الشراكة التعليمة


حلم لابد من تحقيقه حتى يتم نجاح العملية التعليمية وكل أسره لابد ان تعمل على انجاح الشراكة التعليمية وتكون شريكة بحق وحقيقة للمؤسسات التعليمية حتى ينج برنامج التعليم

ماشاء الله كسبنا شااعر ..ومحااور من الدرجه الاولى ..

اتمنى يكون لك بصمه في حوارتناا الدائمه ..عبر منتدى الحوار الجااد ..>>فيس يستغل الفرص ههه

موضوع الشراكه التعليميه او العنف الاسري من اكثر المشااكل التي يواجههاا جيل هذا العصر ..

ونتمنى فعلا ان يكون هنااك وعي أكثر ..وتفااهم أعمق ..لأبناء هذا الجييل ....

شاكره لك اخي تزويدناا بهذه المعلوماات ..

بعض قصائدي


صــرت لــيلـين يالــــــيل السـهر = والسـهر فـي جـفـــــــونـي لـــه رمــاح

لـيـلتن كــلـهـا هـــــــــــم وكـــدر = وش حــدا الـعـيـــــن عـن حـلو المراح

مــن طــرالـي وشــتت لـي فــكــر =زاد لــــي هــم قلــــــــب ما ســـتـــراح

ان ســكـــتنا تـــبلينا الـــصـــــبر = وان شــكــينــا تــــجاوبـــــنا الــــجــراح

لــيلــــنا مـــاعــلى صـدره قــمـر =وان زمــــا نـجـــــم ذاك الـــنـجـم طــاح

كــل مــاقــلـت نـيـــــتهـــــا مــطر =غـيـمــــنا مــاســتــــقــــر مـــن الـــريـاح

هــي مــقـادير هــي غربـــة عـمـر =هــي مــشــــاريــــب مــافـيــــهـــا قــراح

مــدري الحــظ مـعـطيــنـي ظــهـــر =مــدري الـوقـــت زود نـــــي شـــــفــــــاح

والــلــه انــي لـــطــوعــهـــا كــــدر =طــيــــر شـــلــــوى مــــن طــــــيور الفلاح

ايــــه لاطــلـــت يـــاذراع قــــصــر =الــهــــدف صــــعـب والـعـــــزم الــســلاح

لــيـــن احـقـــق بـد نيــــاي الـنــــصـر =وقــــتـهـا اقــول يـــانــــــفــسـي ســـمـــــاح

بــــيّـــــن الــــــنور يــالــــــيــل السهر = الــعـصـا فـــــيـــــر غــنــت لــلـــــصــــبــاح














يــــــاانـــســـان انا اخـــاطبــك بحساس الانسان =طــال الحـديث ومـــاتغيــر بـك شـــعــــــور

ونــــا مـــثــل مـــاتشـــوف ضـــايق وتـــعــبــــان =حـتـى الــحــكـي مــاعـادلـي فــيـه مــقـدور

فـــيــني كثــــير وعـــلتـــي مــــالـــهــــا الســان =وجـــّّمع انفــــــا ســي غـــدت وسط حـاشور


بـــيـن الــطـموح وخــطــوة الـرجـل شــــــتـــــــان =وبـــيــن الـحواجــز تــســرق اعــيـوني النــور


جــيــتك امــل جــيــتك غــلا جـــيــتك اوطــــان=مـــاعـــاد لـــي نـــاسٍ ولا عـــــاد لــــــي دور


محتاج قـــلــبـــك يــعـــــطي لــــقـــلــبــي امان =ومـــحـــتاج لــي مـــع صدري المـتعب صـــدور


مــحــتاج اســـولف لــك عـــن اشواق وشجـــان =ومـــن الزمـــن مــقـــهــور مقــهورمـــقـهــور
















يا سعود وين اللي لهــــا القلب ملتــاع = مـن تحتــويني حب وتّحــــــــس فـيّه


الوقت طال ولاهـــــــــب الشــوق بتّــاع = نـــارالـــــهــــوى في مهجة الصـب حيّه


