس ولا احلل اي احد ينقلها لاي منتدى اخر والله شاهد.
لحظات من الحزن تمر علينا كغيمة صيف توجع قلوبنا لتذكرنا بلذة الفرح.
يقال كل دمعة لها نهاية .. ونهاية أي دمعة بسمة .. ولكل بسمة نهاية .. ونهاية البسمة دمعة ..
و لحن الحياه بداية ونهاية بسمة ودمعة فلا تفرح كثيرا ولا تحزن كثيرا فإذا أصابك أحدهما فنصيبك من الآخر آت مع صفحات القدر.
لحظات حب تملأ قلوبنا بالدفء وولذة السعادة التى تبقى معنا ذكري للابد.
يقال انه اللعبة الوحيدة التى يشترك فيها اثنا اما ان يفوزا معا او يخسرا معا هى الحب.....
انتظر رايكم فى روايتى فلا تحرمونى تواجدكم وارائكم التى ستؤلق روايتى اكثر..
قلوب أسرها العشق
"]لاتشتكى[/COLOR] للناس[/COLOR] لاضاق صدرك.... الناس ماتملك
"]ولا ياس[/COLOR] مسره
الناس مثلك حالهم مثل حالـــــك.... والكل من مر
[COLOR="Wheat"]الليالي[/COLOR] شرب كاس
ولا تحسب انك بالتعاسه لحالك.... اعرف ترى عايش
معك بالشقا ناس
غمضت عيونها وهى واعدة نفسه ما تنزل دمعة من عيونها شكثر مرت السنين وجنها امس اخذت نفس عميق ودقت الباب.
فتحت لها الباب فتاة فى سن الثامنة او التاسعة :نعم.
ابتسمت لها من وري طرحتها:ابوحمد موجود.
البنت :ايه بابا قاعد .
سمعت صوت انثوي رقيق يقول:رهف منو علي الباب.
رهف:ملاك هذى وحدة تقول تبي بابا.
انفتح الباب وطلعت امراة كان الشبه واضح بينها وبين الطفلة وخصوصا الشعر والعينين:هلا اختى.
ردت بهدوء:لو سمحتى ابي اشوف ابو حمد الموضوع ضروري.
ملاك:حياج تفضلي.
دخلت البيت واللي كان خالي من الاثاث عدى بضع الكنبات ومشت وري الحرمة اللي دخلت احد الابواب لتخرج منه بعد قليل :ابوي ينطرج.
ردت عليها بهدوء:شكرا.
دخلت المكتب وما تدري ليش يوم ناظرته يالس علي مكتبه احرقتها الدموع فى مقلتيها الدموع التى لم تفارقها منذ اربع سنوات احست بالالم وهى تراه مكسور ومهزوز ومنهزم وكانه عاجز عن فعل أي شىء.
ابو حمد:تفضلي يا بنتى بغيتى شىء.
وخرت طرحتها عن وجهها وابتسمت له بحنان:ايه بغيت اشياء مو شىء واحد.
ابو حمد باستغراب وحس كانه يعرفها:اذا قدرت اساعدج ما بقصر معش.
حتى وهو فى اسوا حالته يبي يساعدها:مو زعلانة لانك ما عرفتنى اخر مرة شفتنى كان عمري 12 سنة.
ركز عليها وهو موب مصدق معقولة:مشاعل انتى مشاعل صح...
هزت راسها لانه المشاعر اجتاحتها ومو قادرة تنطق باي كلمة ....
وقف ولف علي المكتب ووقف قبالها :مو مصدق عيونى شلونج وشخبارج وشخبار خواتج؟
مشاعل:كلنا بخير يا عمى.
ابو حمد لمها بحنان :يا حلاة الكلمة علي لسانج .
مشاعل :انت شلونج؟
ابو حمد:الحمد لله علي كل حال.
مشاعل:لا تشغل بالك ولا تزعل تفسك اهم شىء صحتك وكل شىء يرد الا الصحة ما ترد.
ابو حمد مسك ايدها ويلس معها علي الكنبة ونبرة عتاب:توج تتذكرين عمج ؟
مشاعل:اخذتنا الدنيا ولا تنسي اللي صار اثر فينا وما قدرنا نظل هنى...مستحيل اسامحهم مستحيل امى ماتت قهر وظلم بعد 6 شهور ماتت من الجرح و....ما قدرت تكمل لانه الغصة وقفت الحشى بحلقها.
