الفصل الواحد و الثــــــــــــــ 31 ــــــلاثــــــون
بيت ابو ملاك
محمد: انجي تعالي المكتب ابيك
ملاك: كانت بتطلع مع الدرج رجعت نزلت : خير شو فيه
محمد: تعالي ويفتح باب المكتب
ملاك: عدت من عنده ودخلت حست قلبها راح يوقف من زمان ما كانت قريبه منه عهدها به اليومين الاولى يوم اخذ مفتاح سيارتها وصار يوصلها معه وبعدها خلى السواق يوصلها ومعه الشغاله وينتظرونها لين تنهي اختبارها وخبرت البنات إلي سألوها عن الأمر انه ما يبيها تسوق يخاف عليها
محمد : سكر الباب : جلسي ليه واقفه
ملاك: تحاول تتماسك ما يبين توترها بصوتها : خير شو فيه
محمد : ولا شي وش عندك الحين شكلك مستعجله على الخرجه
ملاك : وهي منزله راسها تلعب بظفرها الطويل شوي : ولا شي بس بدي اطلع انام
محمد:مصدع و نفسيته تعبانه قرب منها ويصرخ وقهرته بجلستها لوحدها طول الوقت : انتي وش قصتك عشان سكت عنك زاد حالك وقالبه نومتك عكس الكل
ملاك: حاسه بالذل منه من غير ما يتكلم من نظراته لها فقدت احترامه من يوم عرف تكلمت وعينها على الارض : محمد بليز خلص
محمد: يمسكها مع كتوفها : لا ما راح اسكت هـ المره لين متي راح ظل ساكت عنك قلت فترت اختبارات ما عليه طنشها يمكن ترجع من نفسها لكن اشوف حالك كل مره يزيد ..ونقهر منها الي شايفها خايفه منه ومنزله راسها ومسك راسها وقربها من المرايه تشوف صورتها وهو ماسك راسها بين يديه من الخلف و بصوت مرتفع ..شوفي وجهك وشلون صاير وتبيني اسكت شوفي كأنك مدمنه ..و يقرب وجها من المرايه اكثر
ملاك: صارت دموعها على خدها تبكي بصوت وتشوف صورتها و الصوره المنعكسه من خلفها لعمتها وتصرخ : بكرهك... بعدي خليني كذب... كذب ..وغطت وجها بيدها ما تبي تشوف الصوره الي قدامها
محمد: نقهر منها ليه تكرهه و ويلفها تواجهه ويسحب يدينها من على وجها ويصرخ : سكتي لا ترفعين صوتك فاهمه.... ويهزها مع كتفها ......و اصحي من اوهامك........ على بالك بسامحك على خديعتك ما راح سامحك ..انتي ذبحتيني ..
ملاك: تبكي وتصرخ و تضرب بصدره : اطلع برا معد بدي شوفك... اكرهك ....اكرهك
محمد: يمسك يدينها بقوه مقهور مهو قادر ينسي ويتقبل الي هو فيه و يصرخ بأعلى صوته ويهزها مع اكتوفها : لا تصرخين ما هو انا الي ترفعين صوتك علي فاهمه و انا طالع ومعد بتشوفين وجهي مره ثانيه لاني تعبت منك ... ودي ارتاح من همك جننتيني معك ....و يدفها عنه ويخرج
ملاك: جلست على الارض وغطت وجها بيدها وتبكي وتصرخ : اكرهكم ....اكرهكم....اكرهكم
محمد: خرج وركب سيارته وراح
ملاك: بعد فتره قامت وطلعت غرفتها وفضلت تبكي وهي حاضنه جلال الصلاه وقدام دولابها والصندوق الصغير منثور كل محتوياته وهي نايمه على جنبها وضامه رجلينها لصدرها وجها مغطى بالجلال وبكائها مكتوم ما يتسمع الا بشكل صوت انين و كل الصور تمر عليها كانها شريط فديو..جدها عمتها ابوها وخالتها وهم بالكفن ..
(ام ملاك رفضت كل الي تقدموا لها بعد طلاقها و ابوها كان من النوع الحنون وخايف عليها وفيه شوية شده في بعض الامور بسبب طريقه تفكيره المرأه المطلقه عار على اهلها اذا ما زوجوها ..يوم تقدم لها ابو محمد كانت رافضته مثل الي قبله وابوها عصب منها وزعل و حلف عليها غير تأخذه وقتها كان رجع ابو ملاك من السفر وجا يشوف بنته وكان فيه مشاده بين جدها وامها الظهر وجدها حصلها فرصه ويعرف شلون يكسر راس بنته طلب من ابو ملاك يأخذ بنته وش طبيعي أي اب مكان ابو ملاك ما راح يرضي يخليها عند جدها وهو ما يبيها ..وملاك وقتها مهي متعوده على ابوها بسبب سفره .. يوم جا يخذها ابوها معه قامت تبكي و دخلت تركض ومسكت بأمها وهي توها مخلصه صلاتها ..وامها مهي داريه ..وحضنتها وتحاول تفهم منها ليه تبكي الا جدها يدخل و يطلب منها تجمع اغراض بنتها ابوها يبي ياخذها معه وصارت الام تبكي هي والجده ويترجونه و انوار وافقت على الزواج بس يخلي بنتها عندها لكن جدها كان بلحظة جنون وسحبها بقوه من بين يدين امها وهي تصرخ و سحبت الجلال معها ...ابوها حن عليها وعوضها كل لحظه غاب عنها فيها بسفره و يخليها تكلم امها باستمرار وتشوفها بس كان مأخذ على خاطره من جدها الي سبب حالة ذعر لبنته لدرجت معد تحبه وتشرد اذا شافته و أخذت كذا شهر على حالها و ما كان يعرف عن المؤامره الي دور من خلف ظهره في بيت ابوه من اخته ام عامر كل ما جاتهم من يوم عرفت انه جدها رماها عليهم وهي تستغل الفرص وتمسكها مع شعرها وهي ما كملت سبع سنوات وتخليها تشوف صورتها في المرايه وتقول لها هم رموك لانك منتي بنتهم شوفي صورتك ما تشبهين احد منا لا ابوك ولا امك ويكذبون عليك يوم قالوا انك تشبهين جدتك وينها جدة امك شفتيها شوفي لون عيونك انتي اجنبيه اجنبيه .. ومن يومها وهي تخاف ابوها يبعد عنها مثل امها و تنحرم منه..وما حست بالراحه غير يوم سافرت مع ابوها وبعدت عن عمتها ..بس دوم دوام الحال من المحال وكل ضحكه ترافقها دمعات .. )
وا أسفاه على مسلمين اعتنقوا الإسلام وبداخلهم هذه القسوة أين انتم من معاملة الرسول صلوات ربي عليه في معاملة الطفل ..أنظروا الى الغرب كيف هم يطبقونها من أسلوب نبينا ويخدعوننا بأنها اتكيت التعامل و نحن بعيدون عن سيرته صلى الله عليه وسلم انظروا كيف كان يعامل الحسن والحسين و غيرهم من الصبية الذين عاشوا حوله ..
~ . <* >.~
في السياره
فيصل: يحط يده على كتفها وش فيك حبيبتي اكلمك و انتي سرحانه ما تردين
شذى: حبيبي ما فيني شي
فيصل: كيف ما فيك شي و انتي منتي معي
شذى: فصولي انجي فيها شي تعبانه حالها كل مره يسئ ذكرتني بحالها اول ما جات لما توفى ابوها وصايره اخص
فيصل: والله مدري يمكن عندهم مشاكل حتي محمد معد هو مثل اول و بس معصب
شذى: هو ما شكالك من شي
فيصل: لا عمره ما تكلم حبيبتي انتي ادعيلهم ان الله يوفقهم ويسعدهم مثلنا يا عمري ويبوس يدها
شذى : تلف يدها على يده الله يخليك لي ولا يحرمني منك بيوم وتبوس خده
فيصل: ولا منك ياعمري الله يقدرني اسعدك طول عمرك حبيبتي
~ . <* >.~
شقة الشباب
خالد: الف مبروك ياقلبي ايه كذا ارفعي راسي بالنسبه الحلوه
منى: الله يبارك فيك اعجبك انا منى والاجر على الله
خالد: هههههههههههههههه انتي تقوين
منى: خالد
خالد: ماتتخيلين وش كثر مشتاق لصوتك و شوفتك
منى: انت متي تطلع نتيجه اخر ماده عندك
خاد: ههههههههههههههه صرفيني هاه
منى: بزعل : خالد
خالد: عيونه
منى: خالد بعدين بكلمك على المسنجر مي تدق الباب
خالد: ليه انتي ما خبرتيها
منى: لا بعدين خبرها ..اوكي باي
خالد: لا تطولين انطرك باي
~ . <* >.~
شقة حمد
حمد دخل الشقه وهو ناوي عليها بهذلته بالأسابيع الي قبل وحتى السفر رافضته ..وصار يجاريها لأنه حس فعلا بغلطته كيف يحلف بالطلاق وهو كان يعيب على ربعه الي يسمعهم يسونها وينهاهم عنها ..(فهذا حال الكثير من الرجال بهذا الزمن أصبح أمر الطلاق بأفواههم كانه شربة ماء..يحلفون على أشياء كثيره لا يعلمون ان له كفاره وفي بعض الأحيان اذا حلف على امر مثل على بالطلاق لو فعلتي كذا و كذا وتفعله زوجته يعتبر طلقه ..وهناك قصص كثيره على هذه الأمور في صحيح البخاري ومسلم والترمذي ومنها ان رجل حلف على زوجته اذا نزلت من على السلم او صعدت درجه فهي طالق..فاحتار في أمرها بعد قوله فضلت زوجته على السلم معلقه وبإفتاء ألفقها أمر بحمل السلم وإنزاله وهي عليه ووضعه على الارض ومنها ينتهي قسمه عليها فلذلك على الجميع الحذر من التلاعب بأمور الدين ).....شاف الصاله فاضيه سمع الصوت في المطبخ راح يشوفها : السلام عليكم ..وش عندك و قرف من الريحه اصايل : وهي تضحك وترفع راسها وشايفته كيف مهو عاجبه : وعليكم السلام ..ولا شي شوفت عينك احني يدي ..وجالسه على الارض متربعه بترنق وردي ورابطه على مقدمة شعرها بندانه و زبدية الحناء جايبتها من عند امها قدامها وتحني يدها قبضه ..
حمد : قرب منها ومسكها مع يدينها الي محنيتها وبعدها الثانيه ما تحنت : الحين بتقومين تغسلينها انا رويك العند الي انتي فيه ..و يوقفها و يسحبها للمغسله وبيفتح حنفية المويه( الصنبور )
اصايل : ارعبها قربه منها وصارت تحاول تفلت من بين يدينه وهو يضحك و قربت يدها الي منتهيه منها عند وجهه وهو ماسكها : حمد فك يدي لا حطها بوجهك وعدمك مهو شغلي انت ما تحبه ..
حمد : انتي مهو حب فيه يا جدتي ما خذتها عند بس على مين ما خلصنا من نقش تجين لقبضه قلت لك ما حب ريحته
اصايل : مهو شغلي بعد عني انا احبه وفيه احد ما يحب شي من الجنه
حمد : يحط يدها تحت المويه
اصايل رشت عليه المويه بيدها الثانيه ..وصار كل واحد يرش على الثاني و حمد مسك يدها بالحناء وحطها بوجها وهي ردتها له بنفس الطريقه .. وعصب منها الي فركت يدها عند انفه وهي ميته ضحك على شكله كتف يدينها الثنتين للخلف وقرب منها وباسها ..
