الفصل الثاني عشر
عندما نشعر بالحب والسعاده و حضن الأسرة ينتابنا الخوف من فقدانهم بعد الحصول عليهم ونعيش في خوف وترقب مستمر كي لا نخسرهم بأي لحضه ونحاول بكل قوتنا للحفاظ عليها واسعاد من حولنا فيها ...
بيت ابو براهيم
ام ابراهيم :لا بسه شرشف(جلال) الصلاه ولا فته مهو باين منها غير عيونها: هلا والله حيا الله من جانا
يزيد: واقف عند المدخل معه هند : الله يحيك يا خاله ...ويسلم على راسها ....وش اخبارك...
ام ابراهيم : الحمد لله بخير ..وتسلم على هند ...وشلونك يا هند ...وش علومك
هند: هذي ثالث مره تجي تزورهم وحبت ام ابراهيم تذكرها بأمها في طيبتها وتسلم عليها وتحب راسها : الحمد لله بخير بشوفتك يالغاليه وشلونك انتي طمنيني عنك
ام ابراهيم :من اول يوم دخلت قلبها بطيبتها وحشمتها : الله يسلمك ويعافيك دوم يا بنتي و انتي وينك لك اربع ايام ما طليتي علينا
هند: تبتسم و بود : هذاني جيتك يالغاليه
ام ابراهيم : عينها على يزيد :هلا فيك نورتينا بجيتك ...ولا انت ما تجيبها
يزيد: يبي يتهرب شافها حطت عليه : لا ياخاله لا تحطينها في هي ما قالت وكانت تعبانه شوي
ام ابراهيم :مشيت عليها مسكينه : سلامتك ....وش فيك.؟؟
هند: تناظر يزيد بلوم : لا ماني بتعبانه يقص عليك
ام ابراهيم : يا بنتي قلت لك هذا بيتك باي وقت تبين تجين الله يحيك وذا هو ما جابك خبريني و اراويك فيه هو مثل حمد طول وقتهم ما يهجدون بالبيت
يزيد: يضحك و مفرصع عيونه : خاله... حرام عليك ...سئليها طول الوقت بالبيت ما اخرج كثير ...هذاك اول الله يحفظك الحين اعجبك..
ام ابراهيم : الله يوفقك ويحميك لشبابك
هند: من قلبها : امين
يزيد: عينه عليها وبتسم على هند وهي تدعي من قلبها : وين حمد مهو بالمقلط
ام ابراهيم : بغرفته الحين ينزل تعالي ياهند البنات داخل بالصاله
يزيد: زين خبريه اني بالمقلط مع السلامه....ام ابراهيم راحت داخل ... هند
هند: تلف تقابله : هلا
يزيد: يرفع الكيس الي بيده :خذي ولا ما تبينه
هند: تاخذ صينية الحلى منه: نسيته
يزيد: والله انك مضيعه من بعد ما حملتي ...لا تنسين ابي منه مهو كله لكم
هند: تقرب منه وهي مبتسمه وتكلمه بصوت خافت : فيه بالبيت واحد ثاني لك
يزيد: لا انا ابي من هذا مهو بكيفهم بنات عامر يكون لهم شي لوحدهم
هند: ههههه زين يا قلبي ارسلك منه لاني اول ماراح اكل الا معك بالبيت
يزيد:كشر بملامحه : خلاص طلما منتي بماكله انا ما أبي
هند:منحرجه احد يشوفها وهو يستهبل و هي و قفه معه : زيود روح ولا تفضحنى الحين احد يجي وانا و قفه معك
مريم : ترفع صوتها وفيه نبرت ضحك : هلا والله وش عندك واقف معها ما بيكفيك بالبيت
يزيد: لا اله الا الله وانتي وش دخلك هاااااه
مريم : تسلم عليه وعلى هند : دخلني لانها في بيتي روح بيت الشعر ابراهيم وعامر هناك
يزيد: زين طرده حلوه منك انتبهي للحلوه و لولدي سامعه و انتي ..ويمسك يد هند.. مهو تجلسين البنات على رجولك مثل ذيك المره
هند: هههههه زين
يزيد: بيموت من الغيره : تضحكين
مريم : يزيد وبعدين معك روح عنها خلاص
يزيد: سلام وراح
هند ومريم دخلوا الصاله وهم يضحكون وعطت الحلى لمريم والعبايه
نوره : هلا والله وتسلم عليها وش اخبارك يالقاطعه
هند: بخيرالله يسلمك ...وشلونك انتي والبنات
نوره : الحمدلله بخير
شهد: تجي تجري : عمه جيتي
هند: جنانها البنات معد عندها سيره مع يزيد غير على بنات عامر : ايه ياقلب عمه.. وتسلم عليها.. وش اخبار عسولتي الحلوه
شهد :بخير
شوق : كانت عند ابوها ومن اول ما شافت عمها جا وسلمت عليه وكان يبي يمسكها عنده جات تركض : لا حيانه متى ثيتي عمه(لا خيانه متي جيتي)
هند: ههههههه وتبوسها وتاخذها بحضنها :ياروح عمتك انتي ...وتبوسها على خدها ..وشلونك يا قمر
شوق : بحير عمه ثتقت لك
هند: وانا بعد مشتاقه لك انتي وشهودي حيل ...ليه ما خليتي بابا يجيبك انتي وشهودي عندي
نوره : الله يهديك تبيناهم يهبلون فيك بشيطنتهم
هند: ياقلبي عليكم تهبلون وانتم لابسين مثل بعض (نوره ملبسه بناتها الثلاث بنطلونات زيتي و بلوزات اصفر و شعرهم فيه فراشات اصفر صغيره حتى شروق حطين لها مسكه في مقدمت شعرها زي خواتها )لا جد نوره كان خلتيها تجي ذاك اليوم وش عندي فاضيه بالبيت و يازين حركاتهم على قلبي اذا بيونسوني
نوره: تضحك : بيونسونك على طول قريب .....تعالي خبرك يزيد على الخبر الحلو بنكون قريب من بعض
هند: وهي تعدل بشعرها وترجع قصتها على ورا : ايه احلى شي انا بنكون عند بعض عشان اشوفكم باي وقت
مريم: هنيالكم والله يجعله مسكن السعد عليكم
...امين
نوره : خلاص بكره نبي نروح نشوفها مع بعض وبعدين نروح نختار الاثاث
هند: زين... بس الاثاث مدري
مريم: ليه حلو تروحون مع بعض
هند: بحرج وجها محمر:يزيد يقول يبي يجيب كتلوجات ونختار منها ما يبيني الف
مريم : تضحك : الله يسعدكم والله ما تخيلت ان يزيد بيتغير كذا..البركه فيك ياهند
نوره: لا حرام عليك هو من اول طيب ما تشوفينه لما يلعب مع البنات بس احيان عليه حركات و العصبيه بدمهم كلهم يعصبون على أي شيء
مريم : ايه صادقه
هند: يزيد مهو عصبي بس عنيد
مريم : هههههههه بلاك معرفتيه قبل لما يعصب محد يقدر يكلمه
هند: اذكرت الي كان ياخذه وان محد يعرف عنه شي : لا الله يخليه لي ولا يجعلني اشوف
نوره : امين
شوق : من اول وهي تتحرك كانها جالسه على شي حار : عمه ثبتي الحلى
نوره : شوق عيب
هند: نوره تبيني ازعل منك وش عيبه ولا معتبرتني غريبه عنك
نوره : لا والله انك مثل الاخت واكثر
هند: زين لا عد اسمعك تقولين كذا و تلف لشوق ...الي جالسه جنبها وتمسك يدها ...ايه حبيبتي
مريم : روحي المطبخ خلي الشغاله تحط لك وتجيب القهوه وتحط منه عند الرجال وعينها على هند وتبتسم لا يذبحنا عمك شهود حبيبتي روحي معها...راحو الثنتين بسرعه
هند: هههههههههه
نوره : وش عندكم
مريم : يزيد يغار من بناتك
هند : حمر وجها
نوره : ههههههههه ...و تتعدل بجلستها وتسحب مشاية (عربيه الاطفال دون السنه)شروق جنبها...اذا ابوهم يغار منهم ما تبين عمهم يغار
هند: هههههههههه هم وش قصتهم مع الغيره
مريم : ترفع صوتها وهم جالسين مقابلينها على الكنب ..و تأشر بيدها :هيه انتي وهي وش فيكم تحشون في اخواني وقدامي بعد
هند ونوره : ههههههههههههههههههه ...
ابراهيم : دخل عند الباب في الصاله الداخليه و معه يزيد وعمه ابو عامر وينادي : يا ولد ....مريم
مريم : تقوم وتروح عندهم : هلا والله ...هلا بالغالي
يزيد : يضرب كتف ابراهيم ...منهو انا...؟
مريم : مالت ...
يزيد : مرتك هذى محد يسلم منها
براهيم يضحك على يزيد ...: حدك عاد..
مريم : وتسلم على راسه ويده...: وش اخبارك..يبه
ابو عامر : الحمد لله بخير ..انتى وش علومك عساك بخير
مريم : الحمد لله
يزيد: مريم نادي هند تسلم على ابوي
ابرهيم : عن اذنكم ...ويروح
مريم : و انت وش جايبك ... ابوي انا ادخله داخل مافي احد غريب عمتي طلعت غرفتها .. انت روح
يزيد: لا والله اشوف حليت لك طردتي اليوم
مريم: تشهق و ابتسامه على وجها :حرام عليك انا ..؟
يزيد: هذا ابوي شاهد عليك
ابو عامر : وهو واقف بينهم : روحي ناديها وخليه معي أكيد يبي يشوفها ولا ما كان جا
يزيد: يلف على ابوه :يبه حتي انت
مريم : ههههههه تعال ادخل بالمجلس وفتحت انوار المجلس والتكيف ...و دخلتهم وراحت وهي عند باب الصاله .....هند تعالى المجلس ابوي يبي يقابلك
هند: رجفت يدينها وبان التوتر على وجهها وتوقف وتروح مع مريم هي من يوم خبرها يزيد ان ابوه يبي يقابلها وهي بطنها توجعها و خايفه و لبست جلابيه و اسعه و معها شيلتها ملونه
مريم: وهم يمشون : وش فيك شكلك خايفه
هند: ما اكذب عليك خايفه شوي ....و بتلف الشيله على شعرها
مريم : لا تخافين ابوي طيب ويزيد معه ..وش فيك تغطين شعرك ابوي محرم لك
هند : يدها ترجف : والله صعبه اقابله اول مره كذا..جسمي كله مقشعر
مريم : كل مره يزيد اعجابها فيها : لا معليك لبسك ساتر لا تقطين شعرك ..
