كاتب الموضوع :
قطورة الندى
المنتدى :
القصص المكتمله من وحي قلم الاعضاء
تابع البارت الاخير
شوق : خلاص اتركني قلت لك اسفه
مشعل : وين اصرفها دي شوفي تبللت والمخده ابي انام
شوق : طيب شدخلني اني كنا نلعب وثاني شي هدي مو فكرتي .وبتسمت . بس حمستهم ننفدها
مشعل : لا والله تعترفين هاه طيب اراويك
اخد المفتاح وقفل الباب
صحيت على صوت الباب
شوق : مين ؟
ريم : اني ريم افتحي الباب
شوق : ريم انقديني قافل الباب ومخبي عني المفتاح شسوي
ريم : وينه هو ؟
شوق : نايم
ريم : ادا خرجتي بتلقينا عند النافوره في الحديقه
شوق : اففف
توجهت له وصحيته بس ماراح يفتح الباب الا لما يسبح ويخلص
جلست على كرسي التسريحه استناه وجا جنبي
مشعل : سكري لي الزراير
سكيتهم له ووجهي احسه نار : خلصت يلا ننزل
مشعل : طيب بس اختاري لي عطر احط لي منه
شوق : طيب
فتحت اول واحد شميته ريحته حلوه بس يمكن فيه احلى فتحت الثاني شميته حسيت نفسي برجع رحت الحمام كرمكم الله رجعت واني ماسكه بطني حسيت فيه يمسكني غسلت وحملني على السرير
مشعل : ايش حصل لك
شوق : مدري بس ريحته حسيتها قويه مو حلوه
مشعل : طيب قومي اوديك الطبيب
شوق : لا مابي اروح الطبيب عشان رجعت من ريحت عطر بس لا تحط لك منه
مشعل : والله ذوقك غريب اصحابي كلمهم عجبهم ماخدنه من فرنسا بس راح ارميه عشانك شرايك ترتاحين شوي بعدين ننزل
شوق : لا اني بخير
مشعل : لو حسيتي نفسك تعبانه تجيني على طول
شوق : ان شاء الله
بعد الغدا جلسنا في الحديقه بعدها جا خال مشعل ابو رائد سلم على جدتي وراح وجت معاه مرته مع بناتها 2 متزوجين أزدهار وعندها دلال عمرها 3 اشهر وأحمد عمره سنتين اما ليلى حامل شكلها في الاشهر الاولى وعدها ماجد عمره 6 سنين
ليلى : أنتي باي شهر شوق
شوق : كيف
ليلى : انتي حامل ؟
شوق : لا ليش
ليلى : اسفه حسبتك حامل
ساره : شوق تخيلي انك حامل
شوق : لا ماتوقع
ليلى : تحسين بلوعه او دوخه
شوق: ايه
ليلى : اتوقع انك حامل لانها اعراض الحمل
شوق خافت : حااامل
ليلى : ادا تبين تتأكدي عندي اختبار للحمل
شوق : لا اخاف
ليلى : ايش تخافي تعالي بس
أزدهار : وين رايحين
ليلى : لحظه ونجيكم
ريم : ورين راحو
ساره : ههههه الله يعينها شوق ماسكتها ليلى غصب حامل وراحو يتأكدو
ريم : والله كنت شاكه اجل كل شي مو مشتهيه ومالها خلق شي وغير كدا سمنانه شوي
هالوقت جت رزان تتمشى بدلع ووراها امها وخواتها
ليلى : يلا شوق تأخرتي
هالوقت خرجت : هاه شوفي ايش يعني
ليلى : للاسف لا
شوق " رغم اني نفسي اصير ام وحمل ولده بس مابيه لاني عارفه مصرينا الطلاق "
ليلى : كسرتي خاطري خلاص انتي حامل والله كنت امزح معاك
شوق تفاجئت : قولي والله
ليلى ببتسامه : توني حالفه لك والله العظيم كنت امزح شوفي اقري الكتيب وتأكدي بنفسك بس ترا النتيجه مو مضمونه ميه في الميه الافضل انك تسوين التحاليل في المستشفى
مشيت عنها مو مصدقه الي اسمعه دخلت الغرفه ولاشعوي حطيت يدي على بطني " اني طفل بصير أم "
ليلى : اشش بشويش لاحد يسمع
ساره تضحك : يااااي مبسوطه
ليلى : مابي احد يدري لين تحلل في المستشفى وتتأكد
ريم : ابشري
رزان : واااي حر اهني
ساره تعلي صوتها: يقولون الحر زين ينضج الخلال هههههههه (الخلال يكون قبل الرطب ولونه اخضر)
ساره : هههههههههه
رزان بقهر : شقصدك
ساره : ولا شي
هالوقت دق جوال ساره اغنيه عراقيه (بوسه لروحك وقلبك )
صقر : يلا ساره انا في السياره استاك
ساره : طيب ثواني وني عندك
بعد ماسكرت عنه
ريم : لا تقولين بتروحي
ساره : ايه والله اخوي في السياره مابقدر اروح لشوق سلمي لي عليها
ريم : الله يسلمك
رحت اسرع مستعجله اعرفه ادا تأخرت لازم يزفني دخلت السياره وسكيت الباب تدكرت جوالي حطيته في الشنطه لولا فتحت الشنطه واشوى شفته
ساره : صقر يلا امشي شتنطر
........: وأنتي كل مكان طالعه لي
ساره : أنت !!!!!!!!!!