~ . <* >.~
بيت يزيد
ابو عامر يوم جاء من السفر وعرف بالي صار مع هند راح يزورها ومها طلبت انها تروح معه ..وجلس مع هند وكلمها و طلب منها ما تزعل ولا تخرج من بيتها وهو بيجيب حقها ..لحد عندها
مها اخذت لها رقم بدون اسم وارسلت على جوال يزيد وهي جالسه معه مسج (زوجتك بريئه برئت الذئب من دم يوسف ..و شوف من اهلك من معاديها ويكرها ..)
~ . <* >.~
محمد: معصب اخذ يلف في الشوارع بدون ما يحس بالوقت وكان الجو بارد و ثلج يتساقط .......وبعد فتره وقف على جنب واسند راسه على الدركسون............... آآآآآآآه انا وش سويت راسي راح ينفجر.. والله احبها ومهو بيدي ........وبعد نص ساعه من وقفته حرك ............وراح الصيدليه اخذ مسكن للصداع وهو ماشي بالسياره ................دق جواله وشاف بالشاشه ملك روحي يتصل حط الجوال على جنب الحين تفتكريني وينك ما خبرتيني قبل عن الي صار معك .. وبعد ما نتهى الاتصال رجع دق مره ثانيه وتكرر يدق اربع مرات وبعدها اخذ جواله وقفله
ملاك: رجعت تدق ولما حصلته مقفل وهي تبكي: لا محمد دخيلك رد علي..لا تروح عني ورمت جوالها على جنب ومسكت بمخدتها وتبكي
خالد: هلا والله عاش من شافك غريبه جاينا بهـ الوقت (الساعه سبعه)
محمد: ليه وين العيال ما تبيني ارد عادي
خالد: لا يا معود تعال انت محد يمزح معك
محمد: يجلس وين العيال
خالد: جاسم وعبدالله توهم خارجين راحوا يجيبون العشاء وعبد العزيز بعده ما رد ..محمد وش فيك
محمد:لف نظره عنه : ما فيني شي
خالد: لحظه شوي بروح الغرفه وارد
محمد: وش عندك
خالد: وهو ماشي : الحين اجيك ودخل الغرفه وجلس على السرير وجهازه مفتوح
<<......قلبي معك يا مشغل البال.........>>
حبيبتي بعدين اكلمك هذا اخوك محمد جا بخرج اجلس معه
#### روحي فدوه لعيونك####
سلملي عليه مشتاقتله كثييييييير
<<......قلبي معك يا مشغل البال.........>>
ياسلام اكثر مني يعني
#### روحي فدوه لعيونك####
ايه هو انشغلت وما كلمته الا مره وحده من يوم سافر
<<......قلبي معك يا مشغل البال.........>>
افااا بس مردوده لك ... حبيبتي بعدين كلمك
#### روحي فدوه لعيونك####
متى راح تدخل عشان اعرف ابي اروح عند مي بغرفتها
<<......قلبي معك يا مشغل البال.........>>
مدري بس اذا خرج ارسلك مسج وادخلى
#### روحي فدوه لعيونك####
اوكي باي
<<......قلبي معك يا مشغل البال.........>>
لا تنامين يا عمري باي
#### روحي فدوه لعيونك####
اوكي ما راح انام و انت صاحي
<<......قلبي معك يا مشغل البال.........>>
تسلمين ياقلبي لو بجلس ارد عليك عمري ما راح اخرج عنده سلام
#### روحي فدوه لعيونك####
سلام ... وأرسلت صوره بوسات
محمد: لا بدري كان جلست بعد
خالد: ههههههههههه ويحرك يده بشعره للخلف ويجلس : تسلم عليك منى
محمد: يتكي على ورا..وبصوت تعبان : قول كذا الله يسلمها وش اخبارها
خالد: الحمدلله بخير والله فرحتني بنسبتها
محمد: ليه كم جابت انا كلمت خالتي اليوم تقول بعدها ما طلعت النتائج
خالد: عفيه عليها مرت خالد جابت 98
محمد: ما شاءالله عليها ياعيني ما كنها اختي الي تقول مرت خالد بعدها ما صارت مرتك
خالد: ايه مرتي وشدخلك انت اخوها بس وعندك مرتك
محمد:مسح وجهه وتكي على اليد الكرسي : زين وش اخبارك معها
خالد: الحمد لله والله معرف كيف اشكرك على معروفك معي انك خليتني اكلمها
محمد: يتعدل بجلسته : اهم شي إنكم تكونون مرتاحين مع بعض وتعرفون كل شي عن بعض قبل العرس عشان ما تتعبون بعدين
خالد: لا الحمد لله الله لا يغير علينا
محمد: الحمد لله
ودخلوا العيال وتعشو و لعبوا بالوت (ورقه -جنجفه) محمد رفض يتعشاء ولعب شوي وجلس على جنب
خالد: يقرب من محمد وكلمه بصوت واطي وهو حاس انه هم شايله بقلبه بس ما يبي يدخل : محمد وش فيك ما تروح البيت الساعه 12 أكيد مرتك تنظرك
محمد: تنهد بداخله : الحين ماشي هي عندها البنات ويوقف يالله شباب تصبحون على خير
..و انت من اهله
محمد: خرج و راح على البيت وتردد يدخل ولا لا ورجع ودخل و هوطالع مع الدرج
روز: تتكلم بصوت عالي : استاذ محمد حمدالله على السلامه فين كنت الحني دي ست انجي منهاره
محمد: وش فيها وينها فيه
روز: بغرفتها
محمد: يطلع يجري
~ . <* >.~
بيت ابو عامر
مها : كثرت خارجاتها مع راشد بعد ما تخرج امها من البيت و تكون عارفه انها بتتاخر و زعل منها ليه ما خبرته انها تبي تزور اخوها
مها : اتصلت على راشد وهي تبكي
راشد: حبيبتي وش فيك
مها : راشد وبكيت
راشد: مها وش فيك صاير عندكم شي
مها: لا وتبكي
راشد: حبيبتي لا تخوفيني اهدي وعلميني
مها: انا حامل ..بعد مارجعت من بيت اخوها جربت التحليل المنزلي لانها خايفه من تاخير دورتها ..
راشد: انصدم من الخبر : وشهووووووووو
مها: راشد
راشد: انتى متاكده
مها: وهي تبكي : ايه جبت تحليل كشف الحمل بالبيت
راشد: يمكن غلطانه
مها: لا متاكده وبكيت وش تبينا نسوى الحين
راشد: حبيبتي بعدين اكلمك خليني افكر بالمصيبه الي حلت علينا كيف ممكن نخرج منها
مها : حبيبي الله يخليك كلمهم خلنا نقدم العرس خلاص
راشد: مها بعدين اكلمك مع السلامه
مها : راشــــــد..... وقفل السماعه وهي خايفه ..
الفصل الثالث و الثــــــــــــــ 33 ــــــلاثــــــون
محمد : يفتح الباب وقف مكانه الغرفه ظلام وما يسمع غير صوت انين فتح النور و تصدم من شكلها جالسه على الكنبه وشعرها مبعثر بشكل عشوائي حولها وما يشوف وجها و راسها منكس على رجولها وقرب منها
ملاك: مع فتحت النور تصرخ : روز طلعي برا ما بد.... وترفع راسها وما كملت كلمتها و توقف وتروح تجري وجت تتعثر بجلالها الي على رجولها ..وترتمي بحضنه وهي تبكي
محمد: وقف مكانه بذهول :......
ملاك: تضرب فيه وتصرخ وتبكي بشكل هستيري وتشهق : لا تـــــــــــــــــــروح عني... لا تتركني.... لوحدي ...لا تتركني بدي أيــــــــــــــــــــــــاك..
محمد: يمسكها ويضمها له بقوه..حاس كانه احد يجلده بسوط وهو يشوفها بهذا الشكل
ملاك: وهي ماسكه بكل قوتها بملابسه وتصرخ : لا تتركنــــــــــــــــي مثل بااااااابا وتصرخ محـــــــــــــــــــــــــــــــــــــــــــــمد لا تـــــــــــــــــــروح ..الله يخليك ..
محمد: يكلمها بصوت مرتفع عشان تسمعه : انا معاك ما راح ابعد عنك اهدي لا تبكين
ملاك:ماسكه بالجكت بقوه وتبعد عنه شوي و بصوتها الباكي : لااااااااااااااااا انت ...بدك تتركني ...لوحدي..الله يخليك لا تروح ..
محمد: شوي يبكي معها : والله العظيم ما راح ابعد عنك حبيبتي بس اهدي انا معاك ويشد قبضته عليها
ملاك : وترجع ترفع راسها تواجهه و هي شاده قبضتها على ملابسه وجها صاير احمر و عيونها مورمه و بصوتها الباكي بس بنكسار اكثر بصوتها : لا تخرج من البيت الله يوفقك ... اعرف تكرهني ..بليز خذ جود ..ايه هي تحبك بس خليك معي هنا
محمد : ضم راسها لصدره بقوه وبلع ريقه بصعوبه مستحيل هذى الانسانه بتهبله كسرت خاطره على حالها لهذى الدرجه تتخلى عنه بس يكون قدام عينها وبصوت هادي : بس انتي منتى بوعيك اهدي خلاص انا معك الحين ويمشيها معه ويجلسها على الكنب
ملاك: تبكي وتشهق وتردد اسمه بشكل متقطع من تعبها : محــــــمد ..... محــــــمد ..... محــــــمد ..... محــــــمد
محمد: يا قلبي خلاص اهدي انا معك ما راح اترك ولا لحظه بس اهدي ويمسح على شعرها
ملاك : محــــــمد .....لا تتركني
محمد: منزل راسه على راسها : يا عمري ما راح ابعد عنك بظل معك عمري كله بس لا تبكين
ملاك: تبكي وترتعش..خوفها فضيع من انها تفقده مثل ابوها وبعد امها بصغرها عنها : لا تخليني لوحدي .....
محمد: يرفع راسه و يصرخ بصوت عالي : روز ..روز
روز: كانت واقفه في الصاله و تحبها مثل بنتها معاشرتهم سبع سنوات وتبي تطمن عليها دخلت بسرعه : شو استاذ
محمد: جيبي مويه بسرعه
روز: حاضر وتفتح الثلاجه الي بالغرفه وتصب مويه تفضل
محمد: ماسك الكاسه بيد و اليد الثانيه يمسح شعرها : ارفعي راسك و اشربي حبيبتي
ملاك: لااااااااااااا تبعد عني
روز: بكيت على حالها وشكلها وصوتها الخايف : ياستاذ هي هيك من الظهر لا عم تاكل ولا عم تشرب و انا احكيتك اكتر من مره و موبايلك مغلق
محمد : شايف انها مستحيل تهدى وترتاح الا اذا اخذت علاجها : روز جيبي العلاج من غرفتي تحصلينه في الدولاب
ملاك : تصرخ : لااا علاج لااااا..
محمد: حط الكاسه من يده : خلاص ما راح اعطيك هو بس اهدي انتي ...بصوت حازم ... شكرا روز روحي نامي..انا معها
روز: يا ستاذ بدك اعملها اكل ما اكلت شي
محمد: ما ضنيت انها بتآكل شي وهي كذا
روز : تصبحوا على خير
محمد: تلاقي خير ....يا روحي انا معك خلاص لا تبكين.... يا عمري اسف ما قصدت الي قلته والله العظيم اني احبك و ما راح ابعد عنك
ملاك: تبكي..بصوت وتعب من كل شي مر عليها ..