ابو حمد باسف:ان لله وان اليه راجعون...عظم الله اجرك يا بنتى.
مشاعل بصوت متهدج:مشكور يا عمى وما نسيت ابد اللي سويته مع امى ومعنا وعشان جذى انا ياية ارد ولو جزء بسيط من اللي سويته معنا وارجوك يا عمى لا تردنى.
ابو حمد:وجودج بس يغنينى عن كل شىء وين قاعدين؟
مشاعل:بعد ما توفت امى سافرنا مدريد .
ابو حمد ما حب يزيد عليها ويسالها عن التفاصيل ابتسم وهو كان محتاج انه يقابل احد من اهله بعد كل هالسنين.
مشاعل فتحت جنطتها وطلعت ورقة وعطتها لعمها اللي تحترمه وتقدره ولو يطلب عيونها ما تتاخر عنه.
ابو حمد كان يقرا الورقة وهو مو مستوعب اللي قاعد يقراه كان عنده بس يومين عشان يطلع من فلته وكان بيروح فندق بس لمتى بيظل وهو ما ظل عنده فلوس الا كم دينار حس بالامل يرجع له وهو يقرا الورقة وملكية الفيلا ترجع له ابدا ما توقع ولا باحلامه ومن بنت اخوه اللي كانت اخر شخص توقع يجوفه.
مشاعل:هذا شىء بسيط من اللي سويته مع امى ومعنا انت الوحيد اللي وقفت معنا بوقت الكل تخلي عنا
ابو حمد:الله يقدرنى وارجع ....
قاطعته بهدوء:هذا دين وامى وصتنى ارده لك وهذا شيك بباقي المبلغ وهذا شيك علي بياض اكتب المبلغ اللي تبيه.
فتحت كفه وحطت الورقة فيه وقفلتها ورفعت ايدها تمسح دمعة نزلت علي خده:دموعك غالية ولا عاش اللي ينزل دمعة من عينك.
ابو حمد:الله يرحم امج عرفت تربي.
فى الصالة
حرمة فى اواخر الاربعينات من عمرها يالسة ابتسمت لبنتها بحزن وسالت:منو علي الباب يا ملاك؟
ملاك:حرمة تقول تبي ابوي .
امها:ما تعرفينها؟
ملاك:لا ما ادري اول مرة اجوفها.
ام حمد تفكر منو تكون هالحرمة واللي استغربت منه اكثر انها طولت عنده يعنى اكيد يعرفها:الا حمد وينه فيه؟
ملاك:جالس بغرفته .
ام حمد:الله يعين بعده ياهل وما يفهم بس يوم يكبر راح يفهم انه لازم يواجه الحياة شلون كانت.
ملاك:كلنا اخذنا صفعة من الحياة فى لحظة يكون الكل حولك ويوم تطيح ما تلقي احد.
ناظرت لبنتها بالم :الحمد لله علي كل حال يمه والله يجازي اللي كان السبب.
ناظروا اثنينهم باب المكتب ينفتح ليخرج منه ابو حمد مع الحرمة وايده تحاوط كتفها ناظروا بعض باستغراب.
ام حمد لزوجها اللي من شهرين ما جافت نظرة الراحة علي محياه وبسمة انارت ويهه يا تري منو تكونى؟
تعرفه زين وكانت تدري انه سعيد وفرحان من قلب وهالابتسامة طالعة من اعماقه وكانت بداخلها تدعى انه هالبسمة ما تفارق ويهه.
ملاك شافت لابوها وابتسمت لانه حست انه مرتاح اكثر عن الايام اللي طافت تنهدت داخلها لانه الايام اللي مرت عليهم كانت صعبة علي الكل وخصوصا ابوها.
ابو حمد ابتسم لزوجته ابتسامة ردتها له بواحدة اجمل:ام حمد جان تذكرين يوم كنت احكى لج عن وحدة شيطانة وعفريته.
ابتسمت له:لا يكون هذى هى.
ابو حمد:ايه.
مشاعل:ههههههه عفريته عاد يا عمى.