,*,
بيت ابو محمد:
مي : تحاول من اول انها تخليها تخرج معها في الصاله مهي براضيه : ملاك وبعدين معك
ملاك : خانقتها العبره اكره ماعندها الوداع ومهي عارفه كيف بتودعهم : مي ما الي خلق اقابل احد خليها شوي..
ام احمد: تفتح الباب و ألابتسامه على وجها: وش فيكم الحين ارسلك تنادينها تجلسين عندها و ما تخرجون
مي: توقف وتمشي جهة الباب : مهي براضيه تخرج معي..عندك خالتي استلميها
ام احمد: تقرب من ملاك وتمسك يدها : تعالي ابيك شوي معي
ملاك: ترفع راسها لها : خير ماما شو فيه
ام احمد: تعالي و انتي تشوفين.... و خرجتها معها في الصاله الي فوق
ملاك: شافت الصاله ارضيتها كلها بالونات بنفسجي وابيض و ورد كبير على الطاوله بنفسجي وابيض قدام محمد وهو لابس الثوب والغتره و نزلت راسها و بضيقه تحس الاكسجين خلص وتكلم نفسها ...ياربي انا كيف ما عرفته يومها ما كان تورطت الحين معه و احرجت ماما ..وعرفت وش سبب اصرار منى انها تغير بلوزتها وتلبس البلوزه البنفسجي كم طويل وفيها تطريز خفيف على طول الكم بنفسجي فاتح مع البنطلون الأبيض
محمد: يكلم نفسه اه يا قلبي ارفعي راسك وين عيونك الي كلها ضحك وسعاده ياربي اقدر اسعدك ...يناس حتي وهي بنطلون وبلوزه عاديه بتهبل فيني الله يستر ...
ام احمد: ماكنت بتسوي كذا بس البنات اقنعوها انهم بس زينه من غير أي شي يسونه :وش فيك وقفتي وتسحبها ...تعالي جلسي هنا ... وتجلسها وتجلس جنبها
منى: لابسه بنطلون وبلوزه ابيض متفقه مع مي يلبسون ابيض ساده و ما يحطون مكياج مثل ملاك ودخلت معها كيكه كبيره على طاوله بعجلات تدفها و حطتها قدامهم: مبروك يا حلوه وهذى حفله صغيرونه بمناسبه ملكتكم
مي : جابت عربيه فخمه تدفها وحطتها على جنب : ليه جالسه هنا عند خالتي
منى: لا معليك الحين تقوم... وتمسكها مع يدها ...يالله يا قمر تعالي جنب شبيهي
ملاك: وجها احمر وحاسه بتبكي قدامهم من الضيق الي فيها وتقرص منى بيدها وبصوت واطي : ما بدي
منى: مهو بكيفك امي قومي عنها محمد تعال اجلس هنا
احمد: لابس ثوب ويدخل بسرعه : مي حصلت كمرة الفديو والثانيه وين
مي: معليك اصور بهذى هاتها
محمد: يجلس عندها وده يكون لوحده معها و يضمها لصدره حاس انها بعالم ثاني غير الي حولها
ام احمد: وفرحتها مكسوره بحزن بنتها الي منزله راسها : خذ لبسها وتعطيه الدبله
محمد: مسك يدها باره وهي ترتجف وتحاول تسحبها منه ضغط عليها..وده يتملك قلبها قبل يدها
منى: وشفيك لبسها بس بشويش عشان مي تصور
محمد: لبسها وباس يدها ..وبصوت واطي :مبروك
ملاك: منزله راسها و تغلى من داخلها ودها تذبحه
منى: يا ويل حالي والله تهبلون ....وش فيك خذي لبسيه وتعطيها الدبله والله ما تخيلت انك بتكونين مكسوفه كذا
ام احمد: منى وبعدين وش قولنا
منى: خلاص هاه سكت
ملاك: ترتعش وطاحت الدبله من يدها..على ثوب محمد
ام احمد: سمي بالرحمن وش فيك يمه مهو بماكلك هو
محمد: ابتسم ماسك يدها و يتأمل صغر يدها مع يده ونحف اصابعها ..واعطها الدبله ودخلت الدبله بطرف اصباعه وسحبت يدها وهو كملها عنها
احمد: واقف جنب مي الي تصور فديو و فتوغرافي فرحان و مرتبش : يووووه خلونا نشغل اغاني ونرقص
ام احمد: جلست على الكنب الي على الجنب : تعال اجلس و انت ساكت انا قلت مافيه اغاني ماتفهم
محمد: يكلمها بصوت واطي :انجي ارفعي راسك..تراني عارف انك تبيني بس عشان اخرجك من هنا
ملاك: رفعت عيونها بسرعه تناظره وقلبها بيوقف من الخوف
محمد: يبتسم : لو دريت ان هـالكلمه بتخليك تناظريني كان من زمان قلتها
منى : تقرب منهم وبصوت واطي : وش تقولون خبروني ما خبر احد
محمد: يبتسم : ملقوفه...ويناظر ملاك الي نزلت راسها ولفته عنه
مي : تعالوا قطعوا الكيك عشان اصوركم
احمد: بصوت عالي : ايه بسرعه خلونا نأكل منها..وانا اول واحد تعطوني قبل منى انا اخوكم الاثنين
محمد: هههههه احلف انت بس ما يكفي مخلينا نحط صورتك عليها (الكيكه مستطيله وعليها صورة احمد من اول ما سمع مي تتكلم عنها طلب انه صورته تكون عليها )
منى: هههههه معلي منك ياخبل الحين اكل عيونك
احمد : يصرخ ويوقف جنب محمد : لا ماتقطعون وجهي هو لي لوحدي بس ماما وابوي يكلون منه انتم لا
الكل يضحك على خباله قطعوا الكيك و ملاك على اعصابها ومي تصورهم ومنى مبهذلته الا تبي تاكل من وجهه شوي
منى: يا ربي حط يدك عليها قرب منها شوي كل واحد بجهه و تبون تتصورون
ملاك : طالعت فيها
منى: لا تاكليني بعيونك ....خلاص لا تزعلين كلنا بنتصور معك وتوقف بينهم...وتكلم محمد يا أخي تلحلح شوي وشفيك ساكت كلمها تغزل فيها خلها تضحك شوي بدل عصبيتها و التكشيره الي ماليه وجها
محمد: منى خلاص خليها براحتها لا تزيدينها وهي تعبانه هذا كله الي سوتوه ماله لزوم الحين
منى:اما انت افكارك افكار جدتي...الله يعينها عليك .... وتلف وتحضن ملاك وتبوس خدها : فرحانه لكم الله يسعدك
مي : منى هاتي الطقم خلي محمد يلبسها
ملاك : رفعت راسها لها وبصوت مضطرب معد فيها تتحمل قربه : لا بس خلاص ما بدي البس شي ...ماما خلاص ...وتجلس على الكرسي بقوه ...
