كاتب الموضوع :
قطورة الندى
المنتدى :
القصص المكتمله من وحي قلم الاعضاء
^V*V^ البارت الرابع ^V*V^
جاء اليوم المنتضر الي بتكون شوق زوجة ويرتبط اسمها بأسم ابو ياسر
تعودت على الالم على الظلم طوال حياتي اليوم ستنتهي حياتي لا أعلم ماهو مصيري قلبي ليس ملكي ليس بيدي حيله لا اقوى على المقاومه انا لا اتخذو قراراتي بنفسي انا لست صغيره لكي اعامل هكذا ياربي سهل اموري وكتب لي ماهو خير لي
مريم : ليش هالبكي شوق
شوق ضامه مخدتها وتصيح : حرام عليه قولي له مابيه مريم مابي اتزوج الله يخليك كلمي عمي
مريم جات لعندها ومسحت على راسها : حبيبتي اهدي انتي بتتزوجي وتعيشي عند زوجك اني سمعت انه رجال طيب راح يسكنك ببيت لوحدك
شوق : لالالا ماااابيه لو اموت ماخدته
وليد : ااااايش ماسمعت
تخرعت وعدلت جلستي واني امسح دموعي
مريم : وليد الله يخليك وغلات اخوك المرحوم خف على هاليتيمه لو زوجتها صدقني ماراح ترتاح طول عمرك وبتضل في عذاب
وليد : مريوم عن الفلسفه الزايده وقومي جهزي الغدا وخلي هال...... تتأدب لا أأدبها انا
مريم بقلة حيله : ان شاء الله
في الغرفه جالس على السرير بالابتوب يشتغل على تصميم مجمع تجاري
مشعل : هلا يبه تفضل
ابو مشعل : اش تسوي
مشعل : جالس اسوي التصميم حق المجمع
ابو مشعل : الله يعطيك العافيه
مشعل : الله يعافيك تفصل يبه اجلس
ابو مشعل : لا انا بروح انام لي شوي بس حبيت اقولك ان المغرب تجهز بنروح مكان ولا تسألني وين المغرب راح تعرف
تركني ومشى الله يستر لا يصير الي في بالي بس
ملاك : مشعل ملاااانه قوم العب معي
مشعل : لا عندي شغل بكره العب معاك طيب
ملاك مدت بوزها بزعل : ياااااربي الكل مشغول كل واحد مشغول
مشعل راح لها وباس خدها : فديت الزعلانين خلاص وش تبي نسوي
ملاك سحبته من يده على غرفتها الالعاب ودخلته داخل بيت اللعاب كان صغير فيه طاوله وكراسي وفرن وادوت المطبخ
مشعل : اخ ضهري المني وين اجلس الحين
ملاك قربت له الكرسي الصغير : اجلس اهني صاير يادب كبير لا تاكل كثير طيب
مشعل : ههههه ان شاء الله مامه
راحت عند الفرن وجابت الصحون الصغيره لونها زهري وحطتهم على الطاوله وشوك ولملاعق واكواب
ملاك : يلا كل
مشعل يسوي نفسه ياكل ويشرب يجاريها ههههه
شوي وخرجت من مخباتها روج لونه احمر صارخ وحطت لها والى العروسه حقتها وجلستها جنبه
ملاك : اني سمعت ابوي انك راح تتزوج وهدي عروستك حلوه صح
مشعل الله يستر : ايش سمعتي بضبط
ملاك : ابوي قال الى جدتي امممم (حاطه يدها في فمها وتحاول تذكر )
مشعل بنفعال : ليكون نسيتي بعد
ريم : بوووووووه ههههههه
ملاك تخرعت : يمه
