لا ما اصدق بارتين يداد واووووو مشكوره الغلا انا ع بالي ما منزله اي بارتات اشتقنا للروايه
الصراحه طررررررررررطرريشن
و شكله مطر بياخذ مهره بعد الحركه اللي سواها
وان شاء الله البارت اليديد يكون فيه الجواب

البارت 20

====
مهره
====
نقزت من تحت الماي كأني ملدوغه ... كل ما لامس جرح ظهري الماي ... جي يستويبي ... غسلت شعري ...ونظفت جسمي بدون ما اخلي الماي يلمس جروح ظهري ...
طلعت من الحمام وقفت جدام المنظره ... ضربات العقال اللي على جتفي لين الحين ماخازوا بالعكس قام يتحول للون بني ... لفيت اجوف ظهري ... الجروح كانها بدت تلتأم لاكن ياخوفي يتم معلم فظهري ... طلعت لساني اشوف لساني اللي كنت عاظتنه بالغلط ... كنت احسه ثجيل ... لاكن الحين احسن ...جربت صوتي ... :: مهره ..مهره
ودرت الخبال وسرت لبست جلابيه نص كم لونها بيج وفيها ورود صغار حمر ... وقفت جدام المنظره
يلست اسحي شعري ... وذكريات هذاك اليوم المشؤووم ترجعلي ... كيف انضربت ... كيف انظلمت ... كيف امايه ظربتني ... ضرباتها مالمست جسمي ...لا ... لمست روحي ... جرحت روحي ... كيف ضنت اني ممكن انزل راسها ... كيف ...انا اللي صنت نفسي ... وحفضتها ... وماعمري اغضبت ربي ...الحين بي وبغضب ربي وبفضحج يمي ...آآآآآآآآآآآآآآه ...وينك يابويه اتشوف شو سووبي ... انت الوحيد اللي تثق فيه ... وتعرف اني بنتك .. ومستحيل انزل راسك ... مسحت دموعي اللي كانوا ونيسي الوحيد فهالحاله ... يبت شعري على جتفي ... ويلسست اعقص شعري ...وقفت اطالع حديقة بيتنا من دريشة غرفتي ... كانت اموله تركض ورى منصور تبغي اتزخه ... وهو يركض بعيد عنها .. شكله توه راد من المدرسه .... ما اعرف شو سوى فالامتحان .... ابتسمت على اشكالهم ... عادت بي الذكرى يوم كنا صغار ... كان نفس المشهد ينعاد انا اركض ورى سيف ... وامايه وابويه ييلسون على طاوله ... ياكلون فوالة العصر ... ليت الزمن يعود ...

ياليت ماضينا يعود
ترجع لنا صدق الوعود
تبقى سمانا صافية
لابرق فيها أو رعود
وياليت يغشانا الهنا
وتهجر ليالينا العنا
والشوق يجمع شملنا
ينمو بداخلنا ويسود
أشعل ظلامك بالهوى
واروي فؤاد ما ارتوى
في بحرنا نعبر سوا
نعطف على الحزن ونجود
هذي المودة زانها
رب العباد وصانها
بنلثم جنى بستانها
حتى توارينا الورود
ما به غموض في الوله
الحب حل المسألة
طير التسامح اسأله
تلقاه دايم في صعود

