كاتب الموضوع :
شغف الامارات
المنتدى :
الارشيف
حبيبتي ((الوش))
مافهمت غناتي شو اي لبس مافهمتيه
كتبيلي فديتج الكلمات اللي مافهمتيها
وفالج طيب وبشوفه تامرين امر ^_*
وهاذا البارت السابع
سيف تم يطالع تيلفونه استغرب اول مرة تسويها
فر تيلفون ما هتم وظهر من حجرته دخل فالممر اللي يوصل نهايته ع غرفة مهرة
دق الباب
فتحت مهرة الباب كانت اتسحي شعرها
اطالعته ودت عنه ودشت الحجرة وخلت الباب مفتوح يعني اذا تبا تدخل حياك واذا ما تبا كيفك
دخل وهو يحج راسه يبا يرمسها فتم يطالع شعرها اللي تخطى ركبها
سيف : شعرج طول ما بتقصينه
استغرب منها ومن اسلوبها : لا انا عايبني جذي اصلا ما صدقت يستوي هالطول
سيف : مهرووه يعني الحين زعلانه
اطالعت بالمنظرة بنظرة مب مفهومه ابتسملها سيف : اهون عليج
مهرة وهي ترفع شعرفها وتيمع الخصل المتمرده مسكتهم كلهم وربطتهم بربطه عللى شكل ذيل حصان وصدت اطالعته جافته يبتسملها تمت تطالعه بنظرة غريبه بس فجأة ردتله الابتسامه : لا والله ما تهون
زادت ابتسامه وتقرب منها حبها ع راسها : فديتج
مهرة ترفع راسها بعد ما بتعد عنها شوي : بس لا تعيدها
سيف : هي وانتي ما صدقتي على طول خبرتي عاشوه الخبلة
مهرة :: هههههههه والله ما خبرتها هي اتصلت فيه ويتني
سيف بصوت واطي لا كن تسلل لاذن مهرة : فديتها
مهرة : شوو ما سمعت
سيف : جب ما يخصج
مهرة : اوكي مردودة هههههههه
صد عنها سيف وظهر من الحجرة
اتجدمت من الباب صكرته وقفلته وصكرت الليت سارت صوب الشبريه وفرت عمرها على شبريه ونخشت
تحت لحافها الدافي وحضنت دبدوبها الابيض ورجعت بذاكرتها كم ساعه قبل
يوم كانوا فبيت خالتهم وراحوا كل المعازيم حتى المعاريس ماتموا غير هل البيت وقوم مهرة
: هووود هووود
مهرة لبست شيلتها وعباتها ومن بعد سالفه المطبخ مسحت الجحال
ام سعيد : هدااا قربوا فديتكم محد غريب
المهم
دخلوا سعيد وحمد سلموا على ام سيف وحبوا راس امهم
سعيد يلس عند حرمته وهو يمد ايده على الغنفه وراها بكل تملك وحب
اما حمد سار يلس على غنفه بروحه في موقع مناسب يقدر يجوف فيه مهرة المستحيه
ام سيف : ها حمد مب ناوي تعرس ماشالله عليك مب قاصرنك شي
ام سعيد : هي ياوخيتي استلميه تعبت وانا اقوله
حمد ضحك
ام سيف : بلاك تضحك انت ما شالله عليك ريال وتشتغل تقدر تفتح بيت
حمد وعيونه تنتقل بين مهرة وامها : انا ياخالو مب قاصرني شي يا غير العروس بعدها تدرس واترياها تخلص
وام سيف فكرها ابعد ما تكون انه حمد ممكن يقصد بكلامه مهرة بنتها بس ام سعيد وعاشه وفطيم وحتى شواخ يعرفون انه يموت عليها
ام سيف : ايواا يعني العروس موجودة هههه بس خبرني وين المشكله خلها تدرس والعرس ما ضني بيخرب عليها
مهرة ويهها استوى احمررر وهالشي ماغاب عن عين حمد ولا عن امه وفطيم والعاش
حمد حب شكلها وهي محمرة مستويه كيوووت فقال عسب يزيد احراجها : انزين مهرة شو رايج اذا حد تقدملج وانتي تدرسين بتوافقين ولا
مهرة طاح قلبها وامها عطتها نظرة انه نشي وهي نشت وحدرت حجرة فطيم لحقتها فطيم وشواخ
فطيم تفر عمرها عدال على شبريه : لا اخوي رايح فيها
والعاش طاحت عبطنها : شكلنا لازم انفصل فستان يديد ولا شو رايج فطيم
مهرة تصد عليهم وضربتهم كل وحده على يبهتها : سخيفات
مهرة انسدحت على بطن العاش
العاش : أخخخ يالسباله
فطيم : اللي قاهرني مادري اخوي شو جاف فيج عنبوج هيكل عضمي
مهرة بثقه : والله جسمي يتمونوووونه
جان بطن العاش يسوي صوت
العاش ومهرة وفطيم : هههههههههههههههههههههههههههههههههههههههههههههههههههههههههههه ههههههه
العاش : عصافير بطني تزقزق
فطيم : وديها الحمام
العاش : ها ها ها ها كله منكم قلتوا متن وضعف وانا من الله ما تغديت عدل
وما حست مهرة بروحها الا وهي فسابع نومه
..........
