الفصل الع ــــــــشــــرون
تعدد الزوجات حكمه الاهيه يغفل عنها الكثير... فالنساء تثور بمجرد سماعها لها و يفرح الرجل من سماعها حتى وان لم يفكر بالتعدد والزواج بغير واحده..
بيت هزاع
بيته كبير مكون من فلتين بسور واحد وكل وحده من زوجاته في فلتها والغداء كل يوم عند وحده أم شمايل عندها خمسه بنات و أم خوله اربع بنات اصغر بنت عنده في الابتدائي و بناته كلهم لازم يكنون موجودين على الغداء يوم يكون فيه عودهم من صغرهم قلوبهم تكون على بعض و ما يفرق بينهم والي يشوفهم يضنهم بنات حرمه وحده مهو ثنتين بس الامر ما يخلوا من بعض المشادات احيان بين الاخوان وهذا امر لابد منه
اصايل جالسه بغرفتها المشتركه مع اختها شمايل وهي متنكده من الخبر الي سمعته..و تتذكر مواقفها معه وتحكمه فيها وهي صغيره واكثر موقف اثر فيها يوم ضربها وهي سادس ابتدائي عمرها وقتها ما كمل 13 سنه حصلها بدون عبايه ولا شيله وسط العمال و طردها و رمت عليه الحجر و صدات جبهته وكونت له علامه فارقه ومن وقتها ابوها عاقبها ما تروح المزرعه لوحدها اذا ما معها وحده من أخواتها لانها ما كانت تفارقه حتى بمجالس الرجال الي يجتمعون بالبيت او المزرعه..وكان يشوفها الولد الي ما جابه فيها ..وهي عمرها ما فكرة انها تعرس ..ولا كان عندها احلام مراهقه مثل البنات كل حياتها جد بجد و تضحك على اخواتها و دلعهم .. شمايل : دخلت عليها : قومي انتي لين الحين ضاربه الصمت ما صارت هذى ابي اعرف انتي ليه ما تبينه..وتجلس عندها على السرير ..شوفي لو أي احد ثاني كان قلت لك معليش تشلين همه لكن حمد الكل يعرفه و لاتنسين حب ابوي له من صغره
اصايل : وهي تلهي عمرها وتحرك اصابعها على رسمه في مفرشها و متوتره :بس انا عمري ما فكرت اعرس بيوم ..
شمايل : تمسك يدها الي تمشيها على الرسم : ناظريني وش فيك انتي بنت مثلك مثل غيرك اذا مهو اليوم اعرستي بيجيك يوم مهما طال بك الوقت ولا وش تبين تضلين كذا مثل بيت الوقف
اصايل: ترفع عينها وتناظرها : انا مقدر اخلي احد يتحكم فيني مقدر صدقيني وحمد من صغره اذا قال الكلمه ما يحب احد يرده فيها
شمايل : ايش الي عرفك بحمد انتي عهدك به واحنا اصغار وحنا حتى سلام ابوي ما يخلينا نقوله لحد من عيال عمنا..اذا عدينا من عندهم ..وبعدين انتي الحين تشوفين ابوي متحكم فينا ..حياتك معه بتكون عاديه ابنيها على التفاهم
اصايل : خلاص خذيه انتي انا لا..وسكتت دخلو عليها اخواتها
شيماء: عمرها 19 سنه في الجامعه : يووووه العروس وش فيها
خوله :ثانيه ثنوي : ههههههه شوفي اذا ما تبينه انا ابيه ..وتحرك حواجبها
شيماء ضربتها على ظهرها : احلفي انتي كان ذبحتك انا قبلك ما تتخطيني سامعه اصول خلاص ارفضيه انا ابيه هو الوحده طول هذا الزمن تحصل رجال يبيها ..
~~*~*~~
بيت ابو ملاك
عند الباب بالحديقه
محمد: وعيكم السلام وش هذا خالتي خمس ساعات بالسوق أكيد ما خليتو شي ما اخذتوه
منى: برعب ورجلها مهي شايلتها ترجف بعنف و تمسك بيد ملاك وتدخل خلفها ملاك لحقي هذا الي طيحته بالمسبح
ملاك: تهمس : شو
منى : شوي وتبكي واضح من صوتها : ايه متاكده هو ...ياوووويلي وش جايبه هنا .. خبيني لا يشوفني الحين يفضحني... و عينا على شعره مطوله نازل لحد الرقبه ونعومته متوسطه... وجع من حق من يعلقه بشعره امشي يمه بطني توجعني و تحاول تخبي وجها ورى ظهرها..
ملاك: كتمت ضحكها وتهمس جنب اذنها وهم ماشين : تعرفي من هو الي بدك تعليقيه مع شعره
منى: شافت محمد لف عليه حاسه خلاص دمعتها على وشك طيح و تدف ملاك من كتفها تبيها تمشي وهي جنبها عشان محد يشوفها :ياربي وش البلشه ما ابي عرف امشي ..شوفي محمد وشلون يناظرني يمه بيذبحني لو عرف
محمد: شاف منى وهي منخشه خلف ملاك ويضحك بصوت : يوووووووه نسيتك يالحبيب اليوم السعد عندك هذى فرصه وجاتك من السماء ما راح فوتها عليك معني كان ودي اعذبك و ما تشوفها
خالد :( شافها وهي نازله من السياره ونزل عينه..وقف على جنب شوي عشان يعدون وحس بمشاعر فرح عارمه بتقتله ولا ارادي عضلات وجهه تبتسم .. ونقهر من تعليق محمد عليه و عينه على محمد ويكلمه بصوت واطي ) : أكيد منت شايف غزالي بضيع العلوم
محمد: يشوف خالته الي قربت منهم : ههههههه خل عند حياء شوي ...خالتي هذا خالد
ام احمد: شبهته لأخته الكبيره قبل ما يخبرها وعرفت انه هو و هي واقفه على جنب بعيده عنهم شوي : هلا ولدي وش اخبارك
خالد : منحرج منها : حمد لله عمتي .........حمدلله على السلامه
ام احمد: الله يسلمك وش اخبار اهلك عساهم بخير
خالد : وهو ما يناظر فيها : الحمد لله كلهم بخير
محمد: يقرب يسحب منى الي بتعدي وتطلع الدرج ..و طلعوا ملاك ومي وملاك لتفتت عليها تبي تشوف رد فعلها اذا عرفت : تعالي... شوف هذى مني الي دوختنا عليها نزلي النظاره عشان يشوف عيونك خالد
منى: عينها على الارض وبلعت ريقها يوم سحبها ضنته عرف بالمصيبه الي سوتها لمن شافت خالد يكلمه و ما سمعت وش قال....ويوم سمعته الاسم رفعت و جها وعيونها جاحضه فيه و يوم تكلمت طلع صوتها فيه بحه من خوفها : انت هووو ؟؟؟
محمد: هههههههههه وش فيك وش الي انت هو ..ولا يهمك اذا معجبك نغيره لك ويضرب خالد على كتفه هههههه..شافه متنح فيها
خالد : يناظر فيها مهو مصدق انها واقفه قدامه وده يسحب نظارتها ويشوف عيونها ...يوووه لا تفضحنا الخبله و بيموت من الضحك على رد فعلها ..ولف لمحمد وده يذبحه على كلمته و ثبت صوته عشان يظهر صافي بدون توتر من شوفته لها :وش اخبارك منى
منى : ظلت متنحه مهي مستوعبه الي يصير وهي تشوفه قدامها ..