محمد : يناظرها وهي منزله راسها و مشبكه ايدينها و تظغطها بقوه : بنات خلاص يكفي
ام احمد قامت جنبها ولفت يدها على كتفها وباست راسها : ما بيصير الا الي يرضيك ياعيون امك
الكل واقف وساكت
مي نزلت الكمره وقفت تسجيل الفديو
واطبق صمت على الكل ...قطعه عليهم دخول ابو محمد
ابو محمد : السلام عليكم ...لا يكون اكلتم الكيك عني
...وعليكم السلام
احمد: لا ما اكلنا بس يبه الله يخليك لا تخليهم يكلون وجهي
ابومحمد: محد قلك تخليهم يحطون صورتك اكيد بيكلونك الحين و خلي أخوانك يكلونها و لا الخدم
احمد: يشهق : لا محد يا كلني
مي تضحك و راحت قطعت وزعت الصحون والكل مضرب عن الكلام و جالسين في هدوء تام
محمد : جلس على جنب وشال عينه عنها مهو قادر يتحمل يشوفها و هي مكسوره كذا
, * ,
بيت ابو براهيم
هند : دخلت المجلس و تسمي بقلبها و خايفه وبصوت واطي : السلام عليكم
..وعليكم السلام
ابو عامر وقف : هلا بنتي
هند: رتبكت مهي عارفه كيف تسلم عليه وتناظر يزيد و اشر لها تسلم عليه سلمت على راسه ويده
ابو عامر : وش علومك عساك بخير
هند: برجفه بصوتها : الحمد لله يبه وش اخبارك انت
يزيد عينه عليها و كبرت بعينه اكثر لما نادت ابوه يبه وطالع بمريم وهي تبتسم
ابو عامر: يجلس : الحمد لله بخير
يزيد: جلسي هند وش فيك واقفه
هند: جلست ونزلت عينها
ابو عامر : شاف انها متوتره : يا بنتي لا تحطين بخاطرك علينا احنا لو نعرف كان سوينا لك احسن عرس
هند: ترفع راسها : تسلم يبه ..وانا ما تهمني المظاهر... اهم شي انك ما تكون انت زعلان علينا ...وراضي علينا رضاك هو الي نبيه... من غيره ربي ما راح يوفقنا
ابو عامر : طالع فيها هي و يزيد و اعجبه ردها و بتسم : الله يكملك بعقلك يا بنتي ..وحط يده على كتف يزيد... والله وعرفت تختار و انا ابوك الله يبارك لكم و ايهنيكم
يزيد: سلم على راسه : امين بوجودك يا الغالي
ابو عامر : وانتي يا بنتي انا عندي بنتين وانتي صرتي الثالثه لو زعلك يزيد بيوم او غلط عليك علميني وشوفي وش اسوي فيه
يزيد: حرام عليك يبه انا ولدك
ابو عامر : وهي بنتي بعد
هند: عينها عليهم : تسلم يبه الله لا يجيب هذاك اليوم...وشافت عمها كنه يزيد بس على اكبر بلحيه وخطها الشيب ..سبحان الله ماخلا ابوه يتغير وهو لابس شماغ مثله فوله و تقسمت نصفين
, * ,
بيت ابو محمد
ملاك: لابسه عباتها تحضن امها وتبكي : ماما سامحيني
ام احمد: دمعتها على خدها : على و شهو اسامحك تروحون وتردون بالسلامه حبيبتي الله يخليكم لي و ديروا بالكم على نفسكم
مي:تسلم على محمد مو تنشغل وتنسى تكلمنى و نتبه لها مثل ما وصيتك
محمد: بدل ولبس بنطلون جينز غامق وقميص قطني ابيض :اوكي ..ويسلم على جبينها ما تبين توصينها علي
مي: لا يمعود تبيها تذبحني وهي رايحه ما شفتها وش سوت في منى بعد ما دخلنا غرفتها
محمد: ههههه زين خلاص..راوتني الخبله مكان القرص الي بيدها
منى : تبكي وتحضنها بشتاقلك
ملاك: تلف يدينها عليها وتبكي
مي: تحضنهم الثنتين : ملاك حبيبتي كل يوم ابيك تفتحين المسنجر راح تحصليني اوكي و نتبهي على روحك تراك غاليه علينا
منى : تسلم على محمد وهي تبكي : محمد الله يخليك حطها بعيونك
محمد: من عيوني بس وصيها بعد علي
منى : تلف وهي ماسكه يد ملاك ما وصيك علي شبيهي كل ما شتقتي لي تاملي بوجهه
محمد: ههههه ونعم الوصيه والله ...يالله تراكم اخرتونا
احمد : حاضن ملاك ويبكي وهي تبكي معه
ابومحمد : حبيبي احمد هد اختك راح نتأخر كذا
ملاك : تبعده عنها شوي ودموعها على خدها وصوت فيه بحه مع قصه بحلقها : حبيبي راح احكيك كل يوم ...بتوحشني وتبوسه وتقوم
محمد: يسلم على راس خالته ادعيلنا يالغاليه
ام احمد : تتنهد بصوت : الله يستر عليكم دنيا واخره ..ويوفقكم ويبعد عنكم عيال الحرام
ملاك : ترجع تحضن امها وتبوسها على خدها بقوه وعيونها :راح توحشيني ماما كثير
ام احمد: تمسحلها دموعها : وش فيك حبيبتي انا لو مهو اخوك الي عنده دراسه و ما يعرف يجلس لوحده كان رحت معك كلها كم شهر وتردين في الاجازه ديري بالك على نفسك حبيبتي وتبوس جبينها
محمد: يمسكها مع يدها : يالله ابوي برا راح نتأخر
ملاك: قرفت من مسكته لها و نزل يده بشويش عنها : اوكي... وترجع تبوس الكل و تاخذ شنطة يدها من مي و تغطي وجها وتخرج بسرعه
ام احمد: تمسك احمد الي يبكي : استودعتكم الله الذي لا تضيع وداعه الله يحفظكم ويرجعكم لي سالمين يارب
البنات : امين....و كل واحد راح على غرفته ودمعة على خده
, * ,
بيت ابو ابراهيم
هند : دق جوالها : هلا
يزيد: واقف عند السياره في الحوش و مستانس اليوم كنه يوم عرسه من فرحته بمدح ابوه في هند : يا سلام ..هلا لوحدها من غير حبيبي وعمري عشانك عندهم
هند: هههه و ينك
يزيد : اطلعي انا برا بنروح البيت
هند : زين باي ..مريم ولي يعافيك اعطيني عباتي
مريم : ليه جلسي بدري
ام ابراهيم : وين تبين تروحين بعدها الساعه تسعه
هند: معليش خاله يزيد يقول يالله هو بالسياره
مريم : توقف :خليك الحين اكلمه
هند: لا أكيد يبي ينام على صحيته الصبح
ام ابرهيم : الله يهديه كان خلاك شوي بعد
هند: مره ثانيه خاله اذا قدرت بكره امرك ان شاء الله
نوره: مع السلامه يمه هذا عامر يبينا نمشي...يالله بنات اخرجوا لبابا...قاموا على طول البنات من عند التلفزيون يركضون على برا
ام ابرهيم : وش فيهم ارجالكم اليوم
مريم: معليك منهم يا عمه انا عندك ولا ما اكفيك
ام ابراهيم : الله يخليك ويحفظك تكفين و زود يا بنتي
نوره: يمه تراني اغار
مريم : هههههههههه قال وش اخواني يغارون هاااااه
هند: تضحك وتلبس عباتها
نوره : لا والله تبين تاخذين مكاني عند امي وما اغار امي انا بنتك وحيدتك ما تحبيني... وتروح وتحضن امها وتبوسها ....يا ويل حالي وش كثر احبك يالمزيونه
ام ابراهيم : هههههه هاو.. وش بلاكم..؟!.. قلبتوها تقال صغار
هند: سلمت على خالتها وخرجت وهي داري دمعتها ودخلت السياره
يزيد:وعليكم السلام كان جلستي بعد
هند:تاخذ نفس : السلام عليكم
يزيد : سمع القصه بصوتها يلف عليها: هند وش فيك
هند: تحاول انها تضحك : وش فيك حبيبي ما فيني شي
يزيد: يحرك السياره وما رد عليها وسكت طول الطريق و اول ما دخل البيت مسكها مع يدها
هند: وش فيه
يزيد: يرفع غطاها : ليه تبكين احد قال لك شي
هند: لا
يزيد: وش الي صار وخلاك كذا
هند: ولا شي ونزلت دمعتها
يزيد: حبيبتي علميني ويمسح دمعتها
هند: اشتقت ل امي
يزيد: يبوس راسها : قولي الله يرحمها
, * ،
في السياره
محمد يسوق وجنبه ابوه وملاك جلست خلف عمها(ابو محمد من الناس الي ما يحب ياخذ اهله المطار عشان يودعونهم يقول السلام في البيت يكفي )
محمد : كل شوي يرفع عينه للمرايه ويطالع فيها وهي تمسح ادموعها من تحت الغطا وجلس يسولف مع أبوه لين ما وصلوا المطار
ملاك جلست مع عمها وراح محمد يكمل الاوراق
ابومحمد: يا بنتي انتى تعرفين وش كثر معزتك عندي ما وصيك على نفسك ودراستك خليك مثل ما الكل تعود عليك ورفعي راس ابوك الله يرحمه بشهادتك مثل ما طلب منك هذى وصيته الاخيره لك لا تنسينها و انا عمك وقد ما تقدرين اشغلي نفسك بالمذاكره ولا تجلسين لوحدك كثير الوحده هي الي تخلي الواحد يفكر لكن ان شاء الله انتى قويه قادره تتخطين الي انتي فيه مهو صح و انا عمك
ملاك:بالرغم من فرحتها في بعدها الخوف مسيطر عليها لدرجه كبيره وبصوت فيه بحه :ايه عمى الله يخليك لنا
محمد : السلام عليكم
ابومحمد : وعليكم السلام هاااه اشوفك خلصت بسرعه
محمد: يجلس جهة ابوه : ايه حصلت واحد اعرفه
ابومحمد : دق جواله ...الو
ابوابراهيم:السلام عليكم
ابومحمد: هلا وعليكم السلام
ابو ابراهيم : هذاني وصلت وينكم فيه
ابو محمد : تعال عند صاله المغادرين
ابو ابراهيم : زين
ابومحمد:هذا عمك وصل
بعد عشر دقائق
ابو ابراهيم : السلام عليكم
.. وعليكم السلام
ابومحمد : قام وسلم عليه :وش علومك
ابو ابراهيم : الحمد لله بخير
محمد : يسلم عليه على راسه وش اخبارك عمي
ابو ابراهيم : بملامح قاسيه : الحمدلله
ملاك: تسلم على راسه
ابوابراهيم : وش اخبارك يا بنتي
ملاك: الحمدلله
ابو ابراهيم : وهو مهو عاجبه الوضع واضح من صوته وملامح وجهه : هاه ديري بالك على نفسك ..ويناظر محمد بقسوه ... ما وصيك عليها ..وشدد على الكلمات وهو مقهور ما ودها تسافر معه
محمد: ابشر عمي.. وسمع النداء لرحلتهم ...يالله نشوفكم على خير هذى رحلتنا ويسلم على راس ابوه وعمه مع السلامه
ابومحمد: مع السلامه وديرو بالكم على نفسكم
ابو ابراهيم : ترحون وتردون بسلامه
محمد : يالله انـ ...ونتبه لنفسه بسرعه وش بيقولون عليه اذا سمعوه يناديها كذا ..ملاك..و ياخذ الاب توب و جكيت سويتر جلد من على الكرسي
ملاك : مع السلامه عمي وتسلم عليهم على روسهم و تحركت بتروح
ابو ابراهيم : ملاك
ملاك : وقفت ولفت عليه
ابو ابراهيم : لحظه ..ويدخل يده بجيب الثوب ...خذي هذا اكيد يفيدك
ملاك : وقفت مكانها مصدومه و عيونها بتطلع على الي بيد عمها و راسها ينبض بسرعه و اختفت كل الاصوات الي من حولها ..رجعها صوت محمد وهو يتكلم بصوت عالي
محمد : واقف جنبها : وش هذا ..؟!
ابو ابراهيم: بصوت قاسي : جوال ابوها اكيد بتحتاجه هناك
محمد : اخذه منه بسرعه ويحطه بجيبه : جزاك خير ... ويسحب ملاك مع يدها
ابو محمد : يناظر ابو ابراهيم يكلم نفسه لا اله الا الله ..الله يعين بس..