مشعل وهو يخرج من البيت الصغير : الله يغربل ابليسك كدا تخرعينا
ريم : اعصابك ياشيخ بس حبيت اقولك صاحباتي بيجون لي طيب
مشعل كشرت من طارقهم : قصر وش كبره روحي القسم الثاني أو الحديقه الخلفيه وخدو راحتكم
ريم : لا والله احلف بس
ملاك : لا مانبيهم
مشعل : من ؟
ملاك : صاحباتها دلاليع كل وحده ثوبي ماركا كدا وثانيه تقول لا تلمسي مناكيري يختربو
سكتت على المخده الي طارت في وجها وعلنت سقوط الامطار الغزيره ههههه
مشعل : كدا تخليها تصيح
ريم : ايش دراني انها حساسه لهالحد صدق ام ادميعه
من سمعتها تقول ام ادميعه زادت بصياحها تكره حد يقولها كدا
المغرب بعد صلاة العشاء
وليد : يلا قدامي ادا سألك الشيخ وش تقولي
شوق ناضرت فيه بقهر : موافقه
وليد : طيب يلا مشي قدامي وياويلك ياسواد ليلك لو قلتي كلام انتي مو قده راح تندمي فاااااهمه
شوق بخوف : طيب
واني خارجه من غرفتي شفت مريم وماسكه في يدها القهوه وشاي ناضرتني وعيونها فيها الدموع ونزلت راسها عورني قلبي عليها البارح تشاجرت مع عمي وضربها عشاني رفعت راسي على عمي ويعيد علي نفس الكلام من الصباح خايف افشله قدام جماعته دخل واني وقفت ورا الباب مثل ماطلب مني
الشيخ مضايق على هالمهزله يزوجون بنت 19على واحد شايب 80
: يابنتي أنتي موافقه على سالم ........................ زوج لكِ على سنة الله ورسوله
:لاااااا البنت مو موافقه
اهني الكل ناضر في الشخص بستغراب
وليد : صالح !!!
صالح : ايه نعم ياخوي لا تحسب اني مادري عنك وعن فعايلك
في هالحضه ناضر فيه مشعل معقوله هدا عمي !
وليد فيه الرجفه بس موهو الي يبين ضعفه لأحد : اسمع زين بنت اخوي وانا الي مربيها بتتزوج يعني تتزوج
الشيخ : ياجماعه صلو على النبي
الكل : الله هم صلي على محمد وعلى أل محمد
مشعل : يبه خلنا نمشي
صالح : انا ماخلصت كلامي مع عمك
ابو ياسر : ياوليد ممكن تفهمنا شصاير وليش اخوك رافض اتزوج البنت
صالح وهو رافع حاجب مستعرب : ليكون ناوي تزوجها هذا
وليد : ايه رجال وشاريها وش تبي مافيه احسن منه
صالح : عشان فلوسه الي ماتسوى بيزه تشتري بنت اخوك بلفلوس هدا العشم فيك ياخوي ؟
ابو ياسر : حسن الفاضك لا يجيك شي عمرك ماشفته ماهمني مقامك في المجتمع انا ابي البنت دخلت مزاجي وابيها
صالح مسك وليد من ثوبه : وخليته يشوفها بعد
مشعل : يبه هدي نفسك
صالح : روح نادي بنت عمك ماراح اروح الا معها ودا فيك خير ياخوي امنعني وتحمل الي بيجيك
هالوقت جا صقر ومبين عليه البكي وعلى ملامحه الغضب وفي يده سلاح موجهنا على ابو ياسر : والله ماتتزوجها الا على جثتي يا.............