محمد: بس خلاص ياقلبي ...اخذ يقرأ عليها قران وبعد ما انتهى وهي نفس الشي ..حبيبتي تعالي قومي معي
ملاك: ماسكه فيه وما يشوف وجها ما ردت عليه وتبكي(ولها اكثر من ربع ساعه على وضعها )
محمد: انفطر قلبه عليها و مهو قادر يهديها حتى وهي بين يديه شالها ودخلها الحمام ونزلها : حبيبتي خليني اشوف وجهك اغسله لك
ملاك: تحرك راسها لا ومعد هي قادره تركز من شدة الم راسها وعيونها
محمد : ياعمري خليك ماسكه في... بس ارفعي راسك يالله حبيبتي عشان خاطرى ويمسكها مع كتفها ويبعدها شوي
ملاك: بعدت راسها شوي ورجعت اسندته على صدره
محمد: وش فيك
ملاك: تبكي : لا راسي بيوجعني
محمد: تعالي ويبعد راسها ويبوس جبينها تعالي انا اغسله لك ويحط راسها تحت المويه ويغسلها شعرها حبيبتي خليك الحين اجيبلك منشفه ...مسكت فيه بقوه ..ياروحي ماراح ابعدعنك لا تخافين ويروح يسحب المنشفه ويجيها وهي ماسكه بيده..دمعت عينه وهو يشوف خوفها ويذكر كلامها كيف ما كانت تفارق ابوها تبي حمايته .. ارفعي راسك
ملاك: ترفع راسها بشويش وهي مغمضه عيونها حاسه بنبض راسها سريع وعظام الراس مهشمه من الالم الي فيه
محمد: يلف المنشفه على شعره ويكلمها بصوت واطي و نبرة الحزن واضحه فيه : وشفيك حبيبتي فتحي عيونك
ملاك: اسندت راسها على صدره وبكيت : النور بيوجعني براسي
محمد: خلاص حبيبتي خليك مغمضه عيونك ....و يشيلها ويحطها على السرير و بيبعد عنها
ملاك: ماسكه فيه: لا تروح عني
محمد: يبوس خدها حبيبتي بس بخفض اضاءة الغرفه عشان تقدري تفتحي عيونك
ملاك: تبكي : محمد
محمد: حياتي لا تبكين انا معاك ويمسك يدينها ويفكها من ملابسه ويبوسها بس اخفض النور ورجع لك ويروح يطفي النور يخفض اضاءه الابجوره وينزل الجكت الي عليه رماه عنده على السرير حس بحراره بجسمه مع تدفية الغرفه وجلس جنبها تعالي ياعمري ويرفعها خذي حبيبتي اشربي المويه وتقدري تفتحي عيونك النور ضعيف
ملاك : سانده راسها عليه وتبكي بصوت مكتوم
محمد: وين حبوب الصداع الي عندك
ملاك: بالدرج
محمد: هذا الي هنا
ملاك: تهز راسها ايه
محمد: فتح الدرج وكان فيه اكثر من مسكن واخذ العلبه ونصدم ويناظر فيها وهي راسها على كتفه ويتكلم بصوت مرتفع من قهره :وش هذا من متي تاخذين هـ الحبوب
ملاك: تبكي
محمد: عصب وبعدها شوي : لا تبكين وردي علي العلبه ثلاث ارباعها فاضي
ملاك: تبكي وعيونها مغمضه وهي بين يدينه : انت السبب ما بقدر نام من غيرها
محمد:يصرخ قهر والم : انا ليه ...انتي علاج الدكتور رفضتيه تخذين حبوب منومه تبين تدمنين عليها كم لك تاخذينها ....ساكته ما ردت ....ردى علي كم لك
ملاك: تبكي: ثلاث.. اسابيع
محمد: وشهووو ....الحين فهمت ليه ما تردين على احد و انتي نايمه... وانا مستغرب وشلون نومك فجاءه يصير ثقيل كذا
ملاك: تبكي وشاده قبضتها على ملابسه: محــــــــــــمد
محمد: بتذبحيني انتي ليه تسوين كذا ليه ..؟!!.. الحين انتي من متى صاحيه
ملاك: تبكي: محمد ..لا تصرخ ..علي ..بخاف
محمد: متى صحيتي ...لا تقولين... ما نمتي على صحيتك امس
ملاك: ايه ...محمد الله... يخليك ...لا تروح عني وتبكي وتشهق... راسي بده ينفجر
محمد: آآآآ منك جنيتي بتجننيني معك يحرك بالمنشفه الي على راسها ويشيلها حطي راسك على المخده معي حبوب
ملاك: مسكت فيه : لا دخيلك لا تبعد عني (من شدة خوفها صايره مثل الطفل الي يخاف ينتزع من حضن امه )
محمد: حبيبتي هي معي هنا بجيب الجكت ويسحب الجكت ويعطيها منها اشربي الحبتين يخفف لك الصداع مع اني اشك انها بتخففه لك مره لان صداعك من الحبوب الي اخذتيها
ملاك: تبكي و تشربها: محمد الله يخليك اعطيني منها ما عد فيني اتحمل بس لا تروح عني.. قلبي عم يوجعني
محمد: انسي اني اعطيك منها لو بتظلين لين بكره مصدعه ما راح اعطيك منها
ملاك: تخبي وجها بصدره وتبكي
محمد: خلاص لا تبكين راح يزيد صداعك نامي عشان ترتاحين
ملاك: لا اذا نمت تروح عني
محمد: ماراح ابعد عنك .....وقال الكلمه بصدق حاس قلبه يخفق معها ..حبيبتي وبعدين معك خلاص لا تبكين ويغطيها و مدخل اصابعه بشعرها ويضغطلها على راسها على خفيف
ملاك: بكيت وهي تسمع كلامه حاسه عمرها ماتستاهله ابد ولا تستحق الكلمه : اسفه ..والله اسفه .. بس لا تتركني
~ . <* >.~
اليوم الثاني الظهر
بيت ابو عامر
غرفة مها
مريم: زايره اهلها وطلعت عند مها بغرفتها : مها وش فيك
مها: فتحت الباب ورجعت مكانها على السرير والهم ينهش بقلبها : ما فيني شي
مريم :جالسه عندها وهي تناظر وجها بتمعن : كيف ما فيك شي شوفي شكلك بالمرايه وتعرفين
مها:خايفه انه صدق راح يعرفون وش بيصير فيها : تعبانه شوي وابي انام
مريم: انتى فيه شي بينك وبين راشد
مها: بارتباك وبصوت واطي : لا
مريم: قامت عندها مها انا اختك اذا ما شكيتي لي بتشكين لمن
مها: لا بس اتصل عليه ما يرد ويقفل الجوال
مريم : زين وش الي صار وخلاه يزعل
مها: ولا شي مريم ابي انام وارتاح ما نمت
مريم: زين نامي واذا حبيتي تشكين همك لاحد انا عندك وراح اوقف معك ارتاحي الحين وتخرج عنها وتسكر الباب
مها : ضلت تبكي لغايه ما نامت
~ . <* >.~
شقة حمد
اصايل : صحت من النوم وجت بتتحرك حست بيده عليها وخجلت وجها صار الوان من خجلها رفعتها بهدوء ما تبيه يشوفها ودخلت الحمام اخذت شور وهي تلوم نفسها هي السبب لو اهلها يعرفون الي جالسه تسويه كان لاموها على عندها و جلست فتره وهي المويه تصب على راسها بدون ما تتحرك وكل تفكيرها كيف بتقابله بعد الي صار ..لبست روبها و هي تلوم نفسها على غبائها الي ما دخلت ملابسها معها ..فتحت الباب بهدوء تبي تأخذ ملابسها وترجع تلبسها بداخل الحمام شافته بعده نايم ..فتحت الدولاب و طلع شوية صوت لفت تشوفه بسرعه صحي ولا لا ..وبعده نايم متحرك تنهدت و صارت تختار لها ملابس ..قفزت ولفت على صوته الي عند اذنها واقف خلفها
حمد: صحي من يوم قامت بس ما حب يحرجها لكن لفت انتباه طريقة حركتها وكان يسمعها وهو مغمض عيونه قام وراح عندها : صباح الاشعاع والنور يا اجمل الماسه بعمري..شاف كيف هي خجلانه منه ومنزله راسها مسكها مع روبها وقربها منه وباس جبينها .. ليه الماستي خجلانه مني فاكره لمن كنت اناديك كذا ولا نسيتي
اصايل : منزله عينها ودها تبكي من خجلها و تحاول تبعد عنه وتكلمت بصوت يا دوب يتسمع : ايه ..اذا ممكن اطلع ابي البس
حمد: الضحكه واضح من صوته : ماشي المهم جهزي شنطنا رحلتنا قبل اذان المغرب
اصايل : رفعت عيونها بذهول
حمد : مسك انفها وهو يضحك : لا تناظريني كذا كنت بخبرك البارح و انتِ نسيتيني بالحناء ويرفع يدها اشوف فيها ريحه ..ويشمها ..يووه بعدها فيها اغسليها بديتول ههههههههه..وميت ضحك على شكلها الي ساكته وتغلي من جوه ودها تذبحه
اصايل : خجلها اخرسها بس مقهوره من حركته مصيرها بتردها له بعدته عنها
~ . <* >.~
بيت ابو عامر
ابو عامر كان جالس في الصاله ومن امس وهو يراقب حركتها وكل شكه انها هي الي مسويتها في هند تكلم بنبره حاده و اطيه وعينه عليها وهي جالسه على طرف الكنب تشرب شاهي : ليه ما جبتي لي سيره عن مرة ولدك والي صار عليها بعرس بنتنا
ام عامر : ناظرته بحده : وش تبي غير توجع قلبك ولدك متمسك فيها ما طلقها عاجبه الفضيحه الي جابها لنا
ابو عامر : وبنفس نبرت صوته : الفضيحه علينا احنا لانه عرس بنتنا وصار عليها هذا الشي فيه بس علماً يوصلك ويتعداك لو بس عرفت خبر ان لك يد بالي صار لها ما تلومين غير عمرك ..لا تضنين اني ناسي الي سوتيه باخوك ومرته ..وما ضنيت تبتي وكفاك الي جاك .. وشاف مريم نازله مع الدرج سكت ما كمل كلامه ...ياهلا بالغاليه ياهلا بالحامل والمحمول منور البيت بحسك وانا ابوك .. وفرحة ما توصف بحملها
~ . <* >.~
بيت عامر
عامر : ينادي من عند باب البيت وبناته برا : يا نوره خلصيني البنات برا بالحوش لا تمطر عليهم
نوره وهي تلبس نغابها : خلاص وش فيك جيت وليه مخرجهم يعدمون عمرهم الحين ..اخذت معك الاكل ..
عامر : ايه بس عجلي انتي ..
نوره : تكلم الشغاله : شلتي كل الاكل الي داخل
الشغاله : يس مدام
عامر : ياحرمه ما صارت لحقيني انتي وشغالتك ..ويخرج ويشيل شروق ويروح على بيت يزيد مسوين الغداء وريحين يتغدون معهم .... يبون يخففون عن هند شوي من وحدتها ويحسسونها ان لها اهل معها ...
~ . <* >.~
الفصل الرابع و الثــــــــــــــ 34 ــــــلاثــــــون
جـــــــــــــــ الأيام ــــــروح
تمضي الأيام ويضيع العمر بين صرخات المشاعر
وتلاطم الأمواج...