ملاك :لفت على محمد مهي قادره تتحرك
محمد: مهو شايف وجها راميه الغطاء عليه : يالله امشي هذا النداء الاخير
ملاك: تمد يدها بصوت خافت يا دوب سمعه منها وبتنفس مقطوع: بدي.. إياه
محمد: مسك يدها :امشي اعطيك هو بعدين..
ملاك:تحس راح تطيح مكانها نفضت يده عنها صوتها يرجف : لا بدي اياه ..ولا ماراح اتحرك
محمد: مقهور من حركة عمها كنه هذا وقته بصوت صارم : يكون احسن عشان ما تسافرين ..وراح متقدم عنها
ملاك: شافت انه بيروح عنها خافت انها ما تسافر و تسبه بداخلها وهي تمشي بسرعه خلفه ودها تضربه بشنطة يدها على راسه
، * ،
ابو ابراهيم خرج من المطار وراح على بيت ابو عامر وهو معصب فتحت الشغاله الباب
ابو ابراهيم : روحي نادي ام عامر وينها فيه
الشغاله : اوكي بابا..
ام عامر : نزلت بعد ما بلغتها الشغاله وهي تجهز كل الكلام براسها ..دخلت وهي مبتسمه: حيا الله ابو ابراهيم وين الغيبه
ابو ابراهيم : مايحتاج الف والدوران وانتي عارفه وش الي جابني عندك
ام عامر : بكل برود : ايه داريه و ما يحتاج عصبيتك الي انت فيها
ابو ابراهيم: وين ما يحتاج وانتي السبب ورطينا في الي صار الحين
ام عامر : وش الي صار عاد انت السبب الي خليتها تملك مهو بانا..
ابو ابراهيم :بستهزاء وصوت مرتفع: لو مهو غبائك و طوالت السانك وروحتك لبيت الناس ما كان سافرت الحين معه
ام عامر : توقف وهي مهي مصدقه الي سمعته : وشهووو ؟!...خليتها تسافر معه ؟؟...وشلون ؟
ابو ابراهيم: بصوت مرتفع ويتكي على قدام : قسمتيلي ظهري بسواتك الشينه ..وشلون برفض بعد سواتك وهم يشرهون علي بسبتك ..بس علماً يوصلك ويتعداك يأم عامر... اياني وايك... اسمعك انك سويتي شي لبنت خالد ..و هذاني حذرتك ..يكفي سواتك الشينه الي مع ابوها..واياني وايك ابو عامر يوصله خبر عن سواتك
ابو عامر : توه داخل : السلام عليكم ..وينك يا رجال نروح لك بيتك و انت هنا
ابو ابراهيم : يلف و سلم عليه : رحت المطار مع بنت خالد سافرت وشد على كلمة سافرت وعينه على ام عامر
ابو عامر : الله يوفقها مسكينه.. تفظل اجلس حياك ..وجلس...
ام عامر: صخت ما تكلمت : بروح اجيبلكم القهوه
ابو ابراهيم : ما يحتاج انا ماشي اجيكم يوم ثاني ...والي عندي وصلته لك
ابو عامر : خير وش صاير
ابو ابراهيم : سلامتك مافيه غير العافيه وعينه على اخته
، * ،
بعد ساعه
محمد: من اول ما طلعو خلها تجلس في المقعد الي جنب النافذه ..وهي معصبه عليه الا تبي تاخذ الجوال ..اعطاه لها و جلست بهدوء ابد ما توقعه منها و معد سمع لها صوت
ملاك: بعد ما اخذت الجوال اكتساها برود فضيع بكل جسمها كانها بداخل قالب ثلج و تتأمل بالجوال وتقلبه و ضغطت عليه بكل قوتها ورجعت راسها للخلف وعقلها متوقف عن التفكير ظلت فتره و شبكت سماعات بأذنها و طنشته ولا كنه معها احد
محمد: سكت عنها من اول ماحب يوترها اكثر حط يده على كتفها :انجي وش تشربين
ملاك: شالت يده بقوه عنها
محمد: وش فيك
ملاك: سحبت السماعه من اذنها : لا تحط يدك علي فاهم
محمد: متوقع ردت فعلها من بعد حركتها بالبيت يبتسم : اوكي لا ترفعين صوتك ... وش تشربين
ملاك: ما بدي شي وخلك بحالك
محمد: هههههههههه زين ....زين ...وهو مبتسم.. لا تعصبين يا قلبي
المضيف : استاذ ايش تشرب
محمد: كوفي
المضيف : و المدام
ملاك: ردت بسرعه :مويه
محمد: التفت لها بسرعه وده يعطيها كف توه يسألها والحين ترد على الرجال ما كنه موجود بعد مابعد عنهم : الحين وش شايفتني جنبك الي تكلمين الرجال
ملاك : فتحت المويه وشربت منها ولا عبرته
محمد: تنهد بصوت : لا اله الا الله سمعيني يا بنت خالد صحيح اني غلطت معك بس هذا الشي ما يخليك تتمادين فاهمه ..وسواتك هذى ياويلك تكررينها
ملاك: طنشته وحطت السماعه بذنها
محمد: يمسك يدها ويسحب السماعه
ملاك : وهي مسكره على اسنانها ومعصبه وما تبي صوتها يرتفع : شو بدك وبعدين معك.. و تبعد يده.. روح هناك شوف الكراسي كلها فاضيه (الطياره اكثر مقاعدها بالدرجه الي هم فيها فاضيه ما حولهم احد)
محمد: شاف انها معصبه ضبط نفسه وغير صوته يبتسم : وش فيك يا قلبي معصبه ..هدي حبيبتي وش فيك ياقلبي تكلمي معي تبينا نجلس ساكتين طول الرحله
ملاك: بليز تركني بحالي ما بدي احكي معك
محمد: حبيبتي زين خليني اشوف عيونك شوي
ملاك: ما بدي شو هيدي حبيبتي بعد
محمد: هههههه وش فيك ايه حبيبتي وعمري وعيوني بعد ملاك انتي حياتي
ملاك: وهي معصبه :شو بتحاكيني الي
محمد:يستهبل وهو لاف وجهه جهتها : ليه شايفه احد جنبي غيرك يا عمري ما عندي زوجه غيرك
ملاك: محمد خلص ما بدي اسمع شي
محمد: آآآآه ياحلوة اسمي على لسانك
ملاك: بعصبيه :اوووووه قوم من هون
محمد: ههههههههههه احبك ويمسك يدها
ملاك :اترك ايدي ...تحاول تسحبها منه
محمد:هههههههه لا حبيبتي تبيني اتركها تكلمي معي
ملاك: اوفففف ...ودمعت عيونها... تركني بحالي عسى الطياره تطيح وانفك منك وارتاح
محمد: وبنظرة انكسار تضحك : اوووف وش الفال الشين مهو حرام عليك تبين تقتليني زين انا راضي بس الناس الي معنا ما تخافين ربك فيهم
ملاك :بكيت : بس كافي خنقتني روح عني
محمد:خاف عليها وناظر بساعته باقي وقت على علاجها : خلاص حبيبتي لا تزعلين.. وترك يدها
ملاك: رجعت السماعه بذنها ومسحت دموعها وفضلت تسمع القران بصوت العفاسي
محمد: فتح الاب توب وكل شوي يطالع فيها ويشوفها هاديه ما تتحرك ضنها نامت نادي عليها ما ردت..وما اخذت حتى علاجها لما حاول انه يعطيه لها..ولما قرب وصولهم نادها وحط يده على كتفها بكل حنيه ..ملاك ماتبين تلبسين شي يدفيك و تغيرين عباتك
ملاك: بعدت عنه شوي جهة الشباك : لا ....اول ما وصلوا رفعت الغطا عن وجهها وكان انفها احمر وعيونها بعد و منفخه من البكي ولبست نظاره كبيره تغطي عيونها
محمد: شاف وجها عرف انها ما نامت و يدعي ان ربي يعدي الليله على خير ونزلوا اخذ الشنط ...تعالي من هنا السياره بالمواقف
ملاك: مشيت معه وما ردت عليه وطلعت بالسياره وهي ساكته وتحاول تسحب الهواء لرئتها بقوه
محمد : مشي رايح للفندق
ملاك: صرخت فيه : فين بدك تروح مو من هون البيت
محمد: ليه رايحين للفندق
ملاك: تصرخ وبخوف : شووووووووو لا بدي روح البيت
محمد:بكل هدوء : حبيبتي نروح الفندق ترتاحين وبعدين اوديك البيت
ملاك: تصرخ : وقف هون ما بدي روح مكان بدي روح البيت ...وصارت تبكي
محمد: التفت عليها وهو يسوق و بخوف عليها : خلاص حبيبتي اهدي
ملاك : تبكي ودموعها على خدها: نزلني هون انا بروح
محمد: زين اهدي انتي ومسحي دموعك وبعدين اوديك
ملاك: نزلت النظاره بسرعه مسحت دموعها: اوكي يالله
محمد: اوديك بس بشرط
ملاك: تلف جهته وهي ترجف وبعصبيه : شو اذا ما بدك توصلني انا بروح وقف وتحاول تفتح الباب
محمد: مسكها مع يدها ويصرخ : يا مجنونه تبين تموتين نفسك خلاص اهدى الحين اوديك....و قرر انه يوديها عشان تقتنع وتشيل الشك من انه موجود ......وصل البيت وفتح الحارس (البواب) الباب ودخل بسياره في الحديقه مالحق يوقف الي يشوفها نازله بسرعه
ملاك : نزلت على طول تجري و تدخل المفتاح بسرعه الي مجهزته بيدها وفتحت باب المدخل وشافت البيت اضائته خافته وتنادي بكل صوتها : بااااااابا خالتوووو انا جيت ...وهي فرحانه روحها ردت لها مع دخولها البيت ...وطلعت على غرفته ابوها تركض بسرعه
محمد: وقف السياره نزل وراها بسرعه وهو خايف عليها وينادي : انجي.. ودخل الصاله و ما حصلها وصار يناديها بصوت عالي ...انـــــــــــــــجي ..ياربي وين اختفت ..ويطلع فوق... يلتفت ويدور شاف الغرفه الي منها النور وراح لها ودخل وشافها واقفه مثل التمثال بلا روح وجها اصفر وعيونها ثابته ما تتحرك قرب منها بشويش ومسكها ....حبيبتي اهدي لا تسوين بنفسك كذا
ملاك : دخلت فتحت النور وما كان فيها احد وقفت مكانها مهي قادره تصدق ...وصورتهم وهم بالكفن تمر قدامها..وقلبها يخفق بسرعه فضيعه
