السلام عليكم


راح انزل لكم البارت الخامس
\
\
\
\
\
\
\
الى البارت
\
\
\
\كان هناك حركه داخل شعبة التحريات
نايف:هاه شباب جاهزين
الشباب ومنهم سامر بفخر وقوه:جاهــــــــــــــــزين
في مكان ثاني مع الاتفاق مع الشعبه
مشاري وهو ياخذ اغراضه من على المكتب:يالله شباب
يزن وعامر بعد ماكل واحد اخذ مكانه في الموقع
يزن:جتك الاشاره
عامر وهو يلتفت صوب السياره البعيده:انتظر

"هناك حزمه من المغرر بهم مجتمعين في استراحه برى الرياض"
سيارات الشرطه محاوطه بالاستراحه والقناصين اخذوا اماكنهم على سطوح الاسترحات المجاوره
مع مشاركة قوى الامن
طايل يوجهه افراد فرقته من جهه وسلمان من جهه
فرقة التحري وسيارات الشرطه وجمس هيئةالامر بالمعروف والنهي عن المنكر
محاوطين الفله من كل جهه

"مكان اجتمع فيه الرذيله والمعاصي والعياذ بالله"

تم القبض على من كان فيها وعددهم خمسه وعشرون رجل وامراءه
من دون مقاومه
سواء من شخصين اعتلى البلكونه في الدور الثاني للهروب واحد تمكنت الشرطه من الامساك به قبل ان يقفز من عليها اما الاول مالحقو عليه

بعد مرور اربع ساعات من الشد والترقب تم ضبط الارهابيين بعد تبادل اطلاق النار من الطرفين لم يصب من رجال الامن احد
اما الارهابيين كان عددهم ثلاثة عشر ارهابي وامراءه
اصيب خمسه بجروح متوسطه
ووجدو بحوزتهم كميه من الاسلحه والذخائر الحيه واجهزة وعدد من الاسطونات والكتب

في مكان آخر
في السياره
رحاب بتعب:متى اولد وارتاح
علي وهو يحط يده على يدها الصغيره:هانت ياقلبي كلها شهر ونصف بالكثير وتجيبين لنا احلى بنوته
رحاب وهي تسترخي على المقعد:الله لايحرمني منك
علي بحب:ولا يحرمن
وقطع عليه صوت جواله هد في سرعةالسياره وشاف رقم غريب رد وهو عاقد حواجبه
:الو
الشخص:السلام عليكم
علي :وعليكم السلام
الشخص:الاخ علي فالح ال......
علي بريبه:ايه نعم ياخوي ايش بغيت
"اعتدلت رحاب في جلستها وتناظر علي بشك"
علي:خير ياخوي ممكن تقولي وش تبون فيني
"اشهقت رحاب وحطت يدها على فمها من ورى النقاب"
علي: ان شاءالله مسافةالطريق
فمان الله
وصكرجواله:الله يستر
رحاب بخوف:حبيبي ايش فيه من ذولي اللي يبونك
علي وهو يغير اتجاه السياره: الشرطه
رحاب بخوف اكثر:ليه وش يبون فيك
علي وعينه على الطريق وخايف لايكون اللي براسه صدق:والله مدري ياقلبي ماقالولي بس ان شاءالله خير المهم بوديك عند اهلك لين اخلص وامرك

الشرطي:هو في الحجز الحين تبي تشوفه
علي بضيق: لا مشكور بس ومايا"مرة ابوه اللبنانيه" ايش صار عليها
الشرطي:راح نطلعها من هنا وراح تتم اجراءات ترحيلها ابوك اصر ان مالها دخل وان هو وبندر"ابوطلال" المتهمين الوحيدين ومالها اي علاقه
علي:طيب كيف صحة بندر
الشرطي:اصابته اللي برأس خطيره ودخل بسببها في غيبوبه
علي وهو يصافح الملازم:مشكور اخوي
الشرطي وهو ياقف :احنا في الخدمه

اما في مكان آخر
رعد بغضب وشياطين الانس قدام عينه حذفهن قدامه ونزل العقال عليهن
:فضحتنا حسبي الله عليكن
لابارك الله في الساعه اللي صرتن بنات عمي"وهو يمرر العقال بينهن" ويسب ويشتم وصدره يعلو ويهبط من الغضب
جلسن يصارخن ويتوجعن من الالم وكل وحده تحاول تحمي نفسها بالثانيه وعلى صراخهن طلعت لهم ام رعد اللي تحاول تفك ولدها عنهن
بس ماقدرت لان رعد هايج وماراح يوقف لين يشفي غليله
آخذ كل وحده من شعرها وسحبهن: آآآآآآي لحقي علينا ياخاله بنموووت
ام رعد وهي تترجى ولدها:اتركهن ياولدي اتركهن
رعد وهو ثأير:موتهن على يدي
سحبهن لين وصلهن المستودع الخارجي
رعد وهو ينافخ من الغضب:لاحد يفتح عنهن خلوهن يخيسن لا آكل ولاشرب موتهن على يدي ال........
"وكزهن برجله"وطلع من البيت وهو مايشوف الدرب من الغضب بيحاول يفكر في المصيبه اللي طاحت على روؤسهم
اما مها ومشاعل يتآوهن من الضرب المبرح ويتالمن بوجع فضيع وهن يسبن رعد ويشتمنه