ملاك مستغربة وقاعدة تسمعهم تبي تفهم السالفة.
ابو حمد:هذى مشاعل بنت اخوي.
ملاك اتسعت عيناها وهى تنقل نظرها بين ابوها وامها اللي اكدوا لها الخبر بصمت ولاول مرة تعرف انها عندها بنت عم غير الانسة ماركه.
كمل وهو يقول:وهذى زوجتى حصة..ام حمد ..وبنتى ملاك..وبعد فيه رهف وحمد.
مشاعل بلباقة سلمت علي ام حمد وحبت راسها احتراما لها ولانها زوجة شخص غالي علي قلبها:شلونج خالتى؟
ام حمد:الحمد لله عساج بخير ؟
مشاعل:دوم يارب والحمد لله.
وبعدها سلمت علي بنت عمها وباسوا بعض:شلونج يا بنت عمى.
ملاك:الحين صرت ازين.
ابو حمد:مشاعل راح تظل علي الغدى..ويوم جافها بتتكلم ...ما ابي أي كلمة زيادة ادري فيش عنيدة بس ماراح ترفضى طلب عمج.
مشاعل ابتسمت برقة:ان شاء الله.
ملاك:واخيرا صار عندى بنت عم واي يا حلاتها.
مشاعل ابتسمت باحراج.
ابوها:مو وحدة يبة ثلاث.
فجت عيونها:صج .
ابوها:صج.
مشاعل صار لها جم من يوم ما تاكل زين ومرهقة من الشغل والتفكير اتعبها وايد ورجوعها للكويت اخذ منها طاقة كبيرة عشان تقدر تتحمل ترد وترد لها كل الذكريات الاليمة ذكريات تتمنى لو تمحيها من ذاكرتها للابد بس فيه اشياء تظل عالقة باذهاننا مهما نحاول انه ننساها.
اشياء وايد تحاول تمحيها بس موب قادرة وما تدري شتسوي وكل هالمرارة والالم داخلها يمزق روحها ويبعثرها ولا تجد من يداوي جروحها.
عمها:مشاعل شفيج؟
مسكت راسها:شوية تعب وبيروح بس ابي كاس ماي وبندول اكسترا اذا ما فيها كلافة.
ملاك:من عيونى.
ابوحمد:يلسي وما ابي اسمع هالكلام ثانى ما فيه بينا أي من هالرسميات.
مشاعل ابتسمت له ابتسامة باهتة وبعدها سمعته ينادى علي عياله:حمد. رهف.
مشاعل:عمى الله يهديك خلنى اغطى ويهى.
عمها:ههههههههههه الله يهديج بس حمد عمره 9 سنوات .
حمد ورهف توام:هلا يبه.
ابو حمد:تعالوا حبايبي سلمو علي بنت عمكم.
رهف وحمد باستغراب سلموا عليها ويلسوا ينب امهم وفى بالهم اسئلة وايد مثل كل الاطفال الفضول وحب الاستطلاع.
دق تلفونها اخذته من جنطتها وردت :هلا.
I am fine.
Really don’t worry.
Yes.
What?
Why is that?
That’s great really great.
Don’t u dare to laugh.
Call u later.
صكت تلفونها وهى متضايقة شوي يعنى رحلتها اليوم التغت الين يرجعوا يفتحون المطارات راح تقعد هنى وكانها قاعدة علي الجمر.
عمها:شفيج صاير شىء؟
مشاعل:خير ان شاء الله بس رحلتى المفروض كانت الساعة ست اليوم بس التغت لانه معظم المطارات مقفلة بسبب عاصفة وما ادري متى بيرجعون يفتحونها.
عمها :يعنى كنتى راجعة اليوم.
مشاعل:ايه .
عمها:زين منها العاصفة لانى ما كنت راح اتركش تروحين.
رهف:بابا ممكن اسال؟
عمها:سالي يا عمري.
رهف:رموشها حقيقيات ولا مثل رموش حق سمر.
الكل:هههههههههههههههههههه.
ام حمد:الله يهديج انتى وهاللسان
ابوها:الله يقطع شرج يا رهف لا حبيبتى رموشها طبيعيات الله يحفظها.