محمد : يلف يده على كتفها : حبيبتي خلاص تعالي
ملاك : لفت عليه و طاحت دموعها على خدها ..و تحس روحها تخرج مع الحروف وصوت يرجف :راحوا.. خلاص
محمد : بينخبل من شكلها خايف يصير فيها شي يمسك يدينها :انجي تعالي معي
ملاك : صرخت فيه : مدخلك فيني .. خليني بدي نام هون معه ...وتروح على السرير و تنسدح وهي ترجف
محمد:يقرب منها يارب رحمتك : انجي حبيبتي
ملاك: ما ردت عليه وتبكي بصوت واطي
محمد : حط يده على راسها: حبيبتي الحين اجيب الدواء واجيك لا تتحركين ونزل بسرعه ينزل الشنط ويدور فيها الحبوب ودخل المطبخ اخذ كاس مويه وطلع حصلها مثل ما هي خذي حبيبتي شربي الدواء
ملاك : تبكي : ما بدي
محمد : حبيبتي خذيه عشان ترتاحين
ملاك : ما بدي ارتاح تركني لحالي
محمد : خاف عليها : اذا تحبين امك خذى اشربي
ملاك : غطت وجها بالمخده وتصرخ : تركني عمري ما اخذته كنت ارميه بالحمام ما راح اخذه
محمد : بينهبل :وشهووو....وش تقولين... ويربت على كتفها ....اوكي خلاص ارتاحي راح اجلس عندك لين ما تنامين
ملاك : اطلع براااا
محمد: يغطيها بالمفرش : اوكي بس راح اترك الباب مفتوح عشان اتطمن عليك حبيبتي ..وخرج عنها وعينه على الباب طالع بالوقت حصلها اربعه الفجر اتصل على ابوه يخبره بوصولهم
محمد : جلس على جنب في الصاله وهو يشد بشعره : السلام عليكم
ابو محمد: هلا وعليكم السلام ...حمدلله على السلامه
محمد : بصوت ثابت ما يبي يبين قلقه : الله يسلمك ان شاء الله ما صحيتك من النوم
ابو محمد : لا انتظر اتصالك هي خالتك تخليني انام قبل ما تطمن عليكم
محمد: طمنها وقلها تنام وترتاح
ام احمد : تاخذ السماعه منه عطني اكلمه ..هلا ولدي حمدلله على السلامه
محمد: الله يسلمك خالتي
ام احمد: ملاك شخبارها وينها عنك عطني اياها
محمد: الحمد لله بخير لا تخافين عليها خالتي
ام احمد: زين عطني هي اكلمها
محمد: خالتي هي نايمه الحين اذا صحيت اخليها تكلمك
ام احمد: متاكد يا يمه ما هي بتعبانه
محمد: خالتي تطمني تبيني اصحيها لك تكلمك
ام احمد: لا يمه خلها نايمه ودير بالك على نفسك وعليها
محمد : ان شاءالله خالتي مع السلامه
ام احمد: مع السلامه وبحفظ الرحمن
محمد : راح للغرفه بيشوفها ترعب الي الباب مسكر و حصله مقفول دق عليها ...انجي فتحي الباب ...محد رد عليه يصرخ ... انجــــــــــي فتحي الباب ولا كسرته انجـــــــــــــــــــــــي
ملاك : اول ما خرج نزلت عبايتها ورمتها على الارض وقفلت الباب و اخذت كل ملابس ابوها وخالتها ونثرتها على الارض و ضمتها لصدرها وتبكي بصوت عالى ..تركني ما بدي شوف حدا خلوني بحالي
محمد: حبيبتي ما راح كلمك بس فتحي الباب عشان اتطمن عليك
ملاك: تصرخ : ما فيني شي بس خلني لوحدي
محمد: حبيبتي بس افتحي القفل ما راح ادخل يالله حبيبتي
ملاك : تصرخ وتبكي : ما بدي شوف حدا روح عني بدى كون معه
محمد: يحاول يفك بالباب ويدفه ما هو قادر وبعد عنه ويحرك يده بشعره.. وش السواه الحين وش الي خلاني اخرج عنها .. وياخذ الجوال ويتصل ..الو
فيصل : كان نايم صحي لجواله وشاف الساعه اربعه ونص استغرب من ايدق عليه بهـ الوقت : الو
محمد: عينه على الباب وصوته واضح عليه التوتر: السلام عليكم..
فيصل : وعليكم السلام .. يجلس ...محمد ..؟!..وش فيك..؟؟؟
محمد: برتباك وهو سامع صوتها تبكي بصوت عالي : فيصل معليش صحيتك من النوم
فيصل : وش فيك..؟!! انت وين..؟
محمد: يتكلم بسرعه : فيصل معليش يليت تصحي شذى وتجي بيت انجي بسرعه
فيصل : يحاول يستوعب الي ينقال : انت وش تقول وش تسوي هناك
محمد: لا جيت افهمك بس جيبها انجي محتاجتها قافله على نفسها ماهي براضيه تفتح الباب
بسرعه قبل لا تسوي بنفسها شي
فيصل : زين الحين نكون عندك مسافت الطريق مع السلامه وقفل عنه
شذى: صحيت على الصوت وجلست تناظر فيه وهو يكلم : وش فيك من الي يكلمك
فيصل: محمد وما فهمت منه شي بس قومي نبي نروح له
شذى : وين تبي تروح... وش فيه؟؟
فيصل : يقوم ويروح للحمام بسرعه : حبيبتي قومي بسرعه البسي اعلمك بالسياره ويدخل الحمام
شذى : وتنزل عن السرير : اوكي ...بس ليش تبي تاخذني معك ...؟
فيصل: وهو يغسل بوجهه : لازم تكونين معي بسرعة وبطلي اسئله ..لبسوا ونزلوا وهم بسياره ..
شذى: وين بتروح
فيصل : محمد يقول انجي قافله على نفسها الباب وما هي براضيه تفتحه
شذى : تصرخ : انجــــــي..؟؟ متى جات ...؟! ...وبكيت
فيصل : يلف يشوفها : حبيبتي ليه تبكين هذا وحنا نبيك تساعدينها
شذى : بخوف : هي متي جات وانا معرف عنها شي
فيصل : مدري لاوصلنا نفهم كل شي ودخل البيت و شاف محمد واقف عند الباب ونزل من السياره السلام عليكم
محمد: نزل مع الدرج عنده: وعليكم السلام ويسلم عليه
فيصل: وش فيه فهمنا انت وش تسوي هنا
محمد : ما هو وقته بعدين فهمك شذى الله يرضي عليك تعالي كلميها يمكن تفتح لك الباب
شذى: هي متى جات فينها
محمد: تونا واصلين مالنا ربع ساعه ...تعالي معي هي بغرفه ابوها ....ويطلعون كلهم فوق
شذى: تدق على الباب وتبكي: انجي حبيبتي فتحي الباب انا شذى
ملاك : قامت بسرعه وفتحت الباب
فيصل : رجع على ورآ لما سمعها تفتح الباب
ملاك : رمت نفسها بحضن شذى وتبكي بصوت عالي وتشهق : آآآآآآآآآآه شذو ..لحقي علي.. بابا راح.. عني تركني.. لوحدي.. ابي روح معه.. الله يخليك
شذى: حضنتها بقوه و تبكي معها : حبيبتي لا تقولين كذا احنا معك
ملاك: تبكي وتشهق : لااااااااا ما بدي حدا غيره.... احبه ...يناس احبه ....هو كل شي لي ...وتبعد عنها وتضرب على قلبها بيدها ...هوه نبض هـ القلب كيف بدك ياني عيش من غيره
محمد: مسك يدها: انجي اهدي لا تسوين بعمرك كذا
شذى : رجعت على الخلف متفاجئه هي كيف واقفه قدامه كذا من غير حجاب
ملاك: تصرخ : تركني وتسحب ..يدها وتدخل الغرفه وترمي نفسها على الملابس وتبكي وتصرخ
شذى : تروح وتمسكها ..بس حبيبتي
ملاك : تحضن ملابسه وتشمها وتصرخ: بدي موت وروح لعنده بدي شوفـــــــه... وتمسك صورته الي مرميه على مجموعة الملابس وتبوس الصوره ..
محمد: خليك معها الحين اجيب اعلاجها ويخرج
فيصل: واقف عند الدرج ومعطيهم ظهره : محمد فهمني وش القصه
محمد : انتظر شوي خلنى اعطيها العلاج و افهمك ويفتح الشنطه الصغيره وجهز الابره
فيصل : ليه بتعطيها اهي
محمد : انتظر ويروح وهو عند الباب : ياولد
شذى: وهي ما سكتها وتبكي : ادخل
محمد: يقرب منها: انجي اعطيني يدك ..ويمسكها
ملاك : وتصرخ وتبكي : لاااااااااا مبدي روح عني اكرهك ..وتكلم الصوره.. تعال تعبت بدي ياك لوحدك الله يخليكم خلوني روح عنده
محمد: شذى امسكيها زين
شذى : حضنتها بقوه وهي تبكي
محمد: مسك يدها بقوه و ثبتها وعطها الابره وهو خايف انه يألمها او تتحرك وتنكسر بيدها : خذيها عشان ترتاحين وتنامين
ملاك : ما بدي نام بدي روح لعند بابا باااااااااابا
محمد : ويعطيها الابره
شذى : بقلق : هذى وش ابرته
محمد: تهديها وتخليها تنام ابعدي عنها خليني اشيلها اهي وين غرفتها
شذى: توقف : تعال معي
ملاك : ضامه جكيت ابوها لصدرها وتبكي وبدا مفعول المنوم
محمد: يسحب الجكيت منها وتشد عليه: خلاص حبيبتي خليه معك و يشيلها به
شذى: خرجت قابلت فيصل وتمسح دموعها : روح شوي هناك محمد يبي يخرج انجي وتروح تفتح باب الغرفه ...من هنا وتوقف عند الباب من برا
محمد : دخلها وحطها على السرير وغطاها وباسها على جبينها ويطفي النور: شكرا شذى
شذى: على ويش تشكرني بجلس معها
محمد: وعينه على الارض : من غيرك ما كان فتحت الباب تعالى هي نامت ماراح تصحى الحين ويخرج
فيصل : بعصبيه : افهم وش قصتكم ..؟!...و انت وش جايبك هنا؟؟؟
محمد: تعال نجلس و افهمك وينزلون اسفل
فيصل: يجلس وتجلس شذى جنبه وتمسك بيده : خلصني قول وش عندك
محمد : يجلس ويرجع راسه على ورى ويمسح بيده على وجهه: آآآآآآه وش اقول ما راح تصدق انجي اهي نفسها بنت خالتي
فيصل: رفع حواجبه : كيف ؟!!!