محمد: وش فيك ما تردين عليه وين راح لسانك لا تخلينه يضن انك خرساء
منى : راحت تركض مع الدرج بشكل يضحك وجات تتعثر ..ودمعتها على خدها
الكل : هههههههههههههههههههههه
ام احمد:و اقفه قريب منها وهي مبتسمه لرد فعلها وحمدت ربها انها سكتت عن خبالها : محمد وبعدين معك انت خجلتها ...وتناظر خالد ...مع السلامه يا ولدي و سلملي على اهلك
خالد :و يسمي عليها لمن شافها بطيح بداخله : يوصل ان شاء الله مع السلامه ....واول ما راحوا يضرب محمد على كتفه : خبل انت تخجلها كذا قدام الكل
محمد: هههههههههه خلها تستاهل طويلة اللسان ..
خالد : وهو مبتسم و الضحكه بعيونه: محمد لا تخليني اذبحك الحين اتركها بحالها
محمد: ههههههههه انت وش عندك حضرتك مستخف عليها يا حبيبي ويدافع عنها بعد اقول يا حبيب مهو شفتها يالله امش اشوف قدامي وحلم لو خليتك تشوفها مره ثانيه
~~*~*~~
بيت هزاع
غرفة البنات
خوله : تجلس على سرير شمايل : ايه والله انا اذا شفت البنات الي بالثانوي وش كثرهم هذول من يبي يزوجهم..مدرستنا لوحدها خمس امية طالبه
شيماء : تجلس عند خوله وتتربع : اجل لو شفتي بنات الجامعه وش تقولين هم على القلب صايرين مثل الدود يالطيف ..
اصايل : لفت عليهم وبعصبيه : مالت عليك انتي وهي وش جايبكم الحين ما عندكم دراسه واذا العرس اعرسوا محد ردكم يا قليلات الحيا
شيماء: وهي تضحك : اقول اخوي اصيل تكفى نبي نفرح فيك قبل بس وافق انت ....اخواتها دايم ينادونها اصيل لانها تامر وتنهي في كل شي ما يعجبها مثل العيال
اصايل : ودها تقوم تكفخها
خوله : بجد اصيل الحين ليه ما توفقين عليه ..شوفي بجد اذا ماتبينه انا ماراح خليه يضيع من يدي عريس وجانا فرصه هههههه
شيماء : هجمت عليها خنقتها بالمخده وتصرخ : استحي على وجهك يالمقروده على بالك بخليك تتخطيني احلمي
ناظروا في بعض شمايل واصايل
شمايل : فهمت من نظرتها : ياويلك تفكرين ترفضينه عشاني الزواج قسمه ونصيب وانا الي يشوفني اصلا يضن اصغر منكم و تلعب بشعرها
اصايل : لفت على خواتها الي يصرخون على بعض : بنت انتي وهي بطلوا حركات الخبال
شيماء : تضقط اكثر على خوله و تلف عليها : قولي انك موافقه واطلق سراحها
شمايل : تضحك عليهم ..
اصايل قامت تفك بينهم عصبوها : قومي عنها ياخبله ذبحتيها وترفع المخده عن خوله الي ميته ضحك وجها احمر ..رجعت رمتها عليها ..وجع مالت عليك انتي وهي
شمايل : سحبتها مع بلوزة بجامتها جلستها عندها :خليك منهم خلاص بنات خلونا نتكل بجد اصايل اذا رافضه عشان انا اكبر منك لا تحطين هذا الشي في بالك سامعه و بعدين تحمدين ربك انك بتكونين عند عمتي الوحده بهذا الزمن لازم مهو بس الرجال يكون طيب تشوف اهله بعد وعمتي ام ابراهيم ولا نوره حتى مرة ابراهيم مريم مثل العسل
اصايل مهي قادره تناظر فيهم وهي حاسه بحرج غير طبيعي اول مره تشعر فيه
~~*~*~~
بيت ابو ابراهيم
حمد نزل من غرفته وريحة العطر تسبقه متسبحه فيه ودخل الصاله وامه جالسه وحب راسها : وش علومك يا زين البنات
ام حمد : وهي مبتسمه : بخير عساك سالم يازين الشباب..على وين العزم
حمد : يوقف عند مراية المدخل و يلبس شماغه : وش رايك يا زين البنات تروحين معي عند بنتك الشينه
ام ابراهيم :الله معك ماني مخليه مريم لوحدها بالبيت .. واذا هي شينه وش تبي فيها تروح لها
حمد : يشوف امه من المرايه وهو يعدل العقال :وش اسوي ما جبتيلي غيرها ياليتك جبتيلنا لو نص درزن مثل خالي هزاع كان لعبت بحسبتهم الحين
ام ابراهيم : ههههههه الله يهديك ويصلحك بس انت وحده وجننتك كيف لونهم اكثر
حمد : ما نتبه امه وش قالت كان يعدل شماغه يوزنها على جبهته و مسح على الثر الضربه
~~*~*~~
بيت عامر
بعد مضي ساعه ونصف
نوره : لابسه جلالها و ورايحه جهة باب البيت تبي تخرج معد هي قادره تتحمل اكثر الجلسه وهي مهي داريه وينهم و محد يرد حتى بعد الجوال مارجع يمسك الاتصال ..
مها : واقفه خلفها و كل ما سكتت رجع تبكي ..وحاسه بالذنب بشكل فضيع يقطع كل اوردتها : وين تبين تروحين الله يخليك لا تخرجين شوفي انتي وش لابسه ..وبخوف اكثر ..يمكن احد منهم يدخل علينا ولا يكنون مراقبين البيت يقتلونا
نوره : يتوتر وصل حده عندها : بس سكتي ابي اعرف عامر وين اختفي ما يرد ..ودمعت عينها ..قلبي ما كلني عليهم ما تفهمين .. على فتحتها للباب الا عامر بوجها ..
عامر : وهو مبتسم : وش فيك وين تبين خارجه كذا
نوره : صارت تصيح بصوت
عامر : بسم الله الرحمن الرحيم وش فيك صاير عليكم شي ..ويشوف مها كمان تبكي معها
نوره : مسكت فيه وهي تردد : الحمد لله الحمد لله ...وين اختفيت حمد وينه فيه ...
عامر : بسم الله وش صاير فيك حمد شوفيه وراي و يبعد عن الباب يخليها تشوف حمد الي بعده في الحوش ..
نوره : حظنته بقوه وما قدرت تتكلم
مها : سجدة سجود شكر وهي تبكي وتحمد ربها الي رجعوا بخير ..
حمد : وهو طالع مع الدرج ويشوف نوره وهي حاضنه عامر و مهو داري وش صاير : احم ..احم..لنا الله احنا العزابيه ما عندنا احد يستقبلنا بالاحضان ..استحي على وجهك يالشينه قدامي تتحضنين فيه بعد
مها سمعت الصوت دخلت على جوه بالصاله
نوره لفت عليه وحضنته وهي تبكي
حمد : ههههههههه وش صاير عبرتيني وحسيتي بلوعتي اني فاقد حنان ..
عامر : نوره وش فيك..... و يمسكها مع يدها
نوره : بعدت وضربت حمد على كتفه وصوتها متوتر يظهر مدى خوفها : وين رحت انت وهو ليه ما تردون على جولاتكم جيت اموت
عامر : سلامتك من الموت وخليك من اخوك الدب و يحط يده على كتفها و يضمها له ..جوالي نسيته فوق بالغرفه ..وانا كنت عند يزيد في بيته
نوره : وانت وين جوالك ..
حمد : هههههههه لا يكون ظنيتي انا مخبل نبي نروح نتفرج على طلق النار ..جوالي خلص شحنه ..