رجعت لواقعي على دق على باب حجرتي ... وقف قلبي ...لاكن يوم سمعت منصور يزقرني بصوت واطي ... ارتحت
اتجدمت صوب الباب ونزلت على ركبي وحطيت اذني على الباب ... : هلا منصور ... شو الامتحان
منصور بنفس النبرة : وايد سهل ... اندوج يبت لج جلكسي ...
وفره من تحت الباب ... خذته ... فديتك يامنصور ... نزلن دموعي ... وسؤال تم يرمس داخلي ... لومنصور كان اكبر فالعمر ... كان بيسوي هالشي ولا لانه صغير مصدقني
هزيت راسي ابعد عني هالافكار ورجعت اذني على الباب عشان اسمع منصور شو يقول
: مهروه هاذي اموله عندي تبا ترمسج
سمعت صوت اموله ونزلوا دموعي : مههله ... بتلي الباب ...انا احبت بتلي الباب (مهره,بطلي الباب , انا احبج )
ماقدرت اقاوم دموعي ... قلت ودموعي اثروا على صوتي ..: اموله حبيبتي ماروم ابطل الباب
اموله : لييس |(ليش)
جذبت عليها : لاني ...اممم ... بسبح
اموله : متى بتحلصين (متى متخلصين )
مهره : ماعرف
سمعت صوت كانه ياي من تحت ... فديت هالصوت وراعيته ... كانت تزقر منصور واموله ... عسب يتغدون ... سمعت صوت منصور يودعني وسار ... مروا خمس ايام على حالي ... امايه مامرت يوم تطالعني اذا حيه ولاميته ... حتى الاكل الخدامه اتيبه لي فصينيه بروحي ... وماتي تاخذها الا اذا يابت العشاء... وماتي تاخذ صينيه العشاء الا اذا يت بتعطيني الريوق ... قمت ما اتحمل ريحة الاكل ... حتى احيانا الصينيه ترد المطبخ مثل مايت ... نفسي منسده عن العيشه ... رجعت دموعي تنزل ... سرت انسدحت في حضن شبريتي ... ملاذي الوحيد من بعد حضن امي ... صحت .. نزلن دموعي ... ليش ...ليش انا من بد البشر ... استغفرلله العظيم ... استغفر الله العظيم ... عرفت انه الشيطان يالس يلعب براسي ... نفخت الهواء اللي فصدري ... حتى العاش وفطيم اللي قالوا انهم مصدقيني هدوني ... كلهم هدوني ... يمكن العاش سيف مانعنها ... لاكن فطيم شو مانعنها ... تروم تخلي حمد اييبها ...حمد ...آآآآآآه يا حمد .... اذا امي اللي هي امي ماصدقتني ... وسيف ماصدقني اللي هو اخوي ...مالومك لو ماصدقتني ... خالوه ... ادري انها فالبيت ... لاكنها نفس تفكير امي ... مستحيل حتى تفكر تطمن علي ... قمت اشهق من كثر ماصحت