محمد: وهو ما يناظر فيهم : انا مثلك ما كنت اعرف الا لما شفتها بعد ما ملكت
شذى : تلف تشوف فيصل و بصوت مضطرب : انت ماخذ انجي..؟!!
محمد: ايه وحكى لهم كل شيء السموحه منكم صحيتكم بهـ الوقت بس ما كان عندي الا
هـ الحل
فيصل : انت وش تقول اسكت بلا كلام فاضي
شذى: تبكي وغطت وجهها بيدينها
فيصل : يكلمها بهدوء وبصوت واطي : حبيبتي انتي لازم تكونين قويه عشان تقدرين توقفين معها وتساعدينها
محمد: يوقف : بروح اصلي فيصل تقدرون تروح البيت
شذى : لا بجلس عندها
محمد: معطيها ظهره : هي ما راح تصحي قبل 12 ساعه روحي رتاحي وبعدين تعالي
فيصل : خلاص ماشي انت ما راح تداوم اليوم
محمد: مدري تعبان بنام واشوف
فيصل : خلاص ارتاح انا احاول اسجل اسمك
شذى: محمد ..فيه غرف الضيوف الي فوق على اليسار وفيه ملحق خارجي للضيوف
محمد: شكرا معرف من غيركم وش كان صار عليها
فيصل : زين مع السلامه صلي و نام يالله شذى
محمد: اوكي اول ما تخلص دق علي ..ويوصلهم لين الباب وبعد ما راحو اخذ الشنط وطلعها فوق ودخل يتطمن عليها وسحب منها الجكت والصوره و غطاها و مسح على شعرها وبخوف على حالها كيف راح تكون اذا صحت وراح للغرفه واخذ شور وتوضى وصلى ونام على طول من التعب
, * ,
الصباح
في الجامعه
ريم : من جد
شذى : ايه اجل اقص عليك وصلت اليوم الصباح
جود: زين وليش ما جات اليوم
شذى: تعبانه ما وصلت الا الفجر
امل : اجل خلونا نروحلها اليوم
شذى: لا بنات خلوها بكره
جود: ليه ان شاء الله عشان انتي شفتيها
شذى : وش تقولين هي الحين محتاجتنا جنبها بس قالت بتنام وما تبي احد يصحيها اليوم وغير كذا الخدم ماهم عندها وشلون تبين تروحين لها خليها ترتب امورها اول
ريم: وش تقولين احنا نروح نساعدها
شذى : معليش بنات خلونا ان اجلها لبكره
جود: معقوله انتى ما راح تروحين لها اليوم ما صدق
شذى: لا حبيبتي ما راح روح انا عندي بيت الحين ماني بفاضيه
جود: انشوف
ريم : جود انتي وش فيك كل ما كلمناك تنافخين علينا
امل: جود خلاص هو راح بحاله حنا قايلين لك من الاول لا تتعلقين فيه حبك من طرف واحد
جود: والدموع بعينها : الله لا يوفقها بس لواشوفها لا اذبحها
شذى: تكلم نفسها اعوذ بالله منك اجل وشلون لو درت انه ما خذ انجي
عند الشباب
واقفين قريب من الكوفي شوب
خالد: متفاجئ وبصوت فيه ضحكه : احلف
فيصل: والله
خالد: هههههههههههههههههههههههههههههه والله العظيم كنت حاس انهم راح يكنون البعض بس الخاين انا راويه ادق عليه جواله مقفل ولا يخبرنا
فيصل: هو اتفاجئ مثلنا ما كان يعرف بس لو تشوف كيف يتكلم عنها وخوفه عليها غرقان لشوشته بحبها هههههههههه
خالد:ههههههههههه خلني ادق عليه و يأخذ جواله
فيصل: لا يمعود تعبان خله ينام
خالد: يكفيه نوم الحين الساعه عشره
فيصل: حرام عليك ما نام الا بعد الفجر خلنا نخلص ونروح له لانه موصيني يبي شذى تكون عندها اول ما تصحي
خالد: الله يستر عليها من كان يتخيل انه يصير لها كذا
، * ،
محمد : صحي و يناظر الساعه وشاف انها وحدة قام بسرع ودخل الحمام وتوضأ وصلي الظهر ولبس بنطلون جنز وبلوفر كحلي وخرج راح غرفتها دق الباب محد رد عليه فتحه ودخل حصلها بعدها نايمه قرب منها وبعد شعرها عن وجها شافه باهت وحط يده على جبينها حرارتها عاديه ...خرج ونزل عند الحارس ..السلام عليكم
الحارس: واليكم السلام يا اوستاد
محمد: انت وش اسمك
الحارس (سوداني):عبدو الصمد
محمد : هلا يا عبد الصمد الخدم وينهم ما في احد
الحارس: ياستاذ اجا المحامي واعطاهم اجازه لغايه ماترجع الست الصغيرة
محمد: انت تعرف ارقامهم
الحارس: أي استاذ كيف ما بعرف
محمد: اوكي اتصل عليهم خلهم يجون
الحارس:يتفرس في وجهه : يا استاذ انا شوفتك مرتين بس ما بعرف انت مين علشان كلمهم
محمد: انا محمد ومتزوج الست الصغيره على قولتك
الحارس : نطت عيونه على برا : ستي تزوجت امتا
محمد: بصوت حازم : بطل لقافه وكلمهم الحين خلهم يجون اليوم
الحارس : يا ستاذ ما يمديهم يجو اليوم
محمد: كلمهم واذا كذا بكره الصباح يكنون موجودين فاهم
الحارس: حاضر استاذ
الساعه اربعه
واقفين في حديقه البيت
محمد: يبتسم : هلا والله وعليكم السلام
خالد: يسلم عليه ويضربه على كتفه :ههههههههههههههههههه يا الاهبل فيه احد ميعرف اهله
محمد: يضحك : ما الاهبل غيرك الحين اكلم ابوي و ارويك
خالد: لا دخيلك ويسلم على راسه خلاص الف مبروك ..هااااه وش صار على الموضوع
محمد: هههههه ما عندك صبر ابد ...مدري انا نشغلت بالملكه ومارجعت سألته
خالد: ملامح وجهه تضحك : لا تكفي لا تقول اهون عليك تنساني وانا صديقك
محمد: مدري لا تتفأل شكل الوالد ما هو موافق
خالد: لا يا شيخ.. لا تقول ليه طيب..؟
محمد: يضحك بداخله على ملامح وجهه : مثل ما قلت لك البنت صغيره
خالد: بعصبيه : يا اخي انطرها لين ما تخلص من الجامعه بس ابيها
محمد:معد قدر يمسك عمره : ههههههههههههههههههه وش فيك البنات وش كثرهم
خالد: لا تضحك مابي غيرها
محمد: هههههههههههه الي يسمعك يقول شايفها
خالد:عصب : ياخي ابي اناسبك حرام
محمد: يحط يده على كتفه : ههههههههههههه زين لا تعصب الوالد موافق
خالد: بضحكه وعيونه تبرق : قول والله
محمد:ههههههههههههههه وش فيك اكذب عليك يعني
خالد: انت معد اصدقك احلف انه موافق
محمد: هههههههههههه لا خلاص انا هونت مابي اعطيك اختي
خالد: دخيلك انت الواسطه الي لي
محمد: ايه اركد وخلك رجال
خالد: يعني خلاص اكلم الاهل يرحون يخطبونها
محمد: ايه مبروك يالشيخ مقدما
خالد: والابتسامه شاقه الحلق : الله يبارك فيك وسكت شوى....... محمد انتم اخذتم رايها
محمد: لا مكلمناها بالموضوع
خالد: وبخوف : يعني فيه احتمال انها ترفض
محمد: مدري بس ابوي وخالتي موافقين معتقد انها تخالف رايهم
خالد: يعني ممكن ترفض
محمد: انت كلم اهلك يخطبونها وبعدين اترك الباقي علي
خالد: الله يخليك لي يا خال عيالي هههههه
محمد: هههههههههه مستخف الاخ
فيصل: السلام عليكم
..وعليكم السلام
شذى: عن اذنكم بطلع اشوف انجي... اهي صحيت
محمد: لا نايمه اكيد شوي تقوم
شذى: زين وتطلع فوق
جلسوا سواليف لين الساعه سته واستأذن منهم خالد وراح الشقه
, * ,
في الرياض
كلهم في الحوش
عامر : هاه وش رايكم
نوره : فرحتها محد بيوصل لها تحس كنها عصفور و فتحو عنه القفص وطار في الجو : تجنن وتروح عنهم
يزيد : ابو شهد أي وحده تبي
عامر : كلها واحد ما فرقت خلي ام شهد وام عمر هم يختارون
يزيد: مين ام عمر
عامر:ههههههه وش فيك مرتك
يزيد : اسكت لا تسمعك زين انها راحت مع ام شهد الحين ولا تعرف وش ترد عليك
عامر : ليه ما تبي تسمي هـ الاسم
يزيد : الله يسلمك تقول انت الكبير وهـ الأسم لك
عامر: بس انا الله ما بعد عطاني الولد سمه انت
يزيد : هي رافضه حتي مريم تقول مره ام شهد قالت لها نفس الكلام وتقول لو هم ربي عطاهم الولد قبل كان سموه ياخوي ربي عطاك البنات ان شاء الله بيعطيك الولد
عامر: امين انا ما اكره انه يكون عندي ولد بس مهو شرط وبناتي عندي بالدنيا كلها
يزيد : الله يخليهم لك وانت الحين عاد ضامن اني بجيب ولد خلها على ربك و الاسم الي ربي كاتبه بنسميه معني اتمني يكون عندي بنت