اما ابوسحر اللي اول مادرى جته سكته قلبيه
سحر آخذها عمها عنده وبيزوجها صبيه اللي يشتغل عنده سواق يكبت على الفضيحه قد مايقدر

الساعة اربع الفجر
وهو نازل من سيارته بعد ماصلى في المسجد
شاف سياره مرسيدس سوداء تتحرك من قدام الباب الثاني للبيت صكر سيارته بسرعه ودخل البيت مهرول واتجه صوب المستودع فتحه بالمفتاح اللي معه وانصدم لما مالقاهن انتبه ان الشباك مفتوح وتذكر ان الشباك ماهو محدد
ضرب الباب برجله:قلعتهن في الوادرين والا جهنم الحمراء
وحلف لوشافهن مره ثانيه انه يثور فيهن

اللي سلم من شلة الفساد ديمه اللي سوت لها عملية ترقيع
لانها انخطبت وراح نعرف من هو اللي خطبها في البارت القادم

صدق بآآآآآرت رآآآآآآآآآآآآآئع ,,مبدعه يآلغآليه,,

مشكوووووووووووووووووووووووووووووووووووووورة

احداث جدا مثيرة وقصة جميلة جدا بانتظار البارت القادم يعطيك الف عافية

هلافيكم والله منورين
يسلمووووووو
لاحرمني الله طلتكم





دمتم بخير

سلام هذا البارت السادس
\
\
\
\
انتشرت الاخبار بين العائله
عند زهور صح انها تضايقت شوي مهما كان ابوها بس لابد من شي يردعه وماراح يوقفه عن تهوره وظلمه الا السجن


قرروا العائله يحطو الزواج عائلي لظرف ابوطلال
"زواج بناته شوق وتهاني"
وابوعلي


بعد اسبوعين
الأربعاء العصر
في بيت ابوطلال
البنات يتحنن اللي بغته خفيف وناعم واللي بغته هندي ومكلف مثل العروستين
مابقى بالغرفه الا روعه وسما وهلا والبزارين
روعه وهي رافعه يديها الثنتين فوق:وحده من البنات الصغار ترفع شعري عن وجهي
قامت بنت دلال ورفعته فوق
سما بضيق وهي تكلم النقاشه:اخلصي علي كتمتني ريحةالحنا افففف
هلا وهي تضربها بكوعها على ظهرها:يوم ماتحبين ريحته وش اللي حادك تنقشين
سما وهي تتقدم من وجع الضربه وخربت خط النقاشه الهنديه:آآآآي ياجعلك للماحي انتي ومشعابك
النقاشه بضجر:ايس فيه انته ليه مسكل كتيل خلص فيه روح بلى انت"تاشر لهلا تطلع برى"
هلا وهي ترفع حاجب:انا بنت ابوي بنته مابقى الا هيه "وعصبت"اقول تلايطي لمسك من قشتك وارميك رمي كلاب
النقاشه بضيق خلق:انته كلاب
شهقت هلا:وجعوه توجعك ان شاءالله
ماتت سما وروعه ضحك
وسما من كثر ماتضحك اهتزت يدها وخربت الخط هنا عصبت النقاشه ووقفت :قوم قوم انته حلام تسوي هنا
"قوم قوم انتي حرام تسوين حنا" وصارت تجمع اغراضها لان هذا رابع خط تخربه سما
وسما من كثر ماكانت تضحك وتحاول تسكت عجزت تقنعها تكمل شغلها يد في نقش ونصها ملخبط والثانيه لا:ياهي انتي ياهبله ار "وماتت ضحك"
النقاشه وهي تلبس عباتها متنرفزه لانها من الظهر وتنقش البنات:لوح مافيه شقل انته واحد صغيل ومخ صغيل يسوي كدا ويسوي كدا"تقلد سما وهي تتحرك"ايس مسكل مجنون انت"وهي تأشر بيدها جنب راسها"
البنات ماتو ضحك
النقاشه وهي عافسه وجهها ومعصبه: استغفل الله "وطلعت"