تعــيـــــــش بافكارى وما بين الأضلاع = بـيــن الحـنـــــايا العوج عرش الـبنيّه


أم العيون الفاتــــنه حــور ووســــاع = ومـن الرمــوش أخــدودها وسـط فيّه


الله عطــــاها حســــــن منطــــوق وطباع =سبــحــان ربــي كـلـهـا جاذبــيــه


إن سلهمت عز الله إن الـــولــــد ضــــاع =وان ســــولـفــت هــتــان يـاحي حيّـه


ريحــــــانة الأنـــفاس عــنبر ونعــناع= مــــدري عـســــل ممزوج وســط الشـفيّه


ترفع حريرٍ فــوق ذاك النـحــــــــر ماع=وانـــا جـــــداي اوّن وافـــــرك يـــديـّه


مسكت نفــسي خفت لاطـــيح بالقـــاع=إن طــــحـت أكيـــــد البنـت تـضــحك عليّه


يا ليتها تلمــس في الـــــروح الأوجاع= وتعــدها فــــــوق أربــع آلاف مـــيــه


وتـــعطــــيني عــلاجٍ لــلوجاع نـفاع=أوجــــاعـــي الـلي عـن سـواها خــفــيـّه


وانا علي أوقد لها شــموع الأصــــباع=واهــدي لهــــا عــمري بـكفي هــديـّـه




ياشين صــــكات الـــليالي يـابو زيد = تـــــعــــودني ليــن انهــا بيــدتني

قــــوي باسي مير هي كـــيدها كـيد = عـــجزت اطــــوعها ولا طـوعتـني

تسوقــني غــــصب علـى غـيرماريد = والـيا بـــــدالــي لازم خـالـفــــتـني

تـــصد عني من وانـــا تــوي وغـيد = جـــاهـــــدتها ليــــن انها شيـبتـني

عــــطشـــان وايـامي قــليلة مواريد = وماتــصدق الاحلام لـــو واعـدتــني

كــل ماتزيد اعنادها طـــموحي يزيد = ودنـــياي من كثر العـنا غربلـــتني

مغير اجاذب حاميات التـــناهـــيــــد = وش حيلـتي دام الظروف اكسرتني

وقـــفت وقــفت شامــخات الجلاميد = مـــهما تجي من ريح مـازحزحتني

وهذا وانا محروم مـــن فرحة العـيد = مــاغير اجـــاحد ضيقة ٍ حاشرتني

عونتك ياربي وانــــا رجــــل ٍ وحـيد = والناس من دونك مـــاهي نافعــتني




الله على اللي روّحت كنها الغــيم = غيم ٍقــفاه العاصف الـلي غدابه

ان نشنشت ماكنها الا مــن الديـم = ديم ٍ سقى في رفق يابس ترابه

كنها ليا شتـغلت تعـزف التقـاسيم = لحن الـفـريد او جرة ٍ من ربابه

فزاتها تشبه خشيـــف ٍ من الريـم = ان شــاف ظــله زاد فيه ارتهابه

اصناعه الـــماني حداثه وتصمـيم = امـواصـفـات الـبي ذوق وذرابـه

حـــدب ٍ زواياها تـقول المـرازيـم = تـشــبه ادباحـتهـا ادباح الـذيـابه

ماطـــبت الورشه صيانه وترهـيم = مـتـمــيزه دايـم ضمـان وصلابه

سريت وقت ٍخالي القـلب به نـيـم = نـفـسي جزوع وهـم قـلبي عثابه

اسرفت بالسرعه ولاوصلت الـتيم = جـــاوز مـوشرها حـدود الكتـابه

شاشاتها تعـطي رمـوز وتعـالـيـم = بالبـرمجه وضع الطريق وصوابه

وجهـتها يمـة ولــد عـمي دحـيــم = ليـن انهــا تـاقـف عـلى حــد بابه

ابـو محـمد مـن رجال ٍ شـغـامـيم = لابـة حــــمـــادين ٍ مـاهي أي لابـه

عزيز نفس وشاعرٍ جـزل وفهيم = طـيـّب وانا الطـيب لازوم اهـقابه

عنيت له من جورالايـام والضيم = يـفزع وفعـل الطــيـب دايم هـبابه

ابااشتكي له من عـنا وقـت ٍمقيم = شـي ٍ نشـبلي في حياتي نـشـابـه

كثرالهموم اللي غدت لـي مقاسيم = ضــغـوطها تضفي عــلي الكأبه

تارد على نفسي وردود المجاهيم = الـلي حـداها القيـض ترد الـلهـابه

شربت من جـم العنا شربة الـهـيم = ليـن الفـضاء ضاقـت عليّه رحابه








دنـا وقـت الرحـيـل وشال طرقيّ البلاد وقاد =عسى له بـ الطريق اللي نواه الخير والخيره