فتحت الباب وطلعت بسرعه وينه سيارته
رائد : سيارة اخوكِ من هدي الجها
رحت للمكان الي قالي فيه ايه تدكرت احنا نزلنا امس اهني والله الاماكن تتشابه وسيارته مثل اخوي ياربي فشله قبل لا ادخل ناضرت في الشخص زين ايه هدا اخوي ودخلت السياره
مشعل : شوق !!
مسحت دموعها بس مافيه فايده صاحت ودفنت وجها في المخده
تقرب منها ومسح على شعرها: شوق عذبيني سوي فيني الي تبيه بس والله ماقوى على دموعك
شوق : خليني لوحدي
مشعل : من الي زعلك قولي لي
شوق : محد اقولك اتركني
مشعل : رزان قالت لك شي علميني
رفعت راسي اناضر فيه يعني اهني اكيد شافها : اطلع برا
مشعل : شوق والله ماكان شي بينا
دفته بيدها وصرخت عليه : اقولك اطلع برا مابيك اكرهك اكرهك
طلع وسك الباب بقوه
" والله مو من قلبي وربي احبك سامحني "
غسلت وجهي وأني اناضر في وجهي " لا زم ادور حل لهالمشكله ماراح اخلي جدتي تحس بشي "
مسح دمعته وناضر فيه : فيصل انا محتاجك
فيصل : مشعل انت تصيح !
مشعل : لاني رجال ممنوع اصيح ماعندي قلب
فصيل : انا ماقلت هالكلام وقولي شلي خلاك في هالحال
مشعل : فيصل انا تعبان تحملت وتحملت ماقدر اتحمل اكثر تكرهني يافيصل تكرهني ونا الي احسب انها سعيده معاي
فيصل : هدي نفسك وقولي وينك فيه
مشعل : ابي اجلس لوحدي تصرف قولهم الي تبيه بس مابي اشوف حد
طوووووووووووط
ريم : فيصل حاول تعرف وينه فيه
شوق تعلي صوتها : لساتك على الجوال جت بدريه والبنات
ريم : ايه جاايه
حنان : يقولون رزان اهني ههههه
حوريه : من نحاست الحض ماراح ناخد راحتنا منها
بدريه : اجل وينها ملوك ماشفتها
شوق : مع ماجد ولد ليلى
بدريه : هدي طالعه على مين دايمن تصاحب الأولاد
حوريه : اكيد على على حنان
حنان : شقصدك
حوريه : شفيكِ امزح هههه
بدريه : شوق فيك شي
شوق : ليش
بدريه : مدري شفيكم انتي وريم كل وحده تسرح
ريم : لا بس لاني مساهره البارح
شوق : حتى اني
حنان : حوريه وين السيديات الي جبتيهم بنتابع لنا فلم
حوريه : في الغرفه الحين بروح اجيبهم
هالوقت سمعنا صراح رزان كلنا رحنا لها اكيد صاير لها شي لقينا امها ماسكه شعرها وتضربها راحت بدريه وخدت رزان منها وطلعتها من الغرفه كان وجها احمر وتصيح رغم اني اكرها بس ماتمنا لها هالشي
ام علي : لا حول ولا قوة ألا بالله هدي مو بنتي حسبي الله عليها سودت وجهي
ريم : اشربي يامرة خالي وهدي نفسك
أم علي بعد ماشربت رشفه قالت لنا نخليها لوحدها توني بطلع معهم نادتني استغربت شصايربعد ماجلست جنبها
ام علي : مادري شقولك ياشوق ولا وين اودي وجهي بعد الي سوته حسبي الله عليها
شوق : حرام ياأم علي مايصير تدعين على بنتك مهما سوت بتضل بنتك
ام علي : ياشوق ماني ماناديتك الا عشان اوضح لك الموضوع
شوق : أي موضوع ؟؟
ام علي : من شوي سمعتها تتكلم مع صاحبتها الله يلعنها تبي تفرق بينك وبين مشعل وقالت ان خطتها الاولى نجحت ونكم الحين متخاصمين صحيح هالكلام
