^V*V^ البارت الخامس عشر ^V*V^
ساره : شوق نسيت اقولك صقر اخوي خطب بنت عمتي
شوق ابتسمت : ااالف مبروك الحين حسيت اني مرتاحه
ساره : الله يبارك فيك
منى : ليش حسيتي نفسك مرتاحه هههه
شوق : تدرين ان صقر كان يحبني مادري خفت انه يضل على حبي
منى : ساره ينخاف منها اخاف يشوفها زوجي المستقبلي ويتركني هههههه
ساره تغمز لها : قصدك الي شفتيه من شوي هههههه
جلسنا وشوي بعد اصرار منى وشرينا لنا ذره وحنا ناكل تحت البراقع هههه
مرو اثنين
واحد منهم : هاااي بنات
حنا ساكتين
تكلم الثاني : ليش ما تتكلمي يأم عيون حلوه
الاول يغمز: ونت صادق اشهد اني مامرت علي مثل هالعيون
هالوقت جو 2 رجال كانو ضخمين وبعدوهم عنا اني خف بس تدكرت انهم رجال عمي
وصلونا لعند السياره وركبنا مع السواق
بكره زواجي مانمت للحين جات الساعه 2 افكر في كلام منى الله يغربل ابليسها لو دريت ماكلمتها زادت خوفي بكلامها ماخلت شي ماقالته لي اما مشعل ما اشوفه الا وقت العشى او الغدا او لما اخرج مكان كل ما سأل عني خليتهم يقولون اني نايمه او مشغوله بس لما يتصل ارد عليه قربت صورت امي وابوي وحضنتهم ودمعتي على خدي ماحسيت لشي وغفت عيني
رحت الكوفير وطلبت ميك اب ناعم خفت يحطو لي ثقيل واخرعه هههه وسويت لي تسريحه فرنسيه جايه على جنب مع تاج مرره عجبني وحطو لي الطرحه اما فستاني كان ابيض فيه كرستال عند الصدر وشك ومن تحت كبير يالله امشي بس من جد مرررره حلو بعد ماخلصت جت خالتي وقرت علي أيات واعطتني باقت الورد كانت على شكل قلب وتحتها سلاسل وتوجهنا للصاله وتوني داخله سلمو علي وشفت ساره طالعه حلوه مشاء الله والبنات كلهم حلوين التقطت المصوره كم صوره لوحدي ومع ساره وصوره كلنا سوى البنات وطبعن خالتي وريم وملاك صورو معاي
ريم : يلا شوق امي تقول بيزفونك الحين
شوق : ساره اني خايف ايش اسوي
جت منى في اذنها : شوق سوي زي ماقلت لك هههه
شوق عصبت : انقلعي مناك ساروه فكيني منها
ساره : خلاص وش عليك منها امشي بس اذكري الله ودخلي حطي في بالك انك لوحدك الناس مو موجوده تخيلي انك بحلم بس بشويش امشي عشان التصوير وابتسمي
منى : شوق لحضة لاتمشي بتنفك رباط فستانك بربطه لك
شوق : طيب عدليه بس لاتخنقيني
بعدها انزفيت وسويت مثل ماقالت لي ساره وهديت شوي وتوكلت على الله مشيت شوي ووقفت ايه هدا صوته ناضرت ريم وبتسمت لي كان شعر بصوت مشعل وفيه مسيقى صوته مرره حلو ابتسمت ومشيت
فاضي ولا حصلت للزمن موال *** يطربني ويسمعني احلى الأهات
بالي معك يالي لك القلب خفاق *** تدمع لك عيوني بكل عبرات
احبك وزمن شاهد وعيونك المنضار *** أسرد لك حروفي وجمعها ببيات
أذوقك وتحلى بك وأبري خاطري بكلمات *** مشاعري لك وأحاسيسي منسقه بكلمات
يامن على البال لك الحب كله *** ولا غيرك له مكان
حبيبتي اتخيلك مثل ضلي ولا فيك كسرات *** شمعت حياتي نورك يغطي احلى الانوار
وأنا بدوري بظل أرسمك وارسمك بلا عقدات *** قلبي صدى همسك يذوب بصوتك الرنان