ثمان سنين يا سيف البحر واللي مضى ينعاد = غريب الدار وش بـ يديه وأن طالت مشاويره



ثمان سنين جنبك ما أهتنيت بـ فرحة الأعياد =ولا شـفـت الـربـيع الـلـي تـفـرحنّي نـواويـره



تعب والحــــــــظ ناسيني ودنياً كل بجـــهاد =ولا للعبد يا كـود الـرضـا لـ حـكمة مـقـاديره



أمانه مـعك يـا سيف الـبحر وان مـر بك نشاد = حريص لـ شوفتي متعب على دربي مداويره



قل أعرابي ولا لـه غير عن ذيك البلاد بلاد = قل أعرابي على تـراب ٍ ربـا به تاخذه غيره



قل هبال البدو كله بـ راسي زاد فيّ عناد = أحب أرقى السنود اللي عسيرات ٍ مظاهيره



ما دامه بيننا يـا نجد في ذاك الحمى ميعاد = أنا جـيـتك غـلا قـلب ٍ تـزغرد لك عـصافيره



أنـا جـيتك وشـوقي فـي خـفوقي لاهـبه وقـاد = عـلى شـان الـوفا يـا نجد بـعت الـدار والـديره



عـجزت أعيش عنك بعيد يوم ٍ غبت به لا عاد = مـا خذت من الغياب إلا السهر والهم والحيره



لشـوفك يـسفهل الـخاطر الـلي زاد هـمه زاد = عـليك يـموت وجـد الـيا تـذكر سـالف السيره



لحقني ما لحقني مـير يـا نجد الـغلا وش عـاد =ما دام إن الـخـفوق لـ شـوفتك تـنفل أساريره



ما دام إن الـمطيه ما تبي غـير الـرسن وشداد =أجـل راع الـغـلا مـجبور لـو كـثرت معـاذيـره[/poem]










اناجيك فـ احلامي وفي يقضــتي مــاالقاك=جـــزاءلله أ حــلوم الـــليل جابـــتك قــدامي
تقول اصح يانايم ترى الـلي تــمنى جـاك=من الفرحة اقسم ما قـوّت شيلي اعــضامي

سلام الغلا برفــــــــوق مديت لي يـمنــاك=وجلسـنا نســـولف قصة الحزم والضــامي

تـقول آه يالشاعر واقول الشـعـــر يفـداك=هجـرت الشـــعر من غبت يامـصدر الهامي

تصورت يالمــزيون في روعـتـك محـلاك=خـدودٍ كـــما الــتــــفـــاح مع مـــبسمٍ لامــي

عيون اشقرٍ والكحل في مقـــلتك يزهــاك=ضـلال الرمــوش وصــافي الخــــد ووشامي

وعودٍ شـكى من اللين جلّ الـذي ســـواك=حويـت الحســن والعـقل علــقـــته وسامـــي

اناجـيك فـ.احلامي وفي يقــضــتي ملـقاك=جـزاء الله احـــلوم الــــليل ماجـيـت قدامــي





تلاقيــنا بعد غــيبــــة طويلـة =بـليــله عــن عـــواذلــنا اختلينا

تذّريني عــن البــرد الجديلـه =تعطــرني عـــطور الــياســـمينا

تسولف لي حكاية ألــف ليله =وتحمــد ربـهـــا يــوم التـــقــينا

تسولف لي عن أيامٍ ثقــــيـلة =تقـول بـ. نــارفرقـــاك اكـتــوينا

جمعنا الحب خل ٍ مع خلـيلــه =تعاهــــدنا بـــوفانا مـا حيــيــنا

تهامــسنا على ضوء الفـتـيله =دعـــانـا داعي الـحـب وســرينا

تقول البعــد يا نور القبـــيلــه=واقــول اقدارنـا غصــبٍ علـيـنا
وبأن الدمـع بالعــين الكحـيله =ونـــار الشـــوق خلــتــنــا بكينا



