كاتب الموضوع :
شغف الامارات
المنتدى :
الارشيف
رجعت لكم بعد غيبه
والصدمه كانت >> مافي حد راد على القصه !!
=(<< صدمتونيييييييييييييييييي
وانا ماراح اكملها الا عسب خاطر نااس p:
البارت الرابع عشر
++ فطيم ++
انصدمت يوم العاش قالتلي البارحه الفليل انه في ناس بيون بخطبوني اليوم الفليل..يمكن استغربتوا من هالشي الاخضر الغر يب على فيسي ههههههههههه هاذي شيخوا اونه عسب اول مايشوفج فالنظرة شرعيه يتخبل عليج خخخخخ متخبله شيخوا ... ومن الصبح العاش ذالتني بالتعليقات .. وازيدكم من شعر بيت طلع العاش بعد , باجر بعد بيونها ناس يخطبونها هههههههههه ... ايييي ويهي تيبس
فطيم : شيخوا الله يغربلج شو ها احس ويهي تيبس
شيخه : صخي يالعنز عسب ينشف لا ترمسين وايد و صكري عيونج خلني احطلج خيار على عيونج
عن تسيرين عند الريال جذا ويزيغ
فطيم : شوهالحاله وماتيبين بعد رمان عسب تحمر شفايفي وعنب عسب تخضر عيوني
شيخه : فطيم والله بتتسطعين يلسي مكان واحد اذيتينا .. طالعي العاش يالسه مكان واحد مب شراتج ..
يلست مكاني صاخه مالي بارض حشرة شيخوا ... نسيت اخبركم تراها حامل هيهيهيهيهي بستوي خاله ... العاش طبعا بتيلس صاخه مب سيف اللي خاطبنها ههههه
تصدقون فيه فضول ابا اعرف منو اللي خاطبني .. ابييييييه .. تخيلوا لو واحد دبببب وقصيييير وكرشته ظارهره .. وععع .. والله برفض مايخصني ... لا تطالعوني جذي تبوهنه انتوا خذوو
++ عفرى ++
: السلام عليكم ورحمه الله .. السلام عليكم ورحمه الله
اللهم اغفر لي ذنوبي ورحمني وعفوا عني وغفرلي فانه لايغفر ولا يرحم سواك ياغفور ويارحيم ..
الحمدلله صليت العصر فصخت الشيله وطويت السياده وحطيتها على ينب .. الحمدلله البراحه امايه خبرتني انه مطر اقتنع اني ماودر الجامعه .. اصلا ماتم شي غير نص كورس وبتخرج .. وبعدين هه انا بيدي حرمت نفسي من حلم كل بنت .. انا منو بياخذني عقب ماسويت جذي .. يارب سامحني وستر علي ..
نزلت الصاله لان ادري الحين محد فالبيت غير امايه , وبالفعل جفت امايه يالسه ترمس تيلفون , سرت صوبها وحبيت راسها , وصكرت عن اللي كانت ترمسه زصدت علي اطالعتني بنظرة عطف وحنان : شحالج عفاري الحينه ؟؟
كم اكره هالنظره لانها اتذكرني بالغلط اللي سويته نزلت راسي مالي ويه اجابل ويها : بخير الحمدلله
امايه : الحمدلله .. عفرى امايه قوليلي الصدق انا امج صارحيني .. من متى تعر فينه
لااا يامي لاتحرجيني زود عيوني انترست دموع رفعت عيوني اشوف ردت فعلها : من سنتين
اما يه بغت عيونها تظهر من محيرها : سنتيييييييييين .. الله واكبر .. ليش ياعفاري شوهتي سمعتج
انترست عيوني بدموع نشيت من مكاني سرت يلست عند ركبها وحطيت راسي فحضنها وقلت : سامحيني يامايه غلطه وما اعيدها , درس وتعلمت منه .. سامحيني يمايه سامحيني
حسيت بايدها تمسح على راسي بحنان مب يديد علي : مسموحه غناتي والله اني مسامحتنج عمر الام ماتزعل على ضناها واني بنتي وحيدتي وصيت الغالي شقايل ماسامحج
كلامها عور قلبي زياده .. ابويه ...آآآآآآآآآآه يابويه سامحني نزلت بسمك يابويه سامحني ... خدشت صورتج بين ربعك وخلانك ... سامحني
ياترى لو كان عايش بيكون سامحها ....؟؟
سمعنا صوت الباب اكيد واحد من اخواني ياي وقفت عسب ارجع حجرتي , لاكن امايه قبضت ايدي ويلستني حذالها ... والحمدلله كان ثاني مب مطر ياصوبنا حب راس امي ويلس ولا كاني موجوده .. من يوم سمعني ارمس بالتيلفون ومعاملته معاي تغيرت 180 درجه ... ومنو يلومه .. اذا انا الغلطانه وربي مالومه ... ماتعودت اكون شخص غير مرغوب فيه فاليلسه .. سحبت عمري ورحت الى ملاذي الوحيد .. غرفتي ..
