بالتوفيق ياخيه ربي يوفقك دنيا واخره

ممكن سؤال القصة باي لهجة انتي كاتبتها لانه في بعض الاخطاء بالكلام اذا كلن باللهجه الكويتية


اتمنى انك تستمرين لين الاخير وتممينها على خير



قووووهييييييييييييد

البارت الثانى

نرجع لندى واسيل

ركبوا السيارة وندى شوي معصبة:اسيل ليش تدخلتى كنت اقدر اتعامل معها؟

ناظرتها بنص عين:ايه واضح.

ندى:ترانى كبرت مانيب بياهل تدافع عنه اخته العودة .

اسيل:خلاص انتهينا.

ندى:لا ما انتهينا هذى موب اول مرة وانتى تعندى شفيج؟

اسيل كانت شوي متوترة اليوم عشان شغلها وقضيتها اللي كانت ماخذة حيز كبير من تفكيرها وسفر مشاعل وهذا الموقف فير كل شىء:خلاص ندى ترانى واصلة معى حدها لا تزيدينها.

ندى ناظرت اختها وحست انها زودتها يمكن شوي:اسيل اعذرينى.

اسيل وعلامات رعب ارتسمت علي ويهها:ندى انتبهي للطريج ندى.

ندى ناظرت جدامها حاولت قدما تقدر تتفدى السيارة اللي جدامها بس من خوفها فقدت التحكم فى السيارة و دعمت فى العمود.

الكويت


بيت ابو خالد

دخل البيت وطلع علي غرفته سيده ويلعب بمفاتيحه فى ايده مو بالعادة امه ما تكون بالصالة يمكن نايمة او طالعة.

دخل غرفته وحط مفتاحه علي الطاولة وفسخ جوتيه عزكم العالي ودخل الحمام اكرمكم الله حط شماغه بسلة الغسيل وغسل ويهه واخذ الفوطة وطلع وهو يمسح ويهه.

طلع من غرفته وراح للصالة جاف امه وابوه يالسين جرب منهم وحب راس ابوه وبعدها حب راس امه وهو يشوف نظرة فرح من زمان ما جافها بعيون امه.

امه:متى ييت يمه؟

يلس:تونى واصل من شوي..شلونك يبه الحين عسي احسن؟

ابوه:الحمد لله خف الويع...بس رجع ويع اكبر من الاولي قال هالكلمات داخله.

رد علي ابوه:الله يشفيك يالغالي ولا يحرمنا منك.

ام سعود:راشد يمه تري عندنا عزيمة اليوم عشان جذى ابيك تفضى نفسك.

راشد:عشانج يالغالية اذبح روحى.

ام سعود:الشر بعيد عنك.

راشد:منو ياي علي العزيمه؟

ام سعود:خوالك وبيت عمى بونواف وهنى وقفت شوي وناظرته وحطت عينها بعينه واخوك سعود وعياله.

راشد ناظر ابوه اللي كان لاهى بجريدته يقراها ورد لامه وهو موب مصدق اللي قالت باشارة من راسها بعدين بفهمك.

راشد:حياهم الله.

كان فى باله سؤال شصاير خلي ابوي يعزم سعود يعنى بيرد البيت جاف لابوه اللي هو قدوته ابوه اللي ما يحب يعبر عن شعوره بالكلمات لكن بالافعال.

نزلت تركض من فوق والكل استغرب ابو سعود رفع نظره جافها تركض لعنده وقفت جدامه انفاسها تسابقها وتلهث حط الجريدة علي ينب.

مشاعل بغصة:ممكن تلفونك.

بدون استفسار اخذ تلفونه وعطاه لها ..اخذته بيدين ترتجفان من الخوف الذى ملا قلبها وصوت اختها الخائف والمرتعب مازال يتردد فى اذنيها.

ارسلت رسالة تخبرها ان ترد لانها ما بترد علي رقم غريب لاي سبب كان وبعدها دقت عليها وانفتح الخط ولم تسمع الا صوت شهقات مكتومة دخلت الي قلبها ياربي ارحمنى.

ندى تحاول تاخذ نفس:ســ ويــت ..انــا اســـــــيل.

مشاعل برعب:اسيل شفيها اسيل؟

ندى تصيح:ما ادري دشت العمليات.

طاحت دمعة علي خدها اسيل وعمليات وهالكلمتين فى بالها مو قادرة تستوعب ما عرفت شتسوي ومو قادرة تسوي شىء وخواتها لحالهم واهيا هنى عايزة موب قادرة تسوي شىء لازم تكون قوية اذا مو عشانها عشان خواتها.

مسحت دمعتها:ندى لا تصيحى انتم باي مستشفى.