عامر : باس راسها الله يخليك لي يا عمري داري بغلاي بقلبك بس اول مره ادري ان الدب له غلا في قلبك
حمد : مالدب غيرك يالمنتفخ من اكل اختي اكيد تحبني اكثر منك ..ويلف ويصرخ ..ياااااعمري وينحني ويفتح يدينه ..فديتك تعالي متى خطيتي خطوتك الاولي و انا ما صورتك
عامر ونوره لفوا الا يشفون شروق واقفه من عند العابها و جايه جهتهم تحاول تمشي و تتمايل و تردد : ابه اا
عامر : راح لها وشالها وطيرها بالجو وباسها : فديت الي ترحب بابوها وسلامته مثل امها و يبوسها بقوه على خدها .. ويتكلم ويضحك ...نوره جيبي غيرها خلاص كبرت البنت صارت تمشي
نوره : جات اخذت بنتها وباستها: تقولك عيب يا بابا انا صغيره
حمد يسحبها من يد نوره : ستحوا على وجيهكم وعبروني انا وهي عيب الي تقولونه قدامنا ..روحوا الحين جيبوا غيرها وخلونا انا والقمر نتغزل فبعض ويبوسها ..
نوره : سحبت بنتها وهي منحرجه منه ومن كلامه : مالت عليك بعد ما ارعبتني ياليت اصايل ماترد عليك وتبهذلك
حمد نضرها نضرت تهديد انه بيخنقها : مالت عليك يالشينه
~~*~*~~
بعد كم يوم من الحادثه السابقه التي ما كان ضحايها سوي مجموعه من الشباب المنحرف لم تتجاوز اعمارهم الثانيه والعشرين فهم اخطر فئه عمريه سهلة التضليل و النحراف خلف الافكار الهدامه والضاره
..يوم ملكه مها
بيت يزيد :
يزيد : جالس على السرير : لا تعب عليك تروحين لها يمكن زحمه خليها هي تجيك البيت
هند: واقفه عند التسريحه تمشط شعرها توها ما خذه شور : حبيبي بروح مع نوره هي حاجزه لنا
يزيد: لا اتصلوا عليها ونوره تجي هنا و اذا تبي هي تروح بروحها هي حره انتي تعب عليك وما ابي احد يشوف شعرك اخاف عليك
هند: ناظرت فيه من المرايه وهي تضحك : قول كذا كله عشان شعري حبيبي من الحين اذا ما جات بروح معها اوكي
يزيد: اتصلي اول ونشوف
هند: بكلم نوره هي تعرفها..ولفت عليه و مشيت
يزيد: تعالي وين رايحه
هند: بروح اكلمها
يزيد: كلميها هنا عشان ما تقصين علي
هند: حبيبي حرام عليك انا عمري كذبت عليك
يزيد: يسحبها ويجلسها عنده ويعطيها سماعة التلفون الي على الكمدينو : لا يا قلبي خذي كلمي ويلعب بشعرها
هند: انت وش فيك اليوم من الصباح و انت متوتر
يزيد: ما فيني شي ويتصل على بيت عامر خذى
هند: اخذت السماعه وسكتت لمن سمعت الرد : هلا حبيبتي شهود فين ماما
شهد : عمه هند
هند: ايه حبيبتي ماما عندك
شهد : تنوم شروق الحين اناديها
هند: اوكي روحي بسرعه
يزيد: ماسك شعرها شمه و يتكلم بزعل: الحين انتي كل احد تقولين له حبيبي ما صارت
هند: تمسك خده: ايه بس انت حبك غير
يزيد: ياويل حالي جننتيني
نوره: الو
هند: هلا
نوره: وهي تضحك : هيه خبلتي بولد عمتي خفي عليه
هند: هههههه مهو بيدي
نوره : وش عندك جهزتي خلاص
هند: لا يا طويله العمر ابيك تكلمينها وتخلينها تجي على البيت
نوره: ليه ان شاء الله
هند: وهي ترفع حواجبها له :يزيد مهو براضي اني اروح يبيها هي تجي
نوره: ههههههههههههه ايه خبلتي بالرجال وبعدين تقولين ما يبيك تروحين
هند: هههههههههه المهم كلميها زين
نوره : الله يعيني عليك انتي ورجالك قولي امين
هند: امين
يزيد: وش عندها
هند: تدعي عليك
نوره : يا الظالمه
يزيد: وتقولين امين ...ياخذ السماعه ...نويروه وش عندك تدعين علي
هند: ههههههههههههههههه
نوره : كذابه وانت وش عندك ما تبيها تروح هاااااه
يزيد: كيفي ؟؟
هند: تاخذ السماعه : وش عندك تكلمها اغار ترا
نوره: مالت عليك تغارين على ويش ياحسره
هند : وشوووووو لا عيوني هذا زيود حياتي وروحي وعمري مرضي فيه
يزيد: هههههههههههههههههه وش قالت الي عصبتي عليها
هند: صبر
نوره: هههههه ايه خليه ينفعك ماراح كلمها وخليها تجيك بالبيت
هند: لا دخيلك
نوره : زين لا يكثر كلامك عطلتيني الحين اشوفها لك
هند: بتجين عندي
نوره : لا ياحلوه بخليها تجي عندي وانتي تعالي
هند: زين كلميها
نوره : سلام ورخت
يزيد: وش قالت
هند: الحين تشوف و بتجي عندها بالبيت
يزيد : وليه مهو هي تجي هنا
هند : وليش انا ما روح عندها هي حرام عندها بناتها
يزيد : المهم شعرك تلفينه لا شوفك فاردته (فالته)
هند: تحت امرك اوامر اخري ياحلو
يزيد: لا ياقلبي
هند: تمسك يده وبهدوء : حبيبي وش فيك اليوم حاسه انك مضايق
يزيد: يبوس يدها وهو يناظرها : هنو حبيبتي لا تزعلين اذا امي سمعتك كلمتين
هند: حياتي هذا الي موترك
يزيد: ايه خايف عليك
هند: يابعد عمري انتم عيالها ما سلمتم منها تبيني انا اسلم منها وبعدين هي مثل امي يعني لو تكلمت عمري ماراح ازعل منها لانها جابت لهدنيا احلي زيود
يزيد: يحضنها : : الله يقدرني و اسعدك يا قلبي و يحس بحركة بطنها هو وش قصته كل ما قربت منك يتحرك
هند: هههههههه شكله مثل ابوه غيار
يزيد: لنا حق انغار مدام انتي عندنا
~~*~*~~
سيارة ابراهيم
ابراهيم: انتبهي اياني وياك اسمع امي تقول انك اتحركتي من مكانك
مريم: ليه موصيها تراقبني
ابرهيم : ايه ونوره بعد و انا كم مريم عندي
مريم : لا يا حياتي قول انك خايف على ولدك اكثر مني
ابراهيم: ايه خايف عليه بس مهو كثر خوفي عليك لا نه لو بيتاذى انتي الي بتتعبين مهو هو
مريم: فالك ما قبلناه الله يخليه لنا
ابراهيم : امين ويخليك لي بعد ولا يتعبك حبيبتي مثل ما وصيتك و اذا حسيتي أي تعب كلميني اجي اخذك زين مهو لازم تكملين السهره