توه طالع من الحمام بعد ما خذله شور ينعشه سمع صريخ برع ظهر بسرعه بوزاره وفالينته وسار صوب الصوت كان فغرفه عفرى
: اقولج عطيني التيلفون
دخل مطر جاف ثاني واقف جدام عفرى وماد ايده صووبها وويهه محمر
اما هي كانت خاشه ايدينها ورى ظهرها
عفرى بخوف وتحدي : ما بعطيك شو بتسوي
مطر وهو ينقل عيونه بين عفرى وثاني : بلاكم تصارخون
ثاني وبعده يصارخ : قولها خل تعطيني التيلفون بزين
عفرى : موت ما بعطيك
توه ثاني بيتجدم عسب يضربها زخه مطر : بلااك ثاني فهمني شو سالفه
ثاني يطالع مطر : ابا اعرف ترمس منو نص الليل وتقوله تولهت عليك
مطر : شووو
مطر صد على عفرى وقال : عفرى شو سالفه
عفرى بخوف مخلوط بثقه : ربيعتي المسافرة متصله تسالم علي
ثاني : ربيعتج ما تتصل الا بنص الليل
عفرى : عادي ربيعتي وتمون عيل حق شو ربع
مطر وهو يرمس ثاني : الحين ارتحت مسولي فيها ريال قاعد تباغم ولا هامنك حد ارتحت
صد عنهم ثاني وظهر بعد ما عطى عفرى نظره وكانه يقولها مب انا اللي تقصين عليه
عفرى يوم حست انها ضهرت منها طلعت كل الهوا اللي حابستنه فصدرها فصد عليها مطر وسار صوبها وقال : يلا ابويه عفرى ارقدي خل عنج التيلفونات نص اليالي تراها مب حلوة فحقج
عفرى اطالعت مطر وما قالت شي وهو صد عنها وظهر من الحجرة
سارت عفرى وقفلت الباب وسارت حطت راسها على الموسدة وانخشت بالكامل وزخت تيلفونها وتصلت بسيف
سيف : الو
مهرة ودمع تعدى هدبها واثر على صوتها : ابااااااااااااااااااااااك
==============
مرت الايام والاسابيع
وما مر على ابطالنا احداث مهمه
الا انه مطر بدا يداوم وستوى كل اسبوع ايسيرون حتا عند يدووه
وبو سيف سافر وورجع
والاجازة الربيع جربت والهوى بدا يبرد
فبيت قوم مطر
دخل برنج وصفها حذال الانفنتي مال عفرووه نزل وشل وياه الشنطه اللي فيها اوراق مهمه
نزل بكل هيبه بشموخ يهز جبال قبل الرجال
دخل فصخ نظارته الشمسيه وتجدم صوب غرفة الطعام جافهم كلهم يالسين حاولين الطاوله اتدجدم وحب راس امه ويلس على يمينها
عفرى تصفق : اوب اوب وصل رجل الاعمال الخطير مطر بن فهد ال...