ندى:المستشفى اللي تشتغلين فيه.

مشاعل:ندى حبيبتى الدكتورة كاثرين تعرفينها انا الحين بكلمها واخليها تييك اوكى انتى لا تخافي طيب حبيبتى.

ندى:انا خايفة.

غمضت عيونها وهى تسمع اختها ويع قسم ظهرها نصين:لا تخافي تدرين فيها اسيل لازم تخلينا نصيح. حاولت انها تبعد عنها القلق بس هيهات.

ندى:مشاعل كاهى الدكتورة كاثرين يت عندى وتلفونى بيخلص شارج.

مشاعل:طيب اخليج الحين بجوف اذا اقدر ارجع اتصلي واشحنى تلفونج.

قفلت التلفون وحطت راسها بين ايدينها وحست الدنيا تلف فيها سمعت صوت مرت يدها تسالها اذا كانت تعبانة ما كانت تدري شنو تقول غمضت عيونها وبعدها حست بايدين يحوطوها فتحت عيونها جافت يدها يلمها ما مانعت لانها كانت محتاية لحضن يلمها.

مشاعل بالم:يدى اخاف يصير فيها شىء وانا مو عندها ذيك الساعة شبسوي ما ابي اخسرها خايفة خايفة.

راشد اللي نزل نظره من يوم نزلت وهو مستغرب منو هاي ومن وين يت وشنو كانت تسوي بالدور العلوى وكان يسمع حديثه بس يوم سمعها تنادي ابوه بيدى رفع راسه وناظر ابوه وبحضنه هالغريبة ودمعة بعين امه.

ابوخالد:وينهم فيه؟

مشاعل:مدريد.

ابو خالد:راشد اتصل فى فهد وخلنى احاكيه.

راشد:ان شاء الله يبه.

اخذ تلفونه من مخباه وطلب رقم ولد عمه دق ودق بس ماكو رد رجع دق مرة اخري سمع صوته بعد ثالث رنة.

راشد:هلا فهد شلونك؟

فهد:هلا راشد بخير انت شلونك وشلون الكل؟

راشد:بخير..ابوي يبي يحاكيك.

قام راشد ومد لابوه التلفون وناظر البنت اللي بحضن ابوه وراح يلس ينب امه يسمع حديث ابوه.

ابو خالد:هلا فهد بغيتك بشغلة.

فهد:هلا عمى انت تامر وما يصير بخاطرك الا طيب.

ابو خالد قدها يا فهد قدها:يبة ابيك تروح مستشفى ال .......والحين افهمك كل السالفة..بعد ما خبر ابو خالد ولد اخوه كل السالفة قفل منه بعد ما اكد له ما يتركهم ويهتم بكل شىء مع انه ما كان محتاي بس ما يدري يحس بالمسؤولية.

ابو خالد:لا تصيحى يبه خلاص الحين فهد يروح عندهم و بيخبرنا بكل يديد لا تحاتى واذكري ربج وادعيلها.

مشاعل وبعدها بحضن يدها:ونعم بالله هذى اول مرة ما اكون معهم هذى اول ما نكون مع بعض دفنت ويهها فى صدر يدها وتحجرت الدموع فى مقلتيها مو راضية تنزلين تعبتى ومليتى منى ادري فيج يا دموعى ادري.

ابو خالد حب يوخر عنها افكارها الحزينة ويسالها عن حياتها:عشتوا لحالكم كل هالسنين يبه.

مشاعل :لا عمة امى ظلت معنا الله يرحمها قالت بغصة ماتت من سنتين بسرطان فى المعدة الله يعافيكم يارب.

ام سعود:امين.

قامت من حضن يدها وجافت راشد صلحت من يلستها وسوت وشاحها سمعت صوت يدها:هذا عمك راشد.

مشاعل:هلا.

راشد عرفها الحين بس ما يذكرها وايد :هلا فيج ما تجوفين شر ان شاء الله.

مشاعل:مشكور.

ام سعود ارتاحت لها وايد سبحان الله فرق كبير بينها وبين..سبحان الله ان لله فى خلقه شؤون بس مكانتها بقلب مشعل كبيرة مع انها ما سمعته ابد يحكى عنها يمكن لان كبريائه يمنعه.

مدريد

بعد ما كلمت اختها كانت واقفة جدام غرفة العمليات وماسكة ايدها اللي تنزف وضاغطة علي اليرح عشان الدم ما ينزل ما خلت احد يلمسها لانها خايفة علي اختها يمكن يصير فيها شىء.

غمضت عيونها واتكت علي الطوفة لو صار فيها شىء ماراح تسامح نفسها تذكرت اختها وهى تصارخ ندى انتبهى للطريج .........ندى انتبهى للطريج.........ندى انتبهى للطريج.