مريم : حياتي لا تخاف ...و تقرص عيونها فيه من خلال النقاب ..انت انتبه لعمرك مهو يخدعك احد ويزوجك بنته
ابراهيم : هههههههه احبك ياغياره
مريم: ايه اغار ولا ناسي الي صار العام
ابراهيم : ههههههههههههههههه لا يمعوده بغيتي تموتين علي وتبيني انسي
مريم: ايه حسبت بعد
ابراهيم : يالله ياقلبي نزلي وصلنا
مريم: سلام حبيبي
ابراهيم: حبيبتي لا تنسين وانا بكلمك كل شوى
مريم : اوكي ياعمري سلام
ابراهيم : سلام ((آآآآآه ياقلبي عليك تعبانه وتكابرين وما تبيني احس بشي الله يحفظ لك حملك ويفرح قلبك ويفرحني معك ودخل عند الرجال وشاف بوجه الشايب وضحك وراح سلم عليه
هذا الشايب العام كان مسوي عشاء و ابراهيم والعيال ساعدوه بالخدمه وبعد ما راحوا شوي من المعازيم
الشايب : ابراهيم
ابراهيم: هلا ياعم امر
الشايب : عاجبه ابراهيم : ما يامر عليك عدو اشهدوا علي يا لحاضرين ابراهيم رجال والنعم فيه ما ينعاب بشي واذا هو موافق ترا بنتي جاته حليله له
ابراهيم : انصدم والعيال معه محد قدر يتكلم من الصدمه
ابو ابراهيم : شاف ولده وهو متفاجي من الخبر و دارك الموقف : والنعم فيك يا ابو فهد لكن السموحه منك وقدام كل الحاضرين ولدي متزوج و ما له هواء بالعرس مره ثانيه وهذا هو قدامك و اخذ رائيه
ابراهيم: ايه ياعم السموحه منك ومثل ما قلك الوالد انت الكل يتمنى يناسبك بس اعذرني انا مالي هواء بالعرس مره ثانيه
وبعد ما خرجوا من عنده العيال ميتين من الضحك وهو راح مع عامر على بيتهم عشان ياخذ مريم وعامر خبرهم الي صار ومريم كانت يومها هي تعبانه من الصدمه اغمي عليها وبعدها بفتره اجهضت
~~*~*~~
بعد ما انتهوا هند ونوره
هند: نوره انا باخذ شهودى معي البيت ابي اروح البس
نوره : كلمتي يزيد يجي عامر مع عمي مهو فاضي
هند: ايه الحين يوصل عجلي انتي ما يبي يتاخر عليهم
شوق : عمه بلوح معك
نوره : روحي بس لا تعدمين ملابسك
هند: يالله حبايبي
راحت بيتها وبعد مالبست جلست بالصاله معها البنات وشغلت لهم التلفزيون على قنوات الاطفال
يزيد: السلام عليكم هاه جاهزين
هند: ايه
يزيد: يطالع فيها تعالي خرجيلي ثوب هذا تعدم
هند: توقف وتروح معه
يزيد: اول ما طلع فوق لفها له و باس خدودها اول مره يشوفها متزينه كذا : الحين تبين تروحين كذا..ويناظرها من تحت لفوق بكل حب وغيره
هند: ليه وش فيك مهو حلو
يزيد: والله يا خوفي يخطبونك الحريم لعيالهم
هند: ضحكت من قلبها ودمعت عيونها : ههههههههههههههههههههههههه حرام عليك وين يخطبوني وانا بكرشي
يزيد: هههههه يحط يده على بطنها : السموحه يا الاخو نسيتك من جمالها اشوى انك معها عشان محد يحط عينه عليها
هند: ههههه الحين تبي تبدل ولا لا
يزيد : وش رايك تبيني اروح بهـ الشكل قدام الرياجيل
هند: لا والله عشان يقلون مهي مهتمه فيه تعال اشوف وتدخل الغرفه وتعطيه الثوب خذ هذا الاسود حلو عليك
يزيد: حطيه عندك بدخل اغسل وجهي
هند: بدل الشماغ البس الغتره(ابيض)
يزيد: يمسح وجهه بالمنشفه
هند: البس بنزل اجهز البخور عندك دهن العوده خرجتها قدامك على التسريحه
يزيد: لا تعبين عمرك مهو بلازم بخور
هند: لا عيوني ما تخرج غير مبخرتك وتنزل عنه
يزيد: الله لا يحرمني منك ياقلبي ويحفظك
وصلهم القاعه الي فيها (الملكه)
يزيد: انتبهي لعمرك حبيبتي ويرفع صوته مثل ما وصيتك ام شهد
نوره : لا تشيل هم
هند: وش عندكم
نوره : نزلي تاخرنا وبعدين اخبرك
هند: بعد ما دخلت واضح انها خايفه..وتسمي وحست بنفضه بجسمها كله من توترها
نوره : وش فيك
هند: مدري خايفه
نوره : تعالي نزلي عباتك اول وشايفه هذيك الي هناك لا بسه اسود هي عمتي
هند: ماشاءالله عليها شكلها صغيره
نوره: ههههه سكتي عمتي كبيره بس هي مهتمه بعمرها عشان كذا ما يبين عليها اذا دخلنا سلمي عليها عادي مهي عارفه من انتي من بين المعازيم
هند: ولو سألت
مريم: شافتهم و جاتهم بسرعه : سلام وش فيكم تاخرتو كذا
نوره : وهي تفضخ عباتها عند المدخل وعينها على المرايه : البركه باخوك ومرته
هند:وهي تعطي العامله العبايه تعلقها : احنا حرام عليك
نوره :ايه جالسه تبخره وماتبينا نتاخر
هند:تقرص عينها فيها : يعني يبدل ثوبه وما ابخره ما كنك مبخره رجالك
نوره: ايه مبخرته بس رجالك وش عنده يرجع يغير ثوبه
هند: حرام عليك تعدم من الشغل
مريم : سكتي انتي وهي فضحتونا
ام عامر : مريم وش عندك واقفه هنا
الفصل والثاني و الــــعــــــ 22ـــشـرون
بيت ابو فيصل
جناح فيصل
مكون من غرفه وصاله ومطبخ تحضيري
شذى جالسه في الصاله وزعلانه
فيصل : وهو يلبس بشماغه : ابي اعرف الحين وش مزعلك
شذى : تناظره بقهر : ابد سلامتك بس من يوم جينا وانت بس خارج و تركني لوحدي
فيصل: قلت لك قومي اوصلك عند امك ولا انزلي عند امي اسفل وانتي منتي براضيه
شذى : توقف وتروح عنده وتمسكه مع ثوبه بدلع : بس مهو معقول كل يوم تسهر لين الصبح مع العيال مهي حاله هذى انا بعيش برا على طول عشان ما تسهر مع غيري
فيصل : فديت الدلع وهله الي عليك ..و يبوس خدها..وش تبيني اسوي الشباب كل يوم واحد فيهم مسوي عشاء ..خلاص اوعدك ارد بدري اليوم
شذى : يعني برضه تبي تخرج خلنا نخرج نتعشاء برا انا وانت
فيصل : قلبي خلاص بكره اخرجك وعد ..وشافها كيف لمت فمها بزعل قرصها بشفتها وهو يضحك على زعلها ..