أثار على الرمال... تمحوها نسمات الهواء
لماذا............. لماذا.............. لماذا
آآآآآآآآآآآآه صراخ
أم تحضن طفله و أخر يلقم ثديها
أفاقت من نومها
وأكملت بكاء الأم
وصراخها
في حلمها
الذي تمنت
أن تعيشه
على
واقعها المرير
لماذا انا من حرمت كل شي
آآآآآآآآه
أين الأمان ونظرة احترام من حولي لي
أريد أن أعيش
أريد أن أكون أم
أريد أن أكون حبيبه وزوجه
ليس لي ذنب
ضغطت بيديها على إذنيها
ويتردد صوت بشع
أبشع من شبح الموت نفسه
اغتصاب
اغتصاب
اغتصاب
تريد أن تشاهدها
انظر إلى عيني أي طفل
ضاعت أحلامه
فكيف له أن ينسى
حتى مع تجاهله ....محاولة النسيان
هناك سهماً
غرس فيه إلى الأبد
ثم ثني وكسر بداخلة
جعل ضحكاته ريا بلا معني
ترغب وخوف دائم
آآآآآآآآآآآآآه
اغتصبت الحياة
و اغتصب الإنسان
أخاه الإنسان
أين المفر
لي نرتجي إلى من لا يغمض لهو عين
ليجنبنا من عثرات الدنيا
فهي
عجوز قبيحة بشعة
لكن نمضي بداخلها
إلى ... إلى ... إلى ...
ايامنا
وما حاكته أيدينا
وكتب لنا
#كلمات كاتبة النص#
بيت ابو ملاك
محمد: صحي من النوم و حس بتعب بتكسير بجسمه كله فتح عيونه وشافها نايمه جلس يناظرها فتره ويتأمل ملامحها شعر بطعنه تقتله ليه ما يتقبلها بعيوبها ويحاول يعيش حياته انتبه لعقدة حواجبها وعدم ارتياحها أثناء نومها وحركت عينها السريعه وهي مغمضة جفونها بعد شعرها الملتف على رقبتها بخفه خاف انه يخنقها وتحرك يبي يجلس ويهرب من احساسه تجهها تشدت ملابس لف يشوفها ضنها قامت شافها على وضعها لكن شاده قبضت يدها على ملابسه تفاجأ منها كيف نايمه و اعصابها مشدوده ما ارتخت وفك يدها عن ملابسه بشويش و قام راح غرفته وكل تفكيره معها اخذ شور يخفف من تعبه واثر الحزام والجينز الي طبعت بجسمه ..صلي صلاته الي فاته الفجر والظهر ونزل اسفل ..
روز:حاسه بالمشاكل الي تدور بينهم بس ما تقدر تتكلم ومثلها مثل أي خادمه هنا حتى وان كانت تحبها شافته نازل : صباح الخير استاذ
محمد: صباح النور ويجلس على الكنب
روز: بدك بجيبلك اهوتك والفطور
محمد: جيبي قهوه خلى الفطور بعدين
روز: حاضر ...استاذ ...وبتردد بس ما تقدر ما تسأل عنها ..كيفها الست انجي ان شاء الله منيحه
محمد: الحمد لله شكرا روز على وقفتك معها
روز: ولو استاذ ست انجي بعيوني ما بتعرف اديه بتمنى شوفها مثل ما كان الاستاذ خالد الله يرحمه موجود دي هي ضحكت البيت مثل الفراشه بدور وبتغني وتضحك
محمد:رجع اتكي للخلف والهم واضح على ملامحه : ادعيلها وراح تشوفيها ان شاء الله
روز: الله يسمع منك يا ستاذ
محمد: لف يشوفها حرمه كبيره بالسن واضح احترام الكل لها اعطاها مكانتها في البيت : روز بحكم فترة حياتك هنا معهم انجي كانت تخرج من البيت لوحدها
روز: ستعجبت من سؤاله وكذا مره سمعته ييوبخها على خروجها : لا مستحيل ما بتخرج اذا ما كان معها احد بس بعد دخولها الجامعه تخرج مع الصبايا حضرتك بتعرفهم ست شذى والمجموعه ..هي اغرب شخص شفته ماعندها صداقات مع احد من يوم اجيت على البيت محدا زارها ..
محمد : ساكت وسرح بكلامها ياربي ساعدني اذا صادقه بالي قالته مالها ذنب
روز : بعد اذنك بدي روح منشان جيب الك القهوه وتمشي
محمد: بعد ما شرب قهوته طلع عندها وقف مكانه وهو عند الباب وهو يشوفها نايمه ولا تحركت دخل الحمام بيغسل وجهه ويدينه وهو خارج ويجفف يده بالمناديل رماها بسله الي بغرفة الملابس وينتبه للي على الارض مبعثر اوراق وصور وعطر مسكها جلس القرفصاء وهو يشوفها شم العطر ريحته مهي غريبه عليه بس مهو عارف فين شمها ..اخذ كم صوره من على الارض مقلوبه وقف مذهول الصوره لها وهي صغيره فعلاً نفسها هي الي شافها صورتها مع جدها وجدتها جالسه بينهم هو متاكد يعرفهم زين لكن ليه طامسه وجهه جدها بالقلم و مشخبط على جسمه شاف الصوره الثانيه نفس الشي بس هنا وهي لافه يدها حول امها وجدها بعيد عنهم بس نفس الحركه الي قبل في الصوره رجع يشوفها الثنتين وتفكيره مشتت جمع الصور وتقريبا عشره صور لها مع امها وحده لها مع جدتها قرب الصندوق وشاف فيه اوراق فتحها وكانت اوراق مستشفى ومسجل فيها حالتها النفسيه بعد وفات ابوها وفتح ورقه باين انها قديمه ولفت انتباهه اسم الدكتور الي ذكرته بلع ريقه و خذ يقرأ التقرير المكتوب عن حالتها حالة انفصام في الشخصيه و تهيوات شديده أحالتها الي المركز الخاص رفع نظره يتاكد من التاريخ والعمر تسع سنوات ...همس ...مستحيل ثني الورقه بقهر وهو يردد الله يلعنك الله يلعنك جمع الاشياء بداخل الصندوق وقام حطه على التسريحه لازم اتكلم معها وافهم منها كل شي و جلس جنبها يتأمل بوجها صافي وبشرتها ناعمه ..مستحيل تكذب وكل البراءه الي فيها مزيفه مد يده ماقدر يقاوم ما يلمس خدها ..همس ..ملاك قومي
ملاك: برودة يده على خدها خلتها تنتفض فتحت عيونها بصعوبه ..وقربه منها خلاها تتحرك بسرعه تجلس وتبعد على طرف السرير بخوف
محمد: يناظرها و ماعجبته حركتها ونظرت الخوف الي بعينها : وش فيك ..
ملاك: خجلت منه وتمسح على وجها بيدها وصوتها مهو واضح تهمس : ولا شي ..صباح الخير ..و تنزل عن السرير بسرعه ..حست الدنيا تلف فيها
محمد: صباح النور ..شافها مهي متوازنه قفز مسكها وجلسها ..وش بلاك فيك شي
ملاك : يدها تنتفض وغمضت عيونها وراسها يلف
محمد: مسك يدها الي ترتعش ..ونزل عن السرير واقف قدامها مستحيل يقدر يقاوم مشاعره تجهها ...تكلم بخوف وهو يرفع وجها له ...وش حاسه فيه
ملاك: ونبضها كل شوي يضعف : دياخه
محمد:وهو ماسك يدها حس نبضها ضعيف مسح على شعرها : ارجعي حطي راسك على المخده ..شكله معك هبوط ..خلاها تنسدح وراح لتلفون طلب المطبخ يجيبون له مويه معها ملح..و قف عندها شايف كيف منكمشه على نفسها ببجامه وردي قطنيه البلوزه كم طويل و البنطلون فيه ورود صغيره ويدها على راسها جلس ومسك يدها ...لا تخافين عشان ما كلتي شي ..سحب البطانيه من الجهه الثانيه وغطاها فيها...ادخل ..اخذ من الشغاله المويه ...وخرجت ..رفع راسها خذى اشربي شوي منها ...شربت منها ورجعت نزلت راسها بتعب وجها بارد مافيه دم
ملاك: شدت على البطانيه بين يدينها بضعف و صداعها بدا يخف و مقهوره من نفسها وضعفها الي مهي قادره تتغلب عليه وندمت الي وصلت لهذى الحاله من الضعف وابوها ساعدها على ضعفها اكيد كان عارف انها ما تتحمل تكون لوحدها لو لحظه ليه ما حاول معها تبني شخصيه لنفسها ليه ما فكر انه ممكن يتركها بيوم من الايام (وهذا حال الكثير من الوالدين اذا كان ابنهم الوحيد نتيجه لتعلقهم الزايد به لا ينتبهوا الى أخطائهم وبعض الأحيان لا يكون الابن الوحيد لكن شخصية الاهل القياديه تفرض عليهم عدم التصرف بشكل سليم )بس مستحيل تلومه هو من شدة حبه لها ما كان يحب تغيب عنه وهي مستحيل كان راح توافق انه يبعد عنها ...حست بيده على كتفها
محمد : الانكسار الي هي فيه والضعف بيدمره مهو قادر يتخذ قرار صح معها وما يبي يندم او انه يكمل معها بس عشان شفقه على حالها ..يوم خطر على باله انه يكون بعيد عنها يعني راح ينفصل عنها ثبت نظره عليها بخوف مستحيل تكون لغيري مستحيل هي لي وبس حط يده على كتفها يبي يشوف كيفها الحين حس بنفضه بجسمها من تحت البطانيه : كيف الحين احسن
ملاك: فتحت عيونها وهي حاسه ان رجع نبضها طبيعي وكسرها نظرة الشفقه الي بعيونه انمحت نظره الحب الي كانت تشوفها فيها من يوم عرف عن حالها غمضت عيونها ورجعت فتحتها ما تبي تبكي هي راضيه خلاص هي عارفه من البدايه من يوم كانت طفله مستحيل تبني احلام وامال بحب وحياه زوجيه جلست وتكلمت وهي منزله راسها وجمعت شعرها على جنب : الحمدلله رحت الدوخه خلاص محمد : يجيك هبوط دايم ..