++ سهيل ++
: يابوو سعيد نحن يايينكم نبا بنتكم فاطمه لولدكم سهيل
بوسعيد : يامرحبا الساع ونحن نتشرف بكم
بوسهيل : مرحبا باجي .. شرف لنا .. شورايك ياخويه
بوسعيد : يابو سهيل .. نحن نشتري الريال ونبغي لبنتنا الستر بس الموضوع بالاول والاخير فايدين البنت
بو سهيل : صدقت
بو سعيد : ابويه حمد خذ سهيل خل يشوف البنت
والله على هالجمله بغيت احب راس بو سعيد بس شو بيقولون مستخف
خخخخ.. سرت وياحمد الميلس الثاني .. قلبي يرقع واخيرا بشوفها ... يلست فالميلس وظهر حمد ايبها .. الوقت يمر بطيء اوووف ... اندق الباب ودخلت امايه ووراها ام فطيم .. وقفة وسرت صوبها حبيت راسها تراها شرى امايه هي اللي مربتني .. وشوي الا وحده تدخل الميلس ... وقف الوقت .. وقف الزمن .. انعدمت الاصوات .. والرؤيا ... الا من ... فطيم ... رفعت راسها وتلاقت عيونا ... حسيت بها انصدمت .. اااااااه فديتها .. كانت لابسه فستان لونه احمر وفيه شريطه تحت الصدر لونها بيج ولا بسه عليه جاكيت بيج وكانت فاله شعرها البني المدرج واصل لين نص ظهرها .. اووف فخاطري ادخل ايدي فشعرها .. وفيسهاا اااه من فيسها .. مب محطيه فيه وايد وايد ميكب بس جحال وروج احمر فاقع ... اخس عالاحمر ..
======
فطيم
======
سهيييييييييييييييييييييييييييييييييييييييييييييييييييييييييل
اخر شخص ممكن يطري على بالي سهيييلوه بوحرفين ... ابييه احس ابا اشرد .. طاعوا شقايل يطالعني ... جنه بياكلني ... ابيه مايستحي ... اآآآخ .. هاي امايه قرصتني .. اوه صح ماسلمت
حسيت صوتي بزور يظهر : سلام عليكم ..
ماعرف ليش حسيته بيضحك : وعليكم السلام
ام سهيل : ها سهيل شفتها .. خلاص شبعت
ابتسم لامه وقال بنبره فكاهيه كالعاده : ولا بشبع يمايه
بغت عيوني تظهر من محياها ... امايه وام سهيل تمن يظحكن وهو يطالعني... قهرنييييي عنادن فيه ظهرتله لساني وطلعت من الميلس ... سرت حجرتيه ..قفلت على عمري الباب لان ادري العاش بتي بس انا ارمس حد ابا اختلي بعمري ... ماقدرت اقاوم ابتسامه انرسمت على شفايفي ... حطيت ايدي على قلبي ... هههههههههه ... بقولكم مرة اسوى موقف يوم كنت صغيره وياه .. وهالموقف ما انساه لو بعد مليون سنه .. كنت فبيتهم اللعب مع شيوم ..شيما اكبر عني بسنتين ... كان وايد عندها عرايس .. وماتعطي حد الا لعاش وانا اذا اشفقت علي عطتني ... بس هالمره ما نزلت عليها ملاءكت الرحمه فما عطتني ...