توهقت سما في الحنا الملخبط واخر شي لحقت النقاشه عند الباب:ياصفيه الله يهديك خلاص توبه"وتسوي نفسها تبكي تبي تكسر خاطر الهنديه"
صفيه على نياتها:كلاص كلاص يسوي هنا انته"وتأشر براسها للبيت"يالله داكل سوي هنا سريع
سما وهي تعداها وماسكه نفسها لاتبخها ضحك:الله يوفقك ياصفيه يابنت الهندي والهنديه
وصفيه من وراءها تمشي ماتدري وش تقول



يوم الخميس
يوم الزواج
خلصن البنات على المغرب
نزلن العرايس كل وحده بجناحها وجلست معهن ام سهير وام طلال وجود بينهن
شوق كانت لابسه فستان من تصميم ايلي صعب روووعه مع الطرحه الخليجيه والمكياج السينمائي طالعه جنااااااان
اما تهاني فكانت لابسه فستان ناعم وبسيط من تصميمها هي وتسريحه ناعمه ومكياج لبناني والمسكه ورد جوري
تهاني كل شي فيها ناعم وهاديء حتى ملامحه

في الصاله كان الجو صاخب ورقص وناسه والبنات ماخلو اغنيه الا رقصو عليها خاصه جود وليالي ونوري وساره

عند الرياجيل
عكسهم كان الجو هاديء
بس اثنين باين عليهم الحماس وهم المعاريس فياض ويزن واللي يتشابهون تقريبا في الملامح والطول بس فياض اطول واسمر عكس يزن اللي ابيضاني واقصر من فياض بشوي
طلال وهو جالس بين المعاريس ويعلق عليهم:لا في نكته جديده توها جايتني ابق
فياض:واللي يرحم والديك اعتقنا لوجه الله ازعجتنا
طلال وهو يضحك:وش فيك ياخي خبري اللي توتر العروس مو المعرس
فياض وهو يكلم اخوه رعد اللي مر عليهم:تكفى يابوعبدالله فكني من النشبه اللي بجنبي
رعد يبتسم على شكل اخوانه المتوترين وطلال رافع ضغطهم
:اوريك فيه"ويغمز بعينه لاخوه"
ويوجه الكلام لطلال اللي منرفز يزن"بشوية جديه:طـــــــــــلال
طلال فز على طوله:ســــــم
بغى يضحك رعد على شكله بس مسك نفسه:خالي بوطايل يبيك
طلال:اييي جاك الموت ياتارك الصلاه"ومشى" فمان الله وادعولي الله هالله بالدعوه الصادقه

ضحكو العيال على خباله


على الساعة12 خلص الزواج لانه عائلي


في فندق روزوود"في برج الفيصليه"


فياض وهو ماسك يد شوق بحزم عشان ماتقدر تسحب يدها:ياشيخه خليني اروي ظماي بشوفتك
شوق وهي مستحيه مره وتحاول تسحب يدها:فياااض
فياض بحب:ياعيون وقلب وروح فياض آمريني بس
شوق بحيا:اترك يدي
فياض وهو يمسك يدها الثانيه ويجمع كفوفها الصغيره بين كفوفه:غـــــيره




في فندق فور سيزونز"في برج المملكه"

اما عند يزن اللي دخل يتسبح بعد ماكب صينية العشاء عليه من الرجه
سمع تهاني لسى تضحك:هين يالعصلى تضحكين هاه اراويك
ضحكت تهاني اكثر الموقف مضحك وشكل يزن والعشاء كله بحضنه مع العصيرات تححححححححفه
مسوي نفسه رومنسي بيحط الصينيه على فخوذه ويوكلها بيده



الساعه7الصباح كانت طيارة المعاريس
رحلتهم الى قبرص


بعد الاحداث باسبوع
بيت ابوسعود
في جناحهم

منيره بصدمه:تزوجت علي ياسعود
سعود ببرود:قلتلك من قبل امي وابوي يبون عيال واحنا لنا سنتين متزوجين وماحصل شي
منيره وقد خارت رجليه جلست على الكنبه: الله ماكتب طيب مو بيدنا شي"وتحجرت الدموع بعينها"وانت قلتها سنتين مو خمس سنين او عشر
سعود:انا ماراح اظلمك بياصلك حقك وزياده وبتكونين معززه مكرمه
منيره وعرق براسه بينفجر من برودته: مابي الا ورقتي
سعود وقف معصب:وشـــــــــــــــــو
منيره بنفس برودته:اللي سمعته
سعود وهو يمشي صوبها معصب مسك يدها ووقفها:انا ماتزوجت عشان اطلق طلاق مافيه لوتقعدين عمرك كله معلقه
وترك يدها بقوه وطلع من الغرفه
غمضت منيره عيونها من تركه ليدها بقوه
وسالت دموعه مسحتهم على طول وجلست على السرير بتعب
تذكرت حياتها مع سعود وايامهم وفرحهم وضحكهم وجلست تصيح لين انهد حيلها ونامت على وضعيتها
جسمها على السرير الا رجليها على الارض