وقفت شوق مذهوله " معقوله ضلمتك طول هالفتره الي صار بتخطيط منها ياربي "حسيت الدنيا تدور فيني
في المستشفى
صحيت وكان الكل حولي مسكت راسي أسترجع الي حصل ونزلت دمعه من عيني
شوق : وينه ريم وينه
ام مشعل : يابنتي خوفتنينا عليك شفيك
شوق : ابي مشعل خالتي وينه خلوه يجي ؟
ام مشعل : ريم وينه اخوك روحي ناديه بسرعه
ريم بصوت منخفض : يمه مدري عنه
ناضرتها ام مشعل بخوف : يمه ولدي وينه ياريم علميني
ريم : الحين بروح اكلمه تطمني بخير
شوق : خالتي ابي ماي
ام مشعل : ان شاء الله ولا تحاتي مشعل جاي في الطريق
فيصل : ياريم حاولت اتصل جواله مغلق
ريم : واني حاولت نفس الشي شفيه يافيصل علمني
فيصل : والله ماقالي بس مبين انه مقهور من شي ومضايق
ريم : طيب وش الحل
فيصل : بدوره انا والشباب ادا شفناه بعطيكم خبر طيب
ريم : طيب ونتبه لنفسك
فيصل : ان شاء الله ونتي بعد مع السلامه
ابو مشعل : نعم دكتورا طلبتيني
الدكتوره : ايه تفضل
بعد ماجلس : انت عم شوق ........
ابو مشعل : ايه نعم
الدكتوره : طيب وين زوجها
ابو مشعل : والله عجزنا نتصل عليه مايرد
الدكتوره : شوق تعرضت لصدمه او خبر موكويس
ابو مشعل : والله مدري بس طمنيني اهي بخير الحين
الدكتوره : الجنين بخير بس نفسيتها تعبانه وداضلت على هالحال احتمال تفقد جنينها
ابو مشعل : حامل !!
الدكتوره : ايه اهي في الشهر الثاني مبروك
ابو مشعل بفرح : الله يارك فيك
الدكتوره : حاول انها تبعد عن الضغوطات وتاكل اكل مفيد وصحي اني راح اوصف لها هالادويه وموعدها بعد اسبوعين ادا حست بتعب على طول تجيبها المستشفى الحين وقع اوراق خروجها
ابو مشعل : ان شاء الله
مرت 3 ايام شوق نفسيتها تحسنت شوي بوجود صاحباتها حتى حنان وحوريه صارو كل يوم يجون لها
" 3 ايام ولااي اثر له يقولون انه أطر يسافر ماسك شركه في لبنان بس اني عارفه ليش سافر"
قمت بعد ماسمعت الاذان صليت ودعيت ربي يرجعه لي ناصرت من النافده بتشرق الشمس حسيت بأحد يدخل الغرفه ناضرت فيه اكيد احلم نزات دموعي وقرب مني يناضر فيني
مشعل : كم مره اقولك ماحب اشوف هالدموع
شوق : هالمره دموع الفرح بدون سابق انذار ضميته ايه نعم ضميته ولاول مره سويت شي يريحني
مشعل : شوق شفيك اكيد مصخنه
شوق : مشعل اني عارفه بالي سوته رزان دريت عن كل شي اسفه فهمتك غلط سامحني الله يخليك
باعدها عنه وهو يناضر فيها ببتسامه : امسحي دموعك ومافيه شي اسامحك عليه
شوق : احبك والله احبك
مشعل : ايش عيديها الله يخليك عيدها
شوق : احبك حبيبي
رفعها بين يدينه وهو يدور فيها
شوق : مشعل انتبه على ولدي
وقفت وهو يناضر فيها ببتسامه : انتي حامل
شوق : ايه
نزلها وباسها وباس بطنها استحت ونزلت راسها بخجل : تدري ايش الي دابحني
شوق : ايش
مشعل : البحر الي في عينك بحرك يشوق غمرني
بعد مرور 5 سنوات