مشاعل ابتسمت علي براءة الطفلة رموشها الكثيفة والطويلة والساحرة التى ما كانت دائما تجذب لها الانظار وهذا يزعجها وايد مع عيونها الخضراء الغامقة لكن الذى اشغلها الان من هى هذه السمر يا تري هل تكون ...........
نفضت هذه الافكار واخذت الكاس والحبوب من ابنة عمها :مشكورة.
ملاك :العفو.
وبعدها انغمس الجميع فى حديث عن كل شىء وكل واحد فيهم يحاول ابعاد افكاره عن الاشياء الرئيسية التى تشغل باله.
مدريد
وقفت سيارتها وفجاة بدى المطر يتساقط اخذت جنطتها وحطت تلفونها داخلها وقفلتها زين وفتحت الباب ونزلت وهى تسكر سيارتها بسرعة وتركض حق المطعم عشان لا تتبلل.
دخلت المطعم بسرعة وهى تشوف حولها تدور اختها وابتسمت يوم شافتها يالسة وتشتغل بملف جدامها موتها بالشغل .
يلست مقابلتها:السلام عليكم ورحمة الله.
رفعت لها عيونها:وعليك السلام شلون كان فحصج؟
ابتسمت:وايد زين.
اخذت منديل ومدته لاختها:الله يوفقج خذى مسحى ويهج من الماي.
اخذته:مشكورة اسو.
اسيل:تدرين اشتقت لها الدبة لها وحشة احس هالسفرة اخذت كل طاقتها واخر ذرة احتمال وقوة وكبرياء.
غمضت عيونها وردت فتحتهم:عسي الله لا يحرمنا من بعض.
اسيل:امين...اقول ندى طلبي لي ولج علي ذوقش مالي خلق.
ندى:ان شاء الله...واخذت المنيو تجوف شنو فيه وبعدها قررت تختار الطبق الرئيسي وهو طبق بحري مرة حلو مع مقبلات نزلت المنيو وجافت بنتين يناظرونها ويهمسون لبعض ونزلوا عيونهم علي طول جا النادل وعطته الطلب.
سكرت الملف وحطته بجنطتها ورجعت حطتها علي الكرسي بجنبها:ودى اخذ اجازة احس انى تعبانة.
ناظرتها بنص عين:خذى اسبوع ريحى فيه تدرين انا ماادري شلون مشاعل اخذت اجازة موب مصدقة عمري.
اسيل:الله يكون بعونها اللي قاسته مو شوي تدرين انها هى اللي درت ....سكتت ما تبي تذكر الماضى وتفتح جروح حسبت انه الزمن دواها بس بعدها توجع.
ندى:ايه كلمتنى بعد ما طلعت من الفحص وحسيت من صوتها انها تعبانة بس تدرين شلون هى كتومة وما تحب تبين.
رفعت راسها:تدرين انه اليوم ما تهاوشنا.
ندى:ههههههه يمكن لانه مشاعل مو هنى ههههههههه تدرين كان المفروض انا اتهاوش معها او انتى وهى لان هانا علي راسها وهى علي راسج بس اللي صار الصغيرة تتهاوش مع العودة.
اسيل:بايخة مثل ويهج.
رمشت بعيونها وكان شكلها ينن مع رموشها الكثيفة والمتشابكة:ايش حلاتى.
وصل الاكل وسكتوا والنادل يحط الاكل جدامهم وعصير كوكتيل فريش:وايد يوعانة.
ندى:وانا بعد من بعدج حبيبتى.
اسيل:مالت.
فى نفس المطعم
ناظرة بنت خالتها:شوفتى نوف البنية الله يحفظها رموشها طبيعيات وبعد لا كحل ولا هم يحزنون.
نوف:شفيج مهاوي اشوفج تدافعين عنها جنك تعرفينها.
مها:عادى بس ما ادري انتى شفيج هبيتى فيها وبعدين يحليلها محترمة و جوفيها شنو لابسة..مها كانت تقصد تنغز بنت خالها لانها كانت لابسة بنطلون وجاكيت قصيرة وحجابها يمكن ما كان له داعى اما والبنت اعيبتها وايد لابسة عباية سودا مسكرة وعند اكمامها منفوش بطريقة غير ملفتة للانتباه ولافة شيلة بعد سودا زايدة بياض بشرتها وعيونها العسلية تقطر عسل وحلي.