~~*~*~~
ام عامر : مريم وش عندك واقفه هنا
نوره :بلعت ريقها ولف تشوفها لانها واقفه خلفها: هلا عمه ...وتسلم عليها..وتحاول تغطي على هند خلفها وهي عند المرايه تعدل روجها
ام عامر: من يوم خرجت من البيت صايره تكلمها بنفس شينه و تكلمت بنفس خايسه و بصوت واطي عشان المكان الي هم فيه : وين البنات عساك ما جبتيهم
نوره :ضحكت بداخلها الحين مسويه عمرها تخاف عليهم : لا جبتهم ما تحرك عنهم لا تخافين طلعوا فوق مع الشغاله
ام عامر :قرصتها بنظرها بس عشان الي واقفه خلفها وهي شافتهم داخلين مع بعض وتبي تعرف من هي : من الي معك
مريم:يا ربي ما يفوتها شي و تدراكت قبل نوره ترد: امي هذى وحده من الي معي بالمدرسه..شوفي الصدف دخلت هي و نوره مع بعضهم
ام عامر : عدلت صوتها مثل عادتها لمن تكلم أي احد ما تعرفه بكل حب ود : هلا حياك تفضلي نورتينا بجيتك
هند: كانت تشوفها من المرايه حست بخوف منها وبطنها وجعتها بس لمن تاملت وجها فيها شي غريب بعيونها كانها تتظاهر القوه عشان تداري ضعفها من الداخل و سمعت كلامها مع نوره وتبلع ريقها مهي قادره فيه قصه بحلقها وشعور بداخلها ينبها تحذر من قربها رفعت نظرها ولفت تواجها و تسلم عليها : هلا عـ ... خاله وش اخبارك
ام عامر :تتفرسها وتقيم لبسها و هي من أي طبقه وحست ان البنت مستوها شي لانها لابسه فستان راقي و اضح من تصميمه و خامة قماشه و غير القلاده الناعمه الي عليها من حجر الزفير الاخضر وخاتم و احلاق مثلها : الحمد لله
هند: فصلت فستانها عند نفس المصمم الي فصلت عنده نوره الي بالنسبه لها ما يعني لها أي معني غالي بالعكس ما حبت انها تلبس بهذا السعر بس عشان يزيد رضيت فيه وكان عباره فستان ناعم من الحرير بالون الاخضر الغامق وبقصه انبير و باكمام تول من نفس الون : مبروك ما سويتي المها
ام عامر : الله يبارك فيك يالله عن اذنك نتقابل بعد شوي ...مريم دخلي ضيوفك وروحي شوفي اختك تبيك
مريم : زين ...وبعد ما راحت.. وش فيك خايفه باين عليك
هند: اتنهدت ..بقيت اموت خوفتني
نوره: هههههههههه والله لو تعرف لا تذبحنا كلنا
مريم: هههههههههههه امشي وانتى بطلي خوف ما يكفي يزيد كل شوى مزعجني يوصي عليك
هند: يابعد عمري
نوره : امشي اشوف قدامي..صايره بس نجيب اسمه تتغزلين فيه و تضيع علومك
مريم: روحوا انا بطلع عند مها اشوف وش تبي ..
دخلوا ونوره حاولت تجلس مع هند بطاوله مهي بالصدر عشان ما تكون محط انظار عمتها وخبرت أمها بعد ما سلموا عليها ما تجيب سيره لعمتها عشان تعدي الليله على خير ..
هند : دخلت الصاله وشافت فخامتها الي اول مره تدخل مكان بهذا الشكل بس ما بين عليها انها جاهله لهذى الاماكن وكانت نظرتها عاديه للمكان كانها متعوده منذ طفولتها على الرفاهيه والفخامه ..لانها تحمل قناعه ذاتيه بداخلها اوصلتها الى هذه النظره للمور الغريبه عنها ..حاولت تجاري نوره بالكلام وهي تاشر لها على كل وحده تعرفها..بس فيه شعور موترها وتحاول تتجاهله و تذكر ربها كل ما حست فيه
~~*~*~~
العنود بعد محاولات اقنعت اهلها انها تحضر لانها ودها تشوف مريم بس كان كل خوفها انها تبان بفستانها المتواضع بخامته وتفصيله انها مثل سندرلا حين هروبها بملابسها الرثه وسط طبقه مخمليه ..و طبعا مستحيل البنت تحضر فرح مهما كان عمرها الا معها وحده من اهلها و قدرت العنود تقنع مرة اخوها تحضر معها وصلهم ابو ركان القاعه و راح على طول ام راكان من اول ما دخلت وهي عيونها تلف بكل مكان حولها و تتحسر على عيشتهم و العنود لفت انتباهها الفخامه بس حاولت قد ما تقدر ما تركز نظرها بقوه في الشي الي يبين انها مفجوعه ومنبهره فيه بقوه و كانت كل شوي تقرص ام راكان عشان تزل نظرها وهذيك تتحسبن عليها الي جابتها لمكان مثل كذا بعد ما اعطوا المسئوله العبايات الي جات اخذتها منهم ..
ام راكان : شوفي العز تجيك تاخذها منك يووه والله عبينا تفشل شوفي هذى وشلون عبتها ..
العنود : بس لا تفضحينا خليني اشوف مريم وينها تراني حدي متوتره ..عدلى عبات جلبيتك بس ..و تناظر بشكلها في المرايه و تعدل شعرها المقصوص مدرج لنص ظهرها و مكره اطرافه ولابسه فستان ناعم نيلي بقصات مداخله في الصدر و فيه تطريز فضي و مسلوب من اسفل وطويل بين طولها ولون بشرتها الصافيه
ام راكان وهي تعدل العبايه على كتفها وتناظر المرايه وتتكلم بصوت واطي :مالت علي فرحانه بجلبيتي انها من اليشمك ..وحسره شوفي هم وش لابسين ..وضنيت اني بكشخ عندهم فيها.. شكلهم يلبسون مثلها لنوم (جلبيتها تفته فيروزي وكلها تطريز )
العنود : جاتها ضحكه بصوت عالي بس مسكت عمرها على خبال مرة اخوها : ام ركان اركدي الله يخليك لا تفضحينا انتي كذا كنك تقولين لهم شوفونا ما نعرف شي ..
ام ركان : تعدل الجلبيه على بطنها لانها حامل بالشهر السادس وقالتها بطريقه خلت العنود تضحك قصب عنها :ايه انتي يالمتعلمه كانك عايشه بقصر مالت عليك تاملي بالعز يمكن ما يعزمونا مره ثانيه ..(ام راكان بنت عم العنود ما كملت تعليمها وهي اكبر منها بسته سنوات)
العنود : صبرك كان ما خبرت ابو ركان انك جاجده خيره ..وسكتت وهي تاشر لها تكلم مريم ...وبعد ما جاتهم مريم اخذتهم عند نوره وهند و العنود قرصت ام راكان الي لفتت لها الانتباه من كثر ما تركز عينها على الناس ..
مريم : شوفي هذى نوره الي اكلمك عنها وهذى هند مرة يزيد ..
نوره : اكيد العنود صح ..مثل ما تخيلتك
العنود : سلمت عليها ...وش اخبارك انتي والبنات ..ليه كيف تخيلتيني ؟؟
نوره : بخير الله يسلمك ..ابد من كثر ما قعدت راسي مريم من سواليفها عنكم تخيلت شكلك
هند عجبتها العنود لها روح حلوه وجلسوا يسولفون مع بعض حتى بعد ما راحت عنهم مريم ونوره عشان يشفون باقي المعازيم ..
وقبل الزفه اتصل ابو ركان عليهم وطلب منهم يخرجون ..ومع اعتراض مريم على خروجهم المبكر بس ما قدرت تاخرها على اخوها ..وحلف عليها تتعشاء قبل تخرج
~~*~*~~
بيت ابو ملاك
البنات جالسين عند التلفزيون بالصاله الي فوق
منى : وهي تفك شعرها من الشباصه : وش رايكم اقصه
مي : لا بلا جنان هو قصير ولا تنسي كيف تبين تسوين تسريحه بعرسك لازم يطول شوي ..
منى : يووه تصدقين نسيت هههههههه
مي : ههههههه خبله انتي ..
ملاك : جالسه تاكل شكولاته بصمت ..
منى: يالدب يكفيك اكل بتنتفخين ..الا تعالي منتي ناويه تصبغين شعرك وتغيرينه
ملاك : لا ما ابي العب بشعري لونه هو حلو اذا ابغيره اسود
منى : قامت جنبها : خبله انتي الناس تغير شعرها ملون وانتي اسود مجنونه
مي : لا ما يناسبك الاسود ما يلائم لون عيونك وبشرتك
ملاك : طعم الشكولاته صار مر بحلقها ...وتكلمت بحزن : ياما تمنيت يكون شعري اسود ولون عيوني غير ..