مطر يجاريها وهو يحطله عيش فصحنه : احم احم
عفرى ببتسامه : عن يطيح نصك بس
طالعها بنظرة غرور : تتمنين – صد على امه – وين ثاني
: يا حبيبي جيف ممساكم ياعلكم فخير تمسونه
عفرى : وصل ميحد حمد
ثاني : جب تتمنين صوتي اصلا
عفرى : هي اوكي
يلس ثاني مجابل مطر على يسار امه
رن تيلفون عفرى جافت المتصل وحولته صامت
رفعت راسها جافت ثاني اطالعها بنظرة ونزل راسه يكمل اكله
ام مطر ترمس مطر : شو شركه
مطر بنبرة غريبه وكانه يفكر فشي ثاني : زينه
ام مطر بنظرة تفحص : بشو تفكر
مطر يرفع نظرة لامه : انا ابا افهم شو يقصد عمي يوم باعلي نص اسهمه مب كلهم
ام مطر : يمكن يبا يضمن نصيبه فالشركة
مطر : لا ماضني تدرين عمي مب قاصرنه شي وما شالله اسمه فسوق ينحسبله الف حساب عمي ما يفكر فالحين هو يفكر فجدام
ام مطر : انه يكون له اسهم فشركتك هالشي بيأ ثر عليك
هز مطر راسه بلا : بس انا ابا الشركه اتكون ملكي انا وثاني بس
ام مطر : خلاص عيل ومب مشكله لين ما ثاني يتخرج الله كريم
سكت مطر لان مب هاي الاجابه اللي هو يباها
++++++++++
بيت بو سيف
مهرة : طوفوا انسير المطبخ نتفلسف شوي تراني يوعانه
العاش وهي تفصخ عباتها وشيلتها : حلوه الفكرة هاتي لي شيله وبطلعلج ابداعاتي
فطيم : اففففف
مهرة : اول مرة اجوف وحدة متينه ما تحب تطبخ
العاش : خليهه هاي حاله شاذه
لبسوا شيل بيت ونزلن ثلاثتهن كانوا منصور وحمدان اخو قوم فطوم يالسين يلعبون بليستيشن واموله ملعوزتنهم
نزلت فطووم وقالت : اموووووووولهه
اموله صدت تطالعها وردت تلعب ولاعبرتها
فطووم : أي ويهي سووولي طااف ماعلي يادبه حسابج بعدين
العاش : ههههههه تعلمي تعلمي
العاش نزلت وقالت : اموووله حياااتي
فهالحظه دخل سيف وهو يجوف امووله تركض صوب العاش اللي فاتحه ذراعها ولوت على اموله ويلست اتبوسها واموله تضحك وسيف يطالعها وهم مب منتبهين انه واقف اصلا
والعاش يوم انتبهت صلبت عمرها وهي مب منتبه لقصتها اللي ضهرت لانت اموله يوم لوت عليها نزلت الشيله شويه وحلت شكلها سلم ومر من حذالها يبا يسير غرفته قال بصوت محد سمعه غير العاش: عقبال اخو اموله
ويها احمر وقالت بصوت عالي : سبااااااااال
كمل طريجه وهو يضحك عليها ولا اهتم للي قالته
مهرة مستغربه : بلاج
العاش : ماعرف يقولون في سبال فبيتكم
مهرة غبيه : اونه وينه ماجفته
العاش : طع الهبله امشي اقول امشي
دخلوا المطبخ وفطيم تمت عند قوم منصور وسهيل تضارب وياهم عالبليستيشن
لبسوا المريله عسب ما يخيسون ملا بسهم
العاش : شو بنسوي
مهرة : امممم والله خاطري فشي محد يظبطه غيرج
العاش : فالج طيب
وبطلوا كبتات عفسوها والسدات والاشياء الناقصه حطوا بداها اشياء عكيفهم وتموا يتفلسفوون
وكانت النتيجه مطبخ معفووس فوق تحت بس الشي الوحيد اللي كان حلو هو صحن الباستا اللي سووه لا ومزينينه بعد
دخلت الخدامه وبطلت عيونها
الخدامه : سيينو هازاا
مهرة : باستا
الخدامه حطت ايدها على راسها : انا معلوم انتا سو سوي داخل متبخ هازا متبخ كله خربان انا لازم خبر ماما
العاش : هاذوه الدرب توكلي سباله تهدد بعد
مهرة : ههههههههههه خلج منها تعالي خل انجوف هالمأ ساة اللي سويناها
شلوا الباستا وصحوون ومروا الصاله جافوا حمدان ومنصور يالسين يباغمون ع فطيم والهبله تضحك