ملاك : لا و جت بتقوم
محمد : مسك يدها : خليك ارتاحي شوي
ملاك : وقفت : منيحه لا تخاف ..ترك يدها وراحت دخلت الحمام ..وهي تتوضأ قصت من الملح الي طعمه بفمها اخذت رشفه من المويه بلعتها وكملت وضوئها وخرجت وهي تجفف بالمنشفه الصغيره خرجت وشافته جالس على الكنب وبيده جريده فردت سجادتها ولبست جلالها وصلت خلصت صلاتها وهو مكانه ما تحرك و ما تشوف وجهه لفت جلالها بداخل السجاده وحطتها على جنب و اخذت جلال امها الي على الارض وطبقته وانتبهت لصندوق على التسريحه دخلته وسطه ولمت شعرها وشالت الصندوق بترجعه في الدولاب
محمد كان مراقب حركتها بدون ما تنتبه وشافها بتشيله نادها : ملاك
ملاك : لفت له وهو عينه عليها ونزل الجريده وجاي جهتها : نعم
محمد : حط يده على الصندوق وتكلم بصوت هادي عكس توتره بقربها : ممكن اعرف ايه قصة الجلال الي حطتيه بداخله مهو اول مره اشوفه معك
ملاك : ما يهمها خلاص هو عرف اكبر حدث صار معها من زمان ودها تحصل احد تتكلم معه رفعت راسها ما تعرف سمع صوتها او لا : جلال ماما
محمد : فتح الصندوق : والعطر بعد لها ...حركت راسها والقصه بحلقها ..الحين تعالي نفطر بعدين نتكلم
~ . <* >.~
بيت يزيد
يزيد : بعد ما تغدا عامر عنده وراح مع اهله دخل الصاله وهند فيها والشغاله تشيل الشاهي وتروح المطبخ جلس فتره وهم ساكتين حالة الصمت الي صاير عليها البيت راح يجن منها خفض صوت التلفزيون و أذكر عامر لمن يقله توصلهم : هند انتي ما راح تزورين جارتك مع ام شهد
هند : وعينها عليه : ايه رايحه ازورها
يزيد : بعتب : يعني معد يهمك تخبريني وين تبين تخرجين
هند : وقفت :كنت راح خبرك بعد متأكد لي ام شهد لازم روح زورها و اعزيها بوفاة امها وانت الي راح توصلنا و حطها فبالك اليوم الي راح اخرج بدون ما خذ اذن ولي أمري يوم خروجي لقبري ...و بتمشي مسكها
يزيد : الله ياخذ روحي قبلك يالغاليه
هند : ردت بحزم : لا تدعي على عمرك ما يجوز ..وراحت عنه
قال النبي صلى الله عليه وسلم "لا تدعوا على أنفسكم، ولا تدعوا على أولادكم، ولاتدعوا على خدمكم، ولا تدعوا على أموالكم، لا توافقوا من الله ساعة يسأل فيها عطاءفيستجاب لكم،" أخرجه أبو داود
~ . <* >.~
بيت ابو عامر
بعد صلاة العصر
في الحوش بمقعد كثير حلو مخصص لجلستهم في وقت الشتاء بزاويه من الحوش ما تكشف الجالس وهو يشوف البيت ..بعد ما نزل المطر وزان الجو
عامر : جاي ومعه بناته رغم اعتراض نوره ياخذهم لوحدهم بدونها و أمنته عليهم ما يبعد عنهم او يجيهم شي وشايفهم يلعبون قدامه وهو جالس على الارض و متكي على المركن وقدامه الحليب بالزنجبيل و الشاهي والقهوه والمعمول والكليجه جابتهم الشغاله وينتظر ابوه يجي ..وشاف مريم جايه ومعها صينيه : ياهلا وش اخبارك..ويقوم ويواجها
مريم : لابسه جلابيه وجلالها على راسها رافعته عن الارض لانها بعدها فيها بلل : الحمد لله بخير انت وش علومك وينك معد تنشاف
عامر :يجلس مكانه : الحمدلله بخير وموجود بس الشغل هاليومين كثير و احيان ادوم بعد العصر
مريم :نزلت جلالها جنبها و جلست على جنب واسندت خلف ظهرها مخده وسندت ظهرها عليها : الله يعينك.....ليه يزيد ما يداوم معك
عامر : احيان وهو بهمه الله يعينه ..ما ابي اضغط عليه
مريم : وهي تشوف البنات وهم يلعبون وشروق تلعب بالتراب: المصيبه الي جاتهم مهي سهله شايله هم هند المسكينه كاسره خاطري بالي سواه اخوك فيها
عامر: عامر مقهور من يزيد وضربه لها و ما قصر بتوبيخه بس ماحب احد منهم يعرف بالي دار بينهم وتكلم وعينه على بناته : ربي معها و ما راح يتخلى عنها لأنها على حق و بريئه و انتي بعد كل فتره زوريها و طمنيها انا معها و الا ما نجيب حقها ..وتكلم بقهر .. الشره علينا الي ما منعنا حضور الجوالات بكمره الناس مدري متى تبي تغتني الاجهزه بشكل سليم الي صنعوها ما صارت عندهم المصايب الي تصير عندنا هو بس لو يطيح بيدي الي سوها لخليه ينسى حليب امه الي رضعه
مريم : تدعي من قلبها : يارب يبان الحق وترتاح المسكينه ...الا ليه ما جت نوره معك
عامر: راحت تزور جارتها وتعزيها هي ومرت يزيد غريبه انت بالعاده ثالثتهم
مريم: لا راحت علي الحين خليني اقوم بالسلامه وبعدين اسوى الي ابي
عامر: ان شاء الله وكيف حملك الحين
مريم : يعجبها فيه ما ينسى احد والكل يشيل همهم : الحمد لله اذا عديت الثالث ان شاء الله انه يكون ثابت ...وتنادي بصوت عالي على البنات ...شهد اختك لا تأكل التراب
عامر:عامر لف يشوفهم ويضحك على حركاتهم : هههههه الله يعطيك على قد نيتك ويثبته لك وتشوفينه قدامك مثل الثلاثي الي عندي ...بس انتي لا تتحركين
عند البنات
شروق تعجن بالتراب و ملابسها و يدها كلها طين وبكل برئه حكت انفها وطبع في وجها
شهد : تسحب يدها : لا تكلين التراب يوجعك بطنك
شوق : ثوفي سويت جبل كبيل
شهد :بضحكه ومكر ما تبيها تفوز على شروق هدمته لها وهربت وهي تضحك
شوق : صرخت : دبااااااااااا..وصارت تركض خلفها ..وشروق ترفرف بعيونها تشوف وش يسون وتضحك عليهم بعد ما ستوعبت و عجبها لحقتهم تركض خلفهم تضحك ..
مريم: ياقلبي عليهم الله يحميهم لك ... وانا على حطت يدك ما اتحرك كثير وزني زاد و ابراهيم طول الوقت يبيني اكل
عامر:امين .. الله اكبر على المسيكين مخليته عندك طول الوقت محد يشوفه والحين تتشكين ..ويضحك..انتم الحريم ما حد يعرف لكم
مريم : وبخجل : و انت وش حارك خله يجلس عندي يسليني بدل حبستي بالبيت لوحدي طفش جلست البيت عشان متعوده على الدوام
عامر:الحين وشلون بعد ما تولدين بتردين الدوام.....ويصرخ لبناته .. شهد تعالي هنا انتي وخواتك
مريم: توني للحين ما بعد اتخذت قرار...وش فيك خلهم يلعبون
ابوعامر: بثوب البيت : السلام عليكم
عامر:وعليكم السلام ... هلا يبه ..ويحب راسه
ابو عامر :يازين الجلسه بهالجو الله يديمه علينا طول السنه وين اهلك مهم معك...ويجلس ويناوله عامر المركن يتكي عليه
عامر: البنات معي شوفهم وام شهد عند جارتها
ام عامر: جت وجلست : وليه وش عندها ما اجلتها اليوم ثاني ولا معد تبي تجي
عامر: قام وحب راسها : يمه الله يهداك احنا كل اسبوع نجيكم
ام عامر: سحبت الحليب وصبت لها منه : ايه واضح هي خذتك عنا والثانيه الي ما تتسمي ما خذه اخوك الله يفكنا من بلاها
ابو عامر: يصرخ فيها : لا اله الا الله ما كنه انتى يا مره الي ما تبينه يجلس كل ما جاء ما تردين عليه وتطلعين غرفتك
ام عامر: ايه ما ابي اشوفه هنا لين ما يطلقها
ابو عامر : عكرت عليه الجلسه ويكلمها بصوت عالي وعصبت فيه : يامره خافي ربك البنت وش جاك منها جلسي معها وحكمي عليها بالاول بدل الكلام الفاضي والاتهام الي الله العالم من راسله لك .. ويخزها بنظرته ..بس لو اعرف من مسويها فلمسكينه لجلده بعقالي عشان يحرم يلعب بعرض الناس و يالت فيك طيبتها وخوفها من ربها
ام عامر : وبستهزاء : عوذه اذا بكون مثلها وجه النحس من يوم دخلت علينا البيت مدري وش صاير فيه ...وشافته بيرد عليها غيرت الهرجه ...... المهم الشغاله ابيك تحجز لها وتسفرها بدون ما تدري معد ابيها وجيب غيرها
ابو عامر : أي وحده فيهم ..
ام عامر : الفلبينيه..
ابو عامر : غثته ما يجلسون عندها شغالات تطلع فيهم عيوب الدنيا : وش سوت هي بعد ما كملت سنه تبين تسفرينها
ام عامر :تتأفف بداخلها المفروض مسفرتها من قبل عشان ارتاح انك ما تعرف شي وانت جالس تنبش عن الموضوع : ماني مرتاحه لها من يوم جات وعليها حركات مهي بزينه ما ني ناقصه تجيب لي مصيبه في البيت
ابو عامر : هذا عامر عندك تفاهمي معه ماني فاضي لشغالات ومشاكلك معهم خلي الواحد يعرف يتقهوا عدل
عامر : ويمد له فنجان القهوه
ام عامر : وانت هذا الي اخذه منك ما تسوي شي
ابو عامر :اقول سكتي يامره دام النفس زينه عليك... وين مها ما شفتها اليوم من الصبح
ام عامر : عامر اليومين هذى تسفرها ما ابي اشوفها و قامت و كوبها بيدها ومشت عنهم ...وهي تتافف منه ..ترتاح يوم يكون مشغول ولا مسافر
مريم : حاسه كبدها لعبت وارتفعت حموضة معدتها ما تحب تسمع مناوشاتهم ودها يوم تجلس معهم وهم متفاهمين رجع ابوها يسال عن مها : تعبانه شوي واخذت الدواء ونامت ..
ابو عامر : شوفيها وانا أبوك قبل لا تروحين بيتك اختك هذى الايام مهي بعاجبتني صحتها من يوم رديت من السفر وشايفها متغيره ...وانتم خذوها عندكم تجلس معكم تتسلى بدل حبستها لوحدها بغرفتها و حتي رجالها من يوم جيت ما شفته زارها ولا كلمني .. واذا بيهج من تصرفات امكم كل ما يبي يجي ترفض جيته بحجه خروجها..وبدون ما تخبر احد عن جيته ..ينتظره ويجلس معه
مريم : انا كلمتها اكثر من مره هي ما تبي تخرج من البيت.... وتقرب الصنيه وتحط لابوها من الحلى الي معها ..خذ يبه هذا لك مافيه سكر
ابو عامر : انتي مسويته
مريم : لا الكذب خيبه الشغاله سوته ..عمتي ما تبيني ادخل المطبخ
ابو عامر : الله يرضي عليها ام براهيم ويريح بالها مثل مهي قايمه فيك
عامر:شوي ويسمع صرخة البنات ..وراح يركض لمكان الصوت بهلع والكل فز راح يركض لمكان الصرخه
~ . <* >.~
بيت ابو ملاك
ملاك : اخذت شور و لبست بنطلون زيتي وبلوفر برتقالي فاتح ونزلت معه وبعد ما كملت فطورها وهم جالسين يشربون الشاهي رجع يسألها...خبرته كل شي صار معها وهي صغيره وعن كلام عمتها
محمد:مع كل كلمه قالتها شايف مقدار المها و كيف لعبت فيها الايام وعانت منها وكره عذابهم لها وجبروتهم وقوتهم على طفله ..وتفاجأ من سوالها
ملاك: بتردد : محمد ممكن تصدق كلام عمتى ولا لا ؟؟؟؟
محمد:مسك يدها و ضغط عليها : لا تجنين كذابه لا تقولين صدقتيها
ملاك: واجهته ودمعتها بعيونها : بس انا ما بشبه احد منهم
محمد:حط يده على راسها : بس خالتي تقول تشبهين جدتك
ملاك: نزلت دمعتها ومسحتها : بس كلام انا ما عمري شفتها وجدتي ما شافت امها توفت يوم ولدتها كيف بدك ياني صدق
محمد: بس لا تجنين ..مسكها مع يدها ..وقف ..تعالي بس لا تعصبين ابيك تشوفين شي
ملاك:رحت معه وقفها قدام مرآيه طويله عند مدخل الباب
محمد:وقف خلفها شوفي ملامحك نفسها ملامح امك لا تدققي بلون عيونك وشعرك وبشرتك فاكره يوم سمرتيها شوي صرتي تشبهينها اكثر ..واذا تبين تتاكدين عندك صور امك وهي بسنك شوفيها
ملاك: تسمع كلامه وعيونها تلف وتتأمل بملامحها بتركيز
روز : استاذ المحامي على التلفون
محمد:طيب .. خليني اشوفه الحين اجيك ولا تعالي ....سحبها مع يدها معه على المكتب مايبيها لوحدها ..وبعد ما انهي مكالمته شافها جالسه قرب منها ..لازم سافر مثل ما سمعتي
ملاك : ماتبي تضغط عليه وتجبره ياخذها معه وهي عارفه انه راح يشفق عليها تبي تشوف نظرة حب اخوي وثقه منه بس مهي طماعه
محمد : شافها ساكته ما ردت عليه رجع كلم وحجز لها معه ما يقدر يخليها لوحدها ..