محمد: قرب منهم : بس انا عاجبني شعرك ولون عيونك ..مناسبين لك اكثر
منى: يا اخي خاف ربك كل شوي تتغزل قدامي راعي مشاعري
محمد: غطي وجها بكف يده بلعب بوجها : هههههه خبله انتي
منى : سحبت يده : ليه شايفني جايه من مصح حمدلله والشكر وبعدين خلها تصبغ شعرها من باب التغير
محمد : اطلعي منها انتى الي شعرك امية لون تحطين فيه ..يجلس ..ملاك ياويلك تغيرين لونه بزعل عليك ...منى صبيلي شاهي
ملاك : فضلت الصمت و لي كتنفته من يوم كانت في السابعه من عمرها تخاف وتجرحها الكلمه اذا احد تكلم عن بشرتها و لون عيونها ..وراقبتهم بدون ما تتكلم تمنت تكون اخت محمد عشان يعاملها مثل اخواته ..تخاف من نظرته لها تبي نظره اخويه نظره ابويه زوج لا
~~*~*~~
في سيارة ابو ركان
من يوم دخلوا السياره وام ركان تحكي الرجالها عن الفخامه والعز الي هم فيه وش الشي الي شافته
العنود: بس فضحتيني معد اخذك معي مكان مره ثانيه
ام راكان : ههههههه احلمي تخرجين من غيري خلي الواحد يشوف الدنيا والعز..هذا القاعه كذا وشلون بيوتهم
ابو ركان: بعتب ولوم : افااا ماهقيتها منك الحين انا ما ني معيشك
ام ركان : تداركت عمرها : خيرك مغرقنا الله يحفظك بس حلو نشوف الناس كيف عايشه
ابو ركان : تبين تشوفين الخير الي انتي فيه شوفي الي اقل منك لا تناظرين للي اعلى عشان ما تتعبين
العنود : ههههه حلال فيك سامعه يالفشيله انتي كله كوم وخبالها بصالة العشاء شي ما تعرفينه ليه تاخذين منه و بعدين تقولين لوع كبدي
ام راكان : مالت عليك بجرب حرام يعني ..و طول الطريق وهم مناقره هي و العنود وتحكي عن كل شي شافته
~~*~*~~
مر الوقت بسرعه والكل مبسوط وبعد ما دخل راشد عند مها ومعه عمه واخوانها وسلموا عليها وخرجوا وهم بالتصوير
راشد : بكل وقاحه من يوم دخل وهو عينه عليها يتفحصها و قرب منها و بصوت مدروس يذوبها : ياويل حالي كيف بنام اليوم وش رايك اخذك معي
مها : خجله منه و داعبتها نبرت صوته فيها بحه حلوه حبتها..وحمر وجها خجل وبهمس : راشد
راشد: وهو يلتهم وجها و جسمها بعيونه و عينه مركزه على صدرها المفتوح : يا ويلي ما خذه حلا بنات الديره ومجمعتك فيك وبعد بتلوميني ياعيون راشد انتي
مها : تكلم نفسها وهي منزله راسها الله عليكم مكبر كذبكم انتم يا الرياجيل وتجرات و قالتها بصوت واطي : تسلم عيونك
وانزفت بفستانها بالون الفضي واسع من اسفل و عباره عن قطع مناديل منسابه بشكل ريش طائر و الصدر عليه رسمة جسم و راس اوزه تلتف حول الرقبه من جه وحده ويظهر الراس على الكتف من الجه الاخرى والظهر قطعه شفافه مطرزه ..دخلت بكل شموخ ممسكه بيده على ترانيم موسيقي مولفه لها ..و راشد كانت انظاره تلتف لمكن حوله لايفوته نظراتهم ..التي تلتهم ملامحه المبتسمه وبعد مكوته فتره قصيره خرج ..و بدوا يهلون المهنين يباركوا لها وام عامر تقف بجانبها بكل عنجهيه ..
مها : مسكت يد مريم الي و اقفه قربها : مريم وين هند ما جات
مريم : الا جات شوفيها طالعه
ام عامر سمعتهم وتشوف من الي جايه وكانو اكثر من وحده مهي عرفتها وكم وحده حامل
هند:قربت منهم بكل هدوء وبعد ما سلوا عليها الي كانوا قبلها سلمت عليها وهي مبتسمه : بارك الله لكم وجمع بينكم بخير يارب
مها : الله يبارك فيك ..
ام عامر: تمسكها مريم مع يدها وتقرب منها : من بنته هذى الي معك
مريم:حست بتوتر هي ما حسبت اليله عدت على خير : يمه ما تعرفينهم اهلها
ام عامر: وهي تتامل ملامحها : ما شاء الله عليها مزيونه لو مهي بمعرسه كان اخذتها لاخوك بدل الي ماخذها الي ما يندري عن اصلها
مريم : ابتسمت وتكلم نفسها آآآآه يمه لو تعرفين انها مرته كان حطيتي كل عيبه فيها و ما قلتي عنها الي قلتيه
هند: ما حبة وقفتها على الكوشه وترتها والناس تشوفها : الله يسعدك مها مع السلامه
مها: هند تعالي وين رايحه يزيد بياخذك الحين والحفل بعده ما انتها
ام عامر :سمعت كلام مها لان صوتها وصلها تكلمت مع سكوت المطربه و ناظرت مريم ودها تذبحها : آآآه ياقليله الخاتمة تكذبين علي ...وتقرب من مها و هند و تكلمها وهي تغلى ويدها تاكلها وتقطعها بضروسها و تضربها قدام الناس و تكلمت بكل تعالي وكبره وكل كلمه كانها سهم تنقرس بقلب هند ... انتي وش جايبك هو الي باقي ناس حثاله شحاتين ما ينعرف اصلهم يحضرون افراحنا طلعي برا لا شوف وجهك..ولا تفرحين كثير .. منتي مطوله معه ..
مها : يمه الناس بيسمعونك
مريم : يمه لا تفضحينا
ام عامر: و تكلمهم بصوت واطي شوي : سكتي انتي وهي شغلي معكم بالبيت... و تاشر على هند ...هيه انتي طلعي وش تنطرين
نوره : جات تجري من اول ما شافت عمتها عند هند وشكلها معصبه ومريم و مها واقفين عندها : خير وش فيه
ام عامر : طلعي برا يا وجه النحس ..
هند:قوتها نسحبت منها و من توتهرها حركت جنينها السريعه اربكتها و سببت لها مغص اخرسها والدمعه بعينها
ام عامر: روحي انتي واهلك النصابين قدرتوا تقصون على ولدي ولعبتي عليه لعبتك صح بس لاتظنين بطولين معه ..وبتشوفين كان ماهو طردك
بعض الحريم سمعوها : وش فيك يا ام عامر عسى ماشر
ام عامر:عدلت من نبرت صوتها وتتكلم بكبره: ابد سلامتكم بس هذى الي سمعتم عنها و قلت لكم عنها الي يزيد ما خذها الي كان يساعد اهلها وتخزها بعيونها بس قريب بتحضرون عرسه خطبت له وحده من مستواه عشان كذا لما عرس اول ما سوينا له عرس..لانه مهو بعرس وهو ناوي يردها لهلها بعد ما تولد لانه مهو قادر يعيش معها مستوي تفكيرها شعبي
الكل نصدم من كلامها
هند:بصعوبه خرج الكلام من حلقها : الله يسامحك يا عمه وفاضت دموعها على خدها ونزلت تسحب رجولها ما تشوف طريقها
ام عامر: عمى الدبب بعينك ان شاء الله قال عمه قال
نوره تنزل بسرعه و راها
مريم :عاتبت امها بس بصوت واطي عشان محد يسمعها : ليه حرام عليك تسوين فيها كذا
ام عامر:خزتها بعينها تتوعدها : انقلعي عن وجهي وبعدين تعرفين شغلك انتي واختك
مها: جلست على الكرسي وسكتت..و توتر الجو
ام عامر تلحقها بنظراتها وهي خارجه القاعه و عقلها فيه الف مخطط عشان تتخلص منها والي قهرها انه مهتم فيها مخليها من مستواهم ..و راحت لضيوفها تشوفهم وتدخلهم للعشاء
~~*~*~~
في مستشفى الامل
يوسف جالس على السرير ويتامل في من حوله مناظر محزنه اعمار مختلفه عنابر واقسام متعدد حسب الحاله التي وصلوا اليها و دمعت عينه من القهر الذي اصابه على حاله وحال غيره نتيجة ذهاب عقولهم وتعاطيهم المحرمات وحزن على من هم خطهم الشيب وذهبت عقولهم فاليوم بكى من قهره على ما حدث لمسن في الخامسه و الستين دمرت كل خلايا دماغه و بعد علاجه من ادمانها تم نقله الي مستشفى المجانين لانه لم يعد بوعيه .. واخر يعري نفسه من ملابسه بدون وعي منه و يتم عزله و اعطائه جرعات من المنوم وهناك من يضرب راسه في الجدار ويعزل بغرفه محميه باسفنج عازل ..بكى بصمت قاتل على ما اوصله الى هذا المكان بكى قرت عينه التي فقدها وهو ليس بوعيه اطفئت عنه الانوار بوقتها المحدد حتى ينام الكل بعد اعطائهم المهدي و ظل هو عيناه تبرق في الظلام الذى اعتاده لان ذلام روحه يظاهي الظلام الخارجي
~~*~*~~
هند: دخلت صالة الحمامات وهي تبكي وتمسح بدموعها وترجع تنزل مره ثانيه وتحاول تاخذ نفس عميق تعدي اعصابها و تغلصات بطنها ..