أنا جيتك على نفـــس الطـــريق اللي معه مدّيت = أنا جيتك عقب طول الغياب أرافق أشــواقي

أنا جيـــتك و لا تســأل دخــــيلك لـــيه أنـا ردّيت =أنا ما جابـــــني لك غــيـر حبٍ بالحشى باقي

مســاءاتي حزينه وأنت في فكر القـــلق حلّـيت = شكيت وما لقيت إلا قصــيــدٍ يحرق أوراقي

سكون اللــيل وآهاتٍ صداها يحتـضــر في بيت = لــك الله و انسراقات الكرى ما تذكر ارماقي

تخيّل يا حبيـبي مــن همــومي وش كثر عانـيت = أنا هــــــمّي كبيــــرٍ ما يعرفه... غير خلاّقي

صباحي هم بعدك والمساء هم ٍ معي لـ.امسـيت = أموت من العطش وأنا فـ. بابي يجري الساقي

غريبٍ و ضاعت دروبي بغيــــت دروبها ضليت = غدا عمري رحيـــل و صورتينٍ تسكن إحداقي

ضلوع ٍ تعبت تهدّي خفـوق ٍ ما نساك وجــــيت = تخيّـــلتك بحـــــلــــمي سيّدٍ فــي عرشك الراقي

طلبت أحلى القصيد وقلت يا وبل الحيا هلّـــيت = عسى الشعرالذي ما يطربك ما يعيش فـ.اعماقي

أنا جيـــتك على نفس الطريق اللي معه مــدّيت = أنا جيتك و باكر عارف انه مـــــوعـــــد افراقى [/poem]










































لـليل معــنى في حيـــاة الـمـــحبــــين=يلــقون فــي صــدره مناجى مع الذات

اللي بدرب الحــب يمشون ضـــامــين=يقفون في صمــته مع الشــــوق وقــفات

يلقون باهات الــهوى دافــيه حــيـــن=يفـــوت ثلـــث الـلـــــيل ونّـــه وزفــــــرات

وانا من اللي لـ اسود اللـيل مـغـلــيـن=الــلي لـــهــــم فــــي عالم الحـب سجـــات

لي قصةٍ مع عتمته عمرهـا اسـنــيـن=كـم لـيلـةٍ صـارعـــــت الاشـــواق ساعات

دايم مــع اشـواقي في الليل ســـاريــن=في صــومـعـــة حـبي جـداي الــــتـنهـات

يـــاخـــذني التفـكـير يــم البعـــيــديــن=بــينـــي وبيــن الشعر والـحب جـلسات





عــــلى هذا المكان اللي سكنته والسنين سنين = وانأ تـــوّي صغير ٍ ماعــــرفت الهـم وأسبابه

هـــــنيا كانت ألعابي هنيا كــان بـــيت الطــــين = هـــنيا كـــنت اغـــني للمطر وابكي عـلى غيابه

وحيد الله يالـــــوحده يا هي أقسى من السكين = إذا قطع شرايـــين الخفــــوق وقــــســــم أربابه

وحيد وكم تمنيت الفراش يضـــــيق بالــــغالين = أبـــي أخـــو ٍمثل عـــمري يشاغبني وانا الهابه

اعاني ليلي الشاحــــــب ياكرهي للضلام الشين = بحضن الرحمه اهـــداء واطمـــئن البال واسلابه

أبوي اللي ليا شـــفــته ماعاد أسأل عن الباقين= تهادى بي أكالــيـــل الـــفرح ليمن ضــــحـك نابه

هو العالــــــم بعيني والغلى والشوق والغاليــن = وانا حلـــمه وكــــل الناس في عينه وانا احــــبابه

اصابيع الطفل تعـــبث بلحية راعي القـــلبيــــن = ويـــطــــوقني في أيـــدينه وانــــا حــيل اتلوى به

كريم ٍ لو طلـــبته مـــابخل بعيـــونه الـثـنــتـــين = مايســـألني مدام اللي في الخـاطر هـــــو ودرابه

ياكم ليل ٍ سألــته لــــيه مـــــاغيري ولو طفلين = ولاكنت افهم ادموع ٍ تحـــجر من ورى اهــــدابه