حبك نهر أرتوي منه وتقصر المسافات *** بطلب لك طلب عساك تكون للطلب مقدار
تعال نعيش انا ونت احلى الايام واللحضات *** نطير بسحاب الحب مثل الغيوم بالأمطار
نرمي هموم الدنيا ونجلب احلى المسرات
)قطورة الندى )
ألـــــــــــــــوب
وصلت للكوشه كانت ملكيه مرره حلوه وجلست الناس ترقص وناس رايحه وجايه مو حاسه لشي الى لما شفت عمي قمت وبارك لي ووراه مشعل نزلت راسي مستحيه قرب مني و قبل جبيني وبارك لي
مشعل : ايش هالزين كله لي
خرعني ناضرت عمي ليكون سمع شي بس شفته يتكلم مع ريم
مشعل : شفيك حبيبتي
تكلمت بصوت يالله ينسمع : ما فيني شي
مشعل : طيب ما قلتي لي شرايك بالشعر
شوق : حلو
مشعل : فديتك الي يستحون يلا شرايك نمشي الحين
هالوقت جات خالتي : لا والله مستعجل هاه
احس وجهي احترق ابي هواء حرانه مع ان يدي بارده اخد يدي و تبادلنا الدُبل قهرتني المصوره كل شوي قربي منه تبيني الزق فيه والاخ مبسوط على الاخر بعدها انزفينا وقفت عند الباب اودع صاحباتي مادري ليش طاحت دموعي كأني ماراح اشوفهم وكنت ادكر امي وابوي خرجنا بعد ما ساعدتني خالتي البس عبايتي ووصتنا ببعض وطلعنا ركبت السياره كانت مزينه شكلها حلو ركبت وجلس مشعل جنبي كان فيصل هو الي يسوق طول الطريق يضحكو ويسولفو اني ساكته بس اناضره واشوف ابتسامته الحلوه حسيت فيه يمسك يدي
مشعل : يلا وصلنا
نزلت ودخلنا الفندق امشي واني اناضر الارض صعدنا بالأصنصير ووصلنا الشقه فتح الباب وشفته جاي لي ومجهز يده و!!!!!
حملني ونزلني على اقرب كنبه ومسك ضهره : اااه ثقيله
ناضرت فيه مرعوبه : اني !!
مشعل : ههههههههه امزح كأني حامل ريشه بس مو مشكله الايام جايه لأخليك تسمني
شوق : .........
مشعل : خليني اخليهم يجيبون العشى روحي انتي بدلي ثوبك وتجهزي . غمز لها وخرج .
غمصني بطني وقلب وجهي الوان رحت الغرفه وفسخت العبايه ناضرت شكلي بالمرايه عدلت الكحله طلعت لي بجامه لو نها ازرق حطيتها على السرير كنت احاول افتح الرباط الي ورا بس ما فتح "طيب يامنى اراويك اجل كدا تسوين فيني يارب ينفك قبل لا يجي تعبت يدي ااف شسوي"
سمعت طق على الباب ياربي اكيد هو وش بقول الحين
شوق : نعم
مشعل : شفيك مابدلتي
شوق بقهر : ما قدرت افتح الفستان
مشعل ابتسم : طيب تعالي افكه لك
شوق انحرجت : هاه لا خلاص اني راح افتح انت اطلع وستناني
سكت عنها ورحت وراها كان الرباط جاي متشابك ببعض ومن فوق الربطه فتحتها وسحبت الشريطه قربت منها وطبعت بوسه على رقبتها وبعدت عني على طول
مشعل : هههه ماراح اكلك على العموم انتي بدلي وانا بستناك وياويلك لو لبستي لي هالبجامه البسي من الثياب الي خديتهم لك الي لونه احمر ولو مالبستيه ترا انا بلبسك اياه
قهرني من اولها ويهدد ياربي صبرني لبست الي قاله لي وغسلت وجهي عن الميك اب وفليت شعري وحطيت لي روج احمر نفس الفستان