نوره: واقفه عندها : هند والي يعافيك لا تبكين انسي الي سمعتيه انتي كنتي متوقعه هـ الشي صح ولا لا
هند: بصوت باكي : تقول أي شي ..تسبني بس ..لا تاخذ يزيد مني ..والله اموت
نوره: تحط يدها على كتفها : يا خبله صدقتي كلامها و انتى تعرفين يزيد وش كثر يعزك عمره ما راح تقدر تخليه يعرس عليك ولا يبعد عنك
هند: وهي تمسح دموعها : مدرى كلامها فيه شي يخوفني احس انه يبي يصير
نوره: خلاص انتي لا تحطين بخاطرك ما راح تقدر تسوي شي وهذا انا قدامك على قد ما كانت تزن على عامر يعرس واخاف ما صار شي الحمدلله
هند: نوره ولي يعافيك يزيد ما ابيه يعرف شي عن الي صار
مريم : دخلت عليهم وباين انها متوتره : هند يزيد ينتظرك برا
هند: خبرتيه الي صار
مريم : هو اتصل علي كانه حاس بالي يصير وعلمته
هند:وبلوم : ليه حرام عليك ليه قلتي له
مريم: وش تبيني اقول خليه يعرف هو مسيره بيعرف اذا مهو منا من كلام الناس الي الحين في الصاله
هند:مسحت دمعتها الي رجعت نزلت وبلعت ريقها : بس هي امك مهما كان
نوره:بعصبيه : بس الكلام الي قالته قدام الحريم ما ينقال
هند: وهي تبكي : هذى امه ما تعرفين قيمتها الا اذا فقدتيها
مريم : تحاول تهديها تعرف درجه احترامها وتقديرها لامها ولك واحد كبير من معاملتها مع عمتها ام ابراهيم : هند حبيبتي امي وحنا نعرف طبعها اكثر منك لا تضنين انها مثل امك الله يرحمها
هند: تمسح دموعها : بس مهما كان ما تخبرينه هذى امه تبينه يشيل بخاطره عليها ...ودق جوالها وله نغمه خاصه
نوره : لا تردين عليه اخرجي له تعالي بسرعه لبسي عباتك
هند: تمسح دموعها والسواد الي تحت عينها ورجعت تحاول تهدي اعصابها : نوره وين بناتك بخذهم معي عشان يسكت طول الطريق ما يعصب
مريم : لا روحي انتى لوحدك وبطريقتك تقدرين تهدينه
هند: ترمي المنديل الي بيدها في السله : ايه بعد ما عصبتيه تبيني اهديه
نوره : روحي وبعدين معك شوفي رجع يتصل
هند: زين وتروح معهم عند الباب و تلبس عباتها وتخرج
~~*~*~~
في الغرفه في القاعه بعد ما الناس قاموا للعشاء هي رجعت عند راشد
راشد : من يوم دخلت عليه وهو مستلمها غزل : حبيبتي يالله انا بوصلك البيت
مها : تفاجئت من طلبه : وشهوووو
راشد: وجهه قريب منها ويشوف حركة ارموشها وتوترها : وش فيك انا مكلم عمي وهو موافق
مها : بدون ما تناظره و نظرها على بحضنها وبصوت واطي : بس امي مستحيل توافق
راشد: بصوت واثق و تحدي : ليه خليها تجي انا بكلمها بروح معك البيت ونجلس على راحتنا ... وبرنه مميزه بصوته و هو يقرب من اذنها ...كيف ما تبين تجلسين معي تبيني اروح
مها : بتهور و ارتباك من قربه وريحه عطره الي حاسه فيها طبعت بجسدها من وقت التصوير الي طغت على عطرها : لا وين تروح
راشد: ضحك برنه مبحوحه: زين ناديها
مها :حاولت تعترض ومنعها و كلمت امها وهي خايفه من رد فعلها وطلبت منها تجي راشد يبيها : الحين جايه
ام عامر : دخلت ضنت انه يبي يخرج : خير وش عندك يا راشد
راشد: حس انها من النوع الي ما يجي الا بالحيله : عمه طلبتك تكفين لا ترديني
ام عامر: عينها على مها : خير وش الي تبيه
راشد: ابي اوصل مها لبيتكم واجلس معها هناك انا كلمت عمي وافق انتي وش رايك
ام عامر: وهي مقهوره من رجالها الي ما يخبرها بشي : زين طالما عمك موافق ليه تاخذون راي
راشد: ولو عمه انتى الخير والبركه و الكل في الكل و كلمتك على راسي
ام عامر : كلامه اشبع غرورها بعد الي صار : انا مجهزه لكم تجلسون هنا اليله مفتوحه الناس ما بعد خرجوا
راشد : بقوة عين: انتوا اجلسوا معهم واحنا نرجع البيت
ام عامر ناظرته بحده : زين شوف واحد من اخوانها خليه يوصلكم
راشد: انا ابي اوصلها بسيارتي مزينها .. اذا تبين يا عمه تعالي معنا
ام عامر : لا روحوا الله يستر عليكم بس هاه ما وصيك سوق زين ونتبه لبنتي
راشد : تامرين امر ومها بعيوني
ام عامر: قهرها الي مدبر كل شي : تسلم ..اخرج قرب السياره على بال ما البسها عباتها
راشد: فرحة نصر صار الي يبيه : ابشري شوفيلي الطريق
ام عامر : وقفت معه وبعد ما خرج رجعت لبنتها وشافتها وهي تلبس بعباتها : سويتي الي براسك ما تستحين على وجهك وش تبيني اقول الناس الي جالسه برا بنتي رايحه معه على البيت لوحدها
مها :بارتباك : يمه انا ما لي دخل هو الي طلب
ام عامر: وليه ما قلتيله لا من البدايه روحي وشغلك معي بعدين انتم منتم جايبينها لبر لا انتي ولا اخوانك واياني وياك تروحين من هنا ولا من هنا على البيت عدل والحين انا جايه وراك ..ماني مطوله
مها: زين
ام عامر: يالله قدامي لا احد يشوفك من المعازيم وتخرج معها
~~*~*~~
هند: دخلت السياره الي واقفه قدام الباب بهدوء وهي تفكر كيف ممكن تهديه اذا عصب و تهدي خوفها الي ينهش قلبها : السلام عيكم
يزيد: وعليكم السلام... وش الي صار
هند: تحاول انها ما تبكي : حبيبي ليه معصب ما صار شي وكل الي صار متوقع و زين الي جاء على قد كذا
يزيد: كل هذا وتقولين شي بسيط
هند: تحط يدها على كتفه حبيبي اذا تبي تزعلني منك تسوق وانت معصب وتمسك يده وتحطها على بطنها عشان خاطر ولدنا لا تزعل هذى مهما كان امك شوف انت وشكثر تحب ولدك هي بعد تحبك
يزيد: سيارته قزازها مخفي(مظلل)تنهد بصوت مسموع وده يشوف وجها و باس راسها: الله يخليك لي ولا يحرمني منك و هنياله والدي لانك امه
هند:ارتاحت شوي من ردة فعله : امين و يحفضكم لي ولا يحرمنى منك
~~*~*~~
راشد :مشغل المسجل اغاني رمنسيه و يمشي على مهل وماسك يدها:حبيبتي وش رايك نروح أي مطعم
مها : من يوم طلعت السياره وهي موترها بحركاته وغزله جري ولا عليه يقول كل الي في باله بصوت هامس : لا
راشد: يا عمري من اش خايفه
مها: امي مستحيل توافق
راشد: بس انتى زوجتي الحين وش فيها اذا خرجتي معي ..