فهد اللي كان يالس معهم ما يبي يتدخل فى نقاشهم بس ياه فضول كبير انه يجوف هالبنت اللي يتحشون عنها.
رفع نظره وكانت مقابلته بس كانت منزلة راسها وتاكل تاملها وويوم رفعت راسها ورفعت الملعقة بتاكل طاحت عيونها بعيونه وحست بخجل واحراج وما قدرت تحط اللقمة بحلجها نزلت ملعقتها ونزلت نظرها.
فهد الدنيا بعدها بخير بعد فيه بنات يستحون بس عيونها شىء استغفر الله العلي العظيم بتغزل فيها الحين اعوذ بالله من الشيطان.
سارة انتبهت لاخوها وسرحانه وتامله للبنت كانت تتمنى اخوها يستقر بحياته بس الله يجازي اللي كان السبب وكانت تتمنى له السعادة.
سارة:حلو اكل المطعم والا شرايج فهد؟
فهد:ايه .وايد حلو..مستانسة.
سارة:ايه يعلنى ما اخلي منك يا خوي.
مها:تدرون اشتقت حق ابوي وعمور متى نرد.
فهد:ما ادري عن خوالي بس اذا تبون نرد اجوف حجز ونرد متى ما بغيتوا؟
سارة:لا خلنا بعد.
فهد:علي هواج بس اسبوع لا اكثر وراي شغل.
الكل:ان شاء الله.
نوف فى نفسها مر اسبوعين وانا ما حققت أي نتيجة وكل تخطيطى راح مع الريح بس بييب راسك يا فهد وانا نوف بنت امى.
عند ندى اللي انحرجت وما قدرت ترجع ترفع راسها سالتها اختها:شفيج ما تاكلين؟
ندى وخدودها محمرة:كانى اكل بس ما ادري من اول ما دخلت حسيت بالبنات اللي وراج كانهم يراقبونى .
اسيل:اكلي حبيبتى لا تهتمى اكيد بيناظرونج بس عسي بس لا يصكونج عين وابتلش فيج وتيي مشاعل وتقول ذبحتى البنية.
ندى:الله يقطع شرج يا اسو دمج شربات والله.
الكويت
كان يالس عند شجرة الزيتون المكان المفضل عنده مع زوجته الثانية والمرة اللي حبها وما قدر ينساها والحمد لله الله جمعه معها بالاخر.
كان مرتاح بس فيه شىء مو مخليه مرتاح ولو بيقول الصج شيئين مخلينه موب مرتاح كلش بس هو ما يبين.
الشىء الاول هو زعله من ولده وطرده له موب قادر يصدق اللي صار لحظة غضب فقد اعصابه وفقد ولده اللي عمره ما رفع صوته لا رد له طلب.
والشىء الثانى كان ...........حس باحد يحط ايده علي كتفه رفع نظره جاف زوجته ورفيقة دربه واللي وقفت معه فى اصعب ايامه.
يلست قباله:شفيك يا ابوخالد شنو اللي شاغل بالك يالغالي؟
ابتسم لها:ماكوا شىء بس شوية شغل راحت منى؟
قالت وهى تدري انه يبي يغير الموضوع:ايه راحت من شوي اهل زوجها مسويين عزيمة وما تبي تتاخر.
ابو خالد:زين ما سوت اقول يام سعود شلون......قطع كلامه الحارس وهو يقول:عمى فيه وحدة تبي تقابلك.
ابو خالد:وحدة..ما قالت منو؟
الحارس:لا بس مصرة انها تقابلج.
ابو خالد:خليها تدش.
بعد ما فتح لها البواب دشت ووقفت سيارتها جدام البيت وانزلت منها وجافته يالس عند شجرة الزيتون وكانت معه حرمة بس مو ....خلاص بس انا شنو اللي خلانى ايي ليش ييت راسي بينفجر...اخذت نفس عميق مرتين عشان تهدى نفسها ومشت ناحيتهم.
يوم وصلت عندهم:السلام عليكم ورحمة الله.