صحت علي صوت الدكتور يكلمها:

U are bleeding miss u need help come with me please.الدكتور


No i wont move until i know for sure that is my sister is fine.ندى

But u must have a medical care right now.الدكتور

Leave me alone.ندى

But miss.........الدكتور

سمعت صوت اخر يخبره بالانجليزية:

Didn’t u hear the miss.

Sir she is injuired and bleeding and must have a treatment but she refuse .الدكتور

Leave us.قال الشخص

ندى طاحت عيونها بنفس العيون اللي من شوي فى المطعم هذا شفيه جنه طالع لي ببنك الحظ وسمعته يقول بصوت واثق :اذا صار فيج شىء ماراح تفيدين اختج باي شىء.

فتحت عيونها علي وسعهم :انت شلون تدر......

فهد بهت فى عيونها الساحرة بس وخر عيونه وقال:يدج ابو خالد يصير عمى يعنى تقدرين تقولين انى ولد عمج.

ندى:يدى اهوا اللي خبرك؟

فهد:ايه..ما طلع الدكتور.

ندى تناظر الباب بالم:لا بعده.

فهد:طيب نروح الحين نعالج يرحج وبعدها نرجع طيب عشان تكونى ينبها .

ندى بهمس:طيب.

مشت وراه لغرفة الطواري وهى تسمع همسات وضحكات يوم مر من جدام مجموعة من المتمرنين والكلمات اللي تتمنى انه ما يفهم الاسبانية لانها ساعتها ماراح تقدر حتى تكلمه.

دخلت معه غرفة المعالجة وجافت الدكتور يالس ومعه الممرضة تكلم معه وطلب منها تيلس بس ظلت واقفة وما تحركت من مكانها ومو قادرة تقول أي شىء.

فهد ما يدري شفيها ظلت واقفة وما رضت تيلس عشان يعالجها الطبيب بعدها شاف للطبيب اللي كانت نظراته مركزة عليها قال لها بصوت واطى:تبين طبيبة.

هزت راسها بطريقة طفولية:ايه.

ابتسم وطلب طبيبة ابتسم الدكتور وطلع من الغرفة وبعدها دخلت طبيبة فطلع من الغرفة وظل ينتظرها بري.

من زمان سمع انه بنات ولد عمه عايشات مع امهم بس ما كان يعرفهم لانه كان بدبي اهوا واهله بسبب شغل ابوه ويوم ارجعوا هم راحوا.

سمع صوت تلفونه يدق وكانت مها اخته قال لها انه واحد يعرفه مريض وهو الحين معه وقال لها تطمن امه.

التفت يوم سمع صوت الباب ينفتح وطلعت وهى ماسكة ايدها كلمة وحدة كانت توصفها طفلة بس ما يدري ليش كان وده يروح عندها ويحضنها ويقول لها لا تحاتى انا معج شفيك يا فهد تخبلت.

فهد:شلونج الحين؟

ندى بهمس:الحمد لله ما فينى شىء .

فهد:زين.

ومشي وهى معاه عشان تطمن علي اختها وقلق ياكلها وواضح علي ويهها علامات التعب والترقب وخوف كبير.

وصلت عند غرفة العمليات جافت الدكتورة كاثرين راحت لعندها ركض

Hi cath how is she?ندى

Don’t worry she is fine and u can go after a few minute and see her.كاث

لمت كاثرين لا شعوريا وقالت بعفوية:مشكورة كاثى قلبى شوي وجان وقف.

ابتسم وهو يناظرها وعيونها تشع بفرح بعد ما خبرتها الطبيبة انه اختها بخير وحركاتها العفوية ما غلط يوم قال انها طفلة.

كاثرين ضحكت وقالت لها:

Dee i didn’t understand aword.

Sorry ,thank u very much oh I need to call masheal she must be so worry ندى

right now.

Ok,see u later ok.كاث

See u.ندي

سمعت صوته اللي نقزها شوي بس ما بينت وهو يقول لها:سلامات ما تجوف شر ان شاء الله.

ندى بخجل:الشر ما يجيك..قالت وهى وايد مستحية:ممكن استعمل تلفونك ما لقيت شارج عشان تلفونى اذا ما عندك مانع.

فهد طلع تلفونه ومده لها اخذته منه باحراج ودقت رقم اختها بس عطاها الرقم مقفل رجعت دقت ونفس الشىء قالت باحباط:مقفل.

فهد:اتصلي بيدج تلقينه باسم الفارس.

ندى رفعت عيونها الفارس ودقت الرقم ياها صوت ريال اكيد يدها:هلا فهد.