شي في داخل رمس(ضمير) : بس يامهره بس ... انتي ماسويتي شي غلط ... انتي تعرفين انج بريئه من اللي اتهموج بيه ...ليش اتصيحين
مهره : ليش ماصيح ... وامي امي تعرفون شويعني امي ...يعني قلبي روحي عمري مب مصدقتني
(ضمير): اذا انتي تميتي اتصيحين ... انتي اتاكديهم انهم صادقين وانج انتي ندمانه على اللي سويتيه ... المفروض ماتصيحين ... لاتبينين ضعفج ... كوني قويه ...كوني قويه .. كوني قويه
مهره وهي تمسح دموعها واتنش صوب المنظرة وتمت تطالع عيونها الذبلانه من كثر الصياح تمت تطالع فسواد عيونها وهي ترمس بصوت مسموع : انا قويه ... انا قويه ... انا بريئه ... مايهمني اللي اتهموني فيه ... مرده الصدق بيبان ... انا بريئه ... مابصيح من اليوم وساير ... دموعي مابتنزل
دموعي مابتنزل
دموعي مابتنزل
======
عفرى
======
تميت اطالع شكلي فالمنظرة ... شعري قام يتقصف يباله قص ... مليت من شكله ومن لونه ... ابا اصبغه ... اطالعت اظافري ... يبالهم تعديل ... انا ما تعودت اهمل عمري جي ... ابا اسير الصالون ... حتى بشرتي مستويه باهته ... يبالها شوي ماسكات ... بسير ارمس امي ابا اسير الصالون ... نزلت تحت جفت امايه كالعاده جدام التلفزيون سرت عندها وقلت .. :امايه دخيلج ابا اسير الصالون ... فتحت قبضة شعري ومسكت اطرافه وقلت ...: شوفي كيف استوى شعري دخيلج امايه
امايه اطالعتني شوي عقب قالت : رمسي مطر ... مايخصني انا
على حظي مطر توه راد من الدوام .. امييييي ... شكله متغير ... اللحيه عنده طولانه ...واندوكم سرحان بعد ..دش حب راس امي ويلس ...
قلت بسرعه : مطر ابي اروح الصالون
اطالعني بنظرة : حق شوو تبين تسيرين
قلت بزياغ : ابا اسير اقص شعري
بعده يطالعني بنفس النظره : وشو المناسبه
قلت وانا ابلع ريجي ... احين المصخره انا قمت اخاف من مطر : ماشي مناسبه
مطر وهو ينش : عيل ماشي ..قري فالبيت
يوم جفت مطر ابتعد عن عيوني ... نقزت وقلت حق امايه بعصبيه : امااااااااااااااااايه ... مايخصني ابا اقص شعري
امايه : شو اسويبه يوم انه مب طايع
عفرى : ومن متى مطر يردج يميه
..للحظه حسيت امني هي اللي ماتباني اسير ..
امايه : ام سعيد دوم اتيها حرمه لبنانيه اتعدلها فالبيت .. شورايج اخذ رقمها واخليها اتيي البيت .. اتسويلج اللي تبينه
يعني مافي امل اطلع من البيت .. والله لاعت جبدي اووووف وقلت وانا اقوم سايره حجرتي : اي شي المهم اتيي
====
مطر
====
صليت العصر ... فالمسيد وانا ظاهر اتجابلت ويالامام ... اطالعني بنظرات ... رديت نظراته ببتسامه ... زظهرت من المسيد ... ساير جدا كوفي اللي متواعد فيه ويا سهيل ... طرت على بالي يددوه ...مر حوالي الشهروما خطفت على يدوووه اسلم عليها ... قلت خلني اتصل بها ... اتصلت على رقم البيت
رن ..رن ..رن
مطر: الوه ... سلام عليك
: وعليكم السلام له له له الشيخ مطر متصل من وين ظاهره الشمس
ابتسمت : من شرق .. من شرق ... شحالك
عبدلله : بخير يسرك الحال ..من صوبك
مطر: دوووم .. بخير دامك بخيير...يدوه شحالها
عبدلله : بخيير ... هاذيها تطالعني بنظرات جنها الا تعرف انك انت المتصل
مطر : فديتها.. عطني بسلم عليها
عبدلله : اندووج يدوه مطر يبا يسلم عللييج
يدووه غبيشه بصوت اكل وشرب علييه الدهر : هلوووووه ... مطر يالهرم ... توى الا تذكر ان عندك يده هااا ... جنها الا العيوز امك مشيشه راسك عليه
ابتسم على تحرطيمها بعدني مارمست خذتني بشراع وميداف : ههههههههههههه ... فديت العييييوز هدي هدي ... والله انه محد يشيش راسي عليج الغاليه .. ياغير الدنيا ومشاكلها
يدووه عصبت : عيز حيلك يالهرم ... الحينه ماتروم اتمرني دقايق اتسلم عليه ... ادريها ادريها ... محد مشيش راسك غير امك ... شرى ماخذت ابوك عني تبغي تاخذك انت بعد
هههه حليلج يمي اسميها يدوه حاقده علييج : خلاص يدوه ولا تزعليج .. هالسبوع باذن الله انا عندج
يدوه : هيه قص علي ...
مطر : ههههههههه وراسج الغالي ... اني بييج هالاسبوع
======
سهيل
======
هاذا ثاني كابتشينو اطلبه وشيخ مطر بعده ماوصل ... وكل ماتصل به مشغوول ... هاا ... توه الشيخ داخل ... اطالعته بنظرة ... واول ماوصل يلس ... كلته : وينك انته عنببوك هاثاني كبتشينو اطلعبه وبعدك ماييت .. انا يالس على حسابك يالهرم .. عقابن لك بتدفع الفاتوره