انتبهت لها جاتني ووقفت مصدوم شكلها مغري ااه ياقلبي على الاحمر جلسنا وتعشينا اكلها مره خفيف كأنها عصفوره تنقد هههه
ساره : اه ياقلبي على توئمتي
منى : يالله الي مايدري يقول من جدي توئمتك ههههه
ساره وهي تصيح : ااااف منك
ريم : ساره هدي نفسك ترا مشعل طيب ومستحيل يأذيها
ساره : ما شفتيها كيف راحت ياقلبي عليها
منى : تراك مكبرا الموضوع كلها كم شهر وراجعه وقبل لا تسافر وعدتك تزورك
ريم : تعودي من الشيطان ورحي غسلي
ساره : طيب
طلعت ساره من الصاله وراحت جهت الحمامات مانتبهت للي يناضر فيها
ايه هدي نفس البنت الي سمها ساره يالله وش هالجمال شكلي بغير رايي وزوج
ام مشعل : هلا والله برائد شخبارك
رائد : هاه ايه بخير الله يسلمك
داخل الصاله ام رزان تكلم بنتها الي مو عارفه أيش صاير بدنيا لان لو درت عارفه امها وش راح تسوي
رزان : يمه احسك مو طبيعيه اليوم وايش الازعاج الي عندك
الام : يابني والله مافيني شي بس معصبه شوي من خواتك مدري وين راحو احنا الحين في زواج صاحبت اختك نوره
رزان : شوف النحاسه ماقالت لي طيب من هي من صاحباتها هبة لو زهراء لو شهرزاد
الام : مشاء الله تعرفيهم كلهم ههه
رزان : اكيد وهم كل يوم وهم معها هاه ماقلتي لي من منهم
الام تحيرت ماعرفت انها تعرف صديقات ختها اختارت اسم وبس ههه: الي بتتزوج زهراء
رزان : اها طيب يلا اخليك يمه هدا العشى وصل
الام : طيب وسلمي لي على البنات
رزان : يوصل
بعد ماسكت مها
رزان : هلا حبيبي وينك تاخرت عليك
نرجع للمعارس
شوق تصيح : حرام عليك لا تقرب مني الله يخليك
مشعل معصب : انتي شفيك كل شوي حرام وحرام لساتك مانسيتيه كل هدا تحبينه
شوق : ايش قصدك
مشعل : قصدي صقر
شوق : اني !!
مشعل قاطعها : اسمي يابنت العم انا مستحيل اسوي شي بغير رضاك عشان كذا بقولك من الحين انا مو غاصبك تحبيني بس لما اكون معاك مابيك تفكري فيه تشوفي ثوبي هدا (كان على الشماعه ثوب نوم حقه مخطط هههه) ادااا نسيتيه وتبيني البسيه فاهمه
طلع وسك الباب بقوه صحت واني على الارض مو فاهم لي والله اني احبك
صحيت من النوم واني احس بدفى فتحت عيني بشويش وشفت المصيبه نايمه قريبه منه ومتمسكه بيده وهو يناضر فيني تركته وقمت على طول ووقفت بعيد
مشعل : بسم الله شفيك انتي تخرعتي
شوق : ليش نايم اهني
مشعل انقهر : ان شاء الله تبيني انام بالصاله على الكنب اكسر ضهري
تركني وقام دخل الحمام يااارربي ارحمني كل ماتتحسن الاوضاع ترجع مثل ماكانت
اعذروني ادا كان هالبارت جريأ طبعن مو للكل اني اقصد قرايبيني الي يتابعون معنا الروايه والي بيقرونها وبعضهم اول مره في حياتهم يقرون روايه حبيت اقول لهم اني صار لي 4 سنوات تقريباً اقراء
روايات روايتي مو شي قدام الروايات الي قريتها يعني لاحد يقول قليلت أدب ههههه
وتدرون عاد اني الحين افكر بالروايه الي بكتبها بعد هدي الروايه ههههههه ^_^
07-11-10, 01:44 PM
جديد مواضيع قسم القصص المكتمله من وحي قلم الاعضاء
العرض العادي