ولاكنه يواسيني ويحضــــني بعطـــف وليـــــن = وانام وهـــو يعاني مــن سؤال ٍ وقض اتعــــابه

وعلى صبح العصافير وتردد هـرجة الــصاحين = صحيــت وكنـــت ناسي ليــــلي البارح ومــــاجابه

تغني لي حمامة دوح واردد لــهـــا تلـــحــيــن = تعرف اني ابادلها الغلى وشعور مــــــتــشـــابــــه

غـدا كل الفضاء ملكي اهيمه وين مابـغى وين = مثل طير ٍ قدره أنه يغرد يـــغرد خـــارج اســـــرابه

اعوض حزن ليلي بالمرح والهى مع الاهيــــن = نهاري عمري اسعــــــدبه وافـــرح به واحــــــيابه

واذا شــــفت بـــطريقي اخوة ٍ متماسكين ايدين = امسح في كفوفي دمــــعي الــــلي هـــل صـــــبابه

وعــــوّد مـــنكسر خــــاطر محــطم تايه ٍ حزين = ولا .ادري الا وانـــــا في بيتـنا واقف علــى بـــابه

وتكبر بي سنين العمر عشر وسبعة وعـشريـن = ولكـــن لــــلأسف حزني حــــبسني تحت جلــــــبابه

وفـــــقدت الغالي اللي راح مني ساعة اليـــقين = أبــــوي اللي خذاه الوالي الــــــــخـــلاق لــرحــــابه

فــــقدتــــه لكن أشوفه في وجيه اهلي الحـيـين = احســــه فـــي حــــياتي واتـــــذكر حــــلـو ترحــــابه

عساه بجنة الفردوس دار الصــــفوه الـــعالين = يـــاربي وسع القـــبر الصـــغــــيـــر وبــــرد تـــرابه

طلبتك ياعـــــظيم الشان والسامع يقول امـــين = تجــــيـــره مــــــن عـــذابــك ياعـــظيم وبيّض اكتابه















البـحـر يـردم غـضــب ومـجرحٍ ســيفه= كل الزعل زفـــــرة امواجه تــجلــجـلهـا
يكــبـر غـضـب يـاعـتلـي ومواجه مخيفه = ويــرمي بــنفسه عـلى الـمينـــاء يقبلها
أيـــام هـادي وبـعـض أيـام يـاحـيـفـه=مابين هجر الرمـال وبــيـــن واصــلــهــا
والــقصــه الـريــح مـاجتله عـلى كيفه= والرحـلـه الـلــي نـواهــــا مـأيـكـمــلها
لــو كــان حــلـم الـوصول يوازي لطيفه= كــلٍ وصـل لــلـثـريا فـــي منازلـــهــا
لـــو كـان كــل الـفـصول انتاجها مريفه= ضــاعــت زهــور الــربيع الـلي نغــازلها
مشـوار الايــام مـــر ويــــــــاتــكالــيفـه= والنفــس عــافـت مــن اعـلومٍ تجــملها
كـلــش تغـير وكـلــش خالطأأــه زيـفـه=حــتــى الـمـشـاعر لها ناسٍ تبدلـــــهـــا
يا جاير الــوقت ياقـســوة صـواديـفـــه= ياحـظــي الـلي عــجز يــقــوى ينـــازلها
مره يـقــول الــوعد في قمـة امـنيـفــه=ومــراتٍ اضــعــيف وعلـــومـه تهـــــازلـها
ابـيــه يـاقـف وقـدر لــه مـواقـيــــــفـه=ابـيـه لـلــعــالـيـه مـثـلـي يـخايـــــــلهــا
ابــيـه قـدمــي مـابي كثــرت تعجريفـه=ابيه ذيــبٍ وصيـــداته يـــحــلـــــــلـهـــا
وسـنبــوك الاحــلام ضــاعت بـه مجاديفه= بالـغـبه الـلـي بعيـداتٍ مــجــاهـلــــهــــا
تقفـيـبه الـريح وتــخــاويه وتعـيـــــــفــه= ويقبل به الــموج وعـزومـه مبــــطـلــهـــا
لانـي مع الامــس والـعـز وتـواصـــيـفـه= ماعـشت وقــت الكفاح وخـــوة الـبـلـــهــا
ولاني مـع الـيوم والعـصـر وسـوالـيـــفــه=حـــــاجات مــــــاحبها احــسن لي اجهلـها