الكل مستغرب من هالهجوم وخاصه ابو مشعل ومشعل الي مو عارفين شي ولا من يكون هالشخص الي يحبها هالكثر عشان يبي يقتل عشانها
الكل راح له يهدي فيه مشعل كره بنت عمه قبل لا يعرفها وخاصه بعد الي شافه معقوله تعلق الشاب فيها كذا اكيد بينهم شي كان الشيطان يلعب بعقلي وافكر بأشياء وانها ممكن تصير مثل رزان واعظم منها بعد
صالح :وليد بتنادي البنت اخذها لو افضحك قدام الجماعه انت عارف شقصدي
وليد بتوتر : خلاص بروح اجيبها لك
كل هالأحداث صارت وشوق عند الباب دموعها على خدها
معقوله هذا عمي ويقول بعد انه ساكن بالكويت مسكين وعلى قد حاله عنده 5 عيال ومايبي يربيني اخر شي توقعته عمي اهني وله مكانه كبيره بالمجتمع ولمصيبه صقر وش راح يقولو عني الله يستر
وليد بحده : اضن سمعتي كل شي ضفي وجهك ولمي اغراضك
شوق : بس ان
وليد قاطعها : لا بس ولا شي ترا واصل حدي ادا ماجهزتي والله اني احط حرتي كلها فيك 5 دقايق وجي اشوفك جاهزه
رحت غرفتي اجهز اغراضي ومريم وراي
مريم : شوق ايش صاير
شوق تصيح وتحضنها : مريم عمي بياخدني بروح عنك
ساره : شوق الحقي اخوي اخد البندقيه شكله ناوي يقتل المعرس
مريم : توك جايه خلصت القضيه وانتي اخر من يعلم
ساره : بعد عمري شواقه سامحيني حاولت امنعه ماقدرت ترا جايه ركض وصالي ساعه ادق الباب وتوه فاتح عمك وعطاني كم كلمه محترمه
شوق : مسموحه الغلط مو منك وكدا او كدا هالزواج ماكان بيصير
ساره : ليش وش صاير اتركي هالملابس من يدك وجلسي وفهميني
شوق : ماعندي وقت 5 دقايق وبيجي بيشوفني جاهزه عشان عمي راح ياخدني معاه
ساره : لحظه استوعب وصارت تعيد كلامها عشان عمي راح ياخدني معاه ايش قصدك
شوق : سالفه طويله عريضه الحين مستعجله والله خايفه مادري حتى وين بياخدوني
مريم : ياشوق عمك طيب ولا تضايقي مافيه اطيب منه
شوق : انتي حسابك بعدين كل شي ورا عمي ولا تخبريني شي
وليد : يلا جهزتي
شوق : بحط لي بس
وليد : لا تحطين شي ماراح تحتاجي لهالملابس الي من سنت جدي
ساره : هههههه
وليد : انكت انا
ساره : لا محشوش
وليد : ااايش
ساره : اقصد محشوم ههه
ابتسمت لها زين منه ماكفخها هو منقهر وتجي بعد تستعبط عليه هههههه لبست عبايتي وودعت مريوم وساره كنت اصيح شوي وضحك على خبال ساروه فديتها تسوي اي شي عشان تخفف علي رحت ورا عمي وقلبي طبول وقفت على باب الحوش وشفت رجال شكله اكبر من عمي وليد من ملامحه حسيته يشبه ابوي لان معاي صوره لابوي
وليد : هدا عمك صالح
رحت له وسلمت عليه ورد علي السلام طلعنا من البيت بعد ماودعت عمي وليد وتوجهنا للسياره تفاجئت بلي اشوفه سياره مررره حلوه كأنها لشخصيات كبيره لونها اسود ماعرفت نوعها واصلن من متى واني اركب هالسيارات لو قد شفتها في هالحي انتبهت لثنين اجسامهم ضخمه عضلات جاو لنا وواحد فتح الباب
: تفضل طال عمرك
دخل وقالي ادخلي ودخلت معاه وكنت مدهوشه سياره فيها تلفزيون
صالح : تقدري تفتحي وجهك السياره مضلله
ماصدقت على طولت فتحته اختنقت من هالبوشيه (الطرحه الي تلف على الرأس ويغطى بها الوجه ) وثاني شي جايني فضول ابي اناضر زين