مطر : ههههههههههه .. خيبه تخيبك كلتني بقشوري حشى علي مايسوى تاخرت بدفع الفاتوره ولا يهمك
سهيل : غصبن عنك
مطر ابتسم وقال : اباك تتصل بحمدربيعك واتتخبره عن قوم خالتهم .. اذا اليوم بيكونون فالبيت ولا لاء
سهيل مستغرب : لييش ..
مطر بنظرة غريبه : لاني قررت اخطب بنت خالتهم مهره
سهيل بغباء : حق منوه
مطر : حق يدي .. حق منو بعد حقي انا
سهيل : صدق ترمس ولا اتسولف
مطر : هالاشيا محد يسولف بيها ... اتصل به الحين
سهيل ببتسامه : فالك طيب
اتصل سهيل بحمد وتم يرمس معاه وتم يساله عن بوسيف و سيف .. مطر فهم من رمسته انه مسافرين .. فاشر على سهيل عسب يقولهم انه بيونهم هم ...
صكر عن حمد وصد على مطر
سهيل : يقولك انه بوسيف وسيف بعد مسافر
مطر : المهم خبرته انه بنييه
سهيل : هيه .. ليكون تبا تخطبها من بوسعيد (حمد)
هز مطر راسه بهيه
سهيل بستغراب : ليش مستعيل
مطر: لازم اعرس بسرعه
سهيل : ليش انزين
مطر تم ساكت عرفت انه بيقول بس مب الحين وعرفت انه مطر مستحيل يتهور بخطووه مهمه مثل هاي ...
قام مطر وهو يحط البيزات على الطاوله وقال : بمرك عقب صلاة العشاء عسب انسير بيتهم
وطلع من الكوفي
الله يعلم شو وراك يامطر
====
عفرى
====
سرت صوب امايه اللي كانت تزقرني ... سرت عندها ...
امايه : رمست ام سعيد عطتني الرقم الحرمه اندوج اتصلي بها رمسيها روحج
نزل مطر من فوق ... اووب شكله طرر ... مخفف اللحيه ومحددنها بعد ... وريحة دهن العود شاله الدنيا ... آموت على عيونه البنيه الناعسه... وخشمه السليل ... وشفايفه الحاده ... لك يابرني هالجسم وهالطول ..
ياصوبنا وقال: نشي هاتي عود بدخن ..
. ربعت صوب المطبخ ويبت له فحم وحطيت عليه العود ومديته له .... فرد غترته ودخنها ...
امايه : علني ما انحرم من هالطول الله يبلغني فيك معرس واشوف عيالك
مطر : جريب يمي جريب
ومد لي المدخن وقال وهو يحب راس امي : دعواتج الغاليه
امايه رفعت ايدها وقالت من قلب : ربي يوفقك ويسهل عليك امرك يارب
انا قلبي يقولي انه هالكشخه وراها شي
====
فطيم
====
اميييييي .... سمعتوا اللي سمعته ... سمعتوا منو بيينا ... آآآآآآآآآه ياعذابي ... سهيل بيينا اليوم .... ما اتجوفوني يالسه فالمطبخ ... هييه ... عسب يعرف انه ماخذ حرمت بييت ...هييه
آآآآآآخ
يتني ضربه مرتده من اييد عواش ورى راسي ... وعلى اثرها صفر الحكم ورفع الكرت الاصفر ثم الاحمر لعواش
شغف : يوم اقول مابعطيج المايك
فطيم : خلاص خلاص اخر مره
نرجع لضربه اقصد الروايه
اطالعت عواش بعصبيه : يالسباله طلعت عيوني من الضربه
عواش : الكيك احترق يالهبله
شهقت وربعت صوب الفرن
اشوااا ... لحقت عليه قبل لا يحترف .... امممممم يالريحه اللذيذه ... فديتني اعرف اطبخ ..
عواش : يالعنز باجر اخر امتحان سيري ذاكري بدال ماياسه تتفلسفين
فطيم : الا هو انجليزي عااادي ... " صديت عليها جفتها يالسه على الطاوله تاكل تفاح اتخصرت وقلت لها " : وبعدين منو بينفعني الشهاده ولا الريل
عواش وهي تبلع اللقمه : الشهاده طبعا
فطيم : مالت عليج
عواش : وعليج
عطيت الخدامه الدخون وخليتها الدخن الميلس ويلست اقطع الكيك
مرة وحده صرخت عواش : فطيم فطيم تعالي تعالي الحقي شوفي ريلج
ربعت صوبها جفته واقف فالحوي هو واحد وياه يالسين يسولفون ويا حمد
فطيم : فديييييت هالويه ياربي
عواش : اييه اطالعي اللي وياه مطوله .. غربلاته غرشوووب
فطيم : هي والله صدقج ... اطالعي شقايل سامت الغتره ... بس سهيل احلى
عواش : والله سهيل مايي صوبه ... شوفي شقايل يمشي ... والله جنها الا مشية واحد من شيوخ
...
دخلوه الميلس
فطيم اطالعت عواش : بخبر عليج سيف
عواش : اندوج التيلفون اتصل به عسب تخبرينه
فطيم : مالت عليج
عواش : وعليج
====
حمد
====
توني انا وابويه مودعين سهيل واربيعه مطر ... اللي صدمنا بالللي يباه ... وصدم قلبي ...وصدمني رد ابوي اكثر ... يبون قلبي .. يبون روحي ... بيون مهره ....كيف ... شو اسوي يارب ... شو اسوي ... اقول اني انا اباها واخرب السالفه ... هي ها احسن شي اسويه

انا اباها وانا باخذها


مع حبي
شغف الامارات

وينهم اللي يوعدون

ماشوف حد


وينكمممم