على رغم الظروف اللي حدتني جيت لك ولهان =تسابق خطـوتي أشـــواق بـ.اقصي الروح تدفعـني



أحمّل الذكريات اللي مضت خوف ٍ من النسيان =أفكر كــــيف أبيّــــن لك ظروف ٍ عـنك تمنعـــني



عظــــيم الشوق في قلبي يهز الروح والوجدان =أحاســيــســـي تـفــــــجّر داخلي فرحة تعـانقـني



أبــيك تشــــوف حال ٍ كــل يوم يزيد في نقصان =أبيـــك اتـــــفرج أحـزان ٍ على نفسي تضايقني



حياتي يا مناتي يا ملاك بصــورة إلا نــــــسان =مــــلاك ٍ مالـك روحـي خيـــــاله مــــا يفارقــني



بنـــيت بوسط قـــلـــبي منزل ٍ لك عالي البنيان =أنا منســـــــاك لو. ان اللــيـالي عـــــنك تبعــدني



ترى لاغبـت ياروحي يصير القلب لك عطشان =هـمـــوم ٍ يا بعد عـــمري لا منك غــبت تحـرقـني















يا غايبه غــابت معــــك ضحكة الشمس=ليه القمر في غيبتك تقتليــــــــــــنه

والشـاعر اللي خاطره عـــــقبكم عمـس =يمـوت وان صـاح الـقلم في يمـــينه

وقصيدةٍ أحساسها تلمــــســه لمـــــــس=تخبــــرك عن كل الذي تجهلـــــــــينه

والدفتر اللي قد قريتــــيه بالأمـــــــس=في رفـّـــك المــظلم خطى تسجنـــينه

والخافــق اللي بالــغلى نبضــته رمس=منهـو يحس بـــلوعته فــي حنـــــــينه

وليل الغـــريب اللـي تكـحل من الطمس=الغــربه وهــمــه وقـــاسي سنــــــــــينه

والموعـــد اللي ينتظر نغمة الهمـــس=حــتى الوعد يــاقاسيه تـــهــــجرينـــــــه

ياغــايبه عــودي مع ضــحكة الشـمــسِ=وخــلي الـــقمر يابـــنت لاتقــــتلـــــــــينه





سافرت أبا نسى الواقع الصعب وأنسـاك =بــ ادفن فـــــي الغربة مشــاعر حزينه

ابـاتخــــلّـص من حـــنينـــــك وذكـــراك =وأنتي خــــلاص أرجـــــــوك لا تذكرينه

برحل عسى عمري سفـر وأترك احماك =كود الخـــفـــوق يــعــود يسكن عرينه

ابــاترك أفكـــــــاري تهاجر بلــــيـــــاك =أبطــــــــلق العـــــقل الذي تمــــلكــينه

ابـ اهـــجر أحـــزاني وسهـري وطرياك =الحـــب ضـــاع مـــن الـــــيدين الأمينه

بـ اصبر على قـــلـب ٍ جـــــــريحٍ تمنـّاك =داســت عــلــى أحلام الطفوله سـنينه





قلت أسّير واشوفك واخذ اعـــــلومك =أتمسى بوجهـــــــك يا نـظـر عـــيني

عدّني ضيف جاء من جملة اضـيوفك =لا تشيـــــل وتحـــط وتحــتفي فيني

بجلس بزاوية منها أقــــــــدر أشوفك=بـ.اتــــمتع بـــــشـوفــــك يا معنيني

أن مشيت انفضحت بضيقة أهــدومك=في جــلوسك تقل شيــــخٍ يـــحييني

أن تكلمت ضعت بنبرة أحـــــروفــــك =يوم تضحـك عــسى ربي يقـــوينـي

سلهم وكل سحر الكون بعيـــونــــــك =عــــين صـابــــتني وعينٍ تـداويني

جمّع الليل ضاع الفــــــجر بــــزلوفك=نور وجهـك فــــــنر عمري يقـديني

رد ملثمك ضعت بروعـة وصـــــوفك=انـت ترميـه لجــل انك تشهــويني.؟

يوم جيتك وجاد الوصـل في شــوفك=ضيّـــع الحلــــم مجنــــــون ٍ يناديني