شوق ومشعل عايشين حياه زوجيه سعيده وجابت شوق توئم فارس وفيراس وبنوته وجدان عمرها 3 اشهر وكل عطلة صيف تروح لاهل امها في لبنان
ريم تزوجت جابت محمد وسلمان
ساره تزوجت رائد وعدها شهد وناصروالحين حامل اخر شهر لها
منى تزوجت دكتورها ناصر وهي بعد حامل
الماس تزوجت احمد يحبها ويموت فيها وعدها بنوته لساتها ماكملت الاربعين يوم
فجر تزوجت محمد اخو منى عاد فاتكم زواجهم سوتها منى وجلست في الوسط بينهم هههه بس شوي وسحبتها امها
سلامه مخطوبه الى على أخو رزان
رزان تزوجت من محمد الي كان يحبها لساتها ماحملت والحين تتعالج بعد ايش تزوجها بعد ماكتشفها ابوها وارغمه يتزوجها اما زينه مصيرها مصير أي بنت يصير فيها مثل زينه جالسه مع اهلها جابت ولد معوق الله يشافيه وسالم توفي يعني طفل يتيم وغير كدا مريض كيف بيكون مستقبله الله هو العالم
حنان مخطوبه وحوريه تزوجت من شهر والحين هي في شهر العسل في فرنسا واما نوره صاحبت ريم وشوق مانسيتها تزوجت علاوي خطيبها وعايشه بسعاده وعدها ولد وبنت الله يخليهم
مريم تزوجت وجابت بنات ثنتين وعايشه سعيده مع زوجها ووليد بعد تزوج بنت هامور على قولتهم هههه يعني غني مطلقه ومشغلتنه عدها زي الخدام
(لا تغركم الحياه بملذاتها )
على الشاطئ
الي جالس مع حرمته والي يسبح يعني كشته هههه
شوق تناضر الأطفال يلعبون بالرمل ومشعل جالس جنبها
مشعل : وين وجدان
شوق : مع خالتها
مشعل : اها
شهد : فالث وش اثمه احوك (فارس وش اسمه اخوك )
فارس : فيراس
شهد : حتى احوي فيه راس (حتى اخوي فيه رأس)
سالم : حتى انا فيني راس
فارس : ياربي اقول لكم فيراس
محمد : ايه والله ندري شفنا راسه
شوق دمعت عينها من الضحك ومشعل نفس الشي
مشعل : تدري وش افكر فيه
شوق : ايش !
حملها وهي تصارخ ورماها في البحر وطب معها
شوق : اووووولالا
مشعل :ههههههههه احبك احبك
شوق :هههههه قد ايش تحبني
مشعل : قد بحرك ياشوق
............. (بـــــــحر الشــــوق) .............
.,,,^~..ّ~>>ً ((( النهــــــــــــــــــــــــــــــــــــــــــــــايه ))) <<ً~..ّ~^,,,.
شكر خاص الى خوخه حمستني كثير اكتب هالروايه ولى صديقتها وتوئمتي فديتها ساره وصديقتي الغاليه وصديقاتي الماس وختها سلامه وميمو واختي فجر وخالتي وشيرين أخت ساره
وبالأخير حبيت اقولهم لاحد يزعل لو ماعجبه دوره " اقصد شلتي " لأنها بتضل روايه كل الي فيها من خيالي إلا الأحداث الي كتبت انها حقيقيه وعذروني لو كان فيه اخطاء املائيه هههههه
ومادري ليش ماحد تابعني في هالمنتدى مع ان المنتديات الثانيه تمدح في روايتي وعندي متابعين هدا الي شجعني اني انزل روايتي كامله في هالمنتدى ولاحضت الزوار موجودين
عموماً اشكر كل من تابع روايتي
تحياتي
"قطورة الندى"
ألـــــــوب
|
15-11-10, 11:42 AM
جديد مواضيع قسم القصص المكتمله من وحي قلم الاعضاء
العرض العادي