ابتسمت وقالت بتوتر:انا مو فهد يدى.

مشعل:ندى صح.

ندى:ايه هذى انا شلونك وشلون صحتك؟

مشعل:بخير انتى شلونك الحين؟

ندى:صرت احسن بوايد وحتى الدكتور طمنا عن اسيل والحين بدش عندها يدى مشاعل لمك.

مشعل:ايه بتحاكينها.

ندى:ايه ...سمعت صوت اختها وكانت بتصيح بس مسكت نفسها:هلا.

مشاعل:شلونج الحينه وشلون اسيل؟

ندى:الحمد لله عندى يرح بسيط يعنى واسيل بدخل لها بعد شوي ما فيها شىء والحمد لله بغي قلبي يوقف .

مشاعل:فديت قلبج والله انا بغيت اموت من الخوف.

ابتسمت بالم:مشاعل اسفة ادري خرعتج ما كان المفروض اكلمج بس كنت وايد خايفة كنت خايفة يصير فيها شىء وانا هنى بروحى وانتى هناك اوعدينى انه هذى اخر مرة تتركينا لحالنا ماراح نقدر نعيش بدونش حتى انى حرمت اتهاوش مع اسيلو.

مشاعل ابتسمت:ايه واضح شسبب الحادث؟

لوت فمها وفهد ضحك على حركتها:يوم اجوفج بخبرج مو الحين رحتى عند عمى سعود.

مشاعل:ايه رحت بس الحين ببيت يدى عندهم عزيمة ومالي خلق كلش بس يدي ملزم انى احضر وما حبيت اكسر بخاطره واذا كنتى بتسالي عنهم ما هم يايين .

ندى تنهدت:ابي انام وما اصحى اسبوع جذى بس يوم الاثنين عندى فحص مشاعل اعذرينى شوي.

قالت لها الممرضة انها يمكن تدخل تجوف اختها:مشاعل بدخل اجوف اسيل وبرجع ادق لج اوكى حياتى.

مشاعل:مع السلامة.

ندى لفت وفهد كان بعده واقف:راح انتظرج هنى.

ابتسمت له بامتنان ودخلت مع الممرضة جافت اختها علي السرير وعيونها مسكرات قربت منها ومسحت علي خدها وباست جبينها ناظرتها وهى تفتح عيونها بتعب:الحمد لله علي السلامة .

اسيل بتعب:الله يــسلمك.

ندى :خرعتينى والله بغيت اموت سامحينى لو صار فيك شىء كنت ينيت.

اسيل مدت ايدها ومسحت علي راسها:كانى بخير ما فينى شىء وهذا درس لج لاعاد توخرين نظرج عن الطريج.

ندى:توبه توبه.

اسيل :هههههههههه وبعدها مسكت راسها لا تضحكينى يعور.

ندى :انادى الدكتور.

دق التلفون بايدها وناظرت الشاشة وكان مكتوب الحنونة يا تري منو تكون شافتها اسيل:ليش ما تردين؟

ندى :هذا مو تلفونى تلفون فهد.

اسيل ناظرتها باستغراب:فهد,فهد منو؟

ندى قالت وهى تطلع:فهد ولد عمى.

طلعت من الغرفة وجافته يالس علي الكراسي قربت منه ورفع راسه يوم انتبه لها وقالت له :تلفونك عطته له وردت لاختها.

دخلت وصكت الباب:ندى منو هو فهد؟

ندى:يصير ولد عمنا ابوه اخو يدى فهمتى يدى اتصل فيه عشان يجوف اذا محتايين شىء والمسكين ما تركنى لحظة الله يجازيه خير ان شاء الله.

اسيل:ايه الله يجازيه كل خير .

دق الباب ندى لفت الوشاح علي راس اختها وصلحت لها اللحاف ودخل فهد:السلام عليكم.
ندى واسيل:وعليكم السلام.

فهد:طهور انشاء الله يا بنت العم.

اسيل :مشكور وما قصرت.

فهد:هذا واجبي واذا تبين شىء ما يردج الا لسانج عمى اتصل من شوي والاهل يبون يحاكوج حط التلفون علي الطاولة وطلع.

اسيل ناظرت اختها اللي كان77ت عيونها علي الباب:تراه راح من زمان يالحبيبة.

ندى عطتها نظرة واخذت التلفون واتصلت فى يدها وبعدها عطت اختها التلفون وجلست علي الكرسي تناظرها وهى تحاكى مشاعل .

بااارت روعة

أنتظررر الباااقي


يعطيك العااااافية

مبين على الرواية انها قمة في الروعة تابعي كتاباتك وبالتوفيق انشاءالله