اثنينهم:وعليك السلام ورحمة الله..نعم طلبتى تقابلينى؟
وخرت الغطا عن ويهها وهى تبتسم له وتناظر ملامحه والتجاعيد التى لم تفلح فى اخفاء وسامته الطاغية:شلونك يدى؟
رفع راسه باستغراب وصدمة بس ما بينت علي ملامحه لانه اخفاها بسرعة وتمعن فى ملامحها وكان ذاكرته بدت تسترجع هالويه وين جافه.
ابتسمت:ثنعش سنة مهوب شوية وانا بعد تغيرت وايد اشياء وايد تغيرت غيرها الزمن حتى الاشخاص تغيرو بس هالشيرة بعدها مثل ما هى تذكرنى بطيحتى منها عورتى وايد بس ما بغيت ابشى عشان لا يضحكون علي.
زوجته كانت تستمع للحوار وهى ساكتة والغيرة بتذبحها هذى حفيدته بس بنت منو خايفة يكون متزوج لانها ماراح تتحمل هالشىء يكفي اللي صار لهم.
الحين تذكرها وعرفها حفيدته العنيدة والقوية حفيدته اللي كان يجوف فيها نفسه هو اللي سماها وكانت المفضلة عنده بس..... الله يجازي اللي كان السبب .
مشاعل:ليش تركتنا بعد اللي صار اخر شخص توقعته يتخلي عنا.
ما قدر يرد عليها لانه ما عنده شىء يقوله ويحس انه تفسيره وتبريراته مالها معنى:الماضى راح وانتهى بس الحاضر اهوا اللي بايدنا.
مشاعل كانت تعرفه زين لانها ورثت منه الكثير ومستحيل يبرر لها نفسه او يعتذر لانه وايد صعب بالنسبة له.
كانت تناظرهم واول مرة تحس بحنان بعيونه وحب ولمحة حزن بعيونه وحست بشىء مشترك بينهم وبالذات النظرات.
ابو خالد:شنو اللي يابج بعد كل هالسنين مو معقولة ياية تعاتبينى.
حطت عيونها بعيونه:ييت عشان عمى سعود.
ناظرها بحدة وزوجته فز قلبها وهى تسمع اسم ولدها ايه شكثر اشتاقت له الله يحميك يمه ويسلمك من كل شر.
مشاعل:ايه عمى سعود اللي ما ترك امى يوم كانت محتاية ساعدها يوم الكل تخلي عنها عمى سعود اللي عمره ما وجع احد بكلمة او ظلم احد انت تدري انه......مو قادرة تنطق الاسم وهى حاسة بمرارة كبيرة داخلها وكملت اهوا السبب فى اللي صار لعمى.
زوجته ام سعود تتمنى لو زوجها يلين قلبه ويحن شوي علي ولده.
طلعت من جنطتها رسالة وحطتها علي الطاولة هذى من امى قبل لا تموت عطتها المحامى اللي نساها وما سلمها لنا الا من اسبوع ما ادري شفيها بس اتمنى ما يكون متاخر:عن اذنك .
ابو خالد بصرامة:يلسي ما بتروحين مكان راح ترجعون تعيشون هنى وراح تظلون معى انتى وخواتج.
مشاعل بمرارة:ما ابي اجوفها واعيش معها ببيت واحد كافي اللي يانا منها .
ام سعود حز بخاطرها شسوت لهم.
ابو خالد:طلقتها من زمان.
شافت نظرات الاصرار فى عيونه وتدري انه ماراح يتراجع عن قراره بس يمكن تستفيد اهيا بعد فقالت بتحدى واضح:بشرط.
ام سعود استغربت منها شلون تحاكيه جذى وهو اول مرة تجوفه يسمح لاحد يحاكيه بهالشكل ويشرط عليه بعد بس هل بيوافق علي شرطها وشنو هو هالشرط.
يدها:موافق علي شرطج اين كان.
مشاعل:يرد عمى سعود البيت.
ببيت اخر
وقف سيارته التيما جدام البيت ونزل منها جاف سيارة وعرف انه عندهم احد وعشان يتفادى أي احراج راح من الباب الخلفي.
دخل المطبخ اخذ كاس مويه وبعدها اتيه لجناحه الخاص بالدور الثالث ماكوا احد غيره فيه اصلا ماكوا احد بالدور الثالث الا هو ويعتبر من املاكه الخاصة ممنوع الدخول وممنوع اللمس وياويله اللي يتجرا ويدخل من غير اذنه لانه باذن وما يترك احد يدخل.