مها : حبيبي معليش ياليت نروح البيت أكيد امي بتوصل قبلنا
راشد: وش قلتي حبيبي يازينها من صوتك الي ما يمل الواحد من سماعه
مها: راشد وبعدين
راشد: هههههههههه احبك ياقلبي خبلتيني من يوم شفتك خليني اخرج حره الكم شهر الي وانت بعيده عني و يبوس يدها
مها: راشد خلاص ...و رن جواله مها بدلع .. ليه ما ترد عليه حرام هذى ثانى مره يدق
راشد: ما عليك منهم العيال عارفين اني معك (ورجع الجوال يدق اخذه وقفله ) اقفله وارتاح منهم
مها: لو رديت عليهم وش فيها
راشد: ليه ارد عليهم وانا معي القمر الليله (ويكلم نفسه لو تدرين من الي تبيني ارد عليهم كان متي مكانك ولا تطلبين مني اكلمهم )
~~*~*~~
عدت الايام سريعه كحركة الامواج المتلاطمه لا يلحق بها احد وتختفي وخلال هذا الاسبوع ام احمد ما خلت سوق ما راحته و اخذت كل شي للبنات وهم معاها ومنى ما قابلت خالد خلال هذى الاسبوع ومحمد اكثر وقته مع خالد وما كان يشوفهم الا على العشاء والفطور وملاك سكنت روحها بضن امها مره ثانيه الي فقدته من سنوات ...
ام عامر مانجح مخططها الي كانت ناويه لهند عليه بسبب ارتفاع حرارتها بعد الملكه بيو و الانفلونزا المصاحبه له ..
بيت ابو ملاك ..
محمد: خالد ادخل المجلس الحين اجيك
خالد: شفت لا تأخرت ياويلك مهو تحصلهم جالسين وتنسي عمرك
محمد: هههههه اذا القمر فيه انسى اني اجيك.....يبي يحرق له اعصابه
خالد:تكلم بقهر : وجع زين حن على ورسلي قمري تجلس معي
محمد:حس بصدق هذى الايام بمدى حبه لمنى بس الي كان مستغرب منه كيف ممكن الشخص يحب انسان ما يعرفه بس لمجرد الفكره انه بينهم راح يكون ارتباط : اقول اول املك عليها وبعدين قول تجلس معي
خالد : بجديه : يالله احنا فيها نادي عمتي اكلمها
محمد: ويطلع الدرج : ههههههههه احلم باي
خالد: يرفع صوته وياشر بيده : ياويلك اذا تاخرت خمس دقائق معك ولا بتحصلني على راسك ... ويروح يمشي للمجلس شافها جالسه وقف يتاملها لثواني بصمت كانت لحظات بالنسبه له كرحله من الارض لسماء اسكنت مشاعره ..وعلت الابتسامه الا أراديه محياه وغمض عيونه ي خزن صورتها بذاكرته مع الصوره السابقه و تنهد بعمق و مشي بخطوات واثقه و هاديه ...آآآآآآه يا سعدى وهناى ويقرب منها وهي مهي منتبه : مساء الفل والاحساس والطيبه على احلى قمر اليله انجلى بين الغيوم ينور حياتي ..
منى: سمعت صوته ولفت بسرعه عليه كانه احد ضاربها بمطرقه على راسها وتوقف متروعه وتروح بتعدي من جنبه ويمسكها مع يدها (لابسه بنطلون حينز واسع وجكت احمر فوق الركبه و متحجبه )
خالد: مسكها بكل تملك ما يبي يفقدها قبل ما يعرف اخبارها و يطرب اذنه بصوتها : على وين
منى: ترتعش وخايفه
خالد: ههههههه وش فيك خايفه : تعالي اول شي رجعيلي قلبي الي غرقتيه يومها بمسبحكم
منى:تتلفت ونادت بصوت يرجف :يمه.. محمد
خالد: عاجبه شكلها كانها طفله احد مرعبها بشي تخاف منه : ههههههه ناديه ما يهمني انتي لي يا حياتي من يومها وانتي فبالي طول الوقت
منى:من ربكتها وخوفها قرصته بيدها الثانيه عشان يتركها وعينها تلف حولها تبي احد يخلصها رجولها تصلبت مهي قادره تتحرك ويوم تكلمت طلع همس :خويلد
خالد: هههههه حاقده علي خويلد ...آآآآآآآه ذبحتيني يا روح خالد جننتيني صرت اناظر بمحمد وتخيله انتي
منى : بهبالها المعتاد رفعت نظرها له : احلف
خالد: ضحك من قلبه : ههههههههههه مني الله يخليك بطلب منك طلب وتنفذينه وياخذ قلم من جيبه ويكتب بيدها الي ماسكها بقوه عشان ماتهرب
منى: مهي مستوعبه هذا وش يسوي بيدها ما يكفي مسكته لها : وش تسوى شايف يدي سبوره ولا جدار تشخمط عليه
خالد :مهو قادر يمسك عمره عن الضحك على شكلها لونها صاير احمر ويدها مبيضه معد فيها لون وتتريق وتعلق عليه : ههههههههه والله احبك يانضر عيني هذا ايميلي ابيك اتضيفيني عندك ابي اكلمك اليوم
منى: كانه احد يضربها على اذنها : لااااااااا
خالد:بنبرت حزن صادقه : حبيبتي ليش لا الملكه امك مهي براضيه املك حرام عليهم وش يبوني اسوي والله ما راح اطول معك ولا راح اضيعك من دراستك بس اتطمن عليك
منى:تسحب بيدها : ابي يدي
خالد: هههههه وش فيها يدك حبيبتي عسل مثل صاحبتها وش قلتي الساعه عشره انطرك
منى: سحبت يدها بقوه و راحت جري و عدت من الصاله وطلعت فوق
ام احمد: جالسه في الصاله عند التلفزيون :وش فيها
محمد: ههههههه هي وين كانت الي تركض كذا كانه احد يطرد خلفها
ام احمد: تمشي بالحديقه الي برا
محمد: عصب وقف : وكيف خارجه كذا بدون بالطو طويل الخدم فيه برا... (انا راويك يا خالد أكيد قايلها شي )
ام احمد : ما تبي مشاكل بين عيالها : انا اكلمها على لبسها بس انت لا تكلمها
محمد : زين بس لوشفتها برا كذا بحش رجولها ...خالتى بروح المجلس عند خالد خليهم يجيبون العشاء ويخرج
31-10-10, 11:08 PM
جديد مواضيع قسم القصص المكتملة (بدون ردود)
العرض العادي