منصور وحمدان : والله انج غشاشه
العاش : تعالي بلاج اخس عن اليهال
فطيم وهي تروح عنهم : المهم غلبتكم لووول
وساروا البنات فوق غرفة مهرة ويلسوا كل وحده غرفتلها
العاش : صبروا انا اول وحده ابا اجرب الباستا
وخلوها اتجرب يلست دقايق وهي اونها بتحكم
مهرة: حشى سنه
العاش : انا اسفه مهرة خيبت املج لان هالباستا احلى باستا سويتها فحياتي
مهرة وهي تغرفلها هي وفطيم : المهم انها من ايدج اكيد بتظهر يميييي
وحطت مهرة اللقمه فثمها وتمت تمضغ بس مرة وحده اعتفس ويها وبعدها صوخت فطيييم
فطييم : وااااااااااااااع
سارت كل وحده اتعق اللقمه اللي بثمها والعاش انسدحت عالارض من كثرة الضحك
مهرة بعد ما غسلت حلجها خمسطعشر الف مرة : ما ضني تم ملح فالعالم ما حطيتيه فيه باااااااااال
العاش وعيونها تدمع من الضحك : ههههههههههه أي بطني والله ماروم لو جفتوا اشكالكم والله تحفه
فطيم : كم خاشوقه ملح حطيتي
العاش وهي تاخذ نفس : كنت برش ملح من الملاحه تبطلت الغطاه ونصب كله فالباستا
بس ههههههههههههههههههه شكلكم تحفه وكل وحده فاتحه حلجها وانتوا مضهرات لسانكم يبالكم صورة خخخخخ
مهرة : سبااااااله
وتموا شوي يسولفون بس مرة وحده نقزت العاش صوب شنطتها وضهرت فلاش وقالت : عفرى حليلها سوت الصور عاطتني من زمان بس تعرفين ذاكرة بنت خالتج حافظ عليها
مهرة وهي تنش اتييب الاب : هي ادري بتخبريني عنج
وركبوا الفلاش وبطلوااول شي صور العاش وتموا يطالعون وهن مبطلات حلجهن
فطيييم : ماشالله عليها والله انها فنانه
العاش : الله حبيت هالصورة – كانت صورة العاش تطالع تحت ومبين خشمها الحاد وشفايفها الناعمه وظاهرة عيونها ناعسه – ماشالله عليها تعرف كيف تاخذ الزوايا
تموا يطالعون صور
وساروا صوب صور مهرة
مهرة : والله اني جميله حافظ عليه
فطيم : بيه بيه عن يطيح نصج
مهرة : هالصورة وايد حبيتها – كانت مهرة واقفه ومدخله ايدها فشعرها ورافعته بايدها وتطالع الكيمرا كانت طرررر فهالصورة ...
وتموا يغيرون الصور العاش صرخ مرة وحدة : مهروووووووووووووووووو روووووووووووووووووووعه
كانت الصوره مهرة محطيه ايدها على طاوله ومحطيه ذقنها على ايدها وميله راسهها وتبتسم ببراءة
كانها بيبي وكيووووت
مره وحده شلت مهرة لا بها وطالعت العاش : قولي ما شاللله
العااش : بل عليج ماشالله ماشالله تف تف تف
مهرة : ههههه بس بس سبحتيني
العاش : تتمنين اصلا
مهرة : وعععع
العاش : وع فعينج .. ايه مهروا فيني رقصه شغلي شي ربشه من زمان مارقصت
فطيم : صلعوا زيرانها عاااشو خخخخ
مهرة شغلت غنيه حربي العامري
ونشت العاش فصخت الشيله وفرت القبضه عالشبريه وقامت تنعش وتستهبل
ونشت فطيم تيول وياها ومهروو ناقعه ضحك على خبالهم
مهره : والله مخبل
وقاموا العاش وفطيم يرقصون عدل ومع بعض كانت حركاتهم مع بعض ناااااايس
مهرة صفرت وهي تضحك : له له له الخصر ذوبني هههههههه
وهم في قمت اندماجهم تبطل الباب
وكل وحده تيبست وزادت دقات قلبهم من الخوف
منو بطل الباب ؟؟؟؟؟
؟؟؟
؟؟
؟؟
** انا كنت كاتبه هالاجزاء فمنتدى ثاني يعني هالاجزاء موجوده عندي اصلا بس انشالله كل خميس بيكون موعدنا من اليوم وساير **
|
22-11-10, 03:38 PM
جديد مواضيع قسم الارشيف
العرض العادي