فتح الباب ودخل حط جنطته علي جنب وحط عقاله بالعلاق ويلس علي السرير يخلع جوتيه عزكم الله ودخل الحمام اكرمكم الله ياخذ له شاور بعد هاليوم المتعب.
كان مجهد وايد الشغل هالايام كثير والمنافسين اكثر بس هو عارف لهم ويعرف شلون يتعامل معهم ويكون ذيب ولا احد يدوس له علي طرف.
وقف الماي ولف منشفة علي جسمه وطلع لبس بيجامته وانسدح بينام لانه يوعان نوم لحف نفسه زين ونام.
بالصالة
تنهدت بعد ماراحوا النسوان من عندها يتها الشغالة وقالت لها انه ريع وراح جناحه اكيد تعبان اه يمه ذابح نفسك بالشغل وناسي نفسك والدنيا.
وبعدها سمعت صوت ولدها داخل وهو يغنى ابتسمت عسي الله لا يحرمنى منكم يا عيالي يا ريحة الغالي ةيرزقكم الله بالذرية الصالحة.
يا بعدهم كلهم
يا سراجي بينهم
عطني من دنياك حبك
واترك الباقي لهم
ياللي انفاسك دفايا
ولمسة ايدينك شفايا
يكفي بس تبقي معايا
قرب من امه وحب يبينها:هلا بالغالية يا بعدهم انتى...السلام عليكم.
امه:وعليك السلام اه منك يالعيار انت بس.
يلس:افا افا يمه وهذا انا اخر العنقود دلوعج.
امه:اصحى وانا امك تراك صكيت الثلاثين .
سوي نفسه كانه انصدم:يمه حطمتى مشاعري ما اقدر عانست.
امه:وانت صادق عنست وانا امك.
ما قدر يتمالك نفسه:ههههههههههههههههههه الا الغالي وينه.
امه:فديت قلبه دش جناحه اكيد بينام عسي عينى ما تبكيه.
رد:امين يارب وبعدين انا ماراح اتزوج الا يوم يتزوج اخوي العود.
امه:عيل اعين من الله خير ...جاسم تري اليوم بنروح عند موضى اختك لا تنسي تراها اكدت علي انه لازم تيون انت واخوك.
جاسم:ان شاء الله.
امه:تري بيت عمك بعد بيكون هناك.
جاسم :خلاص لاتحاتى ..بروح الحين غرفتى عندى شوية شغل .
امه:الله يوفقك ان شاء الله.... ويرزقك ببنت الحلال اللي تسعد قلبك.قالت جملتها الاخيرة بهمس ما تبي تعكر مزاج ولدها .
جاسم اللي سمع كلام امه وكان يتمنى انه يحقق لها امنيتها بس تجربة زواجه الاولي تركت اثار من الصعب محوها من نفسه.
دخل غرفته وقفل الباب صعب عليه يكرر تجربة الزواج بعد اللي جافه من.... ما يدري هى شنو من البشر بعده مو قادر يصدق اللي سوته.
مرر ايده بين شعره يوخر هالافكار عن راسه واتجه لمكتبه وفتح لاب توبه ويلس يشتغل بعدها سمع صوت تلفونه بصوت مسج.
ما عطاه أي اهتمام وظل مجابل شغله .
مدريد
اخذت جنطتها وقامت بعد ما خلصت اكل هى واختها والمطر وقف الحين اكيد الجو بيكون حلو راح تيلس تدرس بحديقة بيتهم.
اخذت نفس عميق وهى تطلع من المطعم جافت نفس البنت اللي من شوي تناظرها بتعالي واستهزاء هذى شفيها وبعدها سمعت صوت صديقة تدرس معها
Hi dee.انا
ندىHey,anna how u did in the exam?
اناVery good,and u smart one.
ندىI did nice thanks to allah,by the way did u notice the trick in the last Q.
اناOh yes,thanks to u for that.
ندىNever mind.
اناMaybe ,i have to go right now see u later dee.
