المنتدى :
قهوة ليلاس
--♥ --ماتحـلاش القعدات بلا بوقالات دزيريات ..... ادخل تفهم :) --♥--
اليوم حبيت اعرفكم على شئ مشهور جدا عندنا بالجزائر و كلنا نحبوه و بالاخص النساء
و هو البوقالات ... واش يعني بوقالات ؟؟
هي جمع بوقاله و هي متل الشعر الشعبي او مجرد كلام مع القافية و اكيد باللهجة الجزائرية
مثل هاذي
حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود
انا اموت على البوقالات
رح اخبركم كيف كانت تلعب
كانت تلعب في المناسبات الخاصة سهرات رمضان الاعياد عاشوراء الافراح والمناسبات
السعيدة لي تجتمع فيها كل افراااااااااااااااااااااااد العائلة
رائحة الشاي بأوراق النعناع الطازجة تفوح من البيوت و أصوات ضحكات النساء متجمعات حول مائدة السهرة
المزينة بأشهى الحلويات التقليدية ..اناء من الطين. اسمه البوقال . مملوء بالما ء الصافي النقي.. .
.
تنزع الفتيات الجميلات الحالمات خواتمهن و تضعنها داخل الاناء و يغطى كل شيئ بمنديل ..و تبدأ احداهن بقول الفال :بسم الله ابديت و على النبي صليت يا ربي أعطينا الفال و لاقينا بأولاد الحلال
و تسحب خاتما من الخواتم و تنتظر صاحبته فألها بعيون اللهفة و الأحلام و تستذكر الجدة احدى البوقالات
التراثية و هي عبارات موزونة المعنى و متاغمة المسمع .. تحوي أغلبها صفات فارس الاحلام..أو حديث
عن الحب و بعضها الاخر مثيرة و مسلية لتزيد من روعة الزمان و المكان
ثم يسحب خاتم اخر و تدور دائرة البوقالات عل جمعيهن و السعادة تغمر كل القلوب
انا اليوم جمعتلكم مجموعة من البوقالات وكل ما عليكم فعله هو عقد النية على شخص معين او حدث
منتظر وبعدها
اختارو رقم من 1 الى 10
يجب ان تختارو رقما قبل ما تنزلو الى الاسفل وتشوفو البوقالات
لا تغشو انا شافيتكم
*** اخترتو؟؟
*** نويتو و عقدتو ؟؟
قبل ما تقراي بوقالتك قولي
باسم الله بديت ..و على النبي صليت ...وعلى الي في بالي هذى البوقالة نويت...
1-يا اللي زايدة في عذابي في النهار انومك و في الليل نترجاك أعطيني كلمة من فمك يرحم اللي رباك
2-قلبي على جمرة و قلب حبيبي عل تمرة بعثت لو وردة حمراء و قلت لو الخديعة مرة ..قال لي و الله ما نخدعك حت يروح نعشي للمقبرة
3- نزلت لقاعالبحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يامولاتي هذاك حبيبي أداوه عليا قلبي معاه و قلبو معاها هيا .
4-أعلميني يالالا نهار تروحي لحمامك نرفدلك السلة و نمشي قدامك ندور على يمينك و نزيد على شمالكو نبقى لك خديم و طايع على طول زمانك .
5- جيت ساميتالبحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردتضي النجوم
6-غرست ياسمينهفي وسط الدار عروقها سكنجبير و أطرافها نوار يما يا يما محلى عشق الجار العين تخزفي العين و القلب شاعلة فيه النار .
7-الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.
8-جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .
9-خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .
10-يا لالا يالالا يا مولاة القلب القاسي حني على حبيبك يالي طيرتي مني نعاسي ملي شفتك رانينتعذب عليك نعادي اماليا و قاع أحبابي وناسي .
طبعا الي ما تفهم بوقالتها تقلي و انا اشرحلها
|
28-11-10, 08:38 PM
جديد مواضيع قسم قهوة ليلاس
العرض العادي