ملاك : رفعت راسها تشوفه : خلاص بجلس في البيت منت مجبور تتحملني بكل اشي انت تحملتني بما فيه الكفايه روح خلص شغل عمي
محمد : كسرت خاطره وده يقوم ياخذها بحضنه ويهدى من روعتها ..بس تماسك وما بان شي من الي بداخله : ملاك خلاص حجزت اطلعي جهزي بسرعه كلها يومين اشوف الشركه وطلباتهم واذا ناسب ابوي اوقع العقد ونرجع
~ . <* >.~
بيت ابو عامر
عامر وهو يركض قابلته شوق وهي تصرخ شالها برعب : وش فيك
شوق : وهي تبكي وتشهق : طاحت ثلوق في المثبح ..
عامر حطها وصار مثل المجنون يركض بسرعه بيلحق على بنته ..وابوه وراه ومريم مسكت شوق الخايفه حضنتها ومشتها معها ..ومهي قادره تركض من خوفها ..
عامر غطس بدون ما يشوف الي قدامه..وياخذها من يد اختها الي تسحب فيها وهي داخله وسط طوق النجاه ..
ابو عامر : يصرخ بهلع وهو يشوف البنت مزرقه : هاتها عطني هي ...ويتناولها من يده
عامر : سحب شهد وخرجها وخرج وراح عند ابوه و الثوب يعق حركته وهو مبتل وياخذها ويحطها على جنبها ويضرب بيده على ظهرها و يده ترجف وجهه شاحب وهو يشوف بنته بتموت بين يدينه وخرجت المويه الي ابتلعتها..رجع يحاول تخرج كل الي بلعته..وبدت تبكي حضنها بخوف ويحمد ربه ان ما صار عليها شي ..ويصرخ في شهد ...وش جابكم هنا هاااه وين كنتم عنها
ابو عامر: اخذها منه بخوف يطمن عليها وهي بعدها تبكي : لا تصرخ مالهم ذنب الخطا علينا الي حاطينه بدون سياج حوله وعندنا صغار ..(تنبيه : لو طفل مات نتيجة إهمال وهو لم يبلغ سن التميز على أهله كفاره لأنه برقبتهم ..وتحت مسؤوليتهم )
شهد : صارت تبكي بصوت وتتكلم : بابا هي بتغسل يدها وجيت اركض لها ..وتشهق ... مالحقتها والطوق كان فيه نزلت لها
عامر: جلس على الارض رجله معد هي قادره تشيله من الرعبه الي جاته سحبها و حضنها: بس حبيبتي اختك ما فيها شي انتي النقذتيها تعالي شوفيها ....ويسلم عليها ويوقف وهو ماسكها و يقربها من ابوه الي ماسك شروق يهديها...هاتها يبه خلني اوديها لدكتور ليكون فيها شي
ابو عامر : يناوله هي :الحمد لله مافيها غير العافيه بس خلهم يغيرون ملابسهم لا يمرضون من البرد ..ويسلم على شهد ..عفيه عليه انقذتي اختك
مريم : وصلتهم وجها شاحب : وش فيها
لفوا لها ..
ابو عامر :يعرفها اذا ترعبت ماتقدر تتحرك كثير وخاف يصير عليها شي تكلم بسرعه : الحمد لله لحقتها شهد ...ويحب راس شهد مره ثانيه... عفيه عليها بنيتي انقذت اختها .. ويخرج من محفظته الفلوس الي فيها ..هذى لك عشانك تصرفتي صح ..
عامر : مريم تعالي غيري لهم ملابسهم خليني اشوف لي أي لبس اوديها لدكتور
شهد : تناظر الفلوس الي فيدها مهي عارفه عددها وكلها اوراق فئة خمس مئات (2000)
~ . <* >.~
بيت ابو عامر
بعد المغرب
مها صحيت من النوم وهي راسها مصدع ودايخه و دخلت اخذت شور و هي مهي قادره توقف استندت على المغسله ولبست روبها وخرجت وراحت على السرير و تغطت وهي ترتجف ودمعتها على خدها واخذت جوالها وتصلت على راشد مارد عليها رجعت دقت مره ثانيه
راشد: هلا
مها: وهي تبكي وصوت كله رجاء وخوف :وينك فيه ليه تسوي فيني كذا انا وش ذنبي انت السبب
راشد:مهو عارف كيف يتصرف ويبي وقت يفكر وهي كل شوي تتصل فيه : وشهو انا السبب ولا انتي
مها : انا
راشد:وبعصبيه يلومها على موافقتها وخروجها معه : ايه انتي ولعد تدقين علي فاهمه ويقفل الخط بوجها
مها : ناظرت الجوال بذهول ورعب مهي قادره تصدق الي سمعته بكيت بقهر وهي تردد بهمس : ليه ليه تسوي فيني كذا انا احبك وش ذنبي اني سمعت كلامك
~ . <* >.~
كندا
في الفندق محمد وصلها للغرفه الي حجزتها السكرتير و نزل يلحق على موعده بعد ما اكد لها انه ما راح يطول ...
ملاك : لفت نظرها في الغرفه كبيره بس ما تعودت تأخذ غرفه دوم تكون بجناح وكبير حبت تشغل وقتها نزلت البالطوا الاسود والايشارب و رتبت له ملابسه بالدولاب وعلقت البذله بداخل الدولاب و اخذت ادوات الحلاقه للحمام واغراضه الشخصيه ..رجعت ترتب ملابسها وشالت الجكت الي كان عليه وهو بالطياره وبدله اول ما وصل قربته شمت عطره وغطت وجها فيه وهي تبكي تمددت على السرير وهي مغطيه وجها فيه وبكيت فتره لغاية ما شعرت انها رتاحت شوي
محمد : رجع بعد ثلاث ساعات وهو مهو مصدق كيف انهي كل شي بسرعه وابوه موافق وتفق معهم على الشروط وقع العقد ...اتصل عليها تجهز عشان يخرجون للعشاء وهو عند الباب دق عليها تفتح الباب ..واول ما شافها دخل وسكر الباب : هاااه جاهزه
ملاك: ايه وتلبس البالطوا الي كان عليها جلد اسود طويل وتحجبت واخذت شنطتها وشافته واقف يناظرها ...فيه شي
محمد: لا بس فين الجكت الي كان هنا
ملاك : خرجته من الدولاب وعطته هو : لبسه وهو خارج لف لها يوم شم عطرها فيه ناظرها فتره ساكت قفل غرفتهم ونزل معها بالمصعد ونتبه لها بسرعه ثبته لنزول
تعشوا بمطعم الفندق وبعدها طلب سياره وخرج معها يلفون شوي مع انه الجو بارد ما يساعد للخروج
~ . <* >.~
بيت عامر
غرفة عامر
نوره : ارعبوها بناتها خبروها عن الي صار ولا كن أبوهم منبه عليهم محد يتكلم ...حضنت بنتها وبكيت بحرقه ولمتهم الثلاثه لحضنها
عامر : ام شهد تعوذى من بليس ارعبتي بناتك احمدي ربك ما فيها شي البنت
نوره بعدتهم عنها وحطت شروق جنبها وهي بعدها تبكي وسجدت سجود شكر ودموعها تفيظ مثل ينبوع وقطراتها على الارض رفعت راسها وبعد ما سلمت رجعت أخذت شروق بحضنها وهي بعدها تبكي بس هديت شوي ارضعتها صدرها وهي تقرأ عليها وتسمي
~ . <* >.~
في الفندق
محمد : بعد ما رجعوا بوقت متأخر لبس بجامته وراح ينام وهي بعدها في الحمام ..ماحب يوترها هو نفسه متوتر من قربها منه و ما يقدر يوصلها ..راسه مصدع وكل ما يذكر كلامها ان ابوها مات وهو يفتخر فيها ما يعرف شي عن الدكتور والي صار معها وما تبي تخسر امها وحلفته ما يجيب لها سيره ..
ملاك : لبست بجامه متينه قطنيه واسعه وضلت فتره متردد تخرج و كل اسئلته تدور براسها بعد ما تعشوا جلس يسألها عن كل شي وهي جاوبته بكل صدق و احساس بالراحه من زمان عمرها ما شعرت فيه وهي تحكي عن كل شي موترها و اتعب نفسيتها...
(خبرته عن محاولة اغتصابها من مراهق بداخل المصعد بالتفصيل هي مثلها مثل أي طفل كثير الحركه ما كانت تعرف تجلس بمكان وبحكم معرفتها للغه ما كانت تخاف تتحرك لوحدها كان فيه محل ايسكريم قريب من نفس العماره الي فيها مكتب ابوها نزلت تشتري وهي راجعه دخلت بسرعه وكان فيه بداخله شاب اجنبي كان يناظرها بنظرات شيطانيه ومسح على شعرها و يكلمها رجعت على الخلف وهي تشتمه ما نتبهت انه مهو صاحي ولبسها للاسف كان مساعد على أغرائه فستان علاقي على الركبه وهي الي يشوفها ما يعطيها 9سنوات طويله يعطيها 12 سنه حاول يغتصبها و صارت تصرخ و كتم على فمها وراح صوتها من الخوف وهي تشوف الشر بعيونه والرغبه الي بعدين صارت تميزها وتفهم معناها وانقذها باب المصعد الي تفتح وهي طاحت على الارض وفستانها ممزق..الرجال الي دخل ضربه وتجمعوا الناس حولها والحارس عرفها بلغ ابوها ينزل وهي مكانها تضرب أي احد يحاول يقرب منها وما تقدر تتكلم ابوها يوم شافها جن جنانه وضرب الولد ومسكوه عنه الناس لا يذبحه شال بنته وتعلقت برقبته وصارت تبكي بصوت ...و قدم شكوا لكن هناك لا دين ولا خلق بحكم انه مراهق ولم يكن بوعيه خرج منها بكفاله فقط ...وكان يشوف بنته كل يوم تتعب اكثر وحتى مدرستها تخاف تداوم فيها وقتها كان متعرف على دليدا صارت تروح معها بس هي ما تبي تبعد عنه ودها لدكتور نفسي ..وياليت ما راحت له عديم الذمه والضمير اكثر الحالات الي عنده تدخل من بعده لمصح عقلي وكان ميوله لاطفال والتحرش فيهم..شرطه يجلس مع المريض لوحده والجلسه ساعتين ملاك في البدايه اول جلسه ماسكه في ابوها مارضيت يخرج عنها لكن الجلسه الثالثه كانت لوحدها شافت نظراته نفس نظرات الولد بس ما قدرت تتكلم وهو يخدرها لكن المخدر كان ضعيف وما افقدها كل عقلها وشافته ...بعد ما دخل ابوها ياخذها خبره انها تتهمه بالاعتداء عليها ولازم يحولها للمستشفي عنده هي من بعدها ما قدرت تخبر احد لانها عارفه انه راح يتهمونها بالجنون و قررت تاخذ الجنسيه وعمرها 15 سنه عشان تنتقم منه بس للاسف ما لحقت تنفذ شي لانه تقتل على يد احد مرضاه )
تنبيه :
اين يكمن الخطأ في نفوس البشر ام في مظاهر الحياة ...؟؟
هنا نتسأل كثيرا لمن نوجه الوم ؟؟؟
الاول : على الاب الذى ترك ابنته ضان منها انها بين يدي امينه فلا احد يضن ان طبيب سوف يفعل ذلك ..لكن هو بشر والنفس البشريه انواع فمنها ما هي خبيثه ومليئه بالشر
وقوله صلى الله عليه وسلم (لا يخلون رجل بامرأة إلا كان ثالثهما الشيطان )
ثانيا : لبس الأطفال وعدم المراعاة فيه و اصبح الان كله عاري وعدم النظر الى الطفل انه يلفت انتباه الناس فالخوف عليه من نظراتهم
ثالثا : عدم مراعاة جسم الفتاه فالبنت بجسمها وليس بعمرها فهذا ما كان يقوله اجدادنا فلننظر الى بناتنا واجسامهم فاذا كان جسمها ينموا اكثر من عمرها لنحجبها ونقيها أعين الناس والافتتان بها حتى لو كانت صغيره في السابعه او السادسه ...