See u.ندى
ابتسمت وهى تلوح لصديقتها اللي كانت تلبس قفازتها وتحط قبعتها علي راسها كانت انكليزية تعرفت عليها فى الجامعة وكانت وايد محترمة ومن عائلة محافظة وبدت تميل للاسلام وتحضر ندوات يمكن هى بعدها ما اسلمت بس افضل من كثير مسلمات نسوا دينهم.
اسيل:هذى انا شفيها راحت بسرعة؟
لفت:اضطرت تروح وراح تيي عندنا الليلة اتمنى ما يكون عندج مانع.
ضحكت بصوت واطى:لا ما كو مشكله يكون احسن بعد ما بستهزء فيك وبس وفيها بعد.
ندى بشموخ:نشوف حبيبتى ولا تنسين نفسج امبارح مع من تعادلتوا.
اسيل:طوفى جدامى يلا .
ندى:هههههههههههههههههه.
اسيل وهى تناظر السما وتبتسم ابتسامة باهتة:اول مرة نرد البيت ومشاعل ما فيه وبتكون غرفتها فارغة صج لي قالوا فراق الدنيا يوريج فراق الاخرة.
ندى من قلبها:الله لا يحرمنا منها ولا يحرمنا من بعض..بتخلينى اصيح .
حطت ايدها علي كتف اختها ومشوا لسيارتها لانها ما يت بسيارتها واخذت الباص مالها خلق تسوق فى الزحمة :ما عاش اللي ينزل دمعتج .
ندى:يلا انا بسوج...وفتحت جنطتها تاخذ المفتاح وتوها لقته الا تصدم فى شخص ويطيح منها المفتاح وسمعت صوت انثوي غاضب:شفيج عميه ما تجوفين شهالهيلق.
ندى حسبي الله ونعم الوكيل هذى شفيها علي وبعدين هى كانت واقفة جنب سيارتها يعنى مو الحق عليها:الحمد لله علي نعمة البصر وبعدين انا ما ييت فى طريقج ناظري زين.
ونزلت اخذت مفتاحها من الارض وسمعتها تقول وحدة تافهة.
طنشتها وكانت بتفتح الباب مسكتها من ايدها وهى تقول:انتى هيه احاكيك.
اسيل عصبت:لو سمحتى لا ترفعين صوتج والزمى حدودج واذا اختى احترمتج وساكته تري انا اقدر اتعامل معج.
قطع عليهم صوت :حصل خير اختى اعذرينا ..ومسكت ايد بنت خالها وجرتها وراها معصبة وكانت هذى مها.
مها:شفيج نوف علي البنية ما سوت شىء؟
نوف نفضت ايدها منها:اوف وخري عنى...ناظرت حولها ما جافت فهد الريال اللي تبيه وتبي تملكه وسارة:وين راحوا؟
نوف:سارة كانت تبي تشتري شىء عيبها وما كان معها فلوس عشان جذى اخذها فهد تشتريه وانا وانتى بنرجع الفندق مو بعيد تري لا تخافي.
وراحوا مع بعض ونوف ميته قهر ما عيبها الوضع كلش وظلت تتحرطم طول الطريق ومها المسكينة متحملتها الله يفرجها يارب.
نرجع لندى واسيل
ركبوا السيارة وندى شوي معصبة:اسيل ليش تدخلتى كنت اقدر اتعامل معها؟
ناظرتها بنص عين:ايه واضح.
ندى:ترانى كبرت مانيب بياهل تدافع عنه اخته العودة .
اسيل:خلاص انتهينا.
ندى:لا ما انتهينا هذى موب اول مرة وانتى تعندى شفيج؟
اسيل كانت شوي متوترة اليوم عشان شغلها وقضيتها اللي كانت ماخذة حيز كبير من تفكيرها وسفر مشاعل وهذا الموقف فير كل شىء:خلاص ندى ترانى واصلة معى حدها لا تزيدينها.
ندى ناظرت اختها وحست انها زودتها يمكن شوي:اسيل اعذرينى.
اسيل وعلامات رعب ارتسمت علي ويهها:ندى انتبهي للطريج نــــــــــــــــــــــــــــــــــــــدى.
انفاس حياتى
|
03-12-10, 11:50 PM
جديد مواضيع قسم الارشيف
العرض العادي