صالح : شوق ابيك تطمني دامك معاي ماحد يقدر يضرك ولا يأذيك وسامحيني لو اخدتك عصبن عنك او بغير موافقتك
شوق وهي مستحيه : لا ياعمي اني جايه معاك واني راضيه
صالح : تبغي تعرفي ليش وليد رباك ليش مو انا الي ربيتك او كيف توفو اهلك
شوق : يا ليت تقولي الصدق ياعمي لاني لحد ها لحين مو عارفه الي صاير
صالح : بس قبل كل شي مابيك تلومي او تكرهي احد الي اقصده عمك وليد مهما كان هدا عمك
شوق : ان شاء الله
صالح : عائلتنا كانت من احسن العائلات كنت انا الاخ الاكبر لوليد بعدها يجي ابوك عبد الله وكان عدنا اخو اصغر كان المدلل في عايلتنا وسمه زكي كان الخوي وليد يتابع له شله فاسده وواحد من هالشله صار يخاوي زكي مع الايام تغير زكي 180 درجه ماكان زكي الي نعرفه يجي اخر الليل سكران كنت عارف بس انا وابوك حاولنا ننصح فيه بس مافيه فايده
.ناضارني. ايه لا تستغربي وليد كان يتابع هالشله بس كان حده دخان و مره هددت وليد عشان يبعد صاحبه بس انكر هالشي كنت اكلم زكي كمان بس خلاص الولد ضاع وفيه يوم جانا صاحبه وهو يبكي يقول ان زكي توفي
حطيت يدي على فمي : ماااات
صالح : الله يرحمه
شوق : الله يرحمه ويرحم جميع المؤمنات ولمؤمنين
صالح : عرفنا انه مات بجرعه مخدرات زايده الله يكفينا الشر
امي حزنت كثير صارت لا تاكل ولا تشرب وابوي كان معه القلب بعد شهرين من هالأحداث مات الله يرحمه ابوك لما سمع هالخبر جاء وجلس مع امي شهر تغيرت نفسيتها شوي وصارت احسن من قبل وأطر انه يرجع لبنان يكمل دراسته بعد سنه جاء ابوك يقول لامي انه يبي يتزوج بنت من لبنان امي رفضت هالشي كل أم تبي تزوج ولدها بنت عفيفه وطاهره مو من بلد غرب (أعذروني على هالكلام بس حبيت اقول لكم ان هدا اغلب تفكير الامهات مو أي بنت لبنانيه مو محافضين على نفسهم بعضهم مسلمين ومحتشمشن )
حاول معها بس رفضت كان متعلق فيها لدرجه انه تزوجها بالسر
شوق : وكانت امي
صالح : ايه امك الي عرفته من ابوك بنت مره طيبه وحلوه زي القمر مثلك مشاء الله
. نزلت راسي بخجل . وكمل كلامه وهو مبتسم : تزوجها وعاش معها في لندن بعد سنه ابوك وامك صابهم حادث امك توفت الله يرحمها بس ابوك كانت حالته حرجه كنت اخدك له كل يوم كان عمرك 7 شهور لما توفي ابوك وصاني عليك اربيك وهتم فيك رحت لامي ونهارت بالي صار وماتقبلتك بالبدايه كانت مصدومه ودايمن تجلس لوحدها وتصيح عشان كدا اخدك وليد لان مرته ماتجيب عيال اخدك بدون علمي وسافر من هداك الوقت صرت ادور عليك لحد مالقيتك كنت اراقبك من بعيد ماتجرأت كلمتك كنت خايف من انك ماتتقبليني بحياتك
شوق : يعني عمي وليد خطفني
سمعنا السياره توقفت شكلنا وصلنا
صالح : انا ماقولك هالكلام عشان تكرهيه مهما كان بيضل عمك
انفتح لنا الباب ونزل ونزلت بعده
سكت واني في دهشه معقوله اهني بعيش !!!!!!!!!
ايش المفاجأت الي بتصير لشوق اكثر من الي صارت ؟
هل بتكره عمها اكثر من ماهي كارهتا بعد الي سمعته عنه ؟
مشعل الي ماحد اهتم في رايه تتوقعو ايش يدور في باله ؟
|
29-10-10, 10:17 AM
جديد مواضيع قسم القصص المكتمله من وحي قلم الاعضاء
العرض العادي