عامر: هههههه عشان تصير مثلي ابو البنات وتنشب بحلقك امي
يزيد: هي وش اخبارها والله اتمنى انها تتغير و اروح اشوفها
عامر : انت تعال بكره وابوي فيه وجيب هند معك
يزيد : لا يا معود انا اجي معليش معني بعرف انها مثل كل مره بتسمعني كلام لكن هند لا ما بيها تجرحها امها الله يرحمها امنتني عليها
عامر: الله يكون بعونك ويخليك لها الا ما قلت لي وش صار على اخوها
يزيد : والله ماني بعارف كيف اتصرف حاولت معه انه يتعالج ورافض يدخل المستشفى وحالته ماتسر ابد
عامر: خلي اخته تكلمه
يزيد : لا يا معود هو ما يبيها تقول كلمه كيف تبيها تكلمه
عامر : الله يعينك بس لا تنسى انها هي الي وقفت معك وساعدتك وحنا اهلك ما نعرف عنك لو ما انت قلت
يزيد : ولا عمري راح انسي هـ الشي تعال خلنا نروح لهم
, * ,
بيت ابو ملاك
شذى: صح النوم حبيبتي ...وتروح تسلم عليها
ملاك: رفعت راسها ...كم الساعه
شذى: الساعه سبعه بالليل قومي يا نوامه
ملاك: تجلس وترفع رجولها وتنزل راسها عليها
شذى : نجوي حبيبتي وش فيك
ملاك : آآآه راسي يوجعني
شذى: قومي طيب حبيبتي الحين اجيبلك اكل أكيد من الجوع يوجعك
ملاك: بروح اخذ شور وتقوم وتدخل الحمام وهي تسحب رجولها و حاسه بضياع
* ، *
شذى: لبست عبايتها و تحجبت نزلت اسفل الصاله وفيصل ومحمد جالسين يدرسون
فيصل : شافها وهي نازله : هلا وش فيك
شذى : انجي صحيت وراسها يوجعها بروح احطلها شي تاكله
محمد: بقلق : هي وينها الحين
شذى : تاخذ شور
محمد: اوكي بطلع اشوفها وعطيها حبوب الصداع شذى اذا ممكن بس جيبيلها شي دافئ ما تقدر تاكل الحين تروح ترجع
شذى: اوكي وتروح
فيصل: تعال انت كيف بتطلع لها بغرفتها
محمد: وش فيك اهي زوجتي
فيصل: ههههههه تعال اركد لما يصير عرسك ادخل غرفتها
محمد: روح عني بطلع اتطمن عليها
فيصل: هههههههههه هذا الي يقول احب بعقل و بيعلقها بالعامود والله يا حمود وسرنا نحب وين خلود عنك ههههههههههههههههههه
محمد: يرمي عليه المخده روح زين
فيصل: هههههههههههههههههههههههه
محمد: والله انك فاضي انا بهمها و انت تضحك ويروح بيطلع
فيصل : هههههههه تعال خل شذى تعطيها الحبوب
محمد: روووووووووح ...ويأشر بيده له ويطلع ويدق الباب
ملاك : بعد ماخرجت لبست روب حرير و شعرها ملفوف داخل منشفة الشعر وخذت شرشف الصلاه وتحجبت وسمعت الدق ..ادخلي
محمد: وهو مبتسم : حمدلله على السلامه كيفك الحين
ملاك : تصد عنه : منيحه
محمد: يتامل وجها: شذى قالت انك مصدعه خذي هذى حبوب الصداع
ملاك : بعصبيه : اهي فين كان ارسلتها معها
محمد: يوقف قدامها : ليه ما تبين تشوفيني
ملاك : ترجع على الخلف : ممكن تطلع و ما تدخل الغرفه مره ثانيه
محمد: مبتسم ويقرب منها ويمسكها مع كتوفها ويبوس راسها : ان شاء الله حبيبتي طلباتك اوامر
ملاك: تبعده عنها : شو هيدا اطلع برا
محمد: هههههه اوكي طالع بس لا تعصبين ...يحط الحبوب على التسريحه ...تصدقين انك قمر حتي و انتي معصبه احبك .......ويخرج بسرعه ويسكر الباب
ملاك : وجع قليل حيا
* ، *
في الصاله
فيصل : تعالي وين رايحه
شذى: تلف عليه وهي عند الدرج : وش عندك بطلع فوق
فيصل : هههههههههه خليك قيس بن الملوح فوق
شذى : هههههههههه من قيس
فيصل: محمد فيه غيره
شذى: خليني اطلعلها لا تروح فيها
فيصل: لحقيها لا يسوي شي مجنون انجي
شذى: ههههههههه وتطلع وتشوف محمد خارج يصفر
ملاك : دق الباب وتروح وتفتحه بعصبيه : خير شو بدك بعد
شذى: ههههههه وش فيك
ملاك: وهي معصبه: هذا قليل الحيا شو بده جاي غرفتي
شذى: هههههه اوكي اهدي خلاص نزل وتدخل خذي اشربي الحليب
ملاك : خليه بدي صلي
شذى: اوكي ودخلت جلست
ملاك : بعد ما صلت كل فروضها الي فاتتها جلست تدعي وتبكي
شذى: راحتلها بعد ما سلمت جلست جنبها حبيبتي ادعيله هو محتاج منك الدعاء
ملاك : حطت راسها على رجولها وتبكي
شذى: تكلمها وهي صوتها يرجف : حبيبتي اذا بزعلينه ابكي هو يبيك تكوني بنته القويه الي تدعيله بصلاتها وبكل لحظه مو تبكين ادري وش كثر انتي تحبينه بس تذكري انه اهو بعد يحبك وانه راح يجي يوم كلنا نموت ترفعها وتمسح دموعها حبيبتي انا معك وكلنا معك ...تعالي اشربي الحليب صار بارد وتقومها
ملاك: تنزل الشرشف وتروح تاخذ حبتين من حبوب الصداع
شذى: اشربي الحليب اول
ملاك: تاخذ الحبوب و تشرب شوي من الحليب وتدخل غرفه الملابس تلبس ترنق اسود وتروح على السرير وتنزل المنشفه عن شعرها
شذى: تجلس عندها وتمسح على شعرها انجي بكره تبين تداومين
ملاك: ايه
شذى: اوكي ارتاحي الحين وبكره اشرحلك وش اخذنا
ملاك : شذو شتقتلك وتحط راسها على صدرها
شذى: وانا بعد وتبوسها على راسها كنت ادق عليك احصله مقفل(مغلق) و ماما ما خبرتني الا بعد ما خرجتي من المستشفي و لما عرفت طلبت من فيصل يجيبني لك و يقول ما عنده اجازه و ما حصل حجز وقت الوك اند كان ودي اكون معك
ملاك: بخوف من الي جاي وش بيصير معها اكثر من كذا : انتي معي هلأ
شذى: حبيبتي انتي فين جوالك امك اتصلت تسأل عنك
ملاك: بهدوء : معد بدي اياه وماما بعدين احكيها ...وسكتت شوى.... انتي خبريني كيف فيصل معك
شذى:تضمها لصدرها : يجنن ما تخيلت اني راح عيش بيوم كذا
ملاك: ترفع راسها وتبوسها على خدها: الله يسعدك
، * ،
في الصاله
محمد: وين تبي تروح خلك معي
فيصل: اقول يا حبيبي ما كنك مزعجني ومصحيني من الفجر ابي اروح انام تعبان
محمد: خلك نام هنا
فيصل: لا يمعود بكره اقابلك ويدق على شذى
شذى: هذا فصولي... هلا حبيبي
فيصل : يالله حياتي مشينا
شذى: اوكي حبيبي الحين انزل وقفلت
ملاك : بخوف من وحدتها : على فين ؟؟؟
شذى: تبوس خدها: حبيبتي فيصل يبينا نروح
ملاك : تجلس على السرير : لا خليك معي
شذى: بكره اشوفك فيصل تعبان يبي ينام صاحي من الفجر
ملاك: تمسكها مع يدها : لا الله يخليكي قوليله ينام هون لا تتركيني لوحدى
شذى: اوكي الحين اكلمه و اتصلت عليه ..الو
فيصل: هلا فينك يالله
شذى: بصوت واطي : حبيبي تعال فوق ابيك
فيصل : ليه وش فيه
شذى: حبيبي تعال انتظرك وقفلت
فيصل: اوكي ويقوم
محمد: يرفع راسه يناظره : وش فيك
فيصل: مدري شذى تبيني فوق
محمد: بخوف : خير انجي فيها شي
فيصل: لا ما قالت الحين اشوف
محمد: بسرعه
فيصل : طلع وشافها عند الدرج : خير حبيبتي وش عندك
شذى: تمسك يده حبيبي انجي تبكي تبيني اجلس معها خلاص عيوني نام هنا وانا بنام عندها
فيصل: لا يا عمري معرف نام الا جنبك
شذى: فصولي حبيبي حرام عليك
فيصل : ياااااربي جات وبتبعدك عني
شذى: تبوس خده حبيبي حرام عليك اهي تعبانه
فيصل: آآآآآآآآه منك بس اليوم تنامين هنا
شذى: اوكي حبيبي انت لا تروح البيت خلك هنا عشان اشوفك
فيصل: يبوسها على خدها : ومن قلك اني بامشي عنك
شذى: تلف يدينها على رقبته وتحضنه شكرا حبيبي وتبوس خده بقوه
فيصل: لااااااا خلاص هونت يالله
شذى: تضربه على خفيف على صدره وبدلع : فيصل
فيصل: آآه يعيون فيصل روحي عندها لاخذك الحين البيت
شذى:وبفرحه : تبوسه اوكي خليني اروح اخبرها باي
فيصل : نزل تحت
محمد: هاااه وش فيه