~ . <* >.~
اليوم الثاني
بيت ابو عامر
مها : صحيت الساعه سبعه و دخلت الحمام ترجع و استندت على المغسله بتعب تبكي قامت بعد فتره توضأت وخرجت وهي ماسكه بالجدار من الدوخه و أخذت سماعه التلفون وطلبت المطبخ وكلمت الشغاله تجيب حبوب صداع وشي تأكله وراحت تصلي وجلست مهي قادره توقف تكمل صلاتها الارض تلف فيها اذا وقفت كملت الصلاة وهي جالسه وبعد ما انتهت فتحت الباب ورجعت على السرير
سمياتي:دقت الباب ودخلت : صباح الخير مدام....وشافت وجها شاحب ... ايس فيه مدام انت تعبان
مها:تكلمت بصوت واطي وتعب واضح فيه ويدها على رسها : شوى جيبي الفطور هنا...بعد ما حطت الشغاله صينية الفطور على رجولها رفعت راسها لها ...شوفي اذا ماما سالت عني قولي لها هيه اكل فطور ونام... و اخرجي وقفلي الباب و دخلي المفتاح من تحت الباب
الشغاله : مدام انت فيه تعبان لا يقفل باب
مها: سمياتي انا كويس بس انتي روحي انا اكل فطور واخذ دواء صير كويس ... لا يخبر ماما انا فيه تعبان اوكي
سمياتي : اوكي وتخرج
مها : و اتصلت على راشد و مقفل جواله : ياربي هذا وش قصده ليه ما يرد وبكيت... آآآآآآآه ياويلي لو امي تعرف بتذبحني و زادت عليها الدوخه وشربت شوي من العصير قلبت عليها معدتها اكلت بسرعه من الفطائر وهي تاخذ نفس ودمعتها على خدها انا لازم محد يحس بالي انا فيه لغايه ما اشوف حل للمصيبه الي طحت فيها بغبائي بس ما خليك ياراشد راح تشوف كان مارديت لك الي تسويه فيني الحين ليه ماتبي اطفال منى عشان ايه وين كلامك الي كنت تقوله شكلك مثلهم كلام بدون فعل بس انت غير احساسي ما يكذب الي عشته معك مستحيل يكون كذب اخذت الحبوب وبعدت الاكل معد هي قادره تاكل اكثر ونزلت راسها على المخده وهي تبكي واخذت الجوال كتبت مسج وارسلته
~ . <* >.~
بيت ابو محمد
ام احمد: قومي حبيبتي خذي اشربي الشربه عشان تأخذين الدواء
منى: حرارتها مرتفعه لها يومين و عيونها محمره من الحراره ولمعة الدمع فيها : امي ما ابي ما اشتهي شي
ام احمد: يا بنيتي قومي وشلون تبين تأخذين العلاج و انتي ما اكلتي شي يالله يا عيون امك خذى وتجلسها وتعطيها من الشربه
منى: امي بشرب بس شوى
ام احمد: هي كلها زبديه وش صغرها اذا لي خاطر عندك خلصيها عشان اروح اشوف اخوك
منى: وتعطس وتمسح انفها وعيونها مدمعه : الحمد لله ...هو كيفه الحين
ام احمد: يرحمك الله ...احسن من اول بدت تنزل حرارته
مي: تعبت من الطلعه والنزله عشانهم : خالتي حماده يبيك قام يرجع و دخلته الحمام وخليته بالمغطس يمكن تنزل شوي من حرارته ... بنزل اجيبله حليب
ام احمد: تتنهد بوجع من وجع عيالها : يابعد عمري مدرى وش الي صابكم ...الله يستر عليكم من حمى الضنك ..يارب يحميكم منها راح جن وحرارتكم مهي راضيه تنزل
مي : لا خالتي مهو فالهم مهي حمي الضنك صحيح هي اعراضها اصداع وارتفاع حراره وترجيع (غي ) بس هم ما قرصهم باعوض ..
منى: امي لا تخوفيني و خذيلك شي لا نعديك بعد معنا
مي:لا تخافين مهي اعراضها الحمى ليه شايفه عندنا باعوض ظهره مقلم ابيض واسود اذا شفتيها اعرفي انها هي ... وبعدين الي معكم برد و سويت لنا عصير برتقال باليمون ناخذ منه كل شوي بس تراني زهقت انتي وحماده اذا مرضتوا تخلون البيت كئيب
ام احمد: الله يشفيهم خذى علاجك بروح لاخوك اسمعيه ينادي
مي : خلصتي اكل هتيها انزلها معي
منى: ايه
مي: تشيل الصينيه : خالتي اضيف شوكلاته للحليب ولا زنجبيل
ام احمد: هو اخوك من متى يشرب الحليب اذا ما فيه شوكلاته ياليته ياخذه بالزنجبيل كان فاده اكثر ...ايه سوي معك لهم ليمون بالعسل وزيت زيتون وجيبيه خليني اشربه اخوك..وتخرج(نصيحه جربوها كانها مضاد تاخدونها 3مرات في اليوم ملعقه صغيره عسل اصلي + ملعقه صغيره زيت زيتون + عصير نصف ليمونه )
منى: مي اعطيني بطنيه ثانيه بردانه
مي: تحط الصينيه الي بيدها على الطاوله وتخرج من الدولاب بطنيه وتغطيها بها
منى: وهي تسحبها لين رقبتها وتنتفض : ياربي عظامي توجعني
مي: وش رايك تبين شي دافي اجيبه لك بنزل وشوي ارجع عندك ..
منى:لا سلامتك وغطت راسها و نكمشت تحت البطنيات وهي تنتفظ
مي: رفعت عن راسها البطانيه لا تكتمين عمرك مهو زين تكتمين الحراره خليها تخرج وقومي خذيلك شور يخففها عنك (سبحان الله الحمى فوج من النار....قال صلى الله عليه وسلم (إن الحمى من فيح جهنم فأبردوها بالماء أو قال بماء زمزم) ) أخرجه البخاري
منى : وهي ترتعش : بعدين ..وصارت تعرق اكثر بعد الشربه الساخنه الي اخذتها
~ . <* >.~
كندا
الفندق
محمد : صحي للمنبه يصلي الفجر وحصلها بعدها صاحيه وجالسه على سجدتها قفل المنبه : ملاك انتي بعدك ما نمتي
ملاك : خلصت صلاتها وجلست تقرأ قران تنتظر الفجر ياذن ما قدرت تنام من توترها و الصداع : لا ما فيني نوم
محمد : قام و اخذ منشفته معه راح توضأ وخرج وهو يجفف وجهه حط المنشفه على السرير وفرد السجاده الثانيه الي معه : صليتي ولا بتصلين معي جماعه
ملاك : لا ماصليت
محمد: زين انتظري اصلي السنه وبعدين نصلي خلص وقام كبر
ملاك : وقامت وصلت معه جماعه و بعد ما نتهي جلست مكانها تسبح
محمد : خلص صلاة وقام راح يبي يكمل نومه شافها خلصت وطوت سجادتها : فيك شي وجهك مهو عاجبني
ملاك : جلست على الكرس : راسي يوجعني مقدرت انام
محمد : اكيد من الحبوب الي اخذتيها راح تتعبين فتره لين ما يتخلص جسمك منها خذى مسكن ...ومد يده لها بالحبوب...قامت اخذت لها منها حبه وهي بترجع على الكرسي نادها ...تعالي طفي النور ونامي ورفع الغطاء من الجه الثانيه راحت بتردد وبلعت ريقها وجلست على الطرف ..انقلب اعطاها ظهره ..تصبحي على خير ...تمددت و هي على حافت السرير تغطت وهي تسمع تنفسه منتظم ..نزلت راسها على المخده بتعب من الم راسها ...
~ . <* >.~
بيت ابو راشد
راشد: بعد ما صحي من النوم الظهر اخذ جواله و حصل مكالماتها والمسج ..اتافف بهم وهو يفتح المسج
""حسافة الوعد والمواثيق الي بينا حبيبي خبرني وش الذنب الي رتكبته عشان تبعد عني والله العظيم احبك ومقدر اعيش من غيرك والي يعافيك رد علي تعبانه حاسه حالي راح موت ابي افهم شي واحد ليه تبعد عني و انت الي طلبت مني اخرج معك و هذا مهو بولدي لوحدي الي تحملني الذنب رد على وتعال خذني معك ما ابي عرس بس تعال الله يخليك ما ابي اهلي يعرفون باني خرجت معك من وراهم ""
رمي الجوال على السرير وقام دخل الحمام وغسل وجهه وجلس يناظر بوجهه بالمرآيه وش الحل انا كنت اختبرها بخروجها معي بس معد اقدر اكمل معها ..بس عاجبتني ...لا ما اقدر اوثق فيها لو شنو آآآآآآآه وش اسوى وهى حامل..
~ . <* >.~
في احد الحدائق الصغيره وفيها مجموعه من الحيوانات
فيصل: ههههههههههه يا مجنونه تعالى وين تبين تهربين
شذى :تجري و ايشاربها يرفرف خلفها : لاااااااااا شيله من يدك حرام عليك تبي تذبحني
فيصل:ميت ضحك على شكلها وهي خايفه : هههههههههههههه وش فيك ما يخوف تعالى شوفيه
شذى: بعصبيه : لاااااااااا
فيصل: ههههههههههههههههههههههه شوفي وش زينه صغير يا حبي له و خايفه منه كيف لو مسكت الكبير
شذى: معصبه وتبكي و تنفسها راح من الركض وبين كل كلمه والثانيه تأخذ نفس ويدها على صدرها : حبتك.. القراده.. اذا بتحب ...هـ القرد.
فيصل:وهو يقرب منها : ههههههههههههههههههههههههه والله اموت فيك خلاص ولا يهمك برجعه عند امه هاه حطيته... اوهمها انه بيحطه على الارض رفع نفسه بسرعه وقرب منها وهو بين ايدينه وهي اعاقت حركتها الشجره الي خلفها وصارت تصرخ مثل المجنونه من الخوف وهي تشوفه قدام وجها وهو ميت ضحك نط القرد من بين ايدينه وتعلق في الشجره خايف منها القرد مره صغير ترعب من صراخها ...بس خلاص لا تفضحينا ويبي يمسكها يهديها
شذى: تبكي وتصرخ : لا تلمسني روح اغسل يدك
فيصل: هههههههههه يا خوافه احد يخاف من قرد
شذى: جسمها كله متكهرب من خوفها : بعد عني حرام عليك اقلك ما طيق اشوفه تمسكه وتجري خلفي فيه
فيصل : يسلم على راسها : محد قلك تخبريني تخافين منه تعرفيني ما اتحمل ...ويغمز ..هههههه
شذى: تضربه على كتفه : نذاله بعد روح اغسل يدك الشرهه علي الي اجي معك لهـ المكان
فيصل:ههههههههه تعالى صبي علي المويه
شذى: لا انت غسل وش لي دعوه هو احد قلك تمسكه
فيصل: لو ماجيتي بحط يدي بوجهك هاه وش قلتي
شذى:لين الحين خايفه وقلبها نبضه سريع : لا خلا ص خذ معي مناديل معقمه وتفتح شنطتها وتعطيه منها تعال اغسل يدك بالصابون بعد
فيصل:وش فيك هذا كله خوف من الجراثيم
شذى:تعرفني ما حب لا الحشرات ولا الحيوانات تسبب لي حساسيه وحس جسمي يتكهرب منها وانت توبه كان خبرتك بعد اليوم عن شي اخاف منه ..