رفعت راسها وحست بثقل فظيع فيه تلفتت يمين يسار وين انا تذكرت اللي صار لها بس كم الساعه ناظرت الساعه الذهبيه اللي بيدها شافتها3 الفجر يعني
انا نمت11ساعات يوووه ماصليت لا المغرب ولاعشاء
سحبت نفسها لين دخلت الحمام"وانتم بكرامه"واخذت لها شاور يريحها شوي من التعب والألم
خلصت اخذت روبها وطلعت برى الغرفه ماشافت بالجناح احد
:بكيفه ماعاد علي منه
دخلت غرفتها واخذت من دولابها برمودا جنز وبدي اورنجي
سيحت شعرها الاسود الطويل الامع اللي ياصل لنصف الفخذ
لبست جلالها وفرشت سجادتها تصلي فرائضها
بعد ماخلصت من الصلوات وبعد مادعت ربها انسدحت على السرير تذكرت الحوار اللي صار بينها وبين سعود وكيف ان كلام سعود كالسكين بصدرها
وكيف ان لوطلقها"وتعوذت من الشيطان"مازالت تموت فيه
ماراح اهلها يستقبلونها بالعكس بيردها ابوها عليه وقتها مابقى من ماء وجهها شيئ
فقررت تجلس بكرامتها احسن ولا ان ترجع مغصوبه مذلوله
ولكن في نفس الوقت قررت تذبح حب سعود من قلبها وهي عارفه كيف تاخذ حقها بنفسها

"منيره تربت بين اب وام متشددين في تربيةعيالهم يمكن الام احسن من الاب وارحم بعد ماكبروا"

"سعود رجال والنعم فيه وحيد امه وابوه مايرد لهم طلب واللي نفسهم فيه يسويه لهم ضابط مزيون ابيضاني وجسمه معضل"

الكل عرف بملكةسعود اللي تضايق واللي عصب واللي حزن واللي ماعارض مثل ابوها اللي عنده الدين حلل لرجال اربع ومادامه معززه مكرمها مافيها شي



بعد ايام العصر
فتح الباب ثم عقد حواجبه وبقق عيونه:رائـــــــــــــــــد
رائد ضحك:ايه رائد وش فيك كأنك شايف سكني
علي وهو يخاشم اخوه:لا بس اول مره تسويها وتشرفنا في البيت"وفسح الطريق لاخوه" ادخل حياك
رائد وهو يدخل: امي داخل
علي وهو يضم اخوه:كنت عارف ان قلبك كبير وماراح تهون عليك ام رائد
رائد وهو يطبطب على ظهر اخوه:امي وبتظل امي
علي وهو يفك اخوه والفرحه موسايعته:ادخل ادخل بتلقى ام بطنين في الصاله
رائد وهو يضحك:فديتها قلب اخوها
دخلو جميع الصاله وردوا
:الســـــــــلام عليكــــــــــــم


وقفت هنادي وبنتها زهور من المفأجاه
وراح رائد بحب يضم امه ويبوس راسها وصدرها ويدينها ورجولها نزلت امه معه تحت وضمته بقوه لصدرها وهي تحمد ربها وتشكره انه ماخيب ظنها
اما عند زهور واللي وقفت قضمةالتفاحه في حلقها بلعتها بصعوبه ودموعها اربع اربع
علي وهو يضم اخته:مع ام بطنين بنسميك ام دميعه



بعد اربع ايام من زواجه
في فندق ميركور فاليو

:وش فيهم امي وابوي"قالها بعصبيه
ديمه بضيق:مافيهم شي بس انا ابي بيت بروحي
سعود وقف متضايق :الظاهر كلامي واضح من البدايه ان عدي هالكلام انتظري ورقتك تجيك
ومشى وقبل لايطلع من الصاله:تجهزي اليوم بنروح للبيت
فتح باب الجناح بيطلع يحس انه مخنوق وضاغط على نفسه من شأن امه وابوه قدم فرحهم على فرحه هو وامنيتهم على راحته وحياته


ديمه وهي تحوس بوزها وتكش على الباب:مالت عليك وعلى حظي"وكشت على نفسها" حتى اسبوع على بعضه ماقعدنا بالفندق