فيصل: ياخي بذبحك انت ومرتك ....ويمسك من على الكنب الي جنبه مخده ويرميها عليه .... انا لساتني بشهر العسل تبون تخذون مرتي مني
محمد: ههههههههههههههههههههههههههههههه
فيصل : يروح ويخنقه بقهر : وتضحك بعد ويغطي وجهه بالمخده
محمد: يشيل المخده عنه : ههههههههههههههههههههههههه روق هي عندك فوق محد قلك روح نام بالبيت لوحدك ادخول بأي غرفه وروحوا ناموا فيها
فيصل:مرتك شكلي بذبحها بيوم تبيها تنام معها
محمد: اقول كله الا المدام ....و دق جواله يوووه هذي خالتي نسيت اقلها تكلمها
فيصل: مهي اخذه عقلك
محمد: اسكت بس لا كفخك ....الو
ام احمد:الو... السلام عليكم
محمد: هلا خالتي
ام احمد: بخوف يظهر من نبرت صوتها : هلا يمه طمني عليكم
محمد: الحمد لله خالتي كلنا بخير
ام احمد: يا ولدي لا تكذب علي قلبي ما كلني ملاك وش فيها كل ما دقيت قلتلي نايمه
محمد: خالتي قلت لك ما فيها شي بس من تعب الرحله وهي صحيت ورجعت نامت انتظري شوي الحين اناديها تكلمك
ام احمد: اهي صاحيه الحين
محمد: ايه الحين اناديها ............وطلع مع الدرج ودق الباب.......... انجي
ملاك : يوووووه شو بده بعد
شذى: قومي شوفيه
ملاك : تروح تفتح الباب وبقرف : خير
محمد : يطالع فيها من تحت لفوق وبحب : شتقت لك
ملاك: شوو
محمد: اوه حبيبتي خالتي تبيك ...ويمد يده بالجوال
ملاك : تاخذه منه
محمد : يقرب من اذنها واخذ نفس يستنشق ريحه شعرها الي بعده اثر المويه فيه : حبيبتي لا تخبرينها انك تعبتي انا خبرتها انك تعبانه من الرحله و نايمه ويمسك يدها ولا تعلمينها انك هنا بالبيت
ملاك : تبعد عنه : اهلين ماما
ام احمد: بكيت :حبيبتي انتي بخير
ملاك: شو بكي ماما لا تبكي انا منيحه بس تعبت من الرحله لاني كنت صاحيه بدري و مانمت طول الرحله
ام احمد: الحمد لله لك يارب كنت خايفه عليك
ملاك : تفك يدها منه... ماما حبيبتي لا تخافي انا كنت بدي كلمك بس قلت يمكن نايمه الوقت متاخر عندكم
ام احمد: وشلون تبينه يجيني نوم وانا ما سمعت صوتك
ملاك:بحب وشوق : ماما حبيبتي روحي نامي ورتاحي انا منيحه وبكره رايحه الجامعه
ام احمد: الله يحميك ويحفظك مع السلامه حبيبتي وعطيني محمد
ملاك: تصبحي على خير ماما باي..وتمد الجوال له ....ماما بدها اياك
محمد: هلا خالتي ارتحتي خلاص ....وشافها بتروح مسكها مع يدها
ام احمد: الحمدلله ما وصيك عليها انتبه لها
محمد: بحطها بعيوني.. ويغمز لها.. بس ارتاحي انتي و لا ينشغل بالك علينا
ملاك: تكلم نفسها عساك العماء بعيونك قليل ادب وتاحول تسحب يدها
ام احمد: تسلم يا ولدي انتبه النفسك مع السلامه
محمد: مع السلامه
ملاك: شو بدك اترك ايدي
محمد: وش اخبارك لسى مصداعه
ملاك: تصد عنه : لا
محمد: وش تبين عشاء
ملاك: ما بدي شي
محمد: هذا وانتي عندك ضيوف متبين تعشينهم
ملاك: خلص اطلب أي شي اترك ايدي
محمد: يرفع يدها ويبوسها
ملاك: تسحب يدها منه وتدخل الغرفه وتسكر الباب بقوه: اوفففففففف منه
محمد:يضحك على وجها الي صاير احمر و عصبيتها
شذى: وش فيك
ملاك:تروح وتجلس على السرير :هذا العله بده يجننى
شذى: وش يبي منك
ملاك : ماما تصلت
شذى : وش سوالك تتاففين
ملاك: حمر وجهها : هو شو مفكر حالة ما سك ايدي وبعدين باسها ومره يبوس راسي
شذى: هههههههههههه ياعيني على الحب وتحضنها تعرفين وش كثر فرحانه عمرنا ما راح نفترق لانه ما خذين اصحاب
ملاك: اوووووووه انا في ايش و انتي في ايش
شذى: تتثاوب آآآه تعبانه ابي أنام
ملاك: شو تنامي لا خلك معي انا ما فيني نوم
شذى: حبيبتي انا صاحيه من بدري
ملاك : اوكي انتظري صلي العشاء وتعشي اول الحين يطلبونه
، * ،
بيت ابو محمد
منى : نازله مع الدرج وتنادى :امي.... امي
ام احمد : جالسه فالصاله : خير وش فيك خفضي صوتك لا تصحين اخوك توه نايم
مني : تجلس جنبها : وهو وش عنده ما ينام بغرفته على طول لا زم ينام هنا وبعدين تشيلينه
ابو محمد : جاى من المكتب وسمعها : مثل بعض ناس زمان ينامون ونشيلهم
منى : يبه حرام عليك انا ما كنت مثله
ام احمد : ههههه يا حليلك نسيتى خلصتي الابتدائي و انتي اذا ما نمتي عندي ما تنامين والحين ما تبين اخوك ينام
ابو محمد : الحين تلومينها و اول اقول لك خليها تنام مع اختها تقولين حرام تخاف
ام احمد: وش فيك على عيالي
منى: ههههههه امي الظاهر ابوي يغار مني انا وحماده
ام احمد: بنت استحي هذا ابوك
منى: اوكي امي خلاص ما راح اقول ولا كلمه
ام احمد: الحين وش عندك وش تبين نازله تصارخين
منى: وييييييييي نسيتيني بكلامك الحلو وتبوس خدها بكره يا حلوه عندي مجلس امهات وفيه تكريم ابيك تجين
ابو محمد : خلاص كبرتي وبعدك تبين امك تجيك المدرسه
ام احمد: وش فيك على البنت ايه بروح لها حتي بالجامعه اذا يبون يسون مجلس امهات بروح لها
منى: تحضنها :ههههههههههه الله يخليك لي يا احلي ام انتي بس عاد الجامعه امي كبيره شوي ما اتخيل شكلي وانتي رايحه تسألين عني وتبوسها
ابومحمد: يكلم نفسه رحمة الله عليك يا ام محمد هذى دعوتك قبل ما تموتين ان الله يعوض اعيالك بام تخاف عليهم والله ستجابلك وعوضهم بلي مثلك : ايه الحين تتهزين على امك وتوها امك تحط علي والسبه انتي
منى : يبه والله من جد صرت اشك انك تغار
ابو محمد: انا اغار منك انتي هو الي باقي
منى : تقوم وتروح عنده وتبوسه على راسه : لا يحلو ما تغار امزح معك بس امي تستاهل صح
ام محمد: مي فينها ما نزلت
منى: الحين تجي و يا حلوه لا تغيرين الموضوع
ابومحمد:هههههههههههههه
ام احمد: زين يا منى شوفي الي يجيك بكره
منى: لا امي ولي يعافيك البرنامج فيه فقره عن الام اهون عليك
ام احمد: حز بنفسها خافت انها تكون افتكرت ان امها متوفيه و لمعه الدموع بعينها : لا حبيبتي هو انا اقدر ما روح لبنتي حبيبتي
مي: ياسلام هي حبيبتك وانا لا
ام احمد: لا يا بعد عمري انتي حبك غير انتي الكبيره
منى : ياسلام والله امى ملاك ما راحت بعيد عنك اثرها ماخذه الكلام الحلو و التصريف منك
ام احمد: آآآآه ياقلبي عليها انتم عندي لكن هي ومحمد الي مدري عنهم كيف بيكون حالهم باغربه
ابومحمد: توك مكلمتهم و ادعيلهم الله يوفقهم ويستر عليهم و انها تقدر تنسى و تعيش حياتها
...امين
مي : كيف حسيتي من صوتها مرتاحه
ام احمد: مدري قلبي مهو مطمنى لكن محمد يقول انها طيبه
ابومحمد: ان شاء الله هي فتره وتعديها اذا قدرت بايمانها احنا مالنا الا انا ندعيلها بكل وقت ان الله يصبرها ويوقف ويشيل احمد يطلعه غرفته
، * ،
الساعه عشره
ملاك: (خرجت وراحت غرفه ابوها وحطت يدها على الباب تحاول تفتحه مهو راضي يفتح معها مقفول).. من قفله فين المفتاح (وتتلفت حولها مافي احد و دور على المفتاح ما حصلته ) فين محمد المرض ما في احد غيره سواها وتمشي تجاه غرفه الضيوف اووووه فيصل هون وترجع وتنزل اسفل واول ما شافته .....تصرخ بعصبيه
فين المفتاح...؟؟ انت بي حق تقفل الغرفه ... من بتكن منشان تعمل هيك.. اعطيني المفتاح بسرعه
محمد: جالس يتفرج فلم و شافها نازله وقف وجا ينجلط ويصرخ فيها :هيه انتي وشلون نازله كذا وفيصل في البيت ...ويروح ويسحبها مع يدها
31-10-10, 11:00 PM
جديد مواضيع قسم القصص المكتملة (بدون ردود)
العرض العادي