فيصل : ميت ضحك على رعبتها : هههههههه تعالي فيه ثعابين مابعد شفنها ابي اتصور معها
شذى عيونها ظهرت من الرعب وصرخت : والله ما روح ولا انت رايح لها انت مجنون بايع عمرك وتجلس مكانها على الارض
فيصل : ههههههههههههههههههه ...ويميل قدامها ...تخيلي تحطين ثعبان كبير على كتوفك ويلتف عليها ..اوووف يازينها من متعه
شذى :وجها شاحب من الخوف : بسسسسسسس... وتحط يدها على اذونها من الخوف ما تبي تسمع شي ...الحين تخرجني من هنا ....و شافته ميت ضحك صارت تخبط فيه بيدينها ...متعه هااااااه بذبحك وارويك شلون متعه ...شرد عنها لحقته تبي تخبطه بالشنطه الا القرد الصغير متعود على اصحابه يلعبونه نط قدامها ومسك فيها وصارت تلف حولين عمرها وتصرخ بهلع ومن شدت لفها طيرت القرد المسكين في الجو عنها وهي مهي حاسه ..
فيصل رجع لها يركض بخوف عليها يصير فيها شي و صاحب الحديقه جاهم على صراخها ...
~ . <* >.~
بيت ابو عامر
غرفه مها:
مها : التعب هدها ورفضت زيارة منيره لكنها اصرت عليها تبي تقابلها ضروري..وبحكم صداقتهم خبرت منيره عن زعله منها : منيره وشلون ما يرد علي معرف عنه شي
منيره: زين هو وش الي خلاه يزعل
مها : ( بذبول نكست راسها متقدر بعد اليوم عينها ترفعها في احد وش تبيني اقول ما يبي الحمل مستحيل اخبر احد )
منيره: تعرفها زين هذى مهي مها الي تعرفها فيها شي كبير : مها وش فيك ما تردين
مها : ردت بهمس : قلت لك معرف معرف وبكيت
منيره : زين لا تبكين و ارجعي كلميه
مها: تقوم وتاخذ لها منديل وتمسح وجها وانفها : كل يوم اتصل عليه ما يرد او مقفول
منيره: تعالي وش رايك تكلمينه من جوالي يمكن يرد عليك اذا شافه رقم غريب
مها: معرف يمكن يزعل
منيره: ناظرتها فتره وهي ساكته ...مها رفعت نظرها لها تشوفها ..ويوم شافت عيونها وجفونها المورمه : الله يامها ما تخيلتك بيوم راح تضعفين كذا بعد ما كنتى مجننه الكل
مها: دمعتها نزلت : تعرفي شنو يعني حب ... احبه ومتخيل اعيش بعيده عنه
منيره: مسكتها وجلستها جنبها : بسم الله ومن جاب الحين سيره البعد أكيد زعل كم يوم وبيرجع يراضيك هو يحبك ولا ما كان تعب عمره وخرج معك على المطعم عشان تجلسون بروحكم
مها: ( آآآآه ياليتني اكتفيت معه على المطعم بلاك ما تعرفين وش المصيبه الا انا فيها)
منيره: بكل طيبه تفتح شنطتها وتمد يدها : خذى جربي يمكن يرد و تقدرين تتفاهمين معه
مها : هاتي واخذت الجوال وترددت في البدايه : انتظري عندي بطاقه معرف وين حطيتها
منيره : عادي مها كلميه بس خبريه ما يدق علي لا يبلشني يسال عنك كل ما تفاتنتي معه
مها : دقت رقمه وبطنها وجعها : منيره ابي اسمع صوته انتي كلميه
منيره: صرخت : وشهووووو ..وحطت يدها على فمها ورجعت كملت بهمس ..لا عيوني رجالك و انتي كلميه وشلي انا
مها: لازم اعرف وش فيه يرد على غيرى ولا لا.. لا يكون تعبان وانا مدري عنه ...وبرجاء : منيره والي يعافيك بس سوي روحك غلطانه صدقيني لو عرف انه انا مكلمه من جوالك يبي يزيد يزعل
منيره: عصبت : وليه ان شاء الله يزعل
مها : ما قلت لك ما يبيني اخرج معك بعد هذيك المره الي بالسوق
منيره : هاتي اشوف رجالك هذا وش شايفني مالت عليه ..بجد يرفع الضغط..الله يصبرك عليه
مها : اتصلت وفتحت سبكر
منيره : رد بعد فتره وهي عيونها على مها وقالبها وخزها كان ودها تسكر يوم سمعت صوته ردت بارتباك : الو
راشد:هلا والله بهـ الصوت
منيره : بلعت ريقها ورتبكت وتكلمت بسرعه : عفواً اخوي هذا مهو بجوال...وقالت اسم اخوها هو الي خطر على بالها ..عيسى
راشد: متعود على البنات لمن يدقون عليه كلهم بنفس الطريقه : يابعد عمري سميني مثل ما تبين اهم شي نسمع هـ الصوت الحلو
مها من صدمتها شحب لونها وشفتها ترجف ومنيره خافت من الي يصير
مها : سحبت الجوال بالم وبكيت وتكلمت بعدم تصديق : ليه يا راشد حرام عليك انا وش سويت فيك الي تعاملني كذا وفوق هذا كله ........تعاكس...؟؟
راشد: بهمس واضح فيه الصدمه :مها...؟!!!!
مها: تبكي وتصرخ : ايه مها الي ذبحتها بيدك وخلصت عليها اليوم
راشد: قفل الجوال
مها : رمت بنفسها على السرير وتبكي
منيره : واقفه عندها مذهوله من الي يصير وتكلمت وهي تجلس عندها وتحط يدها على ظهرها : مها حبيبتي خلاص هدى عمرك ما يستاهل دموعك
مها : ترفع راسها ودها تصرخ بس صوتها ضعف من التعب الي هي فيه وتمسك يد منيره : قولي ان الي سمعته توه كذب لا كله الا راشد
منيره : مها حاولي تهدين شوي
مها: وش اسوي بموت خلاص ذبحني
منيره: اهدى الحين يمكن يرجع ويعتذر منك ويتغير بعد العرس
مها: تضرب المخده ياويل حالي ضعت خلاص
منيره : تمسك يدينها مها مهو عشان سمعتيه يعاكس تنهارين طولي بالك يمكن ماخذ الشغله لعبه مثل ما كنتي تسوين
مها :سكتت وناظرتها وهي ما تشوف من دموعها : لا انتي ما بتعرفين شي ...وتحط راسها على المخده وتبكي..وكل الي في بالها انه عقاب من ربي على الي كانت تسويه
منيره : وشهو الي ما اعرفه
مها:صوتها معد هو واضح وتقوم : خليني الوحدي الله يخليك...وتروح تجري تدخل الحمام وتقفل على نفسها وجلست على الارض وهي مستنده على الباب تبكي بدون صوت
عند راشد جالس بستار بكس
علي: وش فيك من الي كلمك
راشد: قفل وهو عينه على الجوال بس ليه حاس بتأنيب من الي يسويه فيها وقرر يأخذ قراره بهدوء وانتبه للي يكلمه : لا ولا شي
علي : كيف ولا شي و انت وجهك شوف وشلون صاير
راشد: يوقف انا ماشي البيت
علي: ليه تونا واصلين
راشد: تعبان بروح ارتاح
علي : متى تبي تسافر
راشد: خلال هـ اليومين شوف امورك وروح معي
علي : اذا اخذت اجازه من الشغل رحت معك
راشد: زين سلام ويروح
~ . <* >.~
جنوب افريقيا
مدينة كاب تاون
في الفندق
بعد وصولهم هدهم التعب وناموا على طول والمنطقه كثير حلوه وخلابه تعد خامس مدينه سياحيه بالعالم لجمالها لانها دافيه عكس الدول الاوربيه بعد ما اكلوا فطورهم خرجوا لجوله سياحيه في المنطقه ..
اصايل كل فكرها ان المناطق هذى لصيد الغزلان وما عندها أي معلومه عنها لكن حمد زارها قبل وصاير لها مرشد سياحي: ابي اشوف الغزلان
حمد : واليه وش تبين فيها
اصايل : ابد كل ما نشوفها بالصور ولا على التلفزيون ابي اشوفها على الطبيعه يقولون شكلها فتان
حمد : ناظرها بحب و ماهمه بالسواق الي معه وتكلم بصوت عالي لانه ضامن انه ما يعرف عربي : حسبي الله على عدوينك انتي وش مسويه فيني يابنت انتي الغزلان لو شافتك بتذوب ارحميني حبك فتان
اصايل انصبغ وجها الوان هبل فيها بكلامه مهي قادره تصدق انه صدق هذا هو نفسه حمد
~ . <* >.~
بيت ابو عامر
مها : من بعد المكالمة ما خرجت من غرفتها و حتي جوالها معد ترد على احد و اذا نامت يكون وقت صحيه امها عشان ما تبي تقابل احد بالبيت وضعف جسمها
ام عامر : جاتها بغرفتها : مها وش فيك ليه حابسه عمرك بغرفتك هذا كله عشان راشد مسافر
مها: لفت تشوف امها وبيدها روبها توها خارجه من الحمام علقته مصدومه من الي تسمعه مسافر وتاركها لوحدها ..ولو امها تفهم بلغة العيون كان عرفت الي فيها
ام عامر : وش فيك احسبي حسابك انا كلمت ابوك نبي نسافر نهايه الشهر عشان ادبشين للعرس
مها : تعطيها ظهرها وبلعت ريقها وهمست : لا ما ابي اسافر
ام عامر: وليه ان شاء الله كيف تبين تجهزين
مها : يمه انا تعبانه بعدين مهو بوقته الحين
ام عامر : وش متعبك مغير نايمه طول الوقت وكيف مهو بوقته انا مكلمه ام راشد اذا رجع نبي نحدد موعد العرس باجازه الصيف وانتي اذا كلمتيه خبريه اني ابيه اول الاجازه..عشان الحق اسافر
مها:تسمع كلامها وهي منزله راسها ترتب في صندوق صغير عشان محد يشوف عيونها وتنطعن مليون مره مع كل كلمه أي عرس واي دبش وهي ما تعرف مصيرها معه تمسح دمعتها الي نزلت و ردت بهمس : ان شاء الله
ام عامر : انزلي كليلك شي شوفي وشلون جسمك صاير ما صارت هذى وبعدك ما لفيتي تجهزين ونحفتي
مها:تنهدت بداخلها وصدرها ضايق : يمه انا توني أكله وابي انام
ام عامر : زين كل ما كلمناك قلتي ابي انام ما صارت بكره بصحيك بتروحين معي عندنا جمعه فطور وام راشد تبي تشوفك
مها: لا ما ابي اروح
ام عامر: خير وش عندك متبين تروحين
مها: تلف تواجه امها : يمه معليش انا اخجل من الجلسه معها سلمي لي عليها
ام عامر : زين وتخرج
مها : قفلت الباب وجلست عند الباب وتبكي
~ . <* >.~
في المطار
عامر خلص كل اوراق الشغاله وصدمتها كبيره يوم شافته ما خذها للمطار وانهم بيسفرونها وبدون ما تعرف أي شي
31-10-10, 11:16 PM
جديد مواضيع قسم القصص المكتملة (بدون ردود)
العرض العادي