عاد انا حليلي عسب قلبي مايعورني يلست عند باب حجرتها من برع واصيح .. سهيل فهذاك اليوم كان يالس فحجرته ومعصب لات ابوه ضاربنه لانه مركب الاتاري فتلفزون الصاله ...وبو سهيل ماخذلهم تيلفزيون خاص فيهم بس عسب مايركبون الاتاري فالصاله ..المهم حجرة سهيل ملاصقه فحجرت شيما .. وعاد انا صياحي واصل اخار الفريج فكيف حجرة سهيل
طلع سهيل وهو معصب : بتسكتين ولا لااء
انا عاندت : وااااااااااااااااااااااااااااااااااااااااااااااع
سحبني من كندورتي وفردني دزني فحجرة شيما .. فطحت على بيت الالعاب وبالغلط عضيت لساني ... وظهر دم .. وانا من حسيت بطعم الدم .. تميت صاخه .. لاني تحريت اني من كثر ماصارخت بلاعيمي انطروا وقام يصب دم .. وحسيت لساني يعورني
اطالعت سهيل جفته مرعوب ... وشيما شوي وبتصيح على بيت العرايس مالها ... والعاش اللي خافت من امايه تهزبها لانها ما دارت بالها علي .. رديت اطالع سهيل اللي يطالعني بخوف نزلت دموعي وسرت عند سهيل ومسكت ايده وقلتله وانا ارص على سناني وحرك بس شفايفي: ثهيل تم تم
سهيل وخى عليه وشلني ووداني حجرته يلسني على شبريه ومسك الكلبنكس باييد والايد الثانيه مسك فكي : فطيم بطلي حلجج
طالعته بخوف ووشلالات عيوني ماوقفت ومافتحت حلجي
رجع قال بحنان وخوف : فطامه حبيبتي شاطره يلا بطلي حلجج
بطلت حلجي وطلعت لساني وهو مسح الدم اللي على لساني وكان الجرح بسيط .. بعد ما مسح الدم عطاني مصيصو وقال :لا تخبرين ابويه انزين .. اني شاطره ماتخبرين
تميت اطالعه وماقلت شي لان كنت ناويه اخبر وهو يوم حس بنيتي قال : لا تخبرين عقب بيضربني – رفع قميصه – جوفي شو سوى فيني – كان في خطين على طول صدره بسبه ضرب ابوه اليوم
قلبي عورني قلتله : عوور
اطالعني وابتسم لان حس اني مابخبر : هيه وايد يعوور
سويت حركه غبيه كل ما اذكرها اقفط ,جدمت فيشي صوب صدره وبست الخطين و يريته عسب ينزل وبست خده وقلت : خلاث الحين مابيعور
اتجدم مني سهيل ولوا علي بالقووو وقال : فدييييييييييتج دامج بستيه موليه مابيعور
ادري اني قليلة ادب .. بس كنت صغيره ... فلا تتفلسفين وايد ياشغف
>>> سموحه منج الشيخه مابنتفلسف
===========
عاشه
===========
هااااه .. هاااه .. شو هالحال مايخلون حد يرقد لاصبح ولاعصر ... نشيت من شبريتي .. عين مفتوحه وعين مصكره ... فتحت الباب ... الخدامه واقفه عند الباب لا ومعصبه بعد .. بغيت افلعها بنعال
الخدامه : مامااا عويس .. ماما قول البسي ملابس هيلوو .. خورمه في تهت
سمعتوا شوقالت .. انا عويس يام دويس خااطري .. عطوني نعال ... كنت صدق بفلعها .. بس ناقشت المواضيع السياسيه والاقتصاديه .. قررت اتنازل عن هالفكره الجميله .. وكتفيت بتصكير الباب فويها
اطالعت الساعه .. باااااال .. ساعه 7 ونص .. اكيد قوم خالوا يووو ... ابييييييييييييييه طاعوا ويهي شقايل منتفخ ... خلاص خالو بتهون ... شوي ولا اسمع دق باب البيت ... عرفت اكيدهاي مهروو مع فطيم وشواخ ... بطلت الباب .. شهقت شواخ ...
فطيم اطالعت شواخ : هاااه بس فالحه تلعبين بويهي .. جوفي ويهاا
مهرة : لا عادي سواف راضي بها في كل حاله من الاحوال
هيهيهيهيهيهيي جاان استحي
شواخ : اتجهزي الملاج بعد شوي بيي وانتي بعدج مب زااهبه
++++++++++
اتمنى من اعماق قلبي احصل ردود
واذا مافي ردود فاضن مو لازم اكمل القصه
|
23-03-11, 05:46 PM
جديد مواضيع قسم الارشيف
العرض العادي
